صباح الخير

يوم جديد محاولة جديدة وتحدي جديد

يلا نفطر ونستعين بالله ونشوف اللي علينا

‏اللهم هوّن حرارة شمسك
على الساعين بأرضك
قاصدين حلال رزقك ‌

اللهم خفف حرارة الشمس على الفقراء والعمّال والطيور ومن لا مأوى لهم
وأجِرنا من حرّها وحر نار جهنم
وبرّد على قبور موتانا وموتى المسلمين
آمين :))

أعمل ريفرش لنفسك كدا ورق عليك ورش معطر جو بكلمك بجد النفسية محتاجه كدا علشان تبدأ تساعدك تنجز
وكوبايه شاي بنعناع حلوة كدا لو انت مش بترجح الشاي ف خلاص عصير أو أي حاجه بتحبها ويلاا نكمل 🤎


متنساش تحمد ربنا وتشكر فضله وكرمه وجوده عليك انك عندك بيت وفيه حتي مروحه من الجو دا

ماشي كويس وبتنجز ف اللي عليك!

بسم الله نبدأ يوم جديد بمحاولة وسعي جديد يلا فطارك واتوكل ع الله

ربنا يوفقنا جميعاً ويرزقنا البركة ف الوقت والجهد وينر بصيرتنا


متنساش تبدأ يومك ب ورد قرآن وصلي ركعتين الضحي.🤎

الحمد لله الجو أهدي ف بإذن الله النفسية تهدي وتساعدك تنجز

يلا أعمل اي حاجه بتحبها أكل أو شرب وأرجع كمل اللي بدايته

اي كانت اي محصلة إنجازك من الصبح عاااش ليك وبإذن الله ربنا يكافئنا ويوفقتا ويكفر ذنوبنا ع سعينا ف الجو دا

جدد النية وكمل

نسأل الله البركة في الوقت والجهد.

صباح الخير

هون عليك وبطل جلد الذات ع أي حاجه
فدااك كل حاجه مهما كانت يلا أستعيذ بالله من الشيطان الرجيم واتوكل ع الله وأبدأ يومك.🤎

سواء دراسه أو شغل متسعاش أبدا لإرضاء بشر

البشر مش هيقدوا ولا هيمدحوا فيك ويقدورا مجهودك و محاولاتك

اللي هيقدرها ويكرمك من وسع بإذن الله ربنا سبحانه
ف ديما اخلص النيه لله
دراسة يبقي ابتغاء وجه الله أن ربنا ينفعك بما علمك ، شغل يبقي لله لهدف أسمي ربنا أمرك بيه مش تحت مدح من بشر أو زيادة ف المرتب !

ربنا الرزاق الوهاب سبحانه لو أخلصت النيه كاملة لله ربنا هيرزقك من واسع فضله وكرمه وجوده.🤎

يلا أنجز اكتر وحدد تارجت معينة واقفل الفون لحد ما تخلصه

بكرة الجمعه ولله الحمد . 🥰

نهاية يومك ونهاية أسبوعك

مهما كانت المحصلة عااااش ليك ولكل سعي وكل خطوة أخدتها

بكرة الجمعه بإذن الله روق ع نفسك
نفسك تستحق التخفيف 🤎

صباح الخير
جمعة مباركة عليك

متنساش تفصل دماغك وتهون عليك بحاجه حلوة وخد وقت فرري كدا لنفسك متفكرش ف حاجه وافصل تماماً كأنك هتعيد طاقتك لأسبوع جديد

ربنا يرزقنا البركة ف يومنا ويجبرنا 🤎

"وكُنتُم على شَفا حُفرة من النار فأنقذكم منها"

قال ابن عباس: أنقذكم ﷲ بمحمد ﷺ.

أكثر من الصلاة علي سيدنا ونبينا وحبيبنا محمد صلى الله عليه وسلم فإنها تكفي همك و يغفر الله ذنبك.🤎

اي الأخبار ؟
صليت فرضك وقرأت وردك وقرأت الكهف وصليت ع نبينا الحبيب وروقت ع نفسك وعملت ريفرش لدماغك ؟

يلااا بينا بقي نكمل سعي ونبدأ نجهز تاسكاتنا ونتوكل ع الله .☘

ديما شعور التعب والالم واي حاجه بتكون صعبه عليا بتخليني احس انها بداية لانطلاقة قوية ف حياتي بكرم ربنا،الشعور دا بحسه ديما وجوا نفسي بحس ان ربنا بيبتليني علشان يعوضني خير عمري ما ظنيت ف ربنا خير واتخذلت ديما بيكرمني وبيعطيني حقي وزيادة عنه. انا عمري ما كنت شخص كامل ولا هكون الكمال لله وحده ديما عندي قصور وربنا ديما بيديني اكبر من حقي

بما اننا في ايام مفترجه انا عاوز اذكر نفسي واذكركم بنعم الله علينا
احنا عمرنا ما عملنا ال علينا صح في السعي النجاح ال بنحققه بكرم ربنا ربنا ما يحرمنا من كرمه ويديم النعم ال عايشين فيها

الحمدلله

🤎.

السلام عليك

كيف حالك!
يارب تكون بدأت يومك كويس النهاردة واستغليته رغم كل الصعاب اللي واجهتك. 🤎

لو الإمتحات بكرة الصبح ف انت لسه معاك وقت!
والله لسه معاك وقت ولسه تقدر تنجز وتركز وتخلص كل اللي عليك

ابدأ بركعتين قضاء الحاجه وبعدها صفحه قرآن وبعدها جهز كتبك وانصب عليها لحد ما تنجز وتخلص كله !

صدقني انت تقدر وانت قدها بس حاول ومتستسلمش.🤎

مساء الخير
من ٤ سنين كنت لسه متخرج والدنيا قافله ف وشي ف زي اي شاب قدمت ف كل حاجه تقريبا ومنهم مجال البنوك (كنت غلطان) وساعتها كنت مضايق اووي ان محدش بيرد و النهاردة بعد سنين جالي اوفر ٣ بنوك ورفضتهم ربنا اراد انها متجيش ف وقت ال كنت محتاجها فيه علشان مروحش اشتغل ف حاجه ربنا حرمها

انا عاوز اقولك بس ان التآخير خير اوي ديما بيكون كرم ونعمه من ربنا ان ياخر عنك حاجه هي ضرر ليك ويكرمك بالخير

متيأسش من المحاولة!

أسعى لـ هدفك بكل ما أوتيت من قوة.🤎

صباح الخير
النهاردة اول يوم من 10 ذي الحجه أفضل أيام السنه

ابدأ يومك ب ورد قرآن وأذكارك واستعين بالله ولا تعجز ف دراستك دي عبادة برضو والأجر عظيم ف الأيام المباركة دي بإذن الله

وأكثر من الدعاء ليك ولكل أحبابك ودثرونا ف دعائكم بظهر الغيب .🤎