📢📢📢

ဒီနေ့မှာ အစ်မပြောပြပေးမယ့် အကြောင်းအရာလေးက မောင်လေးတို့၊ ညီမလေးတို့ အခုရက်ပိုင်း မေးနေကြတဲ့🤔
၁။ တစ်ရက်မှာ တစ်ဘာကို အချိန် ဘယ်လောက်ထားပြီးလုပ်သင့်လဲ။ ၂နာရီ လောက်ဆိုရပြီလား။

၂။တစ်ရက်မှာ စာဘယ်နှစ်နာရီလုပ်သင့်လဲ။

၃။ည ဘယ်အချိန်အိပ်၊ မနက်ဘယ်အချိန်ထ ရမလဲ။

တစ်ချို့ကလည်း Timetable လေး လုပ်ပေးပါလား တောင်းဆိုကြတယ်။

ကဲဟုတ်ပါပြီ အစ်မပြောပြ ပေးမယ်နော်။

၁။ တစ်ရက်မှာ တစ်ဘာသာကို အချိန် ဘယ်လောက်ပေးပြီးလုပ်သင့်လဲ ဆိုရင် အစ်မ အနေနဲ့အခုလို တစ်ဘာသာကို အချိန်ဘယ်လောက် သတ်မှတ်ထားပြီး တကယ်ပြီးအောင် လုပ်ဖို့ကလည်း ခဲယဉ်းပါတယ်။ တစ်ခါမှလည်းမအောင်မြင်ဖူးပါဘူး။ ဆိုတော့ အစ်မက တစ်ဘာကို အချိန်ဘယ်လောက် သတ်မှတ်ပြီး စာလုပ်တာကို အားမပေးပါဘူး👌။ ဒါပေမဲ့ အရေးကြီးဆုံးက တစ်ရက်မှာ ၆ဘာသာလုံးကို ထိတွေ့ဖြစ်အောင်တွေ့ပါ။ တစ်ဘာကိုအချိန်ဘယ်လောက်ဆိုပြီး သတ်မှတ်စရာမလိုပါဘူး။ ၆ဘာသာလုံး လုပ်ဖြစ်တယ်ဆို ရပါပြီ။ အဲ့လိုပြောလို့ တစ်ဘာသာကို ၅မိနစ်၊ နောက်တစ်ဘာသာကို ၅နာရီလောက် အဲ့လိုဆိုလိုတာမဟုတ်ပါဘူး❌။ ဆိုလိုတာက ကျက်စာဆို အနည်းဆုံး ၅မျက်နှာ ကျက်မယ်၊ တွက်စာဆို ၁ခန်းပြီးအောင်တွက်မယ် စသဖြင့်ပြောတာပါ✔️။ ဒါက ဥပမာအနေနဲ့ ပြောပြတာပါ။ မောင်လေးတို့ညီမ‌ေလးတို့ ကိုယ့်ကိုကိုယ် အသိဆုံးပါ ငါကစာကျက် ကြာတဲ့သူလား စသဖြင့် ဒါဆို ကိုယ့်ဘာသာချိန်ပြီး တစ်ရက်မှာ ၆ဘာသာလုံး လုပ်ဖြစ်အောင် ဘယ်ဘာသာတော့ဘယ်လောက်ထိပဲရမယ် ဘယ်ဟာကတော့ ဒီလောက်တွက်လို့ရတယ် စသဖြင့် ကိုယ်တိုင် တွက်ဆကြည့်လို့ရပါတယ်။

၂။ တစ်ရက်မှာ စာဘယ်နှစ်နာရီ လုပ်သင့်လဲ မေးခွန်းကို အစ်မဖြေဖူးပါတယ်။ စားတဲ့အချိန်ရယ်၊ အိပ်တဲ့အချိန်ရယ်ကလွဲပြီး လုပ်သင့်ပါတယ်လို့။ တစ်ချို့ကလည်း ဒီလောက်ထိ လုပ်ရမှာလားမေးကြတယ်😱။ ဟုတ်ပါတယ် ဒီလောက်ထိ လုပ်ရပါမယ်။ နောက်တစ်ခုပြောချင်တာက တစ်ရက်မှာ အနည်းဆုံး၅နာရီ အိပ်မယ်ဆိုရင် ၂၄နာရီမှာ ၁၉နာရီကျန်သေးတယ် ကျောင်းသွားတာက ၅နာရီပဲထား ၁၄နာရီကျန်မယ် ကျူရှင်လည်း အနည်းဆုံး၅နာရီ အကြာဆုံး၆ နာရီပေါ့ ဒါဆို ၈နာရီကျန်မယ် စားတာက တစ်နေကုန်စာ ၁နာရီကြာတယ်ပဲ ထားပါတော့ မင်းတို့မှာ ၇နာရီပဲကျန်မယ် အဲ့ဒါကိုမှ များတယ်ထင်နေကြရင်လည်း အစ်မမှာထပ်ပြောစရာမရှိတော့ဘူး😫။ နောက်ပြီး ကျောင်းတို့ ကျူရှင်တို့ဆိုတာလဲ ၁ပတ်လုံး ရှိနေတာမဟုတ်ပါဘူး။ မရှိတဲ့ရက်ဆို မင်းတို့ရဲ့ စာလုပ်ချိန်က ၁၀ နာရီအထက် ရပါတယ်နော်။

၃။ ညဘယ်အချိန်အိပ်ရမလဲဆို ၁၂မကျော်တာ အကောင်းဆုံးပါ။ ဒါပေမဲ့ တစ်ခါတစ်လေ အစ်မတို့လည်း မနက် ၁နာရီ၊ ၂နာရီထိဖြစ်ဖူးပါတယ်။ အစ်မကတော့ မနက်၃နာရီတို့ ၄နာရီထိ တို့တော့ မနေဖူးပါဘူး။ အလွန်ဆုံး မနက်၁နာရီထိပါပဲ ပြီးမှသာ မနက် ၆နာရီလောက်ပြန်ထဖြစ်တယ်။
မနက်ဘယ်အချိန်ထရမလဲဆိုရင် ၅နာရီကတော့အကောင်းဆုံးပါ။ ၆နာရီလည်း ရပါတယ်။ အဲ့ထက် မကျော်နဲ့တော့ပေါ့နော်။ ည၁၂ အိပ်၊ မနက်၅ ထ ကတော့ တော်တော်ကောင်းတဲ့ plan ပါပဲနော်💯။

တစ်ချို့က Timetable တောင်းတယ်၊ Timetable ဆိုတာမျိုးက ကိုယ့်အချိန် ကိုယ်သိပြီး ဆွဲတာအကောင်းဆုံးပါ။ အစ်မဆွဲပေးလဲ ကိုယ်က ကျူရှင်ရှိလို့ မလုပ်နိုင်ဘူး စသဖြင့်ဆို အဆင်မပြေဘူးလေ။ ဆိုတော့ ကိုယ်တိုင်လုပ်တာ အကောင်းဆုံးပါ👍။

ဟုတ်ပါပြီ။ အခုအစ်မပြောပြသွားတာတွေက အစ်မ experience နဲ့ယှဉ်ပြီးပြောပြသွားတာဖြစ်လို့ မှန်ချင်လည်း မှန်မယ်၊ မှားချင်လည်းမှားမယ်၊ ကိုယ်နဲ့ အဆင်ပြေဆုံးတစ်ခုကို ယူပါလို့ပဲပြောချင်ပါတယ်။

အခုလို စာအရှည်ကြီးကို အချိန်ပေးပြီးဖတ်ပေးလို့ အစ်မကတော့ ကျေးဇူးအများကြီးတင်ပါတယ်ရှင့်🥰။

အခုနီးကပ်လာသော နှစ်ဝက်စာမေးပွဲမှာလည်း ကိုယ်မှန်းထားတဲ့အမှတ်တွေရကြပါစေ။ စာမေးပွဲကြီးမှာလည်း ဂုဏ်ထူးတွေအများကြီးရကြပါစေလို့ ဆုမွန်ကောင်းတောင်းပေးလိုက်ပါတယ်ရှင့်။🏆🏆🏆

အားလုံးပဲ ကိုယ်စိတ်နှစ်ဖြာ ကျန်းမာပြီး စာတွေလုပ်‌နိုင်ကြပါစေရှင့်။

#studywithK2
#Kelly

Chemistry အတွက် ဉီးစားပေးကြည့်ရမယ့် အပိုင်းတွေကတော့

- Chapter 1

» ဒီအပိုင်းက အရေးကြီးဆုံးအပိုင်းဖြစ်သလို အမှတ်များများရနိုင်တဲ့အပိုင်းဖြစ်ပါတယ်
» chapter 1 မှာက အပိုင်းခွဲတွေတော်တော်များများပါသလို မှတ်ရတာများမယ့်အပိုင်းလည်းဖြစ်ပါတယ်
သေချာလေး စနစ်တကျ လေ့လာမယ်ဆိုရင်တော့ အပိုင်ရနိုင်တဲ့အခန်းဖြစ်ပါတယ်

- Chapter 6

» chapter 6 က chapter ၁နဲ့ spin ဆွဲတာချင်း တူခြင်း
» transition element 10 လုံးလေးအကြောင်းကိုပဲ မှတ်ရတာဖြစ်ခြင်း တို့ကြောင့် အမှတ်ရလွယ်တဲ့အပိုင်းဖြစ်ပါတယ်

- Chapter 8

» heavy အပိုင်းတွေဖြစ်တဲ့ chapter 1 တို့ chapter 6 တို့လို chapter 8 ကလည်း မှတ်ရတာများပါတယ်
» chapter 8 က organic ခန်းဖြစ်တဲ့အတွက် G11 က organic အခြေခံလေးသာ ရမယ်ဆိုရင် easy-going သွားလို့ရပါတယ်
» chapter 8 မှာ organic compound နဲ့ macromolecules ဆိုပြီး ၂ပိုင်းပါဝင်ပါတယ် တစ်ပိုင်းချင်းစီကို စနစ်တကျ လေ့လာသွားမယ်ဆိုရင် အမှတ်သယ်မဲ့ အခန်းပဲဖြစ်ပါတယ်

- Chapter 2,3,4

» ဒီအခန်းလေးတွေက ပေါ့ပေါ့ပါးပါးအခန်းလေးတွေပါ chp 1,6,8 တို့သင်ပြီးရင် ဒီအခန်းတွေက စာလည်းနည်းပြီး လွယ်ပါတယ်

- Chapter 5

» တွက်စာအခန်းဖြစ်ပါတယ် ဒီအခန်းကနေ တွက်စာတွေပိုင်ပိုင်နိုင်နိုင်တွက်ထားသင့်ပါတယ်

- Chapter 7

» သူကတော့ အမှတ်ရနည်းပြီး စာများများကြည့်ရတဲ့အပိုင်းဖြစ်လို့ အခြားအခန်းအားလုံးပိုင်ပြီးမှ ကြည့်ရပါမယ် Bio လို ကျက်စာတွေပဲမို့ နောက်ဆုံးမှ ကြည့်သင့်ပါတယ် မကြည့်နိုင်ရင် လွှတ်လို့ရတဲ့အခန်းဖြစ်ပါတယ်

G-12 Biology
Chapter -1(မေးခွန်းချဉ်းကပ်လေ့လာခြင်း အပိုင်း-၂)

အပိုင်း-၁
https://t.me/studywithK2/214

ဒီမေးခွန်းတွေဟာ Dr.YinWinရဲ့မေးခွန်းတွေဖြစ်တဲ့အတွက် တီချယ့်ကို အမြဲလေးစားဂါဝရပြုလျက်ပါ။🙏🏻

#studywithK2
#Maple

ဘယ်အခန်း အရေးကြီးသလဲ။
ဘယ်လောက်ထိ ကျက်ရမလဲ။
မနှစ်က မေးခွန်းကို လေ့လာပေးထားပါတယ်။
Section B မေးခွန်းက 90 ဖိုး မေးတယ်။ ဖြေရမှာက 60 ဖိုး။

မနှစ်က တွက်စာ 40/90 မှတ် မေးတယ်။ ဖြေရမှာ 27/60 ပေါ့။
မနှစ်က ပုံဆွဲတာ 17/90 မှတ် မေးတယ်။ ဖြေရမှာ 11/60 ပေါ့။
မနှစ်က သဘောတရား 33/90 မှတ် မေးတယ်။ ဖြေရမှာ 22/60 ပေါ့။

သဘောတရားဆိုတာ စာဖတ်နိုင် စာကျက်နိုင်မှ ဖြေနိုင်တာပါ။
Section A ၄၀ မှတ်ဖိုးကလည်း သဘောတရား၊ ဖတ်နိုင်မှပါ။

ပုစ္ဆာတွက်လောက် လုပ်နေတဲ့သူတွေ သတိရှိပါ။

ကျောင်းသားကလည်း စာများများ ဖတ်ရပါမယ်။
ဆရာကလည်း စာများများ ဖတ်ခိုင်းရပါမယ်။ ဖတ်အောင် လုပ်ရပါမယ်။
ဂိုက်ကလည်း စာများများ ဖတ်အောင် တွန်းအားပေး၊ ဂရုစိုက်ရပါမယ်။
ခပ်ပေါ့ပေါ့လေး သွားနေရင်တော့ မလွယ်ပါဘူး။
ပုစ္ဆာတွက်လေးလောက်နဲ့ အချိန်တွေကုန်နေရင် အကျိုး မများပါဘူး။

ကိုယ် ဘာလုပ်သင့်တယ် ဆိုတာ မလေ့လာတဲ့သူ
လုပ့်သင့်တာကို မဖြစ် ဖြစ်အောင် မလုပ်တဲ့သူ
ဘယ်တော့မှ အောင်မြင်မှုကြီး မရနိုင်ပါဘူး။

#CrdtoDrVince
#studywithK2
#Maple