ඉතින් ඒ පන්නරේ දෙන්න ඕන ඔයාලමයි. ඔයාලා දවසක එයා ගාව නොහිටියත් ජීවිතේ ඉස්සරහට යද්දි එයා අසරණ වෙන එකක් නෑ.

✍🏻 සමාජෙ එක්ක මුහු වෙන්න දෙන්න.

හුඟක් දරුවො අසරණ වෙන තැනක් තමයි මේ සමාජෙ කියන්නෙ. මොකද ඒ තරම්ම නානාප්‍රකාර මිනිස්සු ඉන්න, එක අතකින් අඳුරු පැත්තකුත් තියෙන තැනක් තමයි සමාජය.

ඉතින් එයාලට ඒක ගැන ඉගෙනගන්න දෙන්න. එහෙම නැතිවුණොත් දවසක එයාලට හරි තීරණ ගන්න බැරුව එයාලා අසරණ වෙන අවස්ථාවන් එයි. ප්‍රශ්න වලට මුහුණ දෙන්න බැරුව හැංගෙන අවස්ථාවන් එයි. වැරදි මිනිස්සු අඳුරගන්න බැරුව, අමාරුවෙ වැටෙන අවස්ථා එයී. ඒ නිසා එයාලට සමාජයට යන්න දෙන්න.

එතකොට එයා සමාජ අධ්‍යයන විෂයය එයා විසින්ම ඉගෙනගන්න ගන්නවා.

✍🏻 හරි තීරණ ගන්න මඟපෙන්වන්න.

එයාට තීරණ ගන්න ඉඩදෙන්න. ඒවගෙ හරි වැරදි විතරක් පෙන්නලා දෙන්න. සමහර තීරණ දැඩි වුණත්, ඒවා එයාට ගන්න දෙන්න. එතකොට තමයි එයා දවසක එයාගෙ ජීවිතේ දිහා බලලා වුණත් හරි තීරණ ගන්න පුළුවන් කෙනෙක් වෙන්නෙ.

✍🏻 පරිසරයෙ වටිනාකම කියලා දෙන්න.

කන ටොෆි කොළේ ඉඳලා එයාට පුරුදු කරන්න කුණු හරි තැනට දාන්න. පාරට විසිකරන්න එපා, ඒක වැරදියි පුතේ කියන්න.

උපන්දිනය දවසට පැළයක් හිටවන්න. පොලිතින් වගේ දේවල් පරිසයට එකතු කරන්නෙ නැතුව ඉන්න. පරිසරයට ආදරේ කරන්න.

ඉතින් අම්මේ තාත්තේ මේ හරිම පුංචි දේවල් ටිකක්. ඔයලා මොන තත්ත්වයක හිටියත්, මොන ආර්ථික මට්ටමක හිටියත් කරන්න පුළුවන් දේවල් ටිකක්.. ඔයාලගෙම දරුවො වෙනුවෙන්, එයාලගෙ අනාගතය වෙනුවෙන් මෙන්න මේ පුංචි දේවල් ටික එයාලට පුරුදු පුහුණු කරවන්න..

මෙහෙම අනාගත පරපුරක් බිහිවෙන දවසට අනිවාර්යයෙන්ම හුඟක් හිතන්න පුළුවන්, විවෘතව හිතන, හැමෝටම ගරු කරන විදිහෙ රටක් අපිට නිර්මාණය වේවි..

මේ post එක කියවන ඔයාලට නංගිලා, මල්ලිලා ඉන්නවා නම් අම්මලට මේක කියවන්න දෙන්න. දරුවො ඉන්න සහෝදර සහෝදරියො ඉන්නවා නම් එයාලට මේක share කරන්න.. අපිට පුළුවන් වෙයි එයාලට පුංචි හරි තල්ලුවක් දෙන්න..

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

ඔයාලගෙත් වැඩිහිටියොන්ට අනිවාර්යයෙන්ම කියවන්න දෙන්න ❤️.. අපි අපිට පුළුවන් විදිහට හොඳ වෙනසක් ඇති කරමු 💪

හීන...

හීන කියන දේ කොයිතරම් බලවත්ද කියලා තාමත් ඔයාලා හරියටම දන්නෙ නැතුව ඇති. හැබැයි විශ්වාස කරන්න හීන වලට පුළුවන් මනුස්සයෙක්ව ජීවත් කරන්න.

ජීවිතේ අන්තෙටම එපා වෙලා ඉන්න කෙනෙක්ගෙ ජීවිතේට පුංචි හරි පණක් දෙන්න, හයියක් වෙන්න මේ හීන වලට පුළුවන්. ඒ තරමටම ඔයාලගෙ හීන හරිම බලගතුයි. බලසම්පන්නයි. ප්‍රභලයි.

මං මේ කියන්නෙ ඔයාලා නින්දෙන් දකින හීන නෙමෙයි. ඔයාලා ඔයාලගෙ අනාගතේ වෙනුවෙන් දකින හීන. ඔයාලා නින්දෙදි දකින හුඟක් හීන උදේ නැඟිටිනකොට අමතක වෙලා තිබුණට, ඇස් ඇරගෙන ඔයාලා දකින හීන කවදාවත් ඔයාලට අමතක වෙන්නෙ නෑ.

⁃ O/L කරන නංගිලා මල්ලිලා, කොහොමහරි A9ක් ගන්න ඕන කියලා දකින හීනෙ, එයාලට පාඩම් වැඩ කරන්න උදව්වක් වෙනවා. ශක්තියක් වෙනවා.

⁃ A/L කරන නංගිලා මල්ලිලා, කොහොමහරි හොඳ z score එකක් අරන් කැම්පස් ‍යන්න ඕන කියලා දකින හීනෙ එයාලව එයාලගෙ අරමුණට අරන් යනවා.

⁃ කැම්පස් ගිහින් 1st class එකක් ගන්න දකින හීනෙ, ඔයාලව ලොකු ගමනක් අරන් යනවා.

⁃ ඔයාලා දවසක හීන දකින වාහනේ ඔයාගෙම කරගන්න ඔයාට මඟ පෙන්න්නනෙත් මේ හීනම තමයී.

⁃ ඒ වගේම ඔයාලා දවසක විඳින්න හීන දකින ජීවිතේට ඔයාලටත් නොදැනීම, ටිකෙන් ටික ඔයාලව අරගෙන යන්න මේ හීන වලට පුළුවන්.

ඉතින් හැමදාමත් ඔයාලගෙ හීන විශ්වාස කරන්න. ජීවිතේ give up කරන්න හිතෙන හැමවෙලාවකම ඇස් දෙක වහගෙන පුංචි වෙලාවක් ඔයාගෙ හීන මතක් කරන්න. ඔයා ඒ හීන වල සතුටින් ජීවත් වෙන විදිහ දකින්න.

ඔයාට රිදිලා තියෙන තරමටම, ඔයාගෙ ඇස් වලින් කඳුලු කැට වැටෙයි. හැබැයි ඔයා ඇස් අරින ඊළඟ මොහොතෙදි ඔයාට අලුත් පණක් ලැබිලා තියෙයි.

ජීවිතේ හුඟක් ප්‍රශ්න වලට, අමාරු කාල වලට මුහුණ දෙනකොට ඔයාට ශක්තියක් වෙන්න ඔයාගෙ හීන වලට පුදුමාකාර හැකියාවක් තියෙනවා. ඒ නිසා හීන දකින්න. ඔයා වෙනුවෙන්, ඔයාගෙ අනාගතේ වෙනුවෙන් හීන දකින්න.

මං මේ කියන දේ විකාරයක් කියලා ඔයාලට හිතෙයි. හැබැයි මං මේ දේ කියන්නෙ අත්දැකීමෙන්. මොකද මගෙ ජීවිතේ මං හුඟක් ප්‍රශ්න වලට මුහුණ දීපු කෙනෙක්. මගෙ අම්මා නැති වුණේ, මට අවුරුදු 13දි. මගෙ තාත්තා හිටියෙ රට. එයා මට පොඩ්ඩක්වත් සමීප, මාව තේරුම් ගත්ත, මට ශක්තියක් වුණ කෙනෙක් නෙමෙයි. එයාට කිසිම දවසක මං ගැන පුංචිවත් විශ්වාසයක් තිබුණෙ නෑ.

ඉතින් මේ හැමවෙලේකදිම මට ශක්තියක් වුණේ, මාව ජීවත් කෙරෙව්වෙ මගෙ හීන. මගෙ හීන වුණේ මගෙ අම්මගෙ හීන. ඒ නිසාමයි මං ඔයාලටත් මේ කතාව කියන්නෙ.

මොකද ජීවිතේ හුඟක් ප්‍රශ්න තියෙන අය මේ page එකේ ඉන්නවා. ඔයාලා, අපි අතර ඉන්නවා. ඉතින් එහෙම අයට, ඔයාලට පුළුවන් ඔයාලගෙම හීන ඔයාලගෙ ජීවිතේ ශක්තිය කරගන්න. හරියට මං කළා වගේ. අදටත් මං කරනවා වගේ.

විශ්වාස කරන්න, ඔයා දවසක ඔයාගෙ හීන වලට යන දවසක් එනවා. ඔයාගෙ ජීවිතේ සාර්ථකත්වයෙ හිනිපෙත්තටම යන දවසක් එනවා. ඒ වෙනකන් ඔයාගෙ හීන වලින් උදව් ගන්න. ඔයාගෙ ජීවිතේට ඕන ජීවය ගන්න.

ඉතින් ඔයාලා හැමෝගෙම හීන වලට යන්න, ඔයාලා හැමෝටම ශක්තිය ලැබෙන්න කියලා මං ප්‍රාර්ථනා කරනවා. විශ්වාස කරන්න,, අනිවාර්යයෙන්ම ඔයාට පුළුවන්.

මේ post එක උදව්වක් වෙයි කියලා හිතෙන ඔයාලා දන්න හැමෝටම share කරන්න. නැත්නම් එයාලව tag කරන්න. මේ ගැන ඔයාලට හිතෙන දේත් අනිවාර්යයෙන්ම comment එකකින් හැමෝමත් එක්ක බෙදාගන්න.

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

06.12.2021 සඳුදා

ඔයාලගෙ exam එකක් ඉවර වුණාට පස්සෙ,,

ඔයාලා වෙනුවෙන් පුංචි සතුටක් දෙන්න අමතක කරන්න එපා.. ඒක ඔයා ඔයාගෙ exam එක වෙනුවෙන් වුණ මහන්සියට ඔයාටම දෙන පුංචි තෑග්ගක් කරගන්න.. මොකද එතකොට ඒකෙන් ඔයාට ඊළඟ exam එකට පොඩි හරි motivation එකක් එනවා..

ජීවිතේ ඔයාගෙ අරමුණු වෙනුවෙන් කැපවෙනකොට ඔයා ඔයාවම අගය කරගන්න.

ඒ වෙනුවෙන් මහලොකු දේවල් කරන්න ඕන වෙන්නෙ නෑ.. Galle face එකට ගිහින් ඉස්සො වඩයක් කන්න, මුහුද දිහා ටිකක් නිදහසේ බලන් ඉන්න, coffee shop එකකින් coffee එකක් බොන්න, ගෙදර ගිහින් චිප්ස් ටිකක් හදාගෙන film එකක් බලන්න... ඔය වගේ ඔයා කැමති දෙයක්, ඔයාට ඇත්තටම සතුටු හිතෙන දෙයක් කරන්න..

වැදගත්ම දේ වෙන්නෙ, ඔයා වුණු මහන්සියට ඔයාට තෑග්ගක් ලැබෙන එකයී..

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

A/L 02nd පේපර් එකේ මුළු ලකුණු ගන්නෙ කොහොමද??

ඔයාලගෙ A/L විභාගෙට තව පොඩි කාලයක් තියෙන නිසා ඔයාලා past papers දැන් ටික ටික කරන්න පටන් ගන්න එක හොඳයි. මොකද එතකොට තමයි,
- ඔයාලට ලැබෙන්නෙ මොන වගේ paper එකක්ද
- කොහොමද ඔයාලා ඒ දෙන වෙලාව manage කරගන්නෙ
- කොයි විදිහටද ඔයා උත්තර ලියන්න ඕන වගේ දේවල් ගැන idea එකක් ඔයාට ලැබෙන්නෙ.

ඒ වගේම ඔයාට ඔයා පාඩම් කරපු දේවල් මතකද නැද්ද කියලා බලාගන්නත් මේක තමයි හොඳම විදිහ. මොකද ඕනම concert එකක rehearsal (පෙර පුහුණුවක්) තියෙනවා වගේම ඔයාලගෙ ජීවිතේ මේ වගේ කඩඉම් වලටත් ඒ පුහුණුව ඕනමයි.

ඉතින් අද උදේ post එකෙන් මං ඔයාලට කිව්වා 50/50ම ගන්න කොයි විදිහටද ඔයාලා MCQ paper එකට ලෑස්ති වෙන්න ඕන කියලා..

ඉතින් ඔන්න දැන් අපි බලමු කොහොමද ඔයාලා 02nd පේපර් එකත් ඒ වගේ හොඳ ලකුණක් ගන්න කරන්නෙ කියලා.

ඔයාලා හැමෝම ළඟ මේ වෙද්දිත් පසුගිය ප්‍රශ්න පත්‍ර පොත් අනිවාර්යයෙන්ම ඇති.. එහෙනම් ඔයාලට තියෙන්නෙ ඔයාලා පාඩම් කරන්න පාවිච්චි කරන පොත් ටිකයි, past papers පොත් ටිකයි, ලියන්න පුළුවන් කඩදාසි ටිකකුයි, පෑන් පැන්සල් ටිකකුයි අරන් වැඩේ පටන් ගන්න..

ඔයාලාට මේක දෙවිදියකට කරන්න පුළුවන්..

-පළවෙනි ක්‍රමය-

මේ වෙද්දිත් ඔයා පාඩම් කරලා ඉන්නෙ.

එහෙම නම් ඔයාට පුළුවන් ඔයාගෙ ළඟ තියෙන දැනුමෙන් ඒ ඒ ප්‍රශ්න වලට උත්තර ලියන්න. එහෙම උත්තර ලියද්දි ඔයා ගොඩක්ම හොඳට සූදානම් වුණු කෙනෙක් නම් ප්‍රශ්නෙන් ප්‍රශ්නෙ ලියන්න. හැබැයි එහෙම නැත්නම් ඔයා එක් එක් පාඩමට අදාළ ප්‍රශ්න තෝරගන්න. ඊට පසුව ඒවට වෙන වෙනම උත්තර ලියන්න.. එතකොට ඔයාලට එක් එක් පාඩමට අදාළව වෙනමම short note එකක් හැදෙනවා.. ඒක පසුගිය විභාග ප්‍රශ්න වලින් හැදෙන නිසා ඔයාලගෙ A/L exam එකෙදි ලොකු ලකුණු ප්‍රමාණයක් අරන් දෙන්න ඔයාලට හැකි වේවි..

-දෙවෙනි ක්‍රමය-

මේ වෙද්දිත් තවම ඔයාලා පාඩම් කරලා නෑ.

ඔයාලට පුළුවන් past papers වලින්ම ඒ වැඩේ පටන් ගන්න.. ඔයාලා නම් අනිවාර්යයෙන්ම ඒ ඒ පාඩම් වලට අදාළව ප්‍රශ්න තෝරගන්න ඊට පස්සෙ ඔයාලාට පුළුවන් උත්තර ලියන්න කලින් ඒ පාඩම පාඩම් කරන්න. එහෙම නැත්නම් ඔයාලට පුළුවන් මුලින් ඒ ප්‍රශ්නයට අදාළව උත්තර පත්‍රයේ ඇති උත්තරය හොදින් කියවලා ඒ විෂයය කරුණ හොදින් අවබෝධ කරගන්න, දෙවනුව ඔයාලගෙ විදිහට ඒ ප්‍රශ්නයට උත්තර ලියන්න...

මේ විදි දෙකෙන්ම උත්තර ලිව්වට පස්සෙ ඔයාලට පුළුවන් ඔයාලගෙම උත්තර ඔයාලටම check කරගන්න.. ඒකට තමයි උත්තර පත්‍රය තියෙන්නෙ..

ගුරුවරයෙක් තරම් හොඳටම බැරි වුණත් ඔයාලට පුළුවන් වේවි ඔයාලා ගැන හොඳ නිගමනයකට එන්න.. එහෙම බලද්දි ඔයාලට මඟඇරුණු දේවල්, තව එකතු වෙන්න ඕන කරුණු ඒ ඔයාලා ලිව්ව උත්තරය ළඟින්ම වෙන පාට පෑනකින් සටහන් කරගන්න අමතක කරන්න එපා...

ඔය විදිහට ඔයාලා past papers 10ක් විතර කරද්දි ඔයාලාට නොදැනීම ඔයාලගෙ syllubus වලින් 90%කට කිට්ටු ප්‍රමාණයක් ඒවායින් ආවරණය වෙලා තියේවි.. ඔයාලාත් දන්නෙම නැතුව A එකකට අවශ්‍ය පසුබිම සැකසේවි.. අදම පටන් ගන්න..

පසුගිය ප්‍රශ්න පත්‍ර වලට ඔබේ ප්‍රතිඵලය සෑහෙන්න දුරකට වෙනස් කරන්න පුළුවන් කියන එක සිහි තබාගන්න.... W එකක් S එකක් කිරීමේත් B එකක් A එකක් කිරීමේත් අරුම පුදුම හැකියාව ඒවා සතුයි... හරියට නිකන් යුද්ධයකට යද්දි සොල්දාදුවන් සතු වියයුතු අවි ආයුධ වගේ..

ඉතින් මේ post එක කියවලා ඔයාලට වැදගත් යමක් ඉගෙනගන්න පුළුවන් වුණා නම් like කරන්න.. ඔයාගෙ යාළුවන්ට share කරන්න. එයාලව tag කරන්න.. ඒ වගේම ඔයාලගෙ අදහසුත් comment කරන්න අමතක කරන්න එපා..

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

හැමෝගෙම ජීවිත වල නොපෙනෙන පැත්තක් තියෙනවා..

ඔයා, මම ඇතුළු අපි හැමෝගෙම ජීවිත වල අපිට නොපෙනෙන පැත්තක් තියෙනවා. ඒ ඒ අයගෙ ජීවිත වල සමහර දේවල් ඔයාට කවදාවත් දකින්න ලැබිලා නැතුව ඇති, සමහරවිට ඒ කෙනා මැරෙනකන්ම දැනගන්න ලැබෙන එකකුත් නැතිවෙයී. සමහර විට මැරිලත් හැමදාටම ඒ පැතිකඩ අභිරහසක් වෙයී..

ඒ නිසා මිනිස් ජීවිත එක්ක ගනුදෙනු කරනකොට ඔයාටත් වගකීමක් තියෙනවා කියන දේ හොඳට මතක තියාගන්න. හැමවෙලාවෙම උපේක්ෂාවෙන් බලන්න පුරුදු වෙන්න. ඕනම කෙනෙක්ගෙ හැසිරීම් රටා අධ්‍යයනය කරන්න. විමසිලිමත් වෙන්න. එතකොට සමහර විට ඔයා නොදැනුවත්වම ඔයා නිසා මිනිස් ජීවිතයක් ආරක්ෂා වෙන්න පුළුවන්.

සමහර විට ඔයා ඉස්සරහ මහ හයියෙන් හිනා වෙලා ඉන්න මිනිස්සු, එයාලගෙ ඇතුළතින් හඬා වැලපෙනවා ඇති. කරන්න දෙයක් නැතිකමට හිනා වෙනවා ඇති. ගෙදර ගිහින්, ගේ මුල්ලකට වෙලා සමහරවිට ඒ අය අඬනවා ඇති.

තවත් සමහරක් බුම්මගෙන ඉන්න මිනිස්සු ඔයාට මුණ ගැහිලා ඇති. කතා කළත් කතා කරන්නෙ නැති, හිනා වුණත් හිනාවත් වෙන්නෙ නැති මිනිස්සු ඔයාට මුණ ගැහිලා ඇති. හැබැයි සමහරවිට ඒ මිනිස්සුන්ට වුණ යම් යම් සිදුවීම් නිසා එයාලා එහෙම වෙලා ඇති.

සමහර විට මේ වෙද්දි මිනීමරුවෙක් විදිහට දඬුවම් ලබන කෙනෙක්, එයාට වුණ අසාධාරණයක් නිසා ඒ විදිහ තත්ත්වයකට ඇඳ වැටුණා වෙන්න ඇති..

අද සොරෙක් විදිහට ගැරහුම් ලබන කෙනෙක්, කන්න බත් පිඬක් නැතිකමට, ළමයි බඩගින්නෙ අඬනවා බලන් ඉන්න බැරිකමට පාන් රාත්තලක් කඩේකින් සොරාගත්තා වෙන්න ඇතී..

ඉතින් මං මේ කියන්නෙ ඔයා, මම ඇතුළු මිනිස්සු හැමෝගෙම අපිට නොපෙනෙන පැතිකඩක් අනිවාර්යයෙන්ම තියෙනවා. ඒ පැතිකඩ අඳුරුද ආලෝකමත්ද කියන දේ කාටත් රහසක්. අන්න ඒ නිසා කිසිම වෙලාවක,, කෙනෙක්ගෙ චර්‍යාවෙන්, එක දවසක හැසිරීමෙන්, පුංචි කාලයකින් කිසිම කෙනෙක්ව මිනුම් කරන්න යන්න එපා..

ඒ වගේම ඔයාගෙත් මේ නොපෙනෙන පැතිකඩ නිසා ඔයා ලොකු පීඩනයක නම් ඉන්නෙ, අනිවාර්යයෙන්ම මෙන්න මේ පුංචි දේවල් ටික ඔයා වෙනුවෙන් අමතක නොකරම කරන්න.
⁃ විශ්වාසවන්ත කෙනෙක්ට කතා කරන්න
⁃ ඔයාට සැහැල්ලුවක් ගේන්න පුළුවන්, ඔයා කැමති දෙයක් කරන්න
⁃ ප්‍රශ්න වලට කවදාවත් බොන්න යන්න එපා (මත්පැන්, මත්ද්‍රව්‍ය)
⁃ ලියන්න
⁃ භාවනා කරන්න
⁃ හිත නිවෙන සින්දුවක් අහන්න
⁃ ඔයාගෙ හීන මතක් කරන්න
⁃ නිදාගන්න

ඉතින් ඔයාටත් පුළුවන් විදිහට තව කෙනෙක්ගෙ ජීවිතේට හයියක් වෙන්න. ඒක ඔයාට ඔයාගෙ ක්‍රියාවෙන් කරන්න පුළුවන් දෙයක් වෙයි. ඔයාගෙ වටේ ඉන්න අයව තේරුම් ගන්න. අන්න එදාට ඔයාට පෙරළා සොබාදහමෙ ආශිර්වාදය අනිවාර්යයෙන්ම ලැබෙයී.

මේ post එක වැදගත් වෙයි කියලා හිතෙන ඔයාලගෙ යාළුවන්ටත් කියවන්න tag කරන්න. නැත්නම් එයාලට share කරන්න. හැමවෙලේම ඔයාට පුළුවන් හැටියට තවත් කෙනෙක්ට ශක්තියක් වෙන්න. ඊට කලින් ඔයා ඔයාටම ශක්තියක් වෙන්නත් අමතක කරන්න එපා..

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

ආසාවෙන් ඉගෙනගන්න, motivation එක කොහොමද දිගටම තියාගන්නෙ????

ඉගෙනගන්න ඔයාලා ගොඩක් අයට තියෙන ප්‍රශ්නයක් තමයි ඉගෙනගන්න කොයිතරම් ඕන වුණත් කිසිම motivation එකක් නැති එක. හැබැයි එහෙමයි කියලා ඔයාලට ඉගෙන නොගෙන ඉන්නත් බෑ.

ඉතින් ඔයාලා මට එවපු messages, comments බලලා මං ඔයාලා හැමෝටම පොදුවෙ මෙහෙම වෙන්න බලපාන හේතු 05ක් හොයා ගත්තා.

ඉතින් අද මේ post එකෙන් මම ඒ හේතු 05ත් එක්කම, ඒවාට විසඳුම් ටිකත් ඔයාලා එක්ක share කරගන්න හිතුවා.

✍🏻 ඔයාලගෙ පාඩම් වැඩ හුඟක් ගොඩගැහිලා🤯 තියෙන්නෙ.

• ඔයාලා මොන මට්ටමක ඉගෙනගන්න කෙනෙක් වුණත් මේ ප්‍රශ්නෙ හුඟක් අයට පොදුයි. මොකද ඔයාලා හුඟක් අය පාඩම් කරන්න ඉන්නෙ අන්තිම මොහොත වෙනකන්නෙ.

👉 විසඳුම්;

1. Salami slices

• උදාහරණයක් විදිහට පාන් රාත්තලක් ගත්තොත් ඔයාට ඒක එක පාරටම කන්න බෑ. හැබැයි ඔයා ඒක පෙති කපා ගත්තොත් ඔයාට කන්න ලේසියි.

• ඉතින් ඔයාගෙ වැඩත් ඒ වගේ පොඩි පොඩි කොටස් වලට බෙදලා, plan එකක් හදාගන්න.

2. Swiss cheese approach

• මේකෙදි ඔයාට කරන්න තියෙන්නෙ ඔයාගෙ වැඩ දවස් ගාණට අනුව බෙදාගන්න එකයි.

• ඔයාලට පුළුවන් මේක හරියට කරන්න monthly plan එකක් use කරන්න.

✍🏻 කාටද මේක වැදගත් වෙන්නෙ??

• හැමෝටම goals තිබුණත් මුළු ලෝකෙන්ම 3%ක් වගේ පොඩි ප්‍රමාණයක් විතරක් goals achieve කරගන්නෙ මේ නිසයි.

• මුලින්ම ඔයාගෙ targets ඔයාලගෙ ජීවිතේට විතරයි බලපාන්නෙ. ඊළඟට ඔයාලගෙ පවුලට. ඊළඟට ඔයාලට ඕන වෙනවා මුළු ලෝකෙ වෙනුවෙන්ම දෙයක් කරන්න.

• අන්න එතකොට ඔයාලට දැන් තියෙනවට වඩා වගකීමක් දැනෙන්න ගන්නවා. ඔයා කරන වැඩේ මීටත් වඩා හරියට කරනවා.

• උදාහරණයක් විදිහට දම්මික පෙරේරා මහතාව අපිට ගන්න පුළුවන්.

✍🏻 මානසික පීඩනය නැත්නම් stress.

• ඔයාලට හිතෙනවා ඔයාලට මේක කරන්න බැරි වෙයි, ඔයාගෙ ආත්ම විශ්වාසය නැති වෙන්න ගන්නවා, ඔයාව compare කරන්න ගන්නවා, හරියට වැඩක් කරගන්න බෑ.. ඔය වගේ ගොඩක් දේවල් ඔයාලට දැනිලා ඇති.

• මේක සමහර වෙලාවට ඔයාලගෙ studies වලට හොඳ වෙන්නත් පුළුවන්. හැබැයි සමහර වෙලාවට ඒක හුඟක් ලොකු නරක බලපෑමක් වෙන්නත් පුළුවන්.

👉 විසඳුම;

1. Dairy එකක් ලියන්න.

• ඔයාගෙ හිතට වද දෙන ඕනම දෙයක් ඒකෙ ලියන්න. ඒ වගේම ඔයාගෙ achievements ඒකෙ ලියන්න. ඔයාගෙ ගමන මේකෙ ලියන්න. එතකොට දවසක ඔයාට ඒක කියවලා සතුටු වෙන්න පුළුවන්.

2. භාවනා කරන්න.

• දවසට පොඩි වෙලාවක් භාවනා කරන්න.

• ඒකෙන් ඔයාලට හිත එක තැනක තියාගන්න වගේම, ඔයාලගෙ පාඩම් වැඩ උනන්දුවෙන් කරගන්නත් පුළුවන් වේවි.

✍🏻 කම්මැලිකම.

• ගෙදරට වෙලා ඔහේ ඉන්නකොට අනිවාර්යයෙන්ම මෙහෙම හිතෙනවා. එක අතකට මෙහෙම හිතෙන එකට මූලිකම හේතුව වෙන්නෙ ඔයාලගෙ mobile phone එකම තමයි.

👉 විසඳුම;

1. දවසකට පැය 03ක් එකදිගට phone එක පාවිච්චි නොකර ඉන්න. දවසින් දවස ඒ වෙලාව වැඩි කරන්න.

2. වැඩිපුර වතුර බොන්න.

3. ව්‍යායාම කරන්න.

4. අනිවාර්යයෙන්ම දවසකට පැයක්වත් එක දිගට ඔයාගෙ පාඩම් කරන තැන ඉඳගෙන වැඩ කරන්න. (හැම දවසෙම එකම වෙලාවක කරලා, ඒක ජීවිතේ පුරුද්දක් කරගන්න.)

✍🏻 අවධානය දෙන්න බැරිකම.

• ඔයාලා ගොඩක් අයට තියෙන ප්‍රශ්නයක් තමයි පොත අතට ගත්තත් හිත එක තැනක නැති එක. Class එකේ හිටියත් හිත වෙන කොහෙවත්, පාඩමට අවධානය දෙන්න බෑ.

👉 විසඳුම;

1. වැඩ කොටස් කරගන්න.

• ඔයාලා පොතක් පාඩම් කරනවා නම්, ඒක කොටස් වලට බෙදාගන්න. ඒ කොටස් වලට අදාළව ප්‍රශ්න හොයාගෙන ඒවට උත්තර ලියන්න.

• ඒ කොටස ඉවර කළාට පස්සෙ ඊළඟ කොටසට යන්න. හරියට දම්වැලක් වගේ.

2. නිර්මාණශීලී වෙන්න.

• ඔයාලට පුළුවන් එකම විදිහට පාඩම් කරන්නෙ නැතුව mind maps, flash cards, රූප සටහන් වගේ දේවල් බලන්න.

• Online webinars වලට සහභාගී වෙන්න. ඔයාලට වැදගත් වෙන අධ්‍යාපනික videos බලන්න

3. පොඩි විවේක ලබාදෙන්න.

• ඔයාලා පාඩම් කරන හැම පැයකට වතාවක්ම පුංචි විවේකයක් ගන්න.

• ඒ විවේකයෙදි ගෙදර අය එක්ක පොඩි කතාවක් දාන්න, වතුර බොන්න, පොඩ්ඩක් ගෙදර වටේ ඇවිදින්න වගේ ඔයාලා relax වෙන දෙයක් කරන්න.

ඉතින් අද ඉඳන් මේ ප්‍රශ්න ඔයාලටත් තියෙනවා නම් මෙන්න මේ solutions ටික try කරලා බලන්න. අනිවාර්යයෙන්ම ඔයාලට ඔයාලගෙ වෙනසක් තේරෙයි.

ඉතින් Post එක ඔයාලට වැදගත් වුණා නම් like කරන්න. ඔයාලගෙ යාළුවන්ටත් බලන්න අනිවාර්යයෙන්ම share කරන්න. නැත්නම් එයාලව tag කරන්න. ඔයාලගෙ අදහසුත් comment කරන්න අමතක කරන්න එපා.

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like👍🏻 එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

අත්දැකීම් වලට පුළුවන් මිනිසෙක් පරිණත කරන්න...

අත්දැකීම් කියන්නෙ ජීවිතේ පුරාවට ඔයාලා මුහුණදෙන එක එක සිදුවීම්. ඔයාගෙ ජීවිතේ අත්දැකීම් අතර; හොඳ සිදුවීම් වගේම නරක සිදුවීමුත් ඕන තරම් නම් ඇති. හැබැයි ඔයාලා දන්නවද,, මේ හැම සිදුවීමක්ම ඔයාලට ඔයාලගෙ ජීවිතේ පාඩමක් කියලා දෙනවා.

ඇත්තටම අත්දැකීම් වලට පුළුවන්, පුංචි වයසක ඉන්න ළමයෙක්ව වුණත් පරිණත පුද්ගලයෙක් බවට පත්කරන්න. දුර දකින්න පුළුවන්, හොඳට සමාජෙ ගැන තේරෙන පුද්ගලයෙක් බවට පත් කරන්න. මොකද මනුස්සයෙක් පරිණත වෙන්නෙ වයසින් නෙමෙයී,, එයා ලබන අත්දැකීම් අනුව.

ඒක මං හොඳින්ම දන්න දෙයක්. අත් විඳලා තියෙන දෙයක්. අර කතාවටත් කියනවනෙ "තැලෙන්න තැලෙන්න තමයි යකඩයක් වුණත් මුවහත් වෙන්නෙ" කියලා. ඔයාලගෙ ජීවිතත් ඒ වගේම තමයී..

ඉතින් මං හිතුවා, මේ post එකෙන් මගේ ජීවිතේ වුණ අමිහිරි සිදුවීම් ටිකක් එහෙම නැත්නම් අමිහිරි අත්දැකීම් ටිකක් මං කොහොමද මගේ ජීවිතේ ගොඩනගාගන්න පාවිච්චි කළේ කියලා ඔයාලා හැමෝමත් එක්ක share කරගන්න. මොකද ඒක මං වගේම ප්‍රශ්න වලට මුහුණදෙන, දැනටමත් මුහුණ දීලා තියෙන කෙනෙක්ට ගොඩනැගෙන්න ලොකු උදව්වක් වෙයි කියලා මං විශ්වාස කරනවා.

✍🏻 මගේ තාත්තා හිටියෙ අපිට හුඟක් දුරින්.

මගෙ තාත්තා හුඟක් කාලයක ඉඳන් හිටියෙ අපේ ජීවිත වලින් ඈත. ඒ නිසාම අපේ ජීවිත වල තාත්තාගෙ භූමිකාවත් කළේ අම්මම තමයී. ස්කෝලෙ හැමදේටම ආවෙ, දහම් පාසලේ ශ්‍රමදානෙට ගියේ, අපේ භාරකාරයා වුණෙත් අම්මම තමයී.

ඒ නිසාම තාත්තා විදේශගත වෙලා ඉන්න එක අපිට අමතක වෙලා වගේ තිබුණු දෙයක්. ඒ තරමටම මගෙ අම්මා, තාත්තගෙ ජවනිකාවත් කරන්න දක්ෂ වෙලා හිටියා.

👉🏻 කොහොමද මං මේක ශක්තියක් කරගත්තෙ???

⁃ ගැහැණියක් කොච්චර ශක්තිමත්ද කියන දේ මං දැනගත්තෙ මේ නිසා. ගෙදර ඉන්න ගෑණු කෙනාම පිරිමියගෙ ජවනිකාවත් කරනකොට, මං දැකපු එකම දේ මගෙ අම්මා මාරම ශක්තිමත්. එයාට පුළුවන් වුණා ප්‍රශ්නෙකදි වුණත් පිරිමි එක්ක උරෙන් උර ගැටෙන්න. අපිව ආරක්ෂා කරගන්න, අපිට ඕන රැකවරණය දෙන්න එයාට පුළුවන් වුණා.

⁃ සල්ලිම නෙමෙයි ජීවිතේ කියන්නෙ. මං සමහර වෙලාවට තාත්තව සාධාරණීකරණය කරන්න පුරුදු වෙලා හිටියා. මොකද එයා අපි වෙනුවෙන්නෙ මේ දේවල් කරන්නෙ. අපිව ජීවත් කරවන්නනෙ මේ දේවල් කරන්නෙ කියලා. හැබැයි කාලයත් එක්කම මං තේරුම් ගත්තා මුදල් වලට ගන්න බැරි හුඟක් දේවල් අපේ ජීවිත වල තියෙනවා කියලා. මානසික නිදහස, ආදරය, වෙලාව, සතුට, සැනසීම, හිනාව කියන මේ කිසිම දෙයක් සල්ලි වලින් අපිට මිලදී ගන්න බෑ.

⁃ දුක හංගගෙන කොහොමද හිනාවෙන්නෙ. මගෙ අම්මා ආස හුඟක් දේවල් තිබුණා. අනිත් අය වගේ පවුලෙ හැමෝමත් එක්ක trip එකක් යන්න. තමන්ගෙ මහත්තයා එක්ක එකට photo එකක් ගන්න. පවුලක් විදිහට සතුටින් ජීවත් වෙන්න. ඔය වගේ තව හුඟක් දේවල් තියෙන්න ඇති. හැබැයි එයා ඒ කිසිම දෙයක් අපිට පෙන්නුවෙ නැතුව හැමවෙලේම හිනා වෙලා හිටියා. අපිවත් හිනැස්සුවා.

✍🏻 මගෙ අම්මාගෙ මරණය.

මගෙ අම්මා නැතිවෙන්නෙ මං 8 වසරෙදි. ඒ කියන්නෙ මට අවුරුදු 13දි. එයා නැතිවෙන්නෙ ලියුකේමියා කියන රෝගයෙන්. ඒක හැදෙනකොට මට වයස අවුරුදු 12යි.

ඒ වෙද්දි මං අම්මා නැතුව එක රැයක්වත් තනියම ඉඳලා නෑ. මට එයා නැතුව ඉන්නත් බෑ. මොකද මං එයාගෙ අස්සෙම හිටපු කෙනෙක්. මට හැමදේටම මගෙ අම්මා තමයී. මාව ස්කෝලෙට ගන්න හුඟක් වෙලාවට අම්මා ආවා, ඒ වගේ දවසක එයා එන්න පරක්කු වුණත් මං අඬනවා. එහෙම මට මේක ලොකු ප්‍රහාරයක් වුණා.

කොහොමහරි මං අම්මව බලන්න ඉස්පිරිතාලෙ ගියෙ එකම එක දවසයි. හේතුව මං අඬන නිසා මාව ගේන්න එපා කියලා doctor කිව්වා.

👉🏻 කොහොමද මං මේක ශක්තියක් කරගත්තෙ???

⁃ ඒ පුංචි වයසට මං ඒ ලෙඩේ ගැන හෙව්වා. කියෙව්වා. අදටත් මං ළඟ ඒ දැනුම තියෙනවා. අපි ඉගෙනගන්න දේවල් කවදාවත් අපතේ යන්නෙ නෑ. මං ඒ වගේ ලෙඩක් ගැන දැනගත්තෙ කියවන්න පුළුවන් වුණේ මගෙ අම්මට ඒ ලෙඩේ හැදුණු නිසයී.

⁃ මං මගෙ ජීවිතේ හැමදේම තනියම කරගන්න පුළුවන් ශක්තිමත් කෙනෙක් වුණා. අම්මා නැතුව කිසිම දෙයක් කරගන්න බැරුව හිටපු මම,, මගෙ ජීවිතේ හැමදේම තනියම කරගන්න පුරුදු වුණා. අදටත් ඕනම තැනකට ගිහින් කෙලින් කතා කරන්න පුළුවන් වෙලා තියෙන්නෙ, ඕනම තැනකට ඕනම වෙලාවක තනියම යන්න පුළුවන් වෙලා තියෙන්නෙ ඒ මං ලබපු පුරුද්ද නිසයී.

⁃ අදටත් මං එයාගෙ හීන හැබෑ කරන්න හරි විදිහට ජීවත් වෙනවා. එයාගෙ හීන මාව හරි පාරෙ යන්න පෙළඹෙව්වා.

✍🏻 මගෙ තාත්තා මට සළකන විදිහ හරිම වෙනස්.

මගෙ අම්මා කියන කෙනා මගෙ මුළු ජීවිතේම වෙනකොට, තාත්තා කියන කෙනාට ඒ ජීවිතෙන් හම්බුණෙ හරිම චූටි තැනක්. අදටත් මගේ ජීවිතේ හැමදේම මගෙ අම්මා. මොකද මගෙ අම්මා මැරිලත් මට ශක්තියක් වෙනකොට, තාත්තා කියන කෙනා ජීවත් වෙලා ඉඳලත් මාව මානසිකවම විනාශ කරලා දාන කෙනෙක් වෙලා.

තාත්තා කියන කෙනා මට සමීප කෙනෙක් වුණේ නෑ කවදාවත්. මගේ ජීවිතේ මගේ තාත්තා වුණෙත් මගෙ අම්මම තමයී. අදටත් මගෙ තාත්තා කියන්නෙ,, මාව විශ්වාස නොකරන, මට ශක්තියක් වෙන්නෙ නැති, හැම වචනෙකින්ම මාව පහළට ඇඳලා දාන, මොන දේ කරත් මං මොන තරම් දේවල් ලබා ගත්තත්, මගෙ කිසිම වටිනාකමක් නැති කෙනෙක්.

අඩුම එයාට මගෙන් කිසිම වැඩක් නෑ.

👉🏻 කොහොමද මං මේක ශක්තියක් කරගත්තෙ???

⁃ මං වගේ තවත් දරුවො ඉන්නවා. මං මේ page එකෙන් ඒ ගැන හුඟක් දැනගත්තා. ඉතින් මං හිතුවා ඇයි මං මට ආදරේ නැති, මං ගැන තැකීමක් නොකරන කෙනෙක් වෙනුවෙන් මගෙ ජීවිතේ නාස්ති කරගන්නෙ කියලා. ඒකත් මගෙ ජීවිතේ මං ඉස්සරහට යන්න ලොකුම ලොකු ශක්තියක් වුණ දෙයක්. ජීවිතේ ඔයාලා ඔයාලගෙ දේවල් නැති කරගන්න ඕනෙ, ඔයාලට ඇත්තටම ආදරේ මිනිස්සු වෙනුවෙන් විතරයි.

⁃ මං හැමවෙලේම හිතුවෙ අම්මා ගැන. අදටත් මට දුකයි මගෙ අම්මා ගැන. මොකද එයා අම්මටත් මේ විදිහටම නම් සැළකුවෙ එයා හුඟක් දුකකින් ජීවත් වෙන්න ඇත්තෙ. හැබැයි එයාට වුණ දේ මං මට වෙන්න දෙන්නෙ නෑ. මොකද ජීවිතේ ඉස්සරහට යන්න ඕන ශක්තිය දීලා තමයි මගෙ අම්මා ගියේ.

⁃ සාර්ථකත්වයට යන ගමන ලේසි පහසු නෑනෙ. මගෙ තාත්තා නිසා මං හුඟක් දේවල් වලට මුහුණදෙන්න ඉගෙනගත්තා. ආදරේ නොකරන මිනිස්සුන්ගෙන් කොහොමද අයින් වෙන්නෙ, කොහොමද තනියමම ජීවිතේ ගොඩනගාගන්නෙ, කවුරු මාව විශ්වාස නොකළත් මං කොහොමද මගෙ ගමන යන්න ඕන වගේ හුඟක් දේවල් එයා නිසා මං ඉගෙනගත්තා.

⁃ හැමෝටම එක වගේ තාත්තලා හම්බවෙන්නෙ නෑ. සමහර තාත්තලා මාරම අදරණීයයී.. මං එහෙම දන්න අය ඕන තරම් ඉන්නවා. මගෙ යාළුවොන්ගෙ තාත්තලා, මගෙ bossලා, මගෙ ගුරුවරු... ඔය වගේ හුඟක් අය.. ඉතින් මං එයාලා දිහා බලලා සතුටු වෙනවා. මට සතුටුයි මට නොලැබුණු දේ තව කෙනෙක්ට ලැබෙනකොට. ඉතින් මං ඒ දේ පුරුදු වුණෙ මේ නිසාම තමයී.

⁃ මගෙ හීනෙට මං යනවා. මගෙ තාත්තා මට මෙහෙම සළකන හේතුව අදටත් මං දන්නෙ නෑ. හැබැයි සමහරවිට මං හුඟක් සාර්ථක වුණ දවසකට, හැමෝම මං ගැන කතා කරන දවසක... එයා සමහරවිට ආපහු හිතලා බලයී. හැබැයි ඒ දේ වුණත් නැතත් මං මගෙ හීනෙට යන එක තමයි මං එයාට මේ හැමදේටම දෙන උත්තරේ.

✍🏻 ආච්චි අම්මා අසනීප වීම.

අම්මා නැති වුණාට පස්සෙ අපේ ගෙදර හිටියෙ ආච්චි අම්මා. එයා අපිට අම්මෙක් වුණා. හැබැයි එයා අසනීප වුණාට පස්සෙ එයාව මෙහෙ තියාගන්න බැරි වුණා. මොකද එයාට pressure හැදෙන්න එක හේතුවක් අපේ අනාගතේ ගැන ඕනවට වඩා වද වුණු එක. එයාට ඒක ලොකු පීඩනයක් වුණා.

අනිත් දේ ගෙදර කවුරුත් නැතිවෙලාවට එයා ගැන බලන්න අපිට පුළුවන්කමක් තිබුණෙ නෑ. ඒ නිසා එයාගෙ ජීවිතේ එයාගෙ ආරක්ෂාව වෙනුවෙන් අපිට සිද්ධ වුණා එයාව අපේ බාපප්පට භාරදෙන්න.

👉🏻 කොහොමද මං මේක ශක්තියක් කරගත්තෙ???

⁃ ගෙදරක් කොහොමද තනියම පාලනය කරන්නෙ කියලා මං ඒකෙන් ඉගෙනගත්තා. මගෙ සහෝදරියගෙ වැඩත් කරගෙන, ගෙදරට ගන්න එළවළු ටිකේ, මස් මාළු ටිකේ ඉඳලා පුරුදු වුණා. මාළු පිරිසිදු කරන්න දන්නෙ නැති නිසා මාළු ලෑල්ලෙ අන්කල්ගෙන් එක මාළුවෙක් සුද්ද කරන විදිහ පෙන්නන්න කියලා ඉගෙනගත්ත අවස්ථා තිබුණා.

⁃ පුංචි වයසෙදිම මට හොඳට උයන්න පුළුවන් වුණා. මං A/L කළේ විශාඛා විද්‍යාලයෙ. මං එතකොට 10.30ට කන්න අරන් ගියෙ මංම උයපු බත්. ඒ කාලෙ අපේ පන්තියෙ සමහරක් ළමයි මගෙ බත් එක ආසාවෙන් කෑවා. හැමෝම අම්මලා උයපු කෑම ගේනකොට, ඒක එයාලට විශේෂ දෙයක් වුණා.

⁃ තනියම ජීවත් වෙන්න බය නැතිවුණා. හුඟක් මේ ගැන පිටින් බලන අයට ප්‍රශ්නයක් වුණේ කොහොමද මේ ගෑණු ළමයි දෙන්නෙක් තනියම ජීවත් වෙන්නෙ කියන එකයි. හැබැයි මං ඒක ගත්තෙ අභියෝගයක් විදිහට. මං හරි විදිහට මගෙ ජීවිතේ ගොඩනැගුවා. මගෙ අම්මගෙ නමට කැළලක් නොවෙන විදිහට මං මගෙ ජීවිතේ හදාගත්තා.

✍🏻 වෙනස් නෑදෑයො පිරිසක්.

ලේ නෑකම් කියලා කියන්නෙ බොරුවක්. ඇත්තටම නෑදෑයෝ කියලා කියන්න පුළුවන් වෙන්නෙ අපේ දුකේදි අපිත් එක්ක ඉන්න අයටයි. ඉතින් මගේ ජීවිතේ අපේ අම්මගෙ සහෝදර සහෝදරියො 6ක් ඉන්නකොට, තාත්තගෙ සහෝදර සහෝදරියො 4ක් ඉන්නවා. ඉතින් ඔය 10 ගොල්ලොන්ගෙන්ම පුංචි දවස් වල අපිව භාරගන්න පුළුවන් කවුරුත් හිටියෙ නෑ. කවුරුත් ඒකට කැමති වුණේ නෑ.

ඒකට එයාලට සාධාරණ හේතු තියෙන්න ඇති. අදටත් ඇතී. එක අතකට ඒක අපේ ලැබීම වෙන්නත් ඇති. එහෙම නැත්නම් ඒක මගේ ජීවිතේ හොඳට වුණා වෙන්නත් ඇතී.

👉🏻 කොහොමද මං මේක ශක්තියක් කරගත්තෙ???

⁃ අදටත් මං එයාලට චෝදනා කරන්නෙ නෑ. මොකද එයාලා එහෙම භාරගත්තා නම් මේ වෙද්දි මං මේ තරම් ශක්තිමත් කෙනෙක් වෙන්නෙ නෑ. ඉතින් මං මේ තරම් ශක්තිමත් වුණේ එයාලා ඒ විදිහට හැසිරුණු නිසයි.

⁃ මට නෑදෑයො විශේෂ නෑ. අදටත් නෑදෑයො කියලා විශේෂ පිරිසක් මගේ ජීවිතේ නෑ. එයාලා මගෙන් උදව්වක් ඉල්ලුවොත්, මට පුළුවන්කමක් තියෙනවා නම් මං පුළුවන් උපරිමෙන් ඒක ඉටු කරනවා. හැබැයි එහෙම කරන්නෙ මට සිද්ධ වුණ දේ එයාලට සිද්ධ වෙනවා දකින්න ඕන නැති නිසයී.

⁃ තීරණ ගන්නකොට බලපෑම් අඩුයි. ඇත්තටම නැති තරම්. මට සම්බන්ධකම් අඩු නිසා මගේ ජීවිතේ තීරණ වලදි මට එයාලා ගැන වදවෙන්න, එයාලගෙන් කරුණු විමසන්න ඕන වෙන්නෙ නෑ. මං ස්වාධීන කෙනෙක්. අනිත් එක දවසක wedding එකක් තිබ්බොත් cost එකත් සෑහෙන්න අඩුවෙයී 😉.. ඒ ගැන හිතනකොටත් හරිම සතුටුයී..

✍🏻 මගේ සහෝදරිය 0.001%ක්.

මගේ නංගි කියන කෙනා මට සහෝදරියකටත් වඩා දරුවෙක් වගේ. මට වඩා අවුරුදු 5ක් විතරක් වයසින් බාල වුණත්, ඊට වඩා ලොකු වගකීමක් එයා ගැන මට තිබුණා.

අන්න ඒ හේතුව නිසාම තමයි පේරා university select වෙලත්, එයාව භාරදීලා යන්න කෙනෙක් නැතිකමට මං මට ලැබුණු අවස්ථාව අත්හැරියෙ.

හැබැයි එයාව මට හරි විදිහට හදන්න බැරිවුණා. එයාට පාසල් කාලෙදි ඇතිවුණ ප්‍රේම සම්බන්ධයක් නිසා, අනිත් හැමදේම පේන්නෙ නැතුව ගියා. ඒ නොගැළපෙන සම්බන්ධෙට විරුද්ධ වුණ මාව එයාට පේන්න ගත්තෙ හරියට නපුරු කුඩම්මෙක් වගේ. අන්න ඒ නිසා ටික ටික ඒ පුංචි කෙල්ලට මාව එපා වුණා. අදටත් කිසිම සම්බන්ධයක් නැති තරමට.

👉🏻 කොහොමද මං මේක ශක්තියක් කරගත්තෙ???

⁃ මං හිතාගත්තා මගෙ නංගිට මෙහෙම වුණත්, මට පුළුවන් හැටියකට තවත් ළමයෙක්ට එහෙම නොවෙන්න මං මට පුළුවන් දෙයක් මං කරනවා කියලා. අන්න ඒ නිසාම තමයි page එකේ ඒ ගැන කතා කරන posts share වෙලා තියෙන්නෙ. මොකද මං දන්නවා ඒක කියවන 10 දෙනෙක්ගෙන් එකම එක්කෙනෙක් හරි අනිවාර්යයෙන්ම හරි පාරට වැටෙනවා කියලා.

⁃ අත්හරින්න බැරි කිසිම දෙයක් නෑ. මිනිස්සු කොච්චර කොහොම කිව්වත් අතහරින්න බැරි දේවල් තියෙනවා කියලා ඒක බොරුවක්. අපේම මිනිස්සුන්ට පුළුවන් සමහර වෙලාවට අපිවම විනාශ කරලා දාන්න. අපි ගැන බොරු දේවල් කියන්න.

⁃ වැරැද්ද වැරැද්ද විදිහට දකින්න පුළුවන් වුණා. දවසක ජීවිතේ ඔයාට වැරැද්දක් සිද්ධ වුණොත්, ඒක කාගෙ අතින් වුණත් වැරැද්ද වැරැද්දමයී. ඒක අම්මා තාත්තා වුණත්, සහෝදරයෙක් වුණත්, යාළුවෙක් වුණත් වරද වරදමයි. වැරැද්දක් වුණාට පස්සෙ ඔයාලට පුළුවන් අවස්ථා 3ක් විතර ඒ වරද හදාගන්න දෙන්න. හැබැයි ඒත් එයා ඒ දේම නම් කරන්නෙ, හොඳම විසඳුම නිහඬව ඔයා එයාට සමුදෙන එකයී.

ඉතින් මේ තමයි මගෙ ජීවිතේ දැනට මං මුහුණ දීපු නරකම නරක අත්දැකීම් ටික. හැබැයි අදටත් මං හුඟක් හොඳින් මගෙ ජීවිතේ ඉස්සරහට යනවා. මං මේ හැමදේම ශක්තියක් කරගත්තා. අදටත් උත්සාහ ගන්නවා.

අන්න ඒ විදිහටම ඔයාලගෙ ජීවිත වලත් මොන ප්‍රශ්න තිබුණත් ඒ දේවල් ඔයාලට පන්නරයක් වෙන විදිහට නිර්මාණය කරගන්න ඔයාට පුළුවන්. ඒක අනිවාර්යයෙන්ම ඔයාට කරන්න පුළුවන් දෙයක්. මොකද එහෙම මිනිස්සුන්ට තමයි තවත් එහෙම කෙනෙක්ගෙ ජීවිතේ හැරවුම් ලක්ෂ්‍යයක් වෙන්න පුළුවන් වෙන්නෙ. ඒ නිසා මේ පුංචි ලෝකෙට තවත් මේ වගේ ශක්තිමත් අය ඕන..

ඉතින් මේ post එක ඔයාලට උදව්වක් වුණා නම් අනිවාර්යයෙන්ම like කරන්න. තවත් කෙනෙක්ට ශක්තියක් වෙන්න share කරන්න. නැත්නම් එයාලව tag කරන්න. ඔයාලගෙ අදහස්, අත්දැකීමුත් අනිවාර්යයෙන්ම comment වලින් share කරන්න. මොකද තව කෙනෙක්ට ඒක ලොකු ශක්තියක් වෙයී.

💥තවත් මේ වගේ වැදගත් post හැමදාම කියවන්න 'Study with Gimi' පේජ් එකටත් like👍🏻 එකක් දාලා join වෙන්න.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi