بسم الله الرحمان الرحيم
عودة ميمونة ان شاء الله نتمنى لكم التوفيق طيلة هذه السنة الدراسية
بالنسبة لهذه القناة فتحتها باه نفيد بيها طلاب السنة الثانية طب من تقديم نصائح وتوجيهات ومصادر الدراسة وشرح بعض الدروس فنتمنى اني نفيدكم ولو بالقليل
•بالنسبة للسنة الثانية راح يتبدل فيها نظام الدراسة وتوليو تقراو بالوحدة يعني كل متكملو وحدة تعقبو فيها كونطرول وتفوتو للوحدة الي بعدها
•بالنسبة للوحدات عندكم 5 وحدات و 2 موديلات المعامل تاع الوحدات راح يكون 4 وفيهم ليتيدي وتيبي ومعامل ليموديل 2 وفيهم تيدي
•نحكيو شوي على الوحدة الاولى الي راح تقراو فيها كل ما يخص القلب والرئتين الدورة الدموية وعملية التنفس وغيرها فيها 4 مودلات كيما كامل الوحدات والي هوما: الاناتومي والايستولوجي والفيزيولوجي والي راح يكونو ثابتين في كل الوحدات والبيوفيزيك الي تختلف من وحدة لاخرى مع البيوشيمي
♕الاناتومي راح تقراو فيها على القفص الصدري والعضلات تاعو و تقراو على الحجاب الحاجز الي هو العضلة الفاصلة بين الصدر والبطن وعلى بنية القلب الشكل تاعو والاوجه الي عندو وموقعه وتركيبتو من الداخلل وكفاه تتم الدورة الدموية فيه والاوعية الدموية كامل تاعو راح تقراوهم والتعصيب هي يعني ماشي صعيبة لكن تحتاج بعض التركيز
♕الايستولوجي: راح تقراو البنية تاع جميع الانسجة الي تساهم في الدورة الدموية ونقل المغذيات وكذلك الي تساعد في عملية التنفس هذا الموديل هو الي ياخذ حصة الاسد في الكونطرول لذلك حاولو تركزو عليه فهو يحتاج حفظ بزاف باه تشفا عليهم وميتخلطوش
♕الفيزيولجي: راح تعرف طريقة العمل تاع القلب والجهاز التنفسي وتشوفو الضغط كفاه ياثر وغيرها هي ثاني يجيبو عليها في كونطرول بزاف فيها جزئين جزء فيزيولوجي كاردياك والاخر فيزيولوجي غيسبيغاتواغ
♕البيوفيزيك: صراحة مقريتهاش لانو مكفانش الوقت و اصلا نكره هذا الموديل

نعطيكم اخر نصيحة هي حاولو تاسيستيو خاصة الاناتومي لانو راح تسهل عليكم والي عندو مشكلة ياسيستس وميفهم والو يسيي يحضر الكور تاعو قبل ما ياسيستي باه تكون عندو فكرة واش راح يقرا ويزيد يهز ملاحظات او يصحح معلومات كان هازها بشكل خاطئ
نتمنى لكم التوفيق والنجاح وفقكم الله ❤✨

بالنسبة للفيزيولوجي كاين سيف الدين مزعاش وكاين مريم تقرا سنة رابعة طب بكلية باتنة شرحت فيزيولوجي بلبولي تاع باتنة الي حب ثاني يقرا من عندها تشرح مليح

Unité01=cardio 🫀reapiratoire
✅️cour01:mécanique ventilatoire
https://t.me/c/2412058861/7
✅️cour02=éléctrophysiologie cardiaque
https://t.me/c/2412058861/8
✅️cour03=cycle cardiaque
https://t.me/c/2412058861/15
✅️cour04=régulation de la pression artérielle
📌Part01:
https://t.me/c/2412058861/21
📌part02:
https://t.me/c/2412058861/21
✅️cour 05 =débit cardiaque
https://t.me/c/2412058861/22
✅️cour 06=circualtion coronaire
📌part01:
https://t.me/c/2412058861/48
📌partp2:
https://t.me/c/2412058861/48

+ نعتذر على جودة الصوت حتان كملت تسجيل باه لاحظت ومعنديش وقت باه نعاود نسجل الفيديو الجاي باذن الله نعمل على تعديل جودة الصوت 🌹✨

مشاركة Contrôle Cardio + CT .pdf

صباح الخير ☺️✨

الي تفرجو الفيديوهات راكم تفهمو شوي اعطيوني ارائكم والي عندو اي اقتراح والا افكار للتطوير من القناة يتفضل ❤️‍🔥

خاوتي الي مفهمش حاجة في الفيديوهات ولا يقدر يبعث ويسقسيني وانا نحاول نفيدكم بالشيئ الي نقدر عليه ☺️✨

صباخ الخير 🥱🙂
راني من بارح نسيي نحطلكم فيديو مبغاش يتبعث نروح للدار برك ونبعثلكم فيديو نتاع configuration externe de coeur 🫀✨