شحال لازم نعينو من دولة في لخرايط؟؟ ولا دول كامل ؟ مثلا تع حلف ناتو كاين 12 نعينوهم كامل؟

الأوراق يتلصقو من الداخل بهذا الشكل

كي تلصقو تعمدو تعكسو الإتجاه تاع الدبابيس بش تضمنو اوراقكم مايطيحوش

لصقوهم مليح، الاساتذة المصححين كي يجيو يصححو راح يقلعو خذوك الدبابيس ويصححو تسما ماتتقلقوش عليهم ماراح ينساو حتى ورقة ولا ينساو اجابة مخبية

نركزو على التعليمة 7

فالرياضيات ولا الفيزياء، مش راح يعسوكم اساتذة المادة، راح تلقاو اساتذة تاع أدب وشريعة وكذا، تسما ممكن مايعرفوش الكازيو وش هي.

مكالاه تلعبوها قافزين وتروحو تسقسيوهم اذا مسموحة، ابداو تخدمو ديراكت واضربو النح حتى ولاقالولكم ممنوع استعمالها ديرو رواحكم ماتعرفوش وش هي هاذ الكازيو (كيما يقولو العبها بهلول 🥲)

واذا جاو يدورو عليكم وينحوهملكم، قولولهم هاو الاستدعاء نعتولنا وينهي التعليمة لي تقول ممنوع استعمال الآلة الحاسبة؟

يقولوكم 7 قولولهم اذا ماتعرفوش المبرمجة هي هذيك لي تتربط مع الحاسوب ولا ترسم البيان وشاشتها واسعة،

وقولولهم لوكان تنحيوهالنا ماعنديش بواش نحسب (طبعا تتوما اديو معاكم آلة حاسبة ثانية عادية واجبدوها فحالة الاضطرار) وتعلمو تخدمو بلا الكازيو ديروها برك للتأكد

فهموهم بلي هاذي آلة حاسبة علمية عادية، اذا ماحبوش قولوهم عيطولنا المسؤول وحاسبوه بالقانون اذا لقيتوه هو لي موصيهم ثما ماعندكم ماديرو.

هاذي في اسوء الحالات، أما اذا ماجبدولكمش عليها كامل اسكتو اضربو النح وديرو رواحكم ماتعرفوش 🏃🏼‍♀️

ملاحظة جد مهمة ولهني ليها واحد يعطيه الصحة

كي تبغيو تزيدو الأوراق الإضافية تطلبو من الأستاذ لازم يجيبلكم نفس لون الورقة لي عندكم، اذا كانت لون مختلف مش حاتتصحح (يكونو زوج الوان فالقسم يا اخضر يا بني طاولة بطاولة)

تولهو ملييح ممكن الاساتذة لي يحرسو يغلطولكم نتوما لازم تتولهو،

لازم تحكمو نفس اللون من أول يوم لآخر يوم

وثاني كي تنقلو رقم التسجيل تأكدو منو مليح (تلقاوه فالاستدعاء وثاني فالبطاقة على الطاولة)

وثالثا ماتكتبوش اسمكم فالاوراق الإضافية

انتهى البث.

الحوايج البنات ماراكمش رايحين لعرس 🙂 بلا مانزيد نهدر. البسو الحاجة الي تريحكم و على حساب الجو ثاني ، و ماتلبسوش حاجة مزيرة ولا تخنق، اودي مع التالي تولو تروحو بالبليغة😂😭

راكم تحسو روحكم نسيتو كلشي ولا غير انا والله توترت 😅😭😭🙃

نسيت شحال من عنصر لازم نديرو في اجتماعيات 6؟

يا ناس زكريا بورويسة دار لايف تاع 12 ساعة وقالك بلي الباك ماراهوش رايح يخرج من الافكار لي ذكرهم , على اساس حنا عندنا غير الرياضيات في الباك مكاش العلوم والهم تاع الفيزياء والخ زادولنا هم على هم 😭😭

مقالة التجربة مقياس العلم اقترحوها شحال من بروف مش غير عادل كيما قتلكم لبارح مالا من الأحسن نقراها

الوقوف عند " على الأقل انا حاولت " اهون و أخف وطأة على النفس من الوقوف عند " يا ليتني حاولت " ✅

نسقسيكم لي جرب هذا مليح؟ تعوج ظهري من البيرو مالقيت حتا حل لي جربو يقولي

انا وسيرين

السلام عليكم اخوتي ❤️ هذا اخر منشور لي باذن المولى عزوجل واذا زدت نشرت تكون فقط ملخصات , هذا العام من افضل السنوات تاعي بالرغم من الالم لي عشتو والانكسار لي مريت بيه ولا بقلة ثقة لي انزرعت فيا عاودت بديت صفحة جديدة مع ناس جدد خليت كل الناس السامة لي كانو في حياتي ولي ماقدروش قيمتي في حياتهم ومن بينهم صديقتي المقربة وتعرفت على بنات جدد ولي صاروا جزء كبير من حياتي ولي قدرت معاهم نكون قوية ونحافظ على قوتي طوال العام منهم منار نهال سيرين بشرى ندى نريمان ورانيا رحمة وميليا ونور والكثييير منهن ربي يجازيهم ويفرحهم يا رب صديقاتي نقولكم احبكن ❤️😭 في العام هذا لي حرة في البكالوريا بعد الخذلان لي كان في العام الماضي ..... لا علينا النظاميين ربي ينجحكم كامل والاحرار هذا هو عامنا باذن الله ........ التحضير للبكالوريا امر متعب وخصوصا واحد يقرا عام كامل لكن الامر الاكثر راحة هو انو علابالي بلي النتيجة راهي من عند الله ثقتي به كبييييرة جدا تحضيري لهذا الامتحان لم يكن ممتاز ماازلو عندي نقائص لكن رحمة الله واسعة وان شاء الله يرزقنا بجبرا يليق بعظمته اقول لكم دمتهم برعاية الله وحفظه وديرو في بالكم الباك محال تروحلو ونتا جاهز مئة بالمئة لكن الاسئلة تكون سهلة ونقدرولها حاجة مارهي صعيبة نحن ماعلينا الا ان لا نستسلم وفقط ربي يحفظكم وينجحكم ادعولي معاكم كانت معكم الادمينة ايمان 😇