🍃🌷🍃🌷
🌷🍃🌷
🍃🌷
🌷 10 ...




بدريه اعطته ظهرها ودخلت غرفتها اللي تكرها اكثر شيء في بيتهم
اوف ايش هالعيشه ...طفشت من الحاره كلها والقهر مسمينها عانس الحاره ليه طيب وش هالظلم وش ذنبها هي ...
يعني جاء ورفضت اوف من هالعيشه اللي كلها شقى ااه رجال ماقدرت احصل عليه ماعندي إلا هالراجح إللي يوم صاحي ويوم سكران بس ااه بنته حسبي الله عليها. ..لسانها اطول منها
حاولت اتقرب منها عشان اقدر اضمن راجحوه ....بس صدتني
العله آه تنهدت بطفش يوم امي نادتني ..
ااه يمه
تعبت وانا اكرف في هالبيت كل شيء علي وليت بشكر ماغير المعاير ..
طلعت وانا فيني قهر من كل شيء : نعم يمه !
ام سامي : الله ينعم بحالك وينك فيه لي ساعه انادي عليك وانتي مدري وين ربي قاطك ..

بدريه : في غرفتي
ام سامي : في غرفتك يا ال*****ومخليتني جالستن من حالي انظف ..

سامي طلع ناظر امه وهو ناوي عليها يسحب كم ريال منها ااه يتعذب بس لو يأخذ عشره ااه ي انها توريه الويل ويالله تتطلع بس يحبها ويحب هواشها ويموت ضحك اذا مسخرت بدريه وقف وهو متكي ع الجدار وبضحكه : اقول وش فيها خوخه معصبه بدريه بصوت هامس ناظرته بضيق يوم طلع من غرفته : اوف كملت ..

ام سامي ناظرته بااستخفاف : اقول وش مجلسك اليوم انقلع لا اشوفك وتتطلع شياطيني اكثر ..
سامي وهو يتسند على الجدار : يمه وش فيكم اليوم علي
يعني لازم اطلع صراحة عائله ماتعطي الواحد استعداد انه يعقل !
ام سامي بسخريه: ابوك يالعقل اللي طلع عليك فجأة اقول اعترف بس لايكون متخبي من الشرطه ..
سامي وهو يلعب في شعره المكدش وبضيق: وش يعرفك ؟
ام سامي : يعني صادقه ام عبدالرحمن يوم قالت ولدها جا منحاش
وانت معه كنت اه متى بتخلي شغل التفحيط ذا
لما تروح روحك

سامي بضيق : وش اسوي جالس كذا ماعندي غير التفحيط
اتسلى فيه ..
ولما شاف امه راح تعصب عليه زياده قال بكذب : ماهو انا اللي اسوق هذا الدحمي ..
ام سامي : تتسلي ي مال الجدري انقلع عن وجهي لا بركتن فيك ياربي وش هالولد اللي معي
روح دور وظيفه مثل الناس بدل هالهايته ااه ي حسره بس على
تعبي فيك ناس عيالها اللي دكتور وضباط وكابتن وانا ولدي ..

بدرية تكمل عنها : عربجي ..
سامي بدون مبالاه : وش اسوي كل ماتوظفت طردوني وانا صراحه كرامتي فوق كل شيء نموت من أجل الكرامه ..

ام سامي ناظرته وهي تحوس بوزها : قلت لي كرامه ي ابو الاخلاق الحميده ..
سامي عارف ان امه تتمسخر عليه بس لازم يكمل معاها ويشوف ايش يرسى عليه ي تعطيه اللي يبه ي تشوته مثل دايم: اكيد حميده كلن واخلاقه يا خوخه وليش نعيش اذا ماعندنا اخلاق ..
ام سامي عصبها بستهباله : إلا قول اخلاق زفت اللي عندك ..
سامي ناظر اخته: ماكنها الوالده تسب
بدريه بسخريه: لا طال عمرك جالسه تتدعي لك ..
سامي : فديتها الغاليه اللي دايم تتدعي لعيالها ادعي يمه ازود وكاد هالحظ الاقشر يبعد عنا انا وهالعجيز اللي واقفتن هنا ..
وهو يشير للبلعومه
بدريه بصرخه : والله حرام اللي يصير فيني منكم وهي ترجع غرفتها وتبكي ..
سامي طنشها وهو يناظر امه :اقول خوختي كم تعطيني ؟
ام سامي ناظرته بااستخفاف : والله اللي يحبه قلبك وهي تسحب
الشبشب من رجلها وترفعها في وجهه
سامي ..
بسرعه مد يده وصاد الشبشب قبل ماتجي فيه وبسرعه طيرها فوق وهو يضحك تقرب من امه وهو يسلم فوق راسها: يمه تكفين بس خمسين
ام سامي بغت تموت: نعممممم انا يالله عشره واقدر ..

سامي ااه من امه نفسه يعرف تخبي الفلوس ليه : يمه وعد مني اقول للي بيهجول معي يقولن لامهاتن عن بضاعتك ..
ام سامي :انقلع عني بس

سامي حس بقهر من امه دايم تسب ومعصبه عليه
وطلع وهو يسمع صراخ امه على بدريه اه امه قاسيه بشكل بس تعاير فيه ..وفي اخته ..
طيب هو وش ذنبه كل
ماتوظف انفصل هو عارف انه
هايت وصايع بس وش يسوي ماعنده يطلع إلا في خاطره غير في التفحيط ويحس بمتعه ...وهو يسمعهم يعززو له ....
يأما شاف الموت بس مثل الجني يطلع منها على قول خويه الدحمي ....والسجن ماعمره انصاد في التفحيط دايم ينسجن في الهوشات طبعاً هم يتسببون له بس ترجع ع راسه ""
هذا طبعاً وجهة نظره هو ..




نرجع للحي الراقي
بيت ابو وليد

ريتاج
صلت العصر وجلست وهي تحس بطفش سمعت التلفون يرن
ردت بهدوء: هلا خاله
ام وليد : تعالي يمه تغدي !
ريتاج : مالي نفس يا خاله فيني النوم
ام وليد بهدوء : اوك حبيبتي راح ارسل الخدامه بأكل لما عندك ..
ريتاج ماحبت تكسر بخاطرها: اوك
قفلت جلست شوي إلا الخدامه تتدق الباب قالت بهدوء: ادخلي ..

ابتسمت لها وانا ارحب فيها هذي الشغاله من زمان عند خالتي يأما دلعتنا انا وشوق
تقربت مني
بعدما خلت الأكل على الطاوله : انت زين !!
ابتسمت في وجهها مجامله: ايه حبيبتي ..
هزت راسها وطلعت تنهدت يوم طلعت وقفلت الباب ...




@storykaligi

🍃🌷🍃🌷
🌷🍃🌷
🍃🌷
🌷 11 ...



رجعت
اناظر الفراغ بدون هدف شوفوا القدر كيف
كان لبندر صارت لوليد وياليته يبيها مايبيها ولا تبيه ليه
ابوها وابوه كذا ظلموهم وش هم مستفيدين ...
طيب ولطيفه
وش ذنبها ياربي صديقتي كيف يصير كذا واخذ زوجها حرام والله يحبون بعض وش تسوي الحين ..لها يومين تدق عليها ماترد تبي تقولها هي مالها ذنب في ذا كله ترا غصب عنها وبتكون سعيده مره لو خلت الزواج في موعده ولا تأجله ابتسمت بسخريه ايش تأجل اكيد راح تتطلب الطلاق ليه طيب ماتعطيها...
فرصه تفهمها انها .. ماتبي أحد غير بندر وراضيه تعيش طول عمرها على ذكرياته ...بس اكيد الحين كلمة خاينه أكثر شيء على لسانها

اكيد مين يلومها ....والمصيبه ان وليد ..معصب علي محملني ذنب مالي فيه وهو لو يدري اني مابيه وكنت طول
عمري احترمه ...وماعمري فكرت فيه كزوج ااه اذكر قبل موعد الزفاف بأيام ..

جيت اطلع إلا اسمعهم في الحوش وهم يتكلمون
وقفت انتظر عشان يبعدون خجلانه امر من عند وليد ..
سمعت بندر وهو يعاند عصام لانه كان معترض ع طلوعي معه بس لان باقي ع الزواج أيام قرر... يعزمني ع مطعم وطبعاً ابوي غصب وافق طبعاً بعد واسطه من ماما ....
وانا يومها رضيت لأنه كان زعلان مني ليه ماكلمه كثير بعد الملكه شرط علي ما يرضى الا اذا اطلعت معه الحمدلله وانا طلعت معه إلا كان ماراح اسامح نفسي طول العمر.....

بندر: اقول عصام ترى جالس انتظر اختك موت بحرتك ..
عصام بقهر : اااه لولا الله ثم ابوي كان ماطبت معك ي التيس وبقهر ودي اعرف وش لزوم هالطلعه ومابقي شيء على
الزواج صدقني ماهي حلوه ..

وليد بضحكه عليه : هههههههههه خليه مسكين يفرح له شوي قبل ماتجي بيته ويصير مثل نصور كل يوم هوشات ..
بندر بضحكه : اقول موتوا بحرتكم بس انت مملك ي وليد بس ماتقدر تأخذ زوجتك وحتى شوفه بالحسره واما انت ي عصام يكفي اللي فيك كلنا مملكين مافي إلا خطيبتك رفضت قال ايش تكمل دراسه صراحه ينشفق على حالكم ..

عصام بقهر : تقلع بس
وليد : ااه الله يرحم جدتها إلا كان متزوج معك وفي ليلة وحده
بندر : ايه موت بقهرك بس

ريتاج
يومها عصبت خير جالسين يتريقون في بندر ويقولون انه مثل ناصر لا انا مو مثل منيره اللي تمشي وتقول ي شر اشتري ..

طلعت وانا معصبه له بعد مادخلوا ع طول بندر تقدمني وهو يرحب فيني : هلا والله بشيخة المزايين
ريتاج برفعة حاجب : جالسين يتمسخرون علي وانت ساكت ..
بندر بضحكه ومسك يدها ومشاها لسيارة : افاا وذي تجي امشي ي قلبي وماعليك فيهم
بعد ماركبت حسيت نفسي خجلانه ..
بندر بأبتسامه : حاجز لك في أحسن مطعم فيك يالرياض بس لاتزعلي ي الغلا
ريتاج بخجل: بندر ..
بدر بحب : عيونه
ريتاج ابتسمت : فرحانه كثير وانت من نصيبي ..
بندر بصرخه: لا مقدر اقرب بلاش زواج بلاش هم
ريتاج بخوف من حكيه وبتهديد: بندر قسم بالله لو ماتعقل اتصل بعصام ..
بندر :لا لا توبه بس فكينا من اخوك ذا الحاقد ..
ريتاج بدلع : ايه تعدل ..
بندر بصرخه : ابوي انا .
رتياج ضحكت عليه : ههههه مجنون والله
بندر : فيك يا قلبي ..

هزيت راسي وانا اطرد ذكرياتي معه ناظرت الأكل قمت واخذته ودخلته الثلاجه وسحبت كرسي وجلست وانا اتسند على الطاوله وتنهدت بحزن
اه بس ماتوقعت كلمة وليد تجي في مكانها يوم قال خليه يفرح له شوي صادق والله

مسحت دموعي وانا ارجع لذكريات عرسي يوم جاني الخبر ..

كنت جالسة في غرفتي
وطالبه كوفيرا من جده ..
قلت وانا مبتسمه : انتبهي تلعبي في خشتي
الكوفيرا: لا حياتي مالك الا شيء تحبيه صدقيني ..
ريتاج بهمس : اهم شيء يحبه هو ..
الكوفيرا : شكلك تحبيه مره ..
ريتاج بأبتسامه : مين مايحبه الله يخليه لي ..
الكوفيرا: ان شاء الله

ناظرت الباب يوم حد فتحه ابتسمت وانا اناظر امي
: يمه لسى ماقد بدأت تكفين صرفي اسيل مع بنات خالتي لان ابي
الحلوه ذي بس تفضى لي ..
وهي تناظر الكوفيرا
مابي زحمه عليها
الكوفيرا بضحكه : بتقطعي رزقي
ريتاج بصدق : والله لك دبل سعرك بس تكفين فكيني من حنتها ودلعها ..

رجعت ناظرت امي وانا مستغربه من سكوتها : يمه لا تحاولي خليها تروح معاهن ..

ام عصام: ريتاج وسكتت
ناظرت امي بخوف وجهها مايطمن قلت وانا احس بتوتر : يمه وش فيه
ام عصام بتوتر باين ع وجها: يمه والله مو عارفه وش اقولك بكت وهي تجلس على الكنبه
ريتاج وقفت بسرعه وانا اتقرب منها خفت ان ابوي سوى لها شي
بس ابوي طول عمره يحب امي ..
قلت وانا ابعد ابوي من السالفه : يمه وش فيه حد زعلك شي عصام في شيء ابوي مسوي لك شيء ؟
كنت اقول كل الاحتمالات حسيت قلبي يدق تذكرت تهديد بندر
حسيت بأمي تضمني قلت بفهاوه : يمه بندر مايبي يتممم الزواج صح ترا اكيد يمزح ..
ام عصام ضمتها اقوى من قبل وهي تبكي
ريتاج مثل التايهه تسمع بكي امها بس ماتدري ايش السالفه : يمه والله شوي واموت من خوفي وش فيه تكفين قولي لي ..




@storykaligi

🍃🌷🍃🌷
🌷🍃🌷
🍃🌷
🌷 12 ...



ام عصام وهي تبكي هزت راسها برفض انها ماتقدر تقول لها
ورجعت ناظرت الكوفيرا : لو سمحتي تنزلي لتحت في غرفة
الضيوف ابوها يبي يدخل ..
ريتاج بشك وخوف : يمه ابوي وش يبي وهذي ليه تنزل ؟
ام عصام مسحت دموعها :لا يمه بس ابوك يبيك ضروري ..
حسيت ان امي وقتها مو قادره حتى تتكلم انصدمت ابوي مالقي يتكلم معي إلا الحين هزيت راسي وانا اشوف الكوفيرا وامي يطلعوا من الغرفه ...
مدري ليه حسيت ان بندر في السالفه
تذكرت تهديده لي البارح انه يفشلني ومايحضر الزواج لاني رفضت اطلع معه مره ثانيه ...
بعد حركاته هذيك ....وبعدين رفضت شكلها بايخ يومين وراء بعض وش يقولون عني ..
والله لو يسويها اذبحه مشيت ناحية السرير وسحبت جوالي ..
ودخلت الواتس شفت آخر ظهور له قبل ساعتين ....
ابتسمت اكيد ماهو فاضي جالس ينعم ويتجهز... شفت صورته عرض بستها و ارسلت له ...لايكون بتنفذ تهديدك يا شيخ ترى انت الخسران ...قفلت الجوال
ورميته مكانه ورجعت جلست مكاني وانا احس بقلق من امي وبكيها ...معقول تبكي علي تخاف اخليها طيب هي طول عمرها ماتظهر مشاعرها دايم لاهيه في عزايمها
ابتسمت بفرحه ان امي تبكي عشان ابي اطلع من البيت ..
ايه مثل صديقتي تقول امها يوم زواجها سوت محزنه بس احس فيه شيء
كان مخوفني ...
ناظرت الباب شفت ابوي داخل منه و جهه مايفسر بخير
الحين حسيت فعلاً ان فيه شيء والله فيه شيء قلت وانا فيني الغصه : سواها يبه صح بس والله كان يهدد بمزح
او انا افتكر كذا ومدري أنه كان جاد قلت مثل المجنونه مدري انه بيسويها والله اذبحه لو فشلنا ..
حسيت ابوي مطنش حكيي
ابو عصام بحزن باين في وجههه : يبه إنتي مؤمنه صح

ريتاج هزيت راسي بدون صوت وانا خايفه من اللي بيقوله
ابو عصام : بندر

ريتاج بخوف وشوي وتبكي : وش فيه ؟
ابو عصام تقرب منها وضمها لصدره قال بهمس : اعطاك عمره
ريتاج رفعت راسها وناظرت ابوها وهي مصدومه من اللي يقوله: ايش !!


ماحسيت إلا ابوي برجع يضمني وانا اسمع صوت صياحه بعدها ماحسيت بنفسي إلا في المستشفى ..

هزيت راسي وانا ابعد هالايام وذكرياتها الموجعه لي دايم يوم اتذكر يوم جاني الخبر احس بعده بتعب وجع... وفقد
اااه خبر موته كان شيء كبيرر علي انتهى بندر من الدنيا وانتهت فرحتي معه اه له حول السنه الحين ولسا ماقدرت انسى كيف انسى من كان البسمه للكل العائله ماعمره غلط ولا رفع صوته على احد ...
طول عمره محترم ويحبه الجار قبل اهل الدار ...

رفعت راسي للسقف وانا اتنهد وادعي له
يارب ترحمه وتسكنه الجنه
وبكيت غصب عني والله وحشني بالذات وانا
اذكر كيف يحكي لي قد ايش فرحان انه ملك علي لان خطبتنا طولت من زمان .
مسحت دموعي وقفلت عيوني وانا
احس راسي بينفك من كثر الصداع وقفت واتجهت للغرفه وانا ابي أخذ شنطتي لان عمي يوم دخلني الجناح خلى الخدامه تدخلها في الغرفه
حسيت بدوخه وانا امشي ناحية الشنطه بسرعه تسندت على الجدار وانا متجهه لسرير جلست وتمددت وانا اقفل عيوني ابيها تخف عني بس بعدها حسيت بنعاس مو قادره حتى افتح عيوني

عند وليد

اللي توه وقف عند بيتهم جلس في سيارته شوي وهو يناظر
الساعه شافها شوي وتجي اربعه الفجر اه من امس مواصل من سفر لسفر اه شغلة الطيران صعبه حيل ومتعبه من مدينه لمدينه بس يحبها ..
وحصل معارضه من امه عشان خوفها عليه بس قدر يقنعها ويحقق اللي يبيه ناظر البيت وهو قرفان صار يكره يجي هنا زعلان من أهل البيت جيمع اه فيه قهر كمان من لطيفه اللي رافضه تعطيه فرصه كذا ينتهي حبه لها تنهد بقهر وهو يذكر
لان قبل مايملك بيومين على ريتاج
اخته قالت له :تقولك لطيفه لو تممت الملكه انساها ولا ترجع تحاول انها عاد ترجع لك...
سحب جواله ودق رقمها بدون فايده مقفلته ...
نزل من السياره ودخل البيت شافه هدوء قدامه
ناظر غرفة امه وابوه
وهو يتنهد ويتمتم الله يسامحك يبه رقى لجناحه وهو ماوده يدخله ويشوف البومه قدامه
وشوفوا كيف القدر لعب لعبته معاهم طول عمره يشوفها مثل اخته واليوم تصير زوجته نفسه يدخل مخ عمه وابوه
ويشوف كيف يفكرو ...حرقوا له قلبه اه كل مايتذكر
ان ابوه يوم يقول له لو واحد فيكم مايأخذها انت ولا ناصر قسم بالله تعرفون انتوا وش اسوي
ناصر قدر يتكلم بس هو لا مايقدر
طول عمره ابوهم شديد ومايقدر يزعله دايم يحترمه وخاف على امه لانه لو واحد منهم حاول يتكلم او يقول شيء ...يعصب عليها ويرجع اللوم عليها وهو يدري امه ضعيفه حيل .ونفسيتها تعبانه بعد وفاة بدر النوم ماتنام إلا بحبوب منومه .
ويوم حاول يرفض فكر انه يطلع من البيت ويأخذها معه لانه مايقدر يخليها وهي بهالحاله بس هي رفضت وزعلت منه متعلقه في ابوه اه يكره شخصية ابوه المستبده ..
حتى عمه ابو عصام يخاف من ابوه ولا يقدر
يوقف في وجهه وش ذي الحياة ..




#يتـــــــــــــــــــــــــــبع....

#استثناء

مكملين اليوم معكم الليل
لكن تفاعلوا مع الاستبيان



@storykaligi

🌸 متابعينا اﻷعزاء ..

مارائيكم بأحداث روايتنا كبداية

مع العلم انه يوجد العديد من اﻷبطال سوف يظهرون تباعا" مع اﻷحداث ..



مشوقة 😃
متوسطة 😐
مملة 😔


تفاعلوا معنا عشان نكمل الليل لتكتمل معكم تقريبا" أحداث الرواية ..

🌸🌸

@storykaligi

🍃🌸🍃🌸
🌸🍃🌸
🍃🌸
🌸 13 ..



شافها قدامه نايمه عصب خير نايمه في غرفتي
وانا محذرها ماتتطب الغرفه وانا موموجود .
قلت بصرخه : ريتاج

ريتاج حست بالصوت بس مافيها تفتح عيونها
وتحس راسها يبي ينفك من كثر الصداع وذا جاي
يصارخ فتحت عيونها بقهر من نفسها لانها
نامت في غرفته العله ذا والله من غير ماتحس
والدوخه لعبت فيها ناظرته قالت وهي تبرر له
وبصوت كله تعب : لا تصارخ ترى راسي مصدع
وجيت بس أبي شنطتي مدري كيف ماحسيت
بنفسي إلا نايمه ..
وليد وهو يناظر عيونها التعبانه قال وهو يزفر
بعصبيه: ليتك تموتي وانفك منك ومن وجهك ذا
وبسخريه بس متأكد انك بتلفي على باقي اخواني
لاني شكلي مو مطول ي وجه البومه والحق
اخوي وبسخريه اكثر الله يعين ناصر بعدها
مابقي إلا هو وحسام صغير لسى

ريتاج
ناظرته بااحتقار من حكيه صدق لو ردت عليه
بتكون اخس منه في اخلاقه احسن شيء ماترد
بس والله مصدومه فيه كثير معقول
حبه للطيفه مسوي فيه كذا
وقفت بتعب
وقابلته وانا ارفع شعري اللي مضايقني قلت
بحزن عليه وانا احاول اسحب غضبه
صديت عنه من نظرات الاستحقار اللي
في وجهه وقلت وانا ماناظره : تخاف مني
ترى مستحيل اوقف
في وجهك ولا وجه لطيفه وانا معك
اعين واعاون بس تكفى لا تضايق نفسك
ماحب اشوف احد متضايق بسبتي واسفه
اني نمت على سريرك ..

وليد بصرخه: ماتحبي تضايقي أحد اقول
اسكتي أحسن لان وجودك هنا أكبر
ضيق لي و لطيفه لا تجيبي سيرتها
يا الخيانه صديقتك وسويتي فيها كذا لكن
مصيري اطلع حقها من عيونك

ريتاج
بقهر هذا إنسان مايفهم الحكي تقوله يمين
يروح شمال هزت راسها وطلعت من الغرفه
بعد مأخذت شنطتها....
قفلت عيونها وهي تسمع تقفيلة باب الغرفه بالمفتاح

وليد
ناظرها بقهر
دخل الحمام وهو يغلي اخذ شور بارد ليت قلبه يبرد
بس مستحيل يبرد وهذي على ذمته الله يقلعك
ي ناصر دبستني فيها خايف من زوجتك القشرا .
ليتك خذيتها وذبحت هالريتاج وانفكينا جميع منها

ريتاج
طلعت مقهوره من كلامه وكمان من تقفيل باب غرفته
بالمفتاح خير وش قصده بهالحركه يعني ابي ارجع ادخل
عنده اه يفتكر اني راضيه واني وافقت برضاي ..
مايدري ان ابوه هو اللي حدني وخلاني اوفق ليت اقدر اسوي شيء والله انا مو قد هالمشاكل
وهالكلام كله اللي اسمعه منه لي يومين معه
بس وانا اخذت اقسى الكلام طيب هو رجال
يقدر يقول لا بس انا مره ...
بس والله مستحيل
اخليه يدوس على كرامتي ويذلني بكلامه ذا ...
لازم اكلم ابوي يشوف صرفه بس تنهدت بحسره ..
اه يبه وش بتسوي يعني مادام عمي هو اللي يتحكم
لو يقولك رجعها يرجعني حتى بدون مايشاورني ...
خليني اصبر وربي قادر على كل شيء جلست على
الكنبه وانااناظر فرش الصاله كان فيه جلسه موردن
وطاولة بلازما وتحف كلها كرستال مسكت راسي
بألم ونزلت عيوني للسجاد كل شيء مضايقني في
هالجناح كل شيء مالي حق فيه لمسات لطيفه
في كل شيء
صح ماسكنت فيه بس هي اللي اختارت
والله حزنت اكثر الحين عليهم تذكرت لطيفه
..يوم تشاورنا وترسل
لنا الصور واعطت وليد وهو تكفل وجابه لها ...
طلبيه
والله ماتستاهل تنجرح كذا مني ليتها ترد
بس علي والا احد يوديني لبيتها والله لاتروح ....
وتقول لها كل شيء .. اه من عصام ليته هنا ..يمكن
كان هو اللي يساعدني...بس مساعدته مثل ماقالي
مستحيل يأخذ شوق لا لا أكون كذا مأخذه ذنبه
وذنب لطيفه لاكذا كثير والله ...والله لو يدرون
انه مافي احد مثلي انظلم في هالسالفه ......رفعت
القلاده اللي في صدري ومكتوب عليها بندر ...بستها
ودموعي تنزل اه يا أجمل شيء صار لي
وحشتني حيل هذي هديته يوم الملكه مع الشبكه .
موتك حطمنا كلنا ....وكسرر قلوب واجد ...
وفرق حبايب واجد ..سحبت الجوال اشوف الساعه
فتحت عيوني بصدمه اربعه متي وانا اناظر جهة
الشباك تأكدت انه الفجر قمت وانا استغفر الله
من العصر نايمه كم فرض فاتني وانا
افتكر اللي نمته كلها غفوه بس اتارني
نايمه لما اليوم الثاني....





بيت ابو سامي

العصر
طلع من غرفة هو ويناظر ابوه اللي جالس تحت النخلة
يكرف في هالشيشه ...تقرب منه وجلس وهو
يسوي نفسه محترم : كيفك يبه ؟

ابو سامي ويسحب دخان من الشيشه : واحطبه
سامي بهمس افا من اولها كذا لا والله كدينا
خير قال وهو يحاول يحصل اللي يبي
وبكذب : يبه علامك زعلان مني ؟

ابوسامي ناظره بستخفاف : من انت عشان
افكر ازعل منك ؟
سامي
لا شكل ابوي ماراح يجيبها ع خير قال يدور طريقه ثانيه : تصدق يبه اليوم واحد شافني
وجلس يمدح فيك وفي كرمك مع الخلق صراحه
افتخر انك ابوي صح فيك عيوب الدنيا
بس والله فلاوي ...وبضحكه يكفي سمعتك
العطره يبه من الاخر .. كم تعطيني لاني
تعبت وانا اكذب وراي هجوله ليتني فاضي
كان اعطيتك الكلام اللي يحبه قلبك ..




@storykaligi

🍃🌸🍃🌸
🌸🍃🌸
🍃🌸
🌸 14 ..




ابو سامي بعصبيه من تفاهة هالولد: انقلع عند أمك

سامي : يبه امي تقول انقلع عند ابوك
واروح عند بدريه تقول انقلع توظف

ابو سامي ببرود: وهي صادقه روح دور لك
وظيفه تستفيد ونستفيد حنا معك
سامي بصدق : مستحيل يبه راح اعطيك لانك
تصرفه في هالسم اللي تشربه ..

ابو سامي بقهر: كمان تقولها في وجهي قلت لي
كم تبي ؟
سامي تقرب منه: ي حبي لك

ابو سامي دفه:اقول تقلع انت وحبك مابيه

سامي بقهر: يبه طالع مع الشباب والله وجيبي
مافي ريال ترضى ولدك يطلع معهم وهو مفلس

ابو سامي : عادي وش فيها ماهو ابوك من قبلك
مفلس ولا صار شيء

سامي بقهر: يبه وين مفلس والخبل راجح موجود

ابو سامي بقهر : مدري وش فيه هاليومين يطلع
بالحسره الفلوس وبقهر يقول بنته ماعاد تعطيه

سامي بضحكه : اكيد ما عندها وهو يتذكر كيف يترصد
ويأخذ فلوسها

ابوسامي : اقول قوم فارق عن وجهي لاتتطير الكيف
سامي
عصب يعني ايش يقوم كذا لا لازم يسوي شيء
قال بقهر : يبه تكفي خمسين بس ماراح تضرك بشي

ابو سامي : سوي اللي قلت لك عليه وابشر بعزك
بدل الخمسين تأخذ آلاف ..
سامي قام مثل الملدوغ : لا اسف يبه ..

واتجه لشارع بضيق مايدري وش يسوي ..

الدحمي مفلس اكثر منه جلس على الدكه
ناظر بيت جيرانهم اه اكيد عند طباخة الحاره
فلوس ليت الخبل حمود يجي يكسب من وراه
قيمة طلعته مع اخوياه ....ضحك بقوه يوم
تذكر وهي جايه تصارخ عليهم تبى فلوسها
ههههههه البنت ذي عبيطه عند الكنج شيء يرجع
نبهه رنة الجوال عرفه من النغمه اللي كان النشبه يبك
فديتك صح نشبه بس خويي دنيا رد بعربجه: هلا بالدحمي ..




بيت ابو غلا

غلا تناظر ابوها بقهر اللي مرمي ونايم في الصاله ..
آاه ودي اذبح ابو سامي والله كل ماشوف
ابوي كذا هو اللي يوفر له هالسم قلت

وانا تقرب منه : يبه قوم غرفتك ..

ابو غلا بلسان ثقيل وراسه دايخ : وين هذي غرفتي ؟

غلا بقهر : يبه هذي الصاله غرفتك هناك هات يدك اساعدك لان أم محمد جايتني وماهي حلوه شكلك مسدوح كذا في الصاله

ابو غلا ولسان ثقيل :تتطرديني من بيتي والله ماطلع
منه صدق انك عاقه ..

غلا قفلت عيونها ااه بدينا وهي توقفه : اي طرد يبه اقول أحسن كمل نوم هنا والله يعين اجلس انتظرها
في الحوش ..
رحت المطبخ وحضرت الطلبيه
اللي جايه تأخذها وطلعت في الحوش سحبت لي كرسي وجلست وانا ...اتنهد بتعب..
والله من جد تعبانه طول اليوم اطبخ واشتغل
في هالطلبيات ليت احصل هالوظيفه
في السوق اللي قالت لي عنها جارتنا ام عادل
بس صعب مين يوديني ويروح فيني
.ايه لقيتها لو تمت هالوظيفه اروح مع السواق
اللي يودي بنتها الله يسهل بس اه يبه متى
تصحى بس عشان اكلمك في الموضوع
لاني لو كلمته وهو كذا ..قسم بالله بكرا يجحدني
وينكر اني قلت له شيء ...رفعت جوالي اشوف

يوم رن شفت رقم ام محمد : هلا وينك جالسه
احتريك ؟
ام محمد : والله مافيني اجي لو تقدري تعالي فيه
انتي أنا اخوي توه دخل عندي وصعب اطلع
وهو جاي من مكان بعيد يبي له غداء ..
غلا بتعب: طيب وينه محمد ؟
ام محمد بهدوء : ماهو هنا مدري وين هايت
وتكفين بسرعه المره مستعجله ولدها شوي
ويجي لطلبية الأكل

غلا
زفرت بضيق ماحب ...اطلع من البيت وكمان مابي اشوف بنتها الغثيثه ليتها ماتفتح لي
الباب هي لبست العبايه الراس ولبست النقاب
وطلعت وانا اتأكد من حجابي حملت الاطباق
في يدي حاولت افك يدي الثانيه عشان اسكر
الباب لفيت اناظر الشارع الا ذا في وجهي جالس
على دكة بيتهم ي ولد ال**** ...يالهايت ودي
.اذبحه ...كويس ومحمد ماجا كان كل هالاطباق
في بطنه جعله السل ...مريت من عنده وانا ودي
. أخذ حصى وارميه في وجهه العله ذا صدق

قليل حيا جالس يصفر والله هالعيله يبي
لهم الهيئه والسجن ..وسخين بشكل مافي حد
صاحي فيهم اكرهم ودي انتقم منهن دمروا ابوي
سامي وهو يكلمها بصوت عالي وهو يدخن
وبوقاحه : اقول يالجاره ..المؤذيه
اعطينا من اللي في يدك وخليك كريمه مثل ابوك
وبصوت عالي والله .. ابوك دفيع في غير سنع ..

غلا
طنشته وانا امشي والله فيني امردغه واحذفه
بالصحون ذي في يدي...واعطيه كم كلمه تبرد
خاطري بس مايجوز ..اغضب ربي واتكلم معه
وعصبت زياده يوم جلس يرفع صوته ذا بيفضحني.
سامي بااستفزاز يبها ترد عليه : اقول ليه قاطعه على
ابوك السكير الفلوس والله كذا احسن لانه يدفع
فلوسه عشان قارورة
يالله ربي يهديه الله لايبلانا صعب
صعب التخلص منه بس عندي طريقه تخليه
ينظف جسمه من هالسم بس اضرارها اكثر
من فوائدها يمكن حتى يموت فيها اقولها والا لا
وبلعانه اكثر بس بشرط تعطيني من هاللي في يدك ..




@storykaligi

🍃🌸🍃🌸
🌸🍃🌸
🍃🌸
🌸 15 ..



غلا
قفلت عيوني بقهرر من صوته ذا اللي يرتفع زياده
كل ما بعدت عنه يعني اسمع غصب وش ذا الادمي

حاولت اسرع مشيتي... اه ليتك تموت ...انت
ي الحقير والله ماسكه نفسي بالقوه جالس
يعايرني با ابوي .. ويتمسخر حضرته ليت ربي
يأخذك من اذيتك لجيرانك وبنرتاح بعدها
صدقني وتصير حارة السعد والهناء بعد ماكانت
بوجودك حارة القحط والسربته فرحت يوم
شفت باب ام محمد ناظرت وراي اخاف ...يلحقني
ويشوه سمعتي لانه حضوره في الشارع كله
شبهه دقيت الباب االمصدي ذا والله .. الظاهر
لو اقوي شوي الطق يطيح قدامي قفلت عيوني
بنرفزه يوم سمعت مين اللي تكلمني وراء الباب
..لا لا لا وش هاليوم من بدايته نكد يعني طلعت
وشفت الهايت قدامي والحين العله هذي قدامي
لا كذا كثير علي ..
قلت بدون نفس : وينها امك
وكلمه زياده منا مناك قسم اكوفنك مكانك

بثينه : نعممممم

غلا عرفت انها صاحبة طويله : بسرعه وين امك ؟

بثينه بستفزاز : امي داخل بس معليش مقدر ادخلك
خالي سلمان جالس في الصاله ...

غلا وهي تناظر فمها كيف تحوسه: عشتو اوك من
اصله مابي ادخل خذي هذي واعطيها هي وقولي
لها بس بعدها بسرعه ...رجعت وسحبت الطلبيه
صراحه مو واثقه فيها..يمكن تسوي شيء وتخرب
الأكل وانفضح من المره ادري فيها طول عمرها
قلبها اسود علي وبعدها وش استفيد انا

بثينه بعصييه : خير ساحبتيه كذا مني

غلا بدون نفس: اخاف تأكليه ادري فيك مشفوحه الله
لايبلانا وهي تناظرها ببرود ونادي امك يرحم والدينك
لاني خلاص روحي طاقه يكفي اللي فيني ..

بثينه بنحاسه : قلت لك امي مو فاضيه وبسرعه
خلصينا وبدلع خالو ينتظرني تصدقي جايب
لي هدايا واجد ربي يطول في عمره بس لاني
وعدته ازوجه بصديقتي الحلوه هذيك تعرفيها صح

غلا خير خير هذي وش فيها تقول كذا كني ابي ازعل
عليه ولا افتكر فيه صدق غبيه : لا للأسف ماعرفها
وكويس فرحك وتذكرك بهديه وكاد تنفك عقدتك

بثنيه بقهر: اقول والله ماغيرك معقده وقفلت
الباب في وجهها


غلا
اااه ودي اذبحها رجعت دقيت الباب مكرهه
غصب عني والله ماحب اجي عندهم من فعايلها
بس الحاجه هي اللي تذل ..
المره الثانيه ..فتحت
امها تنهدت براحه: ليتك انتي اللي فتحتي من اول

ام محمد بشك: وش هي مسويه لك ترى خالها هنا
وابيه يبرد خاطري فيها والله

غلا ببرود اعطتها الأكل : ماسوت شيء ..
وبسرعه
اعطيتها ظهري ورجعت للبيت وانا ادعي ماشوف
هالسامي قدامي اه فرحت فرح يوم شفت ركب
السياره مع خويه الهايت الثاني وقفت يوم شفته
نزل وركب محل السايق وخويه نزل وركب مكانه
مابيهم يشوفوني اخاف من تصرفاته الطائشه
بس ثواني وصرخت بدون حس
حسيت السياره بتقلب فيهم لما استوت عرفت انه
يسوي حركه من حركاته البايخه حسبي الله عليه
ناظرت من وين الصايح اللي فجر
اذوني شفت شباب متجمعين يصرخون يشجعونه
مالت عليكم اعوذ بالله هذي سياقه بالله ...صدق
انه متهور وبقوه بعد ..يفحط كذا قدام البيت لو بزر
يلعب في الشارع وضرب فيه قسم بالله مخه في
الجدار حسيت بقهر ..وعصبيه منه
وش له هالحركات ...




بيت ابو وليد

في الصاله

ابو وليد جالس يتقهوى قال بجمود: وينه ولدك
اليوم لا نزل ولا شيء حتى غداء ما تغدى معنا

ام وليد: اكيد نايم ي حبي له رجع متأخر
شكله من رحلته

ابووليد : وش له في ..هالشقى يجي يشتغل
مع اخوه ناصر في الشركه ويساعدنا عشان
نكبرها زود بس جالس هاج من مدينه لمدينه

ام وليد تكره ها السيره يفتحها من يوم ماتخرج
طيار وهذا كلامه كل يوم ينعاد ولا عمره مل
قلت بضيق: خله في الشي اللي يريحه ومفروض
تفرح ان وظيفته تشرف وبضيق أكثر خلاص
فك عنه شوي

ابو وليد بحده : اشوف صرتي معه اذكر يومها
جلستي تبكي خايفتن عليه ومن هالحكي

ام وليد بعقل: الله يستر عليه ومادام يحبها ليه اوقف
في طريقه وخله يسوي اللي يبي ي سلطان

ابو وليد : والله مفروض يفكر بعقل ويقول أكبر
حلال ابوي

ام وليد اوف تعبت من عقلية زوجها المتحجر
بطفش من هالسيره كلها: الحين لو ترك وظيفته
وانظم للشركه بيكبر حلالك خله في اللي يريحه
يكفي غصبته على هالزواجه اللي اشوف فيها
ظلم لكل الأطراف بالله وش ذنبها لطيفه
تجي عليها ذره وهي لسى مادخلت حتى بيتها

ابو وليد: ايه اكيد يكبر وبعدين انتي وش يفهمك
ويوم غصبته ماحرمته من اللي يبيها يروح يأخذها
و امشي معه زود بس ريتاج ماتروح لاحد ثاني ..
غير لواحد من عيالي والا انا وجسام نتعب ونكرف
وفي النهايه يأخذها أحد ماهو من العايله وتورث
ابوها ويروح تعبنا كله وخلاص ماتعبتي وانتي
تزيدي وتعيدي في هالحكي صارت مرته وانتهي ..

ام وليد بنرفزه لا صراحه عقل زوجها فيه شيء
ولا ذا حكي عاقل : اللي يسمعك يقول جسام ما
خلف غير ريتاج تكلم بعقل ي سلطان عصام
هو الي يأخذ اكثر منها في النصيب وبعدين
وش التفكيرالله يهديك بس من قلة الحلال ..




@storykaligi

🍃🌸🍃🌸
🌸🍃🌸
🍃🌸
🌸 16 ..



ابو وليد بحده : ولا احد بر العايله يأخذ ريال فلوسنا
شراكه فيها يورثنا عيالنا يكفي ناصر طلع بر
العايله وشوفي كيف باط كبدي بتصرفاته ..

ام وليد تعبت من تفكير زوجها و اخوه مثله
بس والله جاسم شوي... ارحم منه واهدى
تنهدت بتعب: الله يعين بس ي ليت تخفف
عن وليد تراه مايدري وش يسوي ويرضيك
والا هذا جزاته انه مايرفض لك طلب ..

ابو وليد بحده :وش هو انا مسوي فيه غير اني
زوجته بنت عمه وهذي مافيها شيء والشرع
حلل اربع يجيب بعدها ثلاث محدن متكلم عليه
وهذا اللي عندي ..

ام وليد: تصدق حتى مرته مانزلت من جناحها
من وقت ماطبت البيت والله حتى هي قلبها متولع
في بندر

ابو وليد بحزن من طاري بندر: الله يرحمه كلنا
متولعين به وليتني بداله بس هذي حكمة ربي
هو اللي اعطى وهو اللي أخذ ..

ام وليد بحزن: اااه من هالسيارات ماخلت احد
توها أختي داقه علي تقول ولد جيرانهم مسوي
حادث وتوفى ..

ابو وليد بخزن : الله يرحمه اقول اطلعي شوفيهم لايكون ولدك ضايم بنت اخوي
قسم بالله اذبحه لو تشكي منه

ام وليد بقهر منه ومن تفكيره : ياربي انت تدور
وتلف وترجع لسالفتهم خلهم في حالهم وهم يدبرون
أعمارهم وبعدين وليد ي حليله ماعمره يقدر يزعل أحد ..

ابو وليد :اقول قومي شوفيها البنت ماطلعت لها
يومين ولدك من يوم جااا وهو ماطلع زود

ام وليد قامت بضيق ...وش تسوي تروح تدق عليهم
جناحهم والا تكذب عليه وتقول ما ردو عليهاا
..وتفك عمرها ...بس والله يسويها ويجي ...يدق
هو بنفسه ويخرعهم بسرعه اتجهت للمطبخ وهي
تقول للخدامه تتطلع وتدق عليهم وتقول لهم
ان ابو ناصر يبيهم تحت بسرعه راحت مثل
ماقالت لها دقت بشويش يالله ينسمع ...

ريتاج
اللي من وقت ماقامت ماعاد رجعت تنام جلست
شوي تتقلب ع الكنب ..حست بطفش سحبت
جوالها وفتحت الواتس ...ترسل لعصام

بس مارد عليها شكله نايم ظهوره متأخر
اه ليت الصداع ذا يخف وقفت واتجهت
للمطبخ اللي في الجناح ..تبي تسوي لها كوفي

وكاد راسها يخف سمعت دق خفيف على الباب
خلت اللي في يدها .. ..ومشت ناحية الباب وفتحته
وهي يالله تفتح عيونها من ثقل راسها شافت
الخدامه في وجهها ناظرت الجناح بسرعه قالت : نظيف
المكان شكراً مايحتاج

سوكيا هزت راسها بلا : ماما يقول بابا ينزل
تحت ضروري انت وليد ..

ريتاج
هزت راسها بدون صوت ورجعت ..
قفلت الباب
وهي تزفر بضيق .اااه والله مو ناقصه غثى عمي
وكلامه اللي ماعمره قال كلمه سنعه ولا تطيب
خاطر دايم شديد ..وبعدين كيف الحين ذا يصحى
رجعت المطبخ وكملت الكوفي ورجعت جلست .على
الكنبه وهي تشرب وتفكر كيف تصحيه رجعت
ناظرت شنطتي اللي طلعتها معي يوم طلعت من
الغرفه تحركت وجلست ع الأرض وطلعت منها
فستان بيت رايق ...وبسرعه دخلت أخذت شور
ولبست وبسرعه نشفت شعري اللي ينشف بسرعه
لاني قاصته الفراوله وهالقصه لها ذكرى معي و ..دايم

يقولو غيري بس احبها احسها هي تضبط على وجهي
وبعدين بندر كان يحبها حيل بعد الملكه يوم جاا
زارني حبها كثير من يومها خلاص اللي يحبه
بندر احبه وصرت اقصها ع طول الكل يقول
قديمه بس ماعلي فيهم ...
فتحت الاستشوار ع هواء خفيف عشان انشفه ازود
بعدها
سحبت العطر من الشنطه ورشيت شوي ناظرت
وجهي خالي من اي مكياج
..من اصله ماقد حطيت مكياج من يوم موت بندر ..
وخلاص تعودت على شكلي ذا قبل كنت ..
كنت اموت في حاجه اسمها موضه ولبس
وكشخه .
اليوم صرت كارها كل شيء استغفر
الله العظيم التواب الرحيم مفروض ارضى بحكم.
.. ربي بس والله غصب... عني كسرني موته
كثيربندر كان البسمه للكل سمعت صوت
باب غرفة النوم ينفتح فرحت مابي انزل لحالي ..
.وعمي يجلس يحقق معي ولا ابي ادخل غرفته
ويعصب علي شفته مر من عندي
ودخل المطبخ طلع .عصير وجلس على
الكنبه
قلت بهدوء: عمي يبينا تحت ارسل الحين سوكيا
وليد بعصبيه: ااه من عمك ذا هو اللي ذبحني
وحرق قلبي

بضيق تكره تذمره :كلنا حرق قلوبنا مو
انت لحالك بتنزل معي والا انزل لحالي ..




@storykaligi

🍃
🌸** تكمله ..
🍃



وليد بقهر : انتظري لاني مافيني على لسانه ..

ريتاج بهدوء : ياليت تتحترم ابوك وانت تتتكلم عنه
مهما كان حبك للطيفه مايخليك تتكلم على ابوك
حتى لو كنت متضايق من تصرفاته

وليد بسخريه : ايوه آكيد تقولي كذا وهو اللي خلاك
تتزوجي واحد كان حتى حلم ماتحلمي تأخذي مثله ..

ريتاج ببرود: لا غلطان والله ان عندي كان واحد
مافي مثله ولا رجال العالم كلها تعوضني عنه
ربي يرحمه ويسكن روحه الجنه وانا اذا نصحتك
عشان ابوك ترا والله لمصلحتك ماهو على قولك
انه زوجني واحد مثلك ماشاء الله الله يستر عليك
من العين وبسخريه لأن مافي مثلك آكيد
وهي تتطول في الكلمة ..

وليد فز بسرعه وتقرب منها جالسه تستفزه
وهي كذا تحكي مسك فكها بقوه

وهويحذرها:ريتاج انتبهي مني اوك ترى والله ماهو
وليد اللي خابرته ترا خلاص تغير يوم ابوي
حكم ونفذ اني اخذ أشكالك وهو يدفها عنه بعنف ..

ريتاج متفاجه من تصرفه مسكت على فكها بألم
وهي معصبه صراحه زودها معاها ناظرته
وهي ودها تبكي بس بلعت الغصه

وليد بحده وهو يناظرها بعصبيه: انثبري هنا لما البس
وننزل جميع

ريتاج
بقهر مشت وطلعت من الجناح من غير ماتنتظره
كل مره تنصدم فيه اكثر هذا وليد اللي
ينضرب المثل بعقله...بس انا مستحيل اخليه يتعامل
معي بهالطريقه على الاقل يخلي بينا احترام ...
اخذت نفس قوي ورتبت شعري بيدي بطريقه عشوائية
ونزلت الدرج وانا ادعي عمي مايقط علي كلمه
...تكدرني ...رديت السلام وتقربت منه وهي تسلم
فوق راسه وجلست ع الكنبه بهدوء

ابو وليد بجمود: وينه رجلك نازلتن بدونه

ريتاج بضيق بدينا : يأخذ دش ونازل وراي بس
انا تقدمته خفت اتأخر عليك لانك تبيني
قالت لي سوكيا ..

ابو وليد بحده : ابيكم جميع ماهو لحالك تنزلي
قومي أكدي على زوجك ينزل بسرعه

ريتاج بعجز اوف قالت بهدوء ظاهري:صدقني
نازل بس شوي توه قايم من النوم

ام وليد بخوف :ايه صح كلامها خله على راحته
وهو هاينزل وش له مستعجل

ابو وليد بحده:نشوف ينزل والا لا بس ياليته يعاند عشان اعرف ابرد قلبي فيه ..

وليد
نزل على آخر كلمه.... ابوه قالها من اصله .
.هو معصب ليه ماسمعت كلامه وانتظرته
وشوفوا عنادها جاب له الكلام

قال ببرود بعد ماجلس : لسى ماببرد

ابو وليد بحده : ليه ذابحك وانا مدري ؟

وليد :لا طال عمرك ..

ام وليد بخوف اكيد بتوقع بينهم بس هي واثقه
من وليد مستحيل يزعل ابوه ويجلس يرادد :خلاص
خلونا نتقهوى وفكونا من المشاكل وانت ..

وليد هز راسه وهو يناظر ريتاج بسخريه

ريتاج وقفت وهي تصب قهوه ودها تكتها فوقه
جالس يجرحها بنظراته اللي تتدل على كرهه
لها ليه مايفهم ويحس هي حزينه عليه .
والله ومقهوره انها فرقت ..بينه هو وزوجته
بس هو صراحه مزودها ناولت عمها الفنجان
وبعدها خالتها تقربت منه وهي تناوله
الفنجان قالت بهمس :شوية احترام اوك
وبلاش هالنظرات

وليد رفع حاجب وبهمس : نعم ...............




@storykaligi

🍃🌸🍃🌸
🌸🍃🌸
🍃🌸
🌸 17 ..




ابو وليد لما شافها ترجع مكانها قال بحده : ارجعي اجلسي عند رجلك وابيكم تسمعوا الحكي زين

ريتاج

قامت وهي كاره عمرها بس جلست بجنبه بعناد تدري انه راح يولع ....وهي سمعت كلام عمها ..ماعليها فيه

ناظرته بعدها حزنت عليه هي حاسه فيه ...

قالت بهدوء :علامك ي عم معصب على وليد تراه مافي مثله
وكلامك كله على راسنا وانت تأمر وحنا ننفذ ..

وهي تناظر وليد اللي وجهه احمر من العصبيه وحده يبي
ينفجر احتارت وش تقول عاد تسكت افضل لها وله

ابو وليد فجر القنبله :مادام انا أمر وامري هالمره ابي الحفيد اللي يبي يأخذ أسمي واسم اخوي مع بعض ..

ريتاج
بهت وجهها ماتوقعت يطلب هالطلب لا مستحيل ماتتخيل

وليد بقهر: يبه اللي يسمعك يقول مافي عيال معك ومأخذين اسمك

ابو وليد بعصبيه: مالك شغل تجيب الحفيد وبس ..

ام وليد بضيق من تصرفات رجلها اللي تشوفها زيادة يعني
خلاص اللي يسمعه يقول مافي معه غير وليد وريتاج هم اللي يجيبون الحفيد طيب حنا مانكره بس ماهو بهذا الضغط عليهم وصراحه تخاف من كثر مايضغط عليهم وليد يقسى ع ريتاج

لانها تشوف الزعل في وجهه : اذا ربي كتب ي ابو وليد كل شيء نصيب وبعدين ليه كذا مستعجل توهم لهم يومين من اعرسوا وش فيك الله يهديك ؟

ابو وليد بصدق : ابي بندر بسرعه وهذا اللي عندي ورجع ناظر زوجته
لو لسى فيك عيال كان ماطلبته منهم والا راضيه اجيب الثانيه ماعندي مانع ترى..
وهو يناظر وليد عشان يضغط عليه

ريتاج وقفت بقهر من كلام عمها يتكلم ومايفكر قد ايش يجرح
الشخص بحكيه وكمان مولعه منه ليه يكلم خالتي كذا

بنرفزه : والله لو جبنا مية ولد اسمه بندر مايطلع مثل بندر الله يرحمه ..

وليد ناظرها بقهر ذي صدقت عمرها بقوه لو ايش ماسمع كلام ابوه انا ابي شيء يقربني من لطيفه وهذولا بهالتفكير
راح نبعد بالمره انا وهي الامل الضعيف اللي عندي انها ترجع

وترد على شوق وتطمني بهالشي ابوي يطلبه ...راح ينهي
كل شيء قلت بمسايره له عشان شفت امي وجه مايطمن

اخاف عليها من ارتفاع الضغط وكمان ما احب اطلع اللي بينا
: لو ربي كاتب بندر ان شاء الله يجي ولا يهمك يبه
...
ريتاج ناظرته بصدمه ..وش يقول ذا مستحيل أخليه يقرب مني
وليد ناظرها بستفزاز وقف :انا طالع

ابو وليد : وين ؟

وليد :رايح الاستراحه شوي وراجع

ابو وليد بقهر منه : اقول خذ مرتك بس واطلع تمشى معاها شوي تاركم عرسان ي مال الجدري وخلى عنك الاستراحات

وليد

ناظرها بعصبيه وده يذبحها اه من ابوه جالس يلزقها فيه
غصب قال بضيق : يالله لو تحبي تجي حياك ..
ريتاج بقهر : لا شكراً بس ودي توديني بيت ابوي ..

وليد بضيق :اوك أمشي

ريتاج طلعت وهي معصبه ودها تتطلع من هالبيت بكبره
وش اللي عمها جالس يطلبه ياناس جالسين... يحملونهم فوق
طاقتهم دخلت الجناح وبسرعه سحبت العبايه ....وطلعت

شفت شوق في وجهي طالعه من غرفتها ابتسمت غصب عني اموت في هالبنت : وينك غاطه والا هذي ضيافتك لي في بيتكم ..
وانا اقرب منها واسلم

شوق بأبتسامه: ماحب اطلع كثير صرت من غرفتي

ابتسمت بحزن اااه كلنا تغيرت حياتنا بعد موت بندر
احس الحزن في عين كل احد منا لبست العبايه ..

شوق : وين رايحه ؟

ريتاج: بيت اهلي
وبضيق
: شوق تكفين اذا كلمتي لطيفه قولي لها ترد علي والله انا مالي يد في الموضوع ..

شوق بزعل على حال لطيفه : والله رافضه حتى انا تكلمني
واخوي وليد ارسلني أكثر من مره عشان تتمم الزواج والحفله

وسكتت خافت ريتاج تزعل قالت بأسف :اسفه

ريتاج : ليه تتأسفي ياليت يحصل كذا وكمان يعيشون احسن عيشه
وبعدين ي شوق انا احب بندر ولطيفه تحب وليد
وهي الأحق فيه

شوق بحزن عليها : بس بندر مات ومستحيل يرجع
ريتاج بحزن : وانا راضيه اعيش على ذكرياته واكون له مو
لغيره مابي غيره صح ماعشت معه غير ايام الملكه اللي
كانت أحسن أيام عشتها في حياتي وبحزن شوق وحشني حيل

وهي تضمها وتبكي ودها تتطلع اللي في خاطرها ودها احد
يسمع منها بس كلهم قاسين معاها اللي يحبها وينتظر كلمه منها بشغف خلاص راح ...

شوق حست بدموعها تنزل على حال ريتاج ضمتها زياده : كلنا وحشنا خلاص
حبيبتي

ريتاج بعدت شوي عنها وهي تمسح دموعها : الله يرحمه قالت وهي تحاول تمسك نفسها وهي تغير السالفه خلاص لاتنسي كلمي لطيفه

شوق بحزن: راح اكلمها مره ثانيه ليتها بس ترد واقولها انتي ايش قلتي ؟

ريتاج : قولي لها ياليت تفك الحظر عشان تقدر تكلمك واتس لو ماتبي تسمعي صوتها

شوق بصدمه: لطيفه مسويه لك حظر

رتياج بضيق : اي والله مسويه من بعد سالفة الخطبه على طول
وبحزن تخيلي انا وهي كنا مانفترق إلا وقت النوم درسنا مع

بعض ضحكنا وبكينا والحين شوفي القدر فرق بينا بس والله انا
اكثر واحدة مظلومه في السالفه بس مين يفهم

شوق :خلاص حبيبتي روحي بيت اهلك الحين وبعدها يصير خير ولا تضايقي حالك ..



@storykaligi

🍃🌸🍃🌸
🌸🍃🌸
🍃🌸
🌸 18 ..




في بيت ابو سامي

ابو سامي ناظره بأبتسامة مكر اخيرآ طلب يد بنته ...اه من زمان
وهو يبي يزوجه بس ...مايدري ليه مايبي بدريه بس الحمدلله

طخ يوم شاف انه محد قبل فيه مين بيقبل فيه الغبي ذا قال

بخبث وهو ناوي كمان ينفك من سامي وكاد يعقل وينفك عنه
لانه جننه كل يوم من مشكله لمشكلة ويرتاح من مصروفه
بنته شغيله واذا نحست معه ورفضت تعطيه اكيد
وقتها راح اكسبه في صفي اذا شاف نفسه مسوؤل وماعنده
وظيفه واخليه يسوي اللي ابي من فوق خشمه وبعد اوثق
بنتي ماترجع علي اذا قويت العلاقه من الطرفين لان
مع الأسف بنته شينه وعوبه ومحد يتحملها واكيد بتغلس ع
بدريه حتى تسبب مشاكل بينهن واكيد الغبي ذا بنته بتلعب
بعقله وبيرجعها لي مطلقه ايه لازم افك بدريه من غلا ذي

ام لسان وبحقد يتذكر يوم جت البيت حقهم وجلست تصارخ
وسمعت فيه الحاره كلها ومحد يقدر ي بعدها غير سامي ايه

راح يبعدها كل البعد عن بدريه قال وهو يسحب نفس من اللي في يده : بشرط تعطيني بنتك لسامي ..
ابو غلا بصدمه: ايشششش
ابو سامي بمكر: هذا اللي عندي اعطيك بنتي تعطيني بنتك لولدي ..

ابو غلا مايبي يعصبه برفضه بس يحاول يطلع عذر احسن : لا لا البنت تبي تتوظف وماهي حق زواج صدقني دور لولدك
احسن منها الحاره فيها بنات على قفى من يشيل ..
ابو سامي ببرود: اجل اوك حتى انت الحاره فيها بنات على قفى
من يشيل وما عندنا بنت نزوجها لك ولا عندنا شراب عاد نوفره
لك ويالله قوم لا توريني وجهك عاد ..

ابو غلا
بسرعه لا لا يموت لو مايحصل شراب مايقدر هو يجيب
بعدين هو وش مستفيد من بنته ام لسان بس مين يصرف عليه
وكمان سامي مايصلح لها صايع وهي ماتستاهله والله
...
بس غصب عنه لازم ...يوافق راح تروح عليه بدريه ...لان
مافي إلا هي رضت فيه ...مل من كثر ماراح عند أحد قال وش نبي فيك ي سكير الحاره .......


ابو غلا وقف بضيق : لا لا ان شاء الله خير وارد لك خبر

ابو سامي وهي يسحب نفس من المعسل وببرود:اوك انتظرك عشان انا ارد لك خبر ..
ابو غلا طلع ساكت

ابو سامي
ابتسم بخبث صدقني بتوافق من غير تفكير حتى . .
وهو يناظر علبة الشراب بتجيبك والله ....
ابتسم بخبث...
وكاد راح اكسب هالسامي في صفي متأكد لو يطاوعه مكسبه ذهب بيكون ....


غلا

جالسه تشرب كولا بارد وتتابع التلفاز شافت ابوها داخل لا لا مو مصدقه ابوها مصحصح والله هذي تنكتب في التاريخ قالت بتريقه: هلا هلا يبه لا اليوم لازم اسوي حفله ..

ابو غلا بأبتسامه : صدقيني اقولك الخبر اللي عندي وبعدها نسوي حفله جميع .
غلا بسرعه: من الحين يبه اذا خبرك فيه فلوس ترا ماعندي ..

ابو غلا : اه يالعاقه ماتبي تعطي ابوك فلوس
غلا : يبه اللي عندي يالله يكفي مصروف ..
ابو غلا بتطنيش لانه لو فتحت فمها مستحيل تسكت عشان موضوع المصروف وان راتب التقاعد كله يهدره في الشراب قال بأبتسامه : جاك عريس

غلا بصدمه:ايشششششش

ابو غلا ببرود : وش فيك تبي تموتي علينا

غلا بقهر من برود ابوها: لا بس انفجعت من العريس اللي جايبه واكيد شين مادام من طرفك ..
ابو غلا بحده : اقطعي ي بنت يجعل هالسان عليك القص ..

غلا بقهر: يبه مستحيل اطول لساني عليك بس والله حاسه انه
مصيبه اللي جايبه ..

ابوغلا : والله هو مصيبه مصيبه بس وش اسوي مافي حد طلبك غيره وانا صراحه ابي اتزوج وانتي راح تسببي لي مشاكل مع اللي أبي اخذها ..
غلا بقهر : يبه مين شكى لك وقال ابي اتزوج تكفى قفل هالسيره ..

وقالت بثقه لان ابوها محد بيقبل فيه وكمان تزوج بالعافيه عليك وصدقني ماراح اسبب لك اي مشاكل فديتك يبه ابي راحتك ..
ابو غلا بتطنيش لحكيها : من غير ماتعرفي مين ؟

غلا :لا

ابو غلا بسرعه: سامي

غلا بصرخه : سممممم ان شاء الله له السربوت ذا ماعاد إلا هي الصايع اقبل فيه

ابو غلا :معليش لازم تقبلي فيه عشان ابوك يبي بنتهم وهم قالوا تعطينا بنتك نعطيك بنتنا ..

غلا
كنت اسمع كلام ابوي ...وانا مصدومه اه يبه ليه كذا ماتحس
فيني ليه ماتخاف علي ..مثل اي اب يخاف على بنته ...كذا
جاي بكل برود تبي ترميني على هالعربجي ...حتى طريق
المسجد مايدل له ضحكت بسخريه وانا اناظره يعني الحين

ابوي يدله استغفر الله العظيم بس قلت بكل قهر: يبه والله فرحتني يوم شفتك داخل علي وانت صاحي بس ليتك دخلت سكران اهون علي من المصيبه اللي قلتها يبه انت
عارف سامي ذا مين عارف يبه وعادي عندك ترميني له ..

ابو غلا وراسه صدع من صوتها : اقول اقصري الشر مابي اقوم واكوفنك هنا انتهت السالفه يوم الخميس ملكتي وملكتك

جميع وخلاص يأخذك لبيته ويفكنا من طولة لسانك ذي
(وبقهر ) تعبت ابي مره انتي وش يفهك

غلا بعصبيه :ومين وقف في طريقك خذ اللي تبي

ابو غلا بقهر: محد رضي فيني ماعدا ابو سامي لانه يعرف الرجال صح ماهو مثل باقي الحاره اللي شايفين أنفسهم على الفاضي ..




@storykaligi

🍃🌸🍃🌸
🌸🍃🌸
🍃🌸
🌸 19 ..




غلا بقهر : يبه ماهو شايفين انفسهم إلا يعرفون وين مصلحة بناتهن
ابو غلا بعصبيه تقرب منها مسك شعرها بقوه : وش قصدك يعني اني انا مصلح لهن ..

غلا وهي تتألم وتمسك يده : يبه حرام عليك جالس تعورني

ابو غلا بقهر : والله ي غلا لو ماتحترميني لا ذبحك ومأخذ فيك عزاء ودفها عنه ..

غلا وهي تبكي : يبه انا ايش سويت فيك عشان تسوي فيني كذا وعشان مين عشان بدريه من اصله كيف تضمن وحده كذا على بيتك مافيها خير ..

ابو غلا بعصبيه رجع و رفسها: وش فيها لا تتبلي عليها ومن اليوم ورايح تحترميها هذي بيتصير زوجة ابوك يالعاقه وطلع وهو يسب فيها ..

غلا
حست بألم في جنبها من رفسته وش ابو سامي مسوي في
عقل ابوي الا صراحه لاعب بعقله و بقوه بعد
لا لا مستحيل اوفق بس ابوي اخاف منه لو عصب يمكن
يذبحني حتى ..ااه ليت اقدر ادق على عماتي.....بس ايش اقول
لهم تعالوا خذوني ابوي يبي يزوجني ... لا لا مستحيل اسوي كذا وان شاء الله يرجع واقدر اغير رأيه ..
ايه ابوي طيب ودايم كذا يسوي يعصب علي ....ويمد يده بس يرجع
ويحزن وأكيد راح يرجع في قراره وشكله ماهو صاحي

وانا افتكره صاحي شكله معبي فل عشان كذا جالس يقول
حكي ما يدخل المخ إلا حد يزوج بنته لسامي ذا ..وع بس
اتخيل شكله زوجي ...بطني تقلب علي بس ااه ذبحتي يبه وهي
تمسك مكان الضربه ورجعت تبكي بقهر صرخت :
وبعدين من متى هالحب ي يبه لبدريه هذي ام شعر اصفر محدن قبل فيها قالت ..
مافي غير هالشايب العب عليه
اه فيني حره منها ومن اخوها ومن امها عجوز قريح اللي
ناشبتن لي في البيعة حقتي قال ايش ما أعرف اطبخ ...مالت
بس سوي مثل آكلي وبعدها تعالي احكي ...قمت لما سمعت

جوالي يرن اخذته رديت وانا امسح دموعي حاولت امسك نفسي
قلت بهدوء ظاهري: هلا

ام محمد : هلا بش وش مسويه

غلا بكذب: وش يعني مسويه جالسه على انظف

ام محمد :المهم داقه عليك ابيك تسوي ثلاث اطباق مكرونة البيتزا
وطبقين ورق عنب ومعجنات

غلا بطفش: اوف هذا كله لحالي تعالي ساعديني والا ارسلي بنتك
شينة الحلاي

ام محمد بضحكه : شنية الحلاي ماهي هنا راحت مع خالها
سلمان وانا اجي اتعب كذا إلا اذا فيه النص بالنص جيت

غلا :لا حياتي لا النص بالنص ولا شيء خليني بس اعطيك قيمة التوصيل يكون احسن

ام محمد: اوك دقي علي بكرا لما يجهز
غلا هزيت راسي وسكرت

وانا افكرر في كلام ابوي معقول صدق مدري ليه عندي امل انه يهلوس ...جالس ...ايه ايه آكيد انا ماراح عاد افتح

السيره هذي عشان ماذكره لاني اخاف اكلمه وتتصدق السالفه .....ليته يحس بس مره فيني ايه لازم اقوم الهي نفسي بشي عشان وكاد انسى اللي قاله ابوي رفعت

يدي اناظرها آه متشققه من كل مكان من الكرف اللي اكرفه ..
.يكفي تغسيل الصحون بعد كل طلبية وقفت بكسل واتجهت للمطبخ. .اشوف ايش ناقص عشان يمدي اروح السوبر..



بيت ام عصام

ريتاج : اه يمه ودي اسافر القصيم عند خوالي

ام عصام وهي تناظر ريتاج : اقول خليك من اخوالك الحين وقولي لي وش مسويه مع رجلك ؟

ريتاج ببرود : عايشه الحمدلله

ام عصام : الحمدلله وشياطينك هدجت والا انا كنت خايفه و متفشله من عمايلك

ريتاج : لا لا تخافي ماسويت شيء وخلاص والله لو اصارخ
والا اموت في مكاني ماراح يتغير شيء مادام الراس الكبير
قال كلمه وطبعاً اخوه مستحيل يرفض حتى لو ظلم بنته ..
ام عصام بحده : اقول استحي ولا تهرجي عن عمك وابوك
كذا ادري فيك عاقله وش اللي مغيرك كذا ..

ريتاج بقهر: ليتك يمه تحسي فيني بس شوي ...

ام عصام بعصبيه: وش احس فيك تبيني اخرب بيتي عشانك
وبعدين وش فيه وليد والله ينشرى بالذهب ..

ريتاج : يمه حرام عليكم الولد مملك ويبي زوجته ليه تقهرونه وتقهروني معه والله ياليت تحسوا بتنأيب الضمير اللي احس فيه قد يش صعب يمه وموجع

ام عصام بعصبيه: وش قهره بالله ومين قال حد يبي يوقف في
طريقه ويبيه يخلي مرته وبعدين اي قهر انتي تتكلمي عنه احمدي
ربك تزوجتي بدل جلستك كذا تبكي على ميت ومستحيل يرجع ..

رتياج بقهر : ليتكم خليتوني مع الميت والله راضيه يمه والله
مابي اخذ غير بندر ولا ودي اكون حليله لغير بندر
وكمان صديقتي ااه يمه تخيلي حتى رافضه تكلمني ..

ام عصام بدون مبالاه :عساها وش لك فيها انتي خليها مادام ماتبيك انتي سوي مثلها واحفظي ماي وجهك ولا عاد اسمع انك
دقيتي عليها ..

ريتاج بعجز من امها : يمه حرام والله حاسه فيها تخيلي احد يجي عليك ..

ام عصام بقهر: بسم الله علي وبعدين وش له تقارني حياتي اللي لها حول ثلاثين سنه مع ابوك مع وحده مملكه لها حول
السنه بس

ريتاج بحزن :يمه سنه ونص لها

ام عصام : وش فرقت إلا شوي ..



@storykaligi

🍃🌸🍃🌸
🌸🍃🌸
🍃🌸
🌸 20 ..



ريتاج
ناظرت امها بعجز تدري انها مو مستفيده شيء
. .
هي متوقعه ابوها يحن بس امها لا دوم قاسيه ...ولا تفكر فيها

اهم شيء عندها ابوي ...وكلمة عمي والقهر وين تقول حنا
مانعرف مصلحتنا اي مصلحه اللي يبونها لنا...غير تعب
وشقى وكمان وليد يقهر ..محملني انا المسؤوليه ...تعبت وانا
ابي يعطيني فرصه اتكلم واشرح له اني مالي ذنب في ذا كله

عنيد بشكل ماشفت مثل عناده والله الله يصبرني واللي
قاهرني اكثر كلام عمي قال ايش يبي وريث ..خليهم يجيبونه

الوريث ذا عصام وشوق ..يعني انحكرت علينا

فتحت جوالي انتظر اتصاله ليته مايجي عشان يعرفون قد ايش
مايبيني وانه رافضني من حياته ومستحيل يوم يقبل فيني

وبالذات مع حبه للطفيه الجنوني وقفت وطلعت غرفتي
فتحت الباب ورميت حالي على السرير وبكيت بقهر وبحزن ااه

يارب ان ترحم من تحت التراب يارب وتصبرني يارب على
فرقاه مابي شيء والله من هالدنيا كلها خلاص عفت العيشه

بعده ليتك يا حبيبي معي ماكان هذا حالي ..استغفرت الله

..الحمدلله على كل شيء ويكفي انه راح عند عزيز مقتدر ..

ناظرت الساعه حاسه انه شكله ماله نيه يجي خليني اقوم
البس لي بجامه احسن ..واخلي جوالي عام ان دق طلعت له

وان مادق كيفه اهم شيء مو انا اللي رفضت ماروح معاه
بس وش يفكني من لسان امي وابوي .

فتحت الجوال بطفش وانا اقلب في النت رميته بسرعه
حسيت بطفش اسيل الخايسة نايمه وامي عندها طلعه ماهي
فاضيه لي مديت يدي وفتحت الدرج وطلعت صور بندر

وفتحت دفتر ذكرياتي وكلامي عنه بعد الملكه ايش حسيت
يوم ارتبطت فيه لاني كنت خجلانه اقول له قلت اكتبه
واخليه يقراه حسيت دموعي تنزل بكيت بقوه حسيت
اني مخنوقه بزياده مسحت دموعي بس رجعت تنزل ااه وش

اسوي بدنيتي بدونك ....ضميت الدفتر بقوه لصدري
ورجعت ابكي بعدها حاولت اصبر نفسي وانا اتعوذ من ابليس
و اذكر اذكار المساء وانتظر اذان المغرب اكيد راح ارتاح بعد
ما اصلي ..



اليوم الثاني

بيت ابو سامي ..

ابو سامي بسخريه وهو يناظر سامي الي جالس يأكل
سحب نفس من المعسل اللي في يده: اقول خطبت لك بنت راجح ..
سامي انصدم رفع راسه ناظر ابوه واللقمه في فمه : وش هو ؟
ابو سامي : ابلع لا تغس ..

ام سامي بدون نفس: ماعاد إلا هي ازوج ولدي عليها هذي ام لسان

ابو سامي بسخريه أكبر : والله ياليت تحمدي ربك لو وافقت عليه هالصايع معك ..

ام سامي بقهر: وش به ولدي زينة بنات الحاره يقبلن فيه خلينا
من بنت السكير ذا وش تبي فيه ضروري تلزقه اكثر ماهو

لازق فينا وبقهرنفسي اعرف وش محببك فيه

بدريه بسرعه: يمه وش فيها غلا يا زينها زيناه

ام سامي : اقول ماهو امس وانتي مابقيتي فيها كلمه شينه إلا قلتيها عنها اشوفها حليت في عينك الحين ..

بدريه ناظرت ابوها اللي يضحك بمكر : قلتيها امس وحنا اليوم

سامي

يناظرهم ببرود هم ....فين وهو فين وهو جالس ..يفكر كيف
يحصل قمية بكت الدخان وكمان شوي وجاي له صاحبه
عندهم تفحيط اه وحشه من زمان عن التفحيط ..ليت الشرطه

تعطيهم مجال يطلعوا الطاقه اللي فيهم بس ي دوب دوره إلا

واقفين على روسهن ...وهات ي مطارده اللي يناصد الله يرحمه
واللي يدبر عمره يكون ي سعده ...
قال وهو مطنش هوشتهم : مين يسلفني بس عشرين ريال
ام سامي بعصبيه: انقلع والله ما اعطيك ريال

ابو سامي بقهر منه : ماقلت لنا رأيك

سامي ببرود وقف وهو يسحب الشماغ ويلفه على راسه بعربجه

: والله مانكره عادي يبه لو وافقت خير وبركه بس ترا ماعندي ريال واحد وناظر امه ..

ام سامي بعصبيه: خير تناظرني والله ماتأخذ ريال مني وانت تبي تزوج ولدك زوجه من الحين اقولك انا مالي دخل ..

ابو سامي : اكيد مافي خساره ولا شيء نعطيه بنتنا ويعطينا بنته
وعشان يكون صح يدفع هو زياده في المهر

حنا وش لنا فيه والا كيفه لو مايبي بنتي عندي وبنته عنده

بدريه بصرخه: لا يبه انا ادفع لو نقص في المهر

سامي بفرحه: كويس اعطيني اجل مادام معك فلوس
بدريه : انقلع ماعندي شيء ..

سامي بقهر: ايه بس للشايب تبي تدفعي ي المشفوحه وراء هالعرس

بدريه : ماهو بمشفوحه بس العمر يركض

سامي بسخريه : ماهو توك في العشرين وش هو خايفه ؟

بدريه ناظرته بتصغير : ليتك تبيت في السجن اليوم

سامي بقهر: وجع ان شاء الله الشايب تبعك ينصاد وهو سكران
ااه ي اني بس اسوي حفله عشان ننفك منه لو يوم ..

ابو سامي بصرخه : اقسم بالله تروح تفحط وتنصاد والا تتهاوش
وتكسر سيارات خلق لله والله ما اتوسط لك واخليك تعفن في
السجن من الحين اقولك

سامي بسخريه : ماهو دايم اعفن فيه ولا عمري قد شفت انك
فزعت لي يبه خفف البلا اللي تبلعه وكاد ماتتخيل أشياء
ابو سامي رماه بقارورة المويا اللي قدامه وهو معصب ..



@storykaligi

🍃🌸🍃🌸
🌸🍃🌸
🍃🌸
🌸 21 ..



سامي
بسرعه طلع يركض وهو يضحك مبسوط وهو زعل ابوه
اللي طول عمره مايشوفه شيء قدامه دايم يصغره ولا عمره
فكر حتى ينصحه لشي الزين اول ينصح نفسه ... ..كلنا
ضايعين والا البلا وين لما يبيني انفذ اللي يطلبه مني ... انا
اصيع ايوه بس اسوي الشي ذا مستحيل ...
..
شاف محمد عرف انه يبي يعطيها فلوس ايوه هذا هو
انحلت مشكلته اليوم راح يفلها على الاخير تابع محمد وهو
يدق الباب بسرعه تقدمه وقال بحده: كم معك ؟

محمد بخوف وتلكك: مامعي شيء بس جاي اخذ طلبيه وبعدها يعطونها الفلوس

سامي : اخس ي البزز تعرف تكذب
اقول طلع قبل ماحوسك هنا

محمد ابتعد شوي وهو يناظر الباب وده تفتح بسرعه ...
وتقدر
تربي هالوحش اللي مسوي به رعب بس وش فيها تأخرت
وبعدين تجلس تصارخ عليه ..

سا مي بنرفزه: تبي تعطيني والا اشلون

محمد : قلت ماعندي وبصرخه غلااااا

سامي بسرعه مسكه وطلع اللي في جيبه ودفه وقال بضحكه :
خلي غلا حقتك تنفعك وسلم عليها اوك وناظر الفلوس ليت كل مره كذا ورفع يده وهي يدعي لها قول لغلا حقتك الله يطول في عمرها حتى بس اتوظف ..
محمد جلس يبكي يحس ظهره عوره من الطيحه

رجع بيتهم يخبر امه مستحيل يقول لغلا ..تجلس تصارخ عليه ..ومستحيل يرجع هنا ثاني حتى لو اعطوه عشره ماهو
خمسه ريال

قال لاامه كل شيء امه عصبت

ام محمد: خلاص فارق وهي تتدق رقم غلا وبعصبيه يوم
سمعتها ردت : خير ترا والله ما عاد راح ارسل ولدي لبيتك ولد جيرانكم زودها ومعليش مابي اخسره مع طيش هالسامي
اخاف مره ثانيه يطيحه يموته لي وبعدها وش مستفيده انا ؟
غلا تسمع كلامه وهي مو فاهمه شيء جالسه ..كلمه وراء كلمه ماعطتها فرصه قالت بدون فهم: وش صار ؟

ام محمد بحده: وش صار سلامتك بس محمد انطق وانسرقت فلوسك بعد

غلا بعصبيه: ايش فلوسي انسرقت ليت ولدك ذا قريب مني عشان انا اللي ابي اطقه كل مره كذا يعني الحين تعبي راح كله

ام محمد بقهر: بدل ماتهاوشي محمد روحي هاوشي ولد جيرانكم
السارق ذا حسبي الله عليه كنه حاط دوبه مع هالبزر ..

غلا بقهرر: الله ياخذه ال*******
حسبي الله عليه قهرني جالسه من الصبح وانا في المطبخ ويجي كذا ياخذ فلوسي

ام محمد: والله مبلغ قهر يروح له كله ليته اخذ النص بس

غلا بقهر: ليته يموت وافتك منه

ام محمد : خلاص هاتي الاطباق عشان شوي وجايين لها

غلا :معي حل بدل هالتعب كله يجو عندي يبقو للطلبات بدل
ما اتعب وانا اوصلها عندك والا فلوسي تنسرق
دليهم بيتنا ..

ام محمد : وهو شكل كذا مادام ذا جالس لنا العله ذا

غلا
قفلت من عندها وانا فيني قهر كل مره كذا ..طيب حتى متي على هذا الحال والله مافيني عاد اصبر صراحه ..واذا
رحت وقلت لاهله وش بيسووا يعني غير ..الهواش زياده
وبالذات مع امه ذي اللي لاتحبني ولا احبها ....بكيت بقهر والله
مبلغ 300 ريال يا ربي يروح كذا وي ليته يتساهل الا راح ل******

ليتك ماتتهنى فيه ي ال****** ااه وش مستفيده الحين من سبي
له حسبي الله عليه قهرني اه وكل ما اتذكر كلام ابوي امس اولع بزياده طلعت للصاله شفت ابوي قدامي نايم ...

هزيت راسي بحسره ايوه هذا اللي مستفيده منك يبه

الله يهديك بس ويحنن قلبك علي ..




وليد
اللي صحي ع رنة جواله شاف رقم اخوه ناصر

رماه بطفش مافي حيل ع غلاسته جلس يتقلب ع السرير وهو يتذكر .....

بعد ماوصل ريتاج اتجه للي صاده عنه وذابحته
بس رجع يوم شاف سيارة اخوها عرف انه بيتهاوش معاه
..
وماراح يشوفها ينسحب بقاصرها احسن جلس يدور بدون
هدف ليته بيده شيء اتجه للاستراحه .....

دخل وهو يرد السلام الكل قام سلم عليه ورحب فيه

حس بخويه جلس جنبه بعد ماجلس

قال بهدوء: كيفك ي عريس

وليد بعصبيه وهو صاك ع سنونه مايبي اللي موجودين يسمعون: لاتقول عريس

فارس : وش فيك غيرك يفرح وهو متزوج الثنين
والله انك مفهي ي رجال ليت اصل لوحده بس ..

وليد : فارس انا جاي هنا ومابي نكد تكفى ..

فارس وهو يقرب الشاي ويصب له : اوك ع راحتك ومخمخ بهالكوب الشاي ..

وليد جلس من غير مايتكلم طلع وهو يسمع تعليق اخوياه كيف

عريس ويجي مفروض شهر عسل ....

خلاص كره كل شي حتى اخوياه في الاستراحه ..ندم انه راح من كثر مايعلقون ...

اتجه للبيت وهو يتمنى مايشوف ابوه قدامه عشان يقدر يدخل

غرفته وينام يحس بتعب وضيق حمد الله يوم شاف الصاله فاضيه بسرعه رقى الدرج ...ودخل غرفته ورمى حاله ع
السرير بتعب وقفل عيونه وهو يحاول ........في النوم ...
عشان يرتاح من التفكير ....
حس بصوت الجوال مره ثانيه صدق غبي ليه مايصمته ويرتاح
مد يده يبي يقفل في وجهه الغثيث بس شاف رقم ابوه ..

زفر بضيق اكيد بيسأله الحين ....رد بصوت كله ضيق : هلا يبه

ابو وليد بحده: جاسم يقول ريتاج نايمه عندهم

وليد بضيق وهو يحط يده ع راسه ااه خلاص تعب وده يقول
ارحموني شوي بس مايقدر يقول كذا قال وهو يمسك نفسه: هي
طلبت مني يبه ؟

ابو وليد بحده: استح وجيب مرتك بس وقفل في وجهه ..



@storykaligi

🍃🌸🍃🌸
🌸🍃🌸
🍃🌸
🌸 22 ..



وليد حاول يرجع ينام بس وين النوم طار ....وقف بكسل خليه
يروح يجيب العله ويخليها ترتز قدامه وكاد ينبسط ....

بسرعه قام اخذ شور و لبس سمع أذان الظهر راح توضى ونزل
وهو متجه للمسجد ....

بعدها راح تغداء في مطعم وطلع واتجه لبيت
عمه جاسم بس رجع دور بسرعه وراح بيت اهل لطيفه ...
وهو عنده امل يشوفها ....


وقف عند بيت أهل لطيفه وهو معزم يشوفها غصب عن الكل
نزل بعد مادق آخر محاوله ويتمنى ترد عليه قبل
ماينزل بس اه نفس الحكايه مقفل اتجه للجرس ودق
ثواني وجاه صوت خالته ...: مين

وليد وهو متوتر: انا وليد

ام لطيفه : وليد

وليد وهو يناظر حوله قال بصوت شوي واطي:تكفين يا خاله افتحي ابي اتفاهم مع لطيفة ..

ام لطيفه: طيب ثواني جايه افتح الباب

وليد
فرح من قلب ااه أخيراً. .... يقدر يصل لها اليوم

لازم يشوفها حتى لو اقنع خالته تخليه... يدخل غرفتها
وكمان فرصه سيارة ابوها ماهو واخوها
اكيد في دوامه تنرفز من سالفه اخوها اوف ياهو
كريه بشكل مايدري ليه مايحبه رفع النظاره الشمسيه ع شعره وهو يسمع الباب ينفتح

ام لطيفه وهي وراء الباب :تفضل

وليد دخل وهو مستحي... ومايدري وش يقول

...
رد السلام

ام لطيفه :هلا وعليكم السلام

تفضل ادخل المقلط

وليد فرح لما شاف انها استقبلته بس يحس في

وجهها الجمود والزعل ...ايه من حقهم إلا هذي عمله
تصير اه الله يسامح ابوي هو اللي ذبحنا كلنا
قال وهو متوتر: تفكين ي خاله خليني اشوف لطيفه شاف
في وجهها الاعتراض قال بسرعه : صدقيني بقدر أقنعها ..

ام لطيفه بهدوء: صدقني ماراح تقنعها وبعدين ابوها بيزعل
لو تدخل عليها الغرفه صعبه يمه وانا كمان احس دخولك
الغرفه ماهي عدله

وليد بضيق : وش فيها ترى زوجها ..

ام لطيفه :ايه زوجها ماقلنا شيء بس لاتنسى لسى ملكه

وبدقه حتى بيتها ماقد راحت وانت جبت عليها الثانيه

وبزعل هذي تجي ي وليد صدقني عملتك ماتتغتفر

وليد زفر بضيق إذا كلام امها كذا أجل اشلون ابوها ولطيفه

قال وهو يحاول يبرر :ماعليه ي خاله تكفين شوفي لي دبره اشوفها والله مانسى لك هالوقفه

ام لطيفه ببرود: نشوف وش بتسوي اوك انا ارح اقولها
واشوف ايش تقول يا توافق ي ترفض وبثقه صدقني بترجع مثل ماجيت

وليد بسرعه: لا تكفين لاتقولي لها انا قولي لها اي احد يبيها
وخليها تجي هنا المقلط وبسرعه فكر ايه قولي عمها اسامه

هي تحبه ودايم تقولي تفرح لما يجي

ام لطيفه ناظرته ماتدري وش تقول : طيب تتوقع تمشي عليها ..

وليد بقهر من امها ماهو ناقص تنغيص يبي اي شي عشان يشوفها

وهي جالسه تعطيه اسوء الاحتمالات : ان شاء الله تمشي عليها

ام لطيفه :والله ي خوفي ابوها كمان راح يزعل انك شفتها
وهو مايدري

وليد بترجي : تكفين ي خاله والله مانسى لك هالخدمه

ام لطيفه وهي تمد يدها ناحية المقلط وبجمود: تفضل أجل وترا ابي اقولك شيء يصعب علي طلاق بنتي بس هذا اختيارها
وليد بخوف : وش طلاقه الله يهديك الله لايقوله

ام لطيفه هزت راسها براحه يارب يقدر يقنعها ويكون عنده صبر عليها ...: تفضل أجل

وليد

مشى ناحية ماقالت له وهو باله بعيد وخايف

لو ماتمشي عليها الكذبة. يحس بحقد ع هالريتاج ..


وش ذنبه وذنب لطيفه يصير فيهم كذا عشانها ياناس ظلم

وقهر جلس ع الكنب ... بضيق وكمان يحس بتوتر وهو ينتظر
..
فعلاً خايف من ابو لطيفه. ..لو يجي وهو هنا
شديد من هالناحيه ....ماعمرها طلعت معه

دايم يجي هنا وكلها حول مرتين وماتتعدى نص الساعه

اللي جلسها معها خلينا من ابو لطيفه خلينا في العنيده ذي وش
يقنعها اااه ابتسم وهو يفكر كيف يخليها ترضى عنده آمل انه

بيطلع وهو مبسوط ايه آكيد مبسوط وانا اشوف حبيبة قلبي ..




@storykaligi

🍃🌸🍃🌸
🌸🍃🌸
🍃🌸
🌸 23 ..



في غرفة لطيفه

اللي جالسه متكوره ع.. نفسها وتحس خلاص.. كرهت كل شيء يا هي قويه الخيانه تجي من اقرب الناس ..

اااه ليه كذا صار فيها. ..ايش سوت لريتاج و وليد عشان ..
يعملوا فيها كذا ...مستحيل تسامحهم ...آكيد الكل جالس
يتشمت عليها من صديقاتها وكمان بنات خالاتها وبالذات

من يوم مارفضت فهد . وفضلت وليد عليه وهم حتى زيارة مايجو عندهم

..الحين راح يفرحوا ..صرخت بقهر الله لايسامحكم ...
على اللي سويته فيني ...وش شايف فيهاا حسن مني

قول اه بقهر طلع كذاب في كل شيء وحبه اللي كان

يقول له لي طلع كذب في كذب حسبي الله عليهم ...

وقفت وهي تناظر نفسها شافت شكلها متغير حيل .

نحفانه بشكل سندت يدها ع التسريحه وهي تبكي .

ليه طيب بس هذا اللي تبي تفهمه قهر والله اللي عايشته
محد يتمناه ياناس باقي من عرسها شهر بس ..يقوم

يتزوج عليها ومين صديقتها وين قد صارت هذي وين

رفعت راسها ورجعت.. ناظرت وجهها الباهت... والمصفر

اكيد من قلة الأكل وليد ...وريتاج ذبحوها وتفننوا في

ذبحها بس لا هي لازم تقوي نفسها ولازم تقول للكل انه
ماهمها هالوليد رجعت بكت ااااه بس احبه وهي تجلس
على الأرض واموت فيه بعد ليه جرحتني كذا ليه

حست بالباب يفتح مسحت دموعها وهي توقف وترجع مكانها

قالت من غير ماتناظر امها : خلاص يمه لاتخافي علي انا بخير

ام لطيفه وهي تتقرب منها: فديتك والله وان شاء الله ع طول

بخير بس ابي اقولك شيء ؟

لطيفه بصرخه: لا تقولي ردي ع وليد مستحيل ارد عليه

ام لطيفه بكذب: : لا اليوم مادق ع تلفون البيت ولاشي

بس عمك اسامه في المقلط يبيك

لطيفه بفرحه: عمي هناااا متى جاااا خليه يجي عندي

انا مابي افتح جوالي وادق عليه عشان اقول له يطلع غرفتي

ام لطيفه :يمه صعب يطلع هنا لاتنسي انا وين اورح

لطيفه: يمه ادخلي غرفتك وش بيصير يعني ؟
ام لطيفه بسرعه وهي خايفه لاتكشفها :لا صعبه
انزلي وشوفيه الخدامه تقول مستعجل

لطيفه
بسرعه ناظرت نفسها في المرايا شافت البجامه اللي

عليها صعبه تنزل فيها لعمها ...بسرعه غيرت... لبسها

بقميص قطني ...طويل ورفعت.... شعرها ...

ونزلت وهي تمسح دموعهاراح تشكي له ..وراح تخليه

يأخذ حقها كله منهم ....ايه واثقه في عمها انه يقهر

وليد مثل ما قهرها ....مرت من عند امها وهي تشوفها

متوتره ماتدري وش فيها ..طنشت ومشت ناحية

المقلط وهي ناويه تتطلع اللي في خاطرها لعمها ..................


#يــــتــــــبـــــــع...




@storykaligi