كلنا من كام سنة ، كان فيه حاجات بنبص لها من بعيد ونفسنا فيها ، ومكنش معانا تمنها. النهاردة اشتريناها وهي تمنها ١٠ أضعاف ما كانت عليه وقتها ، وبقينا قادرين نشتريها عادي.

دلوقتي برضو في حاجات فوق طاقتنا وشايفينها صعبة وغالية ، بس عارفين إننا هنوصل لها في الوقت اللي ربنا هيأذن بيها فيه.

والموضوع مش حسابات دول ، ولا سياسات ، ولا اقتصاد ، الرزق ليه حسبة تانية خالص ، عقلنا المحدود بيعجز عن فهمها ، وكل ما حاولنا نحللها بالورقة والقلم بتتعقد أكتر.

العقل بيعجز يفهم إزاي الستر بيمشي ، وإزاي الأبواب بتتفتح في عز الضيق.. فبلاش تحسبها بزيادة وتتعب نفسك وتعيش هم حاجه مين عارف هتحصل ولا لا.

واللي رزقك وأنت مش قادر ، هيرزقك وأنت فاكر إنك مش هتقدر ، واللي رزقك قبل كدا حي باق لايموت ، وهيرزقك تاني.🤎

كل سنه ونت طيب يا صديقي وربنا يغفرلنا ذنوبنا جميعا

إنما أمره إذا أراد شيئا أن يقول له كن فيكون

ازيك يا صاحبي
انا مقتنع اقتناع تام ان الانسان مدام عاوز يوصل لحاجة لازم يخطو الخطوة ليها تمشي اول خطوة وتتحرك والباقي لا عمره كان بتاعك ولا هيبقي بتاعك الباقي بتاع ربنا
بس فكرة انك بدات تحاول دي ال هتوصلك لهدفك بعون الله وتوفيقه

متسمعش لاي حد بيحبطك سد ودنك الرحلة فردية مهما كان حوليك ناس لازم انت تعتمد علي نفسك انك توصل بتوفيق ربنا

قُلْ إِنَّ الْأَمْرَ كُلَّهُ لِلَّهِ

لما تسأل حد "سكرك ايه ؟" ويقولك "معلقة" وأنت تروح بنية طيبة تزود معلقتين على أمل يشكرك ، وفي الآخر تلاقيه ساب الكوباية ومقدرش يشربها.
نفس الفكرة في النصيحة ، متديش حد نصيحة أكتر من اللي محتاجها لأنها هتبقى نفس فكرة السكر ، هتخلي الشخص يقفل ودنه وميقدرش يتقبل منك حاجة.. فقدم نصيحتك بالقدر اللي يحلّي الموقف ، مش بالقدر اللي يمرره.

وَتَوَكَّلْ عَلَى اللَّهِ وَكَفَىٰ بِاللَّهِ وَكِيلًا

نجتهد لنوفق بعون الله.🤎

السلام عليكم
مفيش مبرر للاستسلام للفشل الفشل او خليني اقول عدم التوفيق جزء من الرحلة اول ما بيحصلي عدم توفيق ومتوفقتش،بحمد ربنا سبحانه وبهدي وبكمل المشوار علشان انجح المرة ال بعدها باذن الله .

مفيش اعذار مدام عاوز تنجح اسعي علشان تنجح ومتوففش الا لما تنجح باذن الله تعالى

تقريباً احساس الغربة ف رمضان اصعب احساس للانسان انه بيفطر وحده كل يوم بعيد عن اهله ف يا رب يجعله في ميزان حساناتنا ويتقبل ربنا مننا السعي ونوصل لهدفنا باذن الله تعالى

الحمدلله رب العالمين

رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ

في ناس موفَّقين وعايشين في خير أكتر من اللي طلبوه ، وربنا نجاهم من اذى مـعرفوش عنه حاجة ، وسترهم بطرق مـكنتش في الحسبان.
كل ده يمكن يكون بسبب دعوة مـا سمعوهاش ، لكنها لم تغب عن ربنا سبحانه وتعالى.
وعلشان كده ، تمسك بصنائع المعروف ، واعمل الخير وارميه البحر ، لأنه أكيد هيرجع لك وفي صورة احسن ويمكن تبهرك أنت شخصيا.
ومش دايما الخير لازم فيه المجهود والتعب ، ساعات بييجي بدعوة صادقة من شخص بسيط تفتح أبواب مـكنتش تتخيلها

وربنا لا يضيع دعوة ولا معروف
وخليك برضو ف جبر وتطيب خواطر الناس حتي لو بكلمه او ابتسامة.🤎

‏مفيش فرص ضاعت

مكانش رزقك.

قُلْ إِنَّ الْأَمْرَ كُلَّهُ لِلَّهِ

إنما أمره إذا أراد شيئا أن يقول له كن فيكون

صباح الخير

ورّط نفسك ف اكتر من حاجه

هتلاقيك بتنجز!

وأنتم تخرجون اليوم من بيوتكم..

تذكّروا أنّ الله يعلم التّفاصيل ويأجُر عليها، فاغرسوا الفسائل، واستثمروا اللحظات، وأحيوا القلوب، وطَمئنوا النّفوس، وأتمّوا المهام، واذكروا الله حُبًا، واحملوا المصحف وِردًا، واعملوا جِدًّا وجُهدًا، ولا تنسوا غرس الخَفاء، وكثرة الدّعاء، وكونوا لله دائمًا.

- أ. قصيّ عاصم العسيلي.

احب افكر نفسي وافكركم
بإننا مَر علينا أيام مكناش عارفين هتعدي إزاي وعدت، ومش بس عدت دا مبقيناش نفتكرها أصلاً،

سَلِّم أمرك لله كل حاجه بتعدي مهما كانت صعبة ومتعبة.

اتعلم ومتبطلش محاولة علشان العالم الخارجي مش هيرحمك لو مطورتش نفسك

كمل سعي