متخفش من اي حاجه شايل همها

أعقد النية وتوكل على الله واسعي .

"مفيش حد بيختار حياته ، مفيش حد بيختار ملامحه ، ومفيش حد بيختار أهله ، لو كان حد فينا ناقصه حاجه ،
فـ ربنا مديله مكانها حاجات ،

محدش واخد كل حاجه ، كلنا معانا الـ ٢٤ قيراط"

كل حاجه بتكمل بـ رضانا و قناعتنا.

" رُبَّ متأخرٍ أعانَهُ الله، فسبَق! "

أفهمها كويس وتوكل ع الله.

اقدار ربنا كلها خير

سلام الله عليكم ورحمته وبركاته

بلاش تأنيب ضمير وجلد ذات ع اللي فات لسه معاك فرصة جديدة أبدا أستغلها من الأول صح وحدة وحدة هتوصل .🤎

انت الوحيد اللي عارف وواثق من قدراتك وانك تقدر تعمل اي حاجه
صدق نفسك واسعي ورا هدفك

صدقني هتوصل.!

سلام الله عليكم ورحمته وبركاته

ف ظل الضغط اللي إحنا فيه افكر نفسي وإياكم أن
" ما لا يدرك كله لا يترك جله "
نتوكل ع الله ونكمل سعي وكله هيعدي بإذن الله

ربنا يرزقنا التوفيق والسداد والبركه ف الوقت و الجهد وينر بصيرتنا ويجعل سعينا لنا لا علينا

آمين🤎

يمكن كلنا قابلنا الشخص دا اللي مش حابب حياته ، مش مرتاح فيها ، ومش لاقي نفسه ، ومع ذلك واقف مكانه لا قادر ياخد خطوة ولا قادر يمشي.

ولما تسألوا ليه مش بتحاول تتغير؟ أو ليه مش بتهرب من اللي مضايقك؟
تكتشف أن الإجابة معقدة اكتر مما كنت تتوقع ، هو مش علشان الحياة حلوة ، ولا علشان راضي ، بس علشان اتعود على التعب ، على القلق ، على الدوران في نفس الدايرة ، وكأن ده اللي بقا مألوف بالنسبة ليه.

ودا بيفكرني بحكاية الست اللي فتحت القفص للطير وسابته علشان يطير فمطارش ، قالتله مطلعتش ليه؟
‏قالها : "the cage is all i know"
انا مش عارف اعيش غير كده.

ويمكن الشخص ده كان أنا ، ويمكن كمان من غير ما تحس يكون أنت.

وانت ففترة امتحاناتك بتبذل مجهود كبير ، بتذاكر وبتجتهد وتسهر ، وتحط كل طاقتك في حاجة انت حابب توصلها وشايف نفسك فيها.
بس فجأة ، تحس إن مفيش نتيجة. كأن كل التعب راح على الفاضي. وساعات كلنا بنسأل نفسنا: "هو أنا ماشي صح؟ ولا بضيع وقتي؟!

علشان كده خلي الدعاء ده ملازمك "اللهم إني أعوذ بك من جُهدٍ بلا نتيجة"

فيه موضوع بيحصل قدامي حابب اتكلم فيه

اي بنت من حقها تتعب وتتعلم وتشتغل دا شي مدام الدين محرموش يبقي حلال جدا بس بشروط
يعني الانسان كل يوم يلاقي البنات ف الشغل معاه ضحك وهزار والدنيا ضايعه خالص وشايفين كل الشباب زمايل عادي تيجي البنت تدي الواد ضهرها ويقول فيها ابشع الالفاظ.
السؤال لي؟ يعني لي تدي فرصه لشخص مريض يتكلم عنك ماهو ل تشتغلي علشان حاجاتك للشغل بس بضوابط الشرع والدين ياما تكنسلي الشغل كله لو مش هتمشي بالضوابط

مفيش شاب اسمه زميلك واخوات اخوكي ف البيت ابن امك وابوكي غير كد اسمه غريب

الحاجات اللي بتعملها من غير مقابل هي دي حقيقتك.
اهتمامك بحد في وقت صعب هو بيمر بيه ، من غير ما تكون بتردله اهتمامه بيك قبل كده.
خدمتك لحد علشان في مقدورك تساعده ، مش علشان يخدمك لما يبقى أحسن أو ينجح.
وإنك تفضل صادق حتى لما الكذب كان هيكسبك كتير ، وإنك تختار تكون الطيب حتى لو الناس شايفاه ضعف ، وإنك تسامح على الرغم إنك تقدر تأذي ، وإنك تدي من غير ما تستنى مقابل ، شغلك على نفسك علشان تبقى أحسن من كل النواحي ، وعلشان تكون نسخة أحسن لنفسك.
كل دي حاجات بتقول أنت مين ، حقيقتك مش في كلامك ، لكن في أفعالك اللي محدش شايفها ، في اختياراتك اللي بتاخدها وانت لوحدك ، وفي الخير اللي بتعمله وانت مش مستني تصفيق.
اللي جواك بيبان في لحظات الاختبار ، في وقت الشدة ، في وقت ما الكل بيبعد ، ساعتها بس ، بتظهر حقيقتك…
مش بالكلام ، لكن بالفعل ، بالثبات ، وبالنية

ف متستناش نتيجه اي فعل من الناس ربنا وحده اللي هيجبرك ويوفقك ف حياتك .🤎

ديما بذكر نفسي واياكم
انها من الله والي الله وعلي الله
هي مش بشطارتنا هي بكرم ربنا والله

الانسان بيتمسح بوشه الاسفلت والله في الحياه بس بيفتكر ان ربنا امرنا بالسعي ف يبتسم ويقوم ينفض هدومه ويكمل ويدعي ربنا بالقوة

موقف بسيط بس ممكن يطمنك 🤎

ذي النهاردة من سنه كان عندي امتحان وذكرت وعملت كل ما بوسعي أعمله وعافرت كتير ف المادة واستودعتها عند ربنا ودخلت الامتحان
وكانت المفاجأة الدكتور خذلنا وكان الامتحان صعب جدا ولقيتني مش فاكرة ولا كلمة من المادة وامتحاني كان مقالي ومادة كبيرة وعايزة شرح بالتفصيل

هديت وفضلت أدعي ربنا يعديها ع خير واعدي بس صافي منها والتقدير العام بتاعي ميضرش
استودعت كل سعي وتعبي فيها ع الله ودعيت فضلت فترة لحد يوم النتيجة أدعي ربنا ميخزلنيش فيها واعدي
وكانت النتيجه ربنا جبرني فيها ومش بس كدا وبتقدير عام اعلي ما كنت عايزة والله كانت حسباتي في المادة اني خلاص هشيل لاني مكنتش كاتبة اي حاجه تستوجب أن الدكتور يديني درجة عليها والله شوفت النتيجة كأنها معجزة حقيقي
الحمد لله فضل وكرم ربنا عليا كان عظيم !

متيأسش ابدا من كرم ولطف ربنا واستودعه سبحانه كل امورك واسعي وبس وربنا وحده هيتكفل بالنتيجة 🤎

استغلال الفرص في وقتها مهارة جميلة نحاول نتعلمها

متزعلش ع اي حاجه مش كويسه حصلت معاك
مادام حصل فهو قدر
ومادام قدر فسلّم

"فَخُذْ مَا آتَيْتُكَ وَكُن مِّنَ الشَّاكِرِينَ"

الحمدلله علي نعمه اليوم العادي .. والحمدلله علي جميع قدره ، فقدر الله كله خير ..

صباح الخير
اخباركم اي🤎
سنه انتهت و365 يوم عدوا عليك بستر وصحه وعافيه وكرم من ربنا ومئات المحاولات

خليك فخور بكل محاولاتك مهما كانت لأن مفيش حد تعب قدك فيها
وانا فخورة بإنجازاتكم اتوكل ع الله وأبدا سنه جديدة بإنجازات اكتر 🤎.

"عارف لما تلاقي فيلم أو مسلسل حلو شغال ، وتقول: طيب بس استني اشوف القناه التانيه جايبه ايه .. ما يمكن تكون جايبه حاجه احلي .
أو لما تيجي تركن عربيتك في مكان مفيهوش ولا ركنه إلا المكان الوحيد اللي قدامك. وتقول: طب استني اشوف ركنه قدام .. يمكن يكون في ركنه أحسن .

ولما تيجي تحب شخص وتعجب بيه وأول ما يطلب منك تكون معاه فعلا. تتردد وتبدأ تقول: طيب وأنا ليه أربط نفسي دلوقتي؟ ليه اخنق نفسي؟ ما استني يمكن أقابل حد أحسن .

وهكذا بنفضل نستني الأحسن دايما ، مع إنك ممكن متلقهوش ويكون اللي معاك هو الأحسن والمناسب ، بس أنت مش حاسس بقيمته وبتبص دايما لبعيد ..
بس الفكرة اللي هتوصل ليها متأخر ، إنك يوم ما هتاخد بالك من دا هتلاقي الفيلم الأولاني خلص ، والركنه اللي كانت قدامك ركن فيها حد غيرك ، والشخص اللي مكنش شايف غيرك راح.
وساعات المشكلة مش إن اللي في إيدك مش كويس .. المشكلة إنك مش عارف إمتى تكتفي."

ـ ويمكن أكتر حاجة شدتني في الكلام ده إننا فعلا بنفضل نستنى " الأحسن " لحد ما نخسر الحاجة الوحيدة اللي كانت حقيقية.
الخوف من الالتزام ساعات بيتخفى في شكل حرية أو عقلانية ، بس في الآخر بيطلع تردد ، فمش كل حاجة نسيبها هنلاقيها لما نرجع ، ومش كل فرصة بتستنى لما نكون جاهزين. وفـ الغالب الأحسن مش اللي لسه جاي الأحسن هو اللي كان قدامنا وإحنا باصين لبعيد.

ـ منقول من صاحبه بتصرف.

صباح الخير
نكمل سعي

أصبحت لا أقاوم الزنقة بعد الآن، أنا متعايش معها، بدلا من أن تتذمر من الامتحانات و الأوراق المتراكمة فكر في أي كوب أنيق ستحتسي النسكافيه على أنغام هذه الزنقة، أنواع المكسرات التي ستقرمشها وأنت تبكي
أن تأتي متأخرا خير من ألا تأتي ...
(و ما لا يدرك كله لا و يترك جله)
... عنوان عميق لكل أشيائك الكثيرة و المتأخرة ... مثلاً فكر في أنك ملك اللحظات الأخيرة ... مهارة وخبرة لا يجيدها كثير من الناس اكتسبتها مع الوقت والزنقات الكتشييرة قوي "تنضغط انت والضغط فتصبحون حلة واحدة .... "

أعود و أردد " إن الله لن يضيعنا " ... كما أرددها كل مرة و أؤمن بها لا تضيعنا يارب 🤎🤎

لقائلها