စာမေးပွဲဖြေတဲ့အခါ အာရုံမလွင့်အောင် ဘယ်လိုလုပ်မလဲ?

၁။ မေးခွန်းကို အစအဆုံး အရင်ဖတ်ပါ
မေးခွန်းစာရွက်ရတာနဲ့ ချက်ချင်းအလုအယက် မဖြေပါနဲ့ဦး။ (၅) မိနစ်လောက် အချိန်ပေးပြီး မေးခွန်းတစ်ခုလုံးကို အရင်ဖတ်ပါ။ ဒါက ဦးနှောက်ကို "ငါ ဘာတွေဖြေရတော့မယ်" ဆိုတာ ကြိုတင်အချက်ပေးလိုက်တာဖြစ်လို့ အာရုံစူးစိုက်မှုကို မြှင့်တင်ပေးပါတယ်။

၂။ သိတာကို အရင်ဖြေပါ
မသိတဲ့မေးခွန်းမှာ အချိန်ကုန်ခံပြီး စဉ်းစားနေရင် စိတ်ပူပန်မှု (Panic) ဖြစ်လာပြီး အာရုံပျက်တတ်ပါတယ်။ ရေရေလည်လည် သိတာကို အရင်ဖြေလိုက်တဲ့အခါ "ငါဖြေနိုင်သားပဲ" ဆိုတဲ့ ယုံကြည်မှုကြောင့် စိတ်တည်ငြိမ်ပြီး အာရုံစိုက်ရတာ ပိုလွယ်ကူလာပါတယ်။

၃။ တစ်ကြိမ်မှာ မေးခွန်းတစ်ခုပဲ ကြည့်ပါ
မေးခွန်းနံပါတ် (၁) ကို ဖြေနေရင် နံပါတ် (၁၀) အတွက် ကြိုမပူပါနဲ့။ လက်ရှိဖြေနေတဲ့ စာကြောင်းပေါ်မှာပဲ အာရုံထားပါ။ တခြားမေးခွန်းတွေကို ခေတ္တမေ့ထားတာက အမှားအယွင်း နည်းစေပါတယ်။

၄။ အသက်ကို ပြင်းပြင်းရှူပါ (Deep Breathing)
ဖြေနေရင်း အာရုံလွင့်လာတာ ဒါမှမဟုတ် ရင်တုန်လာတာမျိုး ဖြစ်ရင် ခဏလေး နားလိုက်ပါ။ မျက်စိမှိတ်ပြီး အသက်ကို ပြင်းပြင်း (၃) ကြိမ်လောက် ရှူသွင်းရှူထုတ် လုပ်လိုက်ပါ။ ဒါက ဦးနှောက်ဆီ အောက်ဆီဂျင် ပိုရောက်စေပြီး အာရုံပြန်ရစေပါတယ်။

၅။ ပတ်ဝန်းကျင်ကို ဂရုမစိုက်ပါနဲ့
ဘေးကသူတွေ စာရွက်တောင်းတာ၊ အမြန်ဖြေနေတာတွေကို လုံးဝကြည့်မနေပါနဲ့။ လူတစ်ယောက်နဲ့တစ်ယောက် စာဖြေပုံချင်း မတူပါဘူး။ ကိုယ့်စာရွက်နဲ့ ကိုယ့်ကလောင်အဖျားမှာပဲ အာရုံကို မြှုပ်နှံထားပါ။

အမှတ်တရ လက်ဆောင်စကား:
"စာမေးပွဲဆိုတာ အမှတ်တွေတင်မကဘူး၊ မင်းရဲ့ စိတ်ရှည်သည်းခံမှုကိုပါ စမ်းသပ်တာပါ။"
ဒီအချက်လေးတွေကို လိုက်နာရင် အာရုံစူးစိုက်မှု အပြည့်နဲ့ ဖြေဆိုနိုင်မှာ အသေအချာပါပဲ။

ဆရာမင်းခန့်နိုင်
(ကထိက၊ မြန်မာစာဌာန)


ပညာရေးသတင်းလွှာ

၂၀၂၆ ခုနှစ်၊ တက္ကသိုလ်ဝင်စာမေးပွဲအတွက် အရေးကြီးအချက်များ

၁။ အချိန်နှင့် စာမေးပွဲဌာန
မိမိဖြေဆိုရမယ့် နေ့ရက်နဲ့ ဘာသာရပ်ကို သေချာဂရုပြုပါ။
စာမေးပွဲမစတင်မီ အချိန်စောစွာ စာစစ်ဌာနသို့ ရောက်ရှိအောင် သွားပါ။

၂။ ကျန်းမာရေးနှင့် နေထိုင်မှု
စာမေးပွဲကာလအတွင်း ကျန်းမာရေးကို အထူးဂရုစိုက်ပါ။ (နေမကောင်းဖြစ်ပါက ကြိုးစားသမျှ အချည်းနှီး ဖြစ်တတ်ပါသည်။)
ညလုံးပေါက် စာကျက်ခြင်းကို ရှောင်ကြဉ်ပြီး အိပ်ရေးဝဝ အိပ်ပါ။
အစားအသောက်နှင့် အနေအထိုင်ကို ဆင်ခြင်ပါ။

၃။ စာမေးပွဲဖြေဆိုစဉ် လိုက်နာရန်
မေးခွန်းစာရွက်ရလျှင် အရင်ဆုံး အစဆုံးဖတ်ပါ။ မိမိအပိုင်နိုင်ဆုံး မေးခွန်းကို အရင်ရွေးချယ်ဖြေဆိုပါ။
မေးခွန်းတစ်ခုတည်းမှာ အချိန်အများကြီး မပေးပါနဲ့။ ခက်ခဲနေပါက ကျော်ထားပြီး နောက်မှ ပြန်ဖြေပါ။
Scientific Calculator ကို ကျွမ်းကျင်စွာ အသုံးပြုတတ်အောင် လေ့ကျင့်ထားပါ။
ယူနစ် (Unit) များ၊ ကိန်းဂဏန်းတွက်ချက်မှုများကို အထူးဂရုစိုက်ပါ။

၄။ ပတ်ဝန်းကျင်နှင့် မိဘများ
မိဘနှင့် ဆရာများအနေဖြင့် ကျောင်းသားများ စိတ်အေးချမ်းစွာ ဖြေဆိုနိုင်ရန် ဝိုင်းဝန်းကူညီပေးကြပါ။
ဆူညံသံများကြောင့် စာမေးပွဲဖြေဆိုသူများ အနှောင့်အယှက်မဖြစ်အောင် သက်ဆိုင်ရာက ကာကွယ်ပေးသင့်သည်။

💡 အကြံပြုချက်
စာမေးပွဲဖြေဆိုပြီးပါက ပြီးခဲ့သောဘာသာရပ်အတွက် စိတ်မပူဘဲ နောက်နေ့ဖြေရမယ့် ဘာသာရပ်ကိုသာ အာရုံစိုက် ပြင်ဆင်ပါ။

ပါမောက္ခဒေါက်တာသန့်စင်

ကလေးတို့ရေ မနက်ဖြန်ဖြေမဲ့ မြန်မာစာကို အစပိုင်းက အပုဒ်တွေကို သေချာကြည့်သွားကြနော်။

#Maple
#studywithK2

ပေါ်နွေလလျှင်တို့
ညောင်ရမ်းကြီးသမီးတို့ ဖြစ်နိုင်တယ်လို့ အစ်မတော့ထင်တယ်🥹

အစ်မထင်တာကိုပြောတာနော်
တကယ်ပါမပါ အစ်မလည်းမသိ🙊

#Maple
#studywithK2

မြန်မာစာ တစ်မှတ်တန်ကို မျိုးတူရာ စုမှတ်ကြမယ်။

၁။ ကင်္ကသူရဲ့ ခမည်းတော်ဟာ နရပတိစည်သူမင်း ဖြစ်ပြီး နတ်ရှင်နောင်ရဲ့ ခမည်းတော်ဟာ မင်းရဲသီဟသူ ဖြစ်တယ်။

၂။ ရှင်မဟာသီလဝံသရဲ့ ခေတ်ပြိုင်စာဆိုဖက်က ရှင်မဟာရဋ္ဌသာရ ဖြစ်ပြီး မောင်းထောင်ဦးကျော်လှရဲ့ ခေတ်ပြိုင်စာဆိုဖက်က ဦးဉာဏ်ကျယ် ဖြစ်တယ်။

၃။ မောင်ခင်မင် (ဓနုဖြူ) ရဲ့ နေရပ်လိပ်စာက ရန်ကုန်မြို့ ကမာရွတ်မြို့နယ် လှည်းတန်းလမ်း စန္ဒာမြိုင်ကွန်ဒိုနေအိမ် ဖြစ်ပြီး တက္ကသိုလ်တောသားရဲ့ နေရပ်လိပ်စာက ရန်ကုန်မြို့ ကမာရွတ်မြို့နယ် ၃ ရပ်ကွက် ရတနာလမ်း အမှတ် ၁၃ နေအိမ် ဖြစ်တယ်။

၄။ သစ္စာနှင့်ပညာ စကားပြေဟာ ဝတ္ထု အမျိုးအစား ဖြစ်ပြီး မလုပ်မစား စကားပြေဟာ ဝတ္ထုတို အမျိုးအစား ဖြစ်တယ်။

၅။ ပီမိုးနင်းဟာ ၁၈၈၃ ခုနှစ် နိုဝင်ဘာလ ၅ ရက်မှာ မွေးဖွားပြီး တင်မောင်မြင့်ဟာ ၁၈၉၉ ခုနှစ် ဇွန်လ ၅ ရက်မှာ မွေးဖွားတယ်။ (၅ ရက်နေ့ချင်း တူတယ်။)

၆။ ပီမိုးနင်းဟာ ၁၉၄၀ ပြည့်နှစ် ဇန်နဝါရီလ ၆ ရက်မှာ ကွယ်လွန်ပြီး တင်မောင်မြင့်ဟာ ၁၉၄၂ ခုနှစ် ဇွန်လ ၆ ရက်မှာ ကွယ်လွန်တယ်။ (၆ ရက်နေ့ချင်း တူတယ်။)

၇။ ဦးဖေမောင်တင်ဟာ ၁၈၈၂ ခုနှစ် ဧပြီလ ၂၄ ရက်မှာ မွေးဖွားပြီး မောင်ခင်မင် (ဓနုဖြူ) ဟာ ၁၉၄၀ ပြည့်နှစ် ဇန်နဝါရီလ ၂၄ ရက်မှာ မွေးဖွားတယ်။ (၂၄ ရက်နေ့ချင်း တူတယ်။)

၈။ ပီမိုနင်းက တနင်္လာသား၊ ဦးဖေမောင်တင်က အင်္ဂါသား၊ ဗန်းမော်ညိုနွဲ့က ဗုဒ္ဓဟူးသား၊ စလေဦးပုညနဲ့ သခင်ကိုယ်တော်မှိုင်းက ကြာသပတေးသား၊ ဆရာဇော်ဂျီက ​​သောကြာသား ဖြစ်တယ်။

၉။ ဦးဖေမောင်တင်နဲ့ မင်းယုဝေဟာ ကြာသပတေးနေ့မှာ ကွယ်လွန်ကြတယ်။

၁၀။ စိန္တကျော်သူဦးဩနဲ့ နတ်ရှင်နောင်ဟာ
အသက် ၃၅ နှစ်မှာ ကွယ်လွန်ကြတယ်။

၁၁။ ပီမိုနင်းရဲ့ အမိအမည်က ဒေါ်စိန်နု ဖြစ်ပြီး ဇော်ဂျီရဲ့ အမိအမည်က ဒေါ်စိန်ညွန့် ဖြစ်တယ်။

၁၂။ ဗန်းမော်ညိုနွဲ့ရဲ့ အမိအမည်က ဒေါ်ရင် ဖြစ်ပြီး စလေဦးပုညရဲ့ အမိအမည်က ဒေါ်လှရင် ဖြစ်တယ်။ တက္ကသိုလ်တောသားရဲ့ အမိအမည်ကျတော့ ဒေါ်လှခြယ် ဖြစ်တယ်။

၁၃။ မင်းယုဝေရဲ့ အမိအမည်က ဒေါ်သင် ဖြစ်ပြီး တင်မောင်မြင့်ရဲ့ အမိအမည်က ဒေါ်သစ် ဖြစ်တယ်။

၁၄။ စိန္တကျော်သူဦးဩရဲ့ အဖအမည်က ဦးဇေယျ ဖြစ်ပြီး ဒဂုန်ဦးစန်းငွေရဲ့ အဖအမည်က ဦးအောင်ဇေယျ ဖြစ်တယ်။

၁၅။ ရှင်မဟာသီလဝံသရဲ့ ငယ်မည်က မောင်ညို ဖြစ်ပြီး သခင်ကိုယ်တော်မှိုင်းရဲ့ ငယ်မည်က မောင်လွန်း ဖြစ်တယ်။

၁၆။ ကမ္ဘာ့အလင်းကျမ်းကို ပီမိုးနင်း ရေးခဲ့ပြီး အဏုမြူသိပ္ပံကျမ်းကို ဦးဖေမောင်တင် ရေးခဲ့တယ်။

၁၇။ ပွဲစားကြီးသားအဖနှင့်မြမြ ဝတ္ထုရှည်ကို ပီမိုးနင်း ရေးခဲဲ့ပြီး နင်လားဟဲ့ချစ်ဒုက္ခနှင့် အခြားဝတ္ထုတိုများကို ဇော်ဂျီ ရေးခဲ့တယ်။

၁၈။ တောင်းတွင်းလာပျို့ကို ရှင်မဟာသီလဝံသ ရေးခဲ့ပြီး ဩဝါဒထူးပျို့ကို စိန္တကျော်သူဦးဩ ရေးခဲ့တယ်။

၁၉။ ရာဇဝင်ကျော် စကားပြေကို ရှင်မဟာသီလဝံသ ရေးခဲ့ပြီး ရာဇဝင်လင်္ကာကို စိန္တကျော်သူဦးဩ ရေးခဲ့တယ်။

၂၀။ တင်မောင်မြင့်၊ မောင်ခင်မင် (ဓနုဖြူ)၊ ဒေါက်တာကျော်စိန်၊ တက္ကသိုလ်တောသားတို့ဟာ တက္ကသိုလ်နည်းပြဆရာတွေ ဖြစ်ခဲ့ကြပြီး ဒဂုန်ဦးစန်းငွေ၊ သခင်ကိုယ်တော်မှိုင်း၊ မင်းယုဝေတို့ဟာ အယ်ဒီတာတွေ ဖြစ်ခဲ့ကြတယ်။

၂၁။ တင်မောင်မြင့်ဟာ ဒုတိယအတွင်းဝန် ဖြစ်ခဲ့ပြီး ဒေါက်တာကျော်စိန်ဟာ ပညာရေးဝန်ကြီး ဖြစ်ခဲ့တယ်။

၂၂။ စိန္တကျော်သူဦးဩဟာ ရွှေတောင်ရာဇကျော်ဘွဲ့နဲ့ စိန္တကျော်သူဘွဲ့ ချီးမြှင့်ခံခဲ့ရပြီး စလေဦးပုညဟာ မင်းလှသင်္ခယာဘွဲ့ ချီးမြှင့်ခံခဲ့ရတယ်။

၂၃။ စိန္တကျော်သူဦးဩဟာ ကျော်အောင်စံထားဆရာတော်ဘုရားထံ ပညာဆည်းပူးခဲ့ပြီး သခင်ကိုယ်တော်မှိုင်းဟာ ကျီးသဲလေးထပ်ဆရာတော်ဘုရားထံ ပညာဆည်းပူးခဲ့တယ်။

၂၄။ ရှင်မဟာသီလဝံသဟာ နတ်မှီးလင်းဆရာတော်ဘုရားထံ ပညာဆည်းပူးခဲ့ပြီး စလေဦးပုညဟာ တူမောင်းဆရာတော်ဦးဒီပနဲ့ ဗန်းမော်ဆရာတော်ဘုရားတို့ထံ ပညာဆည်းပူးခဲ့တယ်။

၂၅။ မင်းယုဝေ၊ မောင်ခင်မင် (ဓနုဖြူ)၊ ဇော်ဂျီ၊ ဗန်းမော်ညိုနွဲ့တို့ဟာ အမျိုးသားစာပေဆုတွေ ရရှိခဲ့ကြပြီး မင်းယုဝေ၊ မောင်ခင်မင် (ဓနုဖြူ)၊ ဇော်ဂျီ၊ တက္ကသိုလ်တောသားတို့ဟာ စာပေဗိမာန်ဆုတွေ ရရှိခဲ့ကြတယ်။

၂၆။ ခေတ်စမ်းမောင်ဟာ ဦးစိန်တင်ရဲ့ ကလောင်အမည် ဖြစ်ပြီး ဘားမားစန်းစန်းဟာ ဒဂုန်ဦးစန်းငွေရဲ့ ကလောင်အမည် ဖြစ်တယ်။

၂၇။ ဦးဖေမောင်တင်ရဲ့ ဘိုးတော်ဟာ မဟာသင်္ဃရာဇာ သာသနာပိုင် ဆရာတော်ဘုရားကြီး ဖြစ်ပြီး နတ်ရှင်နောင်ရဲ့ ဘိုးတော်ဟာ ဟံသာဝတီဆင်ဖြူများရှင်မင်းတရားကြီး ဖြစ်တယ်။

၂၈။ ဒေါက်တာကျော်စိန်ရဲ့ မွေးဇာတိဟာ ပဲခူးမြို့ ဖြစ်ပြီး ဇော်ဂျီရဲ့ မွေးဇာတိဟာ ဖျာပုံမြို့ ဖြစ်တယ်။

၂၉။ တင်မောင်မြင့်ရဲ့ မွေးဇာတိဟာ မော်လမြိုင်မြို့ မုပွန်နတ်ကျွန်းရပ်၊ ပီမိုးနင်းရဲ့ မွေးဇာတိဟာ သုံးဆယ်မြို့ ရွာမရပ်၊ ဦးဖေမောင်တင်ရဲ့ မွေးဇာတိဟာ အင်းစိန်မြို့ ပေါက်တောရပ် ဖြစ်တယ်။

၃၀။ မင်းယုဝေရဲ့ ဖခင် ဦးထွန်းဆိုင်ဟာ ကုန်သည်ကြီး ဖြစ်ပြီး ဦးဖေမောင်တင်ရဲ့ ဖခင် ဦးဖေဟာ ဝန်ထောက် ဖြစ်တယ်။

#Credittoowner

ဟေးး ကလေးတို့မနက်ဖြန် ဖြေရမဲ့ ဘာသာရပ်မှာ အကောင်းဆုံးဖြေဆိုနိုင်ပါစေ။


စိတ်အရမ်းမလှုပ်ရှားကြပါနဲ့။

စာစစ်ဌာနကိုစောစောသွားကြပါနော်။


#Maple
#studywithK2