يومك ماشي كويس ؟

أتعب وحاول تاني علشانك أنت وعلشان مستقبلك وزيادة فرصك ف حياة ومستقبل أفضل!

الله يعيننا جميعاً يارب وينر بصيرتنا ويرزقنا من واسع فضله وكرمه.🤎

مفيش فرص بتضييع

ومفيش فرص كانت مناسبة ليك بتمشي!

قيس ع كدا أي حاجة نفسك صورتلك أنك خسرت حاجه.🤎

صباح الخير

يلا نرتب تاسكاتنا ومحاولة جديدة

يمكن يومك مرهق ومتعب

بس النتيجة اللي بتحلم بيها تستاهل تكمل وتعافر . 🥹

ماشي كويس وبتنجز ؟

حاول مرة تاني

كل حاجه حلوة تستحق المحاولة حتي لو كانت المحاولة المليون وواحد!

اي الأخبار

ماشي كويس وبتنجز ف تاسكاتك؟🥲

مفيش فرق كبير انا زيك
وخلاص وقت وعدي هو أكيد أكيد مش بيعدي عبثاً ولكن النفس البشرية بتكبر المواضيع !😅

ف فدايا اي حاجه وانت فداك اي حاجه مهما كانت برضو
تعالي ننجز الساعه الباقيه دي ف حاجه كنا مأجلينها من فترة كبيرة
ونتيجه الساعه هتأثر ف نفسيتك أضعاف الإنجاز العادي

يلا كوبايه شاي بنعناع ونتوكل ع الله وننجز!🤎

صباح الخير

يوم جديد محاولة جديدة وتحدي جديد

يلا نفطر ونستعين بالله ونشوف اللي علينا

‏اللهم هوّن حرارة شمسك
على الساعين بأرضك
قاصدين حلال رزقك ‌

اللهم خفف حرارة الشمس على الفقراء والعمّال والطيور ومن لا مأوى لهم
وأجِرنا من حرّها وحر نار جهنم
وبرّد على قبور موتانا وموتى المسلمين
آمين :))

أعمل ريفرش لنفسك كدا ورق عليك ورش معطر جو بكلمك بجد النفسية محتاجه كدا علشان تبدأ تساعدك تنجز
وكوبايه شاي بنعناع حلوة كدا لو انت مش بترجح الشاي ف خلاص عصير أو أي حاجه بتحبها ويلاا نكمل 🤎


متنساش تحمد ربنا وتشكر فضله وكرمه وجوده عليك انك عندك بيت وفيه حتي مروحه من الجو دا

ماشي كويس وبتنجز ف اللي عليك!

بسم الله نبدأ يوم جديد بمحاولة وسعي جديد يلا فطارك واتوكل ع الله

ربنا يوفقنا جميعاً ويرزقنا البركة ف الوقت والجهد وينر بصيرتنا


متنساش تبدأ يومك ب ورد قرآن وصلي ركعتين الضحي.🤎

الحمد لله الجو أهدي ف بإذن الله النفسية تهدي وتساعدك تنجز

يلا أعمل اي حاجه بتحبها أكل أو شرب وأرجع كمل اللي بدايته

اي كانت اي محصلة إنجازك من الصبح عاااش ليك وبإذن الله ربنا يكافئنا ويوفقتا ويكفر ذنوبنا ع سعينا ف الجو دا

جدد النية وكمل

نسأل الله البركة في الوقت والجهد.

صباح الخير

هون عليك وبطل جلد الذات ع أي حاجه
فدااك كل حاجه مهما كانت يلا أستعيذ بالله من الشيطان الرجيم واتوكل ع الله وأبدأ يومك.🤎

سواء دراسه أو شغل متسعاش أبدا لإرضاء بشر

البشر مش هيقدوا ولا هيمدحوا فيك ويقدورا مجهودك و محاولاتك

اللي هيقدرها ويكرمك من وسع بإذن الله ربنا سبحانه
ف ديما اخلص النيه لله
دراسة يبقي ابتغاء وجه الله أن ربنا ينفعك بما علمك ، شغل يبقي لله لهدف أسمي ربنا أمرك بيه مش تحت مدح من بشر أو زيادة ف المرتب !

ربنا الرزاق الوهاب سبحانه لو أخلصت النيه كاملة لله ربنا هيرزقك من واسع فضله وكرمه وجوده.🤎

يلا أنجز اكتر وحدد تارجت معينة واقفل الفون لحد ما تخلصه

بكرة الجمعه ولله الحمد . 🥰