وصلت لفين!

اقولك ع حاجه أنا مورطة نفسي ف اكتر من 10 تاسكات بس تحدي نفسي بإذن الله هنجز كله!

يلا كلنا ف تحدي وننجز اللي علينا

خد بريك واشرب شايك أو قهوتك وكمل معافرة

باقي 6 ساعات ف يومك استغلهم صح!

حاجات هتعلمك الصبر والندم لا محالة وف نفس الوقت تحمد ربنا ع حالك!

مذكراتك لأخوك الصغير. 😅

التشتت عافاكم الله!

علشان تتجنب أن يحصل معاك رتب مهامك كلها من بالليل
علشان تصحي دماغك رايق وعارف هو راح فين وهيمشي يومه إزاي

باقي ساعه إلا ربع لو باقي اي حاجه من تاسكات اليوم خلصها واكتب تاسكات بكرة بإذن الله
كل الدعم والتوفيق بإذن الله ع سعيك🤎

صباح الخير

صحيت متأخر ؟ فدااك
أفطر وشوف مهامك و ابدأ وحدة وحدة نفذ اللي عليك

يومي ويومك ملئ بتوفيق وبركة من ربنا بإذن الله 🤎

معاك أن الجو صعب بس متستسلمش !

لو هتعمل حاجه تروق ع نفسك بيها أكل أو عصير بتحبه أو شاي بنعناع بيمشي برضو. 😁

أي حاجة تعملك تنشيط طاقه كدا أعملها وكمل معافرة الوقت بيعدي وعايزين كلنا نخلص كل التاسكات اللي علينا بإذن الله.

لو أنجزت النهاردة وخلصت كل اللي

عليك هبعتلك سبورت حلوة.🌚

مسدج بسيطه ليك تحمل ف طياتها صبر ومعافرة وسعي كتير

بخطي لو رجحت الفكرة كل يوم بإذن الله هنزلك مسدج تحفزك وتشجعك أكتو .🤎

الساعه 1 وكدا أخدت ساعه إضافي بس فدايا

حبيبت اشاركك إنجاز يومي اللي خلص دا واقولك اني أنجزت 5 مهام من أصل 8 بس عملت مهمه جديدة مكنتش ف جدولي وكنت فاقدة الشغف ناحيتها والحمد لله رجعت ليها تاني النهاردة بعد انقطاع ما يقارب الشهرين!

ف أنا فخورة بإنجازاتي كلها والانجاز دا لوحده شايفاه أهمهم.🥰

متيأسش ومتفقدش الشغف وجدد طاقتك كل شويه علشان توصل لحاجه انت بتحبها وعايزها

صدقني انت قدها!

صباح الخير

متأخرة شويتين بس فداانا

يلا نتوكل ع الله ونبدأ يومنا ب ورد قرآني واعزل نفسك شويه كداا لحد ما تنجز.

نظم وقتك صح

يومك مضغوط تاسكات وعايزين نخلصها كلها بعون الله .🤎

أي الأخبار

ماشين كويس!

الجو صعب جدا والله معاك ف كدا ربنا يأجرنا من النار
بس لازم نسعي ومنضيعش وقت

اعمل ريفرش لنفسك دش ساقع كدا وأي عصير أو أي حاجة بتحبها وأرجع كمل معافرة

ربنا يوفقنا جميعاً ويسدد خطانا.🤎

مسدج النهاردة!🤎

هقولك حاجه بعيدة شويه عن محتوي القناة بس مهمه ليك وممكن تساعدك ودا الأهم!

نفسيتك أهم من أي حاجة ف الدنيا ودا بجد نفسيتك وراحتك انت أهم من مليون معركة فيها احتمالية الفشل

اي نقاش مش عايزه وهيتعبك اقفله اي مشوار مش ع مزاجك وتقيل كنسله أي شخص ضاغط عليك حتي لو بكلامه سطح علاقتك بيه

الفترة دي عايزاك تحافظ ع نفسيتك وبس ومبدأ كنت ماشيه بيه طول فترات الإمتحانات " كنسل علاقات البشر أو كنسل البشر أصلا" طاقتك ونفسيتك هما العامل الوحيد اللي تقدر تعدي بيه ف فترات ضغط الامتحان
أرجوك حافظ عليهم علشان متندمش بالنتيجه أو تأنيب الضمير انك مبعدش عن أي حوار مش ع مزاجك!

اليوم أنتهي
وأي كان سعيك ومعافرتك ف أنا بحييك ع كل محاولاتك عااااش ليك!

متنساش ترتب أولوياتك ومهامك بتاع بكرة بإذن الله
أختم يومك بـ قيام الليل وأذكار النوم.🤎

صباح الخير عليك

فوق كدا وافطر واتوكل ع الله

يومك حافل بتوفيق وكرم من ربنا بإذن الله 🤎

ركز ع هدفك وامضي قدما. 🌚

هقولك حاجه تطمنك وتربط ع قلبك

طول ما أنت بتسعي ومش مستسلم ربنا هيكرمك و يرزقك من واسع فضله وكرمه
اسعي واعمل اللي عليك وبس ربنا سبحانه لا يضيع أجر من أحسن عملا
ومتربطش سعيك دا بنتيجة امتحان ف كليه أو غيره
نتيجة سعيك دا ربنا بيرزقك بحاجه انت شايفها عادي بس بتحمل كل الخير والنفع ليك.🤎

أي الأخبار ؟

عارفه كل اللي بتمر بيه ولوهلة كدا حسيت انك ضيعت كل حاجه وأن الدنيا ضيقت ف وشك ومش عارف تعمل أي!

استهدي بالله كدا وبسيطة كل حاجه بإذن الله بسيطة وهتعدي وفداك ألف حاجة عادي جدا متجلدش ذاتك كتير وكلمة " ياريت"

نبدأ من الأول ؟
نبدأ من الأول إحنا مش ورانا حاجه غير السعي ويلا بينا بقا ع الخطة مجهولة العدد بس بإذن الله واثقة فيك أنها هتنجح وتكون متراضي وربنا أنعم عليك وجبرك

يلا بينا منضيعش وقت كتير !🤎

صباح الخير

نجدد النية ومنيأسش ونتوكل ع الله.🤎