دخلنا لشهر ماي 😶

علبالي علبالي حاسة بيكم بصح انا مجيتش نهبطلكم لمورال و الله جيت نحفزكم مالغري انا ونحتاج تحفيز مي راح نحفزكم ❤️

عندي صديقتي انتيم دايرة طب الله يبارك و مع انه صديقتي المقربة جدااا جداا هي الوحيدة مي جامي سقسيتها كيفاش قرات الباك 😂 والله جامي ايا معندهاش يومين سقسيتها قتلها كيفاش قريتي الاجتماعيات بسك هي خلاتها لآخر شهر قتلي منحفظش من اول عام ومبعد نبقى نعاود فيها شغل مدرت والو تخمامها هكا والله خلاتها لآخر شهر قتلي في سمانه كملتها ( كملت دروس فقط) قتلي كنت نحفظ درس تاريخ درس جغرافيا و مع أزمة كورونا كانو فقط 5 دروس 5 دروس و الأسبوع ثاني قتلي بديت نعاود فيهم ب 3 دروس في نهار تعاود وش حفظت و تحل مواضيع و تخصص ساعه لحفظ مصطلحات و شخصيات ( التواريخ حفظتهم مع درس يا بعد) حسيتها عطاتني امل كبير بسك انا يشهد الله عني لضرك محفظت الاجتماعيات 💔😭
لآ علينا قتلي فلسفة خليتها اخر اسبوع من لباك كل يوم ندير مقالة جابت فيها 13.5
شريعه خفيفة مكانش لي عندو مشكل فيها
و لغات هي الحق يعني مليحه فيهم متحتاجش مجهود كبير.. و ادب عربي حلت مواضيع و ملخص عادي
المواد العلمية قتلي وتحلف و انا نعرفها نصدقها يعني قتلكم لانتيم قتلي كنت نحل فقط واش يعطيني ليكور تمارين و طبق 🤝 جابت في رياضيات 19،5 و فيزيا 19 وعلوم 16
و قتلي في جوان كي دخل بديت نطل على ليباك نحل منهم فقط و فقط
اما طريقة دراستها انا نعرفها هي تسهر متقدرش تنوض تسهر لصباح و تنوض مع ظهر قريب لعصر ترجع تقرا ومكانتش stress بزاف ولا والله تعاملت مع لباك انا وكنت نتشوكا فيها 😹 مي وصلت والحمد لله
يعني لي راه روتار نقلك متفشلش 🤝 تمام هي مقراتش بزاف لكن وصلت اول شئ توفيق من عند الله ثاني شي مخافتش ثالث شي قرات بوتيرة عادية و بذكاء و فقط
بقا ماي اعرفو استغلوه ولي مزال مقراش مادة يبدأ فيها و راح توصلو بإذن الله، انتم لها و ربي يوصلنا كامل
السلام عليكم 💓

و ملاحظة هي باك 2021 يعني جوزت في جوان و العام لي فات كان ارحم في دروس منقصين وبزاف ليست بحجة كفاها الوقت تمام!

ايه إضافة لصديقتي لانتيم لي قتلكم عنها لفوقا كاينة هاذي نزيدكم وحدا و روح 🚶‍♀️مي هاذي ليبر جوزت باك ليبر و كانت تقرا في براميديكال ضغط كبير عليها واحباط نفسي في نفس الوقت 💔 بسك الله يبارك كانت مع الأوائل
تصرا أمور هكا والله يعني ربي سبحانو يكتبلك حاجة في لوقت المناسب باش تديها نتا تسعى لكن اختيارات الله دائما تأكدو فيها خير و اذا جاء العوض من الله سيكون عوض مُنسي لكل الألم صدقوني عن تجربة 🥺🥺
لآ علينا قتلكم هاذي ثاني قتلي في رمضان مع ضغط الجامعه مقدرتش نقرا حفظت فقط تقريبا مي في ماي قتلي زيرت روحي شوي و الحمدلله حصلت على لباك قريب 18 💓🥺 قتلي نهار خرجت من الفلسفة نحسب روحي ندي 13 نبكي بالحرقة على شي لي جوزتو قاتلي انا لي كنت مع لولين و في بالي نوصل تمرمدت قتلها متقوليش هكا تأكدي توقيت الله هو المناسب صبرت الخ نهار نتيجة لقات 17.77 تخلعت قتلي مقدرتش نأمن و الحمد لله
لذا ربي سبحانو كي يكتبلك حاجة راح تديها 🤝♥️ متخافوش فقط و أحسنوا الظن بالله
لي راه روتار نقلك قادر تقرا غير حاجة طيحلك نفسها في لباك و نتا مدي في ذيك لمادة 16 17 لذا لا تيأسوا ( ولا تيئسوا من رَّوْحِ الله إنه لا ييئسُ من رَّوْحِ الله إلا القوم الكافرون )

اتمنى اني بعثت في صدوركم راحة ولو قليلة دمتم في أمان الله اسعوا و فقط ♥️

شكون لي راهم فاهم الفكرة يفهمني , شفتها عند كتفي ومافهمتهاش تنوع الجزيئات Hla

افكار المناعة https://drive.google.com/file/d/1GYMxBPm_EFfcFv6Vyjs6Pe9Fikg_5wgB/view

نسقسيكم في تركيب الضوئي كمون الأكسدة الارجاع المنخفض و المرتفع مقدر ب +0،9 و المنخفض 0.8- هاذي القيمة ثابتة متتغيرش!! ولا في الحالة المدروسة فقط

مصدركم لحل تمارين التركيب الضوئي?

شكون يعرف كيفاش نحولو الفاصلة هاذيك للساعات و نعرفو واشمن نهار بالضبط يخرج المريض

و أنا نحفظ في الشريعة جاوني عدة أسئلة لي يعرف يجاوبني بارك الله فيكم
1-في تعريف الاجماع انو يكون في عصر من العصور بعد وفاة الرسول صلى الله عليه و سلم
ولكن في أمثلة الاجماع الصريح بوسعادي دارت وجوب الفرائض كالصلاة و تحريم الفواحش كالزنا و هذو الاحكام كانو في عهد الرسول!
2- دارت من أمثلة الاجماع جمع القرآن في مصحف واحد و مبعد نفس المثال داراتو في المصالح المرسلة رغم أنو تعريف المصلحة المرسلة هو استنباط الحكم في واقعة لا نص فيها ولا اجماع
ي هاو جمع المصحف فيه اجماع🙂
3-تحريم سب الوالدين علاه داراتو في القياس قياسا على تحريم قول أف لهما يخي السب كامل حرام للوالدين أو غيرهم؟

الاستاذة تجري في الدروس وفي الفيديوهات وتقولنا الدرس لي نحطو شوفوه وهي كل يوم تحط فيديو جديد وانا مزالني في الفيديو 4 😅😅

توحشتكم 😂 مالا قلت نزيد ليوم ثاني نطل عليكم بفيديو جديدة
مهيش حلقة متخافوش
هدية 🥹🎉🎉 برك
نلتقي على الساعة 20:00 ❤️🐰🦋

فجأة القناة تحولت لقناة اسئلة 😃😃😂

هاذي الفكرة للاحرار فقط لي راهم هنا وجدو رواحكم مليييح ❤❤
توضيح للي ما فهموش : يوم 13 ماي 8:00 نحلو ميت نخيرو موضوع ادب نفوتوه حتا 10:00 نحبسو لعشية على 13:30 نعاودو نحكمو بلايصنا موضوع شريعة و هكا حتا نكملو الاسبوع يعني كيما تجربة الباكالوريا يا بعد

سَلمتُ الأمرَ الى الله.

حين يدرك القلب ان الامور بيد الله يهدأ، يهدأ جدا 🥺❤️

اخوتي لي مشي قادر يقرأ و مورالو عيان كيما ضرك تحكيلنا صحبتنا مهيش قادرة تقرا ( ادعيولها ربي يسهللها ويبعث فيها القوة و العزيمة) حبيت نقلكم والله رانا كامل مودرين و تعبانين مراكمش وحدكم نهائيا 🥺 ولي راهم يغلطو في تمارين... نقلك لي جاو الأوائل و كانو يغلطو في هاذ الفترة
ضرك بدا العد التنازلي 40 39 38.... حتى تنتهي المدة وباش تتحفز اكتبو هاذ الايام في ورقة كل ما يفوت يوم شطب باش تحس بالخوف الايجابي لي يدفعك باش تقرا تمام!!
انا وحدة من ناس خايفة روح لباك ومشي متمكنة 🥺 لكن لا خوف مع الله حكيتلكم قصتي مع لفيزيا كيفاش مشي متمكنة و طاحلي واش قريت و ديت فيها 19 كله بتوفيق الله لذا أقرأ بكل حالاتك تعبان، مريض، مقلق، تبكي.. بكل حالاتك استغل هاذ الفترة لانه صح صح عد تنازلي ايام تعد على الأصابع بينك وبين حلم شهر واحد أتتخلى عن الشهر الذي يقودك إلى الحلم!!
اتضعف بعد حكاية معاناة كم سنة!!!
أتستسلم وتترك والدتك يوم النتائج تبكي!!!
قويو قلوبكم شهر وينتهي كل شئ و ديرو واش بغيتو ❤️.

ميت ليلي 🥺💗 جماعة من فضلكم افتحو لاكام من اجل التحفيز و لي ميقدرش نورمال يدير بارطاج باش يثبت بلي راه يقرا ❤️ موفقين يارب في طريقكم ادعولي امتحاناتي علئ الابواب 😢 هياا بون كوراج