🍃السلام عليكم 🍃

اليوم راح نهدروا على اول موديل و الي هو محبوب الجماهير

anatomie

✏️اولا الاناتومي هي علم التشريح و تقدروا تقولوا انه الموديل الي صح يحسسكم انكم تقراو في الطب.👌😌

✔️في العام الاول تقراو الاطراف العلوية
les membres supérieur السوماستر 1
الاطراف السفلية
les membres inférieurs في السوماستر الثاني.

⚠️دوكا السؤال المطروح: ⁉️

كيفاه واش تقراو فيه بالضبط و واش هو الترتيب؟ 🤔🤔

الجواب هو: ✅

✏️الاناتومي تتقرا وفق 5 مجالات او خلينا نقولوا وحدات بصح قبلها كاين حاجة مهمة جدا جدا الي هي العموميات في الاناتومي الي تتعرفوا فيها على لغة الاناتومي و منها تقدروا تنطلقوا

دوكا واش هوما هاذو الوحدات ⁉️

1- OSTEOLOGIE:

🦴و الي هي علم العظام تقراو فيها العظام المكون للطرف سواء العلوي او السفلي تتعرفوا على اسمه و موقعه و كيف يكون شكله و ما الى ذلك

2- ARTHROLOGUE:

🦾علم المفاصل والي هو تتمة للوحدة السابقة تعرفوا فيه كيفاه كل عظمة متصلة بالاخرى و انواعها مثلا التمفصل الي في المرفق le coude 💪

3- MYOLOGIE:

علم العضلات الي تقراو فيه العضلات وين يبداو وين يكموا و واش اسمواتهم و وظيفتهم 🦵💪

4- VASCULARISATION:

🫁تقراو فيها الشرايين🫀 و الاوردة و الاوعية اللمفاوية وين يفوتوا و كي سموهم و واش يغذوا..

5- INNERVATION:

🧠تشبه للوحدة السابقة برك هنا تقراو الاعصاب و نفس الشئ وين يفوتوا و اسمواتهم....

⚠️نصائح مهمة:⚠️


🎐الاناتومي ترتكز بالدرجة الاولى على الاوستيولوجي بمعنى اذا قبضت العظام مليح تقدر تقرا بقية الصوالح لخرين. 👌

✏️الاناتومي تعتمد على الرسم 📝و الصور بدرجة كبيرة جدا لان مهما سييت تحفظها الي ماشفتش الصور و استوعبت الشكل مراحش تقدر تحفظ مليح ❌️لذلك من الاحسن تطلعوا التطبيقات كيما اطلس و لا anatomie learning و تقراو بيهم و ارسموا وحدكم حتى و رسمكم خايس 😅 عادي مهم حاولوا و مستقبلا ان شاء الله راح نرسللكم ملخصات الي اعتمدت عليهم و الي كتبتهم انا.

🎐و اخيرا و ليس آخرا نصيحة اضافية من عندي ان الكور اللول تقراوه من الكور نتاع البروف طيبي (بوليكوب وهران و لا تيارت بروموا 2023 )

اي سؤال اطرحوه عادي و اذا خصكم مصادر و كيفاه تقراو قولولي💯💯.

#che_rry

https://t.me/studentsofmed

🍃السلام عليكم مجددا 🍃

اليوم راح نهدروا على الموديل الي مهوش محبوب الجماهير اطلاقا 😅

البيوشيمي ✨

مهم البيوشيمي موديل نقدروا نقول صاعب شويا لان فيه تفاصيل بزاااف و يسحق حفيظ و لازم تكوشوه شحال من مرة بصح تقدروا تخدموا فيه عادي اذا قريتوه بشكل صحيح.


دوكا السؤال المطروح: ⁉️

واش تقراو فيه؟ وواش من وحدات فيه🤔

و الجواب هو: ✅

🎐البيوشيمي فيها 03 وحدات تقراو زوج منهم في السوماستر الاول الي هوما les glucides و les lipides و في السوماستر الزاوج تقرا les protéines.

🎐بالنسبة لطريقة القراية فيكون انكم تقراو البنية stucture نتاع الوحدة الاساسية مثلا في الغلوسيدات غادي تبداو ببنية السكريات في البروتينات تبداو ببنية الاحماض الآمينة
مبعد تقراو الخصائص نتاوعهم و كيفاه يتشكلوا.....

🎐و الحاجة الزاوجة الي تركزوا عليها هي métabolisme الي هو بالعربية الايض ( اي عملية هدم او بناء) مثلا ميتابوليزم نتاع غليكوجين.

ملاحظة مهمة:

بالنسبة للمصادر تقدروا تقراو من اليوتيوب من عند سارة و لا آية aya academy و كاين ثاني dental spece بصح لازم تبعوا الكور نتاعكم لان كاين مراحل و لا معلومات يكون فيهم شويا اختلاف و من الاحسن تكتبوا و تلخصوا وحدكم.

و اخيرا اي سؤال او استفسار سقسوا عادي.

#che_rry

https://t.me/studentsofmed

حاليا غادي ندير تعديلات في الكانال و نعاود نظمها كي يوجد كلشئ راح نرجع نطلع فيها من جديد و شكرا 🩵

Bah oui,c'est la vérité 🙄🙄

Bonne nuit les collègues
#Cĥai_Maa

https://t.me/studentsofmed

Salut les collègues 🫀

#Cĥai_Maa

La moelle épinière 😶‍🌫️

Un peu d'enthousiasme 🎐
Partagez-le avec vos collègues.
✏️
#Cĥai_Maa

https://t.me/studentsofmed

مساء العنبر يا أحلى فولورز 🌚✨
(followers نتوما تحسبوني قتلكمflowers 🗿)

مهم تنبيه 🫡❗

_قررنا نبدلوا اسم الكانال و الفوطو نتاعها لاسباب مناخية و جغرافية عديدة ( عنداك برك الاسم جاهم طويل و الفوطو مظلمة و كئيبة 🥲)

سو اليكم الاقتراحات التالية و خيروا على حسابهم و شكرا 🌷

#che_rry

منا لغدوة ان شاء الله نعلن الفائز الي عجبه اسم يجيب الي يدعمه في الفوط باه نديروه و بعد ما نخيرو الاسم ننتاقلوا للفوطو 🙃🌚

و الآااااااااان مع الجائزة الكبرى



الفائز بالاسم هو: ❗❗❗❗❗

Atlas students ✨

مبعد نديروا فوط على الفوطو (فوطوا متشوفوش و تفوتوا 🗿)

🫀Donc ,Pour les nouveaux membres de la chaîne, bienvenue. 🤝🏻🥰

🫀Sinon بالنسبة لشرح لي موديل راه فال pin
وغادي تكمللكم الادمن cherry الباقي من غدوة ان شاء الله وتنتقل لمصادر وطريقة دراسة

🫀Alors , Partagez la chaîne avec vos collègues 💯👌🏻

Et جمعة مباركة🍃🥰

#Cĥai_Maa

هالااااااااو قايز عدت مجددا 🌚✨

مهم تنبيه رقم مليون 🫡❗

_ حان وقت اختيار الفوطو راح نرسللكم مجموعة مرقمة و انتوما اختاروا و من فضلكم بلييييييز فوطوا 😔❤️‍🩹

و شكرا على 100 subscribers 🎂🎉🌷

#che_rry

01

02

03

كما نعلم جميعا ان الفوط يكون غير صالح اذا ملحقش لنصف عدد الاشخاص ( تفكرت لاغراف فجأة 🥲😂) سو راح نبدل الفوطو بما يعجبني انا

(ديكتاتورية ) ❗❗ yes I am 🌚