أي الأخبار

ماشين كويس!

الجو صعب جدا والله معاك ف كدا ربنا يأجرنا من النار
بس لازم نسعي ومنضيعش وقت

اعمل ريفرش لنفسك دش ساقع كدا وأي عصير أو أي حاجة بتحبها وأرجع كمل معافرة

ربنا يوفقنا جميعاً ويسدد خطانا.🤎

مسدج النهاردة!🤎

هقولك حاجه بعيدة شويه عن محتوي القناة بس مهمه ليك وممكن تساعدك ودا الأهم!

نفسيتك أهم من أي حاجة ف الدنيا ودا بجد نفسيتك وراحتك انت أهم من مليون معركة فيها احتمالية الفشل

اي نقاش مش عايزه وهيتعبك اقفله اي مشوار مش ع مزاجك وتقيل كنسله أي شخص ضاغط عليك حتي لو بكلامه سطح علاقتك بيه

الفترة دي عايزاك تحافظ ع نفسيتك وبس ومبدأ كنت ماشيه بيه طول فترات الإمتحانات " كنسل علاقات البشر أو كنسل البشر أصلا" طاقتك ونفسيتك هما العامل الوحيد اللي تقدر تعدي بيه ف فترات ضغط الامتحان
أرجوك حافظ عليهم علشان متندمش بالنتيجه أو تأنيب الضمير انك مبعدش عن أي حوار مش ع مزاجك!

اليوم أنتهي
وأي كان سعيك ومعافرتك ف أنا بحييك ع كل محاولاتك عااااش ليك!

متنساش ترتب أولوياتك ومهامك بتاع بكرة بإذن الله
أختم يومك بـ قيام الليل وأذكار النوم.🤎

صباح الخير عليك

فوق كدا وافطر واتوكل ع الله

يومك حافل بتوفيق وكرم من ربنا بإذن الله 🤎

ركز ع هدفك وامضي قدما. 🌚

هقولك حاجه تطمنك وتربط ع قلبك

طول ما أنت بتسعي ومش مستسلم ربنا هيكرمك و يرزقك من واسع فضله وكرمه
اسعي واعمل اللي عليك وبس ربنا سبحانه لا يضيع أجر من أحسن عملا
ومتربطش سعيك دا بنتيجة امتحان ف كليه أو غيره
نتيجة سعيك دا ربنا بيرزقك بحاجه انت شايفها عادي بس بتحمل كل الخير والنفع ليك.🤎

أي الأخبار ؟

عارفه كل اللي بتمر بيه ولوهلة كدا حسيت انك ضيعت كل حاجه وأن الدنيا ضيقت ف وشك ومش عارف تعمل أي!

استهدي بالله كدا وبسيطة كل حاجه بإذن الله بسيطة وهتعدي وفداك ألف حاجة عادي جدا متجلدش ذاتك كتير وكلمة " ياريت"

نبدأ من الأول ؟
نبدأ من الأول إحنا مش ورانا حاجه غير السعي ويلا بينا بقا ع الخطة مجهولة العدد بس بإذن الله واثقة فيك أنها هتنجح وتكون متراضي وربنا أنعم عليك وجبرك

يلا بينا منضيعش وقت كتير !🤎

صباح الخير

نجدد النية ومنيأسش ونتوكل ع الله.🤎

🤎.

هون عليك وخفف عليك وهاتلك حاجه حلوه كل يوم مهما كانت
انت الداعم الأول والوحيد لنفسك .🤎

بريك حلو كدا شاي بنعناع أو قهوة ويلا نكمل

نبدأ كلامنا ب واحدة " معلش" بقوهالك بجد معلش ع أي حاجه مضايقاك ومنكدة عليك واي موقف ولا تخلي أثر فيك وزعلك

فداك اي حاجه ، اركن كل دول ع جنب ومتركزش ف اي حاجه فيهم وهاتلك حاجه حلوه وصلي ركعتين لله كدا وأبدأ ركز ف المذاكرة أو شغلك دا الأهم دلوقتي وبعدين كمان

عرفت تحل حاجه مزعلاك حلها معرفتش سيبها ع الله كلها ومتركزش وشوف اللي عليك بس .🤎

صباح الخير

يوم جديد مليء بالتحديات والمحاولات بإذن الله نوفق ف جميعهم.🤎

أي الأخبار ؟

يارب تكون قادر تمسك زمام الأمور وتنجز في تاسكاتك

انا الحمد لله شبه خلصت اللي عليا وفخورة بيا عمتا.🥰

حتي لو بدأت انت قدها صدقني وهتنجز بس ابدأ!

صباح الخير وكل الخير ليك ولسعيك!

امبارح كان صعب وتقيل عليك فداك
مانجزتش حاجه برضو فداك
كل حاجة فداك يللا بقا يوم جديد بمحاولة جديد نستعين بالله ونبدأ.🤎

ببالغ في الأمل بكل أريحية لإني مؤمنة إن أمر المؤمن كله خير، كله؟ كله.🤎

كنا ف حته صعبه من فترة وكل الناس حواليك بيبصو عليك باشفاق ويقولولك "مفيش حل خليك واقعي " وانت بكل هدوء تبتسم وتقول "إن شاء الله خير" و بعد سنين هتلاقي بيتحقق ال استودعت ربنا فيه لان مفيش واقعيه ف الدعاء وحسن الظن بالله
خلي ردك ديما
"إن شاء الله خير "

متستسلمش لليأس وفقدان الشغف وتنجرف ف الملهيات الكتير وتنسي نفسك وهدفك اللي بتحلم بيه!

اسعي وعافر وارمي اي حاجه مزعلاك ومأثرة فيك ورا ضهرك
لازم تتخطي وتحاول مع نفسك تاني عارفه انها ممكن تكون المرة المليون بس خليها المليون وواحد ومتملش من محاولاتك مع نفسك.

اي الأخبار

ماشي كويس ؟