Let'sssss talk ✨

اهم و اعظم غلطة في التاريخ متبداوش في الوقت باه نفهمكم سيستام اونيتار متصلحش معاهم ليلة الرعد اسبوع الرعد و في الشك
الحاجة الي نوصيكم عليها ابداو بالاناتومي مع الايسطو و كي تبداو فيزيو روكوشوهم هوما زوج
بيوفيزيك اذا اسيستيتو عند شاقور السلامة عليكم من ثما متعاودوش تشوفوها حتى ليلة الاكزامان عادي جدا
روكوشو الكوسيام يعني من اول مرة طلو عليهم باه تعرفو على واش تركزو كثر و عاودوهم انا كنت نحلهم زوج خطرات باه منكذبش عليكم 🙂

روكوشو بزاف اقل حاجة مرتين اسيستو و لا اقراو الكور اول مرة طلو عليه اعرفو على واش يحكي و الكوش الزاوجة فصلو فيه سقسو ال ai اسمعو ليفوكو نتاع كاش واحد و لا تفرجو يوتيوب مهم الكور ديشيفروه غاية الغاية و اذا تبغو تلخصو لخصو و حلو الكوسيام في هذ المرة
المرة الاخيرة احفظو و عاودو الكوسيام باه تترسخلكم
بالنسبة للحفيظ كاين الي شفتهم الله يبارك دماغهم يشد بصح كيما انا لا متساعدنيش كنت قبل منرقد نقبض شويا ليكور زوج و لا ثلاثة نطل عليهم و باينة كنت دايرة جدول باه نعرف كل كور شحال عاودته من مرة و شحال قريته و واش راني مايليمينيا 🙃

يوتيوب استخدمته في الفيزيو بزاف لان مكنتش نفهم عند ليبروف و ليكور كارثة و صايي سما كنت ندي فكرة من اليوتيوب
كارديو تفرجت عند مزعاش و مع الوقت وليت نتفرج عند نينجا نيرد الي انصح و بشدة تتفرجو عنده و كنت نتفرج بالاونجلي برسك هي الي نفهمها غاية مقارنة مع الفرونسي و ديجاستيف تفرجت عند واحد زوج سموهم dr matt and de mike

ثاني خطرات كي يكون عندي الوقت كنت نتفرج من عند اوليفر تروست اناتومي و ننصحكم بكتاب gray's anatomie و كتاب netter atlas students برسك فيهم تصاور الله يبارك تفهمو منهم غاية

قاعدة خدمت بيها قاع العام متروحيش بلا اي كور و لوكان نتفرجه من اليوتيوب برك و لا نطل على الكوسيام برك الحالتين الوحيدتين الي نقصت فيهم ليكور برسك مرضت هوما ايمينو و اوندو

انا منشريش ليكور منكذبش عليك برسك نخدم بالطابلات و الحاجة الزاوجة نكتب بيدي ملخصات باه نحفظ
بالنسبة للكوسيام انا سييتهم قاع و الي صح نسختهم كانت بزاف شابة سيرتو في ليموديل و النورو هوما elite

حسيت روحي درتلهم اعلان باطل 😂

ليكور الي يعجبكم و تفهموه اقراو بيه انا كل مرة بواش قريت شاهي لازم لازم تشوفو نتاع تيارت باه ميروحلكم والو و باذن الله راح نسيي نحللكم كانال نديرلكم فيها ليفوكو نتاع ليكور الي يجوكم صعاب 🙃

شوفو هاذي تجربتي الشخصية مع ليبروف مشي شرط تكون صحيحة
اللولة انا ننعس و عندي فرط حركة سما قليل وين نأسيستي بصح كاين ليبروف الي صح صح من الاحسن متضيعوهمش اناتو عند سعيدي و نافعي زيناي شويا شويا
ايسطو بوعبد الله و ميصالة سيرتو ميصالة برسك اومبريو بزاف صاعبة تفهموها
فيزيو و لا واحد عجبني 😂
و بيوفيزيك شاقوري اسيستو و اسكتو برسك فري تخرجو قابضين الكور

سؤال خارج القراية ✨
تقدري فولونتار تديريه وقت ما حبيتي و وين ما حبيتي جوست تدي طلب خطي شهادة مدرسية و فوطو كوبي نتاع لاكارت و صورة و تروحي عادي تطلبي تدخلي (ممكن تحتاجي تدخل عرف على حساب البلاصة)

علمي علمك رانا نكتاشفو مع بعض 😂
الي علبالي بيها سيميو عليها 10 نقاطي سما هي الصح
و مدابينا اذا كاين كاش واحد كاتريام حاب يطلع ادمن يرسلي 🙃

كاين اسئلة وخداخرين بصح مكررين ان شاء الله نكون جاوبت على كلشئ و اذا تحتاجو حاجة خلاف قوقولي
و اسك نديرلكم قروب سبيسيال للقراية نتاع دوزيام؟ باه نحطلكم الملخصات و مام قدر نولي نشرحلكم ليكور؟

دوزيام نديرو ميت اليوم في الليل؟

رانا نلعبو هنا خاوتي 🙂🤡

To join the meeting on Google Meet, click this link:
https://meet.google.com/vhf-kiri-wxp

Or open Meet and enter this code: vhf-kiri-wxp

كملنا الميت ان شاء الله تكونوا استفدتو و المصادر مع الكتب حنحطهم لكم باذن الله في اقرب وقت 😊🌷

اهليييين يا حلوين 🤭🌷
للجماعة الي ما حضرتش الميت هذا هو الملخص 🙃
👈🏻بروغرام العام فيه 5 اونيتي و بالنسبة ليا شخصيا كارديو و ايرينار هوما اسهل اونيتيز و تقدرو تبلعو فيهم غاية
ديجاستيف ساهلة بصح طويلة و فيها بزاف ليكور كون تحطو راسكم معاها تبلعو فيها غاية
لخرين شويا صاعبين و يسحقو مجهود
👈🏻بالنسبة للنقطة الثانية نتاع التيبي هو عبارة عن انكم تحفظو السيبور الي مدوه لكم و من الاحسن تحلوه هو اللول في الاكزامان
👈🏻عدد الكوسيام يختلف حسب الاونيتي بصح في الغالب يكونو 60 كوسيام شاهي يبريسوكم بزاف بالوقت
👈🏻اسك تأسيستو دايمن لا مشي شرط ليبروف الي ملاح احضروا عندهم لخرين عادي تقدرو تقراو وحدكم احسن ليبروف الي حضرتهم عندهم انا شخصيا ( ميصالة بوعبد الله نافعي سعيدي شاقوري +بروف نتاع بيوشيمي ديجاستيف)

بالنسبة لطريقة الدراسة ✨
👈🏻عندكم الكوش اللولة تفهمو الكور غاية الغاية و ما يهمش واش من بوليكوب تقراو بيه مهم تكونو طليتو على نتاع ولايتكم و تشرحو قاع النقاط الي في الكور
👈🏻الكوش الزاوجة حلو كوسيام خفاف باه تعرفو واش من نقاط تركزو عليهم و كيفاش تلخصو (تقدرو تلخصو ارواحكم كيما تلخصو بال ai) و اهم حاجة الملخصات برسك هوما الي تطلو عليهم قلل ما ترقدو (و ريفيزو دايم في الليل) و هوما الي يعاونوكم ليلة الاكزامان برسك عندكم 4 موديل مش واحد برك
👈🏻الكوش التالية ليلة الاكزامان و تعاودو الكوسيام
✨بالنسبة للكوسيام اشرو الي بالكومونتار باه تقدرو تراجعو بيهم و تبحثو منهم و تفهمو
✨الترتيب الاحسن للقراية هو اناتو مع ايسطو اللوالة بعدها فيزيو و بيوشيمي
✨بيوفيزيك اذا حضرتو عند بروف شاقوري عادي تقدرو حتى ليلة الاكزامان تعاودوها شاهي اكتبو معاه نوتس

اي سؤال آخر حطوه تحت و نجاوبكم عليه باذن الله 😊🌷