ထပ်မံ အသိပေးအပ်ပါတယ်...

၂၀၂၆-၂၀၂၇ ပညာသင်နှစ်အတွက် ကျောင်းအပ်နှံမည့် မိဘပြည်သူများအနေဖြင့် ကိုယ်ပိုင်ကျောင်းများတွင် ကျောင်းအပ်နှံမည်ဆိုပါက ​ပညာရေးဝန်ကြီးဌာနမှ တရားဝင်ခွင့်ပြုချက်ရရှိထားသော ကိုယ်ပိုင်ကျောင်းများတွင်သာ ကျောင်းအပ်နှံကြပါရန် အသိပေးတိုက်တွန်းအပ်ပါသည်။

ပညာရေးဝန်ကြီးဌာန၏ တရားဝင်ခွင့်ပြုချက်မရှိသော ကျောင်းများနှင့် ဖွင့်လှစ်ရန်လျှောက်ထားဆဲ ကျောင်းများ တွင် ကျောင်းအပ်နှံမိပါက နောင်တစ်ချိန်တွင် စာမေးပွဲဖြေဆိုခွင့်ရရှိခြင်း၊ အတန်းကူးပြောင်းခွင့်ရရှိခြင်း၊စသည့် ကိစ္စရပ်များနှင့် ပတ်သက်၍ အခက်အခဲများ ဖြစ်ပေါ်လာနိုင်ပါသည်။

ထို့ကြောင့် မိဘပြည်သူများအနေဖြင့် ​မိမိတို့၏ သားသမီးများ ပညာသင်ကြားရေး အဆင်ပြေချောမွေ့စေရန်အတွက် တရားဝင်ခွင့်ပြုထားသောကျောင်းများဖြစ်ကြောင်း သေခြာအောင် စိစစ်ပြီးမှသာ ကျောင်းအပ်နှံကြပါရန် အလေးအနက် အသိပေးအပ်ပါသည်။

ပညာရေးသတင်းလွှာ

မနက်ဖြန်ဆိုရင် 2026/27 ပညာသင်နှစ်ကို စတင်တက်ရောက်ကြရတော့မှာဖြစ်ပါတယ်။ ကျောင်းသူကျောင်းသားအားလုံးအတွက် မဂ်လာရှိသော ပညာသင်နှစ်ဖြစ်ပါစေရှင်။ ပညာသင်နှစ်တစ်နှစ်တာလုံး စိတ်ချမ်းသာကိုယ်ကျန်းမာစွာနဲ့ သင်ယူလေ့လာနိုင်ပြီး အစစအရာရာအဆင်ပြေချောမွေ့ကြပါစေကြောင်း ဆုတောင်းမေတ္တာ ပို့သအပ်ပါတယ်ရှင်။ G12 ကလေးလေးတွေကတော့ နွေရာသီထက် စာကျက်ချိန်တွေပိုနည်းလာမှာဖြစ်ပါတယ်။ ကျူရှင်ကကျက်စရာရှိတာတွေကိုကျူရှင်မှာအပြီးလုပ်နိုင်လေကောင်းလေပါပဲ။ ကျောင်းကလည်းကျက်စရာတွေ၊အိမ်စာတွေ၊စာမေးပွဲတွေလာဦးမှာပါ။ အချိန်ကိုအကျိုးရှိရှိစီမံခန့်ခွဲပါ။ 5မိနစ်အားရင် စာကို5မိနစ်ရအောင်ကျက်ပါ။ အတန်းထဲဆရာ မဝင်သေးချိန် ဖတ်ဖို့မှတ်ဖို့စာအုပ်တွေထည့်သွားပါ။ ဘာသာစုံမေးခွန်းဟောင်းတွေကို အမေးနဲ့အဖြေတွဲပြီး ခဏခဏဖတ်ကြည့်ပါ။ ကိုယ့်အလှည့်ဒါမျိုး‌မေးလာရင် ဘယ်လိုဖြေမလဲအမြဲစဉ်းစားပါ။ တွေးပါ။ မှတ်ပါ။ ဖတ်ပါ။ ကျက်ပါ။ အတန်းထဲဆူညံလို့မကျက်တတ်ရင် အိမ်စာတွေကိုပြီးအောင်ရေးခဲ့တွက်ခဲ့ပါ။ အိမ်ရောက်ရင်ကျက်စရာတွေကျက်ပါ။ တွက်ပါ။မှတ်ပါ။ အိပ်ရာစောစောဝင်နိုင်ပြီးအိပ်ရေးဝဖို့လည်း ကြိုးစားရမှာဖြစ်ပါတယ်။ အဲ့လိုပြောလို့အိပ်ပဲအိပ်မနေပါနဲ့ကလေးတို့။ ကျန်းမာရေးကောင်းဖို့ အစားအသောက်အနေအထိုင်လည်းဂရုစိုက်ပြီး စာတွေအများကြီး ထင်သလောက်လုပ်နိုင်ပါစေ။ မှန်းထားတဲ့အမှတ်များလည်းရကြပါစေလို့ ဆုမွန်ကောင်းတောင်းအပ်ပါတယ်ရှင်။

ကျောင်းတွေဖွင့်တော့မယ်နော်ကလေးတို့။

သိပ်မကြာခင် စာတွေမနိုင်ဘူးဆိုတာကို ချယ်တို့ မကြားချင်မှအဆုံးကြားရတော့မယ်။

တစ်နေ့စာတစ်နေ့ မှန်မှန်လုပ်ကြမယ်နော် ရှင်တို့🫵🏻

#Academic_Mentor@guideforG_12

G12 မအောင်တဲ့ ကလေးတွေအတွက် အစိုးရကဖွင့်ထားတဲ့ သင်တန်းကျောင်းတွေ တက္ကသိုလ်တွေကဖွင့်တဲ့ Job-skills ready သင်တန်းတွေအကြောင်း

အနိမ့်ဆုံးပညာအရည်အချင်း G-9 ပြီးရင် တက်လို့ရမယ့်ကျောင်းများ

1. နည်းပညာအထက်တန်းကျောင်း (GTHS)

စက်မှုကျောင်းလို့လဲခေါ်ကြပါတယ် သူကတော့ ပုံမှန် G12 မအောင်တဲ့ကလေးတွေထက် G9,10 ကလေးတွေ အထက်တန်းဆက်မတက်ဘဲ GTHS တက်ကြတဲ့ပုံစံပါ မေဂျာတွေအများကြီးရှိပြီးတော့ ကိုယ်ကြိုးစားပြီး တော်ရင် တော်သလို စက်မှုသိပ္ပံ AGTI, နည်းပညာကောလိပ် B.Tech, နည်းပညာတက္ကသိုလ် B.E အထိ ပေါင်းကူး system တွေရှိပါတယ်

တက်ရမယ့် သင်တန်းကာလ ၃နှစ်ပါ

2. စိုက်ပျိုး၊ မွေးမြူအထက်တန်းကျောင်း

ဒီကျောင်းတွေကလဲ အပေါ်က GTHS လိုမျိုး G9,10 ကလေးတွေ တက်ကြတာများပါတယ် စိုက်ပျိုးရေးပညာရပ်နဲ့ မွေးမြူရေးပညာရပ် ကိုယ်ယူတဲ့ဘာသာရပ်ပေါ်မူတည်ပြီး ကိုယ်တော်ရင်တော်သလို စိုက်ပျိုးရေးသိပ္ပံ၊ မွေးမြူရေးသိပ္ပံ Diploma တွေ၊ ရေဆင်း စိုက်ပျိုးရေး၊ မွေးမြူရေးဆေးတက္ကသိုလ် တွေအထိ ပေါင်းကူးနဲ့တက်လို့ရပါတယ်

တက်ရမယ့် သင်တန်းကာလ ၃နှစ်ပါ

(ကိုယ်ကြိုးစားရင်ကြိုးစားသလို တိရစ္ဆာန်ဆရာဝန်အဆင့်ထိ ဖြစ်နိုင်မယ့် လမ်းကြောင်းပါ)

3. သမဝါယမ စာရင်းရေး စာရင်းကိုင် သက်မွေးသင်တန်းကျောင်း

ဒီသင်တန်းကတော့ Certificate in Business Accounting ပေးမှာဖြစ်ပြီး ကိုယ်ကြိုးစားရင်ကြိုးစားသလို သမဝါယမကောလိပ်၊ သမဝါယမတက္ကသိုလ်တွေအထိ B.B.Sc စီးပွားရေးသိပ္ပံဘွဲ့ ယူနိုင်တဲ့အထိ ပေါင်းကူးစနစ်ရှိပါတယ် စီးပွားရေးဝါသနာပါသူတွေတက်သင့်ပါတယ်

သင်တန်းကာလ ၃နှစ်ပါ

G12 မအောင်ပေမဲ့ လုပ်ငန်းခွင်ဝင်လိုသူတွေ၊ တက္ကသိုလ်တွေမှာ သင်တန်းတက်ချင်သူတွေအတွက် Job-Skills Ready သင်တန်းများ

ဝိဇ္ဇာသိပ္ပံတက္ကသိုလ်တွေနဲ့ အနုပညာတက္ကသိုလ်တွေ၊ တခြားတက္ကသိုလ် တော်တော်များများမှာ ဖွင့်တဲ့ သင်တန်းတွေဖြစ်ပါတယ် Certificate ပေးပါတယ် ဌာနအလိုက် သက်ဆိုင်ရာ သင်တန်းတွေအများကြီးရှိပါတယ်

Job-skills ready တွေက သင်တန်းကာလ လပိုင်းလောက်ပါဘဲ

ဥပမာ

ဓာတုဗေဒဌာနက ချည်ဆေးဆိုးသင်တန်း၊ ဆပ်ပြာထုတ်လုပ်ငန်း၊ Food Technology, Cosmetic Technology, ဓာတ်ခွဲအခြေခံ စတဲ့သင်တန်းတွေ

သတ္တဗေဒဌာနက ငါးပုဇွန်ဆေးထိုးသားဖောက်သင်တန်း၊ စီးပွားဖြစ် ပိုးမွေးမြူရေးသင်တန်းတွေ

ရူပဗေဒဌာနက အခြေခံ Electronics သင်တန်းတွေ စတဲ့

တခြားသော ဘာသာစကားသင်တန်းတွေ Computer သင်တန်းတွေလဲ ဖွင့်ပါတယ် Certificate လဲပေးတာဖြစ်လို့ တနိုင်တပိုင်တက်ရင်း G12 အပြင်ဖြေလဲ ဖြေပြီး ပြန်ကြိုးစားလို့လဲရပါမယ်

Note

ကိုယ်ကြိုးစားရင် ကြိုးစားသလို Chances တွေပြန်ရပါမယ် Certificate - Diploma - Bachelor တဆင့်ပြီးတဆင့်တက်သွားလို့ရတဲ့ ပေါင်းကူးစနစ်တွေဖြစ်တာကြောင့် ပညာရေးရပ်နားထားသူတွေ တပိုင်းတဆဖြစ်နေသူတွေအတွက်လဲ အဆင်ပြေစေမှာပါ

Hello 👋🏻

Volunteer လျှောက်ထားပြီး ကိုယ်လျှောက်ထားတဲ့ position အတိုင်းရသွားတဲ့အတွက် congratulations ပါရှင်။

စာရင်းထဲမပါတဲ့ကလေးတွေက စိတ်မကောင်းမဖြစ်ပါနဲ့နော်။Admin Team ဘက်ကနေ တစ်ခြား position တွေနဲ့ နောက်ထပ် volunteer တွေထပ်ခေါ်ဦးမှာဖြစ်လို့ အဲ့အခါကျရင်လည်းလာလျှောက်ပါဦးနော်ကလေးတို့ရေ။🥰

အခုလိုမျိုး Channel ရဲ့ volunteer လျှောက်ထားမှုမှာ စိတ်အားထက်သန်စွာပါဝင်ဖြေကြားပေးတဲ့ ကလေးတစ်ယောက်ချင်းစီတိုင်းကို Admin Team ဘက်ကနေလှိုက်လှိုက်လှဲလှဲကျေးဇူးတင်ပါတယ်ရှင်။✨

Volunteer list ထဲပါတဲ့ကလေးတွေ Admin Team ဘက်မှာ ၁ပတ် အတွင်း Group link လေးလာတောင်းပေးပါဦးရှင်။ ‼️

#StudywithK2 #AdminTeam