စာမေးပွဲရလဒ်တွေကို မကြည့်ဘဲ ကျောင်းသားတိုင်းကို အတန်းကူးပြောင်းခွင့်ပြုတဲ့ စနစ်ဟာ ဘက်စုံဖွံ့ဖြိုးတိုးတက်မှုကို အားပေးလိုတာကြောင့် ကျင့်သုံးရခြင်း ဖြစ်တယ်ဆိုတဲ့ အဆိုက ကျောင်းသားတွေကို ဝေဖာချပ်နဲ့ တိုက်ဆောက်ခိုင်းလိုက် သလိုပါပဲ။

(၁၂)တန်းရောက်တာနဲ့ တိုက်ပြိုကျပြီပဲ။

စာမလုပ်လည်း အောင်မှာ သိနေတဲ့ ကျောင်းသားကို စာတတ်သွားအောင် သင်ဖို့ အရမ်း လွယ်တယ် ထင်ကြသူများ ကြောင့်သာ ဒီစနစ်ကြီး ဖြစ်လာတယ်လို့ ထင်ပါတယ်။

မြန်မာ့သမိုင်းမှာ သင်ခဲ့ရတယ်။ ကိုလိုနီခေတ်က အင်္ဂလိပ် အုပ်စိုးသူများက လူတိုင်းတက္ကသိုလ် တက်ဖို့ မလွယ်အောင် လုပ်ပြီး အသိပညာ နိမ့်ကျနေကာ ပညာတတ်နည်းအောင် လုပ်ခဲ့ ကြပါသတဲ့။

ကျွန်တော်တို့နိုင်ငံကနေ အာရှနဲ့ ဥရောပအတွက် အလုပ်ကြမ်းသမားတွေ မွေးထုတ်ပေးနေတဲ့ ရည်ရွယ်ချက်က အတော် အောင်မြင်နေပါပြီနော်။

ကော်လာပြာထက် ကော်လာဖြူတွေ များများထွက်လာအောင် ရည်ရွယ်ပြီး ကျောင်းသားတွေကို စာမသင်ခင်မှာ စာတကယ်တတ်အောင် သင်ယူကြဖို့ နေ့တိုင်း တရားချ နေကြရလို့ ဆရာ/မတွေ စာမသင်ဘဲ တရားပြဆရာ လုပ်ရင် အရမ်းအောင်မြင်ကြမှာ သေချာပါတယ်။

ကိုယ့်သားသမီး အတန်း မှန်မှန်အောင်ရင် တော်ပြီလို့ တွေးမှတ်ထားကြတဲ့ မိဘတွေကို ပြောချင်ပါတယ်။ကိုယ့် မျိုးဆက်ကို ကိုယ့်ထက်နိမ့်ကျစေချင်ရင် အဲ့သလောက်နဲ့ ကျေနပ်ကြပါလို့...

စာသင်ခန်းထဲက စာမေးပွဲရလဒ်တိုင်းကိုလည်း အမှန်လို့ချည်းပဲ ယုံမနေကြနဲ့ဦးနော်...ခေါင်းတွေကို ၃၆၀° လှည့်ပြီး အမှတ်ကောင်းနေတာမျိုးလည်း ရှိတတ်ပါတယ်။

စာမေးပွဲကို စာမေးပွဲနဲ့ တူအောင် စစ်တဲ့ကျောင်း၊ မေးခွန်း နှစ်စုံ ကြိုချပေးပြီး တစ်စုံကိုသာ စစ်တာမျိုး မလုပ်တဲ့ ကျောင်း၊ သင်ရိုးအစကနေ ပြန်ပြန် စစ်နေတဲ့ကျောင်း၊ စာတကယ်တတ်အောင် သင်ပေးတဲ့ စေတနာအားကြီးတဲ့ ဆရာ/မ တွေ များများရှိတဲ့ကျောင်း၊ အဲ့သလို ကျောင်းမျိုးတွေမှာ ထားပါ။ Grade B ထက် ရမှတ်နည်းရင် သည်းမခံဘဲ စာတကယ်တတ်အောင် ပြန်သင်စေဖို့ ဖိအားပေးနိုင်တဲ့ မိဘတွေ ဖြစ်စေချင်ပါတယ်။

ကိုယ်မပြောင်းနိုင်တဲ့ စနစ်ထဲမှာ ကိုယ်စွမ်းနိုင်တာလေးတော့ ဖိလုပ်ကြပါ ခင်ဗျ။

အနှစ်ချုပ်က ကိုယ့်သားသမီးမှ ကိုယ် ပြန်မကယ်နိုင်ရင် ကလေးမမွေးကြနဲ့ လို့ ...မှာချင်ပါတယ် ခင်ဗျာ။

လွန်တာရှိက ဝန္ဒာမိ ပါ ခင်ဗျ

နိုင်ဝင်းလတ်(ဂုဏ်ထူးဇီဝ)

#crd
#studywithK2
#Maple

‼ Reminder for Grade-12 students ‼

ဟေးးးးး

အခုဆိုရက်ပေါင်း(၁၁၀)ရက်ပဲကျန်တော့တာနော်။

စာတွေပိုင်နေကြပြီမလား ကလေးတို့။

မပိုင်သေးလည်း ပိုင်အောင်လုပ်ဖို့မှီပါသေးတယ်။

အားလုံးပဲ fighting 💪🏻

#Maple
#studywithK2

အခုရက်ပိုင်း အစ်မကိုအ‌မေးတော်တော်များနေတဲ့ ဘယ်ကစပြီး revision လုပ်ရမလဲဆိုတဲ့ မေးခွန်းလေးကို အစ်မက အစ်မအတွေ့အကြုံ‌လေးနဲ့ယှဥ်ပြီးဖြေပေးပါ့မယ်နော်။

ဧကာဒသမတန်းလို့ခေါ်တဲ့ Grade -11 ကတည်းက ဒွါဒသမတန်းလို့ ခေါ်Grade -12စာကိုကြိုသင်ထားတဲ့ မောင်ငယ်၊ညီမငယ်တွေဆို အခုအချိန်လောက်ဆို revision စနေလို့ပြီလို့ မမထင်ပါတယ်နော်။

အဲ့လိုဆိုရင်တော့ ကိုယ်အားနည်းတဲ့ဘာသာရပ်၊ကိုယ်အားနည်းတဲ့ အခန်းကစပြီး revision စပြီးပြန်လုပ်ဖို့မမကအကြံပြုလိုက်ပါတယ်ရှင်။

အဲ့လိုမျိုး စာကြိုမသင်ထားတဲ့ကလေးတွေက အနေနဲ့ကရော ဘယ်လိုလုပ်ရမလဲဆို

တစ်နေ့သင်သမျှစာကို တစ်နေ့လုပ်ပါ။အဲ့လိုလုပ်တဲ့နေရာမှာလည်း စာလုပ်ဆိုပြီး ပြီးပြီးရောမလုပ်ပဲနဲ့ သေသေချာ‌လေး စာလုပ်ပေးပါ။

နောက်ပြီး revision ကို ဟိုးအစကပြန်ပြီးတစ်နေ့နည်းနည်းစီပြန်လုပ်ပါနော်။Revisionပြန်တဲ့နေရာမှာ Revision ပြန်ဖို့ကို စိတ်အားမထက်သန်ပဲ တစ်နေ့စာတစ်နေ့ကို သေချာနားလည်အောင်လုပ်ဖို့ကိုပဲ စိတ်အားထက်သန်ပေးပါနော်။

ဘာလို့မမကအဲ့လိုပြောရတာလဲဆို

အကယ်၍ မောင်လေးတို့၊ညီမလေးတို့က revision လုပ်တာကိုပဲအားသာပြီးစာလုပ်တဲ့နေရာမှာ ပေါ့သွားခဲ့ရင် ကိုယ်ကအဲ့သင်ခန်းစာကိုပြန်ပြီး revision လုပ်တဲ့အခါ အခက်အခဲတွေနဲ့ကြုံရနိုင်ပါတယ်နော်။အဲ့တော့ အစ်မပြောချင်တာက သင်နေတဲ့စာကိုရမှ ကိုယ်က Revision ပြန်တဲ့အခါပိုပြီး မြန်ဆန်ပြီး၊ပိုမှတ်မိမှာပါနော်။

နောက်ပြီး ကလေးတို့အားလုံးကိုအစ်မမှာချင်တာက တကယ့် revision ကာလရောက်တဲ့အခါကျရင် နောက်ဆုံးဘာသာကစပြီး revision ပြန်ပါနော်။

ဘာလို့အဲ့လိုပြောရလဲဆို နောက်ဆုံးဘာသာကစပြီး revision ပြန်ရင်းနဲ့ ပထမဆုံးဘာသာက တကယ်ဖြေရမဲ့ရက်နဲ့ ကိုက်ညီသွားတဲ့အခါ ကိုယ့်အတွက်ပင်ပန်းတာသက်သာပါတယ်နော်။

နောက်ပြီး တစ်နေ့တည်းမှာ ၆ဘာသာထိတွေ့ရမယ်ဆိုပြီး target ထားဖို့လည်းမလိုသလို တစ်နေ့တည်းမှာ ၁ဘာသာကိုပဲလုပ်နေဖို့လည်းမလိုပါဘူးနော်။

ကယ်ဒီလောက်ဆို revision ပြန်ဖို့ အဆင်ပြေမယ်လို့ မမထင်ပါတယ်။

အကယ်၍ မမရေးထားတာကို နားမလည်တာရှိရင် discussion room ထဲမှာ ပြန်ပြီးမေးမြန်းထားလို့ရပါတယ်။

အားလုံးပဲ ဖိုက်တင်း။

#Maple
#studywithK2

တောင်းထားတဲ့သူလေးအတွက်ပါ