ငယ်လေးတို့ရေ
မင်စာလည်းမတင်ဖြစ်တာကြာပီ
ငယ်လေးတို့ကိုလည်းမင်ကိုပစ်ထားတာကြာနေပီ
အခုတော့ knowledge sharing, quotes and book (review/preview)
လေးတွေပဲတင်ပေးအုံးမယ်နော်

#ghost

ချစ်တယ်ဆိုတာ
အဝါရောင်ပန်းလေး ပွင့်တာပါပဲ
မင်းကို
ပျော်စေ ရွှင်စေချင်ပါတယ်။

#နွေအိမ်မောင်ဝင်း
#ghost

မင်ပြောစရာရှိပါတယ်

မင်လေ give away လေးတစ်ခုလုပ်ဖို့ရှိပါတယ်
မင့်channelမှာ100ပြည့်ရင်
ဆရာမဆုခြည်ကိုရဲ့ pro ဆိုတဲ့ဟာလေးကို GA ပေးမှာပါရှင့်
Error လေးနဲနဲတော့ပါနိုင်တာမို့မကြိုက်ရင်တော့နောက်ပိုင်းမှနောက်စာအုပ်ပြန် GA ပေးရမလားဆိုတာလေးပါပြောခဲ့ပါနော်

ဒါလေးကိုလည်း share ပေးကြပါအုံးရှင့်

Error က books မှာမဟုတ်ပဲ
boxမှာပါတာပါရှင့်

#ghost

"အချိန်တန်တော့လည်း မေ့သွားမှာပါ"တဲ့
အင်း.....ဟုတ်တယ်
နောက်ထပ်အနှစ် နှစ်ဆယ် သုံးဆယ်ပေါ့
လေးဆယ်ကျော်မှ ပြန်တွေ့ကြတော့လည်း
ကြီးခေါင်ကြီးမား အနာတရနဲ့
ဘုံဆိုင်တနေ့ ဘုရားတနေ့ပေါ့ အသက်ရေ...

#ခီယာ
#AHS
#crd
#ghost

လူငယ်ဘဝထဲက တစ်ယောက်ထဲလည်းနေတတ်ဖို့သင်ယူမိခဲ့တယ်
စာအုပ်တွေ ပိုစုဆောင်းပြီး ပန်းတွေကိုများများငေးမယ်

ခရီးတွေအများကြီးထွက်နိုင်ဖို့
အနာဂတ်မှာငါ့ကိုယ်ငါပျော်ရွှင်စေဖို့ အလုပ်ကြိုးစားမယ်
ဘယ်သူ့အမှီအခိုမှမပါဝင်တဲ့
အိမ်လေးတစ်လုံးပိုင်ဆိုင်စေမယ်

ကမ္ဘာကြီးရဲ့နေရာအမျိုးမျိုးမှာ
ခြေရာတစ်ချို့ချန်ထားချင်တယ်
နေဝင်ဆည်းဆာကို
မြို့လေးတွေအများကြီးကနေငေးကြည့်ခွင့်ရချင်တယ်

ငါချစ်တဲ့လူနည်းစုလေးကိုမေတ္တာတွေပေးမယ်

ငါ့ကိုယ်ငါပျော်ရွှင်မှုနဲ့ပွေ့ဖက်ခြင်းတွေပေးပါမယ်
ဘယ်သူမရှိလည်းငါပျော်ပါရစေကွယ်

#lavenderpan
#black

ကဲ
မင်မင် ဝါးဟားဟားး
ပြန်ရောက်လာပါပီရှင်

#ghost

🍀ဂျပန်တွေရဲ့အဆိုအရ
အရွက် (၄)ရွက်ပါတဲ့ MAGIC CLOVER အရွက်တစ်ရွက်တိုင်းမှာ ကိုယ်စားပြု တစ်ခုစီ ပါကြတယ်။ (၄)ရွက်မှာ ပထမတစ်ရွက်က အချစ်၊ ဒုတိယအရွက်က မျှော်လင့်ချက်၊ တတိယအရွက်က ယုံကြည်မှု၊ အပိုပါလာတဲ့စတုတ္ထအရွက်က ကံကောင်းခြင်းကို ကိုယ်စားပြုတယ်လို့ ဆိုကြပါတယ်။ ဒါကြောင့် အစုလိုက်ပေါက်နေတဲ့ အရွက် (၃)ရွက်ပါတဲ့ အပင်တွေကြားမှာ အရွက် (၄)ရွက်ပါတဲ့ အပင်ကိုတွေ့ရင် ကံကောင်းတယ်လို့ ပြောကြတာကြောင့် သူ့ကို ကံကောင်းခြင်းအပင်လို့ ခေါ်ကြပါတယ်။


#နိုင်းနိုင်းစနေ
#ghost

အခြေအနေ .... အခြေအနေက ဘာမို့လို့လဲကွာ။ အ‌ခြေအနေကို ငါကိုယ်တိုင် စိုးမိုးလို့ရတယ်။


-ပြင်သစ်သူရဲကောင်း Napoleon Bonaparte


#ghost

Morning ပါရှင်
ငယ်လေးတို့😘

#ghost

ဒီကနေ့ကစ နောက်ရက် ၃ဝကို ကိုယ်နှစ်သက်သည်ဖြစ်စေ၊ မနှစ်သက်သည်ဖြစ်စေ ဖြတ်သန်းရမှာပါပဲ။ ဒီလိုဆိုရင် အဲဒီရက် ၃ဝကို ကိုယ်ဘယ်လိုပြောင်းလဲ ဖြတ်သန်းချင်သလဲ။

မော်ကမ်လို့ခေါ်တဲ့ လူရွယ်တစ်ယောက်ရှိတယ်။ သူဟာ နေ့တိုင်း အားနေခဲ့တယ်။ အားနေလွန်းလို့ တစ်ရက်မှာ သူထူးထူးဆန်းဆန်း စဉ်းစားမိတာက-- မက်ဒေါ်နယ်လ်ကို ရက် ၃ဝ ဆက်တိုက်စားရင် ဘာဖြစ်နိုင်မလဲပေါ့။ စဉ်းစားမိတဲ့အတိုင်း မော်ကမ်ဟာ မနက်စာ ညစာ မက်ဒေါ်နယ်လ် စားတော့တယ်။ ရက် ၃ဝ ဆက်တိုက်စားတယ်။ ပထမ စစားတဲ့ရက်ကစ သူဟာ အဲဒီဖြစ်စဉ်တွေကို ဗွီဒီယို ရိုက်ထားလိုက်သေးတယ်။

ရက် ၃ဝပြည့်တော့ သူဟာ ကိုယ်အလေးချိန် ၂၅ပေါင်တိုးလာတဲ့အပြင် အသေးစား စိတ်ကျရောဂါနဲ့ အသည်းလုပ်ဆောင်ချက် အားနည်းရောဂါတွေ ရခဲ့တယ်။ ဒီအတိုင်ခင်မှာတော့ သူဟာ ကျန်းမာတဲ့လူတစ်ယောက်ဖြစ်တယ်။

မော်ကမ်ရဲ့ ရက် ၃ဝဆက်တိုက် မယ်ဒေါ်နယ်လ်စားတဲ့ ဗွီဒီယိုကို Matt Cutts ဆိုတဲ့လူက စောင့်ကြည့်ခဲ့တယ်။ Matt က ဂူဂယ်ရဲ့ ဆော့ဝဲလ်အင်ဂျင်နီယာ တစ်ဦးဖြစ်တယ်။

ရက် ၃ဝမှာ လူတစ်ယောက်ကို ပြောင်းလဲနိုင်ရင် ဘာဖြစ်လို့ ကောင်းတဲ့ဘက်ကို ဦးတည်ပြီး မပြောင်းလဲနိုင်ရမလဲလို့ Matt တွေးမိတယ်။ ဒီလိုနဲ့ သူဟာ ရက် ၃ဝ စိန်ခေါ်တဲ့စီမံကိန်းကို ချရေးလိုက်တယ်။

ရက် ၃ဝအတွင်း လုပ်ရမယ့် တာဝန် ၄ရပ်

(၁) စက်ဘီးစီးပြီး အလုပ်တက်ရန်
(၂) တစ်နေ့ကို ခြေလှမ်း တစ်သောင်းလှမ်းရန်
(၃) တစ်နေ့ကို ဓာတ်ပုံတစ်ပုံရိုက်ရန်
(၄) စာလုံးရေ ငါးသောင်းပါတဲ့ ကိုယ်တိုင်ရေး အတ္ထုပတ္တိတစ်အုပ် ရေးရန်

ကျော်လွှားရမယ့် အကျင့် ၄ခု

(၁) ရုပ်ရှင်မကြည့်ရန်
(၂) အချိုမစားရန်
(၃) တွစ်တာမသုံးရန်
(၄) ကဖင်းဓာတ်ပါတာတွေ မစားမသောက်ရန်

စာလုံးရေငါးသောင်းပါတဲ့ အတ္ထုပတ္တိရေးဖို့က လွဲလို့ ကျန်တာတွေက အသေးအမွှား စိန်ခေါ်မှုလေးတွေပါ။ စာအုပ်ကလည်း တစ်နေ့ကို စာလုံးရေ ၁၆၆၇ နှုန်းနဲ့ရေးရင် ရပါတယ်။

ရက် ၃ဝအကြာမှာ နဂိုက ခပ်ဝဝ ဆော့ဝဲလ်အင်ဂျင်နီယာဟာ ကျန်းမာတဲ့၊ အကောင်းမြင်ပျော်ရွှင်တဲ့၊ အသိဉာဏ် ဗဟုသုတတိုးပွားတဲ့... စတဲ့ အဖက်ဖက်က တိုးတက်တဲ့သူ ဖြစ်လာခဲ့တယ်။

"အဲဒီ သေးငယ်တဲ့၊ အမြဲလုပ်ဆောင်နေရမယ့် အရာလေးတွေကို စိန်ခေါ်ကြည့်ပါ။
ရက် ၃ဝအကြာမှာ သင့်ကိုယ်သင် ကျေးဇူးတင်မိပါလိမ့်မယ်" လို့ သူက ပြောပါတယ်။

လူတွေရဲ့စိတ်ဓာတ်ကို ပျက်စီးစေတာဟာ ကြီးမားတဲ့၊ မြင်ရတဲ့အရာတွေကြောင့် မဟုတ်ပါဘူး။ မမြင်ရတဲ့ သေးငယ်တဲ့ အကျင့်၊ စရိုက်တွေကြောင့်ဖြစ်တယ်။ မကောင်းတဲ့အရာလေးတွေ ကိုယ့်စိတ်ထဲ တဖြည်းဖြည်း စုပြုံများလာတဲ့အခါ အဲဒီအရာတွေက ကိုယ့်အတွေးတွေဖြစ်လာတယ်။ အဲဒီအတွေးတွေက ကိုယ့်အကျင့်တွေဖြစ်လာတယ်။ အဲဒီအကျင့်တွေက ကိုယ့်လုပ်ဆောင်မှုတွေဖြစ်လာတယ်။ အဲဒီလုပ်ဆောင်မှုတွေက ကိုယ့်ဘဝဖြစ်လာတယ်။

ရက် ၃ဝအတွင်းမှာ ကောင်းတဲ့ဘက်ကို ပြောင်းလဲမလား၊ မကောင်းတဲ့ဘက်ကို ပြောင်းလဲမလား.
ကိုယ့်ရွေးချယ်မှုပေါ်မှာပဲ မူတည်ပါတယ်။

💌

#ကျွန်မဖတ်ဖို့
#နိုင်းနိုင်းစနေ
#ghost

ကိုယ့်အတွက်
အဖော်ဆိုတာ အများကြီး မလိုအပ်ပါဘူး ။
ဘာကြောင့်လဲဆိုတော့ စာအုပ်တွေ ရှိတယ် ။
စိတ်ပင်ပန်းရင် သဘာဝထဲ ပုန်းနေလိုက်ပြီး
ကြယ်တွေကို ငေးကြည့်ရုံပဲ ။

တစ်ယောက်ယောက်ရှိမှ ရှင်သန်နိုင်တဲ့ ဘဝက
သိပ်ကို ပူလောင်ရတယ် ။
ပြီးတော့
လူပင်ပန်းတာထက် စိတ်ပင်ပန်းရလိမ့်မယ် ။

ဒါကြောင့်
မည်သူတစ်ဦးတစ်ယောက်အပေါ်မှာမှ
လိုအပ်တာထက်ပိုတဲ့
သံယောဇဉ် နဲ့ မျှော်လင့်ချက်တွေကို
မထားမိတော့အခါ စိတ်ကလေး အေးချမ်းရပါတယ် ။

#ဖားစည်ရည်ကျော်
#ghost

မိဘကို မင်းဆက်ဆံတဲ့ ပုံစံဟာ
မင်းရဲ့ဒိုင်ယာရီ စာအုပ်ပဲ ။

အဲဒီ စာအုပ်ကို
မင်း ရေးခဲ့ပေမယ့်....
မင်းရဲ့ သားသမီးတွေက...
ဖတ်ပြလိမ့်မယ် ။

#crd
#ghost