بما انو رانا في عطلة صيف وغادي يكون جماعة من دوزيام تدير stage ذي ليام ولا مام جماعة بروميار لي باغيين يعرفو معلومات على stage عام جاي ،غادي نحطلكم NGL نجاوبو فيه على قاع اسئلة 📝❓مام دوزيام لي دارو سطاج من قبل تقدروا تسقسوا تزيدو معلومات🤝.

مش لازم تكون تعرف معلومات من قبل بسك ديجا راه سطاج لول وغادي تتعلم فم اغلب صوالح لي تحتاجهم

تقدر تخير سارفيس كيما Pédiatrie ولا Chirurgie مي استعجالات خير بسك راح تشوف حالات بزاف وين غادي تتعلم les soins كثر

ان شاء الله تبلع وطلع عام

واه مهم وراح تحتاج Les soins لي تعلمتهم

حاول اذا قدرت طبق معاهم واش شفت(مثلا كيفاه تقيس لاطونسو حاول تسيي) مام سقسي كي ما تعرفش حاجة واعرف اسماء ادوية لي استعملوهم وعلاه

عادي بسك اصلا مقريتيش في s2 وصوالح لي تقدر تريفيزيهم تقدر تشوف اناطو ،وبالنسبة لدوزيام راح تقراو بunite (مثلا في cardio تقراو cœur كيفاه يخدم ووظائف نتاعه ..الخ)

هي متحتاجش تتعلم les soins infirmiersبالنسبة لطب أسنان،مي تقدر تروح Epsp تلقا وين تتعلم صوالح نتاع dentaire

تحتاج برك La blouse بصح كاين وقيل وين لازم لاتوني على حساب وين غادي تدير

راح نوم🗿

غادي نحطلكم دي بوست على اهم صوالح لي نتعلموهم في stage والأخطاء لي نتلاقاو بيهم خاصة اول مرة باه نستفادو منهم ونتفادوهم✅مام نحطلكم على بعض أدوية اذا قدرت💊🤝.

بالبراكة على جماعة البيام ربي يتمملهم على خير و عقوبة لجماعة الباك 🌚🍄

مبروك لخويا د شهادة التعليم المتوسط🦋 عاقبة لنجحات اخرى

غادي اولاً نهدرو على Cathéter
كيفاه نركبوها بطريقة صحيحة

1️⃣**Préparation & Psychologie**🧠💉:
أولاً غادي توجد Cathéter
مناسب للمريض،Garrot،قطن ومطهر كيما البتادين أو السيروم الكحول واهم حاجة انك تطمن مريض(خاصة الأطفال) اذا كان متوتر بسك بسبتها الأوعية الدموية تتقلص(Vasoconstriction)سو راح تصعاب عليك مهمة

2️⃣ **Le Choix de la Vein**🔍:
غادي تزير Garrotفوق البلاصة بعدها تحوس بصباعك(Palpation)على عرق يكون باين و مستقيم (Droit)وبعيد على المفصل (Le pli) باه المريض كي يحرك يدو ما يتبلوكاش السيروم.
غادي طهر بلاصة مليح.. ومتمسهاش كامل 🚫🦴.
3️⃣ **Pénétration**:
تدخل الإبرة بزاوية 15 إلى 30 درجة(على حساب عمق العرق)،ويكون ثقب الإبرة(Le biseau) يشوف للفوق⬆️.
4️⃣ Le reflux sanguin🩸:
غير تشوف الدم رجع في الغرفة الشفافة (La chambre de reflux)غادي تحبس ✅
وتهبط الزاوية ترجعها قريبة للجلد، وتدفع الأنبوب البلاستيكي (Le cathéter en plastique) لداخل برفق وفي نفس وقت تخرج الإبرة الحديدية (Le mandrin) شوية للوراء.
5️⃣ Libérer le garrot:
تنحي الـGarrot قبل ما تنحي الإبرة كامل، وغادي تضغط فوق vein مليح (Tu clamps la veine)باش ما يسيلش الدم، بعدا تركب البوشون وتثبت Cathéter تاعك مليح🔒✨

غادي نهدرلكم بعدا على الأخطاء لي نتلقاو بيهم باه منغلطوش وتجنبوهم ونستفادو منهم،تصبحون على خير

على طريحة من الأرجنتين🗿

بصح الشعب عنده لينارجي على 2:00 نتاع الصباج الله يبارك 🗿