نبدي نقطة نقطة شلون نرتب جدولنا اول شيء حطوا جدول العام ك شيء رئيسي كدامكم واعتبروا هل شهرين ك شهرين سادس اعدادي وهذا واقع لان مرحلة ثالثة اصعب مرحلة بالمستنصرية اذا ما تعبر هلسنة كاملة (ميحتاج اكمل شيصير)

ف ميحتاج لطم ولا شيء ولا بجي انت خلي نفسك بالواقع وتتحدى نفسك وتبطل طلعاتك وخلي بس يوم بالاسبوع ساعتين او ثلاثة تطلع بيها وهاهيه

اي اعتبرها سادس واقع حال لان الاغلب شفته واكع ب٣ او ٤

ف اهم شيء مو دراستك صدكني اهم شيء تنظيم وكتك

لا تكول انه حنام ٣ ساعات اني ادري وانت تدري مراح تدبرها

نظم نفسك نام ٦/٨ ساعات باليوم (مجموعها حتى وية القيلولة مال ظهر)

حتى تعرف تلم روحك فترة جاية

اهم شيء ترتيب الوقت بالجدول وهسه حكللكم تجربتي بترتيب الوقت واتمنى تستفادون منها!
ملاحظة: لا تاخذوها دستور او قانون الكم انت شوفها تشوفها توالمك جربها فادتك امشي عليها

المهم اول ما اكعد من النوم مثلاً اكعد ب٧ صبح ابلش اقرةةةة لل١٠ اتريگ ريوگي ربع او نص ساعة
وراها گهوة( كلنا ندري الاكل يدوخ)😂😂😂
ف گهوة تعدل راسك
وتكعد وراها شنو؟ هم تقرة للغده جرة وحدة

تتغده تستراح ساعة ع اقل وراها تبدي تقرة العصر للمغربية يأذن المغرب وراها تتمشى او تكعد وية الاهل او شيء ويصير العشى

وراها تبدي تقرة لل١٢ وتنام

ملاحظة: دائما جنت اشوف فيديوات الظهر وفوگ

الصبح دائما خليه للحفظ

هاي قانون لان دماغك هستوه صاحيي

اكو ملاحظات انه شلون تدرس حشرها فويزات

واتمنى الكل يسمعها وماطول بس صدكني هواي طلاب نجحوا عليها