တစ်နေ့စာတစ်နေ့ အပြီးလုပ်တာ ထိရောက်တဲ့ စာလုပ်နည်းတစ်ခုလား...🤔🤔

ဆရာမတွေနဲ့ လူကြီးမိဘတွေဆီက အမြဲကြားနေရတဲ့စကားတစ်ခွန်းကတော့
" စာအကြွေးမထားနဲ့" "စာပိမယ်" "တစ်နေ့စာတစ်နေ့ ပြီးအောင်လုပ်"
အစရှိတဲ့ စကားတွေကို ကလေးတို့ ကြားနေရမှာပါ။ တကယ်ပဲ ထိရောက်တာလား..🤔

- တစ်နေ့စာ တစ်နေ့လုပ်ခြင်းက တကယ်ကို ထိရောက်ပါတယ်။ ဒါပေမယ့် စာများတဲ့ နေ့ဆို ဘယ်လိုလုပ်ကြမလဲ။ တစ်ခါတစ်လေ အချိန်ပိုတွေနဲ့ စာတွေများတဲ့နေ့ဆို အပြီးလုပ်ဖို့ခက်ပြီး stress တွေပိတတ်ပါတယ်။ အဲ့လိုနေ့တွေအတွက် solution တစ်ခုရှိကြပြီးလား👀

- အဲဒီအတွက် အကိုသုံးခဲ့တဲ့ technique တစ်ခု ရှိပါတယ်။ အဲ့တာကတော့....
ဒီနေ့ သင်ပြီးတဲ့ စာတွေကို ဒီနေ့အပြီးကြည့်ပါ။ စာများတဲ့နေ့ဆို အပြီးလုပ်ဖို့ခက်တဲ့အတွက် ကလေးတွေက တစ်ဘာသာ နှစ်ဘာသာလုပ်ပြီး ဒီတိုင်း ထားလိုက်ကြပါတယ်။ အဲ့ဒီအစားသင်သမျှတွေကို တစ်ခေါက်ပြန်ကြည့်လိုက်ပါ။
ကျောင်းသားတော်တော်များများဟာ သင်တဲ့အချိန်ဆို ၈၀ရာခိုင်နှုန်းလောက် နားလည်ကြပါတယ်။ စာများတဲ့ နေ့ဆို တစ်နေ့စာတစ်နေ့အပြီး ကြည့်လိုက်ချင်းဟာ သင်ထားတာတွေကို မှတ်မိစေပါတယ်။

*ဆရာသင်တုန်းက ဒီအပုဒ်ကတော့ ဒီလို ဒီအပုဒ်ကတော့ ထူးခြားချက် ဒီနေရာကတော့ ဆရာ ဒီလိုသင်တယ်*

အစရှိသဖြင့် ဘာသာအားလုံးကို ပြန်ကြည့်လိုက်ခြင်းဟာ တကယ်ကို ထိရောက်ပါတယ်။ အချိန်ပိုမှသာ ကျက်မှတ်တာကို ဆက်လုပ်စေချင်ပါတယ်။

အချုပ်ပြောရရင် တစ်နေ့စာတစ်နေ့လုပ်ခြင်းဟာ အကောင်းဆုံးပါပဲ။
ဒါပေမယ့် တစ်ချို့သော မထင်မှတ်တဲ့အခြေအနေတွေအတွက် backup plan ရှိထားသင့်ပါတယ်။ အဲ့တာလေးကတော့ အကိုလုပ်ဖြစ်ခဲ့တဲ့ study planလေးပါ။

အဆုံးထိ ဖတ်ပေးတဲ့ တစ်ယောက်ချင်းဆီကို ကျေးဇူးတင်ပါတယ်🤗
#Adminteam
#Voluteeneradminprimo
#StudywithK2

A reminder again: only 11 days left😧. Apply now!

#studywithK2
#adminteam

စာမေးပွဲ အောင်စာရင်းအတွက်
ရင်ခုန် နေကြပြီလား?
ယခင်နှစ်ထက် အောင်ချက်ကောင်းပါတယ် ။


ပညာရေးသတင်းလွှာ

ပညာရေးဝန်ကြီးဌာန၊ ၂၀၂၆-၂၀၂၇ ပညာသင်နှစ်၊ အခြေခံကျောင်းများတွင် ကျောင်းအပ်နှံရေးအစီအစဉ်ဆိုင်ရာ သိရှိရန်အချက်များ

နားမကြားသောကလေးများကျောင်းမှ ကျောင်းသား၊ ကျောင်းသူများခေါ်ယူခြင်း

၂၀၂၆-၂၀၂၇ ပညာသင်နှစ်အတွက် အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်းများနှင့် အစိုးရနည်းပညာအထက်တန်းကျောင်းများတွင် Grade-9 အောင်မြင်ပြီးသူများအား ဝင်ခွင့်လျှောက်လွှာများ ခေါ်ယူနေကြောင်း သိရသည်။

အဆိုပါကျောင်းများတွင် Building Technology၊ Electrical Technology၊ Electronics Technology၊ Automotive Technology၊ Information Technology နှင့် Machining Technology အပါအဝင် နည်းပညာသင်တန်းများကို အထက်တန်းပညာရေးနှင့် တွဲဖက်သင်ကြားပေးမည်ဖြစ်ပြီး သင်တန်းကာလမှာ (၃) နှစ်ကြာမြင့်မည်ဖြစ်သည်။

သင်တန်းပြီးဆုံးအောင်မြင်သူများအနေဖြင့် အခြေခံပညာအထက်တန်းအောင်လက်မှတ် ရရှိမည့်အပြင် သက်ဆိုင်ရာ နည်းပညာကောလိပ်များနှင့် တက္ကသိုလ်များသို့ ဆက်လက်တက်ရောက်နိုင်မည့် အခွင့်အလမ်းများလည်း ရရှိမည်ဖြစ်ကြောင်း သိရသည်။

လျှောက်ထားသူများသည် ၂၀၂၄-၂၀၂၅ သို့မဟုတ် ၂၀၂၅-၂၀၂၆ ပညာသင်နှစ်တွင် Grade-9 အောင်မြင်ထားသူများ ဖြစ်ရမည်ဖြစ်ပြီး Grade-10 အောင်မြင်သူ၊ ကျရှုံးသူ သို့မဟုတ် ရပ်နားထားသူများလည်း လျှောက်ထားနိုင်ကြောင်း ထုတ်ပြန်ချက်တွင် ဖော်ပြထားသည်။
ကျောင်းဝင်ခွင့်လျှောက်လွှာများကို မေလ (၂၁) ရက်နေ့မှ စတင်ထုတ်ယူနိုင်ပြီး မေလ (၃၀) ရက်နေ့ နောက်ဆုံးထား၍ မိမိတက်ရောက်လိုသည့် ကျောင်းများသို့ တင်သွင်းရမည်ဖြစ်သည်။

လျှောက်လွှာတင်ရာတွင် ကျန်းမာရေးထောက်ခံစာ၊ Grade-9 အောင်မြင်ကြောင်း ထောက်ခံစာ၊ အိမ်ထောင်စုဇယား၊ ပြစ်မှုကင်းရှင်းကြောင်း ထောက်ခံစာနှင့် ပတ်စပို့ဓာတ်ပုံများ ပူးတွဲတင်ပြရမည်ဖြစ်ကြောင်း သိရသည်။

သင်တန်းသားများကို စုစုပေါင်းရမှတ်အလိုက် ဦးစားပေးရွေးချယ်မည်ဖြစ်ပြီး တက်ရောက်ခွင့်ရရှိသူများအား ပညာသင်ထောက်ပံ့ကြေး၊ စာအုပ်နှင့် စာရေးကိရိယာများ ထောက်ပံ့ပေးသွားမည်ဖြစ်သည်။

ထို့ပြင် သင်တန်းတွင် အထူးအောင်မြင်သူများအနေဖြင့် နည်းပညာတက္ကသိုလ်များနှင့် အစိုးရနည်းပညာကောလိပ်များသို့ ဆက်လက်တက်ရောက်နိုင်မည်ဖြစ်ကြောင်း သိရသည်။

ကလေးတို့ရေ

Volunteer လာလျှောက်ပါ့မယ်လို့ စာပို့ပြီးယုံနဲ့ volunteer အဖြစ်လက်မခံဘူးနော်။

ဘယ် position ကိုလျှောက်ချင်တာလဲ ဘာလဲဆိုတာကို စာပြန်ပေးရပါဦးမယ်နော်။

အခု Admin teams ကြုံနေရတာက volunteer လာလျှောက်မယ်ဆိုပြီး အကြောင်း မပြန်တာတွေပါ။

Volunteer လျှောက်ရန် အသေးစိတ်

https://t.me/studywithK2/1768

#AdminTeam #StudywithK2

Grade-9 အောင်မြင်ပြီးသူများအတွက် သမဝါယမဦးစီးဌာနအောက်ရှိ သမဝါယမ စာရင်းရေး၊ စာရင်းကိုင် သက်မွေးပညာသင်တန်းကျောင်းများတွင် ၂၀၂၆-၂၀၂၇ ပညာသင်နှစ် ပထမနှစ် ကျောင်းသား/ကျောင်းသူသစ်များ စတင်ခေါ်ယူနေပြီဖြစ်ကြောင်း သိရသည်။

အဆိုပါသင်တန်းများကို မကွေး၊ မန္တလေး၊ တောင်ကြီး၊ မော်လမြိုင်နှင့် ပုသိမ်မြို့တို့တွင် ဇွန်လ ၁၆ ရက်၌ စတင်ဖွင့်လှစ်မည်ဖြစ်ပြီး Grade-9 အောင်မြင်ထားသူ၊ ကျန်းမာရေးကောင်းမွန်သူ၊ မြန်မာနိုင်ငံသားနှင့် အိမ်ထောင်မရှိသူများ လျှောက်ထားနိုင်ကြောင်း သိရသည်။

သင်တန်းကာလ ၃ နှစ်ဖြစ်ပြီး အောင်မြင်သူများအား Certificate in Business Accounting လက်မှတ် ချီးမြှင့်မည်ဖြစ်ကာ အလုပ်အကိုင်အခွင့်အလမ်းများ ရရှိနိုင်ရေးအတွက်လည်း ကူညီဆောင်ရွက်ပေးမည်ဖြစ်ကြောင်း ထုတ်ပြန်ထားသည်။

ထို့ပြင် သတ်မှတ်အရည်အချင်း ပြည့်မီသူများအနေဖြင့် သမဝါယမကောလိပ်များနှင့် သမဝါယမနှင့် စီမံခန့်ခွဲမှုပညာတက္ကသိုလ်များသို့ ဆက်လက်ပညာသင်ကြားနိုင်မည်ဖြစ်သည်။

လျှောက်ထားလိုသူများ ဆက်သွယ်နိုင်သည့် ဖုန်းနံပါတ်များမှာ—

▪️ မကွေး – ၀၉-၂၅၄၄၁၂၃၃၈၊ ၀၉-၆၉၁၉၀၅၃၂၁

▪️ မန္တလေး – ၀၉-၄၂၀၇၀၁၆၃၄၊ ၀၉-၇၉၃၅၉၅၃၆၄၊ ၀၉-၂၁၁၀၆၄၉၊ ၀၉-၆၆၅၆၉၁၉၁၈

▪️ တောင်ကြီး – ၀၈၁-၂၁၂၁၃၂၀၊ ၀၉-၄၂၈၆၆၇၀၅၃၊ ၀၉-၄၃၁၃၃၂၄၃

▪️ မော်လမြိုင် – ၀၉-၄၂၅၂၈၈၇၃၅၊ ၀၉-၄၂၃၇၃၆၄၄၉၊ ၀၉-၇၉၂၁၈၁၀၄၂၊ ၀၉-၄၂၅၂၆၇၀၀၈

▪️ ပုသိမ် – ၀၉-၆၉၇၄၄၅၃၀၂၊ ၀၉-၂၅၀၄၂၂၉၅၂၊ ၀၉-၆၉၇၀၅၃၄၅၅၊ ၀၉-၄၅၁၀၈၉၄၀၄

အဆိုပါ ဖုန်းနံပါတ်များသို့ အသေးစိတ် စုံစမ်းမေးမြန်းနိုင်ပါတယ်။

ပညာရေး သတင်းလွှာ

၂၀၂၆ တက္ကသိုလ်ဝင်တန်းစာမေးပွဲ
ရူပဗေဒဖြေဆိုသည့်နေ့တွင် စာဖြေခန်းထဲသို့ အဖြေစာရွက်အပိုင်းအစများယူဆောင်၍ မသမာမှုကျူးလွန်းရန်ကြိုးစားခဲ့သည့်ကျောင်းသားအား စာမေးပွဲ ၂ နှစ်ဖြေဆိုခွင့်ရပ်ဆိုင်း