Pour les étudients du 2ème année ✨
Quelques Qcm notes pour la révision 🩵

ملاحظة:

الدرايف فيه نتاع البيوشيمي اقراو غير البارت اللولة الي فيها les vitamine et les oligoéliments 🍃
#che_rry

https://t.me/+QXHTjGHEF0k0MzA0


طلبتنا في السنة الأولى نضع بين ايديكم دورة Chimie التي سبق ووعدنا بها

تبقى 4 دروس و تنتهي الدورة !
نكملوهالكم هذا الأسبوع

(1 er principe de la thermodynamique)

راح يكون آخر درس نديروه

ولنعد للأمبريو ✨

المرة اللي فاتت هدرتلكم الموديل واش لازم تركزوا فيه(كلش)

ضروك نهدر كيفاش تقدرو تفهموا الكور وكيفاش الترجمة وكيفاش تلخصوا ولا غير من الكور

أولا

:
الكور اللي راه عندكم يكفي فيه التفاصيل وفيه الرسومات اللي تقدر تعاونكم، وثان لانو في الاكزاما التصحيح البروف تحاسبكم باللي في الكور مشي اللي شفتوهم في مصادر اخرى، لا يعني انكم ماتعاونوش روحكم بمصادر اخرى بصح المرجع الأساسي هو الكور تع البروف

ثانيا:

الترجمة والفهم

أهم حاجة تعرفوا التطبيق المناسب مشي اي ترجمة ولا اي ia، الترجمة الخرفية غلطة غلطة يعني مشي تكون تقرا بعدها تلقى كلمة برك مافهمتهاش ترجمها وحدها
لازم ترجم كامل الجملة ولا حتى الفقرة 🙂، لأنو المصطلحات اللي تشوفوهم يكونوا معتمدينهم حسب السياق ترجمة للكلمة وحدها تضيع.

أما بالنسبة اللي ممكن نقترحهم: gemini, notebook lm

هذا أحسن التطبيقات اللي يعاونوكم في القراية ويسهلوا ونسبة الغلط قليلة

مثلا نهدر على gemini:
تطبيق من جوجل يعني المصادر تاعو من كامل مواقع جوجل، ثانيا مجاني وغير محدود،(ملفات، صور...) غير محدودة مشي كيماchat gpt، و الميزة تع انو المحاولات غير محدودة تسهل عليك وتنقص الوقت فبدل انك تكتب كل حاجة باش يترجمها واحتمال يغلط لانو السياق ناقص، تصورلوا صفحة كاملة ولا تمدلوا الدرس كامل🙂 ويشرحلك بالطريقة اللي تحب

واجمل جملة تطلبوها منو باش يعاونكم بشمل صحيح

ترجم واشرح بالتفصيل باللغة العربية مع الحفاظ على المصطلحات بالفرنسية

هاذي هي اللي تخليه يشرحلك ويترجم بشكل ذكي من غير مايدوخك في ترجمة المصطلحات للعربية 🙂

واخيرا

اثناء عملية الفهم اكتبوا ملاحظات جانبية تع الشرح لانو ذوك التفاصيل حتى ويبانوا بزاف، كي تولوا تروكوشوا يعاونوووكم بزاف

وبس
#blue_berry

⏳️Rapidement

La valve aortique ✔️
#Cĥai_Maa

https://t.me/medwithextasyy

صح فال fémur راه مليح🦦🦦💁🏻‍♀️

#Cĥai_Maa

نصائح ذهبية باش تقرا وتنجح بلا ما تنطحن:

1. ماتقارنش روحك بغيرك: كل واحد وظروفو، قارن روحك بروحك – بين البارح واليوم. الميدسين ماشي سباق، راهي رحلة.


2. قرا شوي بشوي، بصح كل يوم: ساعتين في النهار خير من جمعة كاملة قراية فجأة.


3. ما تكثرش مصادر: خليك مع كور البروف، إذا ما فهمتش رجع ليوتيوب أو صحابك، بصح متخلطهاش على روحك.


4. فهم قبل ما تحفظ: الحفظ بلا فهم راهو كي الما على الرمل. افهم الكور، لخصو، حل كوسيام، وكي تلقى معلومة جديدة زيدها بالأحمر في الملخص.


5. متخليش الحفظ لليلة رعد: الحفظ لازم يكون متفرق، مش دفعة وحدة. ليلة الامتحان للراجع برك، ماشي للبداية.


6. الرقاد = تركيز: تنعس بكري وتفيق بكري، دماغك يخدم خير. بلا رقاد، راهي بلا تركيز.


7. صحة قلبك ونيتك: لي يمد ويفيد، دايم يدي خير من لي يخبش. اعطي وتعاون، والله ما يضيعكش.


8. ما تحاولش تبلع غير في 3 موديلات: قرا شوية من كلش، راهي مفاجآت في الqcm


9. متخليش توقعاتك تطير: خلي رجليك في الأرض، توقع أقل وادعي للأكثر، باش ما تتحطمش.


10. خدمة الكوسيام تفرق: كل ما تحل كوسيام، كل ما تزيد تفهم وتثبت المعلومات.


11. ماشي كل قراية جماعية مفيدة: كاين لي غير يضيعلك وقتك، خمم مع من تقرا.


12. كل واحد وطريقتو: افهم كيفاش دماغك يخدم، وقرا بالطريقة لي تفهم بيها أنت، مش كيما صحابك.


13. لازم تعاود القديم قبل الجديد: باش ما تنساش وتكون ديما فايق، راجع دايمًا قبل ما تدخل في كور جديد.


14. تشات جي بي تي صديق وفي: لخصلك الكور، يشرحلك، وحتى جيميناي يحل كوسيام!


15. القرآن يعطي بركة: خصص وقت للقراءة، خاصة سورة يس ويوسف، يعطيك راحة ووقت مبارك.

نصائح اللي كانوا عندنا في البرومو
#blue_berry

غادي نمدلكم نصيحة نتوم تع بروميار
#Cĥai_Maa

علابلي تبان منطقية وبديهية بصح مغاديش تقتنعو حتى تجو فيها
اولا ميدسين صح نقرو فجامعة سما عدنا ديك تع ترعد وخطرات يتعاودو كوسيام ويكون عندك زهر وتبلع نورمال ووو
بصح نجو للصح كاين معلومات لي تقراهم بالمعنى الحرفي هوما لاباز متنجمش تفوتهم متلن نتوما تع بروميار كاين فيزيو وايستو واومبريو واناتو نوعا ما هادو لازم تقراهم وتفهمهم لانو مبعد غادي تبني عليهم أمراض وتولي تفهم بيهم حالات مرضية وقع شوف تنجم تسكيبي بيوستات ولا شيمي بصح دو قطعا سما دروك مدام ملحقش اكزاما حاول تقراهم ملحقتش باه تروكوشيهم بصح معليش تكون على الاقل فاهم
تن تع دوزيام على قد ماراهي تبان ساهلة وبسيطة مي وحد تفاصيل غادي تستحقهم طبعا مشي كلش

كي تولي تمشي بعقلية le cour=le patient تماك تلتزم

ولا ميدسين مشي غي حفيظة ديرو في بالكم مليح
المهم حاولت نبسطلكم بزاف بش تفهمو ماكس سما قرو ومتتقلش على حاجة نت خيرتها وادا مشي نتا لي خيرتها #عش_الواقع عندك قدرة تبدله 🤝🏻 تفضل
معندكش عفس على قلبك وكمل مشي بقوسطوك
#nasihat_tbiba
#Cĥai_Maa