شباب من الاخير ميحتاج توكفون الفيديو وتعيدوا من ما تفهمون شغلة
هو حيعيدلك كل معلومة ٢٠مرة😔

هاي الرسم بمحاضرة muscle الاولى
كلش كلش مهمة حتى تفيدكم بالفسيولجي
و١٠٠٪؜ حيجي سؤال عليها
حاولوا تعرفوها😔

يرجى من الجميع قراءة البوست للاخير❤️🔥

مساء الخير طلابنا الاعزاء🌹

💢بعثة جامعة كوچ (koç university)تركيا-اسطنبول💢

🔥مثل متعرفون طلابنا وزملائنا الاعزاء ان اكاديمية القمم الطبية وعدتكم بفرصة ذهبية وانتقالة نوعية في مسيرتكم العلمية والاكاديمية في المستقبل بمنح فرصة الحصول على تدريب صيفي في "جامعة كوچ" العالمية في تركيا-اسطنبول (koç university)
للطلبة الخمسة الاوائل في الامتحان الخاص بالاكاديمية

🛑تفاصيل الامتحان :

📌المادة العلمية : upper limb+ lower limb anatomy فقط
📌طبيعة الاسئلة : 120 MCQ
📌تاريخ الامتحان : الاربعاء 15/9/2021 للمرحلة الاولى الساعة 10:00 صباحاً
📌مكان الامتحان: سيحدد لاحقاً مكان في بغداد
📌شروط الدخول للامتحان : ان يكون مشارك في كورس الاكاديمية واحد طلبة المرحلة الاولى فقط

🛑تتميز البعثة العلمية بالاتي:

✅الطالب هو الي يختار التخصص الي يحب يتدرب بي مثلا واحد يعجبه جراحة تجميلية يدخل كورس بهذا الاختصاص ويدخل عملياته ويشوف مرضاه ويعايش اطباء الاختصاص وكيفية سير حياتهم العملية واحد يحب عيون جلدية الخ كل الاختصاصات متوفرة)
✅التدريب حيكون لمدة سبعة ايام
✅التدريب حيكون #مدفوع_التكاليف تماماً(مجاناااً) 🎉❤️
من ضمنها حجوزات الطيران والسكن واجور الكورس التدريبي
✅ستكون هناك زيارة واختلاط مع طلبة جامعة كوچ للتعرف اكثر عن حياتهم الجامعية
✅التدريب تحت ايادي اطباء عالميين من مختلف انحاء العالم حيث ان كادر مستشفى كوچ اطباء اجانب
✅منح #شهادة_مشاركة من جامعة كوچ تضاف الى الملف الشخصي للطالب
✅توثيق يومي لفعاليات الطالب اثناء الكورس التدريبي

💢ستكون البعثة متكونة من 20 مقعد
5 طلاب اوائل من المرحلة الاولى
5 طلاب اوائل من المرحلة الثانية
5 مقعد مخصص لطلبة المرحلة الاولى على حسابهم الشخصي
5 مقعد مخصص لطلبة المرحلة الثانية على حسابهم الشخصي

شكرا جزيلاً❤️❤️
نتمنى لكم كل التوفيق❤️
Peaks_Medical_Academy 🔝❤️

طبعا فول حماس عدي مدري فرصة حلوة للكل وان شاء الله الموفقية

الي يريد يروح على حسابه تقريبا المبلغ 1000$

كلشي الاكل والسكن والمصاريف ومدري شنو

و الكلمة الكالهه دكتور يوسف بنهاية الفويز😂

طلاب الامتحان لازم تكونون مشتركين بكورس الاكاديمية "كامل" سواء فصل اول او ثاني

السادة حصراً تخفيض خاص بمناسبة شهر محرم

يالله اني سيد كردي

حته الي يريد يروح على حسابه لازم مشترك بالاكاديمية و يمتحن همين لان هوايه يريدون يروحون على حسابهم و احتمال تصير المفاضلة علدرجة بالامتحان

يعني مثل الموازي بلضبط

ايي شلونكم شباب ان شاء الله بخير اوكي شوية حدوخكم بس كلش بوست تحفيزي 😔
طبعا مثل متعرفون الفترة الجاية ان شاء الله حيكون تحدي النا شلون تحدي؟ انت هسه بعدك بمعمعة الامتحانات وكلنا همين وبعدك تقرة كيمياء او بايو وحقك
بس هاي هسه سفرة(كوچ) الي وعدوا بيها الاكادمية من اول يوم والامتحان اتساهلوا بي من ناحية انه بس حيمتحنون تشريح( بس الاسئلة مراح تجي سهلة😔) اوكي. هسه تگلي مصطفى شعدي محاول وشعدي اتعب نفسي ع مادة نجحت بيها
(ولو ادري اغلبكم حتمتحنون دور ثاني هذا واقع حال المستنصرية😔) بس اتخيل تسافر لتركيا ويصير ضمن الc.v مالتك وتتدرب وية دكاترة وتتونس بنفس الوكت وتتعرف ع ناس يعني تجربة كلش كلش تخبل
السؤال الاهم
(اني اصلا رسبت بالمد وبالفاينال وكلشي)
يا عيني انت اول تالي وراك دور ثاني تخيل اقرا بس تشريح وتضبطه وهم تنجح وتخيل الله ميضيع تعب احد ومثل متشوف اكو هواي مشاهير صاروا مو بسبب موهبة وانما بسبب تعب وسهر
ف ممكن تصير بتعبتك وياها دفعة من رب العالمين بتوفيقه وتروح وتسافر وتتونس وتتعلم
فلاتاخذها حجة
اما الي كالوا مصطفى انت وراك مرحلة ثانية
وراك هيد ونيك
ترة كلشي وقته حلو
وتكدر تقرة الهيد ونيك ورة ميكمل الامتحان او بداية الدوام
يعني لتضيع الفرصة ماطول ممكن تصير
المستحيل يحدث احياناً
والله اتوكلوا ع الله نكمل امتحان وكلنا نقرة والسبع البينا يصعد الطيارة واتمنى الموفقية للكل وبلكت ولو واحد يقرة هل حچي ويصعد ويروح وية الدكاترة ف اني افرح🤍

فرصة الكل يتمناها واجتي جوة ايدك لا تخسرها😔😔

هاي محاظره الوراثه الاولى كلش مهمه وكلش حلوه للي قاري وراثه بالسادس ومضبطها حيفهم جزء اكبر منها
مثل متشوفون بالشرح اكو تضريب اكو ملاحظات هوايه كاتبتها باطراف الورقه هاي كلها مهمه وكلش تفيد وتسهل شرح

ماده تخبل و كلش تونس بس اهمشي من تقرون هذا ملخص شغلوا فديو دكتور حتى تفهمون شون مسويه تضريب وشنو اساس ملاحظات الكاتبتها

https://youtu.be/T4iopCn__Z4

❤️