Learning Pyramid

​၁။ Passive Learning

​ဒါကတော့ ပိရမစ်ရဲ့ အပေါ်ပိုင်းဖြစ်ပြီး၊ ဦးနှောက်က သတင်းအချက်အလက်ကို လက်ခံရယူရုံသာပြုလုပ်တဲ့ အဆင့်ဖြစ်ပါတယ်။ မှတ်မိနိုင်စွမ်း နည်းပါးပါတယ်။
​၅% - Listen (နားထောင်ခြင်း): စာသင်ခန်းထဲမှာ ဆရာသင်တာ နားထောင်တာ၊ ဟောပြောပွဲ နားထောင်တာမျိုးဆိုရင် ၅% လောက်ပဲ မှတ်မိပါမယ်။

​၁၀% - Read (စာဖတ်ခြင်း): စာအုပ်ဖတ်တာ၊ စာပေလေ့လာတာမျိုးက ၁၀% လောက် မှတ်မိနိုင်ပါတယ်။

​၂၀% - Audio-Visual (အသံရော ရုပ်ပါတွဲမြင်ရခြင်း): ဗီဒီယိုကြည့်တာ၊ Powerpoint နဲ့ ရှင်းပြတာကို ကြည့်တာမျိုးက အသံရောရုပ်ပါ ပါတဲ့အတွက် ၂၀% ထိ မှတ်မိနိုင်ပါတယ်။

​၃၀% - Demonstrate (လက်တွေ့ပြသမှုကို ကြည့်ရှုခြင်း): ဥပမာ - သိပ္ပံစမ်းသပ်ချက်တစ်ခု လုပ်ပြတာကို ကြည့်တာမျိုးက ၃၀% အထိ မှတ်မိစေပါတယ်။

​၂။ Active Learning
​ဒါကတော့ ပိရမစ်ရဲ့ အောက်ခြေပိုင်းဖြစ်ပြီး၊ ကိုယ်တိုင်ပါဝင်လှုပ်ရှားရတဲ့ အဆင့်ဖြစ်ပါတယ်။ လေ့လာမှုစွမ်းရည် အမြင့်မားဆုံးအပိုင်း ဖြစ်ပါတယ်။

​၅၀% - Discuss (ဆွေးနွေးတိုင်ပင်ခြင်း): သူငယ်ချင်းတွေနဲ့ Group discussion လုပ်တာ၊ အပြန်အလှန် မေးခွန်းထုတ် ဆွေးနွေးတာမျိုးက ၅၀% အထိ မှတ်မိစေပါတယ်။

​၇၅% - Apply / Practice Doing (လက်တွေ့ ကိုယ်တိုင်လုပ်ဆောင်ခြင်း): စာတွေ့မဟုတ်ဘဲ ကိုယ်တိုင်လက်တွေ့ လိုက်လုပ်ကြည့်တာက ၇၅% အထိ မှတ်မိစေပါတယ်။

​၉၀% - Teach Others (သူတစ်ပါးအား ပြန်လည်သင်ပြခြင်း): ဒါက အထိရောက်ဆုံး နည်းလမ်းပါ။ ကိုယ်သိထားတာကို သူများ နားလည်အောင် ပြန်ရှင်းပြနိုင်ပြီဆိုရင် ကိုယ်တိုင်က အကြောင်းအရာကို ၉၀% အထိ ပိုင်နိုင်ကျွမ်းကျင်သွားပါပြီ။

​လိုရင်းအနှစ်ချုပ်
​စာတစ်ခုကို ဖတ်ရုံ၊ မှတ်ရုံ (ကျက်မှတ်ရုံ) သက်သက်ဆိုရင် မေ့လွယ်ပါတယ်။ အကြောင်းအရာတစ်ခုကို တိတိကျကျ ပိုင်နိုင်ချင်ရင် သူများနဲ့ ဆွေးနွေးပါ၊ လက်တွေ့ လိုက်လုပ်ကြည့်ပါ၊ သူတစ်ပါးကို ပြန်လည် သင်ပြပါ။ ဒါဆိုရင် လေ့လာမှုစွမ်းရည် အမြင့်ဆုံးကို ရရှိမှာ ဖြစ်ပါတယ်။

​

ဟုတ်ပြီနော်
#crd
#Maple
#studywithK2