ඔයාගෙම ගෙදරක් 🏡

ගෙදරක් කියන්නෙ අපි ජීවත් වෙන තැන. කන්න නැතත් වැටිලා ඉන්න තැනක් තියෙනවා කියන්නෙ මහමෙරක්.. මොකද වැටිලා ඉන්න තැනක් තියෙනවා කියනවා ඒක ඔයාගෙ ජීවිතේ හැමදාටම වටින දෙයක්..

ඉගෙනගන්න පුංචි වයසෙ ඉන්න ඔයාලටත්, කැම්පස් යන ඔයාලටත්, job එකක් කරන ඔයාලටත්.. ඇති ඔයාගෙම හීන ගෙදරක් ගැන අදහසක්. දවසක මං හදන ගෙදර මෙන්න මේ වගේ, ඒකෙ කාමර මෙච්චරක් තියෙනවා වගේ හුඟක් දේවල් ඔයාගෙ ඔළුවෙ ඇති. සමහරවිට ඔයාගෙ gallery එකෙත් ඒ විදිහෙ photo ඇතී..

හැබැයි මේ දවස් වල නම් බඩු මිල හුඟක් ඉහළයිනේ, ඉතින් ඔයාගෙ හීනෙ ගැන දන්න අය කියනවා ඇති,,, 'ඕවා කොහොම කරන්නද??, මේ කාලෙ ඕවා කරනවා බොරූ' වගේ negative දේවල් මහ ගොඩක්..

ඒ අය මොනා කිව්වත්,, ඔයා ඔයාගෙ අරමුණේ ඉන්න. ඒ හීනෙ දකින්න. ඇස් වහගෙන ඔයාගෙ ගෙදර පොඩ්ඩක් ඇවිදින්න..

විශ්වාස කරන්න,, ඔයාට අනිවාර්යයෙන්ම පුළුවන් ඔයාගෙ හීනෙ දවසක හැබෑවක් කරගන්න. හැබැයි ඔයාගෙ කැපවීම මත තමයි ඒ හීනෙ සැබෑවක් වෙන දිනේ තීරණය වෙන්නෙ. අන්න ඒ නිසා මහන්සි වෙන්න, නිදිවර්ජිත රාත්‍රීන් ඒ වෙනුවෙන් ආයෝජනය කරන්න, වියදම් අඩු කරන්න, ආදායම් මාර්ග වැඩි කරගන්න, හම්බෙන සල්ලි ප්‍රගුණ කරගන්න උත්සාහ ගන්න, දවසින් දවස අඩියෙන් අඩිය තියන්න...

අනිවාර්යයෙන්ම ඔයාට පුළුවන් ඔයාගෙ හීනෙ හැබෑ කරගන්න.. ඔයාගෙම ගෙදරක දවසක ලස්සනට, නිදහසේ ජීවත් වෙන්න ඔයාට පුළුවන් වෙයී... ඔයාව විශ්වාස කරලා ඔයාගෙ ගමන යන්න...

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

ජීවිතේට ඕන දේවල් ලබාගන්න 369 method එක try කරන්න..

ඔයාලා හැමෝම අහලා ඇති නිකොලා ටෙස්ලා කියන විද්‍යාඥයා ගැන. එයා අපේ ලෝකෙට හුඟක් දේවල් අලුතෙන් හොයලා දීපු කෙනෙක්. හැබැයි එයා ඊටත් වඩා උනන්දු වුණු දෙයක් තිබිලා තියෙනවා.

මොකද එයා මේ විශ්වයෙ හැංගුණු රහස් හොයන්න උනන්දු වෙලා තියෙන කෙනෙක්. අන්න ඒ උනන්දුවෙ ප්‍රතිඵලයක් විදිහට තමයි මේ 369 method එක බිහිවෙලා තියෙන්නෙ.

✍🏻 මොකක්ද මේ 369 method එක කියන්නෙ??

නිකොලා ටෙස්ලා කියන විදිහට 369 කියන ඉලක්කම් තුනේ ගැබ් වුණු ලොකු ශක්තියක් තියෙනවා. තවත් කියනවා නම් එයා කියන විදිහට 369 කියන්නෙ විශ්වයෙ යතුර. තවත් මේක සරල කරනවා නම්,

අංක 3 - විශ්වයට ඍජුවම සම්බන්ධයි
අංක 6 - ඔයා ළඟ තියන ශක්තිය
අංක 9 - ඍණාත්මක හැඟීම් මුදා හරින්න පුළුවන්

“If you want to find the secrets of the universe, think in terms of energy, frequency and vibration.”
“ඔයාට විශ්වයෙ රහස් හොයාගන්න ඕන නම්, ශක්තිය, සංඛ්‍යාතය සහ කම්පනය කියන වචන තුන ගැන සිතන්න."
⁃ නිකොලා ටෙස්ලා -

✍🏻 ඔයා කොහොමද 369 method එකෙන් ඔයාට ඕන දේවල් ලබාගන්නෙ??

ඔයා මේ වැඩේ එක දිගට දවස් 30ක් කරන්න ඕන.

ඔයාගෙ ජීවිතේ අරමුණක් අරගන්න/ඔයාගෙ ජීවිතේට ලබාගන්න ඕන දෙයක් අරගන්න (Exam එකකට අදාළව, නැත්නම් ඔයාගෙ ජීවිතේට අදාළව, ඔයාගෙ job එකට අදාළව... ඔය ඕනම එකක්)

දැන් මේ අරමුණ ඇතුළත් වෙන විදිහට වාක්‍යය 03ක් හදාගන්න ඕන.
1. ඔයාගෙ අරමුණ/ඔයාට ඕන දේ
2. ඔයාට ඒ දේ ලබාගන්න පුළුවන් කියන තේරුම එන විදිහට
3. ඔයා ඒ අරමුණ ඉටුකරගත්තට පස්සෙ ඔයා ඉන්න විදිහ/සතුටු වෙන විදිහ ගැන

ඊළඟට ඔයා දවස් 30ක් මේ වාක්‍ය මෙන්න මේ විදිහට ලියන්න ඕන.
⁃ උදේට 3 වතාවක්
⁃ දවල්ට 6 වතාවක්
⁃ රෑට 9 වතාවක් ගානෙ

දවස් 30ක් මෙන්න මේ විදිහට වැඩේ කරගෙන යන්න. ඔයා ඔයා ගැන විශ්වාස කරන තරමට, අනිවාර්යයෙන්ම ඔයාගෙ අරමුණ ඉෂ්ට වෙයී.. ඉතින් කරලා බලලා ඔයාට ලැබුණු ප්‍රතිඵලය කොහොමද කියලා අනිවාර්යයෙන්ම අපිත් එක්කත් share කරගන්න.

ඉතින් මේ post එක ඔයාලට වැදගත් වුණා නම් like කරන්න. ඔයාගෙ යාළුවන්ටත් කියවන්න share කරන්න. නැත්නම් එයාලවත් tag කරන්න. මේ ගැන ඔයාලගෙ අදහසුත් අනිවාර්යයෙන්ම share කරන්න.

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

2022 අවුරුද්ද ඔයාගෙ ජීවිතේ හැරවුම් ලක්ෂ්‍යයක් කරගන්න...

අලුත් අවුරුද්දක් කියන්නෙ අලුත් බලාපොරොත්තු ගොඩක්, අරමුණු හුඟක් එක්ක පටන් ගන්න අලුත් පරිච්ඡේදයක්. ඉතින් ගෙවුණු අවුරුද්ද කොයි වගේ වුණත් ඔයා, මම අපි හැමෝම කැමතියි ඊළඟ අවුරුද්දෙ ඊට වඩා එක පියවරක් හරි ඉදිරියෙන් තියන්න.

අන්න ඒ වෙනුවෙන් මෙන්න මේ පුංචි පුරුදු ටික ඔයාලගෙ ජීවිතේට එකතු කරගන්න..

✍🏻 ඔයා ඔයාම වෙන්න.

අනිත් අය කැමති කෙනෙක් වෙනවට වඩා ඔයා ඔයාම විදිහට ජීවත් වෙන්න try කරන්න. එතකොට ඔයාට කිසිම ආයාසයක් නැතුව ඔයාගෙ ජීවිතේ ඉස්සරහට ‍යන්න හරිම ලේසියී.

✍🏻 අනිත් අය ඔයා ගැන හිතන විදිහ අදාළ කරගන්න එපා.

හුඟක් අය දුකින් ඉන්න ලොකුම හේතුවක් තමයි අනිත් අය එයාලා ගැන හිතන පතන දේවල්, විදිහ ඔයාගෙ ජීවිතේට අදාළ කරගන්න එක. හැබැයි ඔයා එහෙම හිතන්නෙ නැත්නම් ඔයාගෙ ගමන යන්න ඔයාට බාධා අඩු කරගන්න පුළුවන්.

✍🏻 උදව් කරන්න. බලාපොරොත්තු අඩු කරන්න.

ඔයාට පුළුවන් හැමවෙලේම ඕන කෙනෙක්ට උදව් කරන්න. හැබැයි කොයිම වෙලාවකවත් වචනෙකින්වත් ආපිට කිසිම දෙයක් බලාපොරොත්තු වෙන්න එපා.

මොකද එයාලගෙන් ඔයා බලාපොරොත්තු වෙන විදිහෙ ප්‍රතිචාරයක් නොලැබුණොත් ඔයාටමයි දුක හිතෙන්නෙ.

✍🏻 විෂ පිරුණු මිනිස්සුන්ට සමුදෙන්න

ඔයාගෙ ගමනට බාධාවක් කියලා දැනෙන, ඔයාව පහළට ඇඳලා දාන, ඔයාගෙ මානසික නිදහස නැති කරන මිනිස්සුන්ට ඔයාගෙ ජීවිතෙන් සමුදෙන්න. හැබැයි ඒ කොමාවකින් නම් නෙමෙයී, නැවතීමේ තිතෙන්.

✍🏻 අගය කරන්න ලෝභ වෙන්න එපා.

ඔයාට කෙනෙක් උදව්වක් කළොත්, ඔයා කෙනෙක්ගෙ හොඳ දෙයක් දැක්කොත් අනිවාර්යයෙන්ම ඒ දේ අගය කරන්න. ඒ දේ හොඳ බව කියන්න. මොකද තවත් ඒ වගේ දේවල් කරන්න ඒක එයාට ලොකු පෙළඹවීමක් වෙනවා.

ඒ වගේම ඔයා ඔයාවම අගය කරන්නත් අමතක කරන්න එපා. මොකද ඒ දෙයින් ඔයාට සතුටක් වගේම, ඔයාගෙ ජීවිතේට තල්ලුවකුත් ලැබෙනවා.

✍🏻 ස්තූතිවන්ත වෙන්න.

ඔයා ඔයාට ලැබෙන දේවල් වලට, ඔයා ළඟ තියෙන දේවල් වලට ස්තූතිවන්ත වෙන්න. මොකද ඔයාට බැරි නම් ඔයාට ලැබුණු දේවල් වලට ස්තූතිවන්ත වෙන්න එතනින් එහාට ඔයාට දේවල් ලැබෙන්නෙත් හරිම මන්දගාමී විදිහට. ඒ නිසා ස්තූතිවන්ත වෙන්න පුරුදු වෙන්න.

✍🏻 ලස්සන තැන් වල ඇවිදින්න.

2021 අවුරුද්දෙ හුඟක් අයට මඟ ඇරුණු දෙයක් තමයි මේ. හැබැයි 2022 අවුරුද්දෙ නම් ඒ දේ මඟ ඇරගන්න එපා. මොකද ජීවිතේ මතකයන්ට පුළුවන් ඔයාට සතුටක් දෙන්න.

ඒ නිසා හුඟක් දුර බැරි වුණත්, ඔයාට කිට්ටු, ළඟ තැන් වලට යන්න. පුළුවන් විදිහට photo ටිකකුත් එකතු කරන්න. මහන්සි වෙලාවට ඒ photo එකක් බලලා ඔයාට පුළුවන් පුංචි සැනසීමක් හරි ලබන්න.

✍🏻 අලුත් දේකට අතගහන්න.

Online තාක්ෂණයෙ භාවිතයත් එක්ක හුඟක් අලුත් මං පෙත් විවර වෙලා තියෙනවා. ඕන තරම් ව්‍යාපාර අවස්ථාවන් වලට පසුබිම සැකසිලා තියෙනවා. අන්න ඒ නිසා රාමුවෙන් එළියට ඇවිත් අලුත් දෙයක් හිතන්න. ඒ දේ ඔයාගෙම විදිහට පටන් ගන්න.

මෙච්චර කාලෙකට මාසික වැටුපකට සීමා වුණු ඔයාගෙ ආදායාම ව්‍යාපාර ලාභ වලට හරවගන්න.

✍🏻 ඔයා ඔයාටම ආදරේ කරන්න.

හුඟක් අයට අනිත් අයට ආදරේ කරන්න ගියහම තමන්ව අමතකම වෙලා යනවා. හැබැයි මේ අවුරුද්දෙ ඔයා ඔයාටම ආදරේ කරන්න ඉගෙනගන්න.

තියෙන විදිහට ලස්සනට පිළිවෙළට අඳින්න, ගෑණු ළමයෙක් නම් salon එකට ගිහින් චුට්ටක් පිළිවෙළ වෙන්න (ස්කෝලෙ යන අය නෙමෙයී), පිරිමි ළමයෙක් නම් රැවුල කොණ්ඩෙ කපලා පිළිවෙළට ඉන්න. ඔයාගෙ කාමරෙ අස්කරගන්න. පොත් මේසෙ පිළිවෙළක් කරගන්න. ඔයා කැමති දෙයක් ඔයා වෙනුවෙන් අරගන්න.

✍🏻 ප්‍රතිපත්තිගරුක කෙනෙක් වෙන්න.

ඔයාගෙ ජීවිතේ තීරණ ඔයාට ආවේණික විදිහට ගන්න. බාහිර බලපෑම් එක්ක ඔයාගෙ තීරණ වෙනස් කරන කෙනෙක් වෙන්න එපා. ඔයාගෙ ප්‍රතිපත්ති සාධාරණ හේතු නැතුව වෙනස් කරන්න යන්න එපා කිසිම වෙලාවක. කෙලින් කතා කරන්න. කෙලින් වැඩ කරන්න.

✍🏻 හීන දකින්න. හීන හඹා යන්න.

හීන දකින්න අපි හැමෝටම පුළුවන්. හැබැයි ඒ හීන පස්සෙ හඹා ගිහින් ඒවා හැබෑ කරගන්න පුළුවන් හරිම සුළු පිරිසකට. මොකද ඒ වෙනුවෙන් කරන්න ඕන කැපකිරීම් මහ හුඟක්, ඒ වෙනුවෙන් මහන්සි වෙන්න ඕන. ශක්තිමත් වෙන්න ඕන.

අන්න ඒ නිසා මේ එන අලුත් අවුරුද්දෙ ඔයා අනිවාර්යයෙන්ම හීන පස්සෙ ගිහින්, ඒ හීන හැබෑ කරගන්න කෙනෙක් වෙන්න.

✍🏻 2021 ඉවරයී.

2021 අවුරුද්දෙ අමිහිරි මතක හැම එකක්ම 2021 අවුරුද්දෙම තියලා යන්න අමතක කරන්න එපා.

2021 සිදුවුණ ලස්සන සිදුවීම්, ඔයා ඉගෙනගත්ත පාඩම්, ලස්සන මතක, ඔයාට ලැබුණු අගය කිරීම් විතරක් 2022 අවුරුද්දට අරගෙන යන්න.

ඉතින් 2021 අවුරුද්දෙ මොන දේ සිදු වුණත්, විශ්වාස කරන්න 2022 අවුරුද්ද ඔයාලා ආස කරන විදිහෙ අවුරුද්දක් වෙයී. ඔයාගෙ අරමුණු වෙනුවෙන් වැඩ කරන්න පුළුවන් අවුරුද්දක් වෙයී. ඔයාගෙ අරමුණු එකින් එක ඉටුවෙන අවුරුද්දක් වෙයී.. ඔයා ගැන විශ්වාස කරලා, සතුටින් අලුත් අවුරුද්ද පටන් ගන්න..

මං විශ්වාස කරනවා මේ post එක කියවන ඔයාලා හැමෝම, 2022 අවුරුද්ද නිමා වෙනකොට ඔයාලගෙ ජීවිතේ එක පියවරක් හරි ඉදිරියෙන් ඉඳීවි කියලා.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

ජීවිතේ අමාරු කාල ගෙවාගන්නෙ මෙහෙමයි...

ජීවිතේ කියන්නෙ හරියට බැලුවොත් කතා පොතක් වගේ දෙයක්. මොකද එක එක කාල ඒ පොතේ පරිච්ඡේද වෙනවා. අලුතෙන් පටන් ගන්න හැම දවසක්ම අලුත් පිටුවක්.

හැමෝගෙම ජීවිත වල හොඳ කාල වගේම නරක කාල එනවා. ඒ කාල, ඒ අත්දැකීම හැම පුද්ගලයෙක්ගෙන් පුද්ගලයෙක්ටම වෙනස් වෙනවා. මොකද 100%ක්ම ඔයාලා එකිනෙකාට වෙනස්.

හැබැයි ඒ නරක, අමාරු කාල වලට හරි විදිහට මුහුණ දුන්නොත් අනිවාර්යයෙන්ම, එතනින් එහාට එන ලස්සන කාලෙ සතුටින් විඳින්න ඔයාට පුළුවන් වෙනවා. ඒ වුණත්, කණගාටුදායකම දේ වෙන්නෙ හුඟක් අය මෙන්න මේ අමාරු කාලෙදි තමන්ගෙ උත්සාහය අතරින එක. එහෙමත් නැත්නම් හරිම ලේසියෙන් life එක give up කරන එක.

කන්දක් වුණත් මුඳුනට නඟිනකන් මාර අමාරුයි. පඩිපෙළවල්, ගස් මුල්, වතුර පාරවල්, කූඩැල්ලො.. හැබැයි කන්ද මුඳුනට ගියාට පස්සෙ ඒ වටපිටාව දැක්කහම අර මහන්සිය ඔක්කොම නැතිවෙනවා. අන්න ඒ වගේ තමා ජීවිතේ අමාරු කාලත්. ඒ නිසා කොයිම වෙලාවකවත් ජීවිතේ අමාරු පුංචි කාලයක් නිසා ඔයාගෙ මුළු ජීවිතේම give up කරන්න එපා.

අන්න ඒ වගේ අමාරු කාල ගෙවාගන්න ඔයාලට පුළුවන් මෙන්න මේ tips ටික try කරන්න.

✍🏻 අඬන්න.

අඬන එක කවදාවත් ජීවිතේ දුර්වලකමක් නෙමෙයි. ඔයාලගෙ හිත සැහැල්ලු කරන්න පුළුවන් පුදුමාකාර හැකියාවක් ඒකට තියෙනවා.

ඒ නිසා ඔයාට දරාගන්න බැරි දුකක් ආවහම අඬන්න. Bathroom එකට ගිහින්, ඔයාගෙ කාමරේට ගිහින්.. ඔයා කැමති තැනක ඉඳලා අඬලා ඔයාගෙ හිත නිදහස් කරගන්න.

✍🏻 ලියන්න.

ඔයාට dairy එකක් තියෙනවා නම් ඔයාට පුළුවන් ඒකෙ ඔයාගෙ හිතට වදදෙන, අමාරු දේවල් ලියන්න.

එහෙම නැත්නම් ඔයාට පුළුවන් කොළ කෑල්ලක ලියලා, ඒක ඉරලා ඉරලා විසිකරලා දාන්න. මොකද ඒකෙන් ඔයා හිතනවට වඩා නිදහසක් ඔයාගෙ හිතට ලැබෙනවා.

✍🏻 කාටහරි කියන්න. කතා කරන්න.

හැබැයි මෙතනදි වැදගත්ම දේ වෙන්නෙ ඒ කියන කෙනා කොයිතරම් දුරට ඔයාට විශ්වාසද කියන එක සහ කොයිතරම් දුරට එයා ඔයාගෙ පෞද්ගලිකත්වය රකිනවද කියන එකයි.

එහෙම විශ්වාසයක් නැත්නම් කොයිම වෙලාවකවත් ඔයාගෙ දේවල් කාටවත් කියන්න යන්න එපා.

✍🏻 ඔයා ළඟ තියෙන හොඳ දේවල් list එක.

ඔයාට ජීවිතේ අමාරුම කාලෙදි ඔයා ළඟ නැති, ඔයාට අහිමි වෙන දේවල් හිතනවා වෙනුවට ඔයාගෙ ළඟ තියෙන දේවල් මොනාද කියලා බලන්න.

උදාහරණයක් විදිහට,
මගෙ අම්මා නැති වුණහම මං හුඟක් දුක් වුණා. හැබැයි ආච්චි අම්මා මගෙ ගාව ඉන්න එක ගැන මං සතුටු වෙන්න බැලුවා. මොකද එයා අම්මගෙ අඩුව පුළුවන් තරමක් පුරවන්න පුළුවන් උපරිමෙන් මහන්සි වුණ නිසා.

✍🏻 කැමති දෙයක් කරන්න.

ඔයාගෙ ජීවිතේ ඔයාට නිදහසක් දැනෙන දෙයක් කරන්න. සින්දුවක් අහන්න, කොහෙහරි යන්න, ඔයාගෙ ආගමික ස්ථානෙකට යන්න, ආස film එකක් බලන්න, හොඳට කන්න, තියෙන ලස්සන ඇඳුම් ටිකක් ඇඳලා බලන්න... ඔය වගේ ඔයා කැමති ඕනම දෙයක් කරන්න.

ඒකෙන් ඔයාගෙ ජීවිතේ එපා වුණ ගතිය යටපත් වෙනවා.

✍🏻 විවේකීව ඉන්න.

ඔයා හුඟක් busy කෙනෙක් නම්, පුංචි දවසකට ඔයා වෙනුවෙන් ඒ වැඩ වලින් අයින් වෙලා විවේකයක් ගන්න. දවස් 2ක්, 3ක් වගේ. පුළුවන්කමක් තියෙනවා නම් ඊට වඩා වුණත් කමක් නෑ.

මොකද සමහර වෙලාවට ඔයාලට දැනිලා ඇති ඔයාලගෙ ජීවිතේ හරිම ඒකාකාරියි, මට දැන් ඇති මේ වැඩේ, හරිම හිස් වගේ. ඒ වගේ දැනෙන එකට හොඳම බෙහෙත තමයි මේ පුංචි විවේකය.

✍🏻 ජීවත් වෙන්න ආස විදිහ මතක් කරගන්න.

දවසක ඔයා කවුරු වෙන්නද කැමති, ඔයා ගන්න කැමති මොන වාහනේද, ඔයා දවසක මොන රටවල් වලටද travel කරන්න කැමති... වගේ ඔයා ජීවත් වෙන්න ආස විදිහ මතක් කරගන්න. ඒ තමා ඔයාගෙ ජීවිතේ හීන.

ඒ හීන වල පුංචි වෙලාවක් ජීවත් වෙන්න. ඇස් දෙක පියාගෙන ඒක විඳින්න.

ඉතින් මං මේ කිව්වෙ මගෙ experience එකත් එක්ක මං පාවිච්චි කරපු පුංචි පුංචි දේවල් ටිකක්. ඔයාලටත් පුළුවන් comment එකකින් ඔයාලගෙ අත්දැකීමුත් අනිවාර්යයෙන්ම හැමෝමත් එක්ක share කරගන්න.

Post එක ඔයාලට උදව්වක් වුණා නම් අනිවාර්යයෙන්ම like කරන්න. ඔයාලගෙ යාළුවන්ටත් කියවන්න share කරන්න. නැත්නම් එයාලව tag කරන්න.

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like එකක් දාලා join වෙන්න.

💥ඒ වගේම review එකකින් page එක ගැන ඔයාලට හිතෙන දේත් අනිවාර්යයෙන්ම share කරන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

Motivational photo frames ❤️

පාඩම් වැඩ කරගෙන යද්දි කම්මැලියී වගේ හිතෙනවා නම්,, ඔයාලටත් පුළුවන් ඔයාලගෙත් පොත් මේසෙ ඉස්සරහට ඔයාට තල්ලුවක් දෙන්න පුළුවන් විදිහෙ motivational photo frame එකක් එකතු කරගන්න.

ඒකෙන් ඔයාලගෙ කාමරේට ලස්සනක් එකතු වෙනවා වගේම, ඔයාලගෙ මනසටත් ලොකු පෙළඹවීමක් දෙන්න අනිවාර්යයෙන්ම පුළුවන් ල්.

ඉතින් ඔයාටත් මේ වගේ motivational photo frame එකක් අරගන්න ඕන නම්,, අපේ page එකේ shop එකට යන්න. එහෙම නැත්නම් අපේ page එකට message එකක් දාන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

අලුත් අවුරුද්දෙ අලුතෙන්ම පාඩම් කරන්න පටන් ගමූ...

ඔයාලගෙ කලින් අවුරුද්ද මොන මොන විදිහට ගෙවිලා ගියත්,, අලුත් අවුරුද්දකුත් ලබලා තියෙන එකේ ඔයාලගෙ පාඩම් වැඩ වලටත් අලුත් ආරම්භයක් ගන්න. ඉතින් ඒ වෙනුවෙන් තමයි මං මේ post එක share කරන්න හිතුවෙ.

වෙනස්ම විදිහකට ඔයාගෙ පාඩම් වැඩ ටික පටන් ගන්න මේ tips ටික ඔයාගෙම විදිහට try කරලා බලන්න. ඒත් එක්කම කියන්න ඕන; ඔයා මේ පාර A/L කරන නංගි කෙනෙක් මල්ලි කෙනෙක් වුණත්, O/L කරන නංගි කෙනෙක් මල්ලි කෙනෙක් වුණත් මේ tips ටික ඔයාටත් try කරන්න පුළුවන්..

✍🏻 කාමරේ පිළිවෙළක් කරගන්න.

කාමරේ තියෙන බඩු ඔක්කොම ඇඳලා, එතනින් ඕන ඒවා විතරක් තෝරලා අනවශ්‍ය දේවල් අයින් කරන්න. ඔයාගෙ පොත් මේසෙ අස් කරගන්න, අල්මාරියෙ ඇඳුම් ටික පිළිවෙළක් කරගන්න, කාමරේ මකුළු දැල් ටික කඩාගන්න, mob කරන්න.

මොකද ඔයාලගෙ ඔළුව නිරවුල්ව තියාගන්න එකට, වටපිටාව කියන එක ලොකුවටම බලපානවා.

✍🏻 Plan එකක් හදාගන්න.

ඔයා දැන් ඉන්න තැන බලන්න. ඉස්සරහ මාසෙකට ඔයාගෙ plans මොනාද කියලා ලියාගන්න. ඊළඟට ඔයා කොහොමද එකින් එක ඒවා achieve කරගන්න වැඩ කරන්නෙ කියලා time frame එකක් හදාගන්න.

✍🏻 To do list එකකට හුරුවෙන්න.

හැමදාම කලින් දවසෙ රෑට නිදාගන්න කලින්, ඊළඟ දවසෙ ඔයා කරන්න ඕන වැඩ ටික ලියලා තියලා නිදාගන්න. ඊට පස්සෙ එකින් එක ඔයා ඒ වැඩ complete කරන්න.

ඔයා මේ daily checklist එකට එහෙම නැත්නම් to do list එකට හුරු වුණාට පස්සෙ ඔයාගෙ වැඩ අනිවාර්යයෙන්ම complete කරන්න පුරුදු වෙනවා. මොකද game එකක levels complete කරනවා වගේ ඒක ඔයාට interesting වෙන නිසා.

✍🏻 ඔයාව අගය කරන්න.

ඔයාම ඔයාට පොඩි පොඩි target දෙන්න.
⁃ MCQ 40 ක් ගහනවා
⁃ පැය 10ක් පාඩම් කරනවා
⁃ අද Econ මුල් පාඩම් 03 ඉවර කරනවා
⁃ අද bio අන්තිම පාඩමෙන් ප්‍රශ්න කරනවා වගේ.
ඊට පස්සෙ ඔයා මේ target එක අනිවාර්යයෙන්ම achieve කළොත් පොඩි treat එකක් ඔයාට දෙන්න. පුංචි chocolate එකක්. Bite පැකට් එකක් වගේ පුංචි දෙයක් ඔයා ඔයාටම දෙන්න.

✍🏻 සතුටින් ඉන්න.

ජීවිතේ ඉස්සරහට යන ගමනෙදි සතුට කියන්නෙ ඉන්ධන වගේ දෙයක්. තෙල් නැතුව වාහනේකට දුවන්න බෑ වගේම ජීවිතේට සතුට නැතුව ඉස්සරහට යන්න බෑ. අන්න ඒ නිසා මොන දේ වුණත් සතුටින් ඉන්න පුළුවන් තරම් උත්සාහ ගන්න.

ඔයාගෙ සතුට නැති කරන දේවල් වලින්, මිනිස්සුන්ගෙන් ඈත් වෙන්න, පුළුවන් තරම් සතුටින් ඉන්න.

✍🏻 ඔයාව විශ්වාස කරන්න.

සතුටත් එක්ක ආත්ම විශ්වාසයත් එකතු වුණහම ඔයා හුඟක් powerful කෙනෙක් වෙනවා. ඔයාගෙ ගමන නවත්තන්න කාටවත්ම බැරි වෙන්න ගන්නවා.

මොකද ඔයාට ඔයාව විශ්වාසයි. ඒ වගේම ඔයාගෙ මේ විශ්වාසය ඔයාට ඉස්සරහට යන්න ලොකු තල්ලුවක් වෙනවා. ඒ නිසාම ඔයාට ඔයාගෙ පාඩම් වැඩ හොඳට කරගන්න පුළුවන් වෙනවා.

ඉතින් අලුත් අවුරුද්දෙ හොඳට මෙන්න මේ දේවල් ටික හිතට ගන්න. ඔයාගෙ අනාගතේ වෙනුවෙන්, ඔයාගෙ හීන වෙනුවෙන් පුළුවන් උපරිමෙන් කැපවෙලා හොඳට ඉගෙනගන්න. අනිවාර්යයෙන්ම ඔයාට පුළුවන් ඒ දේ කරන්න.

මේ post එක ඔයාලට වැදගත් වුණා නම් like කරන්න. මේක වැදගත් වෙයි කියලා හිතන ඔයාලගෙ යාළුවන්ටත් කියවන්න share කරන්න. නැත්නම් එයාලව tag කරන්න. ඔයාලගෙ අදහසුත් අනිවාර්යයෙන්ම comment එකකින් add කරන්න.

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi