الجامعيين نورمال طيروا بالرياح للجامعة 👀🕊✨

أذكركم ونفسي أدعية هبوب الريح :

الدعاء عند هبوب الريح عمومًا

> «اللَّهُمَّ إِنِّي أَسْأَلُكَ خَيْرَهَا، وَخَيْرَ مَا فِيهَا، وَخَيْرَ مَا أُرْسِلَتْ بِهِ، وَأَعُوذُ بِكَ مِنْ شَرِّهَا، وَشَرِّ مَا فِيهَا، وَشَرِّ مَا أُرْسِلَتْ بِهِ»
(رواه مسلم)


إذا اشتدّت الريح

> «اللَّهُمَّ اجْعَلْهَا رِيَاحًا وَلَا تَجْعَلْهَا رِيحًا»
(أي ريح رحمة لا ريح عذاب)

ذا العام اسطوري و الله بداية موفقة فيه من الترونسوبور للتأجيلات للريح قاع ما يكرهوش من الميمز 🌚✨

Syndrome de 5doudenberg😂😂😂

الرعب ❌
باقي 19 يوم على اكزامان اوندو 🤡✅

#che_rry

https://ngl.link/cherry76593
راني خارج نطاق التغطية حطولي هنا واش نحطلكم منا و جاي و واش تحتاجوا كثر ✨
#che_rry

ايش ذي الجنتلة 😔😭

نظن نتي اكرام سينون ربي يوفقك و يسهلك امرك 🌷

اللولة قاع لازم تتعلمي بلي راكي تقراي لروحك مايهمش حتى واحد وخداخر شحال راه يدي كوز مكيش في منافسة معاهم
ثانيا هاذي ارزاق تقسم من عند ربي نتي مرهونة بالسعي فقط قادر واحد يقرا قاع العام و ما يديش
ثالثا ممكن المشكل راه في الاجابة راكي تزيدي تكوشي صوالح مش متأكدة منهم و راهم ياكلولك النقاطي و لا ممكن مكيش تفهمي الكور غاية و معتمدة على الحفظ بزاف ثاني ممكن راكي كي تستريسي تكوشي اجابات غالطين...
سينون نتي ديري الي عليك و اتعبي على جال روحك مايهمش فلان و لا فلانة شحال داو و النقطة الاساسية اقراي مليح على جال تخصصك و بالتوفيق

لحد الآن قدمتلكم بزاااف طرق على كيفاه تقراو و تنظموا وقتكم النصيحة الوحيدة الي نمدهالكم دوكا هي ابداو تقراو ماشي تخلوا كلشئ مبعد تولوا ترعدوا و خايفين و روطار الميدسين ما تترعدش الا في حالات خاصة
سينون نقطة التلخيص على حساب البنادم اذا ذاكرتك كتابية اكتبي اذا لا تفضلي تسمعي و تتفرجي سو اخطيك تضييع وقت لا اكثر

الفهامة و الكوسيام
صح الحفيظ هو الصح بصح اذا فهمت تترجل التالية قاع اذا تلفتلك تكوشي حساب فهامتك
و تكونوا في الاكزامان اعرفوا كيفاه تكوشوا الي تكونوا متأكدين منها سواء صح و لا غالط دايم بينوهم لرواحكم باه يبقاولكم الصوالح المشكوك فيهم في الغالب اذا كانوا عندك زوج متأكدين منهم المشكوك فيها متزيدوهاش و كي قاع تتلفلكم بداو تايليمينوا الاجابات الغالطين يخرجولكم الصحاح
ثاني متكوشوش uniquement و exclusivement

بون حكيتلكم من قبل كيفاش انا نقرا و نروكوشي بصح غالبا كي نكون مزنوقة كيما دوكا مثلا مهوش باقيلي بزاف وقت و ني روطار دونك الكوش لولة فهامة من الكور و الزاوجة فلاش كاردز و كوسيام
نخدم غالبا ب الابلكاسيون كاينين بزاف كيما thea و كوسيام نشريهم
كاين فيزيو برك الي نقراها و نلخصها في وقت واحد برسك فيها بزاف صوالح و الكور معوق

الادمن هذاك للافس راه مشغول 😔
انا نقد نديرلكم بصح ني نوجدلكم في صوالح وخداخرين سو اذا كاين كاش واحد يعرف اونجلي مليح ماشي شرط قاع يكون واو نورمال يتعلم و يعلم الناس معاه يقولي

من تجربتي الشخصية ريحي و ارقدي مليح بصح ما تنغمسيش في ذيك Comfort zone كوز مبعد تستثقلي تخرجي منها سيمانة و لا و ابداي سيرتو مع رمضان تزيد تثقل عليك القراية

كي نديرهم راح نحطهم ان شاء الله
و كوسيام انا نشري و ذي المرة شريت cure

لازم تبعدي على التلفون قولي لكاش واحد يدسه عليك انا ثاني ني نعاني و الله كثر خير ماما خزناته عليا اليوم حتى لليل 🥲
سينون اذا تقراي بيه اقلعي قاع السوشل ميديا منه و رجعيه مظلم بلا الوان

ديري البومودورو سواء ب 50/10 و لا بعدد الصفحات و كي تكمليها نوضي دوري اشربي الماء تحركي مهم متدوريش بالتلفون في النهار كون تعاودي ذا السيكل 3 خطرات تلقاي روحك تقراي