كما نعلم جميعا ان الفوط يكون غير صالح اذا ملحقش لنصف عدد الاشخاص ( تفكرت لاغراف فجأة 🥲😂) سو راح نبدل الفوطو بما يعجبني انا

(ديكتاتورية ) ❗❗ yes I am 🌚

الي يبغوا يشروا الكتب الطبية ادخلوا عنده 🩵✨

منشور تعريفي بالقناة 🍃🍃

اولا:  ماهي Atlas students  ⁉️

✅  هي قناة تعليمية طبية تم انشاؤها من طرف طالبة  سنة ثانية طب #che_rry

ثانيا:  ما الهدف منها ⁉️

✅ الهدف الرئيسي منها هو تقديم محتوى تعليمي طبي لطلبة السنة اولى بالاخص و الثانية طب،  لكن ننوه ان سيتم اضافة كل من تخصص الصيدلة و طب الاسنان لاحقا باذن الله

ثالثا:  ماذا يمكن ان تقدم لكم هذه القناة  ⁉️

✳️ 01- شرح لبعض ليموديل السنة اولى طب اضافة الى تقديم مصادر الدراسة مثل الكتب و الملخصات و Qcm  اما بالنسبة للغة فسيتم ادراج ذلك لاحقا بعد الدخول المدرسي

✳️ 02_ تقديم المساعدة لطلاب السنة الثانية طب باعتبارنا في نفس الحيز و ذلك بمشاركة المصادر الدراسية

✳️ 03_ منوعات طبية مثل المعلومات العامة و الحالات الطبية التي يمكن ان تتصادف معها

https://t.me/studentsofmed

🍃 السلام عليكم 🍃

اليوم راح نهدروا على الموديل المنقذ الي حرفيا اذا مديتله شويا وقت و حاولت معاه تقدر تدي فيه فوق 16 🌚

الشيمي ✨✨

_ هي موديل نتاع فهامة و حسابات بالدرجة الأولى فيه شويا صوالح يتحفظوا برك

دوكا كي العادة السؤال المطروح دائما ⁉️🤔

واش تقراو فيه؟

و الاجابة هي ✅:

تقراو فيه زوج مجالات الي هوما

🔮 chimie général:

حنا قريناها مفركتة على فترتين الفترة الاولى
تقراو فيها صوالح شفتوهم من قبل الذرات و جماعتهم واش فيهم ( بروتونات الكترونات...) اضافة الي صوالح جدد متعلقين بكيفاه يديروا الذرات روابط بيناتهم و كيفاه الاكترونات تتحرك في المدارات الي حول النواة اضافة الي الجدول الدوري....
و الفترة الزاوجة قرينا فيها الاحماض و الاسس و الاكسدة و الارجاع

🔮 chémie organique:

و نفس الشئ قريناها مفركتة حيث الفترة الاولى قرينا فيها nomenclature تقريبا كيما الي قريتوها في السنة الثانية ثانوي مثلا كيفاه تسمي كحول و لا استر....
و الفترة الثانية قرينا isomérie الي هوما النظائر

تنويه 📢

✳️ اولا: كاين كليات يقراو فترة الشيمي جينيرال و فترة الزاوجة يقراو الاورغانيك

✳️ ثانيا بالنسبة للمصادر:
انا شخصيا كنت نأسيستي ليكور لان البروف الي كانت تقرينا ( مدام للو في ملحقة تيارت) ما شاء الله عليها قراتنا بذمة و ضمير
اما اليوتيوب قريت من عند amateur de chimie و محسن المسكي
و اخيرا ليكور كانوا نفسهم نتاع كلية وهران

✳️ ثالثا: الشيمي تعتمد بدرجة كبيرة هلى التيديات سو حلوهم و اعقلوهم راح تلقاو نفس الأسئلة تقريبا في Qcm

كانت معكم #che_rry 🍒🌷

الدوزيام تبغوا نحطلكم الدرايفات نتاع الجي و وهران ؟!

هاذو هوما الي لقيتهم اذا لقيت و لايات اخرى راح نطلعهم ثاني
و اذا بغيتو تبداو تقراو من الاحسن تطلوا على البروغرام الي رسلاته الوزارة غالبا راح تلقاوه في الدرايفات نتاع العام الي فات باه تعرفوا اكثر كيفاه تقراو 🩵
#che_rry

درايف ولاية وهران:

✅ 2019/2020:
https://drive.google.com/drive/folders/1-DW5sCg9ZH0NJc9OtoNbeIKZZIwJ4tvO

✅ 2020/2021:
https://drive.google.com/drive/folders/1--u9N0LLT5AducKA6hf_pYokZaW10Odq

✅ 2021/2022:
https://drive.google.com/drive/folders/1-1M4g_ud5Dwe_HuEA1776WEVMqrdHQ-9

✅2022/2023:
https://drive.google.com/drive/folders/1-AbeVU-897wI8XKkEr-S0AuHkUAZn9FZ

✅2023/2024:
https://drive.google.com/drive/folders/1-Lik-iWvL4vxMlGDoEjhPgRudHUo3333

✅2024/2025:
https://drive.google.com/drive/folders/1-3O33ad3evT3l_nYp5G3Y3MD0k1gVenQ

درايف ولاية تيارت 2024/2025:
https://drive.google.com/drive/folders/1fCDK_B8AoJFfj8i6RbyKRFSH65tBSfIu

#che_rry

درايف ولاية الجزائر العاصمة:

✅2019/2020:
https://drive.google.com/drive/u/0/mobile/folders/1vgB-SsVBitiDY7i_hjznFHL93wgs5G9P?fbclid=IwAR2pHfeaAUAM4lOB4wWs3I7SZBBzIVLfDMxq_l4OnnMuEydK_lH3DCCK6QA

✅2021/2022:
https://drive.google.com/drive/folders/1SIShNZhC55BiB8PFHiRx6yOOoZ3oYgir

✅2022/2023:
https://drive.google.com/drive/folders/1N-GOlg84CWR0xQOF3vy8wFUrZXtw0Kla

✅2023/2024:
https://drive.google.com/drive/folders/1YoIgrEauw2_SRL-wkSfNxzTIor8osnj_

✅2024/2025:
https://drive.google.com/drive/folders/1tUcHu-0W2xkaQPg7OIJ-UngeabHPIQW0

#che_rry

🍃 السلام عليكم 🍃

اليوم راح نهدروا على موديل فيزيائي بإمتياز، و انا شخصيا منبغيهش و الي يومنا هذا معلباليش واش كنت نقرا فيه 🥲 (بلعته ب 15 قولوا الله يبارك 🙃)

البيوفيزيك ✨

_ هذا الموديل باه نكون صريحة معاكم انا حسيته جدا صامط و مش مفهوم بزاف لأن مصادر فيه قلال و الشرح في اليوتيوب ثقيل بصح فيه حاجة مليحة انه فيه جانب تطبيقي كبير بمعنى بمجرد تقبض الريتم و الحسابات راك save و تقدر تبلع فيه و بعد الدخلة ان شاء الله اذا قدرت راح نتبعلكم معاه

زي العادة السؤال المطروح دائما 🤔⁉️

واش تقراو فيه؟

و الاجابة هي ✅:

وفق البروغرام الي قرينا بيه حنا

عندنا زوج مجالات و كاين الي يزيدوا واحد ثالث:

🔮 Optique geométrique:

تقراو فيه الضوء بصفة عامة كيفاش ينعكس و لا ينكسر و كيفاش يخترق الاوساط زجاج، ماء، هواء.... و حتى المرآة و اهم حاجة هي اللونتي او العدسات اضافة للعين المجردة ( كاين الي يزيدوا حالات غير الطبيعية مثلا الي ميشوفش للبعيد و لا للقريب)

🔮 Ryonnement:

الي راح تقراو فيها شويا من قراية الشيمي حول الذرات atomistique و بعدها الاشعة
تقراو الاشعة X و جماعتها و فيها شويا نووي الي قريتوها في الباك

تنويه 📢:

✳️ بالنسبة للوحدة الثالثة كاين الي قراو فيها analyses dimensionelle الي هي التحليل البعدي كيفنا و كاين الي قراو les solutions

✳️ اما المصادر كاين ليكور نتاع الاستاذة شيباني تلقاوهم في درايف تيارت ملاح و تقدروا تستعينوا بتشات جيبيتي و لا الملخصات راح نحطهم لكم بعد ما تبداو القراية و في اليوتيوب ننصح ب discover و bacfacile و اذا كاش واحد يعرف حود احسن منهم يرسلهم

✳️ و كي العادة التيديات و ال Qcm هوما قاع الصح متنساوهمش

كانت معكم #che_rry 🍒🌷

ليكيب ماديروش على #che_rry 🙂🙂
بيوفيزيك موديل واعر شوي بصح شباب والله غي قروه مالبدية تقدو حتى تماجورو فيه نورمال شايلا حلو لي تيدي توعكم وكترو لي كوسيام و تان كوتي تع تيوري ماتهملوهاش 👌🏻🧠
كي تلحقوله انا نحطلكم المصادر وحتى الملخصات 🫀
#Cĥai_Maa

السلام عليكم 🍃

للأسف اليوم مراحش نحطلكم على حتى موديل 😔 برسك راني كي الجثة الهامدة من التعب منيش قادرة حتى نكتب ماشي لا نخمم 🥲💔

🍃 السلام عليكم 🍃

اليوم راح نهدروا على موديل خفيف ظريف ( الموديل الي ماتعرفش راسك من كرعيك فيه) 🗿

البيوستاتيستيك ✨

_ هذا الموديل هو تقريبا علم الاحصاء و باه نكون مباشرة معاكم هو موديل حسابات و رياضيات حرفيا من الي تبداو تقراو فيه و نتوما مع القوانين الي معلبالكمش في واش يفيدوكم اصلا 😑

_ 📢 مهم اهم حاجة فيه اذا كان بروفكم مليح اسيستو و اذا لا ديروا كيف ما تدير الاغلبية اقراو الملخصات ديراكت لان ليكور 90% متفهمهش حتى القوانين و غير واضحين فيهم و حلوا بزااااف Qcm و راح تبلعوا فيه باذن الله

بالنسبة لواش تقراو فيه ⁉️


✳️ على حسابنا حنا قرينا في السوماستر الاول

🔮 Les paramètres statistiques

هو الاعدادات الاحصائية مثلا تقراو كيفاش تجبدوا معدل او تكرار...

🔮 Les probabilités et l'estimation

هوما الاحتمالات تقريبا كيف الي قريتوهم في الباك

✳️ السوماستر الزاوج قرينا

🔮 Les test hypothèse, d'anova et khi 2

هاذو كي تلحقولهم تفهموهم لان معنديش كيفاه نشرحهم لكم

🔮 L'informatique

تقراو فيها شويا على الذكاء الاصطناعي و كيفاه يقدر يعاونكم


كانت معكم #che_rry 🍒🌷

🍃 السلام عليكم 🍃

_ اليوم راح نهدروا على آخر موديل انويال الي تقراوهم على مدار العام و هو

Cytologie 🦠

_ هي بالعربية علم الخلايا و هو اكثر موديل نتاع حفيظ و فيه تفاصيل دقيقة كثيرة بزااااف 😔 و لكن هو الموديل الوحيد الي دروس الي فيه كامل جازوا عليكم من قبل و لو بشكل سطحي ✨

_ دوكا زي العادة السؤال المطروح دائما 🤔
واش تقراو فيه ⁉️

و الجواب هو ✅

_ راح تقراو على الخلايا انواعها و مكوناتها و كيفاه تكون متصلة ببعضها البعض و هاذو كامل يتوزعوا على فترتين تتعرفوا في:

🔮 السوماستر الاول:

على انواع الخلايا حقيقة و بدائية النواة و على الغشاء الي يحيط بيها و كيفاه تتصل ببعضها البعض...

🔮 و السوماستر الثاني:

تدخلوا اكثر في المكونات مثلا النواة الريبوزومات جهاز غولجي و حتى تعاودوا تقراو كيفية تركيب البروتين...

📢📢 بالنسبة للتيديات و التيبيات راح نهدر عليهم بشكل منفصل مبعد



كانت معكم #che_rry 🍒🌷

صباحكم عسل 🍯🍃

_ للمهتمين بتعلم اللغة الانجليزية الطبية هذا ليكم ✨

عفوا 😁

#che_rry 🍒🌷