🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 182 ...

📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }

📖🖌 @storykaligi 🔮🍃


شد على قبضة يده و بصوت حاد افزعها : امشي قدامي ، والله ماخذك مره ثانيه وهذاني حلفت زين من حطك في حوش والا انتي وجه اخذك معي بكل مكان
ابتسمت الماس براحه : سوي اللي تبيه بعد اليوم ، انت حُر طليق بعد ماذلفت هالغثيثه
ابتسم من سمع كلامها : الماس
ناظرته الماس اللي مشت ، عبدالرحمن : تغارين؟
ارتبكت الماس وتسارعت انفاسها من كلمته اللي الجمتها ووعتها فعلاً هي تغار من إيلين و بقوّه فركت ايدينها ببعض وبتوتر : مافهمت .
قرب لها عبدالرحمن وماعاد يفصل بينهم شي : تغارين علي من إيلين والا يتهيا لي
نفت راسها وقالت ببحه وصوت مخطوف : لاغلطان
بعد عنها ودخل يدينه بجيوبه : دامك ماتغارين ، ليش تمنعيني من شوفتها دايم، وماتحبين تشوفينا مع بعض ليه تتضايقين ؟
بلعت ريقها بتوتر فضيع صدت بنظراتها وكل مافيها يرجف
عبدالرحمن : إيلين ماعرفتها الا فتره قليله وحبيتها انسانه راقيه وفاهمه ، ولو قلتي لامي بتفهم الموضوع بطريقه خطأ ف اتمنى من كل قلبي انك ماتجيبين سيرة إيلين بالشينه عند امي ولا حتى تدري عنها تمام ؟
الماس تمنت تموت ولا تنحط بهالموقف والشعُور و برجفه : انت تحبها ؟
سكت عبدالرحمن تفاجى من عيُونها اللي تغورقت بالدموع اكثر من تفاجئه بسؤالها الغريب ، ولا فكر ان مُمكن الماس تبادره بالحب اللي انزرع في قلبه لها
نزلت عيونها تقاوم دموعها وتشجع نفسها من داخل انها ماتضعف ، عبدالرحمن تحرر من سكوته وقال :
امشي تأخرنا مره على امي و اثير
مشى قبلها بخطوات سريعه ، مسحت دمعتها بسرعه ومشت وراه وهي تجر خيباتها واليأس والحرقه اللي احتلت كل طرف بقلبها
وقفت عبدالرحمن بائعة ورد ، مااهتمت الماس وكملت طريقها للسيّاره و تفكيرها بحُب عبدالرحمن لايلين ، وهي ماكان يحبها والا إيلين غيرت هالحُب المهزوز اللي كان من طرفه فقط ؟
اخذ عبدالرحمن باقة ورد وشوكلت وركب السياره ومشى بسرعه للبيت
.
.
الساعه 10:30م ، :
نظراتها وردودها كانت بارده بشكل استفز وليد مره
كل ماحاول يفتح معاها موضوع تقفله على طول بكلامها المُختصر ، كلمه ورد غطاها
اخذ من هنوف بيالة الشاهي وجلس جنب ميس اللي ارتبكت من قربه منها ، وليد بهمس : لمتى ؟
ناظرته ميس بطرف عينها و بنفس النبره : ياليت توضح
وليد : اقصد لمتى هالحركات والجفا والصد مامليتي ماحن قلبك علي ولا اشتقتي ليّ
ناظرته ميس بنظره ماقدر يفسرها ،غامضه مو مفهومه ، لغز بالنسبه له
جاهدت نفسها ماترمي نفسها بحضنه وتفرغ كل الاه اللي بداخلها ، بس كبرياءها ماسمح لها هو اللي بدأ بالصد يتحمل نتايج افعاله : انت اللي جبت لنفسك كل هذا ، والا انا شسويت ؟
حاوط خصرها بعد مانزل بيالة الشاهي وقربها له وهمس باذنها : سويتي اشياء كثيره وضحيتي باشياء كثيره وانا هنا عشان اعوضك
ابتسمت ميس بحزن رغم ان كلامه أسعدها بس باقي فيها ذرة حزن والم و حرقه مُستحيل تنطفيّ: عقب شنو ، جبت لي شهد عشان تحرق قلبي وتقول بعوضك ؟
أرخت نفسها شوي وقالت : فاتك القطار للاسف .
باس خدها و بمكر : مافاتنا شي والعمر باقي ، بس افتحي لي قلبك واتركي الكبرياء اللي ودانا بستين داهيه و اوعدك اعوضك عن كل شي مسك بسوء
رجف كل عرق فيها و بصوت هز كيانه : بعد ماهجرتني جاي تعوضني انا مو لعبه عندك ياوليد
وليد : تركتيني ثلاث سنين ، ورجعتي وفتحت لك بابي و حضني ولا طلبت منك تفسيّر قلت هي رجعت لي بالنسبه لي الحياه كلها ، عشان ثلاث شهور بعدت فيها عنك تعاتبيني على شي مو بيدي ؟
ميس بحزن لمع بعيُونها وبغصه : هالثلاث شهور ، ماكانت هينه على قلبي لو تكرمت وطمنت قلبي برساله كنت بعذرك بس انتي حتى وداع ماودعتني
بعدت يده بهدوء وقامت مبتعده عنه ماتبي تضعف و قدام الكل شكلها بيكون غلط مره .
.

دخلت غرفتها بعد ماتعشت مع خوله وأثير ، شد انتباها بوكيه الورد و الشوكلت اللي على سريرها تقدمت بهدوء وفتحت الورقه اللي بالورد
[ جيتنّي مثل الشروق اللي محى عتم الليالي ]
ابتسامه نمت على شفايفها لما قرأت اسمه رفرف قلبها من الفرحه و قوة المشاعر اللي حستها بس مافهمت حركاته و كلامه بالمطار شتفسيّره ؟
غمضت عيونها تدعي بداخلها ان يكون اللي ببالها صح
انفتح الباب ، وفزت الماس من مكانها بخوف رفعت عيُونها بسرعه و شافت اثير واقفه تناظرها بشك : ماتعرفين تطقين الباب خرعتيني !
مشت بخطوات سريعه وسحبت منها الورقه تقرأها
شدت على يدها بتوتر و بعصبيه : اثير لاتتلقفين
اثير بنظره حاده : شمعنى هالكلام ، طلعاتك معاه ماكانت عاجبتني بس توصل رسايل غرام وورد ومابينكم شي ماتخافين من الله ؟
سكتت الماس لانها تعرف لو تكلمت من الحين لبكره الصبح مُستحيل تغير تفكير اثير ، مع ان اللي تفكر فيه خطأ لان ماصار بينهم شي الا هالورد ..


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 183 ...

📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }

📖🖌 @storykaligi 🔮🍃


حطت يدها على خصرها اثير و بعصبيه : شسوي فيك فهميني ؟
الماس ببرود رفعت فراشها و دخلت فيه : اطلعي برا وسكري الباب وراك هذا اللي ابيك تسوينه لي
ارتفع ضغط اثير وزادت عصبيتها ، رفعت ايدها الماس وقالت : لو سمحتي مو ناقصه وجع راس اللي فيني مكفيني ، مابينا شي ولا جزء من اللي ببالك زعلنيّ اليوم بحركه خايسه و جاء يتأسف مني بس بطريقه مو مباشره وصلت لك المعلومه ؟
اثير : بسوي نفسي صدقت كلامك و اقتنعت ، بس والله لو طلع شي من اللي ببالي ماراح تشوفين خير مني.
دفنت وجهها بالمخده متجاهلتها ، طلعت اثير وهي تندب حظها الماس صح كانت عنيده وتسوي اللي براسها وحركاتها طايشه بس ماعمرها تطرقت تكلم او تحب ، ماتبي اختها تجرب هالشعُور وتحط ثقتها برجل مااخذها زوجه له ولاشي يجمع بينهم بالحلال
.
.
بعد اربع ايـام :
نزلوا من الطياره و هم شابكين ايدينهم ببعض
خالد نزل نظره لايدينهم وقال : الله يالدنيا ، كنت اسافر واجي ومحد معيّ امسك ايده ويدلعني من اليوم ورايح انتي معاي بكل سفراتي
ساره بشوق ولهفه على سيرين : مشتاقه لماما حيل ، عادي نروح لها أول ؟
لبس خالد نظارته وبنبره رجوليه :
‏تدلّلي يا أزهى،مِن الورد وأجمله مشينا حتى انا اشتقت لها .
ساره ضمت يدينه وقالت بهمس :
لو المكان يسمح بستك بس للاسف مايسمح
نزل نظارته على خشمه وغمز لها: في مكان في بيتي يسمح
رجع نظارته ومشى وساره نقطه وتموت من الحيا ضحك خالد لما حس بيدها تبتعد عن يده

—
بيت ابو وليد :
سارح فيهااا متناسيّ وجود امه وخواته اللي يخزونه
كانت بكامل اناقتها ،
كانت تاكل بتوتر من نظرات وليد اللي مانزلت عنها وبقلبها : اول مره يشوفني كذا ، شوي وياكلني اوف
رفعت نظرها بربكه من نظرات الكل خزته تبيه يبعد عيُونه عنها ، ابتسم بداخله من شاف نظراتها ووجهها المحمر من الخجل و الربكه زادت نظراته عليها ، تنحنحت سما وقالت :
الا صدق شهود متى بترجعين لشرقيه ؟
شهد : والله مدري ، على حسب مزاجي الجو هنا لايُعلى عليه
هنوف : اي والله شلك تروحين هناك ماعندك احد بعد تسلي هنا على الاقل في ناس تعرفينهم
ضحكت شهد : شدعوه مو مقطوعه من شجره هناك، عندي صاحبات
وليد ناظر شهد: صاحبات ! قصدك الشرقيه كلها
ضحكت شهد ، سما : ليه ؟
وليد : لا ابد كل يوم تطلع مع وحده صحباتها ماينعدون
توسعت عيُون شهد : قول ماشاءالله بسرعه قول ماشاءالله
ضحك وليد : ماشاءالله ماشاءالله ، عساهم يكثرون ان شاءالله وكود وحده منهم تخطبك لاخوها ونفرح فيك
كشرت شهد : شبي بالغثا تكفى؟
خلني كذا مرتاحه و مستانسه بحياتي .
ميس تسمع كلامهم وهي تطبخ على نار هاديه ، طول الفتره اللي تركهم فيها كان عند شهد وببيتها وهو اكثر انسان يعرف ان طاري هالانسانه بس يضايقها تنهدت وصدت عنهم تكمل اكلها
هنوف بجديه :شهد جد شتسوين هناك، ليش ماتجين تعيشين معانا البيت كبير ويكفيناا
ابتسمت سما : و بعدين اذا ماشالك المكان ،تشيلك العين
رفعت نظرها ميس باستغراب من سما ومنطوقها و ذرابتها قدام شهد ، يعني معقوله هي كذا اُسلوبها مع الناس و اُسلوبها معاي غير لانها تكرهني ؟
شهد : والله ماتقصرون ، بس خلاص تعودت على المكان هناك
ام ولـيد : مو عذر ، لاتنسين انك اختهم و المكان مفتوح لك باي وقت
ابتسمت شهد بامتنان و رجعت نظرها لأكلها تكمل ، وبالها مع اللي قدامها ميس اللي مانطقت بحرف واحد من جلست ماجات هنا الا عشان ميس .
[شهد تكون أخت وليد وهنوف وسما من الرضاعه]
انسحبت ميس من بينهم لغرفتها لبست عبايتها و اخذت اغراضها و نزلت ، جتها رساله من سـاره
وابتسمت بفرح من درت ان ساره هنا :ياربي واخيراً
رفعت عيونها وانفجعت بوليد ولا ارادي قفلت الجوال ، وليد وعيُونه على جوالها :وين رايحه بدون حتى ماتشاوريني ؟
ميس : بروح لسيرين ، متعوده اروح لها هالوقت عشان كذا ماكلمتك
وليد : ليش تروحين لها كل يوم ، وبعدين مين يكلمك ؟
ارتفع ضغط ميس مليون من اسئلته : لان ماعندها احد بنتها مسافره ، ثاني شي اكلم اللي اكلمها شدخلك انت روح عند شهد استرجعوا أيامكم اللي فاتت
عارف انها غيرانه من قربه وقوة علاقته بشهد ، لانها بالاخير اخته ولا يقدر يفارقها ويقطعها عشان مشكله مع ميس و السبب الثاني ان ميس ماتعرف شهد احق المعرفه لانها لو تعرفها ماراح تشيل بقلبها عليها كانت زله وندمت عليها ، بس هالزله اللي طلعت من شهد محفوره بقلب ميس حفر : بلغي سيرين انك ماراح تجينها اليوم ، بطلع معاك
ميس ببرود : بس انا ماابي اطلع معاك، ماتلاحظ احاول أتجنب المكان اللي انت فيه وتبيني اطلع معاك؟
وليد بصبّر : ميس مامليتي من هالحال عارف انك تحبيني بس تكابرين وعارف اني غلطان وجاي اصحح الغلط ..


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 184 ...

📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }

📖🖌 @storykaligi 🔮🍃


ميس بقهر : مافيه شي يتصلح ، حبنا كان غلطه و انا قررت اتوب وانسحب من هالمحبه
ضمها وليد بقوه ، همس باذنها :
كيف اتوبك وانتي اجمل شي خذيته من هالدنيا ، علميني كيف اتوبك؟
امتلت عيُونها دموعها شدت على شفتها تمنع الرجفه اللي تسربت بجسمها ، وبحرارة جسمها اللي ارتفعت من حست بدفى حضنه و الاحاسيس اللي تجمعت بهاللحظه كانت محتاجه هالحضن و متلهفه عليه شدت على حضنه بدون شعُور حست بشي استفاق يوم ضمها لصدره لأول مره تحس ودها احد يلملم شتاتها ويواسي قلبها ويتأسف لها على هذه الحياه
استأنس انها استجابت معاه : انا اسف على التقصير ، اسف على غلطاتي اسف على اني ماوقفت معاك بوقت ما الكل قلب ضدك انا اسف لاني مااجبرتك من البدايه تكونين عندي وبين يديني كنت متوقع بيطيح اللي براسك اذا بعدتي عني هالسنين ، بس صدقيني ماعمري نسيتك ولا نسيت حبك كانت احسب انك محتاجه وقت تقضينه مع نفسك و صدودك معاي خلتني اتركك على راحتك بس قطعت على نفسي وعد وعهد اني ماتركك لغيري ولو تجور اللياليّ !
ميس بغصه ودمعتها على مشارف النزول : ماني بحاجة كلام يفك صدر الوعود أنا بحاجة .. فعلٍ يسد حلق الكلام
باس راسها : ابشري باللي تتمنينه ، سكت من حس بدمعتها بللت قميصه رفع يده ومسح خدها برقه وبعدها عنه : الا دمعتك لاتنزل ، لانها تلوي يميني وتكسرني انا اسف بس لاشوف دمعتك جـ،
عيُونها تدمع لا ارادي ، الخيبات خرجت عنوه
.
.
بيت سيرين :
حاضنه سيرين بقوه ، ضحكت سيرين :
كتمتيني ، كل هذا شوق لي
بعدت عنها سـاره وبحُب :افااا ، شرايك يعني مااشتاق لامي ؟
ابتسمت سيرين : لااعرف انك بتشتاقين لي ، بس قلت خالد معها وبينسيها ان عندها ام بالاساس
ضحك خالد باحراج ، سـاره ناظرت خالد وناظرتها : شدعوه ماما انساه ولا أنساك ، وجد اشتقت لك مره
خالد بهمس : اعلمك كيف تنسيني
وبصوت هادي : يالله ساره نمشي
سيرين : وين توكم جايين ، اجلسوا تعشوا
خالد بتعب : والله السفره هدت حيليّ ، وساره مارضت نروح البيت لانها تبي تشوفك نزلت كم دمعه و قلبي راف عليها
سـاره : حتى انت تبي تشوفها لاتحطني عذر ، بعدين متى بكيت يالكذاب ؟
رفع حاجبه خالد ، كتم ضحكته وقال : عيب زوجك
ابتسمت سيرين : تجوني بكره تتغدون ، بسمح لكم الحين بس ماراح اسمح لكم بكره تتآخرون ثانيه عن الغداء
وقف خالد : ابشري.
باست ساره خدها وقالت : تصبحين على خير
سيرين : وانتي من اهل الخير .
.
.
يناظر البيت ، مرتبك كيف ينزل و يكلم نجُود ؟
شيقول لاهلها اذا سالهم عنها تنهد نادر بضيق ، عبدالرحمن وخوله ماحصلهم بالبيت ولا بنات اخوه ومحد يعرف مكانهم اكيد الا نجُود لانها قريبه من ميس واكيد تعرف هي وين بس ينزل يطق الباب شيقول ، ماله وجه اصلاً
شغل سيارته بيمشي ، بعد ماقرر يجيب نجار يفتح له باب البيت لان مُستحيل ينباع البيت الا بتوقيعه وموافقته .
رفع حاجبه باستغراب لما شاف بنت طالعه من بيت خالد تركض ، ولحظات وانفتح باب سيارة نادر
ناظرها بقوه و صدمه : خير مين انتي ؟
رفيف برجاء بعد ماسكرت الباب : الله يخليك امش، قبل لايفقدوني
خاف نادر يدخل مشاكل وهو ماصدق يطلع من السجن : لو سمحتي انزلي لا انزلك بالقوّه !
بكت رفيف بخوف : طلبتك تساعدني نخيتـك بس أبعدني عن هالمكان
ماقدر نادر يردها ،
مثل ماقدر خالد يتركها حرك سيارته بسرعه : وش سالفتك ليه منحاشه شمسويه ؟
ارتبكت رفيف من سؤاله سكتت ماردت عليه ، ضرب نادر الدركسون بعصبيه : اكلمك انا ، مو كافي ماخذك ومدري وش علتك انطقي لا ارجعك للمكان اللي أخذتك منه
بلعت ريقها بخوف وقالت بحزن و اسى : حبيت واحد لمدة ثلاث سنين ، بعدها طلب مني نتلاقى بمكان بحكم انه من يوم ماتعرفنا على بعض ولا مره طلب مني يشوفني او اطلع معاه مكان ، رحت معاه في قهوه وحط بالقهوه حبة مُخدرات
انصدم نادر و توسعت حدقت عيونه : كملي
اخذت نفس تهدي دقات قلبها : صارت لي هالمُخدرات ادمااان .. لو اتاخر مااشمها او اكلها اموت من الالم هدفه كان يخلينيّ ادمن عليهاا واطلبها منه بكثره عشان اربحه وهاذي نهاية قصتي
نادر : و البيت ليش هربتي منه ؟
رفيف ناظرته وعيُونها تلمع بحزن وضيق :سالفه طويله.
نادر بفضول : ابي اسمعها يمكن اقدر اساعدك
ابتسمت رفيف بسخرّيه ، سردت له كل اللي صار معها من صادفت خالد الانسان الطيب اللي مُستحيل تنسى معروفه ووقفته معاها لو تاركها تطلع من بيته كانت هي رايحه في خبر كان ،غطت وجهها وبكت بالم وحسره وبصوت باكي : انا نكره مااستحق ثقة خالد فيني مااستحقها ، حطني في بيته وحياته عشان يحميني وانا بالنهايه اجازيه بافعالي اللي تسود الوجه اللي حتى امي تبرت مني من عرفت فيها ،


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 185 ...

📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }

📖🖌 @storykaligi 🔮🍃


لو عطتني مجال وفرصه اني أتعالج لو طلعتني من هالطريق اللي أتعبني و اشقاني للنور لحياه خاليه من شي اسمه مُخدرات .
كان يسمع لها وقلبه مكسور عليها، كم بنت وكم ولد نفس حالتها والسبب عيال الحرام اللي ينشرون بالارض الفساد والانحراف بدال لا يصلحون الارض وينشرون السلام والسداد .
نادر بحزم بعد ماجمع افكاره وقرر قرار اول مره بحياته يحس انه صائب وفيه خير :بساعدك ، بس انا ابيك تساعديني و تساعدين نفسك اذا صدق تبين تتخلصين من هالادمان ؟
دمعت عين رفيف ، تحس الدنيا مو سايعتها من الضيقه : ما استاهل مساعدة احد ،لان هذا شي فوق طاقتي لان هالمخدرات بالنسبه لي نفس الأكسجين مقدر أتخلى عنها
نادر : لا تقدرين تتخلين عنه اذا اقنعتي نفسك ، ماتبين حياة بدون مُخدرات بدون جرعه من السم اللي يسري بدمك ؟
اومئت له ، ابتسم نادر بحماس :
البدايات دايم صعبه ، عشان كذا إبيك تشدين حيلك معاي ووعد مني اخلصك من اللي انتي فيه وينكتب هالخير اللي سويته ولأول مره بالتاريخ
عقدت حواجبها بعدم فهم لآخر كلامه : شقصدك؟
نادر : مو مهم قصدي ، كثر ما هو مهم عندي انك تقعنين نفسك انك تتركين حياتك بحبة الحشيش ، وتبدين بحياة سليمه مافيها عيوب باذن الله
ابتسمت رفيف من حست ببصيص من الالم ، لو تأخرت يمكن دقيقه وماطلعت من البيت ماراح تصادفه و بتكون بدوامة خوف والـم وضيّاع .
.
.
بعد شهـرين :
ماسكه الورقه ودموعها تنزل ببطئ ، نزلت الورقه ومسكت راسها بالم يقطعها دخـل وانصدم بمنظر ساره : سـاره شفيك ليه تبكين ؟
رفعت عيونها الدامعه وبهمس :مايهون علي افارقك
قرب لها خالد وهو سامع كلمتها ، انقبض قلبه بخوف من شاف الورقه كان بياخذها بس ساره كانت اسرع و خبتها ورا ظهرها : خالد اطلع
خالد عصب : ماراح اطلع لين اشوف الورقه اللي نزلت دموعك
ساره تشاهق : مو من صالحك تشوفها اطلع
حد على اسنانه وبحده : سـاره بتتكلمين والا اخذها غصب عنك
تكلمت بقلةحيله : خالد ، انا .. فيني ورم ببطني
جمدت ملامحه برعب سكت لثواني يستوعب كلامها : ايش،شتقولين انتي ورم مين قالك هالكلام؟
ساره بعبره : الـ.مستشفى
هد نفسه من حس بالدنيا تدور فيه : عطيني الورقه اقراها
سـاره ببكاء : لا هاذي وصيتي
ناظرها خالد بصدمه ، عجز يحدد شعُوره : سـاره حبيبتي انتي قلتي ان المستشفى هم اللي قالوا فيك ورم ، والا انتي مالفه من راسك تكلمي قبل لاافقد اخر ذرة عقل فيني
مسحت دموعها : لا ماقالوا للحين شي بس فحصوني بكره تطلع التحاليل ، بس انا بحثت عن الأعراض اللي تصير لي و طلع هذا ورم !
تحولت ملامحه لتبلد وده ينحرها من القهر وقفت شعر راسه من الخوف ، وبالاخير يطلع هالكلام مو اكيد و بأعراض حست فيها و بحثت عنها : سـاره ، من اليوم ورايح بقطع النت و خليني اشوفك تبحثين عن الأعراض اللي تجيك و توقفين قلبي عليك
مسكت يده من شافته بيروح وبغصه : خالد والله خايفه يكون الكلام صح شسوي بعدها ؟
تنهد خالد وسحبها لحضنه مسح على شعرها وبهدوء : انا معاك ، و ان شاءالله مافيك الا الخير بس الشيطان يوسوس لك
دفنت راسها برقبته و بخفوت بعد ماحست بالنوم يغلبها : التحاليل تطلع الساعه ٩ الصبح
خالد نزل عيونه لها لثواني : طيب ، روحي نامي بالسرير عشان تنامين عدل
ساره : لا ابي انام بحضنك
خالد : من عيُوني ، بس خليني ابدل ملابسي واجيك
كشرت و بعصبيه : خالد خلني انام قلت لك مرتاحه كذا
تنرفز منها وبنفس الوقت مستغرب من حركاتها هالايام : طيب انا مو مرتاح بروح ابدل
ماعطته وجه وشدت على حضنه و دخلت بسبات نوم عميق ، تنهد بياس من فكرة انها تتركه
.
.
بيت ابو ولـيد :
فتحت الرساله اللي تركتها لها شهد من شهرين ماقدرت تفتحها ، خنقتها العبره وهي تقرأ كلامها
شهد هي اللي علمت عمها ابراهيم ان ابوها دخل على زوجته و لو على هذا راضيه ، قالت له انه حاول يعتدي عليها اكثر من مره وانه دايم يشرب وهي ساكته و عاجبها الوضع ، مع انه العكس ميس ولا بعمرها تمنت ابوها يحمل هالصفات السيئه .
الرساله كانت كلها أسف من شهد بس وش ينفع اسفها الحين وين تحطه ؟
كلامها عنها هو اللي جرحهاا و كسرها لانها كانت اقرب لها من الروح ، بس بيوم وليله قلبت ضدها وهدمت حياتها وخربتها وحولتها الي تعاسه و خلتها تتحمل مسؤليه و تشوف اشياء و لا بنت تتحملها تركتها لقسوة الحياه وظلمتها رمت الرساله بالزباله عزكم الله من شافت وليد داخل ومعاه بوكس كبير
قربت منه ميس و بابتسامه واسعه مُنبهره من جمال البوكس : الله لمين هذا،رفعت عيونها له : ليّ
وليد : فيه احد غيرك اهدي له ؟
اخذت منه البوكس ونزلته بالارض بسرعه من ثقله : شجايب انت ؟


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 186 ...

📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }

📖🖌 @storykaligi 🔮🍃


تكتف وليد وببحه : افتحيه وشوفي
ماانتظرته يكمل الا وهي فاتحه البوكس ، شهقت بفرحه واعجاب من شافت العطور و جايب لها جوال اخر موديل ، وساعه رولكس و سلسال
ميس : ولـيد ، احبك .
.
.
اليوم الثاني :
اخذ نتايج التحاليل و الخوف لاعب بكل خليه بجسمه سم بالله و فتح الورقه اتسعت ابتسامته وهو يقرأ النتايج وبهمس مو مدرك الوضع :حامل ، بصير أب ؟
من كثر فرحته بهالخبر نزل على طول يسجد شكر ، بهاللحظه فرحته لو يوزعها على سكان العالم كفتهم وزياده .
.
.
بعد سبع سنوات ، مـرت عليهم بحلوها ومرها :
نجُود كانت تناظر للأطفال اللي قدامها بدهشه : الحين عيال ساره معروفين جوري و عبدالعزيز بس هذول مين ، اشرت على عيال الماس وأثير وميس
لجين : هاذي البعثه وماتسوي
الماس : ماتعرفين عيال صاحبتك يالخاينه؟
نجُود ضحكت : معليش بس ماشاءالله واجد ماعاد افرق
لجين اشرت على مزون و دانه واحمد : هذول عيال الماس واشرت على وتين : وهاذي بنت ميس الحُلوه
ابتسمت وتين ، مزون بحقد : واحنا مو حلوين ؟
ضحكت لجين : لا ياقلبي اكيد حلوين كلكم حلوين بقلبي
خزتها دانه : استغفرالله خبله امشوا نروح نلعب
توسعت عيون لجين : ياقليلة الادب هاذي عمرها ٦ سنين !
الماس ابتسمت : كفو بنتي اجلديهم ، روحوا العبوا لين مايجي بابا ويأخذكم ويفكني من غثاكم يالله بستانس مع صاحبتي اللي ماشفتها من خمس سنين
ابتسمت نجُود وبقلبها : الله يالدنيا كلهم تزوجوا وجابوا عيال الا انتي يانجُود
لجين : ماعلينا اكمل لك ، وهالتؤام الحلوين هادي و ناصر عيال اثير
نجُود : الله يحفظهم شو حلوين !
اثير : كيف حالك نجُود شلون العيشه والدراسه هناك
نجُود : لوسمحتي قولي المهندسه نجُود ، تقديراً لتعبي وكفاحي طول هالسنين
سـاره شعورها بهاللحظه ماقدرت تحدده تجاه نجُود لانها تغيرت كثير ، صارت تكلمها كثير وماتقطعها رغم انها في اخر العالم بس كانت تتواصل دايم معها وكانها تعتذر لها على اللي سببته لها من سنين ، سـاره : حياكم الله على العشاء
قاموا كلهم ومن ضمنهم سيرين ، اللي فرحتها ماتنوصف بوجود عيال سـاره حولها وخصوصاً جوري فرحة امها وابوها الاولى سموها جوري لانهم عارفين ان بخاطر سيرين هالاسم ، كانت تبيه لبنتها بس شاء القدر وصار لبنت بنتها .
.
.
الساعه 12 بالليل :
جاء ماجد بيت ساره عشان ياخذ نجُود اللي فرحته ماتاسعه ولا تاسع قلبه، درست وتعبت على نفسها ورفعت راسه بشهاداتها و ماضيّعت تعبه وفلوسه على الفاضـي.
سـاره ناظرت لنجُود اللي تلبس عبايتها : مو كأنكم رايحين بدري ؟
ضحكت نجُود : وين بدري الساعه صكت ١٢ تبيني انام عندك
ابتسمت ساره : فكره حلوه ماراح اقول لا
نجُود : المره الثانيه ان شاءالله ، ابوي برا ينتظرني
سـاره : من بعد البيت يعني ليش تنادينه؟
نجُود : والله ماقلت له شي ، هو اللي كلمني وقال انا برا اكيد يبيني بموضوع والا ماجا
سـاره : اها
.
.
بسيارة ولـيد :
حاط وتين بحضنه و كل شوي يبوسها ، كشرت : بابا خلاص لاتبوسني
ضحكت ميس : شفت حتى بنتي تضايقت منك ، تعالي بحضني
نفت برأسها وتين بدلع : لا ،ابي بابا
رفعت رأسها ولمست عوارضه : بس هذا يعورني
ميس : شوف العوبه ، الا صدق محمد وينه ؟
ناظرها ولـيد ثم رجع نظره للطريق : بالبيت نايم .
ارتاحت ميس ، حست برجفه من لامست ايدينه يدينها رفعت عيُونها له أبتسم لها بحُب يتأمل عيونها اللي أسرته ،وبحر اللغه ماخدمه بوصفها :
عيُونك ماليه قلبي حُب وهيام ، أنت الكفايه بالصحبه والحب !
ابتسمت ميس بحب كبير من قوة المشاعر والاحاسيس اللي حستها ، والأمان اللي انعدم من وفاة امها شدت على ايده وتنهدت بالنسبه لها ينتهي حزنها وضيقها لاشافت البسمه على محيا ولـيد و وتين وقد ماتقدر تحاول ماتقصر بحبها وحنانها لبنتها اللي شافت الدنيا كلها فيها ، اللي عاشته ميس صعب جداً انحرمت من حنان وإهتمام الام والأب ، حاولت تستغل هالنقطه لصالحها و تعوض هالنقص اللي انزرع فيها من الصغر لعيالها انها تشبعهم حنية و اهتمام بدون اي نقص ، ولوليد اللي ضحى عشانها كثير واول تضحياته طلعها بيت بعيد عن امه وخواته مع انه ولدهم الوحيد والمفروض يكون معاهم بالبيت ، بس اشترى راحتها مايبيها تتعذب اكثر من اللي اخذته و عاشوا حياة هاديه حياه كل يوم تزيد تعلقهم وحبهم ببعض حياه مُستقره ،بس مايمنع من وجود مشاكل وخلافات بينهم لان هاذي سنة الحيّاه.

—
دخل البيت بهدوء وخطوات هاديه ، كان متوقع انهم صاحين بس خابت ظنونه من ماسمع لهم حس ، صعد فوق و بنفس اللحظه طلعت الماس من غرفتها أبتسمت له : عبدالرحمن ؟
بادلها الابتسامه بس أبتسامه تعبانه : هلا
مشت بخطوات سريعه له وبأستغراب : توقعتك تطول بالسفره ، بس يوم واحد قدرت تخلص شغلك ؟


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 187 ...

📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }

📖🖌 @storykaligi 🔮🍃


باسها بشوق ، بعد عنها وحاوط وجهها : المفروض اجلس ثلاث ايام بس خلصت شغلي بدري عشانك وجيت ، ماقدرت اكمل يوم بدونك
حاوطت رقبته بايدينها وقالت بدلع :
أمس ماعرفت انام زين لاني مانمت بحضنك ، مااعرف انام من غيرك عشان كذا خليت مزون ودانه ينامون عندي
عبدالرحمن دارت عيُونه بالمكان، حاوط خصرها و بخفوت : في الغرفه الحين ؟
اومئت له ، عبدالرحمن : وامي نايمه
الماس : ايه من زمـان ، اسوي لك شي تأكله حبيبي؟
قرب لها عبدالرحمن وبابتسامه عذبه : ابيك انتي
نزلت عيُونها بخجل : بس العيـ،
بعد عنها عبدالرحمن : بوديهم لغرفهم ، وعلى ماخلص جهزي لي ملابس بتسبح .
حط مزون على سريرها وغطاها كان بيمشي بس يد دانه وقفته و بصوت مبحوح من النوم : بابا جيت
قامت بسرعه وارتمت بحضنه، مسح على شعرها : حبيبتي ، ارجعي نامي عشان بكره تصحين بدري ونطلع.
رجعها لسريرها ، دانه والنعاس غالبها : احبك بابا
باس خدها وطلع وقلبه ملهوف على البنت اللي داخل الغرفه
دخل عندها ، كانت سرحانه بالفراغ تنتظره يجيّ
فزت من حست بايدينه تطوق خصرها : جابك الله يوم قالوا معوّض خير أشهد إن الخير وجهك وترحابك
رفعت يده اللي على خصرها وباستها بعمق ، وببحه:
جيتني مثل الشروق اللي محى عتم الليالي ،
جيت فرحه للحزين اللي من همومه هلك
ضمها لصدره وضاع الكلام منه ، ومو أول مره هي ضيّعت قلبه و هزت ثباته و كيانه ودخلت لأعمق نقطه بقلبه أبتسـم لما استرجع احداث قديمه لكنها قريبه لقلبه:تذكرين لما قلتي لي انك تحبيني؟
همست بضعف و حنين للأيام الحُلوه رغم ان حياتهم تزداد حلاوتها كل يوم الا ان الماضـيّ جبار و لا يُمكن ينعاد ، لإنها كانت محتاجه احد يطلعها من العتمه والذنب اللي كان يكبر بداخلها ، دخل قلبها مثل الغيمه ونبت بقلبها حُب و غرام بعد ماكانت متعقده من جنس آدم كـان هو مُنقذ ايام بذيك الحظاات .

#فـلاش_باك ، أمريكـا :

دخلت اثير عند الماس اللي كانت متمدده على السرير تفكر بكلام عبدالرحمن حرف حرف وقلبها يرفرف من السعاده
رفعت عيُونها لأثير باستغراب من ملامحها الواضح عليها الخوف : اثير شفيك ملامحك مخطوفه ؟
جلست اثير على طرف السرير وقالت بهمس و الخوف مسيطر عليها : عبدالرحمن طلع من الصبح و للحين مارجع
الماس : بسيطه ، اتصلوا عليه عبدالرحمن مايقفل جواله
اثير : هنا المشكله انه مايرد والساعه بتوصل ١١ ونص وعمتي ارتفع عندها الضغط من تأخيره ، شسوي؟
بلعت ريقها بخوف قامت بعد مااخذت جوالها ، دقت اكثر من مره ولا رد
ناظرت اثير :حتى انا مايرد علي تهقين صاير له شي
مسكت راسها اثير برعب وقالت : الماس لاتخوفيني ، الله يستر بس ويمرر هاليوم على خير.
سكتت الماس وتشربها الخوف و القلق وهي تسأل نفسها من متى عبدالرحمن يقفل جوالها ومايرد عليهم على طول لإنه حريص على جواله اكثر من نفسه ،عشان اذا احتاجوه يكون عندهم على طول .
الماس : قولي لعمتي انه ارسل لالماس انه بيتأخر ، طيب
اثير : تمام ، بس بعدها شبنسوي ؟
الماس وعيونها بالفراغ :
ننتظره واذا كمل ٢٤ ساعه ماجاء بنروح للشرطه
اومئت لها اثير وطلعت تخبر عمتها عشان تطمنها وماتتعبها .
..

الساعه2:30ص.
قامت اثير و بتعب : مااقدر اتحمل اكثر بروح ارتاح، اذا جاء علميني امانه
اومئت لها الماس وهي حابسه دموعها بالقوّه عشان اثير ماتحس ان الوضع جدي بالمره وفيها حياه او موت بالنسبه لانهم ببلد غريب مو بلدهم !
مرت عشر دقايق بسلام ، فزت من مكانها من سمعت خطوات متجه ناحية الباب فتحت الباب بسرعه ، رفع راسـه وانصدم بوجود الماس بهالوقت : الماس ؟
هبط الضغط بهاللحظه و درات الدنيا فيها واظلم كل شي حولينها ، مسكها عبدالرحمن بسرعه من حس بجسمها يرتخي
مشى فيها لداخل و جلسها بالارض: الماس تسمعيني، قوليلي شتحسين فيـه؟
دمعت عين الماس وبخوف تملكها : وين كنت !
استغرب عبدالرحمن : عند اخوياي
رفعت عيُونها المليانه دموع و بتعب :
جوالك .. جوالك ليش مغلق ليش ماترد على رسايلي ليش مارديت على مكالمات عمتي ؟
انهااارت تبكي ، انقبض قلبه بخوف عليها وعلى امه اذا الماس حالتها كذا شلون امه قال بارتباك واضح بنبرة صوته : ناسيه والله ، امي وينها لايكون ارتفع الضغط عندها ؟
ضربت ظهره بخفيف : مـ.ره ثانيه لاتنسـ.اه ، خفت صـ.ار لك شـ.ي
باس شعرها و استنشقت ريحته ، بعدت الماس بسرعه وانتبه عبدالرحمن لها : خافي ربك كل هالخوف و الأهتمام و بالاخير ماتحبيني مين يصدقها هاذي؟
جمدت اطرافها قالت بعدم أستيعاب : ايش
قرب منها عبدالرحمن اكثر و بهمس :
اقول انك تحبيني بس مو معترفه حتى لنفسك .
كانت بتقوم بس مسك يدها ركز بعيُونها : لمتـى؟
الماس بتوتر وقلبها يرجف من احاسيسها وكلام عبدالرحمن اللي صدمها ،


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 188 ...

📚 😍 📃
📖 روايـــــــــــــة ✍🏼
{ يوم وضح لحظة ابعاده والله اني له شفوق }

📖🖌 @storykaligi 🔮🍃


صح تحبه بس ماتوقعت ان حُبها واضح هالقد : عبدالرحمن
عبدالرحمن : عيُونه
رمشت بسرعه وقلبها يطق بسرعه وبلعثمه : بـ.عد
عبدالرحمن : يعني مو ناويه تعترفين ليّ
ناظرته بضياع و خوف من انها تتهور بشعورها وكلامها معاه سكتت ، عبدالرحمن قال بهدوء :
إذا ماتحبيني ، لا تعلقيني فيك و وعد مني اتركك وماعاد أزعجك بقربي و لا تضطرين انك تواجهيني !
ودها تعارض ، استرجعت الاحداث و تذكرت إيلين خافت يرجع لها قالت بتوتر وعيُونها عليه :اذا قلت لا بتروح لايلين ؟
عقدحواجبه : وش دخل إيلين بالموضوع
تنهد و لف بيمشي من عرف إجابتها اللي ماتحتاج انها تنقال ، لانها لو تحبه بتقول احبك مشى يسحب الحزن و الأسى اللي استوطن قلبه ، صح متأثره بوفاة ابوها و اخذت موقف من الرجال ومراعيّ هالشي بس مو مُبرر انها ماتحبه لانه عطاها ماوراه ودونه لاجل تحبه لاجل يشوف ابتسامتها وضحكاتها اللي اختفت من توفى خاله ، لامست يدها كتفه و قالت بسرعه بعد ماحست ان بعد كلامها هذا بتخسر عبدالرحمن وللأبد لان نظراته وكلامه كانت جديه مره : احبك ، لمعت عينه مايمديه يلف عليها الا هي داخله البيت و قلبها ينبض بقوّه من هالموقف الجريئ بالنسبه لها !وقفت تستوعب انها اعترفت لعبدالرحمن بحُبها ، و اعترفت لنفسها اللي أنكرت هالحب من البدايه بسبب التجربه القاسيه اللي عاشتها حطت يدها على قلبها تحاول تهدي دقاته سرت رعشه بكامل جسمها من تذكرت كلمتها : ياربي

..
عند عبدالرحمن شقولكم ؟ الـ ٢٨ حرف ماتعبر عن فرحته و انشراح صدره بهاللحظه قال بابتسامه واسعه زينت محيّاه :
الارض بما سعت ورحبت مافيها شي يلفت انتباهي او يهمني بإستثنائك ،‏يا أحلى من استحل القلب!

—
اليوم الثاني :
جالس يناظر الرايح والجاي و تفكيره مشغول بالبنت اللي بغرفة العمليّات ، اخذ نفس يقنع نفسه ان ماراح يصير الا الخير
دقايق ، وطلعت المُمرضه و توجهت لبتال وملامح السعاده مرتسمه على ملامحها : مبروك البنوته ، وأبشرك الام و الطفله بخير
أبتسـم بتال براحه و سجد بدون شعُور يشكر ربه اللي بث بقلبه الطمأنينه و الراحه ، وعوضه عن كل اللي فات عوضه بوجد اللي غيرت حياتـه بلحظة مااخذها على سنة الله ورسوله عشان يتناسى لجين و طواريها اخذها بدافع انه يلهى معها ويتناسى كل من حوله ، ويبين للجين ان وجودها وعدمها واحد!
لكن دخلت حياته حفيدة الشمس والنور ، وغيرت مجراها
رفع رأسـه لله يحمده ويشكره على نعمه الكبيره اللي لاتُعد ولا تحصى ، صادفته مرأه كبيره بالسن
قالت بابتسامه حانيه من شافته واقف عند باب العمليات يسمع صُوت بكاء طفلته : أول طفل لك ؟
ناظرها بتال واومئ لها وقلبه طاير من السعاده .
المرأة : مبروك ، الله يخليها لك
ابتسم بتال بهدوء ولف مصوب نظره على الباب ،
المرأة : تعرف بمين ذكرتني؟
رفع حاجبه بتال باستغراب وناظرها ، كملت : ذكرتني بزوجي لما ولدت بنتي ابتسام كانت فرحته ماتنوصف ، لكن شاء القدر و أفترقنا
بتال : ليه افترقتوا دامكم تحبون بعض ؟
دمعت عين المرأة ، تكلمت والحزن واصل لاقصى درجاته : حُب من طرف واحد ، كان يحب له بنت وأجبروه اهله علي و لما كبر و صار مسؤول عن حياته طلقني بدون سبب ، هجرني ، وتركني لسود اللياليّ !
قال بحنيه : مايستاهلك ، الله ماياخذ منا شي الا يعوضنا بشي احسن منه وفيه خير لنا
ابتسمت المرأة : صادق الله ماياخذ شي ، الا يجيب اللي احسن منه الحمدالله على كل شي

—
بيت علي " ابو نواف :
نواف بهدوء وهو يصب لابوه القهوه : قررت اتزوج
ابتسم علي : هاذي الساعه المباركه
سيرين : واخيراً مابغيت .
نواف : بصراحه حاط وحده ببالي وانتظرت هالسنين كلها عشان تخلص دراستها و اخذها بدون لايكون لها عذر
سيرين بتخميّن وشك : نجُود ؟
اومئ لها نواف وهو مرتبك من ردة فعل علي ،
علي : بنت ماجد
نواف : ايه
علي بحده:لا ، دور لك وحده غيرها هاذي ماتناسبك
نواف : انتظرتها سبع سنوات تهقى انها قليله؟ يانجُود و الا مااخذ غيرها ونذراً علي
انصدم علي وعصب : خير على كيفك تنذر ، مثل شربة الماي النذر عندك ؟
انت عارف ابوها مين يكون عارف جدها وش سوا باختي ، وتبي تاخذ منهم تهبى واللـه
نواف بقمة هدوءه : و اعرف ان ماجد ماله ذنب ، وانخدع مثلنا وبعدين انا باخذ البنت ماني بماخذ جدها
سيرين : صادق نواف بالاخير الكل انظلم من معتز ، ماجد بريئ وماله ذنب باللي حصل اي رجال بتكون ردة فعله كذا واكثر بس معتز عرف كيف يلعب عليه حسبي الله عليه ونعم الوكيل وزرع الافكار السودا براس ولده المسكين ، وبعدين جدها بالسجن ومالك اي مُبرر انك ترفض نجود كامله والكامل الله البنت مايعيبها شي
قام علي وطلع مو مقتنع
تنهد نواف : ليتها بنت عمي وأحبها بكيفي
ابتسمت سيرين : اذا الله كاتب لكم نصيب ، بيجمعكم .


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

لمشتركينا الجدد
أضغطوا الصورة 👆
للبدء بأول بارتات الرواية
🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 -🔚- 189

📚 😍 📃
📖 روايـــــــــــــة ✍🏻
{ يوم وضح لحظة ابعاده والله اني له شفوق }

📖🖌 @storykaligi 🔮🍃
#البارت
الاخـــــيــــــر 🍃🔮


الساعه12:30م :
دخلت الديوانيه وهي تسحب بطانيتها ، وأول ماشافت ابوها ركضت له و ارتمت بحضنه
ضحك صالح : كل هذا شوق والا دلع ؟
باس راسها خالد ومسح على ظهرها بحنيه وبهمس.: ليه مانمتي
حطت راسها على صدره وقالت بطفوليه :ابي انام عندك
خالد بنفس الهمس : بس انا عندي اخوياي مايصير
قوست شفايفها : بابا
تنهد خالد ، صالح بأستغراب : شفيها ؟
خالد سند ظهره على المتكى ، وحطها فوق صدره و غطاها بالبطانيه : تبي تنام
عبدالرحمن : وليه ماتنام بغرفتها كم عمرها وانت للحين تسدحها بحضنك
خزته جوري وبعصبيه :كيفي انام بحضن بابا مالك دخل
ضحك خالد ووجه نظره لعبدالرحمن : جاتك الاجابه ، متعوده علي عشان كذا خلاص حتى لو ماابي القاها بنص الليل بحضني
صالح بهمس : الله يعينك
جوري بهمس : مو حلوين لا تكلمهم
اومئ لها خالد ، وكملوا سوالف و جوري غاطسه بحضن خالد .

اليوم الثاني ، بيت خالد :
سـاره بهمس لجوري : ياويلك اذا فتحتي فمك بحرف سامعتني، عشان ماتخرب المفاجأه!
اومئت لها جوري بحماس ، ركضت ناحية الباب من سمعت صوته ينفتح صرخت بفرحه : باباااا
شالها وضمها لصدره ودار فيها : ياعيُون بابا انتي
باسها ونزلها وقال : وين امك ؟
اشرت له على الصاله ، مسك يدها و دخل استغرب لما شاف الانوار طافيه شغلها وأنصدم تقدمت له سـاره وبيدها كيكه و عليها شموع و بصوت عذب :
‏Happy Birthday Khaled
‏Happy Birthday you khaled.. Happy birthday..
لما وصلت له باست خده : كل عام وانت بخير كل عام وأنت لي
ناظرهم بدهشه وهو مسحور بجمالها و جمال عيُونها قال بذهول انهبار : مخلوقه من الجنّه ؟
أبتسمت ساره ابتسامه ضيعت خالد و خلته يهيم فيها ، نزل نظره لجوري : جوري حبيبتي روحي عند عزوز فوق انتبهي له وبجيك
طلع جواله من جيبه وفتحه لها عشان تروح ، وتتركهم براحتهم وفعلاً طلعت بعد ماشافت الجوال حضنها وبذوبان : انا وانتِ ، روايه طويله تنتظر عباره افتتاحيه وحده يـا غرام حروف شعري ، من تجين انهمر مثل المطر من ينهمر
سـاره وعيُونها تشع حُب : ‏انا ظلكّ وضْيك وانا اللي احبّك.
.
.
،
بعد مرور شهرين :
فركت يدينها بارتباك من النظرات المصوبه لها ، رفعت عيُونها و رجف كل مافيها و بصدمه : انت
أبتسـم نواف اللي الكون مو سايعه من الفرحه ، ماتوقع ولا واحد بالميه بيجتمع مع نجُود وتصير ملكه وزوجته قدام الخلايق : ايـه انا تذكرتيني؟
حمر وجه نجُود من استرجعت احداث قبل سبع سنوات ماكانت متوقعه انه هو نهائياً ، كمل نواف وهو يلمس حاجبه : شفتي هالجرح ؟
ناظرته نجُود بارتباك و رعشه ، نواف :
هذا اللي خلاني انذر مااخذ الا انتي ، وخلاني ارمي الدنيا وراء ظهري واجيك بمجاديف ..غرامي
تمنت تنشق الأرض وتبلعها ولا تنحط بهالموقف ، رجف جسمها من الشعُور الحلو اللي لامسته بكلامه اللي وقع بقلبها بطريقه غريبه خلتها تحس بلذه عجيبه .
.
‏يافتنة العشاق وأفكار القصيـّد
‏ لا جيت أعبر عن بهاك أحترت فيك ‏
.
.
كنّك قصيده صــاغها شاعر فريد ‏
مع كل شطر يرددون الله عليك ..


النهايه
‏
——
سعود الشخصيه المُستبده القاسية المتسلطه ، تحولت لشخصيه اضعف بكثير مما تتخيّلوه من طاحت بنته غزل بالمستشفى واكتشفوا فيها مرض الرئه من ٦ سنوات ، وشغله الشاغل هي مايفارقها ثانيه حرصاً على سلامتها وكذلك اريام اللي عانت كثير مع غزل وكل موقف مُولم يصير معها تنرسم صورة لجين بعيونها ، ظلمتها كثير و جالسه تأخذ العقاب من رب العالمين جزء جزء نست ان الله عز وجل حرمـه وانهى الظلم وان دعوة المظلوم والسماء مابينهما الا حجاب .
.
" ياعبادي اني حرمت الظلم على نفسي
وجعلته بينكم محرماً فلا تظالموا "
.
.

اتقوا الظلم ، فإن الظلم ظلمات يوم القيامه ، الحياة ماشيه وبتعدّي بكل مواقفها لا توقفونها عند نقطة سيئه او عند شخص سيئ مر عليكم ، مصير الدنيا بتدّور وتاخذ لك حقك وتطبقه قدامك عشان تكون على بينه وتثبت لك إنها دارت فعلاً ، واخيراً انتبهوا لتأثير الكلمات ، أقتنوا كلماتٍ اقل تجريحاً ف أنتم لا تعلمون كم قلب يتهاوى ..


#النـــهااااية...

#ودمتم...


🌺 رواية 💫✨

يوم وضح لحظة ابعاده والله إني له شفوق 💐 ..

للكاتبة المتألقة / ملاك 🍃
@malakrwaiat


كتبتها خلال ..
25 / 6 / 2018 م
وحتى
2 / 4 / 2019 م


🚫 يسعدنا مشاركة الرواية ولكن لا نبيح ولانحلل حذف توقيع القناة 🚫


كل الحب لكم اعزاءنا ومشكورين على المرور الدائم والمتابعة والمشاركة معنا

محبتي للجميع 💐


#وانتظرونا...

في روايتنا الجديدة ...


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🌺🍃🌸🍃🌼

بارتات يوم الأحد ..

7 / 6 / 2020
#الـــــــبـــــارتــــات_الاخيرة ....
من 166 وحتى 188

نتمنى لكم قراءة ممتعة ...

🌺🍃🌸🍃🌼

3⃣9⃣
ـ🌼🍃🌺🍃🌸🍃🌺🍃🌸
ـ🍃🌸🍃🌺🍃🌸
ـ🌺🍃🌸
ـ🍃 #روابط_الرواية_التاسعة_والثلاثون
لروايات وقصص القناة 💫


روايــ📔ــة / يوم وضح لحظة ابعاده والله إني له شفوق

🌼 الـــكـاتـبـــة / ملاك ..

1. البارت رقم 1
https://t.me/storykaligi/38841

2. البارت رقم 16
https://t.me/storykaligi/38875

3. البارت رقم 31
https://t.me/storykaligi/38918

4. البارت رقم 46
https://t.me/storykaligi/38953

5. البارت رقم 61
https://t.me/storykaligi/38991

6. البارت رقم 76
https://t.me/storykaligi/39028

7. البارت رقم 91
https://t.me/storykaligi/39065

8. البارت رقم 106
https://t.me/storykaligi/39110

9. البارت رقم 121
https://t.me/storykaligi/39152

10. البارت رقم 136
https://t.me/storykaligi/39198

11. البارت رقم 151
https://t.me/storykaligi/39244

12. البارتات الاخيرة
https://t.me/storykaligi/39281


نتمنى لكم قضاء امتع اﻷوقات برفقتنا
🌼

🍃 @storykaligi 💫
🌺🍃🌸
🍃🌸🍃🌺🍃🌸
🌼🍃🌺🍃🌸🍃🌺🍃🌸

3⃣9⃣
🌼🍃🌺🍃🌸🍃🌺🍃🌸
🍃🌸🍃🌺🍃🌸
🌺🍃🌸
🍃
🌺 روايــ📔ــة /
#يوم_وضح_لحظة_ابعاده_و_الله_اني_له_شفوق

🌺 الـــكــ🖌ـاتـبـــة : ملاك
@malakrwaiat ..

🍃📚 t.me/storykaligi 📚
🌺🍃🌸
🍃🌸🍃🌺🍃🌸
🌼🍃🌺🍃🌸🍃🌺🍃🌸

التصويت للرواية .. عشنا خلال اسبوعين احداث .. رواية .. يوم وضح لحظة ابعاده .. وحابين نعرف كم ⭐ تستحق روايتنا بالضغط مرة واحدة على النجوم الشفافة 👇 طبعا" بمجرد ما يبلغ التصويت 👥 1200 سنبدأ بروايتنا الجديدة ولكن بعد شهر رمضان .. كن ايجايبا وصوت معنا
anonymous poll

⭐️⭐️⭐️⭐️⭐️ – 1K
👍👍👍👍👍👍👍 86%

⭐️⭐️⭐️ – 108
👍 8%

⭐️⭐️ – 80
👍 6%

👥 1307 people voted so far.