حياهم الابطال🫡، بالبداية عام دراسي موفق ان شاء الله واتمناه أن يكون سهلاً ويسيراً عليكم♥️ شفتوا الثالثة وشفتوا الاخطاء الي مرينه بيهة وفعلاً الثالثة معقدة اكثر اما الرابعة وبعد ما شفت موادهة فأسهل بهواي من الثالثة بحيث راح تدرس كل المعلومات الي تحتاجهة بالصيدلية وممكن بعدهة خلص تكدر تشتغل تواجد وبكل ثقة.


نتائج الدور الثاني اكيد ما تطول هليام تبين، وشي ثاني ضروري شباب الالتزام والتنظيم ضروري جداً واكيد من الاسبوع الجاي يبدأ الالتزام بالمحاضرات فنصيحة او رجاء اخوي🙏🏻 من هسة أوعد نفسك تحب الصيدلة وتحب موادهة لأن الحب قادر ان يوصلك لأعظم مستوى بالعلم..

وأنت بعدك طالب فرموس لا تعيش جو الخريج، ورقة وقلم وملازم ودوام من الصبح ومذاكرة وتلخيص ومحاضرات كل هاي السوالف هي سلاحك للنجاح بالصيدلة..

- كل التوفيق الكم ان شاء الله بهاي المرحلة ونستبشر بيهة خير وهاي القناة وادمنيتهة الابطال باقين على وعدهم بمساعدة الطلاب بالشرح والكوزات♥️ تقبلوا تحياتنا

الطلاب الي داومو اليوم شنو الوضع ؟

حياكم طلاب، ♥️ مبدئياً محاضرات العام هنه نفسهن الي انشرحن اليوم فأذا تحب اطلع عليهن..

وشي ثاني بما يتعلق بمادة #البايوفارمسي لحد يستهين بيهة طلاب اضافة الى المصدر لازم نطلع عليه وهسة راح انزله

والبايوفارمسي مادة حلوه ومهمة بنفس الوقت لان تدرس السوالف الفيزيائية والكيميائية للدواء فيعني لازم نهتم بيهة.

وُلد الهدى فالكائناتُ ضياءُ
وفمُ الزمان تبسّمٌ وثناءُ
خُلِقتَ مبرّءاً من كلِّ عيبٍ
كأنك قد خُلِقتَ كما تشاءُ

نبارك لكم المولد الشريف لسيد الأنبياء نور الهدى محمد (صلى الله عليه وآله وسلم)
سائلين المولى أن يكرمنا بشفاعته ويحشرنا يوم القيامة في زمرته

طلاب هاي قناه دكتور هاني ع اليوتيوب
ترتيب المحاضرات مختلف 💙

منشور خاص بالنقل بين الكروبات
اسمك :
كروبك :
الكروب الي تريد تنقله :
والي يلكه بديل ويتفقون
اكيد يروح للممثلين علمود يثبتهم
بالتوفيق للجميع يارب ❤️

نعتذر لعلي محمد الطالب الخلوق والمثابر على هيج موقف اليوم، والعتب على الذي انقل الصورة الخاطئة بحق هذا الطالب، واتمنى طلاب منكم الي عنده مشكله وي احد يحلهة بينه وبين هذا الطالب وابتعدوا من الشكوى والعمادة لان ما اتوقع اكو شي يستحق هيج تدخل قوي

وبمثل ما صار وي علي فراح يصير وي اي طالب ثاني ونتمنى منكم حسن التغافل والتسامح بين اخوانكم وزملائكم♥️

السلام عليكم..
وياكم علاء ادمن جديد طالب وياكم ان شاء الله راح انزللكم ملخصات "مخططات" فارما تخص اغلب السستمات تفيدكم بحفظ الادوية والتمييز بيناتهن .

هذني يخصن antibiotics
مسويلكم اياهن جزئين، جزء antibacterial، والجزء الثاني antimicrobial

الجلدية 🔥

ملازم العضوية العملي نفسها ملازم جامعة بغداد لذلك هاي الكراسة تحتوي على اسئلة تفيدنا بالكوزات

اهون من الي نزلت وهم بيهة مأشره على المهم

قائمة الغيابات ❌
قائمه الحاضرين من اول اسبوع لهسه ✅

السلام عليكم
احد عنده بوت ملازم كليتنا مال المرحلة الرابعة للسنة الفاتت؟