أخباركم أي ؟
لعلكم بخير جميعاً.🤎

من أول أسبوع وأول أيام دراسه اسعي واستثمر ف نفسك أنك هتهتم بكل جوانبكم الدينية والدراسية وكمان فلترة لعلاقاتك وأبعد عن السيئين وقرب من الناس ذات الطموح العالي " الصاحب ساحب"
وحاجه جانبية كدا أبعد/ أبعدي عن العلاقات المحرمة مستقبلك وثقة أهلك أهم من كل القرف دا !

وفقني الله وإياكم وسدد خطانا وآتانا سؤلنا ف عفو وعافيه ف اللهم آمين.🤎

السلام عليكم ورحمه الله

بكرة بإذن الله بداية أسبوع جديد وع الأغلب بداية الدراسة والمحاضرات فعلياً ، ف نصيحتي ليك من أول السنه كدا تجدد النية وتتوكل ع الله وتسعي وتحاول وتجاهد والتوفيق من الله وحده ، بداية سعيدة وجبر لكل أهدافك بإذن الله

وهكون معاكم ف متنسونيش من دعائكم بقا .😅🤎

صباح الخير

الحمد لله الذي أذن لنا بيوم جديد لنعبده ونشكره ونتوب إليه ، نرتب أولوياتنا وأمورنا ونتوكل ع الله ونكمل سعي.🤎

مهما كان محصلة يومك ف أحمد ربنا والحمد لله أنه عدي بخير، رتب أمورك وصلي فروضك واتوكل ع الله وأبدأ ذاكر.

كمل سعي

صباح الخير ، لعلك بخير

عمرك ما هتبقى ف السن دا تاني ف اعمل اللي يخليك مبسوط ،


بس متنساش تحسبها حلال وحرام .🤎

السلام عليكم ورحمه الله

يوم الجمعه أجازة علشان ترتب أفكارك وتنظم وقتك وتنجز اللي اخذته طول الأسبوع اللي فات والأجمد بقا ترتب الأسبوع اللي جاي فاستغله كويس ، ولو ضيعت من أول اليوم ف النوم أو غيره ف فداك لسه معاك ساعات لنهايه اليوم حاول تنجز فيهم تعمل مخطط الأسبوع الجاي بإذن الله.🤎

ع قد أحلامك اسعي!

ربنا يوفقنا جميعاً.🤎

لو متوفقتش ف حاجه معينه متيأسش وخلي عندك يقين أنها أكيد مكنتش خير ليك ولا ليك نصيب فيها ،استعين بالله وكمل سعي

وخلي ف بالك ديما الآية الكريمة :
"عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ."🤎

كمل سعي

طور ذاتك علشان دا ال هيعملك قيمة عالية بعد توفيق وكرم ربنا

بكل بساطة ي رفيق هي حاجتين يا هتقعد ف قوقعة من اللامبالاة والأيام والشهور هتعدي وأنت مش واخد بالك أنه عمرك اللي عدي ، يا تنحت ف الصخر وتورط نفسك ف زوم الإنجازات والسعي غير المتناهي والنتيجة أنت وأنا عارفينها بتكون تعب لصحتك مع الحد الأدنى للأجور! احنا مش هنكذب ع بعض انت ف مصر يغالي !
ف الأول دا عمره بيعدي وهو لا يبالي بس ناسي أهم حاجه أن سعيه وشبابه هيسأل عليه ، والثاني مدرك الوقت والأيام وحقيقي عمره ضايع بس بينفذ أمر ربنا بالسعي وبيجهز أجابة سؤال شبابه فيما افناه!
يارب يرضي عنه ويشوف نتيجة مرضية قبل ما ينتهي عمره .🤎

لو هقولك نصيحة أبدية فهي متاخدش كل حاجه ع أعصابك!

أنت ونفسيتك وراحتك أهم من أي حاجة مهما كانت ، أعمل اللي عليك ومتركزش بعد كدا ف النتيجه ولا ردة فعل من الناس ، صدقني راحتك النفسية أهم من كل حاجه.🤎

أقولك حاجه كدا كدا أنت ماشي وعمرك دا ممكن ينتهي ف أي لحظة وخلاص بقا دنياك خلصت ، أنا ملئ بالتفاؤل والله متاخدش كلامي ع محمل البؤس والتشاؤم 😅
يغالي والله هما يومين هتقعدهم وخلاص بقا هتموت ف عيشهم بهدوء ورزانة ف تصرفاتك واعمل الحاجات اللي بتغير مودك وتسعدك و روق ع نفسك " بس متعصيش ربك بحاجه حرام" ، وهاتلك كل يوم شوكلت وحاجه حلوة واشرب شايك وأقرأ ف كتبك واهتم بمذاكرتك وتطوير ذاتك وروح شغلك ، واقعد مع أهلك واستحمل اخواتك معلش تعالي ع نفسك في دي ، بقولك كل حاجه لوحدك وفكك من الناس بالله فكك منهم هتعيش مرتاح .🤎

معلش بقا هي مكنتش خير ولا كانت ليك أصلا أدعي ربنا يربط ع قلبك ويصبرك ويعينك تقدر تبدأ من الأول تاني

أنت قوي ومحارب شجاع وشاطر عموماً ف متزعلش ع حاجه هي مش ليك وممكن توقف إحساس قلبك شويه لانه ديما بيعكنن علينا بعدم نسيانه لحاجات لازم تتنسي علشان تعرف تبدأ من الأول 😅

الله يعوض صبرنا كله خير .🤎

السلام عليك.🤎

معلش هنفضل نقول معلش كتير ع كثرة وريب الأحداث ، ولكن هتعدي حتماً ، أهدي كدا واعمل كوبايه شاي وروق ع نفسك أنت بطل ومحارب شجاع .🤎

أعمل حاجه تخليك مبسوط وتغير مودك " لكن بعيد عن الحرام " ، وبعدها رتب امورك واحدة واحدة كلها هتتحل بس محتاجه صبر واستمرارية ع السعي.🤎

عارف أخواتك الصغيرين ف سنه كام ؟

بكلمك بجد مش هزار! ، لأن فيه ناس حقيقي من كتر ما هي بعيدة عن إخواتهم نسوا هما أصلا ف سنه كام! ، بوست النهاردة هو مش مختلف أوي عن محتوى القناة سبورت يو ولكن هو نقطه مهمه جدا حبيت افكرك بيها وانك لازم تعيد تفكير في الموضوع، ألا وهي خليك قريب من أخواتك وصاحبهم ويغالي ذاكر معاهم الدرس تاني وشوف مشاكلهم وحلها معاهم ، حقيقي الاستثمار فيهم هتشوفوا بعينك وتقول الحمد لله تعبي جاب نتيجه معاه أو معاها بدل ما وقتك كله مقدسه مع اصحابك وانا هنا مش بنكر ابدا دور الاصحاب في حياتنا لكن اخواتنا اهم تكاد تكون أولوية اهم من اصحابك، الصحاب بتروح وتيجي عادي لكن اخوك هو سندك الوحيد فاستثمر فيه .🤎

"وَأَن لَّیۡسَ لِلۡإِنسَـٰنِ إِلَّا مَا سَعَىٰ". ☘

‏اسعَى

يا هتوصل، ياهتتعلم، ياهتؤجر ويفتح الله علينا وقت ما يشاء بطرق تبهرنا والله .🤎