لي راه مهتم وحاب يدخل ويستفيد من كل المحتوى الموجود في هذه القناة 🔥 يبعثلنا request هنا :

https://t.me/+fWPQdaz8IIVmN2Nk

ويخليلنا كومنتار لتحت فيه اسم الولاية والعام لي يقرا فيه 👇🏻

واكتر شييي قضية النسوية الأفكار الي زادت انترشت بمواقع التواصل الاجتماعي ولي علابلنا قع الهدف تعها تضرب في اساس المجتمع لي هو للمرأة

❌️عمليات تجميل المايكاب انواع من البس على اساس انو لحجاب ظلم للمرأة عندك جسم شباب بينيه علاه راكي داساته بلعكس تزيد فرصك فالحياة يلعبو بالعقول لعب هد. هدرة تاتر اكتر شي فلمراهقات سما يطلع جيل خطأ سيرتو لي ميكونوش متربين في عائلة الوالدين يراقبوا أولادهم سيرتو للشيرات ويصحولهم هد الأفكار

✅️وبزاااف وبزاااف. خلاط صاري فالمجتمع بسبة فكرة تبنوها دوك لي يدعو للمساواة وجاو يسوقولها بين نساء مسلمات نتي علاه راجلك ميشريلكش دهب كل شهر ؟ وعلاه ميخرجكش؟ وعلاه كي يزعفك ميراضيكش ب voyage شباب اممم وعلاه قالك متخدميش قريتي في باطل وعلاه وعلاه......

خلونا نتفاهمو 🤝🏻مشي هدو صوالح مش ملاح لكن فكرة انهم يرجعو اجبارييين ادا مدرلكش هك طلقيه دراهمك في جيبك وراجل مش ضروري فلحياة و. وووو خطأ❌️ كاين اولويات فحياة وكل وحدة وين تشوف سعادة تعها سما متسحقش تجي نتي تلعبيلها بعقلها حتى وين ولاو يرجعو فزواج حاجة مش مليحة والعكس كي تخرجي معاه مليحة على أقل تسييه 🤦🏻‍♀️ اختي حسبتلك عباية هدا نسييه ومبعد نشريه ادا عجبني

🌷الإسلام ماهوش متناقض مقالكش متقريش متخدميش متحوسيش متعيشيش دارلك حدود بش يحميك برك اما الله فغني عنا جميعا مغادي تزيديه والو نتي كي تتحجبي ولا متخرجيش مع محمد ولا مديريش حاجة خيانة هد قع ليك نتي قال الله تعالى :يَا أَيُّهَا النَّاسُ أَنتُمُ الْفُقَرَاءُ إِلَى اللَّهِ ۖ وَاللَّهُ هُوَ الْغَنِيُّ الْحَمِيدُ (15)

🌷كون تجي تحوسي غي بيك وبين روحك وتسيي تفهمي تعرفي اسلام لصلاحك وكون مكانش منهاج حياة دستور خليني نقول ميهاجموهش ميقولكش نقاب وحجاب ووو *بسك هادو اكتر حوايج يحاربوهم* ميقولكش تخلف لانو عارفين كي تصلح للمرأة يصلح الاولاد والمجتمع ويتكون مجتمع صعب بش يتلاعبون بعقله ويغرسوله تفاهة لي راها دروك تشتت انتبهنا على ما هو أهم غزة والسودان
والله المستعان
#Cĥai_Maa

السلام عليكم ورحمة الله وبركاته
معاكم ادمين جديدة #nada
2éme annèe médecin dentaire
(آسفة على الروطار علابالي 🥲)

•سو رح نعاونكم ان شاءالله بليكور و لي سيري تيدي و ملخصات و نصائح و كامل شا تحتاجوا لبروميار دونتار .
•أولا نورمالمو كامل لي بروميار يقراو باللغة الإنجليزية؟ .
•بروميار عام مش صعيب بزاف صح رح تجيكم القراية و لغة التدريس مختلفة بصح رح توالفوا حتى ترجعوا تقراو كلش وحدكم بلا ترجمة.
•رح نحط لكم طريقة دراسة كل موديل مع المعامل تاعه و المصادر لي تحتاجوها.
• و أهم حاجة هي تنظيم الوقت اذا قريتوا ب عشوائية رح تكون ضدكم هذي الحاجة ، ف لازم تقراو يوميا سينو تخلاص عليكم في ليلة الرعد ماتقدروش تفرزوا والو من اي موديل.
🦷 و أخيرا اذا حبيتوا تعطوني آرائكم اذا باغيين اي إضافة و خبروني بالمشاكل لي واجهتوها لحد الآن.
و كيفاش جاكم السوماستر الثاني

ربي يوفقكم كامل ان شاءالله 🫶🏻🩷

على سلامتك حسبتك اختفيتي مجددا 😂
#che_rry

شويا و نحطلكم ملخصات البيوشيمي نتاع les protéines et les lipides و اي حاجة متكونوش فاهمينها و لا حصلتوا فيها قولولي و نعاودهالكم بالتوفيق 🩵
#che_rry

تلقاوهم في الكانال نتاع البيوشيمي

خوتي ليكو دروك ديروف🗿
Protéine transporteur وراه يدافع على هرمونته من انزيمات بش ميفكوهاش ياربي🗿🗿 جفاف لعاطفي مديروش عليا
ني غي نضحك رياض يقري غاية ✋🏻

الواحد مشلقم من الاوندو زاده الجفاف العاطفي 🗿 ✨

التلغرام رجع تدرجات الوان ✨👀

خاوتي نبغي الازرق علاه كملت عليا خضرة 🗿

كل مرة راه يخرج واحد وقيلا ندورها كيما اونر soul and science الي يخرج ما يرجعش 👀

جوارينا اسوأ اشخاص و الله كاين بنادم يدير اعمال البناء على 10 نتاع الليل؟! 🗿

في كل اينيتي يصرا بروبلام التأجيل قاع نعانوا من بروبلام الروطار بلا عليك الملحقات الي يقراو بليسومان بلوكي تغفل تلقى موديل كمل و انت مزال تستوعب واش راك تقرا، دراما التأجيل قاع متكملش 💔

خاوتي ني موجدتكم محتوى بزاف شباب قريبا ان شاء الله شاهي المشكلة راهي في اكزامان الاوندو (دعولي نبلع ماقريتش قاع بسبب الظروف 😔💔) عندنا في 19 ان شاء الله سينون اذا اجلوه تبارك الله اذا لا راح نستنى حتى نفوته و نقوللكم واش راح نبداو نحطوا
#che_rry

سلام سلااام
خوتي لي بروميار دونتار و عندهم صعوبة في اي موديل يخلولي comment 👇🏻

رح نعطيكم مصادر + طريقة دراسة تاع كل موديل
#nada

اوكيي نبداو ب فيزيك :
حسب تجربتي ماتحتاجوش يوتيوب بزاف لأنو غير تضيعوا وقت بزاف في تفاصيل مانحتاجوهاش سو احضروا مع البروف اكتبوا معاه des notes و راهو كل شابيتر بالخف يكمل و يكون فيه سيري وحدة تاع تيدي و بزاف ساهلين دوكا نحطهم لكم
كيما قتلكم كل شابيتر مافيهمش بزاف احكموا الكور pdf ابعثوله ل ChatGPT اطلبوا منه ملخص لكل ماهو مهم في الدرس مع القوانين المهمة و الحالات الخاصة و نظموه في ورق بيضاء مع القوانين
Après احكموا سيري تاع تيدي الخاصة بهذاك الشابيتر تحلوها على الأقل ثلاث مرات (بيناتنا راهم فريي ساهلين )
و لي طلبوا مني فيزيك بزاف راهو البروف يدير examen شوي question de cours عليهم من ثلاث نقاط حتى خمسة و بعدها يدير 7 و لا 8 تمارين فريي ساهلين يجو من نفس نوع تمارين تاع لي سيري تيدي
🔴 لي يقدر يأسيستي غير يجي لانو كيما حنا كان يدير ثلاث نقاط على الحضور و نقصهم لي تغيبت زوج مرات 🗿💔

#nada