نكمل سعي

صباح الخير

ليوم مشرق ملئ بالإنجازات والطاقه
" متستخدمش الفون ف أول ساعه لما تصحي"

اول ساعه بعد ما تصحي دي بيترتب عليها كل اليوم ف استغلها ف الصلاة فطارك اي حاجه غير انك تمسك الفون

ربنا يوفقنا جميعاً ويرزقنا البركة ف الوقت والجهد.🤎

كمل سعي

وَأَن لَّیۡسَ لِلۡإِنسَـٰنِ إِلَّا مَا سَعَىٰ

‏﴿وَاللَّهُ يَهدي مَن يَشاءُ إِلى صِراطٍ مُستَقيمٍ﴾

Don't give up!

The beginning is always the hardest .🤎

🤎 .

صباح الخير

بما أننا متقاربين ف العمر ومعظمنا يومه ملكه من غير خطوبات أو جواز وأطفال ، فـ الفترة دي وقتك ويومك كله ملكك ، فـ تستغل الفترة دي ف تطوير نفسك زي ما ماشي وضيف عليها أخواتك ، بمعني أنك تخلي إستثمارك الوحيد لنفسك ولاخواتك ، صدقني وجود أخواتك "حتي لو خناق طول اليوم هيفضلوا نعمة كبيرة من ربنا"
أهتم بيهم وبمشاكلهم ومذاكرتهم ومستواهم كل حاجه خاصه بيهم، صاحبهم بمعني أصح وأصلح من نفسك ومنهم .🤎

بعد كدا الدنيا هتشغلنا غصب عننا ف نستغل الوقت ف شىء نافع.

صباح الخير


"الخوف الأوفر مش مبرر ولا معيار لأي حاجه "

إحنا ف فترة المعافرة والسعي والجد ، مينفعش أبدا نستسلم ونسيب أمورنا وأحلامنا مكانها كدا تيجي تمام متجيش خلاص مش هنحاول !
لا دا مش حل لأي حاجه ، عايز حاجة عافر واتعب نفسك وحاول بكل قوتك علشان توصل إحنا شباب سن حيوية مش كسل وفقدان شغف غير مبرر!

أستعين بالله وحده واحصل ع رضا أهلك وتوكل ع الله ، صدقني ف يوم هتوصل .🤎

حياتنا مش بتمشي ع وتيرة واحدة!
لازم هيحصل اي دروب ف الطريق ف أتقبل دا وهون عليك وفترة وتعدي بإذن الله.🤎

صباح الخير 🤎

«لو أنَّ الناس كلما استصعبوا أمرًا تركوه، ما قام للناس دنيا ولا دين».

- عمر بن عبدالعزيز.

" أحترم نقاط ضعفك زي ما بتحترم نقاط قوتك"

بمعني هون عليك ف فترات تعبك وفقدانك لطاقتك وشغفك وروق عليك برضو بحاجات بتحبها " مشروب حلو زي الشاي كدا ، أكله بتفضلها ، أو حتى هواية بتلاقي نفسك فيها" المهم أي حاجة تهون وتطبطب بيها عليك بدل جلد الذات

أحترم نقاط ضعفك ونفسك تستاهل كل حاجة حلوة مش جلدها!🤎

صباح الخير

«ما فاتَكَ لم يُخلق لكَ
وما خُلِقَ لكَ لن يفوتك!» .🤎

بحاول ارجع ليكم ونرجع الشغف من تاني للتعلم والسعي

سلام الله عليك ورحمته وبركاته.🤎

أعلم جيداً أن كل حاجه صعبة ومتعبة وأنك ف أسوء أحوالك وأنها مقفلة معاك ومش لاقي مخرج ليها وأن مفيش شغف ولا طاقة لأي حاجه فاهمه دا جدا ومقدراة ، بس خليني أقولك نحاول نشوف نص الكوبايه المليان " هنحاول صح" ونهدي شويه ع نفسنا وكل حاجه ليها حل بس بالهدوء والرزانة وصدق السعي يتبعه حسن التوكل ع الله ، معاك أن الشغل متعب بل مقرف والتعامل مع الناس اصلا بس برضو قعدة البيت وانك تسيب نفسك لدماغك وللاوڤر سينكينج برضو مش حلوة أبداا ومش هتتقبلها ولا هتعيشك ، ف استهدي بالله وأيا كانت المشكله اللي معاك ومأثرة ع نفسيتك أنت قدها وتقدر تحلها بس أستعين بالله ورتب أولوياتك بهدوء.

لسه تائه ومأنجزتش حاجه ف يومك ؟
لا بأس عليك! معاك وقت لسه تنقذ يومك بحاجة تنفعك وتطور منك

صلي العصر وورد قرآن حتي لو وجه واحد وأستعين بالله وابدأ

ولو تائه ومش عارف تعمل أي فكر دقيقة بس ف اكتر حاجه كنت عايز تنجزها أيام الدراسة وابدأ فيها

ربنا يوفقنا جميعاً ويسدد خطانا .🤎

صباح الخير

اتعلم أنك لوحدك والرحلة فردية تماماً ، فيه حد زي الفل هيسليك مفيش حد متزعلش نفسك وخليك كينج ف نفسك كدا واتوكل ع الله وامشي ف طريقك بقوة . 🤎

سلام الله عليكم ورحمته وبركاته .🤎

"1 سبتمبر" بدايه جديدة بإذن الله وتحدي شهر أن كلنا نبدأ ف حاجه وف نهايه كل أسبوع نتابع ماشين كويس ف الكورس أو المهارة دي ولا لا !

الغرض من التحدي أن منسبش يومنا يعدي كدا هباء لازم تستغل كل ساعة ، عمرك ووقتك هتتسأل عنه ف بلاش تضيعه ف التفاهات!