في حالة ما معرفتوش تخيروا سوجي اقراو دعاء الاستخارة ✨يتبينلكم وشمن سوجي مليح 💗

برطاجيوا مع صحابكم @winbac2023

السلام عليكم جماعة كيف الاحوال؟؟ نتمنى تكونو بخير 🥰خاصة جماعة الباك🥰 مع الاسف لعام هاذا مكنتش نشطة في القروب اطلاقا بصح منسيتكمش😭😭 راكم فلقلب🥹 ان شاء الله توصلو لمبتغاكم بالواحد هاذي المرة سورتو ناس لي قاعدا تعاود 🫡🫡 الاغلبية تاعكم درك راهم حاسين بتوتر وخوف وهاذي حاجه طبيعية وقد ما كنت متقدم رح تبانلك روحك روطار ونسيت كلششش بصح هاذي كامل اوهام متخلوش توتر يسيطر عليكم راه جزء كبير من النجاح عندو علاقة بالنفسية
انت تعبت عام كامل وتعبك لن يضيع
ربي يوفقكم ❤️❤️ وتفرحونا راني نستنا في نتايجكم بلواحد

وفقكم الله أخوات ، ندعيولكم بإذن الله ، وادعوا لانفسكم مكانش كيما المرء يدعوا لنفسه خاصة رانا في ايام مباركات حظكم جميل والله ، ومتخافوش مجرد امتحان .. لي قرا وتعب ومتعاملش مع الامتحان بخوف يجيه تافه صدقنني ..
تعبتوا وسعيتوا أبشروا سعيكم لن يترك سُدى 🌸🌧️🍓

بالتوفيق ليكم كامل ان شاء الله هذا العام توصلو لوين حابين ❤️🫶

للتوضيييح 😂😂

علبالكم هذا وين دخلت شفت تعليقاتكم : بنات الله على ما أقول شهيد مشي نبعد في العين ولا خايفة خاطر كاين لي راح يقولو تكذب
معقبتش الباك هذا العام ! 🥹🥹 ، الحمد لله استخرت ورضيت وقنعت بما اعطاه الله لي بل بالعكس كان افضل شيء ساقه الله في حياتي ، وحرفيا حياتي تغيرررت الحمد لله حمدا كثيرا كنت حابة شيء وبكيت علجالو وسعيت كثيرا ولكن لم أكن ادري بأن الله سيقدم لي كل هذا التغيير والخير في هذا التخصص 🍓فعلا لو يعود الزمان للوراء لا أذرِف ولا دمعة لأجل شيء لم احصل عليه ، اختيارات الله عظيمة جدا جداا ونصيحة اليكم مادام سعيتو يا اخواتي الغاليات صايي اعقلها وتوكل اي شيء يجي راه في خير عظيم ( وعسى ان تكرهوا شيئا ويجعل الله فيه خيرا كثيرا ) سورة النساء ، واستخيروا الله في أي شيء حبيتو تعاودو باك استخيري واستشيري من هم احسن منك في الدين متستشيريش شخص ليس قريب من الله ومعندوش تجربة وادعوا ربي بزاف بزااف ، لذا منيش معاكم باك سنة عليها ماكنتش ندخل المييت ولا ندير اي شيء للباك
ربي يوفقكم جميعاا 🌸🍓

-
كنصيحة اضافية احسن شيء في هذا الاسبوع النوم الكافي ، بعد صلاة العشاء نوم ونوضوا قبل الفجر بنصف ساعة 3 فجرا صليوا ادعيو ربي بزاف وراجعوا شوي وامتحانات عادية جدًا والامتحان لي تجوزوه انساوه لا تناقشوا ولا تراجعوا حلكم شوفوا المادة لي من وراها هي الاهم

🦋🥹

جامعة متنساوش تصليو استخارة قبل ما تروحو تعقبو رح يسهلكم اختيار الموضوع بإذن الله ❤️❤️ ربي يوفقكم واحد واحد🤲🤲

-آخر وصية نقدر نمدهالكم هي :
-تشوف انسان يبكي يندب يتمرغ يعيط داخ مات خرج قلبو دار جناحين وطار ماتديهاش فيه واخدم قدامك
-دير عالمك الخاص لي فيه نت وورقتك لي قدامك وفقط
-كي تخرج ماتهدرش وصي والديك ولا لي رح يوصلك مايسقسيكش اسكو خدمت ولالا قدام الناس لانو رح تلقى أولياء برا رح تحكم فيك عين عظيمة
-كي تخرج ثاني ماذابيك تقفل فمك تبلعو مللخر ماتقول لا وش من سوجي خيرت لا وش الاجابة نتاعك في السؤال الفلاني لا والو ، تحكم الطريق تروح تروح للدار وتنسى المادة هذيك تعتبرها الاكس نتاعك كيما قال خالد حماش
-ركز مليح مع اجابتك مام تلقى الناس خرجت وكذا ماتشوفلهمش قادر هوما بعد لي مايديوش الباك ، كل مادة مدولها وقتها قد قد للإجابة ماتقولش كاين وقت زيادة والخرطي هذاك !
-إياك ثم إياك ثم إياك تبدل السوجي بعد ما خيرت واحد اخر وفتت بديت تجاوب عليه ، كي تخير واحد قطع الاخر

تفكرت روحي لعام لفات بعد امتحان لفيزياء بانتلي روحيى هردتها صحصح فقدت الامل روحت لدار نبكييي وقتلهم صاي ني منزيدش نروح نعقب مدام مخدمتش في فيزياء معامل كبير لامونصيو باي باي 🙃 حرفيا على شعرة مكنتش رح نروح نعقب لعشية من بعد هداني ربي وكملت عقبت والحمدلله ظهرت مش هاردتها كيما كنت متوقعة ولحاجة لي غلطت فيها مكانش عليها نقاط بزاف ديت لمعدل لي حاباتو ودخلت تخصص احلامي 🥰 والحمدلله يعني ادا بانتلكم مش خادمين في مادة قادر تكون اوهام برك و لحاجة لي غلطت فيها ميكونش عليها نقاط بزاف كي تعقب مادة انسا بلي فوتها وخمم في لمادة لي بعدها وفقط ❤️

هل نستطيع رد هذا الدين 😓 الله يرزق جميع الآباء فرحة البكالوربا رؤية احلام ابنائهم تتحقق♥️

فرحوهم😭😭🥺❤

غدوا العلوم ، انا ونيهال تجينا المنشورات غير بعد نص ليل

ربي يوفقكم، العلوم قد ما تخافو منها وتعطيولها اكثر من حجمها قد مراحش تخدموا فيها
لذا متخافوش منها صدقوني بزاف حلوة وراح تكتبو بزاف .. حاولو متخلطوش المعلومات وحاولو متكثروش لهدرة ونتومت الكلمات المفتاحية مدرتوهاش ركزوا على الكلمات المفتاحية وربي يوفقكم .. اختارو السوجي المناسب عندكم نصف ساعة لاختيار الموضوع بعقلكم خلاص ..
العلوم هي مصير اي طالب حاب يوصل لامونسيو والطب ومشتقاته لذا حطو كامل وش قدرتو وركزو مليح والخوف ثم الخوف اياكم راح يدمركم ساعات معلومات تكون عندك بسبب الخوف تروح ، وساعات مشي قاري مليح ومتخافش يجيوك معلومات تحيري في روحك منين جاو حرفيا وتأبدعي في الموضوع فالخوف عدوك 💧
موفقين 🦋🌧️

هاااي كيف الأحوال خدمتو???🤩🤩

راكم في غيبوبة؟؟!😕😂😂 سور دخلتوا في سبات بعد الباك

•وأنتم تجهّزون دعوات يوم عرفة؛
‏ليكن للآخرة نصيب من دعواتكم.

‏اسألوا الله أن يُهوّن عليكم سكرات الموت
‏وأن يجعل آخر كلامنا من الدنيا لا إله إلا الله
‏والعبور على الصراط
‏ودخول الجنة
‏والنظر إلى وجهه الكريم
‏والثبات على الدين
‏واسألوه أن يقيكم فتنة القبر وعذاب القبر وفتنة المسيح الدجال
وليكُن من دعائكم أن يلهمكم الله الصبر عند المصائب ، والصبر على الابتلاءات .. أن تتعاملوا مع أقدار الله بِأحسن معاملة وهو الإيمان ، أن يثبتكم الله على هذا الدين والصراط المستقيم ، أن يريكم الحق في زمن كثُر فيه الفتن والله المستعان ، أن يهديكم لتكونوا من السلف .. كلمة سلفية ليست ظاهرا بل علمًا وعملا وجهادا ، وتذكروا اخوانكم المستضعفين..

منقول بإضافات مني

🪶_ أم جُلَيبيب الأثرية

معبر جدا 🤣

جماعة كاين هنا لي مزال مكملش قراية ولا صاي ديتو لعطلة كامل?!😃 بلاك نفتحو مييتاات مع بعض هاذ الايام❤️ وادا كملتو لاتنسوني من صالح دعائكم ادعولي نطلع العام في 23 نبدأ نعقب🥹😂