🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 116 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🌺🍃


بعد ساعه قررت تروح ماعاد فيه وقت للفرار خلاص بتواجهه وعشان يوديها لأم فارس لازم تكون معاه طيبه و الا بيعاند ويرفض
شافت المكان ظلام ونزلت بشويش كانت تتذكر كل لحظه من اول ماجابها هنيه لين مادخلها الغرفه اللي حطوهم فيها حست بالقهر ليش ماحطوها فوق على الاقل ارحم
قربت من اخر درجه وجت بتنزلها بس صوت هامس ارعبها وخلاها تصرخ بخوف:يمه يمه واخر عني ارجوك
كانت جالسه ومتكوره على نفسها وحاضنه بطنها وتصيح ..
حصه زاغ قلبها ماكانت قاصده تخرعها بس لما شافتها حبت انها تعتذر منها بعيد عن الكل عشان ترتاح
بس شكل عهد وانكسارها خلاها تصيح هي الثانيه وتقول :عهد اشفيج انا مو سند ..
عهد بشهاق عقب استوعبت : اشتبين مني انا وش سويت لج عشان تعذبيني
كملت بغضب:الله ينتقم منج ياعجوز إ
قاطعها سند بقهر:عهد
رفعت نظرها وشافته
كان مفول عليها وعلى سبها لأمه
هو اول ماسمع صوتها فز كانه ملسوع
وجاها ركض بس شاف شكلها انخرس ماقدر يتحرك
شبيقول او وش بيسوي اذا هو السبب
حتى امه عرفت انه السبب لانها هدت عهد وتقولها انا مو سند معناه ان سند بالنسبه لها وحش كاسر
عهد بقهر وهي تدف حصه وتبعد وعينها على سند: هي السبب خرعتني وكملت وهي تمر من عنده:عبالي الوحش
وطالعته بنظره وهو فهم قصدها انه هو الوحش
تركتهم وراحت للغرفه وسكرت الباب بقوه
وسند طالع بأمه اللي مازالت على وضعها قرب ورفع يدها وهي وقفت كانت تشهق بداخلها
سند بضيق:يمه امسحيها بوجهي عهد جاهل و
حطت يدها على فمه قالت بدموع: مسامحتها يامك لاتشيل هم
وكملت بضيق: وياويلك ياسند لو هاوشتها او طقيتها
كملت بأصرار:فاهم
رد بدهشه:ان شاء الله ماطقها انتي ناسيه اشلون اطقها وهي حامل
حصه بحزن اعظم عهد حامل وحامل بضنى سند اللي حلمت بشوفته واني اشيله وراح اسوي له عزايم كل الديره تتكلم عنها
قالت :لا مانسيت وحتى لو ولدت يدك ماتمد على عهد وان مديتها لاانت ولدي ولا اعرفك وتركته وراحت لغرفتها ..
وهو انجلط شالكلام شالتغير اللي حصل امه توصيه على عهد من متى الحب
وبعدين صج ان عهد انانيه ونذله ليش ماتحب امي مثل ماحبتها
صح غلطت امي وعهد ماقصرت اخذت حقها كامل مكمل بس ليش ماتسامح
هي وين تعرف السماح بنت سالم
لازم اربيها اخاف باجر تأثر على عيالي
ابتسم اعيالي اقصاه واحد وماتدري تستمر معاك او لا مع اني شاك بالأستمرار عقب اليوم ..

دخل وشافها جالسه على الكنبه وعينها على السرير اول مادخل ابعدت نظرها بس هو لاحظ
سكر الباب وجلس جنبها قال بهدوء: عهد انتي وش تبين بالضبط ؟
عهد بتنهد وهي تسند ظهرها لورا: ابي توديني لأم فارس
سند انصدم ماكان متوقعها تتخلى عنه بهالسهوله لو حاس ان جيتها لشاليه بترجع لها مواجعها وتتركه ماكان جابه من الأساس
تم فتره يخزها ويتأملها ليش ياعهد والله اني احبك واحب كل عيوبك اللي مااطيقها من غيرك بس منك حبيتها ..
تنهد بضيق: غير هالكلام
عهد بنرفزه: انت مو سألت وش ابي هذا اللي ابيه وكملت وهي توقف:ولا تبيني اجي الكويت وماجيها والله اموت

شسالفتها مع الموت كل كلمه والثانيه بموت بس بغى يطير من الفرح يوم وضحت له ان روحتها لأم فارس زياره فقط ..

سند بتنهد وهو يمسك يدها ويسحبها ويجلسها قال:ابشري بوديك لها ..
ابتسمت وقالت وهي ناويه تستفيد من سند دامه روق لانه نادر مايروق
قالت وهي تمسح خده بخجل:وابي انام عندها
كان بيعترض بس اسلوب عهد منعه قالت برجا:بس ليله تكفى
سند بهمس وهو يقرب راسه من راسها:خلاص وتنامين عندها
وكمل بهدوء:بس بشرط
عهد في بالها شرطه عاطفي كالعاده اوانها تنسى سالفة هالمكان بس هي تحاول بس مو قادره اول مادخلت حست بخنقه ذكرتها بفعايله قبل قالت بتنهد:شنو

كان مركز على شفايفها وحس برجفتهن
قال :امي خفي عليها شوي
عهد بعدت عنه عقب ماكلمته قالت بقهر: امك مابيني وبينها كلام واذا فكتني من شرها راح اكون شاكره لها ..
قال بضيق:لاتقولي عن امي كذا مهما كان ماارضى لها بسوء
عهد بنفسها عمرك مارضيت ياسند قالت : خلاص اوعدك ماكلمها ابد
ماعجبه هالأسلوب بس رضا على الأقل يفكونه من الهواش والصياح

سند بتنهد: ماعليه اهم شي ماترفعين صوتك عليها
وضغط على خشمها عهد اشرت براسها على الموافقه ووقفت بتروح تنام بس صمدت مو قادره تنسى هالمكان قالت بضيق وهي تحرك يدها بتوتر: كم بنقعد بهالمكان
سند وهو فاهم وحاس بأرتباكها وقف خلفها مباشره وحاوطها وهمس عند اذنها: عهد انا اسف ماكنت اقصد
عهد بضيق وهي تحس بدموعها على خدها قالت: ودي ياسند اعذرك بس لي متى بتحمل
سند بتنهد :لين ماربك يفرجها
حست انه يقصد لي ولدت ذاك الوقت يمكن يتركها للأبد
عهد بضيق وهي تبعد سند وتجلس على السرير قالت :ونعم بالله
انسدحت على المخده وكانت دموعها للحين تذرف وماحست الا بسند منسدح جنبها وحاضنها
لفت جهته وقامت بدون شعور تشمخ سند بكتفه وتضربه وهو ماتحرك ضل صابر لين ماتهدأ هي من

نفسها ..


🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 117 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🌺🍃


اليوم الثاني

كالعاده حصه قاعده من وقت وحاطه قهوتها وناطره احد يجي يسليها عن الضيقه اللي حايشتها من امس ونومها متكدر كله هواجس وكوابيس
الضعف واضح عليها والشحوب مسيطر على وجهها حتى لو اخفته بالمكياج
انتبهت لشهد داخله عليها وكانت تبتسم بأشراقه شهد وهي تبوس راس امها:صباحو ياعسل
امها بود: هلا يمه
وجلست شهد تفطر معاها

اسألت بستفسار: الا ماشوف سند بعده نايم
كملت بضحكه:هذا هو نايم مبكر مو عادة يطول بالنوم شكل عهيد خربته
حصه بتنهد: خليه براحته ياقلبي تعبان من السفر
شهد بحنان: اي والله
وقالت ببتسامه: شخبار حمد عساه طخ
وضحكت
حصه بقهر لما عرفت بسالفة فواز وفهد زفتهم زف وحمد توعد لهم:اي تضحكين عاجبج فعلة رجلج وخالج
شهد بتبرير:اخوج هو اللي خطط
حصه بنرفزه:ورجلج نفذ ماقصر

ضحكت وقامت تدعي ان احد يجي يغير الجو اللي تعكر

..

عند عهد

قعدت وهي تتأمل السقف والمكان
تذكرت هي وين وتنهدت بضيق
التفتت تشوف سند وين
وماشافته بالسرير جنبها متأكده انه امس نام جنبها
وهو اللي قعدها لصلاة الفجر بس معقوله مارجع ينام عقب صلى ماتدري هي يادوب صلت ورجعت نامت
عدلت نفسها وجلست مدت يدها لتلفون بتشوف الساعه وكانت ثمان الصبح
فحبت ترسل لسحر ونور وتعلمهم بوصولها

وعقب خلصت الأرسال سمعت باب الغرفه يفتح واول ماشافت زوله تنهدت براحه ..
كان يمشي من صلى الفجر عجز ينام وراح يمشي وحس بالتعب ودخل يرتاح حتى امه مامرها مع انه لمحها قاعده بس ماحب يشوفها عقب سالفة امس خاف لاتسأل عن سبب رعب عهد
شافها قاعده ابتسم لها وهي ردت الابتسامه له
قال:صباح الخير
عهد بسعاده:صباح النور قامت من الفراش عقب رتبته وفتحت الشنطه وطلعت لها بنطلون وثوب قطن زيتي طويل

سند جلس بالكرسي وفصخ فانيلة كان بياخذ شاور عقب المشي
عهد شافته قالت بخجل:اجهز لك ملابس
سند بتنهد:اي كان يتحسس الأثر اللي سببته اظافر عهد امس مزقت جلده بدون لاتحس
بس هو مو حاس فيه لان الشمخ اللي بقلبه اعظم ..

عهد وقفت قباله تمد عليه الملابس وتجمدت يدها لما شافت المنظر

كانت بيغمى عليها اذت سند وسيحت دمه وهو ماشكى ولا بين
طاحت منها الملابس والتفت لها سند
قالت برجفه:اسفه
رد :لاتحاتين ماصار شي
عهد بغصه وهي تجلس بالسرير:سند انا تعبانه وحاسه بضيقه ابي توديني لأم فارس يمكن لي ابتعدنا اتحسن
قال ببرود:بس انتي ما راح تجلسي عندها الا يوم
قالت بضيقه: مادري بس ابي ابعد عن هالمكان
قال بغضب:انتي وبعدين معاك كم مره بعتذر خلاص انسي
وكمل بقهر وهو يجلس جنبها وعهد احترقت من قربه: والا ليش اعتذر ماسويت شي غلط حقي واخذته منك يابنت الناس ..

عهد طالعت فيه وقالت بقهر :وينك عن حقك هذا من زمان ليش مافكرت فيه الا بلحظة غضبك
وللا عشان امك شيشتك
رفع يده بيكفخها طراق بس يده انشلت ماقدر يكمل وهي قالت ببرود:ليش وقفت كان كملت
سند بنرفزه وهو يضغط على يده ويحاول يسيطر على نفسه ..
قال:عهد اقصري الشر وامشي من قدامي
عهد ماحبت تزودها وطلعت وهي منقهره عبالها بتتحسن حياتها معه بس الظاهر مافي حل الا الطلاق ..

بعد ماطلعت جلس بالسرير وحذف كل ماقدامه من مخدات حاس بركان انفجر بداخله والمشكله مو قادر يوقف عهد عند حدها وهي مستمره في تمردها ..
حس بقهر وشاف ماقدامه للا حل واحد خلاص لي متى بيصبر على هالعيشه الزفت
مهما كان كرامته فوق كل شي عنده
واذا هي حاسه باني مستحيل اصبر عنها فهذا بعدها ألف اللي يتمناني
قام ودخل الحمام ..
..

الساعه سبع بالليل

كانوا مجتمعين عند فهد اللي قاعد يشوي لهم

وفواز وحمد يساعدونه والحريم قاعدات على طرف ويسولفون
ندى وعهد متحيزات بأخر المكان وقليل مايشاركون سهام وشهد اللي مندمجات ودهم بتحسن الأمور بين الكل بس مافي فايده ولا بيدهم شي

عهد كانت كل شوي تسرق النظر لحصه كانت منقهره أتابعها متابع وتقدم لها كل مالذ وطاب من أكل وكأن هي اللي بدت بالصراع معها من البدايه ..
استغربت تغيرها وش اللي طرا وغيرها كانت نسره وصارت حمامه وديعه
وصرت انا النسره بنظرها هي وسند
شعقبه ياحصه عقب ماوريتيني الويل انتي و ولدج
الا صج هو وينه ليش ماقام معقوله كل هذا نوم مو عادته ينام كل هالوقت
وانا مافكرت ادخل الغرفه عقب الصبح
طول الوقت مع البنات ولما دخلوا يرتاحون بعد الغدا رحت لجناح فواز وندى هم اللي احسهم اقرب لي وعارفين بسر علاقتنا انا وسند

كنت سرحانه وماحسيت بدخلته وقفت بدون قصد اخزه كأن لي سنه ماشفته كان جذاب وساحر
كان لابس شورت لي الركبه وبدي نص كم
حسيت بالخجل هالبدي مو مع هالشورت انا طلعتهم له وكان بديها علاق بس الظاهر سند غيره بواحد نفس الون عشان الشمخ اللي بسببها ..


🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 118 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🌺🍃


انتبهت لندى اللي همست: بسج خز ماشبعتي منه ثمن شهور مقابلته
عهد ولا راح اشبع ياندى قالت بتنهد : كيفي حلالي ..
وكملت بنفسها ياليت يستمر حلالي طول العمر ومانتفارق

ندى ضحكت وشهد لزمت الا تعرف السالفه هي وسهام وعهد تفشلت ..

سند عقب مانام عشر ساعات متواصله كان فاقد النوم فحب يعوض وكان يبي يهدي اعصابه اللي انفلتت
شاف امه جالسه وكان عينها عليه من جاهم
ابتسم امه تحاتي بشكل وتكدر بسرعه لي احد منهم انزعج
حتى انها دخلت عليه اليوم عقب دقت وقالها نايم حبت تطمئن عليه عقب تأكدت ان عهد مو عنده بالغرفه

صد عن نظرات عهد اللي انتبه لها وراح ماشي صوب امه
قرب عندها وجلس جنبها
حصه بسعاده انه مايشكي من شي وان اللي فيه كان بس قلة نوم:عسى شبعت نوم يايمه
رد ببتسامه وهو يمسك يدها ويبوسها:اي يالغاليه فولت نوم ..
التفت لعهد ومثل ماتوقع كانت تطالعه بس هالمره نظرة احتقار وسخريه لانه جلس مع امه
سند بحقد والله لو تموتين ياعهد ولا تقدري تفرقي بيني انا وامي
والتفت لأمه يسولف معاها وحصه انشرح صدرها عقب ماكان متكدر ..

عهد صدت عنهم قهرها قربه من حصه عدوتها حست بالغيره تنهشها نهش وماقدرت تتحمل ووقفت بتروح ..
بس وقفها صوت شهد:وين يابنت ؟
عهد ببتسامه:بدخل ارتاح
شهد:العشا وكملت بحب:لايطوفج شوي رجلي فديته
عهد ضحكت وكان سند مراقب كل حركاتها
قالت وهي تمسح بطنها:لا اعذريني ماحب اكل بالليل تجيني غثه
وكملت بقصد:فوق هالغثه تقصد بطنها وانجرح سند من اسلوبها
شهد بهدوء: براحتج
ومشت وراحت وتركتهم

ندى التمست من اسلوب عهد وكلامها ان بينهم شي خاصة وان سند من جا مألتفت لها ولا عطاها وجه ..
ماصدقت فواز يأشر لها وقامت راحت له
عقب فضا المكان ومابقى الا حصه وعيالها
لان سهام بعدما تركتهم عهد راحت بولدها تنومه داخل ..
..

عند نور

استقرت في بيتها وجابت كل اغراضها
ماحبت تبعد عن غانم كافي الشهر اللي طاف عطاها حريتها ولا ضايقها بشي
كانت تبي تكلم غانم بموضوع الشغل ملت من قعدة البيت من تزوجت قاعده
ولان رصيدها مفول ماعارضوها بس لي متى
قربت من غانم اللي مندمج بالأخبار
وجلست يمه وقالت بتنهد وهي تلعب بطرف بديها :غانم
رد بهدوء:نعم
قالت :بكلمك بسالفة الشغل
طالع فيها وقال :اشفيه
قالت بتنهد:برجع اشتغل
قال بشك: ليش تبين ترجعين ناقصك شي انا مقصر ع
قاطعته وهي تحط يدها على شفايفه وقالت بهدوء: لا مو عشان ناقص علي شي انا احب شغلي وماني مستغنيه عنه
ارجوك خافت يرفض
بس صدمها قال بهمس:الحمدالله ارتحت واذا هذا قصدك ارجعي له من باكر اذا تحبي وباس يدها اللي ماسكها
نور ابتسمت ونزلت عيونها خجل
بس اتصال عهد عكر صفوهم
التفتت وشافت انه عهد وغانم تنهد وبعد عنها كان عارف انها مستحيل ماترد على عهد قال بحقد: مدري ليش متسلطين علي هي وامل بنتك
نور ضحكت وأخذت تيلفونها عقب باست غانم بخده كتعويض عن الموقف ودخلت تكلم عهد ..

..

عند سند

انهى سهرته اللي استمرت لي ٣ مع الشباب اخذهم حمد على طراده واستانسوا
وعقب الكل استأذن ودخل ينام الا هو كان كاره رجعته للغرفه لانه بيشوف عهد وهو ماصدق ينسى
اول مادخل شافها جالسه وكأنها تنطره تنهد بضيق وما التفت صوبها قعد يبدل ملابسه بدون لايراعي خجلها ..
عهد انقهرت طول الليل تنطره خوفها غيابه بس تطمنت لما دخل
كانت تبيه يراضيها ويطيب خاطرها بكلمه مو يشحتها مايعبرها
ودها لو مره يحسسها بأهميتها عنده غير انها حامل بطفله
شافته خلص لبس وانسدح بالسرير جنبها وعطاها ظهره ..
عهد بضيق: سند
مارد عليها وكملت وهي تدزه :قوم كلمني لاتطنشني زفر وجلس قال بغضب:خير كان مبقق عيونه فيها
قالت بخوف: لي متى بنتم جذي محد طايق الثاني
قال بقهر: لاتخافي ماراح انطول حست بخنجر يطعن بقلبها
كمل بحقد:قررت اخليك عند فواز لين ماتولدي وبعدها راح اجي اخذ ولدي وانتي خلي عنادك ينفعك

طاشت وانجنت منو العنيد فينا ياسند
بس أحتفظت بماي وجهها ولا ترجته دامه هو من البدايه مايبيها
قالت بنكسار: خلاص وانا راضيه باللي تبيه ياسند
وكملت بضيق: بس ياليت تحسن من تعاملك معاي لو بأخر ايامنا ابي صورتك السيئه تنمسح من خيالي
ورجعت تنسدح وصدت عنه ودفنت راسها بالمخدة ماتبي تصيح قدامه عمره ماحس فيها ولا في شعورها

فوضت امرها لربها بأنه ياخذ لها حقها منه دامها هي صانته وصانت حبه وهو غدر فيها

حس بربكه من كلامها ووقف مصدوم من اللي نطقته رجع انسدح وهو يتقلب مو قادر ينام هو يتذكر كلامها ..

..

بعد يومين

حالتهم مثل ماهي وعهد التزمت الصمت صارت ماتتكلم معاه بشي
وتتحاشى الألتصاق فيه كانت طول وقتها مع البنات
وسند كان مراقب لها بشكل واضح حست انه انصدم من قرارها عباله بتقعد تترجاه عشان مايطلقها ..


🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 119 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🌺🍃


بس حسمت أمرها وقررت ترجع تدرس بالجامعه دام سند بيتركها لي ولادتها
كلمت فواز عن قرار سند في جلستها عندهم واستانس عشان حملها ويبي من يراعيها وصعب بالغربه وهذا فعلا كان قصد سند خاف تولد ويكون ماعنده اجازه يرجع لديره
بس قاله لعهد على اساس انه يبي يفترق عنها وكان بدون قصد
بس لسانه اللي تعود على الجرح ما عاد يميز ..

عهد كانت متجهزه بتروح لأم فارس تواعدت هي ونور هناك عشان سحر بتكون ناطرتهم هناك
دخل سند وشافها مخلصه كان متضايق ماقامت تكلمه ولا تناقشه حتى أكله ماقامت تهتم او تحرص اذا اكل أكل واذا ماأكل بكيفه
طلع ملابسه بيبدل وعهد انتهزت الفرصه واخذت شنطتها بسرعه وطلعت بعد ماقالت ببرود:انا انطرك برا ..
طلعت بدون لا اتطلع له لبس وكأنها تتحاشى النظر له حس بضيقه من الحين اهملته

لبس وطلع بسرعه كان مودع امه وقايل لها ان عهد بتجلس عند ام فارس هاليوم وباجر لي رجع فواز بتروح له هناك ..
عارضت بجلستها عند فواز بس سند اصر وقال هو بيرجع بروحه وعهد على وشك ولاده اخاف ابتلش فيها
وبالموت اقتنعت وسكتت بس عقب مااكد لها سند انهم ماهم راجعين بالجناح عندها الا بعد مايستقر بالديره يعني عقب سنه وفوق
الف هالموضوع عشان تسكت
بس هو بداخله متضايق كان معتقد باجر بعد ماتولد عهد بيرجع هو وياها ومعهم طفلهم هناك يساندونه بالغربه

ركب هو وياها السياره ومشوا
وبالطريق كان الصمت مسيطر فجأه قالت عهد ببرود: بقدم اوراقي واسجل بالجامعه هالكورس
سند بدهشه:جامعه
عهد ببرود:اي بكمل واخذ الطب
سند التفت لها قال بسخريه:شالطاري
عهد :بس حلم امي ابي احققه
سند بقصد:بس ماتفكري تكملي الا اذا تفارقنا وكمل بتنهد:احسك ماخذه الفكره بس تسليه واذا تصلحت امورنا نسيتي
عهد بقهر لان هو السبب في انها ماكملت: تصالحنا متى ماذكر وبعدين انا بدرس عشان اقدر اشوف حياتي من بعدك

وقف سيارته فجأه وتقدمت عهد وبغت تأذى بس هو تصدى لها بسرعه
قال بغضب: اذا مفكره ترتبطي بأحد غيري فأنسي انا راح اعلقك معاي
مايدري ليش طرا في باله الدكتور ناصر حس بالغيره تنهشه
عهد ابتسمت بخبث وقالت:في محاكم تخلعنا
وكمل مشيه وهو شاب نار وهي ارجعت تبتسم اقهرته ..
..

في بيت ام فارس
استقبلوا عهد بدموع واشواق حاره كانت مو صدقه تشوف الشوق والحب بعيونها عوضوها عن سند حتى اهلها ماقدرت تستانس معاهم كون سند قريب منها ومراقبها

كانت جالسه هي وسحر سهرانات عقب راحت نور وام فارس دخلت تنام
جلسوا يسولفن ومندمجات بالتالي دق تيلفونها شافت كان سند
فقررت ترد عشان سحر لاتحس
ردت برود:الو
سند برود:هلا عهد
عهد :هلا فيك
كمل بجفاف:جهزي لي اوراقك وشهايدك بسجلك بجامعه خاصه وممتازه
عهد انصدمت وافق بهالسرعه قالت بهمس وهي تبعد عن سحر: ان شاء الله بس ممكن اعرف شالي قلب رايك
سند انقهر بدال لاتشكره بس هين عارف قصدك تبين ناصر هو اللي يراكض لج حامض على بوزك
بسجلك بالجامعه اللي ابي وبحدد لك الوقت اللي ابي بعد قال :مزاج ولاتناقشين لا اغير رايي
عهد بخوف:لا ماراح اناقش بس ادرس
واستأذن منها وسكر وهي رجعت لسحر وشافتها غطت بسبات عميق من الحمل اكيد هذا اللي استنتجته عهد
وانسدحت هي تنام بعد ..

..
اليوم الثاني


قاموا على صوت التيلفون كانت نور معلقه على سحر وعهد عشان يجتمعون عندها اليوم

عهد طنشت وكملت نوم عبالها سند فحبت تعاند ولاترد وسحر بعد حسره ردت بنعاس:الوو

نور بعصبيه:زين رديتي وين عهد ليش ماترد من الصبح ادق ..
سحر:نايمين وانتي هذا وقت دق ادقين
نور :متى وقتج سيده سحر
وضحكت سحر وحاولت تهدي من عصبية نور وبعد ماقالت لها نور عن العزيمه اللي بتسويها عشان عهد
وافقت وقالت اخبر عهد لي قامت
سكرت من نور ودخلت تسبح وتنزل لأمها وعيالها تحت اشتاقت لفروس امس اخذته امها غصب ينام عندها قالت لها استانسي مع عهد وانسي عيالج

تسبحت وطلعت بالبجامه ووقفت عند المنظره تسرح شعرها
التفتت وقالت:عهد
كانت بتقومها عشان يحضرون نفسهم قبل العزيمه ..
نور بتعزم كل البنات ولازم يكشخون عدل ..

..
الساعه عشر

قام على صوت مسج وكان من عهد تعطيه خبر عن عزيمة نور وانه يجي ياخذها من بيت نور

تنهد ورجع ينسدح قال تقرر بنت سالم بدون لاتستأذن
اوف خلها تسوي اللي تبيه يعني شنو بحكرها حرام
غسل ولبس وطلع شاف الكل قاعد حس بخجل قبل هو اول من يقوم الحين انقلب روتينه من قام يسهر ..
شهد ببتسامه لسند عقب سلم وجلس:زين اللي قعدت هالوقت والا لان عهد مو عندك قمت بسرعه
قال بخبث:اي انتم يالحريم تسهرن الواحد
فهد بتأييد:اشهد انك جبتها
شهد دفته بذراعها فهد بغصه:بس سهرات حلوه
والكل ضحك عليهم ..


🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 #تكمله ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🌺🍃


سند التفت على فواز قال:متى بترجع
كان بيتأكد عشان اذا رجع عهد او انه ياخذها ويروحون لبيت اهله
لين مايجي فواز
فواز بحب : باجر احلفت علي امك وباكر ان شاء الله كلنا بنرجع استانسنا خمس ايام كافي ورانا اشغال
ورفع صوته يسمع حمد اللي ضحك قال:اللهم لاحسد ياخي انا اشتغل بشركة ابوي يعني خاصة لي واقدر اسوي اللي ابي وانت موظف حكومي احمد ربك هذا و مركزك في شغلك على مستوى ..
فواز منقهر حمد اجازته مفتوحه وهو يادوب اسبوع ..
سند ضحك وقال بلعانه عشان يرفع من معنويات خاله:ياخال هذا لان ماله اهميه بالشغل والشركه ماشيه بدونه او بوجوده بس احنا مايقدرون يستغنون عنا عشان جذي ماعطونا الا اسبوع
فواز انبسط وريش وسند مات ضحك وحمد لولا الخوف جان ذبح سند بس مايتجرأ عليه ..

سند عقب عرف من فواز ارسل على عهد انه بيجي ياخذها وانها ترسل عنوان نور له ماقال لها عن جلسة فواز وانه بياخذها لبيت اهله ..


الساعه ثمان

طلعوا من الصالون عقب جلسن فيه خمس ساعات متواصله حبت عهد انها تبدع في شكلها
قصت شعرها ودرجته لي كتوفها توقعت سند لي شافه بينجلط بس خله احسن
وخلصت مكياجها ولبست ثوبها الأحمر
كان ودها تصبغ بس خافت على الجنين
اتجهت سحر اللي تسوق الي بيت نور مباشره كانت سحر كاشخه بالأسود ..
سحر بصدق:ماتوقعت بيطلع الشعر المدرج حلو عليج
عهد ببتسامه: يعني حلو الحمدلله وكملت بخاطرها بس خوفي من سند اشوى ماهو شايفني بياخذني لبيت فواز

وصلوا لبيت نور واستقبلتهم بحب وفرحن يوم شافن البنات اللي عازمتهم نور
كانوا حريم اخوانها وبناتهم اللي بعمر عهد وسحر
اندمجوا بسرعه مع بعض وستانسوا
ونور شغلت ديجي يرقصون والكل انبسط ورقص حتى عهد رقصت شوي ..

..

الساعه 12
عقب ماعاشت السعاده اللي افتقدتها من غابت امها عن هالدنيا
جلست بتنهد وهي تلفت تدور شنطتها وين حطتها نور اخذتهم اول مادخلو
بتشوف سند متى يجي اخاف جا والادق وهي مامعاها تيلفونها
نادت نور وقالت لها ونور طرشت الخدامه تجيبهم
بعد دقايق فتحت وانصدمت عشر مكالمات من سند تخرعت وحست بقشعريره بيذبحها سند مايتحمل عصبي حيل
دقت وهي تبعد عن نور لاتسمع
واول مادق دقه ارفعه وصرخ بغضب عليها وقال انه عند الباب
سكرت بسرعه ودعت نور ولبست عباتها وطلعت كانت شبه تركض ومن الخوف بطنها كان يتصلب

سند اللي متسمر من عشر ونص ودق ولا ردت خاف عليها بس لما قرب عند سايق البيت بيتأكد من العنوان فاجأه صوت الديجي انقهر زياده عهد ماقالت له عرس حس بالقهر اشلون تروح حفلات رقص وماتقوله هي قالت عزيمه بس
جلس بسيارته واحرق تيلفونها بس ماردت

وعقب اطلعت وركبت مشى بسرعه قصوى وهو ساكت كان مأجل الهواش في البيت ..

شافته واقف عند بيتهم وحست بغشاوى تجتاحها والتصلب زاد وحركة الجنين زادت بشكل ..
قال بنرفزه:انزلي نتفاهم داخل عرفت انه ناوي شر كالعاده وان احتمال تنضرب هالمره بس ليش وش سوت تنظلم وتنطق
ماسألت كافي لي شاف شعرها بحد ذاته بيذبحها وهو متحلف فيها
نزلت بهدوء وكان صعب تنطق من كثر القهر اللي ذاقته تجيها حالات يصيبها صمت ويعجز السانها عن الخطاب

دخل البيت وخوفها الظلام واللي ساكنه كانت عارفه ان مافيه احد سند اذا حب يعاقبها يجيبها للمكان الخالي الموحش

شغل الأنوار ورفعت نظرها تتأمل النور بس كان وقفته قدامها تحجب عنها النور نزل عباتها وملفعها بحركه سريعه وانصدم من كشختها كانت فاتنه ساحره
وانفجع من شعرها قرب ولمسه بطرفه وقال بحقد:شنو هذا ؟

ماعاد حست بشي حست بشي ينزل من تحت
وانغمى عليها وسند اخترع من المنظر اللي قدامه
مسكها بخوف:عهد عهدددد ..
ماقدر يتصرف اخذ تيلفونه ودق على الأسعاف عشان يجون
كان بينجن يشوفها تنزف وجلس يصيح بدون شعور وهو يحضنها:عهد ارجوك اصحي عهد لاتموتي ماقدر على بعدك عهد انا احبك ..
كانت تحس بضباب مو مركزه باللي يقوله بس حست بنغزات وتهاوت تتألم
دقايق وجت الأسعاف لبسها سند العباه وحمد ربه انها مسكره وساتره
ركب مع الأسعاف وراح معاها ..


🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 120 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🌺🍃


بعد ساعتين مرت على سند سنتين
طلعت الدكتوره وراح لها قال بلهفه:بشري كانت لحظات موت سعاد تمر عليه
قالت بأهتمام:لا الحمدلله لحقنا علي المدام والطفل بعد
قال بخوف:يعني بخير المدام هذا اللي كان يبي يتأكد منه
قالت بتنهد: والبنت بعد
سأل بستغراب:اي بنت
قالت بضحكه:مو المدام جابت بنت
قال بخجل: اي صح اشلونها
قالت :بخير بس تحتاج للحضانه لانها بعدها بالسابع ..
وقبل تروح سألت بأهتمام:هي المدام متعرضه لصدمه او خوف عشان جتها الولاده
قال بغصه: اه مادري
وقالت بتنهد:بس تصحى نسألها
ومشت وسند جلس بالأرض عقب ارتاح وتطمن على عهد
وبنته صح نساها بس كانت عهد اهم عنده ..

بالموت قدر يقوم وراح بيشوف اقرب مسجد يتوضا ويصلي لربه شكر على النعمه في انه انجا عهد له ..
..

الساعه عشر

كان راجع من البيت عقب ما ارتاح شوي واول ماقعد قبل يروح لعهد مر وشرأ لها بجامه واخذ لها اشياء خاصه عارف انها بتحتاجها

اتصل بأمه وبشرها بولادة عهد انصدمت بس سند طمنها انها بخير
وقررو يرجعون بسرعه عشانها ..

وقف عند الباب بيدخل بس الممرضه وقفته وقالت: لو سمحت المريضه مانعه الدخول ..
انصدم قال بخوف:ليش فيها شي حاصلها شي
قالت بخجل : لا مافيها شي بس هي موصيه ماتبي اتشوف زوجها وحنا نلبي رغبتها قال بضيق: خلاص بس اخذي هالأغراض وصليها لها
وعطاها الكيس وراح قرر يشوف بنته
ويتطمن عليها دام ان عهد ماتشكي من شي والدليل طاردته ..

..
عند عهد

صحت من ساعه واول ما فاقت سألت عن طفلها غريزة الأمومه فيها اشتعلت وحبت تتأكد اذا هو عايش او مات
خافت يموت فما يرحمها سند ابد ويزيد من عذابه
طلبت التيلفون ودقت على فواز عقب تطمنت على بنتها وانها بخير حست بسعاده بنت جابت بنت هي ماكلفت عمرها تسأل عن جنس الجنين وسند ماتذكر هالشي او يجهل هالأمور

لزمت على فواز يجي كانت تبي لي اطلعت تجلس عنده ماتبي تختلط بسند او تشوفه ولما سأل عن السبب اعتذرت تجاوبه وقالت بضيق:عمي اذا تعزني لاتسأل وخلني على راحتي
اقتنع وماناقش واخذ عياله ورجع بسرعه كانت ندى تحاتي وبينزلها عند عهد بالطبيب
حاسه بان عهد حاشها شي خلاها تولد بهالسرعه وايقنت ان سند هو السبب ..

نزلها فواز عقب اخذ اسم المستشفى وندى راحت بسرعه وهو رجع بعياله والخدامه للبيت
دخلت التقت بسند كان واقف عند الممرضه بيرجع يحاول فيها عشان يدخل
وشاف ندى جايه صوبه فألتزم بالصمت
ندى بخوف ولهفه: سند طمني عهد اشلونها
سند بفشله:هي بخير واشر لها قال :تلاقينها داخل قاعده من وقت

دخلت واول ماشافتها عهد فزت قاعده كانت بتنسدح عقب بدلت ولبست ملابسها اذا بتشكر سند فهي بتشكره على خدماته انه مايقصر عليها بشي من جهة الفلوس
سلمت عليها ندى وتحمدت لها بالسلامه
ندى بشك: عهد شلي خلاج تولدي مبجر

عهد بتنهد :مادري حسيت بمغص وجابني سند وصار اللي صار
ندى بضيقه:يعني مو متهاوشه او صاير شي بينكم
عهد بضيقه:شفتي سند وانت جايه
قالت :اي واقف برا وقالت بستغراب:ليش مادخل عندج
عهد وعينها فوق :لا مادخل انا ماابي اشوفه اصلا
ندى بتنهد:هذي السالفه قولي لي متهاوشه
وبأصرار قالت:وابي افهم السالفه عهد من متى تخشين عني
عهد كانت بتصيح وقربت ندى وحضنتها وهي تحاول تسكتها
قالت:بس ياقلبي بس لاتقطعين قلبي بصياحج ومايصير خاطرج الا طيب ..
عهد بشهاق:تعبت ياندى بمو قادره اتحمل
ندى بحزن:اهدي ولاتتكلمين الحين ارتاحي احسن
رجعت سدحتها وقامت تقرأ عليها
تبيها ترتاح اول وقررت تساعدها وتشوف حل مع هالزفت سند ..


اما سند فبعد مادخلت ندى اتفشل يظل وافق برا حس ان عهد راح تقول لها عن اللي صار خاصة وانها عارفه بعلاقتهم من الاول فحب يروح يشوف بنته انجذب لها حيل وتعلق فيها كانت نتفه وصغيره حيل مع ان الطبيب طمنه عن صحتها وان وزنها زين واحتمال تطلع بأقل من شهر قرر يسميها ( ) *************


#مكملين_معكم_الليل_في_البارتات_اﻷخيرة

#انتظرونا...


🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺

🌺🍃🌸🍃🌼

بارتات يوم السبت ..

9 / 2 / 2019

#الـــــــبـــــارتــــات ....
من 111 وحتى 120

نتمنى لكم قراءة ممتعة ...

🌺🍃🌸🍃🌼

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 121 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🔮🍃


بعد المغرب

الكل اجتمع عندها بالطبيب وسند عاند رغبتها ودخل مع اهله لما جوا يشوفون عهد ماحب يبين ان بينهم شي و طول وقته يسولف عن بنته وجمال بنته
وندى كانت تطالعه بنظرات استحقار وغضب ودها لو تطرده رفع ضغطها هي قبل عهد هالتعبانه
حجر مايحس ولا يستحي عقب ماسبب لها القهر والذل جاي وبكل برود يقولهم عن قراره في اسم بنته
ودها تخنقه خنق عهد ما تنلام ابد ماهو معبرها بشي يتصرف من حد ذاته ..
عقب ماطلعوا لان عهد تعبانه وندى تعبت وراحت لبيتها وقررت شهد تنام عندها
عهد انسدحت وهي تفكر بحالها لازم تحسم أمرها معه لي متى بتتحمل حقارته وذله
حتى البنت اللي تعتبر شي مشترك بينهم ماشاورها بالأسم قرر وخلاص كأن هي مالها راي باي حاجه تخصها

انقهرت منه كان ودها تصرخ وتطرده قدام اهله مايهمها بس ماهو طبعها الحقاره ..
لفت وجهها بتنام وعشان تتحاشي اي سؤال من شهد كافي ندى عرفت اصلا واضح للكل سبب ولادتي انه من كثر الضغوط والتوتر ولدت
ماهو من الرقص مثل ماقالت نور وسحر
بصراحه خفت لأحد يسمعهن والله لو سمع سند ليجهز قصاصي ..
شهد بعطف:عهد لاتنامي بيجيب لك سند الشوربه
عهد بضيق: ما اشتهي بس ابي انام
ردت بأصرار:لا حبيبتي انتي لازم تاكلي مو زين لج
عهد تنهدت بيرجع يجي ياكرهي وشهد قالت:اشرايج اخذج لبنتج بالدراجه ..
عهد ودها وميته تشوفها بس خافت تتعلق فيها وهي ناويه تتركها لسند
قالت بتنهد:لا تعبانه باجر اشوفها
كانت بتسكت شهد
سمعت طق الباب وتوقعت سند فقالت لشهد بخجل:شهود عفيه اخذي العشا منه ولايدخل شهد انصدمت قالت عهد ترقع:شكلي يفشل ومابي سند يشوفني جذي ..
حست ان شهد اقتنعت وتنهدت بنصر عقب شافت ضحكة شهد

شهد فتحت الباب وشافت سند معاه الشوربه واغراض لعهد وفراش لها
شهد بحب:تسلم حبيبي عساك ذخر
كان يتعداها باللي معاه بس شهد عارضت قالت بخجل:سوري سند عهد نايمه ومحلفتني محد يدخل
سند قهرته بأستفزازها له قال:خلاص بس خل تاكل غصب مو تعاند وتسكتين
شهد بثقه:ابشر غصب عنها بتشرب الشوربه ..
..

اليوم الثاني

عند عهد كانت عندها ام فارس وسحر
سحر بحب:شوفي ترا بنتك محجوزه لعيالي

تنهدت بضيق ماتدري ليش تذكرت نفسها ليش ياسحر تفتحين جروحي اه بنتك ياسند امس اطلعت على الدنيا وحاوطها الخطاب امس حمد وشهد واليوم
سحر مادري الحق هاليوم اللي اشوفها عروس او لا
ابتسمت وماعلقت بشي
وام فارس قامت تغصبها تغدى من المرقوق اللي جابته لها
تحب هالحرمه حيل

بس كان بعدها منصدمه من حصه صمودها ورقتها في التعامل زاد عن حده لدرجة انها لزمت عليها تجلس عندها هالفتره بس هي رفضت وبطريقه
ارعبت حصه واخجلت سند تركتهم اثنينهم يلقطون باقي كرامتهم اللي انهدرت
لي متى يعني ياحصه
متى بتتركين الخداع و تبان حقيقتج ..
اما انت ياسند فدواك عندي بعدي مااشفيت غليلي منك
بتم احقرك واقهرك لين ماتطفش من الدنيا بكبرها وتلحق سعادك ..

..

الساعه اربع العصر

كان عند الأستقبال يخلص اوراق خروج عهد اللي رخصوها
واثناء ماهو يوقع دخل عليه فواز
كان جاي عشان ياخذ عهد هو وندى جننتهم الا يجونها
فواز بود :ها عسى جهزت اوراقها
سند انقهر داقه على فواز ومتعبته هو كان بأمكانه يوديها لهم بس ليش معنيه فواز من دوامه وجاي لها
قال:اي جهزت
فواز مشى من عنده وراح يلحق ندى اللي سبقته لعهد ..
وسند جلس بالكرسي ينطر طلعتها عشان يلمح زولها لو من بعيد ..

..

نور دخلت بيتها عقب ماخلصت مراجعاتها بالشغل وبتبدأ الداوم من الأسبوع الجاي
شافت سعود جالس وبحضنه امل يلاعبها وهي تضحك له
ابتسمت لهم امل باول ايامها كانت تخاف منه الحين تعودت عليه وهو كان معصب عباله تتدلع
سلمت وباست اموله قالت : ابوك جا من الشركه والا بعد
سعود بدون لايطالع لها كان بيشغل امل اللي علقت عيونها بأمها تبيها تاخذها: الا جا
وكمل بنرفزه:روحي لأبوي قبل تشغل بنتج شاف انها مااستجابت معاه تبي امها
نور بضحكه: اشفيك عليها
سعود بقهر:غاثتني ابيها تتعلق فيني مثل ماهي متعلقه فيك
نور بضحكه: سعود ياغبي انا امها تعرف شنو امها وكملت بسخريه:امحق دكتور
قال بغضب:من قالك دكتور نفسي افهم بالامور انا دكتور باطنيه
نور بضيق حست انها جرحته يمكن مايعرف لان هو ماحس باحساس الأمومه لان امه تركته وهو يرضع
قالت بحنان:سعود اختك بعدها صغيره وبس تكبر راح تتعلق فيك اكثر انت راقبها قبل كانت تصيح لي شافتك الحين لا
فاكيد مع الأيام راح تغثك بلزقتها فيك وكملت بضحكه:مو تجي تشكا وتقول بنتك لزقه
قال بسعاده:يارب
مسحت شعره وراحت عنهم سعود مثل اخوها او ولدها اللي ماجابته صح ان عمره عشرين بس بيظل صغير بنظرها فكانت تحسسه بحرصها عليه من
اخذت ابوه
عشان لايحس بوحدته ..


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 122 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🔮🍃


دخلت جناحها
شافت غانم جالس بالصاله اللي بين غرفة النوم وغرفة امل ويقرأ الجريده
مشت بشويش وقربت منه وغمضت عيونه
غانم بدون اي شي حافظها حفظ من ريحتها من احساسه بالراحه اول ماتدخل عليه
قال بحب:شوفي احد غيري تلعبي معاه هاللعبه انا احس بوجودك بالمكان حتى لو ماشفتك
نور بهمس وهي لاصقه بأذنه:
ليش متزوجه ساحر
بعدت عنه ومشت بتجلس عنده قال بذوبان: اي مسحور منك بقت عيونها فيه تعاتبه ..

..

في بيت فواز

جهزت لها ندى غرفة استقبال وحرصت على توفير احسن الخدمات لضيافه عشان اللي يجي لها وعشان عهد تحس بأهميتها عندهم ولا تحس بالضياع وانها ملزومه بسند
انصدمت من عهد اليوم ماطولت عند بنتها وهي كانت اول لقاء لهم يادوب تأملت شكلها وسألت ببرود عن صحتها وطلعت مابينت اي عاطفه او انجذاب
لهالطفله اللي حملتها ذنب ماهو ذنبها كون سند ابوها
شهد بعد حست ببرودها ولما طلعوا صادفهم سند عند الباب مشت عهد بخطوات مستعجله عشان تبعد عن شوفته شهد شاكه بأن هوشاتهم مازالت مستمره ..
بس عهد اكدت لها بأن حياتهم عال العال
تنهدت يعني تضحك علي وعشان سند اخوي ماتبي تجرحه قدامي ..

ماكان قدامها الا تقول لسند بصوت هادي : نمشي
سند وعينه على خيال عهد اللي اختفى : مشينا

..

عهد التعب هادها هد وحاسه بصداع ملازمها من ولدت كانت ترفض الأكل وبس تسرح
ندى تعبت معاها
ودخلت فواز اللي ماقصر وغصبها كذا مره تأكل

عهد بتنهد:بس ياندى والله انتفخت
ضحكت ندى قالت:ليش خايفه من النفخ ابشرج ماهو حايشج دام هذا أكلج
ابتسمت وقامت تبي تغسل وتبدل ملابسها قبل تنام
بس ندى وقفتها قالت:ألبسي شي متين لا تبردين
عهد كانت تلبس قطن بس خفيف وندى وشهد هاوشوها وجابن لها بجايم ثقيله ..
ابتسمت كلهم يبون يبينون لها حبهم وشكثر هي مهمه عندهم حتى حصه ما يأست عقب الزف في المستشفى تجي لبيت فواز كل شوي ..
وجايبه معها انواع الأكلات لعهد كانت تجلس عهد معها وهي ساكته مايتناقشون بأي حاجه

كانت مستغربه معقوله تابت وعرفت طريق الحق
بصراحه اشك بس انا بتم جذي متحرصه منها لان اللي يخون مره بأمكانه انه يخون ألف مره


اما سند فكان ياخذ اخبارها من فواز نفسه ويسأل عن كل كبيره وصغيره تخصها
ارسل كتاب لشركة اللي متعامل معها اللي برا وانه يبي احد يقوم بالشغل عنه لانه مضطر وعنده ظروف
فقرر يسافر الاسبوع الجاي يشوف وش صار على موضوعه
ويجيب باقي اغراضه عشان يترك الشقه ..
كان طالع من الطبيب عقب ماتطمن على بنته وشافها كان يسأل عن حالتها وطمنه انها بتحسن مستمر
بس مضايقه اسلوب عهد ما
بينت اي اهميه او عاطفه تجاه هالطفله حتى بالأسم مابينت رايها اذا عجبها او لا اقهرته حيل والدكتوره انتبهت وقالت انت متشوق لطفله اكثر من أمها

حتى كانت تقولها بضحكه ماعرفت انه الصج وان عهد ماهي طايقه البنت لانها منه

وصل للبيت وراح سيده للمجلس صار له يومين ينام فيه ماصعد لجناحه ولا دخله خايف من رجعت الذكريات والأحزان

عقب ساعه شاف امه داخله عليه وكان لها فوق الساعتين من جت من بيت فواز هي وشهد

تنهد امه من ولدت عهد ما استراحت بس تحط وتشيل عشان راحتها وعهد ماقدرت لو بكلمة شكر او ابتسامة رضا

حصه بحب:سند يمه نايم
كان منسدح على الكنب والنور طافي
سند اعتدل قال بود: لا يالغاليه قاعد حياك ..
دخلت وجلست جنبه وهي ناويه تفضفض لسند عن كل افعالها لان ماهي قادره تتحمل تشوفه يتعذب وتجلس جذي
لازم يحدد مصيره مع عهد يا يبدون صفحه جديده ويعيشون بحب عشان خاطر هالطفله
يا ان كل واحد يشوف مصيره وينفصلون
مرات تحس ان عهد بتطلب الأنفصال بسرعه لان واضح من شكلها انها كارهه العيشه
ومرات تقول لا بترضى عشان خاطر بنتهم

بعد نقاش طال اكثر من ساعه وكانت حصه تشرح لسند عن سبب افعالها
لما سند انصدم وطلب يعرف السبب ليش دامها كارهه هالبنت عشان امها ليش اتزوجينها اولدك غصب
قالت بضعف :عشان اذلها و اقهرها مثل ما اهلها قهروني حسسوني باني فاشله وماعرف اربي كملت بشهاق:سالم اللي احتضنته اسنين طويله كان طول الوقت معاي امي كانت تتعب وعقبه انشغلت بفواز عنه
ربيته واشرفت على كل شي يخصه عقبه تعرف على الزفت ابو ضحى وسحبه منا سحاب

سند بضيق:بس هذا ماينفع انك تظلمين عهد
حصه :كنت اشوف ضحى قدامي عهد نسخه من امها بكل شي بس العيون كانت لسالم ..


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 123 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🔮🍃


سند بنفسه اه مالوم خالي اكيد انسحر بجمالها
تنهد وقال: خلاص وش المطلوب وانا انفذه تبين اروح وانذل لعهد عشان تسامحج ماعندي مانع
حصه :ابي تحسم امرك انت وياها وببدأ فيك انت اولا
استغرب وكملت بتنهد:ابي تنفض قلبك من سعاد ابيك تنساها والحي اولا من الميت
سند ببرود:يعني تبيني احب عهد
حصه بثقه: سند انا عارفه انك تحبها بس اللي ابيه هو انك تأكد لها بحبك تحسسها بأنها غاليه عندك مثل ماسعاد الله يرحمها غاليه
سند بنرفزه: وش اسوي اطيح عند ارجولها اقول احبك هاه
حصه بتنهد:سند افهمني انت اذا بتعيش بسلام مع عهد لازم تضحي واذا مو عشانك عشان بنتك
كملت بضيق:انت شايف معاملة عهد لها صج اللي قال كما تدين تدان عهد كارهتها لانها بتشوفك فيها ..
انفجع معقوله اتسوي فيها مثل ماسوت امي يعني بنتي راح تاكلها
قال بخوف:لا يمه لاتفاولين
قالت :هذا الصج اذا هي من هالحين ما اهتمت والكل لاحظ حتى شهد اختك قالت ..
تنهد وقال :انا مستعد اضحي بدمي بس أشوف بنتي سعيده
حصه بحب:وسعادتها لي شافتك انت وامها محاوطينها بكل جهه

كملت بأمر:ابيك اتشيل كل حاجه تذكرك بسعاد ابيك تعدل لعهد جناح جديد بالدور الثالث وجناحك بنضيفه لجناح حمد
التزم الصمت ماجادل اذا هذا يرضي عهد مستعد من باجر يكلم المقاول عشان البنا بس عهد اللي تبيه صعب عهد تبي اتجردني من سعاد وذكرى سعاد

هذا اذا ماانجردت كل مشاعري اتجاها
حصه برجا:ابي اضف كل شي هالمره بنفسي وادق على اللجان الخيريه
سند بضيق:انا ب
قاطعته:سند لاتجادل اذا ضليت محتفظ بملابسها مستحيل تنساها
قال بحزن :خلاص اللي تشوفينه
رضخ لرغبة امه عشان خاطر بنته عقب عرف باللي ممكن يصيبها
مايتوقع عهد بيوم راح تطقها او تعذبها بس عقب ماحس وعرف بالعذاب اللي واجهته من امه ومنه هو مايلومها لو فكرت تقتلها تذكر صياحها اول ماعرفت بالحمل وكلامها كانت مثل الفرس المتمرده ..

..

بعد اسبوع

كانت نور وسحر عندها يبون يغيرون من الحاله اللي عايشتها اتصلت عليهم ندى وقالت لهم ان عهد ماهي بخير واذا بتم على هالحال لازم تعرض
لطبيب نفسي
كانت ندى تقرأ عليها طول الوقت وماتتركها ابد نست نفسها ونست صحتها
عقب ولدت عهد
نور بحنان وهي تقرب امل من عهد عشان تشعر بشي من الشوق لبنتها :شوفي اموله فديتها تبي تتعرف على بنتج
بيصرون ربع مثلنا
عهد ببرود وهي تبوس خد امل: لا تتعب نفسها بنت سند مالها صاحب وكل حب يطلع على بذره
طالعن في بعض منصدمات وقالت سحر ترقع:ليش ماتطلع عليج انتي امها
عهد بتنهد:يمكن يذبحها اذا طلعت لي
بعد دقايق دخلت ندى وشافت نظرات البنات اللي توتر
دخلت وجلست قالت بحب:سامحوني تأخرت العياده زحمه

عهد التفت وقالت:صج شطلع معاج
ندى ببتسامه:ماراح تصدقي
عهد برجا كانت تبي تطلع من طاري بنتها باي شي قالت:عفيه ..
ندى ويدها بطنها:طلعت حامل بالثاني
صرخوا من الفرحه وقاموا يباركون لها بس هي تفكر اشلون ردة فعل فواز لي عرف بينهبل اكيد

عهد بسعاده:بدق على فواز ابشره
ندى برجا:لاعفيه انا بقوله
وغمزت لها سحر قالت:خليها هي تقول أحلى
بخبث قالت نور: اكيد احلى

وضحكن وندى استحت منهم ..

..

عند سند شاف سيارة الخيريه عند الباب اكيد امه بدأت بالشغل
دخل ومروه العمال بأكياس واغراض واجد
وكان فيه شنطه مايعرفها وماهي من ضمن اغراض سعاد
كانت منزله بالأرض حب يسأل امه وسألها وانصدم قالت انها من تجهيزات عهد اللي قبل وشهد عرفتهم بس استغربوا ليش لقوهم مع اغراض سعاد

فحطوهم على طرف عشان يرجعونها مع اغراض سند اللي بينقلونه لغرفة شهد

استأذن من امه واخذ الشنطه بناء على طلبها ودخل غرفته كان بينام عشان وراه سفر باجر بيخلص اوراقه ويرجع

عقب تسبح وتنشط وطلع بالبنطلون بس كان بينسدح بس شي امنعه وخلاه يفتح الشنطه حب يستكشف وش فيها قالوا من جهاز عرسها معقوله طيب
اومكياج
او بدل استقبال
تنشط وفتح وقلب وجهه الوان من اللي شافه كانت قمصان
وفخمه واضح ان شهد اجهدت في تجهيزها
انتبه لكيس معاهم حس بان هالكيس مار عليه وفعلا فتحه طلع ثوبه اللي جابه من اول سفره له عقب زواجهم
الثوب اللي حس انه مناسب لها وانه بيطلع خيال عليها مع انه ماكان مركز على جسمها ..

تضايق معناه انك ياعهد من البدايه عايفه العيشه معاي حتى قبل ماافكر اغير نفسي بس انا جبرتك علي
ضف الأغراض ورجع سكر الشنطه وحطها تحت السرير
مايدري هل بيجي اليوم اللي تكشخ عهد له بهالملابس او بيطر يحذفهم بعد سنين حالهم حال اغراض سعاد ..


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 124 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🔮🍃


الساعه 11

عند ندى استأذنت من عهد بلطف وراحت تبي تشوف فواز تبي تقوله عن الحمل
دخلت شافت فواز ينطرها واول ماشافها فز من مكانه وراح جهتها قال بحب:يامرحبا يامرحبا
كان بيشيلها بس هي عارضت قالت بدلع وهي تمسح بطنها:فواز البيبي بيتضرر
انصدم قال:اي بيبي
ندى وهي تمر من قدامه بدلع وكبرياء قالت بعد ماجلست على السرير:البيبي اللي جاي بالطريق ..
فواز بجد:ندى
قالت بتأكيد:اي ياقلبي انا حامل
مشى مسرع وجلس جنبها قال :ندى من متى
ندى :من شهرين
وشافت نظرة فواز اللي تغيرت قالت:والله مادريت الا اليوم واسأل عهد اذا مو مصدقني
ابتسم وقال وهو يمسح خدها:مصدقك ياعمري مايحتاج اتأكد
قربت منه وحضنته حاسه بسعاده ماتوصف ربي عوضها خير وحملت ..

..

اما عند عهد فكانت تعاني من الأرق والهاجوس اللي يمنعها من النوم
كانت طول الوقت صامده ولا تضعف قدام طاري بنتها ضناها كانت حاسه وعارفه هدف كل واحد منهم انه بنتها تحتاجها هي مو غبيه وعارفه بحاجة

بنتها لها بس هي تبي تنتقم من سند تبيه يشوف حالة الحرمان بضناه تبيه يشرب من الكاس اللي ذاقته
بس كانت لما تختفي عن انظارهم تنخرطت في صياح وشهاق ماله حد يخليها مو قادره ترفع راسها من الصداع بعد فترة

سمعت صوت مسج جاي لها فتحته وكان من سند
( السلام عليكم حبيت اقولك اني مسافر باجر اذا احتجتي شي او صار شي اتصلي علي ) تنهدت بحزن ليش يقولها كان راح بدون لا تعرف وش بيفيدها
اذا عرفت
تضايقت ماجاب طاري البنت اخاف بياخذها معه بس مستحيل هي بعدها بالحضانه
ماردت عليه بس رجع ارسل مسج ثاني وانصدمت لما فتحته كأنه قرأ افكارها
رسالة سند (نسيت اقولك بنتنا بخير وبعد اسبوعين بتطلع ) حست براحه لانه طمنها ولانه قال بنتنا جمعهم هالمره بعد في شي مشترك .
حست بحزن لي طلعت غصب تاخذها هي ماودها ماتبي تتعلق بشي سراب
ولان سند بيسافر فراح تكون عندها على طول
بس ان شاء الله تقدر تنساها اذا درست وكملت الطب ..

..

اليوم الثاني

طلع من المستشفى على المطار سيده ماكان قلبه يسمح له انه يسافر وهو ماشافها او مسح على خدودها

حس بقلبه بينشلع على هالبنت اللي ماعبرتها امها ولا اهتمت لها ليش ياعهد ليش مصره تعذبيني اذا كان قصدك سعاد انا خلاص مستعد اجي واحلف لج
اني راح انساها بس ترضين ترجعين عشان بنتنا ياعهد

عشان ( ) تنازلي عن غرورك
تكفيـــــــــــــــــــن ..


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 125 ...

📚 😍 📜

{ فوق الجروح اللي بقلبي من سنين يكفي دخيل الله لا تجرحوني }

📖🖌 @storykaligi 🔮🍃


عند ندى

كانت لابسه وجاهزه بتنزل تحت اتجهز الفطور لفواز وعياله قبل يطلعون لدواماتهم

وعشان تجلس عند عهد في هالفتره ماتحب تتركها بروحها اكيد بتحتاج شي ..
راحت للمطبخ لقت الخدامه تجهز الفطور واشرفت ندى عليه وسوت قهوه لفواز لانه مايشرب القهوه الا من يدها
رتبت كل شي وانتبهت لفواز نازل استقبلته ببتسامه عذبه
شرحت صدره
فواز وهو نازل ويعدل اشماغه لما وصل عندها باس خدها وقال:صباح الخير حياتي

ندى وهي تلفت لأحد يشوفهم قالت:هلا صباح النور
وجلس يفطر وهي راحت تشوف عيالها عشان يجهزون للمدارس ..

عقب فتره شاف عهد طالعه من غرفتها وجايه صوبه
قالت ببتسامه باهته:صباح الخير عمي
فواز بود:هلا ياصباح النور
وقال :حياج تعالي افطري معاي
عهد بحب:ان شاء الله وجلست كانت طالعه بتجلس معاهم على الفطور متعوده عندهم على لمة الصبح الحلوه

فواز حاس بحالة عهد وندى شرحت له
وكان دايم يكلمها ويبيها تفضفض له بس هي ماتتكلم وكل إجاباتها ان مافيها شي ولا تشكي من شي
قال بعطف:عهد مارحتي لبنتك تبين اوديك لها
عهد بتنهد:لا مرحت وكملت تبرر لموقفها:يمكن يطلعونها بعد اسبوع ..
قال بشك:بتخذينها إذا طلعوها
كأنه حاس باللي يدور بخاطرها
قالت بنرفزه:اكيد باخذها
ورد بأسلوب:وليش تقولينها من غير نفس
عهد بطفش: عمي مابي اتكلم بهالموضوع
فواز بطفش: عهد انتي اشفيك مانتي عاجبتني

تنهدت :مافيني شي
فواز بأصرار:لا فيك انت مو مرتاحه مع سند تبين الطلاق
كان بيتوصل معها على حل ..
كانت متوقعه ان سند قايل له قالت بحقد: قال لك عن الطلاق قوله اي ابيه وبنته خل ياخذها مابي شي منه
وقامت بتمشي وقفها بغصب:انتي من قصدك باللي قايل لي سند
كمل بغضب لما ما ردت: سند من زمان عنه وبعدين اظنك اخبر مني بسند هو متى قال لأحد عن قراراته او اي شي يخصه
كانت ساكته وتسمع كل كلمه قالها صح هي عارفه سند وعارفه طبايعه بس ماكانت قادره تتحمل هالطبايع وتبي تغيرها
جلسها وقال بطفش:عهد بنتك مالها ذنب بكل ال

دفت يده وصرخت في وجهه ولأول مره
قالت:يعني انا اللي لي ذنب في فعايل ابوي كملت بشهاق:ظلمتوني وذليتوني حتى الطق ماقصرتوا كل واحد مد يده علي بذنب او بدون ذنب ..
فواز بضيق قال:عه
قاطعته بشهاق: والا لأنها هي بنت سند شيخ الشباب مو لازم تنذل وانا عادي اقصاي بنت واحد فاشل ..
فواز حاوطها بيدينه يهديها وهي رمت نفسها عليه بكل قوه كانت تصيح بحضنه بشكل محزن
وشاف ندى نازله هي وعياله فسحب عهد بهدوء معاه لغرفتها
مايبي عياله يتأثرون ..

وندى تضايقت من الموقف وقررت تشوف عيالها وتوديهم مع السايق دام فواز مشغول

..

طلع من الشركة عقب خلص اوراق رجعته واستقراره في الكويت صح تضايق شريكه بالشغل بس رحم حاله ورضا
عقب حصل له سند رجال جيد بيقوم بمكانه

دخل شقته وكانت موحشه بدون عهد وحركات عهد في هالمكان بالرغم مو انهم نادرن مايتصافون وينسجمون أالا انه يفقدها بسرعه بس تغيب عن عينه ثانيه

كان مستغرب من نفسه اذا طولت باي مكان في المطبخ او في المجلس او بالغرفه لازم يطل عليها ويشوف وش شاغلها عنه
اكتشف انه اناني و بخيل بمشاعره تجاهها ومايبي يبوح لها عن حبه وفي نفس الوقت مايبي مشاعرها هي تشوف او تنشغل بغيره يبيها له هو بس
تذكر سؤالها عن سعاد كانت تبين له عدم الغيره واللامبالاة وهي بداخلها تنزف حرقه وغيره
تنهد بضيق
ماتدري اني حاس وساكت لان مستحيل افضح شعورها
كانت تسأل ليش سعاد ماحملت على الأقل كنت ماخذ منها ذكرى في هالحياه بنت والا ولد

كانت تنطر إجابتي بفارغ الصبر بس صدمها ردي فعلا يمكن عجبها او حست براحه تامه لانها نافست سعاد بشي
يوم قلت لها بجفاف وانا اسحبها لحضني:عقب اكتشفت المرض ماقمت اقرب لها خفت ضناي يتيتم ..
والظاهر عرفت نقطة ضعفي اللي قدرت تسحبها مني بلحظات حرجه
كانت شايفه وحاسه بحرصي للجنين
حتى قبل تحمل كنت متشفق يربطني فيها ضنا عشان مانفترق لو ماحبيتها بس تكون معي وعقب نفذت القرار اصدمتني بأسلوبها
للحين تبي الفراق

دخلت اشوف الأغراض واجهزهن بصناديق عشان الشحن بيجي ياخذهم
كنت بشغل نفسي عن التفكير فيها لانها مو عهد اصبح اسمها بالنسبه لي لهب الهبت قلبي بحبها حبها حار لاسع مميت ماذقت مثله حتى مع سعاد ..


🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮