حملة ماجينا كل سنة هي لدعم العوائل المتعففة والفقيرة بتوزيع سلات غذائية على هاي العوائل يمشون حالهم بيها خلال رمضان كل سنة نجمع من الطلاب بالجامعات فلوس
اما هل سنة منكدر لان ماكو دوام ف معتمدين على تبرعات الزين كاش والرصيد
الي يحب يتبرع عبر الحسابات او الارقام التي في الصور

سلام عليكم شلونكم طلابنا
يارب كل التوفيق بفترة المراجعة

اليوم عدنا موضوع وقضية مهمة نحب نشارككم بيها لانها تخص التعليم وكل طلاب العراق ...

عدنا خطوة لتطوير التعليم وطرق مساعدة الطلبة وكذلك محاولة تطوير عملنا في
#برنامج_رحلتي_في_السادس

لذا هواي اقترحوا علينا المشاركة في برنامج برلمان شعيب
( برنامج اجتماعي على مستوى الوطن العربي هدفه مناقشة القضايا الي تهم الشعوب ومشاركين بين كل الدول )

طبعا البرنامج تطوعي مبيه اي فائدة إنما يوفر اعلام قوي لإيصال صوتنا بقوة للناس

وعليه شاركنا والان في مرحلة التصويت
المشاركين ٥٥٠ شخص
ويفوز بس ١٢ شخص

لذلك الي يحب يكون صوت بقضيتنا والي يحب يفوز العراق وتتصدر قضية التعليم
ويشوفنا نستحق

ياريت يصوتلنا في البرنامج 😍😍

نريد فزعة طلاب العراق حتى نشوفهم قوتنا ⁦❤️⁩😍

#هام
اي شخص ميعرف يصوت أو يواجه مشكلة يراسلنا ع أحد المعرفات
@Ali_Sup
@Sajjadawd
@Prrouni2
@prr6th

رابط التصويت
وطريقته
👇👇👇👇
https://www.barlamansh3aib.com/candidates/profile/8388/علي-الميالي

شباب بدينة ندخل كلاسات ونسوي كروبات
لازم اوضحلكم حقوقنة الي لازم نطالب بيهة كل تدريسي واي مخالفه نواجهه واذا متجاوب ويانة (وموافق عليهة من قبل رئاسة القسم والجامعة)
نوصلهة لرئاسة القسم وحتة رئاسة الجامعة

1_قبل كلشي نطالب التدريسي يحدد المادة الداخلة والترك بحيث يصير تسبة الداخل لا يزيد عن ٦٥٪؜

2_نطلب منه يعيد شرح كل المواد الغير مشروحه بالصف بعد التقليص طبعا(لان جنة منتفاعل عل كلاسات وهسة بدينة حسب جدول من اول موضوع بالعطلة لازم يعيد)

3_الشرح يكون فيديوي
وبشرط الفيديو يرفع عل يوتيوب

ويكون مجزء لتسهيل التحميل وان لا

يتجاوز مجموع الفيديوهات الساعة او
ساعة وربع

يرفق مع الفيديو pfd متصل بالموضوع كمساعد للتوضيح

4_انشاء كروبات تلي للمناقشة والاستفسار حول المادة وان يحدد وقت لنا للاجابنة عن استفساراتنا (هو وقت نتفق احنة وياه عليه)


5_بنهاية كل موضوع يشرحه يطينة اسئلة بصيغة مرشحات بحيث يجي بالفاينل عل نمطهة او مثلهة لان وقت ماكو ولازم يساعدونة

6_امتحانات ماكو عل نت
فقط نشاط حضور او واجبات منزلية ويطونة وقت عل مدار الاسبوع لغرص تسليمها
وعل اساسهة يتم التقييم

7_يطوكم ال ١٠ درجات الوعدوكم بيهة

8_محاضرات ماكو جمعة وسبت

وتعطى محاضرة واحدة في الاسبوع في نفس يوم الجدول

وضحتلكم ابرز حقوقنة لازم تساندون ممثليكم وتطالبون بيهة اي تدريسي يخالف مو بس الممثلين يحجون

احجوا لازم كلكم تحجون بكل الافرع والمراحل ومتسكتون عل حقكم وحتة لنتبهذل بالمادة والدراسة

لحد يسكت عن حقه

ثانيا الضغط على رابط الاستمارة و بالامكان الوصول المباشر للاستمارة على الرابط https://docs.google.com/forms/u/4/d/e/1FAIpQLSdCB1O2f9evT5-kZ47LcxLfrAkBz4yCpQmHK_Rdkkx6zs-ixw/viewform

السلام عليكم طلاب
السبت اخر موعد لاستلام الايميلات اللي يردون يقدمون بعد ميسوون ترة اتمنى تبلغون الكل بلازحمة"

منقول من ست طيبة مسؤولة الدعوات في الكلاس روم

@SagadSalem وهذا معرف استاذ سجاد مسؤول الايميلات وتفاصيلها

رد المعاون الاداري لرئاسة القسم دكتور بشار
بخصوص العملي
يعني بأختصار قصده العملي (يعطى عل نت) لغرض التقييم

ولكن 🔺غير مطلوب لا امتحان عملي ولا واجب تنفيذ عل حاسبة ولا غيرهة

بس تقارير مشتركة بين الطلاب او واجبات بسيطة لمادو معطاة اثناء الدوام وواضحه وممكنة لغرض التقييم بالتنسيق مع التدريسي نفسه

اي 🔺مخالفة من اي تدريسي ان يفرض عليكم واجب معقد او تنفيذ عملي عل حاسبة غير التقارير البسيطة او واجبات بسيطة وممكنة على ضوء ما شرحه بالصف اثناء الدوام

واجهوه بكلام دكتور بشار وبلغوا مع ممثل فرعكم رئاسة الفرع واذا منحلت بلغوني عن طريق ممثلكم لايصالها لرئاسة القسم

#عاجل رفع حظر التجوال ابتداءاً من يوم الثلاثاء القادم
من الساعة ٦ صباحاً الى الساعة ٧ مساءاً

م/طلب
الى السيد رئيس للقسم المحترم
بواسطة السيد رئيس الفرع المحترم

تحية طيبة

نحن طلبة وممثلين قسم علوم الحاسوب نرجو ايصال صوتنا بخصوص المحملين الذي صدر قرار من رئاسة للجامعة قبل اسبوعين بحرمانهم من درجة السعي ودخولهم لاداء الامتحان النهائي من 100

حيث وصلنا استياء الطلبة المحملين من جميع الافرع والمراحل في القسم من هذا القرار ويرون فيه مجازفة وضرر بهم

ونحن ايضا اطلعنا على اراء محملي باقي الاقسام وايضا هم مستائين ورافضين لهذا القرار

راجين التفضل بإيصال صوتنا ومع بقية رؤساء الاقسام الى رئاسة الجامعة بأسرع وقت لاعادة النظر في هذا القرار وتغييره ليتمكنوا من دخول الامتحانات بسعي يسهل عليهم الوصول للنجاح وكما تعلمون ان المحملين في وضع خطر حالة رسبوا لا سمح الله


مع جزيل الشكر لشخصكم الكريم
للسيد رئيس القسم

طلاب علوم الحاسوب
هذا الطلب الذي تم رفعه لرئاسة قسمنا بعد اخذ آراء طلبتنا المحملين بخصوص القرار الاخير لرئاسة الجامعة والذي قوبل بالرفض منهم
لغرض ايصال صوتنا لرئاسة الجامعة بخصوصهم
وننتظر اجابتهم لتغيير هذا القرار