🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 85 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

غطت وجهها بيدينها وزاد بُكائها تحس بمسؤليه كبيره كبيرره حيل تحس بتعب بقلبها تحس بنبضات سريعه من قوة الضِيقه خاطرها تصرخ بقووه
زادت شهقاتها من تذكرت ابوها اللي لو كان عايش جاء وواساها مثل كُل مره
وقفت عند الباب وهي تسمع شهقاتها اخذت نفس وهي حاسه فيها من ايام م هي نِيهال الي تعرفها
دخلت وهي تشوفها تحاول تكتم شهقاتها وهي مُو عارفه بوجُودها جلست ع السرير وشالت يدها الي ع وجهها
وأخذت وهي تحضنها وابتسمت:والله إن الصبر طويل وصعب لكن في نهايتها كُل خير اصبري ي يُمه الله الحين يسمعك ويسمع شهقاتك ويشُوف دُموعك ويقول وين العبد الصابِر؟ ليدعوني لأستجِب ولو بعد حِين!تأكدي المكتوب بيصير مهما سوينا وبكينا واعترضنا صاير صاير لا مُحاله
نِيهال كانت تطالع فيها ومن قوة الدموع اللي تجمعت بعيونها م هي قادره تشوفها كويس طلعت منها
شهقه عبرت عن اللي داخلها وبكت وهي ترمي نفسها بحضنها:يا خاله بنتي ذِي مُو أحد افهموني افهموني تكفون
أم رائد نزلت دُموعها وابتسمت:ربك لطيف كريم ياقلبي(لَعَلَّ اللَّهَ يُحْدِثُ بَعْدَ ذَلِكَ أَمْرًا.) اصبري يارُوحي إن شاء الله بتشوفينها بخير وتضحك وتمشي وتاكل إن شاء الله
نِيهال وهي تبكي بخفيف:إن شاء الله
ابتعدت عن أم رائد وهي تمسح دُموعها
وبعد دقايق نِيهال كان بالها مع رائد وتفكر فيه صرخ وطلع م تدري وين راح :خاله شفتي رائد؟
أم رائد:لا والله
نِيهال وهي تمسح دُموعها للمره الثانيه وبنبره حزينه:عادي تكلمينه بس لا تقولين له عنِي بس ع أساس تسألينه .
أم رائد ابتسمت ع قلقها ع رائد وهي عارفه اللي صار بس سوت نفسها م سمعتهُم خذت جوالها وهي تتصل عليه.
.
.
بعد مُرور يومين ع أحداث روتينيه
عند غيث ونُورا بالفُندق..
نُورا بقهر:ياخِي شفيك من اول ما جينا مالك خِلق شي!
غيث أشر ع نفسه:أنا؟ م فيني شي وتشوفيني أطلع معِك ونتمشى ونرجع
نُورا وهي تتكتف:تطلع معِي وتتمشى وعقلك مُو معِك! عجيب
غيث تأفف:ماني مرتاح وأنا تارِك أمي لوحدها
نُورا بقهر وزلة لسان:ترا أمك شكُبرها ما هي صغيره تعرف تدبر نفسها م تحتاج اهتمامك الزايد و..
غيث طالع فيها بنظرات حاده لدرجة توقفت عن الكلام
رفع حاجبه الأيسر وهو ضاغط ع كفه وكاتم عصبيته طالع بالطاوله اللي قدام وهو كاتِم عصبيته لا ينفجر عليها وتكلم بحدّه ونرفزه بصوته:إلا أمي لهنا توقف الدنيا كُلها ولا أسمع منك كلمه عنها علشان م ترجعين لبيت أهلك
نُورا وحسّت بغلطها وشتمت نفسها مليون مره ع لسانها اللي تبرأ منها للحظه:م كنت أقص...
غيث قام بسرعه وهو يطلع قبل م يسوي شي يندم عليه
نزل وطلع من الفُندق ومشى بعيد عنه لما وصل لحديقه جلس ع أحد الكراسي وهو يفكر بعُمق.
.
.
عند رائد كان من يومين مبتعد عن البيت والمُستشفى وم جاء نِيهال نِهائياً ومقفل جواله
ومن هنا نِيهال زادت نفسيتها سُوء وزاد قلقها هي وعايلته
كانوا جالسين حول نِيهال بالمُستشفى واليوم يوم خُروجها وعدها بس م وفى وعدها وم عاد موجود حولها نزلت دمعتها بضِيقه وغصّه لكن سُرعان م مسحت دمعتها قبل م احد ينتبه لها وكانوا حولها ويجمعوا أشيائها وبيخرجوا بعد ساعه .
.
.
عند منصُور وسعد بمجلس الرجال...
كانوا جالسين
تكلم بثِقه:أنا جايكُم وأبي القُرب منكم وقُربكُم شرف أبي أخطب أختكُم بِس ع سنة الله ورسوله
منصُور بصدمه طالع فيه:تخطب أختنا؟
سعد تنحنح:لنا الشرف والله بس عطنا مُده والرأي الأول والأخير بيدها
إياد إبتسم براحه:خذوا راحتكُم
منصُور:م قلت وين تشتغل؟
إياد:بجامعة *
سعد:ماشاءالله كويس
إياد:بنتي توفت قبل فتره وزوجتي متوفيه من سنوات وانا وحيد وأبي من يملأ حياتي ولو ماني عارف أخلاق أختكُم م جيت وخطبتها
منصُور رفع حاجبه الأيسر:كيف عرفتها!!
إياد وحس انه فكر غلط:لا مُو اللي ببالك بس كذا مره أجي المُستشفى وهي تشتغل بالريسبشن وشايف أخلاقها واحترامها اللي فارضته ع اللي حولها
منصُور رجعت ملامحه طبيعيه:كويس إن شاء الله قريب نرد لك خبر
إياد قام وابتسم وهو يصافحهُم:يلا سلام اجل ورقمي ع الطاوله
سعد:وين اجل تغدا
إياد:الله يكثر خيرك بس عندي شغل
وابتسم وهو يصافح منصُور ويودعهُم ويطلع .

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 86 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

عند نِيهال قامت بتعب وفوز تساعدها تلبس عبايتها وما هي دقايق الا دخل عليهُم
نِيهال رفعت نظرها وطالعت فيه والدُموع ملأت عُيونها التزمت الصمت ونظراتها تلاحقه اقترب من ابوه وامه وباس رأسهُم
أم رائد:وينك مختفي من أيام وم ترد!!!
رائد:كنت ابي اريح راسي شوي
واقترب من فوز اللي حضنته:شذا ي قليل الأدب اشتقت لك كذا تتركنا خايفين عليك !
رائد ضحك وانظاره ع نِيهال اللي جلست ع السرير بتعب وصاده بنظرها عنه
أم رائد:يلا يلا عشان نطلع اليوم خُروج نِيهال.....
رائد:ادري كلمت دكتورها انتوا روحوا مع أبوي
أبو رائد:يلا أجل بنتظركُم تحت تعالوا وطلع وتركهُم
أم رائد وهي تنادي فوز:يلا فوز امشي نساعد نِيهال تقوم
رائد:اتركوها بتجي معِي
نِيهال برفض وزعل:لا برُوح مع عمِي
رائد ابتسم وهو يهز رأسه:رُوحوا ماعليكُم
نِيهال رفعت رأسها وهي تطالع فيه بحدّه ورفعة حاجب وهي مالها خلق شي يكفي قلقانه عليه من أيام
واخر شي يريح راسه!
رائد ضحك ع عصبيتها وزعلها وجلس بجنبها
نِيهال سندت يدها ع السرير وهي تحاول تقوم وتلحقهم إلا انه حط يده ع يدها وتكلم بحنيّه:نهلتي زعلانه علي!
نِيهال صدت بعيونها المليانه دُموع عنه
رائد بإبتسامه:افا زعلانه صدق
نيهال نزلت دُموعها بكتمه وضِيقه كتمت قلبها بشكل!
رائد ضغط ع يدها بيده اليسار ومد يُمناه ولف وجهها
نِيهال بعدت يده عن يدها بعُنف وعصبيه ودُموعها خذت مجراها ع خدها:بعد عني ولا تلمسني ثلاث ايام م فكرت فيني
وشهقت:كُل يوم انا كُل يوم ابكي وانتظرك تركتني لوحدي بالوقت اللي احتجتك فيه قلت بصير لك أم وينها أمي؟ قلت بصير لك أبو وينه أبوي؟ قلت بصير لك كُل شي وين هالكُل شي؟ عارف أنا شكنت أحس فيه
وشهقت وهي تحط يدها ع فمها محاوله لكتم شهقاتها:متت وعشت من التفكير فيك وفي بنتي وفي امي الي ماتت بسببي وفي نفسي وفي حياتي وفي كل شي تعبت اذا الموت فيه راحه لي جعل ربي ي...
رائد سحبها بقوه وهو يحضنها :ياخذني قبل م ياخذك
نِيهال حضنته بقوه وزاد بُكائها:تعبت والله هُو م لِي راحه بهالدنيا ولا آيش؟ هُو م لِي مكان؟
رائد :اششش الله يختبر صبرنا بأحبائنا والله اني احس باللي تحسينه واكثر بس لازم نصبر قولي اللهم لا اعتراض
نِيهال بنبره راجِفه وباكيه:الل..اللهُم لا ا..اعتراض
نِيهال وهي ضاغطه ع ظهره وكأنها م تبي هاليومين اللي قبل تتكرر وكأنها م تبي تعيش الدنيا بدُونه هو قوتها وهُو سندها بعد الله:توعدني بأمان؟
رائد ابتسم :أوعدك ......
وابتعد عنها بعد م مسح ع وجهه:اقول بسنا دراما ابتسمي حق عُيونك الحُلوه الضحك مُو الدُموع!
نِيهال ضحكت رُغم اللي بداخلها هُو الوحيد اللي قادر يسعدها حتى وهي غارقه بهُمومها
ابتسمت وبتذكُر:يلا نرُوح الحضانه
رائد اخذ نفس:يلا ومنها نسأل الدكتور عنها
وقام وهو يحاول يساعدها وبعد ما قامت بمُساعدته تسندت عليه ومشوا للحضانه..
.
.
عند بندر وياسمين..
وقف السياره عند باب البيت:هذا البيت؟
ياسمين بإبتسامه وعُيونها امتلأت دُموع وهي تطالعه والذكريات تنعاد قدامها ذكرياتها مع أجمل أخت ذكرياتها مع رُوحها الثانيه كان لها ذكريات حُلوه داخل وخارج هالبيت ابتسم ودُموعها نزلت
بندر ابتسم ع فرحة أخته اللي وضحت بعيونها:يلا انزلك؟
ياسمين:ايوا
بندر نزل وهو يفتح الباب الخلفي للسياره وياخذ كرسيها المُتحرك وبعدها فتح بابها وهو ينزلها مشى معها وهو يوصلها لحد باب البيت ودق الحرس ورجع للسياره وهُو ينتظر دُخولها
حرك سيارته من شافها دخلت داخل البيت وهُو متوجه للمُستشفى اللي إبتدأ شغله فيه من يومين
.
.
عند ياسمين فتحت لها الخدامه وهي دفت كرسيها ودخلت وشافت ام تغريد بالصاله
أم تغريد بترحيب وحُب لياسمين رُغم اللي صار: ي هلا والله ببنيتي ياسمين.....
ياسمين ابتسمت واقتربت من أم تغريد بكرسيها وأم تغريد انحنت وهي تسلم عليها:كيفك يُمه؟
ياسمين ابتسمت: الحمدلله
أم تغريد راحت من الخلف وهي تدف كرسيها وتدخلها الصاله:برُوح أشوف تغريد لك
ياسمين ابتسمت وهي تهز رأسها
وأم تغريد صعدت فوق .

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 87 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

عند بندر نزل وهو يدخل مكتبه بالمُستشفى(وظيفته من قبل تخرجُه مضمونه عند المُستشفى اللي طبق فيه واعجبهُم تفوقه وقبلوه من بداية تقديمه)
جلس وهو يشُوف سجل مواعيد عملياته وكُلها كانت لعد عملية ياسمين وهي أول وحده بيسوي لها عمليه جِراحيه اخذ نفس عميق جداً وهمس:ياررررب
شاف جواله اعلن صوت رنينه ليدُل ع اتصال شخص
رد بإبتسامه:الشوق لك زاد وتعدا ي السند
سند ضحك:اكثرررر ياخوي
بندر:شالاخبار؟ هالأسبوع فاينلي صح؟
سند تنهد بتعب:اي والله اهلكتني هالجامعه
بندر بتهوين عليه:اصبر وانا اخوك انت قدّها وتجي مكتبك جنب مكتبي إن شاء الله وضحك
سند ضحك بابتسامه ويحس هالجُمله قادره تعطيه طاقه كبيررره
سند:قال لِي عبدالله اليوم إنك بدأت شغلك من أمس
بندر:ايوا الحمدلله قلتلك من قبل لما تدربت بهالمُستشفى وعرفوا اني كم شهر واتخرج طلبوني اتوظف عندهُم وانا وافقت اسهل من اني ادور وانتظر
سند ابتسم:كويس الله يوفقك،بدأت شغل جدي؟
وضحك
بندر ابتسم بضحكه:بعد كم يوم ببدأ عمليه إن شاء الله
وبنبره حزينه:الله يستر ويحفظها
سند وانتبه لنبرة صوته:بندر؟......
بندر:سم؟
سند:سمّ الله عدوك،شفيك؟واضح قلقان وخايف وم هي عوايدك ي الخوي؟
بندر بقبلق ونبرة ضِيقه:كُل الدكاتره رافضين يدخلُون معي لهالعمليه ما يبون يتحملون مسؤولية
احتمالية موتها بسبب هالعمليه
سند:عملية مِين؟وايش السبب لهالعمليه وايش فيه المريض؟
بندر بضِيقه:أختي ي سند أختي القريبه من رُوحي
سند اخد نفس وعرف إنه يقصد ياسمين اللي م ينساها رُغم بُعده عنهُم من سنوات بقت بقلبه وبنبره راجفه من القلق:ليش شفيها؟ مُو كنت دائماً تقول لي الأهل بخير
وبلع ريقه وهو ضاغط ع كف يده والخوف تملك قلبه وينتظر اجابته
بندر:ياسمين قبل سنه ونُص صارت حادثه بالمدرسه وطاحت من الدرج وع آخر فقرات للعمود الفقري
تضررت بسبب زوايا الدرج وسبب لها شلل
سند وهو يمسح ع وجهه وبضِيقه وعِتاب:كُل ذا يصير فيكُم ي الخوي وم تعلمني؟
بندر تنهد:انتي بغُربه وتدرس وتتعب ما نبي نزيد همك هم
سند بقهر:حتى عبدالله مخبي عني ليش تخلوني بعد سنه ونُص اعرف شصايرر!
بندر استغرب من انفعاله الزايد بس توقع انه عشان خبوا عنه:استهدي بالله كان لمصلحتك
سند بخوف:والحين كيفها ؟
بندر باستغراب:نعم؟
سند بترقيع:أقصد وضعها الطبِي
بندر:الحبل الشوكي تضرر ومن غير خرُوج الغضاريف اللي بين فقرات الظهر الثلاث الأخيره عن مكانها وسبب لها شلل سُفلي وعدم إحساس غير نفسيتها اللي لازم تكُون عال العال علشان العمليه وهالشي يعتمد ع صاحبتها يارب يحلها بينهُم
سند تنهد بضِيقه:كم نسبة فشل العمليه ونجاحها؟
بندر بضِيقه من التفكير اللي بيفجر راسه:بتنصدم بالمُخاطره بس وعدتها أنا مقدر م أوفي بوعدي لها نسبة فشلها ٩٨٪؜ ونجاحها ٢٪؜
سند بنرفزه:تستهبل انت شهالمُخاطره تبقى مشلوله ولا تموت !
وقام بقهر وبدُون شعُور:بندر تراجع عن هالموضُوع احسن لك ولها
بندر بتهرُب:متى ترجع السعوديه؟
سند بقهر:اكلمك بالموضُوع انا
بندر بتجاهل وللمره الثانيه:متى ترجع؟
سند بقهر:بعد اسبوع وبُكرا اخر اختبارين برسل لك ع الإيميل السي ڤي حقي قدمه لإدارة المُستشفى علشان ابي اول م اجي استلم وظيفتي
بندر بضِيقه:إن شاء الله
سند بتأكيد:بندر يخوك انتبه لا تدفن اختك بيدك تكفى طلبتك فكرر فيها من جديد واحسبها مليون مره
سلام وقفل الخط
بندر نزل جواله وهو ماله خلق مسك راسه بتعب مسح ع وجهه وهو ينزل راسه ع الطاوله ويفكر
.
.
عند غيث دخل وهو يسمع صوت طالع من الغُرفه
نُورا كانت فاتحه جوالها سبيكر وتكلم امها وجالسه تحط لها كريم ترطيب ع وجهها
نُورا بقهر:معليش يُمه مُو منجدك تخطبي هالتغريد لسامي!
أم نُورا:قولي لِي شيعيبها وكمان الناس الحين كُلن يحترمها ! وبعدين شذنبها اذا هي انظلمت
نُورا بنرفزه:ماله داعِي ما تناسب سامِي اساساً
أم نُورا بإصرار:بشاور أخوك واذا وافق بخطبها وع وقت رجُوعك تكُون الملكه
نُورا نزلت الكريم بعصبيه ونرفزه:ياخِي ما عجبتني اذا يهمكُم رأيي وقفلت الخط بنرفزه وتأفف
غيث رفع حاجبه وبهمس:اجل بتخطبُون تغريد!
مشى وهو يدخل الغُرفه بنرفزه:سلام
نُورا قامت وهي ما شكت انه سمع حوارها مع امها ابداً
غيث فتح بلكونة الغُرفه وهو يجلس ع الطاوله
نُورا قامت وهي ترُوح له وتجلس قدامه:غيث
غيث بدُون م يطالع فيها:هلا؟

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 88 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

نُورا بندم:أنا آسفه وربي م كان قصدي بس كنت مقهوره لأن من تزوجنا تفكر بتغريد وقضاياها وبعدها بمكتبك وبعدها وحتى واحنا مسافرين تفكر بأمك ويني بين كُل هالأشياء؟ ياخِي افهمني انا احب امك واحترمها بس برضوا من حقي تفكر فيني وياليت تفهم تصرُفاتي وسببها أنا أحبك وأعتبرك شي مُهم جداً بالنسبه لِي وياليت تبادلني هالشي وما تحسسني بعكسه
غيث رفع نظره وتضايق من حكيها ورحمها ابتسم وهو يأشر ع عيونه:من هالعين قبل هالعين
نُورا ضحكت برِضا وفرحه:تسلم عيونك يارب
غيث اكتفى بإبتسامه وتكلم:قومي تجهزي نطلع نتغددى
نُورا قامت بحماس:يلا دقايق واجي
غيث ابتسم وهو لابس وجاهز .
.
.
عند ولاء دخلت المركز وعليها عبايتها وحِجابها
كان شكلها فخم وأفخم من قبل وهيبتها من منظرها توصل وقفت عند باب المكتب لكن استوقفها صوت العسكري:معليش اختي ممنوع تدخلين إلا بعد إذنه
ولاء نزلت نظارتها ع خشمها ورجعتها لعيونها وتجاهلته وفتحت باب المكتب وهي تدخل
العسكري بقهر:شفيها ذِي تمون!
عند عبدالله كان جالس يشتغل بإنسجام لكن سمع الصوت اللي عند المكتب نزل القلم وهو عارف صاحبة هالطبع
دخلت وهي تسكر باب المكتب ولفت إلا هُو جالسه ع الكرسي ومتكتف والإبتسامه شاقه وجهه
تأففت من حركاته الي أبسطها يستفزها مشت وهي ماسكه شنطتها ونزلتها ع الطاوله وجلست تحت تدقيق عبدالله بالنظر
ابتسم:العبايه عليك حُلوه
ولاء وهي تطالع بالطاوله بتجاهُل:م يهمني رأيك
عبدالله ضحك:لا حول ولا قوة إلا بالله انتي تدورين الهوشات!
ولاء خزته وهي تطالع فيه:جيت بقول شي مُهم ما جيت أسولف معك ي حضرة المُفتش!
عبدالله ضحك وهُو يتعدل بجلسته وبإبتسامه وهو قاصِد يستفزها:ايوا شعندك؟
ولاء:بعطيك إسم شخص إنتوا من سنين تدورون عليه
عبدالله وهُو فاهمها:والمُقابل؟
ولاء: ....
.
.
عند أم تغريد...
دخلت غُرفة تغريد وهي تسمع صوت المويا
لفت نظرها المُذكره اللي ع السرير وباللون الأسود اقتربت بفضُول وكان القلم فاصِل لآخر شي كتبت طالعت بكلامها وهي تقرأه بذُهول شقصدها بهالحكِي؟
فزت ع صوت تغريد اللي خلفها وبهدُوء مشت وهي عليها روب استحمامها:ياليت مره ثانيه م تتدخلي بشي يخصني
أم تغريد نزلت المُذكره وبتهرُب:ياسمين تحت
تغريد كان بيدها عِلبة اللوشن طاح على الأرض وبصدمه :نعم؟
أم تغريد بإستغراب:ياسمين صديقتك تحت!
تغريد مشت ببرُود رُغم اللي بداخلها:كويس خليها ترُوح مثل م جت
أم تغريد بقهر:تستهبلين! ذِي صاحبتك وحالها حالك م تعرف شي
تغريد لفت وهي تنزل المشط بقهر:نعم ؟ م تدري!بما إنها ما تدري لا تتهمني ! بما إنها م تدري لا تتكلم وتتبلى علي! بِما إنها م تدري لا تسمح لِي بالظُلم! لكن مِين بيحس باللي حسيته إنتي!! والا هِي!!! ولا زوجك وبنتك!اطلعي لو سمحتي مالِي خِلق نِقاش وما بقابلها قولي لها اللي فات مات معرفها أنا
أم تغريد سكتها كلام تغريد غصب وسحبت نفسها حِفاظاً على كرامتها ونزلت للصاله وتنحنحت بإحراج
ياسمين إنتبهت لها:شفيك خالتي؟
أم تغريد وهي تفرك يدها بتوتر:ي.ياسمين يُمه تغريد م تبي تقابلك
ياسمين وإختفت إبتسامتها تدريجياً وبضِيقه وعُيونها إمتلأت دُموع:ليش خالتي تكفين أبيها ترجع لِي أخت و ربي م كنت أدري شاللي حولي م كنت أذكر ي خالتي قولي لها
وبكت أكثرر
أم تغريد بِحزن ع حالها:تقول معرفك ولا تعرفيني والله مانِي راضيه باللي يصير بس تعرفين تغريد شصاير فيها معِي وما تكلمني غير وقت الحاجه والا والله مانِي راضيه ع اللي بينكُم ذِي دنيا فانيه والله إنها فانيه
ياسمين وبكت أكثرر:ياخِي مانِي مرتاحه مانِي مرتاحه
ورفعت صوتها بقهر:سنه ونُص ي خاله سنه ونُص كوابيس بكوابيس وصُداع وعصف بذاكرتي وقلبي تعبت حياتِي بدُون توأم رُوحي ما هِي حياه
وطالعت بجهة الدرج وهي تشُوف طرف لبسها وكانت واقفه تسمعهُم
وصرخت بقهر:سامعتني تغريد؟ سامعتني؟ حياتي بدُونك م هِي حياه عمليتي بعد كم يوم
وضحكت وهي تعض شفايفها ودُموعها ع خدها:احتمال كبير أودع الحياه وترتاحين وتكونين خذيتي حق سنه ونُص ويعلم الله إني م كنت أذكر أي شي حتى م أذكر إن عندي أخت اسمها تغريد !
وحطت يدها ع خدها وهي تمسح دُموعها:أنا عاجزه جسدياً لا تتركيني عاجزه نفسياً كمان
ورفعت صوتها وهي منهاره بكي ولوهله حست نفسها مُرهقه مُو معقُوله م تسامحها وهي بترُوح للموت
برجلينها:تبيني أعتذِر؟ أبعتذِر لك ليل ونهار بس ارجعيييي اختي وحبيبة رُوحي سامعتني انتي ردي علي لا تتركيني كِذا لا تتركيني عاجِزه أكثر من عجزي حالياً

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 89 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

تغريد كانت واقفه عند الدرج بشكل يصد شوي لكن واضِح طرف فُستانها مسحت دُموعها وتحس قلبها بيوقف من قوة الألم اللي تحس فيه كانت حاطه يدها ع فمها وتكتم شهقاتها ومن سمعت سامعتني تغريد دخلت بسرعه لغرفتها وانهارت بُكاء تدعِي القُوه وداخلها نِيران تدعِي الصبر والصبر مل منها !
كانت مقفله باب الغرفه ومسنده ظهرها عليه وتبكي بأنين يعور القلبب لمتى بتنتظر الدنيا تضحك لها؟
لمتى تنتظر الدنيا توقف معها؟
عند ياسمين م سمعت منها رد ودقت ع بندر وهي تبكي ومنهاره وكان ينتظرها
وطلعت بسرعه
أم تغريد كانت متضايقه ع حالهُم مسحت دُموعها بإبهامها:الله يصلح حالكُم يارررب
.
.
عند عهد....
رجعت لبيتهُم وكانوا جالسين بالصاله دخلت
عهد بتردُد:السلام عليكُم
منصُور وسعد:وعليكُم السلام
عهد ابتسمت بفرحه إنهُم ردوا عليها
منصُور وهو يشُوف إبتسامتها:ترا سلامنا لله فقط مُو لك
وخزها.....
عهد اختفت إبتسامتها وإمتلأت عيونها دُموع ولفت وجهها ومشت وهي بتدخل غُرفتها لكن استوقفها صوته الحاد:تعالي
عهد ولفت لسعد ووجهها واضِح فيه التعب والإرهاق ومشت وهي تجلس مقابله لهُم
سعد عوره قلبه لما شاف التعب واضِح عليها
سعد وهو م يطالع بوجهها علشان م يضعف:فيه واحد خطبك
عهد بردة فعل سريعه:ماب....
منصُور بمُقاطعه وهو يبي يقهرها ويحاول يعاقبها ولو شوي:ووافقنا يعني م يحتاج رأيك
سعد لف له بسرعه ورفع حاجبه
منصُور تجاهل نظراته:ولو بيدنا ملكناكُم وخليناك تنقلعين من هالبيت
عهد وهي تبلع ريقها من مرارة الشُعور وقسوته وبنبره كسرت خاطرهُم:غلطنا وحقنا خذيناه ليه نفتح الجُروح ياخوي! لهدرجه تبوني أطلع من بيتكُم؟
سعد سكت ومنصُور كمان م كان يبي يقول هالحكِي بس من قهره تكلم وهُو مُو متحمل علاقتهُم اللي صايره
كِذا بس يبونها تتربى
عهد تكلمت ودمعتها نزلت:لكُم م بغيتوا بتزوجه وبنقله عنكُم وإذا تبُون الزواج اليوم م يهمني ولا فرقت
اللي يهموني ما عدت أهمهُم وذَا لوحده موت م بعده موت ثانِي وقامت وتحس الضِيقه خانقتها
دخلت غُرفتها وهي تجلس ع الكنبه وتنزل عبايتها بشكل سريع وتمسح ع وجهها تحاول تصدق الي قاعد
يصير م هِي قادره!!!!
معقُوله يبونها ترُوح اليوم قبل بُكرا!!!
معقُوله صاروا يكرهونها!
نزلت دُموعها وهي مُو متخيله نفسها مع شخص ما تعرفه نِهائياً وبس ملكه وترُوح معه م تتخيل إن أخوانها ردوا عليه بسرعه وكأنهُم م صدقوا يلاقون أحد ياخذها وكأنها عِله ع قُلوبهُم!.....

سعد بقهرر وعصبيه:ليش تكذب وتقول هالكلام قلنا نعاقبها مُو نجرحها! ونخليها م تسوى ونكسر ثِقتها
منصُور وهو مقهُور من نفسه:كنت أبي اعاقبها بس زودتها شوي
سعد بغبنه:لسانك ذَا يبي له قص
منصُور تنهد بضِيقه وسكت
.
.
ولاء:بعطيك إسم شخص إنتوا من سنين تدورون عليه
عبدالله وهُو فاهمها:والمُقابل؟
ولاء:وقت تمسكُونه أنا أول شخص يقابله
عبدالله رفع حاجبه وبعصبيه:قلنا عِصابات ودنيا مالها أول ولا آخر بس تقابلين رجال ومُجرم والله أنا اللي أكسر رجُولك مُو بندر
ولاء رفعت حاجبها الأيسر:إنت إكسر رجلك أول عن شاليهات الناس وأماكنهُم وبعدها فكر تكسر رجلي وانتبه وانت تفكر لا تنكسر رجلك قبل م تكسر رجلي!
وخزته وهي تطالعه:موافق والا مُو موافق؟
عبدالله بلع ريقه وهو يطالع بملامح وجهها بتدقيقه:موافق بس بشرط
ولاء وهي متوقعه:اللي هُو؟
عبدالله:أعرف شتبين منه
ولاء :اللي أبيه شي غالِي جِداً من زمان أدورها وبس م فيه عندي أكثر
وقامت وفتحت شنطتها وهي تطلع الورقه وتنزلها:لوس أنجلوس موجُود فيها بس كبيره وهذا إذا م انتقل ولا تنسى قبل تمسكونه حتى تتصل علي والا
واقتربت من المكتب وهي تطق ع الطاوله بأظافرها:ولا نتخاصم يا حضرة المُفتش وبشكل كبييرر جِداً
وغمزت له بعيونها اليسار وطلعت
ولبست نظارتها وهي تطلع وتتركه
عبدالله أخذ نفس عميق وبإبتسامه :بعرف هالغالي يعني بعرفه لو كلفني موتي .
.
.
عند بندر نزلها البيت ودخلت غرفتها بصمت
وما إن دخلت انهارت بُكاء
بندر وقف عند باب الغُرفه وهو يسمع بُكائها تضايق أكثر ومشى لغرفته وهو ماوده يتركها تفضي اللي بخاطِرها علشان م ينعكس عليها ..

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 90 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

مساء يوم جديد...
عند غيث بالفُندق كانت جالس ويطقطق بجواله ونُورا بالحمام”أكرم القارئ“ تتسبح
قاطع تصفُحه رنين جواله طالع بالإسم مِراراً وتِكراراً وانصدم وقام وهو متوتر ورد: هلا
أبو تغريد:سلام
غيث:وعليكُم السلام(عرف الرقم لأنه كان مسجله من قبل أيّام يحل قضية تغريد)
أبو تغريد بلع ريقه:أعتذِر على كلامِي

فلاش باك**
بعد خروجه من السجن ركب سيارته وفتح جواله وهو يضغط ع رقمه ويتصل عليه
حرك وهو يحط الجوال على اذنه وينتظر ردّه ع أحر من الجمر وسُرعان ما جاءه صوته:هلا
غيث ابتسم:السلام عليكُم
أبو تغريد بجُمود:وعليكُم السلام،من معِي؟
غيث بنبره فخمه:معِك المُحامي غيث......اللي ماسك قضية بنتك تغريد سُليمان
أبو تغريد بعِناد وقهر من طاريها وبصوت يميل للعصبيه والحِدّه:مكلم إدارة السجن وقايل م فيه شي يربطني فيها معرفها ولا تعرفني ولا تتصل ع هالرقم مره ثانيه وتشغلني مانِي فاضيلك
وقفل بوجهه
غيث نزل الجوال بجنبه وتنهد..

نرجع للواقع**
وكمل:آخر مره كنت جاهل بالحقيقه وطلعت كُل غضبي عليك اعذرني
غيث ابتسم:حصل خير إن شاء الله
أبو تغريد:بدأت تجهيزات العشاء اللي سويته كتعبير عن شُكري يوم الثُلاثاء إن شاء الله
غيث بِصدمه:اللي بعد بُكرا؟
أبو تغريد بإستغراب:ايوا،لا يكُون عندك إلتزامات
غيث ابتسم:لا لا ماعليه
أبو تغريد:أجل اقفل أنا مع السلامه
غيث:مع السلامه
ورجع جلس بهدُوء وتفكير وقاطع تفكيره دُخول نُورا عليه
نُورا:شعندك؟
غيث طالع فيها:ولا شي
نُورا:يلا جهزت نطلع؟
غيث إبتسم:يلا....

.
عند نِيهال ...
دخلت الحضانه مع رائد وهي لابسه ملابس مُخصصه وحاطه يدها ع ظهره ومتسنده عليه،المُمرضه أشرت لها ع السرير الصغير اللي بزاوية الغرفه تقدموا بخطوات أشبه بالتباطُئ
بلعت ريقها بشهقات م قدرت تكتمها رفعت عيونها بِبُطئ ونزلت دُموعها بإنهمار شديد من شافتها
صغيره وملامحها بريئه جداً والأجهزه ع جسمها
حطت يدها ع فمها وهي تكتم شهقاتها اللي م قدرت تتحملها
رائد كان ساكت ويطالع فيها وهي ع السرير وصغيره
نِيهال مسكت يده وبضِيقه ملأت قلبها أكثر:ط..طلعن..ييي
رائد مسكها وهو يطلعها برا ويحاول يهديها:نِيهال يارُوحي استهدي بالله م جبنك علشان تنهارين ! إنتي مُؤمنه بقضاء الله وقدره و إن شاء الله م بيصير إلا كُل خير
نِيهال والدُموع ملأت عُيونها من جديد:ش...شفت شفت كيف صغيررره مرا صغيررره ع هالأجهزه اللي حولها وبكت بإنهيار
رائد هز رأسه بأسف:تعوذي من ابليس وامسحي دموعك ياعيوني علشان بنرُوح للدكتور مُمكن فيه تطور
ربك كريم
نِيهال وهي تحاول تقوي نفسها مسحت دُموعها من تحت النِقاب ومسكت يده وهي تتسند عليه ومشوا بإتجاه مكتب الدكتور.
.
.
عند عبدالله...
وصله إتصال من سند...
رد بسرعه:ها شصار؟
سند وهو يلهث:لقيته لقيته ما تتوقع آيش شفت
عبدالله بصدمه وحماس قام وهو يضرب الطاوله:كفوو قسم بالله منك فايده لا اهز مصري إذا مسكته
سند انكتم ضحك:الله لا ياخذِك وين الهيبه يا حضرة المُفتش
عبدالله ضحك وهو يتذكر مُناداتها له بهاللقب وبتذكُر:اخلص قول لِي
سند:بعد م أرسلت لِي لوكيشن رحت له وم لقيته فيه ومشيت شوي بعيد عن الحديقه اللي هي الموقع
اللي أرسلته لِي وأنا أمشي لاحظت حركه غريبه
وصفر:اوففففف يا إن تهريبهُم للمخدرات قدام الناس بس ما يطري ع عقل الجني
عبدالله بعدم استغراب:هذا اللي مخلينا ما نمسكهُم من سنوات عقولهُم بس بالحرام تشتغل المًهم قول كُل التفاصيل
سند:ولا بعد م استلموا لحقته وشفت لك شوف تخليك تجيب راسه وراس أجداده
عبدالله بحماس أكثر وهو يجلس ويفتح دفتر مُلاحظاته
.
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://t.me/joinchat/AAAAAD1p6TqBBTyITQumpA

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 91 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌾🍃

.صباح يوم جديد...
غيث صحى من نومه وتسبح وبدل ملابسه
وجاء لعند نُورا وهو يصحيها:نُورا نُورا بنت نُور..
فتحت عُيونها بهدُوء وقامت وهي تدخل الحمام”أكرم القارئ“
وبعد دقايق طلعت للصاله وكان جالس غيث ومجهز الفطُور
غيث:تعالي افطري
نُورا بدُون نفس:مابِي كِل انت بالعافيه
غيث رفع حاجبه الأيسر وبدأ يتنرفز من تصرفاتها:فيك شي!!!
نُورا:خلك بحالِك
غيث كان ماسِك بيده شوكه نزلها ع الطاوله بقوه وطلع صوت عالي لدرجة فزت نُورا
نُورا:يالله صباح خير شوي شوي
غيث بلع ريقه وهو يصبر نفسه:شوفيني أقولك يا بنت الناس صحيح أحترمك وأضحك طول الوقت وأبتسم وأسولف وم عُمري بينت لك شي غير الضحك والفرح لكن قسم بالله لو إنعادت معِي هالحركات ورفعتي صوتك والا نافختي علي ما تلومين إلا نفسِك أنا الغيث مُو غيره فاهمتني!!!
نُورا بقهر وعناد:وإذا كنت الغيث اوه معليش نسيت الغيث اللي أمطر ع قلب تغريد
غيث إستغرب جُملتها:نعم!!!
نُورا وهي مُو قادره تتحمل وصرخت:حِسبالك ما أعرف إنكُم تحبون بعض من وراي و تكلمون بعض !!
غيث:لا بالله انجنيتي شفيك إنتي من صباح الله خير تقولين كلام كذبتيه وصدقتيه!...
نُورا مدت له الجوال وهُو مفتوح ع تغريده من حِساب تغريد بالتويتر”جِئتني كالغيث أمطرت على قلبي “
وهذا آيش!!!
غيث بسُخريه:منجدك من تغريده تفسرين ع كيفك! وبعدين أنا ما اسوي كِذا ولو أبيها وأحبها والله لا أتزوجها وعليك بعد وما ترديني ولا يردني غيرك فاهمتني!
نُورا بسُخريه وبدُون قصد:تربية حريم شبتوقع منك!!
مد يده لكن سُرعان ما نزلها:قسماً برب العِزه إذا م انقلعتي عن وجهِي لا أحرقك ولا يكفي كانت ملامحه حمراء وعرُوق رقبته وضحت من العصبيه ومن كلامها الي رمته ولا تخليني أحلف أتزوجها وأقهرك ومُو أنا اللي أكلم بنت من وراء زوجتي مُو خوفاً منك لااا خوفاً من اللي فوقك وأقولها لك الحين وعلى بلاطه أنا مُعجب بتغريد ولا تستبعدين أتزوجها سامعتني!؟ والحين رُوحي عن وجهي
نُورا نزلت دُموعها بقهر وغِيره تحرق قلبها وركضت للغُرفه أما غيث لف وهو يحلس بتعب ويفتح أزرار قميصه العُلويه بخنقه وتعب
وجُملة:تربية حريم تتردد في أذنه وكأنها تنبهه على شي ما حس بفراغه إلا بيوم تخرجُه من الروضه
بلع ريقه ووجهه أحمرر بشكل يخوف أخذ جواله وهِي مهربه الوحيد
جاءه صوتها الدافي المليئ بِحنان الدنيا:يا هلا باللي وحشني يا هلا بالغيث الي ما عاد يطيح ع قلبٍ يحبه
آخذ نفس عميق:اشتقت لك ولحضنك والله
هيا وهي تكتم دُموعها:فيك شي ياقلبي ؟
غيث:الغيث أُستهلك من كثر ما ينزل ع قلوبٍ ما تستاهل
هيا بلعت ريقها وهي حاسه من نبرة صوته:الغيث نِعمه ونُقمه الغيث فرحه وحُزن الغيث حياه وموت
الغيث نُور وكنت بكُل أشكال نزُولك سعاده ع القُلوب وأولهُم قلبي لا يهمك أحد ياحبيب قلبِي فيه كثير يحبونك قول لِي شفيك؟
غيث بضِيقه:تربية الحريم ما عادت تعجبهُم يا يُمه هذا وهي تحبني !!
هيا ضحكت بين ضِيقتها:بِما إن هالشخص قال كِذا معناته تربى بين الغُيوم!! ولا أنكر الحُرمه اللي ربته!
غيث إبتسم ع تلطيف أمه للجو ومُحاولتها لمُواساته
هيا:تجاهل ياعيوني وكُل زوجين لازم يتهاوشون وأنا بكلمها إذا جيتوا
غيث انصدم من معرفتها للشخص اللي قصده:ب...
هيا ضحكت:أنا هيا يا الغيث أنا أم الغيث لا تستهين فيني
غيث ضحك ومُوده تغير حرفياً:إن شاء الله من عُيوني كم عندي هيونه أنا؟
هيا ابتسمت:وحده وفريده من نوعِها
غيث ضحك:يا عيني ع الواثقه .......

.
نُورا كانت تسمع آخر حكيه وميته قهر وببالها يكلم تغريد
نزلت دُموعها والقهر بيقتلها
مسحت دُموعها وهي تحاول تصبر لكن كُل ما تتذكر كلامه ”وعلى بلاطه أنا مُعجب بتغريد ولا تستبعدين أتزوجها سامعتني!؟“
معقوله قاله علشان يقهرها ! والا صادِق بكلامه!
.
.
غيث قفل الخط من امه
وفتح التويتر وهو يدخل حِسابها اللي أول مره يعرف عن وجُوده وم عرف غير من نُورا لما ورته قرأ تغريده كانت نازله قبل يوم ونُص
”إني أُحبُكَ بالسرِ والعَلن“
طالع بالتغريده ورفع حاجبه الأيسر وطلع من الحِساب بنرفزه يا تُرى من تقصد!!!
غيث بنفسه:وانت شدخلك تقصد اللي تقصد
وقام بسرعه وهو ياخذ مفاتيحه وجواله ويطلع تحت مُحاولة تشتيت الذِهن
.
🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 92 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌾🍃

عند نِيهال كانت بُغرفتها وعايشه كالجسد بِلا رُوح الأيّام تمر عليها وكأنها سنين دخلت عليها أم رائد وبيدها صينيه أكل جلست وهي تنزل الصينيه بجنبها:صباح الخير يارُوحي
نِيهال بلعت ريقها بتعب:صباح النُور
أم رائد ابتسمت:سويت لك فطُور يحبه قلبك وبيعجبك كلِي يلا
نِيهال برفض:لا خالتي تسلمين مابِي شي
أم رائد تنهدت:لمتى بتبقين كِذا يُمه وضعِك ذَا يضايقني ويضايق عمِك ورائد بالأخص البيت كُله مُو عاجبه
وضعِك يا يُمه هاللي تسوينه بنفسِك م منه فايده ويضرك ما ينفعك
نِيهال مسحت دمعتها الي نزلت بصمت
أم رائد قامت وهي تتنهد ع حالها اللي ما يهون عليهُم صايره ذبلانه ومهمله نفسها وجِداً كأنها تبي
تعاقِب نفسها!.....

.
عند علياء كانت جالسه بالحديقه وتفكر بهدُوء تام
قاطع هُدوئها تغريد اللي جت وبيدها كاس عصير
وجلست وهي تشرب بهدُوء وتطالع فيها بتدقيق
علياء انتبهت لنظرات تغريد ولفت عليها وبهدُوء عكس المُعتاد:شفيه!!
تغريد صدّت بوجهها وكملت عصيرها
علياء هزت رأسها بأسف ورجعت لعالم تفكيرها
تغريد تكلمت بثِقه:تلاحقي على زوجك قبل م يطير وضحكت بإستفزاز
وقامت من شافت الخدامه جايبه عبايتها وهي تلبسها بسرعه تحت نظرات علياء الحارِقه والمليئه بالشك
تغريد وهي تلبس نظاراتها وماشيه بإتجاه الباب
وميلت فمها من عرفت تفكيرها:لا تخافين م وصلت لدرجتك وطلعت وهي تركب مع السواق متوجهه
للشركه .
.
.
عند غيث رجع للفُندق ودخل جناحِه وشافها جالسه وواضِح اللي تفكر وتكلم بحدّه:جهزي شنطتك بنرجع
نُورا كانت بتعترض بس سكتت من شافته عطاها ظهره ومشى بدُون إهتمام
نُورا بقهرر:آه مني طفشته بشكِي وهذا لسّى م كملنا شهرين متزوجين،ضربت الأرض برجلها بقوه:اوفففف
.
.
عند ياسمين
كانت جالسه وترسم في غرفتها وكانت رسمه عِباره عن جبل هي ع طرفه وماسكه حجر ولو تركته بتسقط بالبحر
وإن بقت مكانها بتسقط لا مُحاله
وإن نزلت للبحر بتغرق لا مُحاله
كانت توصف حالها لو م سوت العمليه بتموت من العجز ولو سوتها بتموت جسدياً ورُوحياً وتوصف حالها مع تغريد اللي كأنها معلقتها بهالجبل وتعذبها بخوف الموت كذلك عدم مُسامحة تغريد لياسمين أشبه بهذا الحال ....
نزلت كراسة الرسم حقتها ع رجُولها وغطت وجهها بيدينها وهي تمسح عليه وتحاول م تفكر وتصفي ذِهنها ولو تركت نفسها شوي بس بتموت من التفكير
أم ولاء وأبو بندر دخلوا عليها وهُم يضحكون وطالعوا فيها وشافوها مغطيه وجهها
ياسمين رفعت رأسها وانتبهت لنظراتهُم المُذهُوله:لا تخافون لسّى م إنهرت إنهياري بيكُون النهايه أساساً
أم ولاء اقتربت منها بقهر:منجدك إن شاء الله بتصحين بالسلامه وبتمشين
ياسمين بيأس:تكفين خلي هالمُجاملات أنا عارفه شوضعي
أبو بندر:ياسمين يا بابا تعوذي من إبليس و إن شاء الله بتتم العمليه وبتقومين بالسلامه
أم ولاء:بالضبط
ياسمين هزت رأسها بسُخريه:رُوحي ماتت من سنه ونُص يا يُمه ،حالياً الجسد بدُون رُوح.
أم ولاء بكت وهي تحط رأسها ع فخُوذ ياسمين:يا يُمه تكفين لا تقولين كِذا تكفين لا تعورين قلبي
ياسمين بترديد:حالياً الجسد بدُون رُوح،
كان عقلها مُو معها عقلها بِذكريات قديمه وحُلوووه

فلاش باك..
ضحكت وهي تمشي بجنبها
ياسمين:امشي هنا المحل واضح يجننن خل ندخله
تغريد بخوف:ياسمينه بسرعه بنرجع وربي أبوي لو عرف بيقتلنيي قال ساعه بالضبط وترجعين مُو ساعه و١٠دقايق
ياسمين ضحكت:معليك علي أنا اعرف اتفاهم معه امشي امشي
تغريد تنهدت ومشت معها ودخلوا محل الساعات
وقفت وهي تطالع الساعه بإعجاب :شوفي تجنننننن!
تغريد بإعجاب أكثر:حُلووووه حُلووووه خذيها
ياسمين طالعت فيها وابتسمت
وجاء لعندهُم الموظف:أمروني بآيش اخدمكُم
ياسمين:أبي هالساعه لو سمحت
الموظف فتح الزُجاج وهو يطلعها ويدخل داخِل الغرفه الصغيره ليغلفها لهُم ،أما ياسمين وتغريد كانوا
يطالعون بالساعات لتضييع الوقت
تغريد:حبيت ذِي باخذها لأبوي شرايك؟
ياسمين ابتسمت:فخمه خذيها
تغريد:ك....
قاطعُهم صوت ضحك شباب عالي بالجهه اللي بجنبهُم
ياسمين وتغريد صدوا بتجاهُل وهُم فاهمين حركاتهُم وما حسوا الا بالي يقتربون منهُم شوي
الشاب بضحكه:الرقم ياحُلوه !
الشاب الثاني:شرايكُم نرُوح نحلي ونتقهوى ونروق شوي وغمز لهُم
ياسمين وتغريد كانوا يطالعون بالساعات ويتجاهلونهُم علشان يرُوحون
الشاب بجُرأه مسك يد ياسمين
ياسمين برفعة صوت وحده وهي تطالع حولها م كان فيه ناس كثير حول المحل:اترك يدي
الشاب ضحك:بس نتسلى ونرجع

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 93 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌾🍃

تغريد اقتربت بسرعه وهي تسحب يد ياسمين بقوه وبصوت عالي:والله اذا م اختفيتوا من هنا خلال دقيقه لا أصرخ بأعلى صوت وألم الخلق عليك وأنادي الشرطه وأقول يتحرش ببنات خلق الله
الشاب الثاني سحب صاحبه بسرعه:امشي يا ولد فيها شرطه مُو اي بنات ذولي
الشاب طالع فيها بقهر وهو يمشي مع صاحبه
ياسمين كانت ماسكه يدها بتألم
ولفت ع صوت الموظف:معليش اختي أعتذر منكُم م انتبهت لدُخولهُم
تغريد:مُو مُشكله
وخذت الكيس اللي مدها لها وطلعت مع ياسمين

نرجع للواقع*
نزلت دُموعها وهي تكرر الجُمله للمره الألف:حالياً الجسد بدُون رُوح.
أبو بندر جلس ع رُكبه عندها:قولي لِي شسوي يبوك قولي لِي والله لا أسويه بس ترجعين ياسمين بنتي الي أعرفها!؟
ورفعت رأسها لأبوها اللي متكتف ويحس بالعجز تجاه بنته وعيونه دمعت من حالتها كان مرسُوم على وجهها التعب والعجز
بلعت ريقها وبنبره ترجف:امسح هالسنه ونُص من ذاكرتي تقدر؟
وضحكت بألم : محد يقدر محد خسرت كُل شي يُبه افهوني أنا خسرت كُل شي عارف أنا بالليل م أنام من الكوابيس اللي تجيني وتستحوذ علي! أتذكر سُقوطي وأتذكر تغريد اللي انظلمت بسببي علشان أعيش هي انسجنت سنه ونُص عارف آيش يعني سنه ونُص يعني خسرت عايلتها ومُستقبلها وحياتها بسببي
وضحكت وهي تهز رأسها بأسف وبشهقه:م راح تفهمني حتى لو مشيت وما متت بتبقى هالسنه ونُص بعقلي بشُوفها بنظراتكُم وبشوفها بزوايا هالغُرفه....
ومسكت قلبها بضُعف:قلبي تعب يُبه تقدر تشفيه من هالذكرى وهالتأنيب والخساره! تقدر تعوضني!!!!؟
وغطت وجهها بيدها وانهارت والصمت ساد فالغرفه فقط صوت بُكاءها وشهقاتها
أم ولاء بجنبها تبكي بصمت وقلبها يعورها ع بنتها
أبو بندر اقترب منها وهو يحضنها بقوه
أما هي شدت عليه وهي تبي ترتاح من كُل شي بس للأسف ما لقت طريق لهالشيء
.
.
عند تغريد دخلت الشركه وهي تسأل مساعدته:سلام
المُساعده:وعليكُم السلام،تفضلي؟
تغريد:بقابل الأستاذ غيث
المُساعده بإبتسامه:اعتذِر منك أختي لكن حالياً مسافر
تغريد رفعت حاجبها بإستغراب:مسافر!؟
المُساعده:ايوا
تغريد لفت بقهر ومشت
لكن استوقفها صوتها:افا تغريد جايه شركتنا وما تمر تسلم علي!
تغريد لفت وابتسمت بإحراج:معليش لكن كنت مستعجله
هيا ابتسمت على ترقيعها:تعالي لمكتبي نشرب قهوه ونتبادل الحكِي والهُموم
تغريد مشت معها وهي تحاول تصفي ذهنها لأنها تعرف هيا فطينه وما يمشي عليها أي شي
دخلوا المكتب وهم يجلسون بهدُوء ويطلبون لهُم قهوه
هيا:ايوا شمسويه؟
تغريد ابتسمت: الحمدلله وإنتي؟
هيا:نحمدالله
وضحكت:وغيث بخير
تغريد رفعت نظرها بسرعه وإستغراب من جُملتها
هيا ابتسمت:تدرين إن غيث من هُو صغير م كذب إلا مره بس وهالمره كانت بالروضه قال لِي
بأنه معه بنت صغيره بعُمره تحبه بس بالنسبه له كريهه ورديت عليه بأنها لو مُو مُهمه وكريهه ما ذكرها وسولف لِي عنها ومن يومها لحد هاليوم ما يكذب بمشاعره إلا بهالعُمر كذب للأسف وبما إنه كذب بمشاعره وعلي أنا معناته هالشخص يستحق الكِذب علشانه
وابتسمت ...
تغريد بلعت ريقها وهزت رجلها بتوتر وعرفت إن هيا مُدركه اللي حولها وبقوه
هيا ابتسمت وبأسلوب حكيم:عرفتي من أقصد؟
تغريد هزت رأسها بتوتر
هيا ابتسمت من شافت حركتها اللي ما تتغير وهي هزة الرجل وبتغيير:بتكلمين دراستك صح؟
تغريد:إن شاء الله
هيا:كويس الله يوفقك يارب
تغريد ابتسمت:آمين يارب
هيا التفتت ع صوت جوالها اللي يدق وابتسمت من شافت الإسم وردت بروقان:يا هلا بصوتٍ وحشني
غيث ضحك وهو يمشي بالمطار وبجنبه نُورا:ما نورت السعوديه!
هيا بفِطنه وفرررحه:نوررررررت ونورررررت ونورررت وغير كِذا م عندي
غيث ضحك:وينك الحين؟
هيا طالعت بتغريد بإبتسامه:بالمكتب برسل لك السواق يجي ياخذكُم وشوي وبجي البيت
غيث:لا لا احنا بنجيك ومنها ناخذِك ونطلع مع بعض بعدها نرجع البيت
هيا ابتسمت وقلبها بيطير من السعاده:تمام يارُوحي انتبه لنفسك
وبترقُب لردة فعل تغريد:ولنُورا
تغريد هزت رجلها من جديد وضغطت ع يدها وهي مُو منتبهه لنظرات هيا اللي مدققه فيها مرا
وقفلت الخط وهي تنزل جوالها وتكمل سوالف مع تغريد وتحاول تطول على بال م يوصل غيث وهي ناويه تتأكد أكثر ..

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 94 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌾🍃

عند إياد..
كان منسدح بعد م رجع من الجامعه وتعب من كثر المحاضرات اللي كانت عليه
ابتسم وهو يتذكرها ويتذكر أول لِقاء ودخلت قلبه من بعدها وكيف كانت تحاول تصبره
تنهد بحمااس لردّها اللي يبيه اليوم قبل بُكرا....
.
.
عند فوز دخلت ع نِيهال وابتسمت:صباح الخير نهُوله
نِيهال ابتسمت بمُجامله:صباح النُور
فوز ابتسمت:معِي ضيفه تسمحين لها تدخل!؟
نِيهال خزت رأسها بمعنى ايوا وهي مستغربه مِين هالضيفه!
مارِيا دخلت وهي تركض باتجاهها
نِيهال ابتسمت بفرحه من شافتها وحضنتها من جت بجنبها
مارِيا:اشتقت لك كثيرر وين رحتي!!
نِيهال بإبتسامه:اكثرر ياحبيبي انتي ،كنت تعبانه بس الحين احسن لما شفتك
مارِيا ودموعها بعيونها:ليش تعبانه!! نقول لرائد نروح مستثفى يلا
نِيهال ضحكت بخفيف ع براءتها وبتنهيده وصوت خفيف:يا ليت المستشفى عنده حل لتعبي
فوز بتذكُر:نِيهال صدق رائد تحت يستناك بياخذك لموعدك
نِيهال طالعت فيها وهي ما تبي ترُوح
فوز:نِيهال لا تعاندين شايفه حالته انتي قومي
نِيهال قامت بخفيف وتعب:تمام انتبهي لمارِيا عندك
فوز:إن شاء الله .
.
تسريع الأحداث~
ركبت السياره
وبهدُوء وهي من أيّام م سولفت معه:سلام كيفك؟
رائد ابتسم رُغم اللي داخله مُجرد يشوفها بس تجيه سعادة الدنيا:وعليكُم السلام،تغديتي؟
نِيهال:لا مالِي نفس خل نرُوح المُستشفى بس
رائد:بعد تقولينها بكُل برُود لاحقين ع المُستشفى يلا نرُوح مطعم وين تبين؟
نِيهال بإستسلام:عادي ع ذوقك
حرك رائد وبتذكُر:خلص المشرُوع بس باقي نكلم الأهالي
نِيهال بهم:اوفف ذِي اصعب خطُوه
رائد تنهد:وانتي الصادقه ربك يعين
نِيهال:آمين
.
.
عند ولاء كانت جالسه بمطعم الفُندق..
رفعت نظرها ع الشخصين اللي متوجهين لناحيتها رفعت نظرها وبصدمه نزلت كاس العصير ورفعت نظرها بهدوء
أخذت نفس من شافته جلس ع طاولتها
الرُجل ضرب الطاوله:أخيراً لقيتك يا بنت*** أنا تبلغين علي و تطعنيني
ولاء خذت الكأس وهي تشرب عصيرها بهدُوء ورجعت نزلته:قلت لك لا تلعب بالنار بس م سمعت نصيحتي
مُشكلتك واطلع من هالمكان لوثت أكسجينه
الرُجل:صدقيني بخليك تندمين بتصيرين تخافين من ظِلك حتى بصير كابُوسك فاهمتني كابُوسك
ولاء ضحكت إبتسمت وهي تهز رأسها بأسف:إذا تتجرأ صير ويكُون بعِلمك م عندي شي أخسره يعني خاف ع نفسِك ولا تخليني أتصل ع الشرطه ويمسكُونك ويدفنونك مع بضاعتك
الرُجل قام ومعه مُساعده بكُل عصبيه وم إن لف إلا إنصدم بعبدالله ومعه ٥ عساكِر شكلوا حوله دائره مُسلحه والمطعم فرغوه الموظفين بدُون م يحس
ولاء رفعت نظرها ونزلته وبهمس:ماشاءالله يراقبني بعد !!
الرجُل رفع مُسدسه هُو ومُساعده بإتجاه عبدالله:بعد عن طريقي والا تجي براسِك
عبدالله ابتسم:م نخاف من اللي يخافون من الحريم
وضحك وهو يطلق بسرعه ع رجله
الرُجل صرخ بألم وانحنى وهو يمسك رجله وهُو م توقع يطلق عليه
مُساعده أطلق لكن شطفت كتف عبدالله وخدشته
ولاء رفعت نظرها بسرعه ومن شافته لسّى واقِف نزلت نظرها بعدم إهتمام
تقدم له واحِد من العساكِر من الخلف وبحركه سريعة ضرب مد رجله بشكل عرضي وهو يجلسه ع رُكبه ويُسقط المُسدس من يده
عبدالله وهو حاط يده ع كتفه ويحس بألم تكلم بصوت قوي وفخم جِداً:شيلوا لِي هالحيوانات للمركز
العساكِر تحركوا بسرعه تحت نظرات ولاء اللي م زالت هاديه وكأن اللي حولها عادي
عبدالله رفع نظره ع هدوءها وانغبن من ردة فعلها البارده كان بينصاب بسبب برُودها تقدم بعصبيه ومسك معصم يدها بقوه وهو يقومها ويسحبها للجهه الخارجيه الثانيه للمطعم وما كان فيه أحد
وقفها أمامه مُباشرةً وصرخ بعصبيه وعرُوق رقبته وضحت:شفيك انتي متبلده والا آيش بالضبط
ولاء نفضت يدها بقوه وبصوت حاد:لا تتجرأ تمسك يدي ولا تلمسني مره ثانيه م سمحت لغيرك ولا بسمح لك
وإذا عدتها ب....
قاطعها بصرخه وقفتها عن الكلام:والا آيش؟ شهالحركات يكفي إني متحملك من شهُور ومتحمل هم إني مخبي ع صاحبي موضُوعك ولو بيدي حطيتك بالسِجن الحين لكن ما بيدي حِيله بس والله لو ما تتركين هالحركات والهياته والكلام مع ناس داهيه لا أخرب حياتِك ومُو علشانك علشان أخوك ضعيف الله الي شايل همك وتاركك ع راحتِك علشان م يضغط عليك إنتي حتى الذنب ما تستاهلينه ما ألومهُم لما يبتعدُون عنك من بلاويك ومصايبك
وتنفس بقوه وعصبيته مُفرطه
ولاء ضغطت ع يدها وبلعت ريقها وهي ترفع نظرها له:خلصت؟؟
عبدالله طالع فيها بعصبيه:لو قلت كُل الكلام والشتم م يكفيك ..

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 95 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🌾🍃

ولاء:زين يجي دوري
رفعت صوتها:اطلع منها وخلك ع جنب تمام؟ أكلم اللي أبيه! أطلع للي أبيه؟ أسوي اللي أبيه أنا حُره فاهمني!!مالك دخل بشي وقسم بالله لو اعترضت طريقي يا حضرة المُفتش م أقول صاحب أخوي القريب بدوسك وأكمل طريقي م وصلت للي وصلته بإعتراض أشكالِك
عبدالله م تحكم باعصابِه ورفع يده وقبل م تنزل ع خدها مسكتها بقُوه وجُرأه ما توقعها
وبحِدّه:لا تفكر تمد يدك علي وإنت شخص ماله دور بحياتِي حتى نفذ صبرِي عليك يا حضرة المُفتش المره الجايه لا تتوقعها مثل كُل مره
ونزلت يدّه بقوه وطلعت بسرعه وهي تاخذ شنطتها وتطلع وهي نفسها تسوي اللي براسها بس تحاول تتعوذ من إبليس لأن لو بتسمح لنفسها كان دخلت نفسها في شي كبير كبير حيييل
عبدالله مسح وجهه بعصبيه وهو يحاول يهدي نفسه ما يدري آيش اللي ضايقه بالضبط إنها كلمت رجال وفوق ذَا مُو أي رِجال رجال تهريب مُخدرات ودنياهُم مُظلمه وم يخافون الله!
والا إنها م أعطت أي ردة فِعل لكُل اللي صار وتحديداً اللي صار فيه!أخذ نفس عميق وضرب الكرسي الي بجنبه برجوله
بقوه وصررخ؛اووووووفففف
مسك كتفه بتألُم من حركته السريعه والقويه ورجع طالع بيده وشاف الدم تأفف وطلع ونفسيته بخشمه و عبدالله بعادته يضحك ويبتسم لكن إذا عصب عصب ومحد يقدر يمسكه ويحمد ربه م فقد السيطره على نفسه لآخر حد كان سوى فيها شي ماله دخل يسويه هُو
ركب سيارة الدوريات وهُم متوجهين للمركز.
.
.
نزل من السياره وهُو يسرع بخطواته والشوق لها زاد وتعدى شوقه لها م يُضاهيه شي!
سبقها بخطواته السريعه وهي تمشي بخفيف ومنغبنه من تصرُفاته
دخل المصعد بسرعه وقبلها وهُو متجاهلها تماماً
وطلع وهو يمشي بناحية مكتبها والإبتسامه شاقه وجهه
وقف وهو يحط يده ع قبضة الباب
وسمع صوت ضِحكه نبرتها م هي غريبه لكن هالنبره م سبق وسمع ضحكتها رفع حاجبه الأيسر وإبتسامته اتسعت من عرفها
وطق الباب
ومن سمع صوت هيا اللي تكلمت وسط ضحكها مع تغريد الي حست نفسها تكلم شخص تعرفه من زمان وبعُمرها رُغم إن هيا عُمرها 45 سنه
دخل ونظره توجه لتغريد اللي جالسه ع الكرسي ولفت ومن شافته نزلت عيونها بسرعه وخجل استحوذ
عليها
غيث إبتسم وحس بنفسه وهو يطالع بأمه اللي إبتسمت إبتسامه يعرفها كويس وواضِح في راسها شي
قامت من ع كرسي مكتبها وهي تبي تشم ريحته اللي تطمن قلبها
ضحك بفرحه ورفع صوته ويرفع يده ونزلها:يا بعد رُوحي هالضِحكه الحُلوه اللي وحشتني
واقترب منها بخطوات سريعه وهو يحضنها بقوه
تحت أنظار تغريد اللي يزيد إعجابها ببره لأمه وحنيته معها وكيف يعاملها وكأنها صديقه وأقرب
هيا وقلبها بيطير من فرحته والرُوح ردّت لها:ياحبيب قلبي م أسمح لك تتركني مره ثانيه وضحكت وهي تبتعد عنه
غيث ابتسم وهو يأشر ع عيونه:من عيوني ياعيوني
وابتسم وهو يلتفت ع تغريد اللي كانت تتأمله ومن شافته لف نزلت عُيونها بسرعه
إبتسم أكثر وانتبه لنظرات أمه ورفع عيونه لها ورفع حاجبه الأيسر وغمز بمعنى ايش؟...
هيا هزت رأسها بإبتسامه وتنهدت
غيث لف لتغريد:كيفك تغريد؟
تغريد بصوت خفيف وإحراج: الحمدلله
لفوا كُلهم جهة الباب اللي إنفتح ودخلت نُورا وهي مُو منتبهه وسلمت ع هيا ولفت وهي بتكلم غيث لكن انصدمت باللي ع الكرسي وم عرفتها:مِين ذِي!!
هيا:تغريد
نُورا وتغيرت ملامحها وبتأفُف مسمُوع:يلا غيث نطلع طفشت وتعبت نرُوح لبيتنا نرتاح شوي
وطالعت بتغريد بترقُب
غيث خزها بقوه لكن ما انتبه أحد لنظراتها:بترُوحين اتصلي ع السواق أنا بجلس وبتغدى أنا وأمي وبعدها نرجع مع بعض
نُورا بإستفزاز لتغريد:لا حبيبي أنا معِك بجلس
غيث لف لجهة تغريد بقهر من نُورا وحركتها وم سلمت ع البنت حتى!
تغريد قامت وهي تاخذ شنطتها:يلا عن إذنكُم
هيا:وين م كملتي قهوتك ياعيوني !
تغريد إبتسمت بتغصُب للإبتسامه:بعدين إن شاء الله
وطلعت وهي تمشي بإتجاه المصعد ومقهوره من نُورا ما تدري هُو من حركتها ولا من وجُودها الغلط وإنها خذت شخص عزيز عليها
وقفت وهي تضغط ع المصعد وتنتظره يفتح علشان تنزل تحت
وبهمس:لا حبيبي أنا معِك عمى بعينها وقِحه وقليلة أدب وم تستحي
قاطعها صوت ضحكه اللي خوفها:شفيك صرتي تتكلمين مع نفسِك!
تغريد لفت بسرعه وبخوف وخجل من كلامها وبتوتر:سمعت شقلت؟
غيث ضحك:ايوا وبكِذب:سمعته كُله ..

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾