الاحد مهرجان بالمسرح قبل المسيره...

طلاب 🔴
بالنسبة للمسيرة لحد الان ماكو تفرغ رسمي من القسم
لذلك يجب على الممثلين بالتنسيق مع طلابهم + استاذ المادة
ياجلون المحاظرة الثانية الي بالعادة تكون (من ١٠ ونص ل ١٢ ونص )
فتتعوض بيوم اخر او تتاجل لنهاية الدوام بعد المسيرة
في حالة وافق استاذ المادة "هاي بالنسبة للصباحي"

طلاب المسائي ميتأثرون بالمسيرة مجرد يتأخر دوامهم فقط الاحد لل 1 او 1 ونص المحاضرة الاولى تبدي ويكملون طبيعي باقي المحاظرات


لحد الان هذا ما يخص المسيرة والمشكلة احنة مرتبطين بباقي الاقسام لان هية مسيرة موحدة للجامعة

عموما♦️
المسيرة ثابتة كل احد للي يريد يروح ومحد يكدر يمنع طالب من ممارسة حقه بالتظاهر والاعتصام

وعل غياب لتقلقون ف الاضراب حق قانوني ومتتحاسبون عل غياب بس هسة مشكلتنة بالمادة الي ممكن فوت طالب المسيرة

لازم تنسيق يصير بين ممثل كل فرع وطلابه واستاذ المادة بالنسبة للصباحي علمود التأجيل او التعويض من عدمه
وممثل المسائي علموم تاخير موعد اول محاضرة

لحد ما إن شاء الله نتوصل مع بقية الاقسام طلاباً ورئاسات لقرار موحد

نتائج قرعة بطولة الجامعة لكرة القدم + شروط البطولة
حيث ستبدأ البطولة "٢٠٢٠/٣/١"

وهذه مواعيد مباريات دور المجموعات ل قسمنا علوم الحاسبات (المجموعة الاولى)
👇🏻

1_ علوم الحاسوب vs هندسة الانتاج والمعادن ٢٠٢٠/٣/٢ الساعة 9:30 صباحاً


2_علوم الحاسوب vs هندسة العمارة
٢٠٢٠/٣/٤ الساعة 11:30 صباحاً

3_علوم الحاسوب vs العلوم التطبيقية
٢٠٢٠/٣/٩ الساعة 10:30 صباحاً

السلام عليكم طلاب

بعد اجتماع ممثل القسم مع رئاسة القسم وتقديم طلب وتواقيع تخفيض اقساط المسائي
لم نستلم جواب نهائي في هذا الخصوص وابلغونا ان هذا الامر من صلاحيات الوزارة وقد يتأخر رد الوزارة


ننصح الطلبة اذا كانوا فعلا راغبين بتخفيض اقساطهم بعدم دفع القسط حاليا حتى اشعار اخر وحتى نتوصل لقرار موحد لجميع طلبة المسائي يصب في مصلحتنا جميعا

طلاب محتاجين حارس مرمى بفريق قسمنة للبطولة مال جامعة الي يحب يشارك ويشوف نفسه كدهة يراسلني

@memento11

السلام عليكم
فقد محبسين فضيات وبيهن كريستال في حمامات البنات بقسمنا على من يعثر عليهن مراسلتي او تسليمهن لاستعلامات البناية الرئيسية

@memento11

#هام || وزارة التعليم العالي تُقرر إلغاء الإمتحان التقويمي(الوزاري) لطلبة المرحلة المنتهية للدراسات الأولية وللأقسام العلمية كافة للعام الدراسي الحالي في الجامعات الحكومية والأهلية وذلك بسبب الظروف الراهنة التي تمر بها البلاد .

تم افتتاح شركة ارض اوروك للسفر والسياحه بادارة
@aliarks
ستكون هناك خصوم خاصه لطلاب الجامعة التكنلوجية

طلاب التكنو الابطال

الاحد يوم الطلاب...يوم التحرير...يوم القمصان البيض ....الوطن يحتاجنا بيه وما نعوفه
رجعنة للدوام ميخالف بس منعوف الثورة وحنبقة ندعمهة لحد ما نرجع حق الشهداء ونرد الوطن للوطن

الاحد موعدنا التجمع تحت السقيفة ساعة 10 ثم الانطلاق بالمسيرة الثابتة نحو التحرير إن شاء الله
ننتظركم🇮🇶❤️