❇️ Республика юлдарында йөк транспорты хәрәкәте сикләнә

Башҡортостанда яҙғы-йәйге осорҙа төбәк һәм муниципаль-ара әһәмиәттәге юлдарҙа ауыр йөк транспорты хәрәкәте ваҡытлыса сикләнә.

Тейешле ҡарарға хөкүмәт премьер-министры Андрей Назаров ҡул ҡуйған.
Яҙғы осорҙа ваҡытлыса сикләү ағымдағы йылдың 1 апреленән 30-на тиклем 6 тоннанан ашыу ауырлыҡтағы йөк транспорты өсөн ғәмәлдә була. Бынан тыш, 20 майҙан 31 авгусҡа тиклем күп тонналы фураларға һауа температураһы 32 градустан юғары булғанда йөрөү тыйыла. Трассаларҙа үлсәү контроле эшләйәсәк.
Төбәк әһәмиәтендәге юлдар исемлегендә ваҡытлыса йөрөү тыйылған 41 участка, муниципаль-ара әһәмиәттәге юлдар исемлегендә иһә 84 участка бар. Тулы исемлек менән һылтанма буйынса https://npa.bashkortostan.ru/49014/ танышырға мөмкин.

Йома көнө мөбәрәк булһын! Доғаларҙа булайыҡ, дин ҡәрҙәштәр!

- Бисмилләәһир-рахмәәнир-рахиим.
- Әлхәмдүлилләәһи Раббил-гәәләмиин.
-Вәс-саләәтү вәс-сәләәмү гәләә расүүлинә Мүхәммәдин вә гәләә әәлиһи вә әсхабиһи әҗемәгыйн.
- Йә, Раббым!
-Ауырыусыларға - дауа бир, мохтаждарға - яҡшы ризыҡ бир, аҙашҡандарға - тура юл күрһәт, әйлеләргә - ярҙам ит, бәләгә төшкәндәргә - сығыу юлын күрһәт!
- Йә, Раббым!
- Бала-ейәндәргә, киләсәк быуындарға дин тотоу, һиҙайәт бир.
- Өгөт-нәсихәт биреү һәм итәғәттә үҫеп, уларға беҙҙән хәйерлерәк быуын булырға яҙһын!
- Йә, Раббым!
-Ғаилә ҡормағандарға - яҡшы хәләл ефеттәр, балаһы булмағандарға - изге балалар бир.
- Аллааһүммә раббәнәә әҙилә миңзәлә мубарак әңтә э-э-эй хайрул миңзилә.
- Әй, изгелекле, мәрхәмәтле Раббым!
- Ерҙәр ҙә, күктәр ҙә Һинең әмереңде буйһона.
- Бөтә һөйөнөстәр һәм хәсрәттәр Һинең ҡулыңда.
- Теләгән бәндәләреңә һәм теләгән ерҙәргә Һин бәрәкәттәр индерәһең.
- Теләһәң, ул бәрәкәттәрҙе ала ла алаһың.

Хәбәр итеү системаһы тикшерелә

4 мартта бөтә Рәсәй буйынса халыҡты иҫкәртеү системаһы тикшереләсәк.

Өфө ваҡыты буйынса 10:43-тән 10:44-кә тиклем телевидение һәм радиотапшырыуҙар һүндерелә. Граждандар оборонаһын һәм Ғәҙәттән тыш хәл тураһында хәбәр итеү системаһын тикшереү — планлы рәүештә.

Эфирҙы һүндереү ваҡытлыса характерҙа һәм тик тикшереү маҡсаттарына ғына буласаҡ.

Оскар Ситдиҡов: МХО ҡатнашыусыһы статусы "индульгенция" булырға тейеш түгел

Башҡортостан Республикаһы Юғары хәрби комиссариаты ветерандары Ассоциацияһы рәйесе, Батырлыҡ ордены кавалеры Оскар Ситдиҡов ветерандарға һәм төбәк халҡына мөрәжәғәт менән сығыш яһап, махсус хәрби операцияла ҡатнашыусы статусын көнкүреш конфликттарында баҫым яһау сараһы булараҡ файҙаланмаҫҡа саҡырҙы.

Уның һүҙҙәренсә, йәмғиәттә "мин МХО ҡатнашыусыһымын" тигән һүҙбәйләнеш сираттарҙа, бәхәстәрҙә һәм хатта ваҡиғалар йыйылмаларында яңғыраған осраҡтар йышайған. Оскар Ситдиков билдәләүенсә, ветерандарҙың хоҡуҡтарын боҙоуҙар тикшереүҙе талап итә. Бының менән профилле структуралар, шул иҫәптән Ассоциация, юридик хеҙмәттәр һәм күҙәтеү органдары шөғөлләнә.

Беҙ МХО биләмәһенә сираттарҙа тупаҫ итеп ҡыланыу йәки ниндәйҙер юғары хоҡуҡҡа эйә булыу өсөн, беҙгә ҡағиҙәләрҙән тыш урын биреүҙе талап итеү өсөн түгел, ә Тыуған илебеҙҙе яҡларға барҙыҡ, мөрәжәғәттә әйтелә.

Фото - "Башинформ" агентлығы.

Башҡортостанда “Ракета хәүефе” режимы иғлан ителде
Һаҡ булығыҙ, тип хәбәр итте 27 февралдә көндөҙ Башҡортостандың Ғәҙәттән тыш хәлдәр буйынса дәүләт комитетырәйесе Кирилл Первов. Ракета хәүефе янаған осраҡта граждандарҙың эш итеү тәртибе БПЛА һөжүме янағандағы кеүек булырға тейеш. Быға
тиклем шундай уҡ режим Һарытау, Һамар, Ырымбур һәм Пенза өлкәләре, Удмуртия, Пермь крайы территорияһында индерелгән. Пенза, Һарытау, Һамар һәм Ҡазан аэропорттарында ваҡытлыса сикләүҙәр индерелде.

Пилотһыҙ системаларҙың яңы ғәскәрҙәренә тиҙ ҡарарҙар ҡабул итә белгән, үткер, аҡыллы кешеләр теләп килә. Йәш кешеләр өсөн перспективалы эш менән шөғөлләнеү - ҙур хыялдарҙы тормошҡа ашырыу мөмкинлеге ул .

8 (927) 310-39-33; 8 (987) 601-46-30; 8 (927) 310-39-33; 8 (993) 058-09-14; 8 (917) 451-68-79 телефон һандары буйынса шылтырат.

Шулай уҡ контракт буйынса хеҙмәт итеү тураһында тулыраҡ мәғлүмәтте Стәрлетамаҡ ҡалаһының хәрби комиссариатында (Хоҙайбирҙин урамы, 118, каб. 19) алырға мөмкин.

Дуҫтар! Яңыраҡ "Ашҡаҙар" гәзитенең 35 йыллыҡ юбилейына арналған ҙур тамаша үтте. Ошо саранан репортажды һәм ғөмүмән гәзитебеҙ тураһында махсус тапшырыуҙы БСТ каналы әҙерләп күрһәтте.