الحمد لله وأخيرا الخميس

كافئ نفسك بحاجه بتحبها وهون عليك شويه اي ضغط ، نفسك ليها حق عليك . 🤎

وتوكل ع الله

أكبر جناية في حق نفسك ؛ أن تُسلم "ميزان" قيمتك لأشخاص لا يملكون في الأساس حق التقييم.
قد تكون "تحفة فنية" نادرة ، لكنك ستبقى مجرد "خردة" رخيصة.. ما دمت معروضًا على رصيف الجهلاء..

لـ سامح عبد الظاهر

اللي اشترى دهب ، شقة ، أو عربية من سنتين عدا ، واللي اتجوز من أربع سنين فاتوا فلت ، واللي بدأ مشروع ربنا كرمه...
وأنا هنا قاعد بطولي لا معايا دهب ، ولا عقارات ، ولا أسهم ، ولا حتى رصيد في البنوك.
يمكن الكلام ده يبان كأنه من شخص حاسس نفسه ضايع، مش مأمّن مستقبله عنده فوبيا القطار اللي فات ، وإحساس إن الكل سبقه ، وهو لسه واقف في المحطة. لكن الحقيقة إنه من شخص لسه ما أدركش سعة خزائن الله واللي مفاتيحها بيده وحده ، ولا أدرك حكمته في توزيع الأرزاق.

ولو جينا نبص لكام سنة فاتوا ، هنلاقي إن في ناس فعلا اتجوزت وجرام الدهب بـ 150 جنيه ، وناس اتجوزت وهو بـ 800 جنيه. مع إن التاني خمس أضعاف الأول ، بس المشترك ما بين الاتنين إن الجواز كان بالنسبة ليهم أمل.

زمان لما الأسعار غليت في المدينة والناس قلقت و راحت تشتكي لواحد من السلف الصالح ، رد عليهم برد يدرس.. قالهم: "والله ما أبالي لو أصبحت حبة القمح بدينار! عليَّ أن أعبده كما أمرني ، وعليه أن يرزقني كما وعدني."

فأكبر وهم بنعيشه هو إننا حاسين إننا متأخرين أو إن في قطر فاتنا ، لكن الحقيقة بتبدأ تظهر لما نعرف إن المطلوب مننا إننا نوقن إنه ما فاتناش في الدنيا حاجه ، علشان الدنيا دي محدش فيها بيفوته حاجه ... كل واحد بياخد نصيبه في وقته ، وبالطريقة اللي ربنا اختارها له.
والحمد لله أنه هو وحده المتكفل بالجواز ، والرزق ، وبالستر والإكرام مش السوق والبورصة.

ازيك،
محدش بيحاول محصلته بتكون صفر .

سلام الله عليكم ورحمته وبركاته

بندخل تجارب جديدة علشان نكتسب خبرة ونطلع أقوي منها
وبشكل عام فداك اي حاجه .🤎

🤎.

صباح الخير يا صديقي.
انا جاي اقولك ان مافيش سعي بيروح هدر

"وليغلبن لطفه خوفي"

كلنا من كام سنة ، كان فيه حاجات بنبص لها من بعيد ونفسنا فيها ، ومكنش معانا تمنها. النهاردة اشتريناها وهي تمنها ١٠ أضعاف ما كانت عليه وقتها ، وبقينا قادرين نشتريها عادي.

دلوقتي برضو في حاجات فوق طاقتنا وشايفينها صعبة وغالية ، بس عارفين إننا هنوصل لها في الوقت اللي ربنا هيأذن بيها فيه.

والموضوع مش حسابات دول ، ولا سياسات ، ولا اقتصاد ، الرزق ليه حسبة تانية خالص ، عقلنا المحدود بيعجز عن فهمها ، وكل ما حاولنا نحللها بالورقة والقلم بتتعقد أكتر.

العقل بيعجز يفهم إزاي الستر بيمشي ، وإزاي الأبواب بتتفتح في عز الضيق.. فبلاش تحسبها بزيادة وتتعب نفسك وتعيش هم حاجه مين عارف هتحصل ولا لا.

واللي رزقك وأنت مش قادر ، هيرزقك وأنت فاكر إنك مش هتقدر ، واللي رزقك قبل كدا حي باق لايموت ، وهيرزقك تاني.🤎

كل سنه ونت طيب يا صديقي وربنا يغفرلنا ذنوبنا جميعا

إنما أمره إذا أراد شيئا أن يقول له كن فيكون

ازيك يا صاحبي
انا مقتنع اقتناع تام ان الانسان مدام عاوز يوصل لحاجة لازم يخطو الخطوة ليها تمشي اول خطوة وتتحرك والباقي لا عمره كان بتاعك ولا هيبقي بتاعك الباقي بتاع ربنا
بس فكرة انك بدات تحاول دي ال هتوصلك لهدفك بعون الله وتوفيقه

متسمعش لاي حد بيحبطك سد ودنك الرحلة فردية مهما كان حوليك ناس لازم انت تعتمد علي نفسك انك توصل بتوفيق ربنا

قُلْ إِنَّ الْأَمْرَ كُلَّهُ لِلَّهِ

لما تسأل حد "سكرك ايه ؟" ويقولك "معلقة" وأنت تروح بنية طيبة تزود معلقتين على أمل يشكرك ، وفي الآخر تلاقيه ساب الكوباية ومقدرش يشربها.
نفس الفكرة في النصيحة ، متديش حد نصيحة أكتر من اللي محتاجها لأنها هتبقى نفس فكرة السكر ، هتخلي الشخص يقفل ودنه وميقدرش يتقبل منك حاجة.. فقدم نصيحتك بالقدر اللي يحلّي الموقف ، مش بالقدر اللي يمرره.

وَتَوَكَّلْ عَلَى اللَّهِ وَكَفَىٰ بِاللَّهِ وَكِيلًا

نجتهد لنوفق بعون الله.🤎

السلام عليكم
مفيش مبرر للاستسلام للفشل الفشل او خليني اقول عدم التوفيق جزء من الرحلة اول ما بيحصلي عدم توفيق ومتوفقتش،بحمد ربنا سبحانه وبهدي وبكمل المشوار علشان انجح المرة ال بعدها باذن الله .

مفيش اعذار مدام عاوز تنجح اسعي علشان تنجح ومتوففش الا لما تنجح باذن الله تعالى

تقريباً احساس الغربة ف رمضان اصعب احساس للانسان انه بيفطر وحده كل يوم بعيد عن اهله ف يا رب يجعله في ميزان حساناتنا ويتقبل ربنا مننا السعي ونوصل لهدفنا باذن الله تعالى

الحمدلله رب العالمين

رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ