ငါလုပ်နိုင်ပါ့မလား?” ဆိုတဲ့အတွေးနဲ့ တိုက်ပွဲဝင်နေတဲ့ G12 ကျောင်းသားများအတွက်

G-12 ကျောင်းသားတစ်ယောက်ဖြစ်ရတာ မလွယ်ပါဘူး။

တစ်ခါတစ်လေ စာအုပ်ဖွင့်ထားပေမယ့် စိတ်ထဲမှာတော့

“ငါလုပ်နိုင်ပါ့မလား…”

“ငါနောက်ကျနေပြီလား…”

“သူများတွေက ငါ့ထက်တော်နေကြတာ မဟုတ်ဘူးလား…”

ဆိုတဲ့အတွေးတွေကပဲ နေရာယူနေတတ်ပါတယ်။

ဒါပေမယ့် သိထားစေချင်တာတစ်ခုရှိပါတယ်။
ကိုယ့်ကိုယ်ကို မယုံကြည်တဲ့နေ့တွေရှိနေတာက မင်းအားနည်းနေလို့ မဟုတ်ဘူး။

မင်းရဲ့အနာဂတ်ကို အလေးထားလို့ပါ။
အောင်မြင်တဲ့သူတွေတောင် ကိုယ့်ကိုယ်ကို သံသယဝင်ဖူးကြတယ်။
ကွာခြားချက်ကတော့ သူတို့က သံသယတွေရှိနေပေမယ့် ရပ်မသွားခဲ့ကြတာပါပဲ။

ဒီနေ့ စာတစ်မျက်နှာပဲ ကျက်နိုင်ခဲ့ရင်လည်း အဆင်ပြေပါတယ်။
ဒီနေ့ နည်းနည်းပဲ ရှေ့တိုးနိုင်ခဲ့ရင်လည်း အဆင်ပြေပါတယ်။
တိုးတက်မှုက မြန်နှုန်းနဲ့ မတိုင်းတာပါဘူး။

မရပ်မနား ဆက်သွားနိုင်ခြင်းနဲ့ တိုင်းတာတာပါ။

ဒါကြောင့် ကိုယ့်ကိုယ်ကို မယုံကြည်တဲ့နေ့တွေမှာ

“ငါလုပ်နိုင်ပါ့မလား” လို့ မေးမယ့်အစား
“ဒီနေ့ ငါဘာတစ်ခု လုပ်နိုင်သေးလဲ”
လို့ ကိုယ့်ကိုယ်ကို ပြန်မေးကြည့်ပါ။

မင်းထင်ထားတာထက် မင်းပိုသန်မာတယ်။
မင်းထင်ထားတာထက် မင်းပိုလုပ်နိုင်တယ်။

အခုလို ဆက်ကြိုးစားနေသရွေ့
မင်းရောက်ချင်တဲ့နေရာနဲ့ တစ်နေ့ထက်တစ်နေ့ ပိုနီးလာနေပြီဆိုတာပါပဲ။

#adminteam
#volunteer_admin_cyrus
#studywithK2

Hello

ကလေးတို့ရေ အစ်မနဲ့မတွေ့တာတောင်ကြာပြီနော်။

မတွေ့တာကြာပြီဆိုတော့ မှတ်ရောမှတ်မိကြရဲ့လား။

အရင်ဆုံး အစ်မက စိတ်မကောင်းစရာသတင်းလေးတစ်ခုကို အရင်ပြောပြချင်ပါတယ်။

အဲ့ဒါက အစ်မတို့ Admin team ဘက်မှာလည်း မင်းတို့ရဲ့ အချစ်တော် Admin jet ကကိုယ်ရေးကိုယ်တာကိစ္စလေးတွေကြောင့် channel ကနေထွက်သွားပါတယ်။

အစ်မတို့ အနေနဲ့ volunteer လေးတွေထပ်ခေါ်လိုက်ရတယ်ဆိုလည်း ကလေးတို့အသိပါပဲနော်။

ဆိုတော့ လက်ရှိ admin team ဘက်မှာ အစ်မနဲ့ admin Kelly ၂ ယောက်ပဲကျန်ပါတော့တယ်။

အဲ့အတွက် အခုနှစ်တက်နေတဲ့ကလေးတွေ စာမေးတဲ့အခါ အစ်မတို့ကလည်း ကိုယ့်ကိစ္စနဲ့ကိုယ်မအားတာကြောင့် စာတွေမမြင်တာတွေဖြစ်မှာစိုးတဲ့အခါ ကလေးတို့ပဲ နစ်နာမှာစိုးလို့ volunteer admin လေးတွေကို discussion room ထဲမှာထားထားပါတယ်နော်။

အခုရက်ပိုင်း အစ်မ discussion room ထဲမှာ G-12 ဖြေပြီးသားကလေးတွေ စကားလာပြောနေတာကိုတွေ့ပါတယ်။ အဲ့အတွက်လည်း discussion room လေး စည်ကားနေတာတွေ့တော့ ကျေးဇူးလည်းတင်ပါတယ်။

ဒါပေမယ့်ကလေးတို့ရယ် မင်းတို့အလှည့်တုန်းက အစ်မတို့ရဲ့ discussion room ထဲ အခုလို စီနီယာတွေစကားလာများတဲ့အခါ ကိုယ်သိချင်တာရှိတာမေးရတဲ့အခါ မျက်စိရှုပ်နေရင် ကလေးတို့စိတ်ညစ်ခဲ့ကောင်း စိတ်ညစ်ခဲ့ပါလိမ့်မယ်။

အခု ကလေးတို့အနေနဲ့ ကိုယ့်ရဲ့ မောင်လေး၊ညီမလေး၊ညီငယ်၊ညီမငယ်လေးတွေရော အဲ့လိုစိတ်ညစ်မှုတွေမဖြစ်ရလေအောင် ဆိုပြီး အစ်မနဲ့ admin Kelly ၂ယောက်တိုင်ပင်ပြီး discussion room ကိုခဏပိတ်လိုက်တာပါ။

အဓိက ကတော့ ကလေးတို့က အောင်စာရင်းနဲ့စိတ်တွေပူပန်နေတာတွေ့လို့ပေါ့။

အဆင်မပြေရင်ပြောလို့ရတယ်လို့ ကလေးတစ်ယောက်ရေးလိုက်တာ အစ်မတွေ့တယ်ရှင်။

ဒါပေမယ့် အစ်မတို့ကလည်း ကိုယ့်ကိစ္စနဲ့ကိုယ်မအားနေတဲ့သူတွေဆိုတော့ ငါတို့ရေးမယ်လို့ သတိရတဲ့အချိန်တွေက စာသင်နေတာတို့၊အလုပ်လုပ်နေတဲ့အချိန်မျိုးဖြစ်နေပြီး၊ဖုန်းသုံးတဲ့အခါကျပြန်တော့ အစ်မတို့က volunteer လေးတွေကို ဘာလုပ်ရမယ်၊ဘာရေးရမယ်ဆိုပြီး ထပ်ပြီးစီမံခန့်ခွဲပေးနေရတော့ ကလေးတို့ကို ပြောမယ်ပြောမယ်ဆိုပြီးမေ့သွားတာပါကွယ်။

အဲ့အတွက်လည်း စိတ်မဆိုးဖို့တော့ မျှော်လင့်ပါတယ်။

ဒီ channel လေးထဲမှာ ကလေးတို့လို G-12 ရလဒ်ကိုစောင့်နေတဲ့ကလေးတွေလည်းရှိမယ်၊ကလေးတို့ထပ်ငယ်တဲ့ ကလေးတွေလည်း ရှိတဲ့အခါကျ ကိုယ့်ရဲ့အပြုအမူ၊အပြောအဆိုတွေကို တစ်ခုချင်းစီထိန်းသိမ်းပေးစေချင်ပါတယ်။

Admin jet ရှိခဲ့မယ်ဆိုလည်း သူ့ရဲ့ကလေးတွေ အခုလို ဖြစ်နေတာကိုလည်း လိုချင်မယ်လို့တော့ အစ်မတို့မထင်မိပါဘူးနော်။

အဲ့အတွက် အစ်မတို့ channel က ကလေးတွေက လိမ္မာပြီးသားမို့ discussion room message ပိတ်တာကို စိတ်မဆိုးဘူးလို့မျှော်လင့်ရင်း ကလေးတို့စောင့်မျှော်နေတဲ့ရလဒ်တွေကို အမြန်ဆုံးသိရပါစေလို့ ဆုမွန်ကောင်းတောင်းပေးလိုက်ပါတယ်။

#AdminMaple #studywithK2

Work Hard တစ်ခုတည်းနဲ့ G12 ကို ဖြတ်ကျော်လို့ရမလား?

G12 ရောက်လာတဲ့အချိန်မှာ လူတိုင်းနီးပါးက ကြိုးစားကြပါတယ်။

တစ်ချို့က မနက်စောစောထပြီး စာကျက်တယ်။
တစ်ချို့က ညနက်တဲ့အထိ ထိုင်ကျက်တယ်။
တစ်ချို့ဆို Phone တောင် လျှော့သုံးပြီး စာပဲအာရုံစိုက်နေကြတယ်။

ဒါပေမယ့် မေးစရာတစ်ခုရှိတယ်။

“ငါတို့ကြိုးစားနေတဲ့ နည်းလမ်းက မှန်ရဲ့လား?”

G12 မှာ Work Hard က မဖြစ်မနေလိုအပ်တယ်။

ဒါပေမယ့် Work Hard တစ်ခုတည်းနဲ့တော့ မလုံလောက်ဘူး။

ဘာလို့လဲဆိုတော့ G12 က စာအုပ်တစ်အုပ်ပြီးတစ်အုပ် ဖတ်နေရုံနဲ့ အဆင်ပြေတဲ့နှစ် မဟုတ်တော့ဘူး။

ဘယ်အပိုင်းတွေက အားနည်းနေလဲ။
ဘယ် Subject က အချိန်ပိုပေးဖို့လိုလဲ။
ဘယ်လိုစာကျက်တဲ့အခါ ကိုယ်က ပိုမှတ်မိလဲ
ဒါတွေကို သိဖို့လည်း လိုတယ်။

ဥပမာ…
Chapter တစ်ခုကို ၃ ခါပြန်ဖတ်တာက Work Hard ဖြစ်နိုင်တယ်။

ဒါပေမယ့် ဖတ်ပြီးတဲ့နောက် စာအုပ်ပိတ်ပြီး ကိုယ်ဘာမှတ်မိသေးလဲ ပြန်စစ်ပါ။
ကိုယ်နားမလည်တဲ့ အပိုင်းကို အချိန်ပိုပေးတာက Work Smart ဖြစ်တယ်။

G12 မှာ တကယ်အရေးကြီးတာက

“အချိန်ဘယ်လောက်သုံးလဲ” ဆိုတာထက်
“သုံးလိုက်တဲ့အချိန်က ဘယ်လောက်ထိရောက်လဲ” ဆိုတာပဲ။

ကိုယ့်ရဲ့ Study Method ကို ခဏခဏ ပြန်သုံးသပ်ကြည့်ပါ။

Work Hard လုပ်ပါ။
ပြီးတော့ Work Smart နဲ့ပေါင်းစပ်ပါ။

G12 က ကြိုးစားတဲ့သူတွေအတွက် အခွင့်အရေးရှိသလို၊ မှန်ကန်တဲ့နည်းလမ်းနဲ့ ကြိုးစားတဲ့သူတွေအတွက်တော့ ပိုပြီး အခွင့်အရေးရှိပါတယ်။

Fighter အစစ်ဆိုတာ ခေါင်းမာမာနဲ့ တိုးရုံတင်မကဘူး၊ ဉာဏ်ကိုပါ သုံးတတ်ရတယ်... ကဲ ဘယ်လိုလဲ၊ ပုံစံပြောင်းဖို့ အချိန်တန်ပြီမလား? 😉

ဒါကြောင့် အဓိပ္ပာယ်ရှိရှိ နဲ့ပဲအပင်ပန်းခံဖို့ပြောချင်တယ်နော်။

ကိုယ့်ရဲ့ ကြိုးစားအားထုတ်မှုကို လမ်းမှန်တဲ့ နည်းလမ်းတွေနဲ့ ပေါင်းစပ်ပြီး Smart ကျကျပဲ ရလဒ်ကောင်းကို ယူလိုက်ပါ။

#adminteam
#volunteer_admin_cyrus
#studywithK2

Bangkok, Thailand 🇹🇭 Fully Funded Summit

Future Minds Summit 2026 in Bangkok, Thailand is a fully funded 4-day youth leadership program from July 16-19, 2026.

The scholarship covers:
- Airfare
- Visa Fees
- Accommodation
- Meals & Tea Breaks
- Certification
- Speaking Opportunity at the Forum
- All Social Activities & Cultural Activities

You can apply using this link: https://thegyn.org/fms-thailand/

Deadline: 15 June 2026

#FutureMindsSummit #Thailand

အောင်စာရင်းကိုဘယ့်နှယ့်ကြောင့်အဲ့လောက်ထိမျှော်နေရတာလဲ။

တစ်ချို့သောသူတွေက အောင်စာရင်းကို အရမ်းကြီးမျှော်နေရင် ကိုယ်ဖြစ်ချင်သလိုဖြစ်မလာတဲ့အခါ စိတ်ဓာတ်တွေကျပြီးဘာမှဆက်လုပ်ချင်စိတ်တွေမရှိပဲဖြစ်သွားပါလိမ့်မယ်။

အဲ့အတွက် အစ်မတို့ပြောချင်တာက အရမ်းကြီးမျှော်မနေပါနဲ့။

အစ်မတို့တုန်းက စာစစ်ဌာနပြောသလိုပေါ့။

မင်းတို့ကမထွက်ပါတော့နဲ့လို့ပြောရင်တောင် ငါတို့က မရဘူးထွက်မှာပဲဆိုပြီးအတင်းထွက်လာမှာပါ။

အခုလည်း သူတို့ဘက်ကနေ အောင်စာရင်းထွက်ဖို့ ၃ရက်လောက်အလိုကျရင်ကြေညာပေးပါလိမ့်မယ်။

အရမ်းဆန္ဒတွေမစောပါနဲ့။

ဆန္ဒတွေစောလွန်းရင်လည်း ဒုက္ခရောက်တတ်ပါတယ်။

သူတို့ဘက်က အဆင်သင့်မ‌ဖြစ်သေးလို့သာ မထွက်သေးတာပါ။

အဆင်သင့်ဖြစ်ရင် မင်းတို့က မသိချင်ပါဘူး၊မထွက်ပါနဲ့လို့ပြောရင်တောင် သူတို့က မရဘူး၊ငါတို့က ကြေညာမှာဆိုပြီး အတင်းကိုသိချင်ချင် မသိချင်ချင် သိရမှာပါ။အဲ့အတွက် စိတ်ကိုအေးအေးလေးထားကြပါ။

အရမ်းတွေ အလုပ်မရှိရင်လည်းပြောပါ။ အစ်မအလုပ်တွေခိုင်းချင်လို့👉🏻👈🏻

#AdminMaple #studywithK2

ခဏနားလို့ရတယ်၊ ဒါပေမဲ့ မရပ်လိုက်နဲ့

G12 ကျောင်းသားတစ်ယောက်ဖြစ်နေရတာ မလွယ်ဘူး။

စာတွေများတယ်။

ဖိအားတွေများတယ်။

အနာဂတ်အတွက် စိုးရိမ်မှုတွေလည်း ရှိတယ်။

တစ်ခါတစ်လေ စာအုပ်ဖွင့်ထားပေမယ့် စာမဝင်တော့ဘူး။

ကြိုးစားနေပေမယ့် ကိုယ့်ကိုယ်ကို မလုံလောက်သလို ခံစားရတယ်။

သူများတွေကကိုယ့်ထက် အများကြီးရှေ့ရောက်နေပြီလို့ ထင်မိတယ်။

အဲ့ဒီလိုအချိန်တွေမှာ ကိုယ့်ကိုယ်ကို အတင်းမတွန်းပါနဲ့။
ပင်ပန်းရင် ခဏနားလို့ရတယ်။
စိတ်ဖိစီးနေရင် အသက်ဝဝရှူပြီး အနားယူလို့ရတယ်။

တစ်ရက်လောက် စာမလုပ်ဖြစ်တာလည်း အပြစ်မဟုတ်ဘူး။
ဒါပေမဲ့…

အရှုံးမပေးလိုက်ပါနဲ့။

ခဏနားတာနဲ့ ရပ်လိုက်တာက မတူဘူး။

နားတာက အားပြန်ဖြည့်ဖို့။အိပ်မက်တွေဆီရောက်ဖို့အားဖြည့်တဲ့သဘောပဲ။
အဓိက က ရှေ့ကို ဆက်သွားနေဖို့ပဲ။

ဒီနေ့ စာတစ်မျက်နှာပဲ ဖတ်နိုင်ရင်လည်း ရတယ်။
လေ့ကျင့်ခန်းတစ်ပုဒ်ပဲ လုပ်နိုင်ရင်လည်း ရတယ်။

အရေးကြီးတာက မင်း မရပ်သွားဖို့ပဲ။

G12 ဆိုတာ Sprint မဟုတ်ပဲ
Marathon တစ်ခုပဲလို့သတ်မှတ်ထားရမယ်။

အမြန်ပြေးနိုင်တဲ့သူက အနိုင်ရတာမဟုတ်ဘူး။
အဆုံးထိ ဆက်လျှောက်နိုင်တဲ့သူက အနိုင်ရတာ။

ဒါကြောင့်…
ခဏနားလို့ရတယ်။
ဒါပေမဲ့ မရပ်လိုက်နဲ့။

မင်းထင်ထားတာထက် မင်းပိုလုပ်နိုင်တယ် ဆိုတာမမေ့လိုက်ပါနဲ့။

So,Keep Going You Can Do.

#adminteam
#volunteer_admin_cyrus
#studywithK2

ခေတ်လို့ပြောတာတဲ့ ကလေးတို့ အရင်ဆုံးသတိရရမှာက

"ပု၊ပင်း၊အင်း၊တောင်၊ညောင်၊ကုန်း၊ဘောင်။
မှတ်ရန် ကိုလိုနီ" ဆိုတဲ့ကဗျာလေးပါပဲ။

ပု ဆိုတာက ဘာလဲ?

ပုဆိုတာက ပုဂံခေတ်ကိုပြောတာပဲဖြစ်ပါတယ်နော်။

ဒီမှာ ချယ်က တစ်ဆက်တည်း ပုဂံခေတ်မှာ ဘယ်လိုစာပေတွေတွေ့ရလဲဆိုတာကိုပါ ပြောပြပေးချင်ပါတယ်။

အဓိကတော့ ကျောက်စာ‌တွေကိုအဓိကထားပြီးတွေ့ရတတ်ပါတယ်။

ပုဂံခေတ်နှောင်းပိုင်းမှာ ကဗျာ၊လင်္ကာတွေကိုပါ ရေးဖွဲ့လာတာကိုတွေ့ရပါတယ်။

ပင်း ဆိုတာကရော ဘာဖြစ်မလဲ 🤔

ပင်းယ ခေတ်ဆိုတာ ကလေးတို့အနေနဲ့ သိပ်ကြားလေ့ကြားထမရှိဘူးလို့ ထင်ပါတယ်နော်။

ဒါပေမယ့် ပင်းယခေတ်မှာ ရတု၊တျာချင်း၊ကာချင်းစတဲ့ ‌ကဗျာတွေ စတင်ပေါ်ပေါက်လာခဲ့တာပါနော်။

Coming soon…😁

#Academic_Mentor@guideforG_12

၂၀၂၆ ခုနှစ် တက္ကသိုလ်ဝင်စာမေးပွဲအောင်စာရင်း နှင့်ပက်သက်၍ သက်ဆိုင်ရာဌာနအသီးသီးမှ တရားဝင်ထုတ်ပြန်ခြင်း မရှိသေးသည့်အတွက် မည့်သည့် ရက်ကိုမျှ အတည်မပြုနိုင်ပါ ။

ကြိုတင်ကြည့်ပေးမည်ဆိုလျှင် ၁၀၀ % လိမ်လည် လှည့်ဖြားခြင်းသာဖြစ်ကြောင်း ကြိုတင်အသိပေးအပ်ပါသည်။

ပညာရေး သတင်းလွှာ

🇦🇺 ဩစတြေးလျနိုင်ငံ Monash University မှာ ဘွဲ့ကြို (Undergraduate) တက်ချင်ပေမယ့် ငွေကြေးအခက်အခဲရှိနေတဲ့ ကျောင်းသား၊ ကျောင်းသူတွေအတွက် ဘဝကိုအပြောင်းအလဲဖြစ်စေမယ့် Fully Funded ပညာသင်ဆုကြီး လာပါပြီ ရှင် 🎓

ဒါကတော့ Monash တက္ကသိုလ်ရဲ့ နာမည်ကြီး ကျောင်းသားဟောင်းတစ်ဦးဖြစ်တဲ့ Beau Kuok (Khoon Chen Kuok) ကနေ ပံ့ပိုးပေးထားတဲ့ "K.C. Kuok Scholarship" ပဲ ဖြစ်ပါတယ်။ မြန်မာနိုင်ငံ အပါအဝင် အရှေ့တောင်အာရှက ငွေကြေးမတတ်နိုင်တဲ့ ထူးချွန်ကျောင်းသားတွေ သူတို့ရဲ့ အလားအလာတွေကို အပြည့်အဝ အကောင်အထည်ဖော်နိုင်ဖို့ ရည်ရွယ်ပေးအပ်တာပါ။

ဘယ်သူတွေ လျှောက်ထားနိုင်လဲ? (Eligibility)
မြန်မာနိုင်ငံ အပါအဝင် အရှေ့တောင်အာရှနိုင်ငံများ၊ တရုတ်၊ အင်ဒိုနီးရှား၊ သို့မဟုတ် ဟောင်ကောင် မှ ကျောင်းသားဖြစ်ရပါမည်။
ဩစတြေးလျနိုင်ငံရှိ Monash University Campus တွင် မည်သည့်ဘာသာရပ်ကိုမဆို Single Degree ဖြင့် အချိန်ပြည့် (Full-time) တက်ရောက်မည့်သူ ဖြစ်ရပါမည်။ (Double degree လျှောက်ထားသူများ အကျုံးမဝင်ပါ။)
ယခင်က တက္ကသိုလ်တစ်ခုခုတွင် စတင်တက်ရောက်ခဲ့ဖူးခြင်း မရှိသူ ဖြစ်ရပါမည်။
ဝင်ငွေနည်းပါးသော မိသားစု (Low-income household) မှ ဖြစ်ကြောင်း အထောက်အထား ပြသနိုင်ရပါမည်။

ရရှိနိုင်မည့် ပံ့ပိုးမှုများ (Fully Funded)
✅ ကျောင်းလခ အပြည့်အဝ (Tuition fees)
✅ တစ်နှစ်လျှင် နေထိုင်စားသောက်စရိတ် ဩစတြေးလျဒေါ်လာ ၁၄,၀၀၀ (AUD $14,000)
✅ Monash University ၏ ကျောင်းဆောင်တွင် နေထိုင်ခွင့်နှင့် အဆောင်လခ ကုန်ကျစရိတ်များ
✅ ကျောင်းသား ဗီဇာ ကုန်ကျစရိတ် (Student visa costs)
✅ ပထမနှစ် ဩစတြေးလျတွင် စတင်အခြေချရန်အတွက် ထောက်ပံ့ကြေး ဩစတြေးလျဒေါ်လာ ၃,၀၀၀ (Additional $3,000 AUD one-off establishment payment)
✅ ဩစတြေးလျသို့ သွားရောက်ရန် ပထမဆုံး အသွား လေယာဉ်လက်မှတ်

📅 နောက်ဆုံး လျှောက်ထားရမည့်ရက်: ၂၀၂၆ ခုနှစ်၊ ဇူလိုင်လ (၂၀) ရက်
(ရွေးချယ်ခံရမှု ရလဒ်များကို ဩဂုတ်လ ၁၇ ရက်နေ့ ဝန်းကျင်တွင် အကြောင်းကြားပေးမည် ဖြစ်ပါသည်။)

#crd
#volunteer_admin_phyo
#adminteam

အသေးစိတ် လေ့လာပြီး လျှောက်ထားရန် Link
https://www.monash.edu/study/fees-scholarships/scholarships/find-a-scholarship/kc-kuok-scholarship-6073
(Credit: Monash University)

Part-2

အင်း ဆိုတာဘယ်ခေတ်ကြီးလဲ?

အင်းဆိုတာ အင်းဝကိုပြောတာဖြစ်ပါတယ်ကလေးတို့ရေ

အင်းဝခေတ်ကို ကလေးတို့ ကြားဖူးနေကြဖြစ်မှာပါနော်။

ရှင်မဟာရဌသာရ၊ရှင်မဟာသီလဝံသ စတဲ့ ရဟန်းစာဆိုအကျော်အမော်တွေပေါ်ထွန်းခဲ့တဲ့ခေတ်ပေါ့ကွယ်။

နောက်ပြီး ပျို့တွေအရေးများခဲ့လို့ ပျို့ခေတ်လို့လည်း ခေါ်ဆိုကြ‌ပါသေးတယ်။

တောင် ဆိုတာနဲ့ ဘာကြီးပြေးမြင်မိလဲ။

တောင်ဆိုတာ တော၊တောင်တွေကိုပြောတာမဟုတ်ပဲ တောင်ငူကိုပြောတာပါနော်ကလေးတို့။

တောင်ငူခေတ်မှာတော့ ရတု၊ရကန်တွေကို ပိုပြီးရေးသားလာခဲ့ပါတယ်။

တောင်ငူခေတ်မှာ ရတုကဗျာတွေက အရောင်အသွေးစုံလင်လာခဲ့ပါတယ်။

ထင်ရှားတဲ့စာဆိုတွေထဲမှာ ရတုဘုရင် နတ်သျှင်နောင်ကိုတော့ ကလေးတို့လည်းသိကြမယ်ထင်ပါတယ်။

👉🏻Part-1ကိုဖတ်ရန်နှိပ်ပါ👈🏻

#Academic_Mentor@guideforG_12

ညောင် ဆိုတာ ညောင်ပင်မဟုတ်ဘူးနော်ကလေးတို့။

ညောင်ဆိုတာ ညောင်ရမ်းခေတ်ကိုပြောတာဖြစ်ပါတယ်။

ညောင်ရမ်းခေတ်မှာတော့ ပြဇာတ်တွေခေတ်စားလာပါပြီ။

ဝန်ကြီးပဒေသရာဇာ ကဲ့သို့သော စာဆိုအများအပြားက ထီးသုံးနန်းသုံးမဟုတ်ပဲ တောသူတောင်သားတွေရဲ့ ဘဝကို ထင်ဟပ်ပေါ်လွင်စေတဲ့ ကဗျာတွေကိုရေးသားလာခဲ့ကြပါတယ်။

ကုန်း ဆိုတာ မြန်မာတို့ရဲ့ နောက်ဆုံးနန်းဆက် ကုန်းဘောင်ခေတ်ပါပဲရှင်။

ကုန်းဘောင်ခေတ်မှာ နန်းတွင်းပြဇာတ် အတိုအရှည်တွေ၊ ဘောလယ်၊ပတ်ပျိုး၊တေးထပ်စတဲ့သီချင်းတွေက နန်းတွင်းထဲအများအပြားပေါ်ပေါက်လာသလိုပဲ

သံချို၊ဗုံကြီးသံ၊အဲချင်းစတဲ့ကဗျာတွေကလည်း တောင်သူ၊တောင်သားတွေကြားထဲမှာလည်း အထူခေတ်စားလာပါတယ်။

မင်းတုန်းမင်းခေတ်မှာဆို သတင်းစာအထိပါထုတ်ဝေနိုင်ခဲ့ပါတယ်။

နောက်ဆုံးကတော့ ကိုလိုနီခေတ်ပဲဖြစ်ပါတယ်။

ကိုလိုနီခေတ်ဦးအစမှာ မြန်မာ့စာပေဟာ မှေးမှိန်လာခဲ့တဲ့အတွက် မြန်မာမျိုးချစ်စိတ်ခေါင်းဆောင်တွေရဲ့ ကြိုးပမ်းမှုနဲ့အတူ နောက်ပိုင်းမှာ မျိုးချစ်စိတ်လှုံ့ဆော်ရေးစာပေတွေအများအပြားပေါ်ထွက်လာခဲ့ပါတယ်။

လွတ်လပ်ရေးကြိုးပစ်စဉ်ကာလမှာ ခေတ်စမ်းစာပေနဲ့ကဗျာတွေဟာလည်းပေါ်ပေါက်လာခဲ့ပါသေးတယ်။

အဲ့ထဲမှာ ထင်ရှားပြီး လွတ်လပ်ရေးလှုပ်ရှားမှုအတွက်အားတက်ဖွယ်ဖြစ်ခဲ့တဲ့ ကဗျာလေးက

ဆရာကြီးမင်းသုဝဏ်ရဲ့ သပြေညို

ဆိုတဲ့ကဗျာလေးပဲဖြစ်ပါတယ်။

ကိုလိုနီခေတ်မှာပဲ ပြဇာတ်အရေးအသားတွေဟာလည်း တစ်မူထူးခြားဆန်းသစ်လာပါတယ်။

အခုလက်ရှိ လွတ်လပ်ရေးရပြီးခေတ်ကိုတော့ မျက်မှောက်ခေတ်လို့ခေါ်ပါတယ်နော်။

မျက်မှောက်ခေတ်မှာ စာပေ၊ကဗျာတွေက အရင်ကထပ်ပိုပြီးဆန်းသစ်လာသလို ကဏ္ဍပေါင်းစုံကနေ စာပေဘက်ကို ချဉ်းကပ်လာကြပါတယ်။

👉🏻Part-2ကိုဖတ်ရန်နှိပ်ပါ👈🏻

#Academic_Mentor@guideforG_12

ကျောင်းတက်တာ တစ်လပြည့်တော့မယ်နော် ကလေးတို့

ကျောင်းမှာ စာသင်တာလည်း ပြီးသင့်သလောက်ပြီးသလို ကလေး‌တို့အနေနဲ့လည်း ပထမစမ်း စာမေးပွဲတွက် စာတွေကျက်မှတ်နေကြမှာပါ

ဒါပေမယ့် စာကျက်တာ ရလား မရလား ဘယ်လိုသိနိုင်မလဲ🤔🤔

အကိုဆုံးဖြတ်တဲ့နည်းကတော့ တစ်ခုတည်းပါ 👀

အဲ့တာကတော့ chapter တစ်ခုကျက်မှတ်ပြီးရင် အစအဆုံးပြန်စဉ်းစားပါ

ဥပမာ physicsမှာ chapter1မှာဆိုရင် 1.1မှာကဘာလဲ ဘာအကြောင်းပြောတာလဲ 1.2ကဘာလဲ ဘာတွေပြောထားလဲ main pointက ဘာလဲ အစရှိသဖြင့် ပြန်စဉ်းစားနိုင်ရင် စာရတာပါပဲ။
ပြီးတော့မှ ကျက်စာတွေ အလွှတ်ဆိုကြည့်ပေါ့လေ


အကိုကတော့ အဲ့နည်းနဲ့ ဆန်းစစ်ပါတယ်။
ကျောင်းတက်ရက်တွေမှာရော စာလေ့လာတဲ့နေရာမှာရော အဆင်ပြေကြပါစေ

#adminteam
#Voluteener_admin_primo
#StudywithK2

AI ခေတ်တွင် ကြေညာချက်အတုအပ လုပ်ရန် စက္ကန့်ပိုင်းသာ လိုပါတယ်။ အတုအပ ဖန်တီးရန် အင်မတန်လွယ်ကူသော ခေတ်မှာ သတင်းအကြောင်းအရာ တစ်ခုကိုနဲ့ ပတ်သက်လာရင်
တီဗီမှာ ကြေညာတာကို မိမိမျက်စေ့နဲ့ မြင်လိုက်ရပြီလား
ရေဒီယိုမှာ ကြေညာတာကို မိမိနားနဲ့ ကြားလိုက်ရပြီလား
သတင်းစာမှာပါတာကို မိမိလက်ထဲကိုင်ဖတ်လိုက်ရပြီလား
Website မှာ ကြေညာတာကို ကိုယ်တိုင်ဝင်ကြည့်လိုက်တာလား
မိမိတွေ့ရတဲ့ သတင်းအကြောင်းအရာက Official Social Media Page မှာ တင်ထားတာ တွေ့လိုက်ပြီလား
မည်သည့်သတင်းဖြစ်စေ မိမိအသိဉာဏ်ပညာဖြင့် ချင့်ချိန်သုံးသပ် ယုံမှတ်ကြရန် ဖြစ်ပါတယ်။

#adminteam
#Voluteener_admin_primo
#StudywithK2

Chemistry တွက်စာတွေကိုဘယ်လိုဖြေရှင်းမလဲ?

ကျက်စာတွေကိုရောမေ့မလွယ်အောင် ဘယ်လိုမှတ်မလဲ?

Chemistry ဆိုတာ “ကျက်ထားလဲမေ့လွယ်တဲ့ subject” လို့ ကျောင်းသားတော်တော်များများထင်ကြတယ်။

ဒါပေမဲ့ တကယ်တော့ Chemistry က “နားလည်ပြီး pattern မှန်အောင်မှတ်နိုင်ရင်” အမှတ်တက်လွယ်တဲ့ဘာသာလို့ပြောလို့ရပါတယ်။

✨ တစ်ခုရှိတာကကျောင်းသားအများစုကChemistry ကျက်တဲ့အခါ နားလည်အောင်ထပ်နှုတ်တိုက်ကျက်ကြတယ်ပေါ့နော်။

အဲ့တာကshort term သာဖြစ်စေပြီး long term မဖြစ်တော့ဘူး။

အရေးကြီးတာက chemistry ဆိုတဲ့ဘာသာရပ်ကို နားလည်အောင်လုပ်ပါ။

ကိုယ်နားလည်လွယ်တဲ့ပုံစံကိုကိုယ်ပဲအသိဆုံးမို့ note တွေကိုကိုယ်နားလည်သလိုပြန်ထုတ်ပါ။

Formula ကို အလွတ်ကျက်တာမျိုးဆိုတာထက် Formula တစ်ခုချင်းစီကို “ဘာကြောင့်ဒီလိုဖြစ်တာလဲ?” ဆိုပြီး concept နဲ့တွဲမှတ်ပြီးနားလည်အောင်လုပ်ပါ။

နားလည်ပြီးကျက်တာက exam ဖြေတဲ့အခါမေ့သွားရင်တောင် ကိုယ်နားလည်သလိုပြန်ပြီးရေးနိုင်ပါတယ်။

နားလည်အောင်ပြောပြရရင် reaction တွေကိုမှတ်တဲ့အခါလည်းအလွတ်ကျက်တာထက် “ဘယ်သူနဲ့ဘယ်သူတွေ့ရင် ဘာဖြစ်တယ်” ဆိုပြီး flow နဲ့မှတ်ပါ။

တွေးပြီးမှတ်တာကပိုပြီးမှတ်မိလွယ်စေမာပါ။

calculation ပိုင်းတွေကိုလည်း နားလည်တယ်ဆိုပြီး မလေ့ကျင့်ရင် exam မှာတိုင်ပတ်တတ်တာမို့ ဂရုပြုစေချင်တယ်နော်။

Step by step ကို ကိုယ်တိုင်တွက်ကြည့်ဖို့လိုပါတယ်။

အရေးကြီးတာတစ်ခုက Chemistry ကိုဖြေခါနီးမှOne Night Study မလုပ်ဖို့ပဲနော်။

ကဲ… ဒီလောက်ဆိုရင်တော့

Chemistry ကိုဘယ်လိုလေ့လာရမလဲဆိုတာကိုတော့အနည်းနဲ့အများသိသွားကြမယ်လို့ မျှော်လင့်တယ်နော်။
အခုမှနှစ်စပဲရှိသေးတာဆိုတော့ juniors လေးတို့အနေနဲ့ mood အပြည့်နဲ့ပုံမှန်လေးလုပ်သွားဖို့ပဲလိုတယ်နော်။

⭐️Good luck at Chemistry gyusss✨

#adminteam
#volunteer_admin_cyrus
#studywithK2