أي الأخبار ؟

عارفه كل اللي بتمر بيه ولوهلة كدا حسيت انك ضيعت كل حاجه وأن الدنيا ضيقت ف وشك ومش عارف تعمل أي!

استهدي بالله كدا وبسيطة كل حاجه بإذن الله بسيطة وهتعدي وفداك ألف حاجة عادي جدا متجلدش ذاتك كتير وكلمة " ياريت"

نبدأ من الأول ؟
نبدأ من الأول إحنا مش ورانا حاجه غير السعي ويلا بينا بقا ع الخطة مجهولة العدد بس بإذن الله واثقة فيك أنها هتنجح وتكون متراضي وربنا أنعم عليك وجبرك

يلا بينا منضيعش وقت كتير !🤎

صباح الخير

نجدد النية ومنيأسش ونتوكل ع الله.🤎

🤎.

هون عليك وخفف عليك وهاتلك حاجه حلوه كل يوم مهما كانت
انت الداعم الأول والوحيد لنفسك .🤎

بريك حلو كدا شاي بنعناع أو قهوة ويلا نكمل

نبدأ كلامنا ب واحدة " معلش" بقوهالك بجد معلش ع أي حاجه مضايقاك ومنكدة عليك واي موقف ولا تخلي أثر فيك وزعلك

فداك اي حاجه ، اركن كل دول ع جنب ومتركزش ف اي حاجه فيهم وهاتلك حاجه حلوه وصلي ركعتين لله كدا وأبدأ ركز ف المذاكرة أو شغلك دا الأهم دلوقتي وبعدين كمان

عرفت تحل حاجه مزعلاك حلها معرفتش سيبها ع الله كلها ومتركزش وشوف اللي عليك بس .🤎

صباح الخير

يوم جديد مليء بالتحديات والمحاولات بإذن الله نوفق ف جميعهم.🤎

أي الأخبار ؟

يارب تكون قادر تمسك زمام الأمور وتنجز في تاسكاتك

انا الحمد لله شبه خلصت اللي عليا وفخورة بيا عمتا.🥰

حتي لو بدأت انت قدها صدقني وهتنجز بس ابدأ!

صباح الخير وكل الخير ليك ولسعيك!

امبارح كان صعب وتقيل عليك فداك
مانجزتش حاجه برضو فداك
كل حاجة فداك يللا بقا يوم جديد بمحاولة جديد نستعين بالله ونبدأ.🤎

ببالغ في الأمل بكل أريحية لإني مؤمنة إن أمر المؤمن كله خير، كله؟ كله.🤎

كنا ف حته صعبه من فترة وكل الناس حواليك بيبصو عليك باشفاق ويقولولك "مفيش حل خليك واقعي " وانت بكل هدوء تبتسم وتقول "إن شاء الله خير" و بعد سنين هتلاقي بيتحقق ال استودعت ربنا فيه لان مفيش واقعيه ف الدعاء وحسن الظن بالله
خلي ردك ديما
"إن شاء الله خير "

متستسلمش لليأس وفقدان الشغف وتنجرف ف الملهيات الكتير وتنسي نفسك وهدفك اللي بتحلم بيه!

اسعي وعافر وارمي اي حاجه مزعلاك ومأثرة فيك ورا ضهرك
لازم تتخطي وتحاول مع نفسك تاني عارفه انها ممكن تكون المرة المليون بس خليها المليون وواحد ومتملش من محاولاتك مع نفسك.

اي الأخبار

ماشي كويس ؟

أنجز واستغل الكام ساعة الباقين ف اليوم كويس جدا

علشان بكرة بإذن الله تاخد اجازة حتي لو ربع اليوم تفصل دماغك من ضغط الأسبوع

بكرة الجمعه والحمد لله.😂🥰

متزعلش ع أي حاجة هفضل أقولك فداك
حقيقي فداك أي حاجة طول ما انت عايش حاول ومتيإسش من المحاولة انت شاطر وقدها

واقولك حاجة كمان انت ف نعمة كبيرة مش حاسس بيها !
بكلمك بجد والله فكرة انك مشغول ومش فاضي لدماغك علشان هتشغلك بحوارات رخمة ف دي نعمة عظيمة تستحق انك تشكر الله الكريم عليها

أحمد ربنا علي يومك اللي عدي وعلي نعمة انشغالك بالصالح ليك ف دينك ودنيتك ورتب جدول بكرة بإذن الله ومتنساش تهون عليك .🤎

(وأَكثرْ من ذِكري، عَسى أن يُفتح بينَ يديك)
وصيّة الرّسول ﷺ للصحابيّ الجليل عبد الرّحمن بن عوف.

- ابن عساكر.

معرفش هتدبر ازاي بس واثق في كرم ربنا

أي الأخبار ؟

النهاردة كان اجازة وأتمنى أنك تكون هونت ع نفسك حتي لو أخدت ساعات نوم إضافية بس ع سبيل أنك ترتاح شويه من اي ضغط وتخفف عليك

يلا كمل لو بدأت من الصبح بدري لو لسه ف فيه وقت تبدأ وتستغل الوقت حتي لو باقي ساعتين وتنام

بس ابدأ وعافر.🤎

قبل ما تختم يومك وتنام هفكرك بحاجة . 🤎

إن الله إذا كلّف أعان
فلا تنظُر لثُقل التكليف، وانظر لقدرة المُعين.

"لا يُكلّفُ اللهُ نفسًا إلا وسعَها"

كل مسؤولية ألقاها الله على عاتقك أنتَ لها، فاستعن بالله ولاتعجز

عااش ليك ع يومك وع كل إنجاز عملته

رتب جدولك ليوم جديد بإذن الله

يومك ماشي كويس ؟