🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 52 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


دخلت للحمام و أخذت الماء بين ايديني و كبيته على وجهي عدتها كم مره لحد ما شفت إن انتفاخ وجهي من الصياح خف ..
طلعت للصاله و شفت فطوم قدامي ,, ركضت و ضمتني ضميتها و أنا عاضه على شفايفي خايفه أصيح قدامه ,, لكن دموعي نزلن غصب و أنا أسمع كلامها ..
فطوم : خاله رونق شفتي ماما راحت تجيب دواء من الدكتور و تجي ..
ضميتها بقوه و أنا موب قادرة أتكلم إلا على دخلة عبد الرحمن ..
عبدالرحمن : فطوم روحي شوفي عزيز و ربا يلعبون بالحوش ..
ارخيت ايديني و تركتها و هي طلعت تركض للحوش مسحت دموعي و رديت و أنا أشوف نظرات عبدالرحمن المعاتبه : و الله ما قدرت أمسك نفسي .
عبدالرحمن : قلت لك اذا ما تقدرين عليهن....
قاطعته بسرعه : لا أقدر و الله أقدر .
نزل راسه و رفعه و تكلم : نشوف !!
.
.
يوم الأثنين .. رونق

قمت من النوم رفعت ايدي و شفت الساعه تسع الا ربع مع اني ما نمت زين إلا إني قايمة مبكره ,, كل شوي أصحى و أشوف البنات و أغطيهم ..
البارح لما جينا ننام فرشت لهن بالأرض و نمت أنا وياهن كانت رغوده على يميني و ربا على يساري ,, و فطوم نامت على سريري ,, شفت الباب ينفتح ,, كانت هند غريبه وش عندها قمت من فراشي و طلعت لها
هند : يا خزياه منك أزعجتك .
أنا : لا أصلا صاحيه .
هند : عسى ما شر .
أنا : لا بس أحس أني قلقانه على أسماء وو ... إلا أنتي تبين شي .
ابتسمت هند : لا و الله بس أبي أتطمن على البنات .
أنا : وش مقومك هالوقت .
هند : و أنا أصلا نمت !!
أنا : ليه ؟
هند : نفسك القلق ذبحني !!
و كملت : الا تعالي خلينا نتقهوى ..
أنا : يله ...
رحنا للمطبخ و سوت هند قهوه ,, تقهوينا و كل وحده منا غارقه بأفكارها و مخاوفها كل وحده منا خايفه تصرح للثانيه باللي يدور ببالها كل وحده تبي تصير هي القويه اللي توقف جنب أسماء لكن هيهات قلوبنا مليانه و تنتظر أي شي عشان يتفجر هالحزن المكبوت ..
لما صار الظهر قالنا عبدالرحمن نجهز البنات عشان أبوهن يبي يمرهن و بعد ما راحوا البنات عرفت إن عبدالرحمن و هند يبون يروحون يزورون أسماء ,, دخلت المطبخ و لقيت هند تشرب ماء و معه عباتها....
أنا : هند ..
هند : نعم .
أنا : صح تبي تروحون لأسماء .
عضت هند على شفته و تكلمت بسرعه : و الله العظيم إني قلت لعبدالرحمن أنك لازم تجين معنا بس هو عيّا .
مع إنه باين الصدق بعيونها و ما أشك إنه تكذب إلا أنه كان عندي أمل !
تركتها و طلعت أدور عبد الرحمن كان ينزل من الدرج و يسكر أزارير ثوبه ,,
اتجهت له و تكلمت برجاء : عبدالرحمن ودي أروح أشوف أسماء .
عبدالرحمن : لا .
أنا : الله يخليك .
عبدالرحمن : لاااا .
أنا بعصبيه : موب على كيفك أبشوف أسماء .
اتجه لي عبدالرحمن و العصبيه باينه بعيونه و دفني بإيده ..
و تكلم بصوته العالي : هييييه أنتي !!
, لا تتخيلين إننا بنسى اللي سويتيه و إلا وش على بالك أخذتك للمستشفى تصيعين هناك اقعدي بالبيت أستر لك !
كافي يا خوي كافي ,, لا تصير عليّ أنت و الدنيا !
و طلع هدم اللي بقى مني و طلع شلت نفسي من الأرض و سحبت رجليني و رحت لغرفتي طحت على سريري و أنا أجهش ببكاء موجع ......

مر علينا الوقت كئيب نسيت أو بالأحرى تناسيت كلام عبدالرحمن اليوم و لهيت نفسي بوعد هند إنها تكلمه للمره المليون علّ و عسى يسمح لي بكره أو بعده أروح أزور أسماء كان يومنا ساكن من تعابير وجيهنا لكنه كان مليان بضجيج قلوبنا كان يومنا كئيب ما يتخلله إلا دموعنا و قلقنا الدائم على أسماء و حيرتنا بأسئلة بناتها اللامنتهيه !!
.
.
بعد صلاة العصر ,, عزام

طلعت من المسجد بعد ما صلينا العصر يمكن تستغربون إني صليت بالمسجد لكن أنا عزمت أمري على شي تبون تعرفون هالشي ,, الصراحه إني خفت من كلام صديقي طلال يوم قال ان رونق يمكن تدعي علي و غير اني بأتزوج يعني بستقر عشان كذا قررت اني ما أتعرض لا لرونق و لا لغيرها ايه غيره !! أنا راعي مكالمات لكن يشهد علي ربي اني عمري ما طلعت مع وحده منهن أو فضحتها إلا رونق لكني الحين يوم قررت أتوب ما قدرت أتكلم و أبرئ رونق أدري اني غلطان لكن ما أملك الشجاعه اللي تخليني أعترف بهالشي لعيال عمي و أخوي تركي غير إن رونق بعد غلطانه من قالها تكلم رجل بس و الله إني أرحمها و حلمي ما راح يتحقق اذا تكلمت نهى بترفضني و أنا أتمناها لي !!
غمضت عيوني و أنا أجلس بمقعد سيارتي و همست : يا ربي تعينني على هالدنيا يارب .
اتجهت لبيت عمتي منيره و يوم وصلت شفت ابو فهد جاي من المسجد و معه رجل بعمره تقريبا ..
نزلت من سيارتي و سلمت على ابو فهد سحبت كرسيه و دخلت معه للبيت ..
بعد ما تقهوينا و سألنا عن الحال و الأحوال فاتحته باللي أنا جاي عشانه ,,
أنا : ابو فهد أنا جاي اليوم و ودي أطلبك طلب .


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 53 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


نزل راسه ابو فهد و ابتسم و كأنه عارف اللي أقوله و تكلم : تباطيت الرد يا ولدي ؟
ابتسمت بإحراج و رديت : أخاف يرفضوني ياعـم !!
ابو فهد : أنت تنشرى يا عزام و لا تخاف ان شاء الله انهم موب مبطين بالرد ..
تنفست بارتياح و أنا أسمع كلام عمي ابوفهد و شقت البسمه وجهي و أنا أرد : تسلم يا عمي !!
.
.
المغرب ,, ندى

صليت المغرب و لبست ملابسي كان لبسي عادي جدا بما أني بروح لرونق ما لبست عدساتي الطبيه زي ما أسوي كل ما جيت أبروح لأي مكان بالعكس اكتفيت بالنظاره و تركت وجهي بدون أي لمسات ...
خلصت و أخذت عبايتي و طلعت من غرفتي نزلت تحت و شفت أبوي جالس ينتظرني بالصاله ,, لبست عبايتي بسرعه و اتجهت مع أبوي للباب لكني سمعت صوت أمي تناديني ..
تركت أبوي يطلع و رجعت بسرعه للصاله أدور أمي شفتها تطلع من المطبخ بخطوات متسارعه و معها كيس ,,
أنا : وشو يمه تبين شي ؟
أمي ( هدى ) : خوذي هالبيتزا توي مسويتها ..
ابتسمت و أنا آخذها : تسلم ايدينك يمه . و ركضت متجهه للباب .
أمي : ندى خلي رونق تاكل أكيد قلبها آكله على أسماء .
أنا : ان شاء الله يمه .
طلعت أركض و ما وقفت الا بعد ما صدمت باب السياره فتحت الباب لكنه ما انفتح رفعت راسي و طاحت عيني على أبوي يسلم على واحد من الجيران انكمشت داخل عباتي بحياء و أنا أتخيل انه شافني و أنا أطامر وش يبي يقول أكيد بيقول مسكينه الله يرحم حالي بس !!
جاء ابوي و فتح السياره و ركبنا و اتجهنا لبيت خالي عبد الرحمن ,, وصلنا و دخلت ,, سلمت على هدى و اتجهت لمعتكف رونق " غرفتها " هالبنت ما أدري متى بترتاح و تعيش مثل الناس و تترك هالغرفه ..
دخلت عليها و سلمت لكنها قابلت سلامي ببرود أدري انها متضايقه عشان أسماء ,, بس ربي هو الشافي ,, و حنا ندعيه و بإذن الله ان ربي موب مخيــبنا ..
حاولت قد ما أقدر إني أغير من جو رونق ,, لكنها متضايقه و ما أدري وش اللي مضيق صدرها غير هم أسماء لزمت عليها تاكل قطعة بيتزا و ما فاتتني ابتسامتها لما قلت لها ان أمي مسويتها عشانها ,, علمتها إن أمي بتدخل بكره ترافق مع خالتي أسماء و ارتاحت لهالخبر كثير طلعت من عندها الساعه عشر و ما طلعت الا بعد ما غطيتها بفراشها هي و بنات خالتي أسماء و وصيتها تنام و ما تفكر بشي لأن ربي قادر على أن يحيي العظام و هي رميم ....
.
.
الثلاثاء ,, هند .

بعد ما تغدينا و شفت عبد الرحمن رايق ,, فاتحته بموضوع زيارة رونق لأسماء ذكرته بالكم اللي تحمله رونق من آيات القرآن بصدرها و بدار القرآن اللي كانت تدرس به ,, ذكرته إن ربي يقبل توبة العبد إن ربي غفور رحيم ,, حبيت راسه و ايديه ,, نزلن دموعي و أنا أترجاه و بعد الموت طاع أخيراً وافق يا الله يا فرحة رونق بهالخبر ,,
تذكرت جرحه لـَها أمس و كلامه المسموم ,, ترجيته يبلغها بنفسه ,, أبيَها تحس بجيتـُه لغرفته و طلبـُه منها أنها تزور أسماء ,, أبيَها تتخيله اعتذار مع انه ابعد ما يكون عن الاعتذار ,, من يدري يمكن يقدر عبدالرحمن يضمد لو جزء من جرحـُه لها أمس !!
.
.
عبدالرحمن ..

اتجهت لغرفة رونق و راسي يدور من الأفكار اللي تواردت عليه يا ربي أنا ليه وعدت هند إني آخذها معي ,, أخاف تـ ... أعوذ بالله من الشيطان الرجيم نفضت راسي أطرد هالأفكار الخبيثه منه و كملت طريقي لغرفتها
.
.
رونق ..

دخت من التفكير موب لاقيه طريقه أقدر بها إني أزور أسماء كنت ألبّس ربا ملابسها و أفكر لكني ما لقيت إلا إني أترجى فيصل يأخذني بدون لا يعرف عبد الرحمن خلصت من ربى و أمرتها تطلع من الغرفه استغليت الفرصه و أخذت جوالي من تحت وسادتي و بحثت بالأسماء اللي ماكان فيه الا ثلاث أرقام أمجاد و فيصل و ندى ,,
طاح الجوال من ايدي و انسحب اللون من وجهي و أنا أشوف اللي دخل تعلقت عيوني بعيونه المحمره و نزلت نظري لايده المقبوضه سحبت ايدي اللي بها الجوال و ضميته لصدري أحاول أخفي شي أوضح من الشمس تقدم و الشياطين راكبه راسه أخذ الجوال من ايدي و سحبني مم شعري بإيده الثانية حسيت بجذور شعري تتقطع ,,
سحبني من شعري لحد ما وقفني تكلم و هو صاك سنونه بعصبيه مجنونه و أنفاسه الحاره تحرق رقبتي : من وين لك يالكلبه !!
من الخوف راح كل الكلام و تبخّر ,, نسيت حتى أبجديات الكلام ,, و مر جزء من الثانية ..
زاد من شده لشعري و بدأ يحرك ايده يمين و شمال و هو يصرخ عليّ : من وين تبيننا نثق بك و أنتي تخونينا هاه ... أنتي ما تخافين ربك وين القرآن اللي بصدرك و الا وشوله تحفظينه ..
ما أدري أنا شفت هند و البزران يصيحون و يسحبونه و إلا أنا أتخيّل ..


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 54 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


دفني بكل قوته على الأرض بدا يرفس بطني برجلينه حاولت أحمي بطني بايدي لكن ايدين فطوم سبقتني كنت أسمع ضجيجهم و صياحهم حتى أني سمعت و شفت الكف اللي ارتطم بخد هند ابتعد عنا و أخذ الجوال و فتحه و قرأ اسم فيصل بصوت عالي و هدد و توعد فيه انه يأدبه قرب لي و تكلم بصراخ : مسجله بس ثلاث ارقام تحسبينني غبي الله لا يوفقك يا حقيره !!
و ركلني برجله آخر ركله و تفل علي و طلع و هو يتوعد و يزبد !
لملمنا اللي بقى منّا أنا و هند و قمنا نحاول نبين للبزران إننا بخير و حنا أبعد ما نكون عن الخــــــيــــــــر !!
.
.
المغرب ,, هند ..

تعبت و أنا أحاول أبث الطمأنينه بقلوب البزران بعد الخوف اللي ملأ قلوبهم سلطان ما جاء يأخذ بناته اليوم لأن أسماء بدت تتعالج اليوم بالكيماوي و أكيد حالتها صعبه و الحمد لله إنه ما أخذهن ما أبيه يشوفهن متأثرات خلهن بكره لين ينسن اللي صار !!
من طلع عبدالرحمن الظهر ما رجع ,, خايفه من اللي يبي يصير لأني عارفه ان عبدالرحمن ما راح يسكت أبدا ..
سحبت نفسي من غرفة عزيز و ليان بعد ما نومت أخر واحد من البزران كانت فطوم بنت أسماء اللي انهد حيلها من الصياح لحد ما نامت ..
اتجهت لغرفة رونق قبل لا أدخل سمعت صوت نشيجها وقفت بمكاني و لفيت و رجعت من مكان ما جيت ما بيدي شي و ما أقدر أشوفها بهالحاله رحت لغرفتي و أطلقت العنان لنفسي ,, تركت دموعي تنزل و علا صوت نشيجي بالغرفة !!
.
.
العشاء ,, رونق .

كنت منسدحه على سجادتي مرات أصيح و مرات أهدأ شوي لكن ما تطول فترة الهدوء الا و تقتحمه موجة دموع جديده .. خايفه من عبدالرحمن و موب متخيله وش يبي يسوي ,,
سمعت نحنحته و شفت زوله يقرب من الغرفه سحبت رجليني و لصقتهن ببطني أحاول أمنع أي ضرب ممكن أتعرض له ببطني
دخل و هو يمشي بتعب كان باين انه يمشي جسم بلا روح ثوبه مصفر و شماغه على كتفه ,, وجه نظراته الغاضبه لي و تكلم بصوت مبحوح هدّه التعب : أقسم بالله لو أنا موب خايف من ربي لا أذبحك و أرتاح منك ...
تنهد بتعب و كمل : لكن خلاص أبرتاح منك بعد بكره ان شاء الله ضفي خلاقينك لأن أمك الشامية بتجي تاخذك ...

ــــــــــــــــــ

( أمـــــــــــــي )

العودة للماضي ..

تعالت أصواتهم حتى عانقت النخيل الشامخه أما موضي فقد جلست تداعب طفلها " خالد " بحنان بالغ علـّها تلهي نفسها عن ما تفعله تلك الفاتنة المشاغبه اقترب و شاركهم مجلسهم علمت هي بذلك عندما ملأ صوته الأجش أرجاء المزرعة ( يا ولد ) أسدلن أغطيتهن و رددن أخواته و زوجات أخوته عليه بترحيب ثم بادلنه بسؤال عن الحال و قد استقر في صدر المجلس ..
بينما هي رفعت رأسها لتسرق نظرة عليه قبل أن تبدأ تلك الصبية بألاعيبها !!
رأتها تطبع قبلة على خده الأيمن أطرقت هي رأسها بسرعة حتى لا تكمل المشهد الدامي للشعور ثم حركته يمنه و يسره علّ ما شاهدته لا يترجم الى الدماغ ..
فتكلمت تلك الحبيبة " منيرة " معاتبة ( أبو محمد ) !!!
و لكنها لم تلبث حتى سمعته يثبت ما رأته بدبلجة قاهرة بمعنى الكلمة عندما قهقه بحب و هيام لتلك الفاتنة و رد مازحا ( هذولي الشاميات ميب مثلكن يالسعوديات )
صاح طفلها و كأنه أحس بحجم القهر الذي ضجت به أضلاع والدته فأشغلت هي نفسها بتهدئته و همس قلبها " يا ربي إني سائلتك إنك تنزع حبه من قلبي "
هو دائما كذلك قاسيا لا يعبأ بآلامها همه الأول و الأخير إشباع غرائزه تزوج من تلك الشامية " فاتن " التي لم تكمل الاثنان و العشرين ربيعا و هو في الأربعين من عمره أغدقها بالكثير من الحب و الأكثر من المال أعطاها فلم تشبع و فضلها فلم تهجع لم تكتفي بليلتها بل صالت وجالت حتى عرف عن أبو محمد أنه زوجاً لفاتن وحدها لم تكل و لم تمل حتى رأت هجرانه لتلك الشريكة ثم أعطته بعضا مما عندها و أعطاها كل ما عنده حتى نفذ ما معه من مال و بقايا كرامة و أفضلت قسوته و كرهه لجنسنا نحن النساء ..
أما " موضي " فقد آلمها هجره لقلبها قبل أن يهجر بيته و لكنها احتسبت أجرها عند الله فكأن ربي وسعها برحمته و لبى دعائها من بين تلك النخيل (يا ربي إني سائلتك إنك تنزع حبه من قلبي ) و نزع حبا مؤلما من بين حناياها فاستكانت حتى عاد اليها خائبا فضمدت جروحه و نسيت جروحا غائرة في جوفها ..
عاد اليها بعد أن تركته " الشامية " لأن سببها في الزواج منه قد زال فقد خسر ما معه من مال لأن الجراد قد أكل محصوله فأصبحت أرضا خاوية فــــكِره بلاد الشام بمن فيها !!!
وافق على طلاقها بشرط أن تترك ابنتها له فذهبت تاركة خلفها طفلتها ذات العامين و كأن حنان الأم قد نزع من قلبها فباتت تلك الطفلة يتيمة بلا أم و لا رحمة أب !!
استقبلتها " موضي " و أغدقتها حباً لم تعرفه تلك الطفلة من أمها التي انشغلت عنها بتدبير الآلام لشريكتها ...


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 55 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


من طلع عبدالرحمن من الغرفه و أنا أسترجع كلامهم عن أمي "الشامية " ,, كان كل واحد منهم يعطيني معلومه عن أمي هدى و محمد و أسماء و عبدالرحمن و عمتي منيره و حتى دلال مرت خالي فهد الشامية إلا أمي موضي عمرها ما تكلمت بها و دائم اذا سألتها تتنهد و تقولي بصوتها الحبيب ( الله أعلم بالخفايا يا ميمتي ) ...
مجرد ذكر الشامية بأي سالفه يتبعه سيئه من سيئاتها كان كل واحد منهم يتذكر مواقفه السيئه معها و ما يسكتهم إلا عتب أمي موضي و استغفارها تمنيت أسمع أحد منهم يمدحها الكل أجمع على انها كائن مجرد من الانسانية أو حتى جماد ..
ما حسيت الا بإيد انمدت و مسحت دموعي رفعت راسي من سجادتي و شفت فطوم مسحت دموعي بأطراف أصابعي و تكلمت معها : فطوم ماما ليش صاحية ..
حطت ايدها على كتفي و تكلمت : خاله لا تصيحين أنا بكره أعـلـم أبــوي على خـ....ـالي عبدالـ..ـرحمـ....ـن .. و ضاعت حروفها مع دموعها .
سحبتها و ضميتها لصدري و بديت أكلمها و أنا أسمع شهقاتها : لا يا ماما ما يصير نقول لأحد عن اللي صار عارفه فطوم خالو عبدالرحمن توه جاء و قالي أنا آسف رونق .
رفعت راسها و كأنه مستنكره : بس هو ضربك بقوه حتى أنا أوجعتني ايديني منه .
شددت من ضمتي لها و تكلمت : يا حياتي أنتي قولي بسم الله و تشوين !!
: فطوم أنتي هنا !!!
رفعت راسي لهند كانت عيونها مورمه و باين انه تعبانه من الصياح حتى صوتها يتهدج و هي تحكي ,,
نزلت راسها و مشت بخطوات متردده متجهه لسجادتي ما أخذت وقت و هي متجهه ناحيتي لأن غرفتي صغيره نوعا ما جلست على الأرض بجنب السجاده بينما أنا منسدحه و معي فطوم ...
تكلمت هند بصوت متردد : سامحيني و الله إني عجزت أثنيه عن رايه !!
رديت بعد تفكير : وش دراك يمكن انه خيره !!
هند و صوتها بدأ يتهدج : أي خيره يا شيخه !!
أنا : لهالدرجه تكرهين أمي !
ردت هند بسرعه : أصلا ما أعرفها !
و كملت : بس اللي يسويه عبدالرحمن يقهر قهر ...
فطوم : خاله هند ترى خالي عبدالرحمن قال لخاله رونق آسف ...
رفعت هند عيونها لي تدور عن أي شي يخليها تصدق اللي تسمعه لكني ابتسمت ابتسامة قهر و أنا أتخيل عبدالرحمن يعتذر ..
هند : الله يهديه بس !
و نزلت راسها و باست راسي و كملت : رونق رددي معي " اللَّهُمَّ أَنْتَ تَحْكُمُ بَيْنَ عِبَادِكَ فِيمَا كَانُوا فِيهِ يَخْتَلِفُونَ ، لا إِلهَ إِلَّا اللهُ الْعَلِيُّ الْعَظِيمُ ، لا إِلهَ إِلَّا اللهُ الْحَلِيمُ الْكَرِيم سُبْحَانَ اللهِ رَبِّ السَّمَواتِ السَّبْعِ وَرَبِّ الْعَرْشِ الْعَظِيمِ ، الْحَمْدُ للهِ رَبِّ الْعَالَمينَ ، اللَّهُمَّ كَاشِفَ الْغَمِّ مُفَرِّجَ الْهَمِّ ، مُجِيبَ دَعْوَةِ المُضطَرِّينَ إِذَا دَعَوْكَ ، رَحْمنَ الدُّنْيَا وَالآخِرَةِ وَرَحِيمَهُمَا فَارْحَمْني في حَاجَتي هذِهِ بِقَضَائِهَا وَنَجَاحِهَا رَحْمَةً تُغْنِينِي بِهَا عَنْ رَحْمَةِ مَنْ سِوَاكَ "
كنت أردد معها كلمه كلمه و كأني أول مره أسمع هالدعاء ,, بس لا هالمره كان وقعه على نفسي غير ,, هالمره كان قلبي يهمس به قبل شفايفي و دموعي شاركني حسيت بمدى ضعفي كإنسان قدام هالمشاكل ...
فطوم : خلاص لا تصيحين تكفين ...
هند : قومي نامي و ارتاحي ...
قمت من مكاني بمساعدة فطوم و انسدحت على فراشي أنا و فطوم ,, غطتنا هند و تكلمت قبل تطلع : لا تفكرين الحين بشي لا أوصيك عليها يا فطوم ..
فطوم : ان شاء الله .
طلعت هند و غرقت بهواجيسي و ما انتبهت الا على صوت فطومتي ...
فطوم : لا تفكرين بشي نامي .
ابتسمت ابتسامه باهته و ضميته و رديت : يله ننام .
.
.

العشاء - ندى -
الساعة عشر و نصف .
ضغطت على زر الاتصال بعد ما اخترت اسم " رونق " و انتظرت الرد...
انتظرت أسمع صوت الحبيبه رونق لحظات و وصلني صوت الـ نـــعــــم لكنه هالمرة غريبه نزلت الجوال و ركزت بالاسم اللي على الشاشة ,, رونق أكيد هذا جوال رونق رفعته لمستوى أذني و ما سمعت غير تنفس سريع تجرأت و تكلمت : ألو ....
وصلني صوت غاضب : أقسم بالله يا ندى لو انك تحت ايدي كان عرفت أربيك ..
ما استغرقت غير ثواني حتى عرفت الصوت انشلت ايدي و أنا أسمع كلامه و أستوعبه هذا خالي عبدالرحمن و أنا كلمت على جوال رونق يعني ..... شـــ.....ــــاف الجوال ..
طاح الجوال من ايدي و طلعت بسرعه من الغرفه وصلت للدرج و أنا ألهث من الخوف و التعب قلبي بياكلني على رونق بقول لأمي لا وش أقول لأمي أقوله إننا عطينا رونق جوال و إن خالي عبدالرحمن شافه لا لا قوه صعبه ...
: ندى وش بك تعبانه ؟
رفعت راسي لنادية أختي و أنا أفكر وش اللي صار لي ياربي حاسه اني خايفه على رونق يا ربي لا يذبحها خالي عبدالرحمن وش أسوي , وش أسـ ...... فيصل إيه فيصل هو الوحيد اللي يعرف بالجوال غيري أنا و أمجاد .


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 56 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


نادية : ندى جوالك يرن وش بك ؟
من سمعت صوت نادية تحركت من مكاني و اتجهت لغرفتي أركض ,, أخذت جوالي و ضغطت على زر الرد وتكلمت : أمجاد إهئ إهئ .
أمجاد : وش بك بسم الله ؟؟!
أنا : إهئ إهئ .
أمجاد : ندى تكلمي وش بك ؟؟
أنا : خالي عبدالرحـ...ـمـ....ـن شـ.......ـاف الجوال !!
أمجاد : هاااااه .
أنا : وش نسوي أخاف يذبحها خالي ؟
أمجاد : و أنتي وش دراك ؟
أنا : دقيت و رد علي خالي عبدالرحمن و كان معصب ...
تنهدت أمجاد و ردت : لا حول و لا قوة الا بالله تدرين أبقول لأبوي !!
أنا : لا أنتي صاحيه و الله لو يدري خالي محمد كان ذبحنا , أنتي قولي لفيصل هو اللي يعرف بسالفة الجوال ..
أمجاد : ايه صح هذي وشلون فاتتني !
أنا : طيب خلاص كلميه الحين و ردي لي ..
أمجاد : خلاص مع السلامة ..
.
.
أمجاد ....

سكرت من ندى و كلمت على أخوي فيصل كنت أكلم و أنا أدور بالغرفه خايفه و متوتره و كل شي ,, ما مر الا ثواني و سمعت الرد : إن الهاتف المطلوب لا يمكن الاتصال به الآن .....
تأففت بقهر و تحلطمت : هذا وين راح أووف !
عدت الاتصال و نفس الشي يا ربي وين راح ما فيه إلا أروح أسأل أمي عنه طلعت من غرفتي و اتجهت لتحت ,, دخلت الصالة و لقيت أبوي ,, اتجهت له و حبيت راسه ..
أنا : وش أخبارك يبه ؟
أبوي : بخير الحمد لله وراك تركضين ملحوقه ؟
رديت بارتباك : هاه لا بس وين أمي ؟
رد علي أبوي و هو يرفع صوت التلفزيون : بالمطبخ و التفت يهاوش عبدالله و نوف : أوص أنتي وياه .
اتجهت للمطبخ و دخلت على أمي ....
أنا : يمه وين فيصل ؟
أمي : وش تبين به ؟
أنا : أبيه شوي وينه ؟
أمي : طالع اليوم للبر .
أنا : كيف !
و كملت : يمه طيب ليش ما يرد على جواله ؟
أمي : كاشتين بمكان بعيد و الجوال ما يوصل هناك ..
أنا : أوهوه يا ربي وش أسوي ؟
التفتت أمي علي و ردت : وش تسوين بإيش ؟
قمت و رديت : و لا شي خلاص .
سمعت صوت أمي و أنا طالعه : أنتي منتب طبيعيه اليوم ...
وقفت و التفت على أمي : ما بي شي بس لا ما بي شي ....
أمي : لا ترقين اصبري شوي و نتعشى .
أنا : ما أبي شي أبروح أنام .
.
.

الثلاثاء - مي -

الساعه 11 بالليل ..
خلصنا من الطواف و مشينا طالعين من الحرم كان تركي مستعجل بمشيته و أنا أمشي وراه و كل فتره و الثانيه يلتفت يتأكد إني معه كنت أمشي جسد بلا روح من يوم سمعت بخبر مرض أسماء و أنا موب طايقه الدنيا بكبرها دموعي ماليه وجهي و قلبي ياكلني عليها خايفه يصير لها شي خايفه عليها و الله خايفه ....
: رونـ .... قصدي مي اشربي من ماء زمزم ...
رفعت راسي لتركي و أنا أتجاهل الإسم اللي سبق اسمي خلاص تعودت عليه كل ما بغى يناديني نادها هي بالغلط أنا عارفه إن قلبه مع رونق بس ما بيدي شي أسويه عشان يحبني ما أقدر أتحكم بقلبه حتى قلبي اللي مال له عجزت أحاول أصده بس ما قدرت و الله حبيته إيه حبيته غصبن عني هو اللي عاملني باحترام و أجبرني على حبه حتى أنا ما قصرت معه بس قلبه عند رونق موب عندي !
مد لي تركي كاس ماء : اشربي و تعوذي من الشيطان ان شاء الله إنها تبي تقوم بالعافيه ..
أخذت الكاس من ايده و سميت بالله و شربته تمنيت من ربي إنه يجعل به شفاء صدري من الهموم و من الذنوب ...
طلعنا من الحرم متوجهين للفندق كان بالي مع أسماء لا زم أروح أشوفها لازم ....
أنا : تركي .
تركي : هلا .
أنا : أأأ... خلنا نرجع للقصيم ..
تركي : ما صار لنا اسبوع وش تــ...
قاطعته : تركي الله يخليك و الله ما أقدر أقعد و أسماء تعبانه ..
تركي : طيب نصبر لين نصلي الجمعة و نمشي ..
أنا : بس أســمـ...
قاطعني تركي : وش تبي تسوين لها يعني اجلسي هنا و ادعي لها ..
تنهدت و رديت : طيب بس ترا أباخذ لها ماء زمزم .
تركي : إن شاء الله .......
.
.

يوم الأربعاء - هند -

الساعه 8:5 الصبح
تحركت من مكاني و أنا تعبانه حاسه راسي مصدع طول الليل و نومي متقطع التفت أشوف عبدالرحمن لكن ما لقيته بمكانه طول الليل و هو يتقلب باين انه ما نام حتى يوم طلع يصلي الفجر ما رجع قمت و غسلت و دخلت لغرفة عزوز تطمنت على البزران كانوا كلهم نايمين نزلت تحت و اتجهت لغرفة رونق دخلت عليها و لقيتها قاعده على سجادتها و ما انتبهت لي قربت لها و حبيت راسها ,, رفعت راسها لي و ابتسمت لي ابتسامه باهته جلست قبالها على السجاده و حطيت ايدي على ايدها ..
و همست لها حتى لا تقوم فطوم : وش أخبارك ؟
ردت رونق بهدوء : بخير الحمد لله ..
أنا : شكلك ما نمتي ..
رونق : أنام و أقوم و سكتت شوي و كملت : الحمد لله على كل حال استخرت و ربي يبي يكتب لي الخيره ان شاء الله .
أنا : ربي عنده الفرج بس لا تضيقين صدرك ..
رونق : يا ربي لك الحمد نزلت راسها و رجعت رفعته : تراي جوعانه ..
أنا : يخسى الجوع الحين أسوي القهوه و الفطور ..


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 57 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


قمت و رحت للمطبخ و سخنت الماء و سويت القهوه و الشاهي سويت فول و بيض و طلعت نواشف شوي الا و تدخل علي رونق ..
رونق : أساعدك بشي ..
أنا : لا تتعبين نفسك ما بقى شي قضيت ..
رونق و هي تجلس على الكرسي : خليني أسوي أي شي المهم أشغل نفسي و ما أفكر .
شلت قدر البيض و الخبز و حطيتهن على الطاوله : أجل خوذي سوي للبزران سندويشات ..
بدأت شغله و هي باين عليه انه تحاول تطرد أي تفكير بالموضوع ..
.
.

الأربعاء - الظهر - أسماء

فكيت نقابي بعد ما طلع الدكتور كنت متمدده على السرير و أفكر بسلطان غريبه اليوم تأخر هو يدري إن عندي جلسة علاج اليوم بما إن علاجي يوم من ورى يوم و اليوم اللي ما يكون فيه جلسة علاج يجيب بناتي معه أما اليوم فيبي يجي لحاله يعني ما عنده البنات يأخرنّه تنهدت و همست : يا ربي إنه يكون بصحه و عافيه ..
: السلام عليكم ..
التفت لأغلى صوت بهالدنيا و ابتسمت غصب عني و أنا أشوف الابتسامه ماليه وجهه قرب و سلم علي و حبّ راسي جلس على طرف السرير و إيده تتحسس جبهتي : هاه بشري اليوم وش أخبارك ؟
أنا : الحمد لله ..
سلطان : لا الحمد لله اليوم منور الوجه ..
زادت ابتسامتي و أنا أسمع كلامه البعيد عن الصحه و تكلمت : وراك تأخرت ؟
رفع ايده و أشر على الكيس اللي فيه و رد : جوعان بس مالي نفس قلت خل أجيب الغدا نتغدى أنا وياك و تفتحين نفسي للأكل ..
تجاهلت كلامه و جمله وحده علقت بذهني : وراك مالك نفس ؟
سلطان : أبد الله يسلمك بس فاقد غالي ..
ابتسمت و أنا عارفه معنى كلامه هذا سلطان عارفه انه شايل همي بس ما يبي يقول لي و يخوفني فيتهرب بأجوبته هذي ..
سلطان : طيب ما تبين تشوفين وش الغداء يمكن ما يعجبك ..
أنا : دام سلطاني اللي جايبه أكيد بيعجبني !!
قهقه و ملت ضحكته المكان و رد : لاااا لاا أنا ما أقدر على هالكلام خلاص مابي غدا شبعت ..
أنا : سلطااااان ..
سلطان : خلاص نتغدى بس لا تضيعين علومي بهالكلام ..
عضيت على شفايفي أخفي ابتسامتي و أنا أرد : لا يا شيخ .
.
.

الأربعاء - العصر -
فيصل
وقفت سيارتي و أخذت شماغي بين ايديني حاس نفسي تعبان و بي نوم ,, دخلت البيت و كان هادي رحت للمطبخ و لقيت أمي سلمت عليها و حبيت راسها ..
أمي : اصبر أسوي لك شي تاكله .
أنا : بي نوم يمه هلكان .
أمي : طيب بس كل لك شوي ..
أنا : و الله اني تعبان يمه و الا موب سهل علي أرد لك طلبك ..
أمي : خلاص رح نم و أقومك لا أذن المغرب .
طلعت من المطبخ و أنا دايخ ما أشوف قدامي الا فراشي ,,
: فيصل ..
نزيت من الصرخه و رفعت راسي معصب هذي أمجاد ...
أنا : أنتي يالعجوز تصرخين كذا و الله لو هو عبدالله كان سطرته .
أمجاد : فيصل .
اتجهت للدرج و أنا أتجاهل صوتها ...
أمجاد : رونق أأ.. خالي عبدالرحمن شاف الــ......
ما كملت لأني التفت عليه ..
أنا : رونق وش بها تكلمي بسرعه ...
أمجاد : خالي عبدالرحمن عرف بالجوال اللي معها ..
دفيت التحفه اللي بجنبي و طاحت و تكسرت كنت معصب و الدنيا كله قدامي سوداء أكيد ذبحها كله منهن هالكلبات .
أنا : كله منكن أنتن اللي عطيتنّها اياه لا لا مني أنا.. أنا اللي سمحت لبزران يتدخلون بالسالفه ....
أمجاد : خلاص لا تتحسف كل شي صار و .......
قاطعتها : من متى ؟
أمجاد : أمس دقت ندى عليها و رد عليها خالي عبدالرحمن ..
أنا : وراك ما علمتيني ؟
أمجاد : كلمتك بس جوالك مقفل ..
أنا : أوف ما فيه ارسال ...
تحركت من مكاني و أخذت مفتاحي اللي على الطاوله و اتجهت للباب ,, سمعت صوت أمي تناديني ,, يا الله و الله موب ناقصك يمه ..
التفت و رديت و أنا أشوفها طالعه من المطبخ : سمي ..
أمي : وين رايح منتب نايم ..
أنا : أبطلع شوي و راجع .. و طلعت بسرعه قبل لا تقول شي ...
أمي : أمجاد أخوك وش به ؟
أمجاد : ما أدري ما أدري !! و رقت بسرعه لغرفتها تتحاشي أي أسئلة تصعب عليها إجابتها .....
.
.

ركبت بسيارتي و انطلقت لبيت عمي عبدالرحمن كانت الشياطين تنطط قدامي و أنا أتخيل الكم الهائل من الضرب اللي أخذته رونق من عبدالرحمن تذكرت شكلها بعزاء أمي موضي و ابوي عبدالله ارتعبت من الصوره و تعوذت من الشيطان و أنا أحاول أطرد الصوره من بالي .....
وصلت و نزلت من سيارتي رنيت الجرس ثواني و سمعت صوت عزيز : مين ؟
أنا : فيصل .
فتح الباب و شقت و جهه الابتسامه وهو يسلم : هلا فيصل ..
أنا : هلا عزيز وش أخبارك ؟
عزيز : الحمد لله .
أنا : وين أبوك ؟
عزيز : رايح من زمان !!
تأففت بقهر هذا وقته يروح .
: فيصل .
التفت للصوت و لقيت قدامي عمي عبدالرحمن ..
تكلمت بسرعه قبل لا يعصب علي : هلا عم ممكن أكلمك شوي داخل ..
عبدالرحمن : أنت كفو الواحد يدخلك لبيته دخلتك و ما جبت لي خير ..


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 58 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


قاطعته و أنا أحاول أفهمه : و الله يا عم لو ما أنا بواثق بها كان ما ...
قاطعني بعصبيه : أي واثق يا شيخ و كأنك موب عارف سالفتها ..
كان يصارخ بصوت عالي وهذا اللي لفت نظر واحد من الجيران سحبته من ايده و دخلته للحوش و سكرت باب الشارع و تكلمت و أنا كاتم النار اللي بصدري : أنت اللي موب عارف السالفه صح ..
عبدالرحمن : لا يا شيخ وشي ان شاء الله السالفه الصحيحه اللي أنت تعرفها و أنا ما أعرفها ..
أنا : ضربتها صح ؟
عبدالرحمن : و لو أذبحها مالك شغل ..
تكلمت بعصبيه : بس رونق مظلومه .
تكلم عبدالرحمن بنبره تهكميه : لا أصير بس أنا اللي ظالمها ..
تنرفزت من نبرته المستهزأه و عصبت و رديت بدون لا أفكر : لا مي ,, مي هي اللي تسببت لها بكل هذا رونق ما كلمت مي اللي كلمت رجال غريـ......
قطع كلمتي الكف اللي جاني على وجهي و تكلم و هو معصب حده : برا يا كلب برا ..
و كمل و هو عاض على سنونه : ما بقى الا أنت تجي تسبها ...
حاولت أقوم من الأرض لكن ايده سبقتن و سحبني و رماني بالشارع و كمل كلامه : و لو انك صادق كان أثبت كلامك بدون لا تسب مي يا كلب ...
رمى عليّ شماغي و تفل على وجهي و سكر الباب بكل قوته ...

سحبت شماغي و شلت نفسي و ركبت سيارتي و أنا منقهر من عمي عبدالرحمن نفسي أذبحه بس ..... بس رونق ياربي وش أسوي لها طاحت دمعتي و أنا أتذكر كل شي سويته عشانها من يوم سمعت بسالفتها و أنا شاك إن فيه إنا في السالفه لكن لما سمعت بالسالفه الحقيقيه من أمجاد تأكدت إنها صحيحه ما كنت محتاج دليل عشان أتأكد إن رونق بريئه أنا عارف إن القرآن بصدرها يحكمه بكل اللي تسويه رونق تعرف الحلال و الحرام و أهم ما عليها بالدنيا طاعة ربي ....
تذكرت إني لمّا سمعت بالسالفه ما ركدت حلفت على نفسي إني لا أثبت برائتها على إيدي ..
مسكت مي و حاولت بها تقر باللي سوته لكنها أنكرت كانت تظن إني شاك لكن أنا متأكد من براءة رونق و إدانة مي ..
فتشت غرفة مي بغيابها أكثر من مرة أحاول ألقى أي رقم يدلني على أي خيط ممكن يوصلني لبراءة رونق ..
حاولت أتناقش بموضوع امكانية براءة رونق قدام أبوي لكني ما تعرضت بالكلام لمي بأي شي لا بالخير و لا بالشر و ردة فعل أبوي مثل ما توقعت عصب علي و قال لي بالحرف الواحد " حنا سمعنا ما أحد قالنا و لا عمري أشوفك فاتح هالموضوع مره ثانية "
ما وقفت عند كذا كلمت رونق لما كانت بالمستشفى و سألتها عن رقم الكلب اللي فضحها لكنها ما تعرفه ..
رحت لبيت أبوي عبدالله المعروض للبيع و فتشت بغرفة مي و غرفة رونق و مالقيت أي أثر لأي شي ممكن يدلن عليه ...

مسحت دمعتي و صرخت بصوت ملأ السياره : و الله ثم و الله ما أستسلم ..
تعبت من الدوران بالشوارع بدون هدف سمعت أذان المغرب نزلت و توضيت للصلاة و انضميت للصفوف ,, كبرنا و صلينا و بعد الصلاة تسننت و طلعت من المسجد ..
بديت أمشي داخل الحاره على رجليني تعبان بس يهون التعب الجسدي عند تعب الروح ما أدري وش أسوي ,, و الله خايف عليها من عمي عبدالرحمن هي بس لو هي عندنـ...... إيه لقيته ...
رجعت لسيارتي أركض و ما فيه بلساني إلا الحمد و الثناء على الله ,,
ركبت السيارة و انطلقت لبيتنا دخلت البيت و عيوني تفتش عن أبوي و صلت الصاله و لقيته يتقهوى نزلت و حبيت راسه و جلست بجنبه ..
أبوي : وش أخبارك و أخبار كشتتكم ؟
أنا : ما شاء الله استانسنا .
أبوي : كان نمت لك شوي العصر شكلك تعبان .
أنا : طلعت شوي إلا ...
أبوي : وش عندك تكلم ؟
أنا : يبه وراه ما تجيب رونق تعيش عندنا ..
نزل راسه و وضوق عيونه و رجع رفعه و تكلم بهدوء : و أنت وش طاري عليك ؟
أنا : بس أخاف عمي عبدالرحمن أأأ ....
أبوي : وش فيه عمك عبدالرحمن ؟
لما ما رديت تجهم وجهه و تكلم بصوت أعلى : أنت مسوي شي صح ؟
أنا : كـ..ـنـت خايف على رونق و عطيتها جوال ..
تجهم وجه أبوي و رد بعصبيه : إيش ؟
رديت أدافع عن نفسي : لا صرتوا منتب مسوين شي لهالمسكينه أنا منب ساكت و الله لو تموت ما دريتوا عنه !!
فز أبوي من مكانه و صرخ عليّ : و أنت وش دخلك ؟
قمت و أنا أحاول أهدي أبوي : يبه تكفى و الله إنكم ظالمينها .
أبوي : أنا حذرتك من قبل إنك ما تفتح هالموضوع ..
أنا : يبه اهدأ و الله إنها .......
أبوي : باااااااااس كافي ...
و كمل : بعدين مالك شغل بها هي عند عبدالرحمن و أخوها أرحم بها منك !
طلع أبوي من البيت و أخواني كلهم مستغربين عصبيته أما أنا شلت نفسي و رحت لغرفتي تعبت من هالهم و الله تعبت ,, و الله ما أترك رونق بهمها و الله لا أسوي كل شي اقدر عليه أو حتى ما أقدر ما فيه غيره عمي خالد هو الوحيد اللي سحب نفسه من الموضوع لازم أكلمه عن حالة رونق عسى يرحمها و يرجـــــــــع ..


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 59 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


نهى - الأربعاء -
العشاء 9:30
من يوم جيت من عند أسماء و أنا مسكره على نفسي بغرفتي و الله لو دريت إن جلسة العلاج اليوم كان ما رحت كان شكلها مرهقه و تعبانه و حتى وجهها مصفر يآه ,, الله يعينها ..
من طلعنا منها و أنا دمعتي ما وقفت و الله إن شكله يهد القلب ,, وصلنا للبيت و لقيت أبوي بالصاله باين أنه عنده شي قربت له و حبيت راسه ,, كلمني بموضوع عزام و الله موب وقته وعدته خير و إني برد عليه بعدين رحت لغرفتي و سكرت الباب ,, نمت على بطني و دفنت وجهي بمخدتي و أطلقت العنان لدموعي خل تطيح و الله تعبت من الكبت ,, صرخت بصوت مخنوق و أنا أتكلم : يا ربي لا يجيَها شي يا ربي و الله أنها غاليه بالحيل على قلبي ..

: نهى تعالي تعشي ..
سمعت صوت أمي و رديت بصوت مخنوق : مااابي يمه .
كأنها حست بصوتي و قربت راسها للباب و تكلمت بهمس حتى لا يسمع أبوي الصوت و يضيق صدره لهمي : ربي يبي يفرج همك يمه بس أنتي قومي توضي و صلي لك ركعتين اطلبي بهن الله ..
و سكتت شوي و لما ما سمعت رد كملت : قومي يا ميمتي و صيحي على سجادتك ربي هو اللي يبي يسمع لك و يستجيب دعائك ..
قمت و اتجهت للحمام و توضيت و طلعت لبست جلال الصلاة و كبرت لله بقلب خاشع و روح مطمأنه لذكر الله ..
.
.

رونق - الخميس-
الصبح 10:15
تروشت و طلعت ربطت شعري بدون لا أنشفه كنت أحس بالرجفه بجسمي مع إني توي متقهويه يعني الرجفه موب من الجوع بس ما ادري يمكن خوف ايه خوف و الله خايفه من اللي يبي يصير خايفه وشلون أبودع هالمكان وشلون بتقبل أمي بعد اللي سوته بي يعني معقوله تروح و تتركني و أنا طفله ما فكرت بحاجتي لها وش عذرها ؟ و أي عذر بيشفع لها غلطتها حاسه نفسي موب متقبلتها كبدايه و موب عارفه كيف بعيش معها طيب يمكن أبوي منعها إنها تاخذني ايه صح يمكن ,, أنا عارفه أبوي و عارفه شدته ,, بس حتى لو أبوي أخذني منها بالغصب ليه ما حاولت تدورني أو تسأل عني ,, و الله عجيب أمرك يالشامية ......

مر

الوقت

بطيء

تعبت و أنا أنتظر أذان العصر قمت و صليت و كل عضو بجسمي يرجف ,, سجدت و رفعت و سجدت و دعيت بقلب صادق لله " يا ربي عسى أمي تصير مظلومه و عساك تبذر حبها بقلبي "
رفعت من السجود و قريت التشهد و سلمت : السلام عليكم و رحمة الله ,, السلام عليكم و رحمة الله ....
: تقبل الله .
رفعت راسي لهند : منّا و منكم صالح الأعمال ان شاء الله .
سكتنا ما كان فيه حديث ممكن ينقال بذاك الوقت لكن كانت فيه مشاعر خوف من الواقع و هالمشاعر مشتركه بيني أنا و هند ..
تكلمت أكسر حاجز الصمت : وين بنات أسماء .
هند : جاء أبوهن و شالهن لأسماء .
أنا : و أسماء وش أخبارها ؟
تنهدت هند و ردت : الحمد لله تنتظر رحمة ربي ..
و كملت : أشوفك ما لبستي ؟
أنا : بلبس أي جلابيه مالي خلق أتلبس .
هند : بكيفك بس لا تتأخرين تراهم قبل شوي داقين يسألون عن الوصف !!
ارتجفت و أنا أستشعر إن اللحظه الحاسمه جت ....
قمت و لبست جلابيتي و جلست على سريري و قلبي يضرب طبول و أنا أهز رجلي بإرتباك ..
.
.

هند ...
دق جوال عبدالرحمن و كان باين إنه يكلم مره و الأكيد أنه الشامية سكر منها و تكلم بجفاء : قولي لها ان أمها جت .
ما قدرت أتكلم و أرد عليه لأنه اليوم كله ما دار بيننا كلام أو بالأحرى من قبل أمس و أنا وياه كأننا أعداء ,,
قمت من مكاني و رحت لرونق دخلت عليها كانت جالسه على فراشها و باين إن فكرها بعيد ,, قربت لها و وقفت قدامها و تكلمت : رونق ..
رفعت راسه تنتظر أي كلمه منّ و كملت : رونق أأ .... ما قدرت أنطق أمك لأنها أقل من أنه تكون أم لرونق ..
كملت : أأ... تراها جت .
غمضت عيونها و عضت على شفتها للحظات ثم قامت من مكانها و هي تتنهد و تستغفر مشت رايحه للمجلس و أنا وراها كانت تمشي و جسمها يتمايل خايفه لا تنهار بعد هالكبت و الله خايفه ...
.
.

رونق ...
دخلت المجلس و أنا أتبلع ريقي كانت واقفه بعبايتها و متحجبه مجرد حجاب استنكرت قعدتها بدون غطا مع وجود أخوي عبدالرحمن أول ما دخلت وقفت بأول المجلس و رجليني ما عادت تتحرك وقفت أشوف الملاك اللي قدامي كان جمالها غير ما بيّن عليه سنها اللي يشوفه يقول بأول الثلاثين جسمها النحيل و وقفتها الشامخه و ملامحه اللي تفوق الجمال نفسه قطع علي تأملاتي حديثهم المرعب !!!
.
.
هند ...
كنت أشوفها واقفه و كأنها جماد و أنا خايفه عليها هواشهم صحّاني و التفت على عبدالرحمن اللي يصرخ عليها ...
عبدالرحمن بصراخ : بس هذي بنتك ..
فاتن : هه هلاّ افتكرتوا ؟
عبدالرحمن : أنتي اللي تركتيّها .
فاتن : و شو بدي أعمل وئتا أنا كنت لساتني شابّه بأول عمري و مين يلي بدو يتحمل بنتي .
جلس عبدالرحمن و حط راسه بين ايدينه : تقدرين تأخذينها الحين .


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 60 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 🎀🍃


فاتن : لا ما حزرت أنا هلاّ متجوزه و عندي ولاد ما بديّ اياها .
فزيت و قربت لفاتن و صرخت عليها : هذي بنتك يا حـــجـــر !!
فاتن بصراخ : إلتلكون ما بدياها ..
عبدالرحمن : وش نسوي بها ؟
التفتت فاتن لرونق و ردت بصوت قاسي : وينه أبو محمد ؟
قام عبدالرحمن و رد بقهر : أبوي مات الله يرحمه و يغفر لــ....
قاطعته فاتن : إيه الله لا يرحمه و لا...
قطع كلمتها الكف اللي ارتطم بوجهها .....
لفينا كلنا على رونق اللي تكلمت و هي صاكه سنونه : برا انقلعي برااا ..
فاتن : لك ارموها للكلاب ترباية موضي الله لا يوفئها ..
رونق : برآآآآآآآآآآآآآآآآ .
شالت نفسها فاتن و طلعت مع ما تبقى من كرامتها وسط اندهاشنا كلنا من تصرف رونق و صمودها إلى هالحين ..
تحركت رونق و ركضت وراها ..
أنا : رونق وش بك ؟
أنا : رونق لا تكتمين تكلمي رونق تكفين ..
دخلت غرفتها و سكرت الباب وقفلته بدون أي همس أو صوت و كأنها جسم انسحبت منه الروح ....
.
.
عبدالرحمن ,, العصر

مسكت راسي بين ايديني و أنا أسترجع اللي صار أحداث سريعه و موجعه بنفس الوقت أنا أبفهم وشلون فكرت بذا التفكير كيف أدق على أم رونق كيف أترك المره اللي غدرت بأبوي من سنين ترجع و تأخذ شي من حلال أبوي !!

إيه حلال أبوي هذي بنته و من لحمه و دمه و اللي بيلحقها و هي عند أمها بيلحقنا كلنا الناس يبي يقولون بنت عبدالله العادل سوت و غلطت ميب قايلين بنت الشامية يا الله أنا وشلون كنت أفكر و الله لو يدري محمد كان يذبحني و يحق له يذبحني ..

بس لا أنا ما غلطت هي اللي أجبرتني على اللي سويته و كرهتني بدنياي و شككتني بكل شي أجل رونق اللي حافظه كتاب الله بصدرها تسوي كذا ؟ وش خلت للصايعات !

مرات أحس إني غلطت يوم كلمت الشامية و مرات أحس إني ما سويت إلا الصح ما أدري و الله إني ضايع و موب عارف حتى أفكر عقلي ما يدور به إلا الأحداث اللي صارت قدامي أحداث ما تصير حتى بالخيال من يصدق إن هذي أم و الله إنها أقسى من الحجر !!

ما أدري وشلون أبوي صبر عليها سنتين يالله غريب يبه و الله انك غريب ....
و رونق أبدا ما تخيلت أشوفها بهالقوه !!
معقوله ما تأثرت أو يمكن من شدة الألم ما قدرت تعبر عنه ...
زاد الصداع و فتك براسي شددت من قبضتي على راسي و أنا أردد بهمس : يا ربي الطف بنا ياااا رب ...

: عسى ما شر يا بو عبدالعزيز ؟
رفعت راسي للصوت اللي قدامي و ابتسمت ابتسامه باهته تعبر عن الضياع اللي أعيشه و تمتمت : الحمد الله ما بي شي بس الضغط شوي مرتفع .
قرب سلطان و جلس بجنبي و تكلم : قم معي للمستشفى .
سندت ظهري و رديت : لا بالله منب رايح ..
و كملت يوم شفت تقطيبة جبينه : شوي و ينزل عارفه ..
: إلا وشلون أسماء ؟
سلطان : ان شاء الله انها بخير .
رفعت ظهري و تكلمت باهتمام : و الآثار الجانبيه للعلاج ما بدت تظهر ؟

تنهد سلطان و رد : أنت عارف إنه هالأسبوع أول أسبوع يعني ما أمداه بس تدري و الله إني خايف لا تتعب نفسيتها لا طاح شعرها .
ربت على ايده و رديت : أسماء مؤمنه !
سلطان بانفعال : بس مرأة .... و كمل : يهمها مظهرها و تتتأثر نفسيتها و أنت عارف إن المره ضعيفه ..
أنا : يا بن الحلال ان شاء الله إن اللي خلقها قادر على شفاءه ,,
سلطان : و نعم بالله !
أنا : طيب وراك ما تخلينا نوديها لألمانيا تتعالج ..
التفت علي سلطان و تنهد و هو يرد : عيت و الله إني حاولت بها بس هي عيت تتعالج إلا هنا تدري حتى قلت لها خلينا نوديك للرياض و عيت تقول أبي أتعالج هنا عند بنياتي و جماعتي !!
و فتح ايده على نهاية كلامه لبنته رغد اللي جت تركض لحضن أبوه ...
.
.
هند ,, العصر ..

طقيت الباب مره و ثنتين و عشر لين تعبني يديني من الطق و طار عقلي من الخوف كنت مرة أترجاها تفتح و مره أهددها إني أبسوي و أسوي إن ما فتحت صحت و صرخت عليها علّ و عسى تحس شوي و تطلع تطمني عليها لكن ما فــــيــــه أمـــــل !!!
ذكرتها ببنات أسماء و ما رد علي إلا صمته المزعج أكلني قلبي وتوقعت أحسن التوقعات السيئه ناديتها كآخر أمل لي : رونق تراي أبدق على محمد خل يشوف وش سوى عبدالرحمن و يوقفه عند حده ...

انتظرت و انتظرت و لما ما سمعت أي ردة فعل قمت واقفه و سحبت نفسي سحب و اتجهت للتليفون و بديت أضرب الأرقام ..
ما كملت الأرقام لأن يد امتدت و سحبت السماعه مني و سكرته ...
رفعت راسي و انصدمت للملامح الجامده اللي قدامي و تكلمت بسرعه : رونق وش بك خوفتيني عليك ؟


#يتـــــــــــــــــــــــــــبع....


🚫 يسعدنا مشاركة الرواية ولكن لا نبيح ولانحلل حذف توقيع القناة 🚫


🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🌺🍃🌸🍃🌼

بارتات يوم الأثنين ..

3 / 8 / 2020
#الـــــــبـــــارتــــات ....
من 46 وحتى 60

نتمنى لكم قراءة ممتعة ...

🌺🍃🌸🍃🌼

💫🍃💫🍃💫
🍃💫🍃💫
💫🍃💫
🍃💫
💫 61 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 💫🍃


رونق .....

من قفلت الباب و أنا حاسه بثقل الوجع بصدري حاولت أصيح أصرخ لكن لساني ما تحرك حركت ايديني أبكسر أي شي أفرغ به القهر اللي بداخلي لكن حتى ايديني عصتني و كأنها متفقه مع هالدنيا عليّ ..

حاسه بضياع كلهم تركوني أمي موضي و أبوي و أخواني كلهم ما بقى لي غيرها الانسانه اللي المفروض تكون أقرب الناس لي تنكرت لي و تناست وجودي بهالدنيا ,, من يجي مثلها بهالقسا و الكبر ,, أمي الشامية اللي تجاهلت كل كلامهم عنها و حطيت ببالي شي واحد أكيد عبدالله العادل ظالمها مثل ما ظلم أمي موضي من قبلها و ظلمني أنا لكنها خيبت آمالي و طلعت أسوأ من كلامهم حتى !

طحت بثقلي على الأرض و تسندت على الجدار و أنا أسمع توسلات هند ....

غرقت بأفكاري و بين لحظه و الثانية يختلط صوت هند مع صوت صياحها ,,
رجعت لأفكاري مرة ثانية و ما صحاني إلا أحب اسم بهالدنيا " محمد " كانت تهدد إنها تبي تقوله عن سوايا عبدالرحمن بس هو رفض يصدقني بالأول و اتهمني مثلهم بشي ما سويته بحجة إنهم سمعوا شريط تافه و ما يعني شي كيف لو قالت له الحين أخاف يأيد محمد اللي سواه عبدالرحمن و ذيك الساعه بموت من القهر و الله بموت لا لا حرام و الله كافي وجع كافي قهر !


شلت نفسي و طلعت من غرفتي ,, درت نظري أدور هند بالصاله وطاحت عيني عليه رافعه السماعه تناولت السماعه من إيدها أحاول أحافظ على حطام أمل يمكن ينجبر مع الوقت و سكرت الخط وأنا مانيب متحمله أي شي كان أي خدش ممكن يتسبب بوفاتي لأنه هو اللي بيكون القشه التي قصمت ظهر البعير !

: رونق وش بك خوفتيني عليك ؟
رديت و شي كبير بصدري ما أقدر حتى أتنفس منه : لا يدري محمد و أنا بصيــر بخير ..
توجهت لغرفتي وسط دهشة هند ,, دخلت و سكرت الباب بالمفتاح و طفيت النور و أنا حاسه الدنيا سوداء مثل هالظلام بالضبط !
سمعت الآذان و قمت توضيت و صليت و أنا موب قادره أصيح اللي أحسه أكبر من من من و الله ما أدري من إيش بس يمكن أكبر حتى من كرهي لأبوي ..
انسدحت على سجادتي و أنصت لقراءة إمام المسجد القريب للبيت "إنا جعلنا ما على الأرض زينة لها لنبلوهم أيهم أحسن عملا "

نزلت دموعي و أنا أسمع تلاوته العذبه و تمتمت : ياربي يا حبيبي انك تعلم إنه ما يهمني بهالدنيا كله إلا رضاك ,, ياربي أسألك إنك تصلح لي حالي عشان أقدر أعبدك حق عبادتك..
.
.
خالد .. الصبح

قمت من النوم و أنا كسلان تمغطت على سريري شوي ثم قمت للحمام غسلت و فرشيت سنوني و طلعت و لبست ملابسي بسرعه و أنا أناظر ساعتي يا ربي ما أدري وش بي اليوم تأخرت جمعت كتبي و اتجهت للباب ,, سمعت صوت جوالي و كأنه يذكرني إني نسيته رجعت بسرعه و اخذته أبشوف من المتصل لكن الخط انقطع فتحت القفل و لقيت 6 مكالمات لم يرد عليها و كلهن من فيصل
الله يستر وش كل هالمكالمات ترددت الأسئلة بداخلي و أغلبها عن أهلي عسى ما بهم شي و إلا ليش كل هالإتصالات ؟

ما أمداني أفكر بسبب هالإتصالات لأن الإتصال انعاد و رديت بسرعه قبل لا ينقطع بخوف : هلا ابو محمد ..
فيصل : خالد كان ما رديت أحسن بعد !!
أنا : وش أسوي ياخي كنت نايم نسيت الفرق بالتوقيت !
فيصل : أوف و الله راح عن بالي ..
تكلمت بنفاذ صبر : وش اللي صاير ؟
فيصل : متى بترجع ؟
رديت بملل : توي باقي أربع شهور و نختبر ..
فيصل : طيب اسمع لازم ترجع عشان رونق ..
قاطعته و قلبي طاح من الخوف : رونق وش بها ؟
فيصل : تدري أظنك بسالفتها وتدري أكثر إنها حافظة القرآن و ديّنها .
أنا : عارف و بعدين ؟
فيصل بعصبيه : رونق لو قعدت عند عمي عبدالرحمن زيادة يوم خطر عليها تموت .
أنا : فيصل وجع تكلم خبصت قلبي .
فيصل : منب قايل لك السالفه لين تجي بس ترى رونق مضيومه و اللي عرفتوه عنها كذب أصلا هي عمرها ما غلطت هالغلطه .
أنا : فيصلوه و حطبه تكلم رونق وش بها ؟
فيصل : أشياء كثيره اللي صارت لها أخرها عمي عبدالرحمن لقا معها الجوال اللي نكلمها به و الله العالم وش حاله الحين ..
نزلت ايدي بتوتر و رميت الكتب اللي معي ورجعت لغرفتي و انا أتكلم مع فيصل : طيب وراك ما تزورها ؟
فيصل : كنت أزورها بس الحين منعني عمي !
و كمل كلامه : المفروض انك ما سافرت .
قاطعته : اللي صار أكبر من إننا نتحمله يا فيصل و بعدين أنا هجيت و تركت كل شي رفضت أسمع الشريط اللي موّت أبوي و أمي قهر !!
و رفضت حتى أشوف رونق لأني ما أضمن نفسي ساعتها إني أذبحها بيديني ..
تنهدت و كملت : تراي دايم أسأل عنها أمجاد و لا تظن إني مرتاح و أنا هنا .
فيصل : متى بتجي ؟
أنا : هي وشلونها ؟
فيصل : نفسيتها بالحضيض كنت دايم أتطمن عليه بالجوال و أزورها أحاول أغير نفسيتها و أنا أدري إنه تبتسم عشاننا بس و هذا عكس اللي بقلبها لكن الحين ما أقدر و الله أعلم وش حالها ..


💫📚 @storykaligi 💫📚🖋
🍃💫
💫🍃💫
🍃💫🍃💫
💫🍃💫🍃💫

💫🍃💫🍃💫
🍃💫🍃💫
💫🍃💫
🍃💫
💫 62 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 💫🍃


أنا : خلاص بدور لي أقرب حجز و أجي بس أنت حاول تتطمن عليها و طمني تكفى ..
فيصل : ان شاء الله بس بلغني متى بتجي .
رديت : بأقرب وقت بحول الله .
سكرت من فيصل و أخذت بوكي و طلعت أدور أقرب حجز ..
.
.

نهى ,, المغرب

انقبض قلبي و صدى الكلمة يتردد بداخلي " موافقه "
" موافقه "
" موافقه "
احساس بالخوف تربع بصدري بس ما لبث وقت طويل حتى تبدل لإحساس بالسعاده من شفت الفرحه بعيون أمي و أبوي باركوا لي و دعوا لي بالتوفيق شفت دموع أمي غسلت وجهها و حسيت بقبلات أبوي لإيديني عند هاللحظه بس تأكدت إني ما سويت إلا الصحيح و تندمت على تأخير إدخال هالفرحه على أغلى قلبين بالدنيا ..
.
.
تركي ,, العشاء

مددت إيديني أتمغط بعد ما نزلت من السيارة تعب الطريق و مي الله يهديها أصرت نرجع اليوم و اتجهت لباب البيت و فتحته رجعت لشنطة السيارة و نزلت شناطنا و هي وراي شايله معي بعض الأغراض ,, دخلنا للحوش و ما كان بيننا أي كلام أنا تعبان من الطريق و هي همها بإختها أسماء مكفيها .
رقينا الدرج بما إن بيتنا دور فوقي ,, وصلت الأغراض للغرفه و انسدحت أريح شوي غمضت عيوني شكلي غفيت و ما انتبهت إلا على صوتها : تركي تبي تتحمم أجهز لك ملابس ؟
فتحت عيوني و أنا أشوفها قدامي بروبها و شعرها لافته بمنشفه ..
و رديت : لا بعد العشاء .
قمت واقف و تكلمت : وش تبين عشاء ؟!
مي : ما أشتهي شي حاسه نفسي تعبانه و أبنام .
رديت : اصبري لا تنامـ.....
و قطعني صوت رنة جوالي انحنيت و أخذته من السرير و أنا أشوف الرقم مستغرب من اتصاله هالوقت و رديت : هلا و الله .
: تركي أنت ببريده ؟
رديت و أنا أسمع صوت سلمان ولد عمي : ايه عسى ما شر .
رد و هو يلهث : تعـ...ـال للمستشفى .
تركي : سلمان تكلم وش صاير ؟
رد سلمان بكلمات متقاطعه : حادث هم صدموا عمود الكهرب ,, العيال صدموا الحق عزام و ولد محمد ......
.
.

الجمعة ,, تركي ...

وقفت سيارتي بالمواقف و نزلت بسرعه و اتجهت للطوارئ تلثمت بشماغي يوم قربت للباب أدري كل شوي واحد بيوقفني و يبارك لي وأنا مالي خلق أحد و قلبي ياكلني على أخي يا الله كيف أبسألهم عنه و أنا متلثم و لو فكيت لثمتي بيعرفوني و ساعتها من يفكني منهم ...
شفت قدامي خويي عبدالمنعم يمشي و مشغول بجواله قربت له و فكيت لثمتي ......
أنا : السلام عليكم ..
ابتسم عبدالمنعم : و عليكم السلام حيا الله المعرس !
قربت له و همست : أقصر صوتك لا يسمعك أحد ...
عبدالمنعم : وراك ؟
رديت بعجله : أخوي عزام و فيصل المحمد ولد عمي صاير لهم حادث اسأل عنهم الله يوفقك .....
انعقدت حواجب عبدالمنعم و رد : أبشر بعزك !
اتجه بسرعه للرسبشن يسألهم عنه و ضميت ايديني لصدري و أنا أدور بمكاني كنت أراقبه من بعيد و فهد موظف الرسبشن يوصف له ماكانت الثواني اللي استغرقها بالسؤال الا كأنها ساعات عندي ...
تقدم لي و وجهه ما عرفت أفسره إذا خير أو شر و بادرته بالسؤال : بشر !
تكلم و هو يمشي مستعجل : تعال و أقولك بالطريق ...
تقدمت و مشيت معه و تكلم هو : يقول إنه وصلهم الحادث قبل ساعه و نص فيه واحد شكل اللي فيه كسور لأننا سمعنا صوته أما الثاني ما أدري عنه !
شددت من قبضتي على ايدي و لهجت بالدعاء : يا ربي هو أخي و وحيدي لا تفجعني به يارب .
حسيت بإيده تضغط على ايدي و همس : اذكر الله يا تركي ان شاء الله إنه مابه الا العافيه ..
التفت عليه و بادرته بالسؤال : احلف انه ما قالك وش بهم ؟
تكلم عبدالمنعم وهو موجه نظراته للأمام : دكتور مصطفى أنت اللي ماسك حالة الشباب اللي صار عليهم حادث ؟
رفع نظارته الدكتور مصطفى و رد : أيوه أنا المسؤول عن حالتهم أهلا دوكتر تركي إزيك ؟
رديت بسرعه و أنا أصافحه : الحمد لله .
و تكلمت بسرعه قبل لا يسأل مره ثانية : وش صار على عزام يا دكتور ؟
استدرك عبدالمنعم الخطأ : قصده اللي صار لهم حادث ؟
دكتور مصطفى : واحد منهم اللي اسمه فيصل عنده كسر برجله و شوية كدمات أما التاني عزام دخلناه غرفة العمليات تطمن يا تركي الحاله مش خطيره بس فيه شوية زجاج بكتفه يعني باختصار عملية تجميليه لا أكثر !
تنهدت براحه و أنا أسمع كلامه و كأنه شي كبير و انزاح عن صدري ..
أنا : الحمد لله و الشكر الحمد لله الله يجزاك خير يا دكتور ..
دكتور مصطفى : أنا ما عملتش حاقه ..
و كمل : دكتور عبدالمنعم فيه عمليه دلوأتي ...
عبدالمنعم : ان شاء الله الحين أجي ..
التفت لي عبدالمنعم بعد ما راح الدكتور مصطفى و قالي و هو يضغط على ايديني : الحمد لله تستاهل سلامته يا خوي ...
ابتسمت و أنا أرد عليه : الله يسلمك ..
راح عبدالمنعم صديق عمري لشغله و تسندت على الجدار ما كانت إلا لحظات و شفت محمد ولد عمي ..


💫📚 @storykaligi 💫📚🖋
🍃💫
💫🍃💫
🍃💫🍃💫
💫🍃💫🍃💫

💫🍃💫🍃💫
🍃💫🍃💫
💫🍃💫
🍃💫
💫 63 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 💫🍃


محمد : وش صار يا تركي ؟
تركي : ما بهم إلا العافيه يا بو فيصل فيصل رجله انكسرت و عزام دخلوه للعمليات .
تجهم وجه محمد : عسى ماشر وش به ؟
أنا : شوية قزاز بكتفه ميب صعبه ان شاء الله الحمد لله على سلامتهم ..
تنهد عبدالرحمن و رد : الله يسلمك ...
.
.

الجمعة ,, هند ,,
العشاء ,, عشر و نصف .
من يوم قال لي عبدالرحمن عن عزام أخوي نسيت الدنيا كلها أحس إنه به شي جاحدينه عني قالوا لي إنه توه مسوي العمليه لكن عجزت أرتاح أبي أشوفه و أهجّد قلبي شوي ..
وقفت و دموعي على خدي : قلت لك أبروح يعني ابروح ..
عبدالرحمن : هند و الله إنه طيب و بعدين الساعه عشر و نص و البزران وين نحطهم ؟
أنا : البزران عند رونق ..
عبدالرحمن : يا بنت الحلال اهدي شوي ..
جلست و حطيت راسي بين ايديني و أجهشت بالبكاء : من كثر هالأخوان عليّ كلهم اثنين . حرام عليك ودي أشوفه وأرتاح .
وقف عبدالرحمن و الضيق باين بعيونه : طيب يله امشي ..
ما صدقت قمت بسرعه و توجهت لغرفة رونق مع العلم إني ما قلت لها عن فيصل يعني تحسب اللي بالحادث عزام بس يا عمري هي موب ناقصه و ما ودي أزيدها على همها هم ..
فتحت الباب بسرعه و أخذت عباتي و لفيت نظري أدورها لقيتها على سريرها قربت لها و بديت أكلمها : رونق انتبهي للبزران أبطلع ...
كانت منسدحه على فراشها و موجهه نظرها للسقف أقرب وصف يناسبها بذيك الحاله إنها كانت جامدة أو شبه ميته ..
جلست بجنبها على سريرها و ناديتها : رونق ..
لكن ما جاوبني إلا الصمت مرت لحظات و أنا ألاحظها وموب عارفه وش أسوي بها هزيتها و طاحت دمعتها لكنها ما زالت كأنه جثه ..
يا الله يا رونق قسم إنها حالته تكسر الصخر بس وش بيدي محمد و حلفت علي إني ما أكلمه بس حالتها كل مالها تسوء و هي ما تعرف مصلحة نفسه إيه ما تعرف مصلحة نفسه و أنا لازم أتصرف نزلت دمعتي و أنا أسمع صوت عبدالرحمن يناديني ..
انسحبت من الغرفه و أنا أهمس بداخلي : و الله ما تذوق عيني النوم لما أدق على محمد !
انسحبت بهدوء عكس الضجه اللي دخلت بها و لبست عباية رونق وناديت نور : نور ..
ثواني و كانت قدامي أمرتها تلبس البزران جزمهم ..
طلعت و البزران معي ببجايمهم لعبدالرحمن اللي بالسيارة ..
عبد الرحمن : خير وشو له جايبتهم ؟
رديت بعد ما استقريت بمكاني : خل نوديهم لهدى رونق تعبانه !!
.
ـ
الجمعة ,, ندى الساعه 11..

بعد ما سمعت صوت البزران نزلت و عرفت من أمي بسالفة الحادث بيني و بينكم فرحت باللي صار لعزام موب شر بي بس أكرهه و أكره اللي سواه و اللي قهرني أكثر إن نهى وافقت عليه ..
لكني ضاق صدري على فيصل وش يبي بعزام يركب معه بس الحمد لله إنه بس فيه كسر برجله يعني ما فيه شي خطير ...

: هيييييييييه !!
انتبهت على صوت أمي و رفعت راسي : سمي ..
هدى ( أمي ) : وين وصلتي ؟
تنهدت و رديت : أفكر بالحادث ..
سحبت أمي كرسي و جلست و تكلمت : ما ودك تروحين عند رونق ..
أنا : هالوقت !!
أمي : أخاف درت بفيصل و هي حالتها هالأيام تكسر القلب .
أنا : بس أبوي !!
قامت أمي : ما عليك من أبوك أنا أقوله بس أنتي بسرعه جيبي عباتك .
قمت بسرعه و جبت عباتي و نزلت و أنا أشوف أبوي يلبس شماغه و عرفت إن أمي قالت له ..
أبوي : يله يا ميمتي ترا ما حنا بمبطين ..
رديت و أنا ألبس عبايتي : إن شاء الله ..
.
.

رونق ,,
من صلاة العشاء و أنا بنفس مكاني غرقت بأفكاري الكئيبه تمنيت لو أموت بمكاني و أرتاح من هالدنيا و من هالهموم تخيلت موتتي و تخيلت الصلاة علي و مراسم دفني عشت مع خيالي كنت أسمع أصوات البزران و صوت عبدالرحمن و هند بس تخيلت إن هالأصوات ناتجه من حزنهم علي بعد ما عرفوا بموتي باختصار عشت الموته بعقلي و قلبي و كل جوارحي ,, مر الوقت لحد ما حسيت بإيد هند تهزني ساعتها بس تأكدت إنه كله خيال و حلم تمنيته و عشته و أنا صاحيه طاحت دمعتي لما تأكدت إني للحين عايشه تدرون ليه ؟ لأني عرفت إنه ما فيه مهرب من هالهموم
حسيت بهند تطلع و كملت سيمفونية الصياح اللي بديتها خل أرتاح شوي ,, خل يطلع اللي بقلبي شوي خل النار اللي بصدري تنطفي لكن لا بالعكس بدل النار اللي بقلبي شبت نار بوجهي اللي احتقن من الصياح قمت قاعده و درت نظري على الغرفه طاحت عيني على سجادتي بأحد زوايا الغرفه كانت مبعثره على الأرض و كأنها تنتظر أحد يملاها لازم أطلب ربي و هو اللي موب مخيبني ,,
وقفت و أنا متجهه للحمام بس قبل مريت الباب عشان أقفله ما أبي أحد يزعجني و أنا أصلي أبي أطلب ربي و أشكي له همي و ما بي أحد يعرف وش كثر هالقلب دامي غيره ,, لأنه هو اللي يعرف وش بي و وش علاجي !


💫📚 @storykaligi 💫📚🖋
🍃💫
💫🍃💫
🍃💫🍃💫
💫🍃💫🍃💫

💫🍃💫🍃💫
🍃💫🍃💫
💫🍃💫
🍃💫
💫 64 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 💫🍃


قفلت الباب القفله الأولى والقفله الثانية لكن هالقفله ما اكتملت لأن المفتاح صار بين ايديني قربت القطعه من عيوني و أنا عاقده حواجبي باستياء : يوه انكسر المفتاح ..
رميته على الأرض بإهمال و أنا مخططه إذا خلصت مصليه بدق على هند تفتح لي ....
.
.

هند
دخلت المستشفى و أنا أمشي بخطوات متقاربه و سريعه حتى إني أحيانا أسبق عبدالرحمن واجهنا أخوي تركي و سلمنا عليه من شفته انفجرت أصيح مره ثانية ,,
تركي : و الله إنه طيب اذكري الله يا هند ..
عبدالرحمن : من أول و أنا قايلن لها لا تخافين هذا عزام أبو سبعة أرواح ..
ضحكوا على تعليق عبدالرحمن و ابتسمت أنا و تكلمت : قل ما شاء الله لا تطيح أخوي ..
عبدالرحمن : عيني بارده ..
تركي : الحين تعالوا وشو له جايين و وقت الزيارة انتهى !!
رفع عبدالرحمن ايدينه و تكلم : أنا مالي دخل شف أختك !!
تكلمت بإصرار : و الله ما أروح لين أشوفه !!
تركي : اقصري صوتك فضحتينا و تعالي معي أدخلك و أنت اقعد هنا ..
عبدالرحمن : يس بابا ..
.
توجهنا أنا و تركي للأصنصير و رقينا للدور الثاني ...
انتبهت لتركي و تكلمت : تركي صح أنت ما جيت إلا اليوم !
تركي : ايه وصلت العشاء .
شهقت و ضربت صدري : أجل وراك لابس البالطوا لا تصير باشرت شغلك ؟
ابتسم تركي و رد : و الله إني ما نويت بس يوم دريت بعزام و فيصل و جيت للمستشفى لقيت حادث و لبست البالطوه و ساعدتهم عاد يوم اني اشتغلت وقعت مباشره ..
نزلت من الأصنصير و رديت : أشك !!
تركي : ترى أبهون و لا أوديك لعزام .
رديت بخوف : لا تكفى !!

دخلنا على غرفة رقم 213

كان فيه عدة أسرّه و كل سرير عليه ستاره فتح تركي أحد الستاير و دخل دخلت وراه و شفت عزام يا بعد عمري ..
توجهت للسرير و مسكت ايدينه كنت أسأله أسئله متتابعه عن حالته لكني ما كملت لأن العبره اللي بحلقي طلعت حبيت ايدينه و جبهته و خده و خشمه درت نظري عليه و كأني أم تتفقد مولودها و هذا دوري من وفاة أمي و أبوي و أنا أمه اللي تراعيه و تخاف عليه من أدنى أذى !!
ابتسم عزام بتعب : بس يا هند ترا أبصيح معك ..
ضربته من بطنه و رديت : كل تبن بس !
تركي : ههههه هذا و أنتي خايفة عليه ..
قاطعت تركي : ما تقولي الحين وش عندك مسرع تبي تموتن و أنا حيه .
عزام حط ايده على ايدي و بدأ يمسح عليه : بسم الله عليك يا أم عبدالعزيز لا تقولين هالحكي ..
تركي : يقول فيصل إن السبب سرعه !!
عظ عزام على شفته و رد : استر علينا يا أخي ..
أنا : ايه الدعوه بها سرعه !!
عزام : قسم لو تدرين وراه كان عذرتيني ..
أنا : السرعه ماله عذر .
تركي : تكلم ليش مسرع ؟
عزام : و أنا طالع من المسجد لقيت فيصل عاد أماي مبطي عنه سلمت عليه و لزمت عليه يركب معي ..
تأفف تركي : اختصر !
عزام : المهم إنه دق علي رجل عمتي منيره و قال لي أنهم وافقوا و يوم دريت ما قدرت أمسك نفسي من الفرحه بديت أسرع من غير شعور أمر نصدم و بس ..
رفعت حواجبي و رديت : شكلنا نبي نهون عن العرس هذي بدايته !!
تركي : ايه و الله إنك صادقه أجل مرة تخليك تصدم .
ابتسم عزام و رد : فديت الحريم اللي نهى منهن .
مديت ايدي و قبصته من ايده : وجع يا قليل الأدب لو حنا نعرفه من زمان كان أشك إنك شايفها .
تركي : هند يله خلينا نروح تأخرنا على عبدالرحمن .
قمت من مكاني و رديت : أجل نمر فيصل .
تركي : فيصل طلع لبيتهم .
أنا : الحمد لله و الشكر لك يارب .
عزام : أشك انك فرحتي اني طيب كثر فرحتك بفيصل .
ابتسمت و رديت : موب عشاني و الله أخاف هالمسكينه رونق تموت لا درت إنه صاير له شــ.....
و انقطعت حروفي و أنا أشوف عيون تركي الشارده و الموجهه لي تركي ما نساها و الله ما نساها و حروفي حركت ذكرى لها بقلبه يا ربي ليه يتزوج أختها دام قلبه متعلق بها ليه ....
يا حياتي يا أخي الله يعينك و ينسيك حبها يا حي يا قيوم ....
.
.

ندى ,, 11 و ربع
من ركبنا السياره و فكري شارد وشلون هند تترك رونق بالبيت لحالها و هي منغثه على فيصل وهـ بس يا قلبي عليها ..

: كأنها جازت لك القعده بالسياره ..
انتبهت لأبوي اللي يتكلم و فتحت باب السياره و نزلت رنيت الجرس و أبوي ينتظرني مرت لحظات طويله و حنا ننتظر غريبه رونق وينها ..
ناداني أبوي و جيت لمه و سألني : وراهم ما يفتحون .
أنا : ما أدري .
أبوي : يمكن رونق نايمه .
رديت بكذب حتى ما يفكر ابوي اننا نرجع : لا مبكرين أصلا ما تنام هي هالوقت ..
نزل أبوي و بدأ يطق الباب و مع طق الباب بدأ قلبي يضرب وين رونق لو مثل ما قال أبوي نايمه طيب وين نور وراهم ما يفتحون أو يردون على الأقل انقبض قلبي و أنا أشوف أبوي يتراجع على ورى لين وصل نصف الشارع و رفع راسه يناظر البيت يبي يشوف اذا الأنوار مفتوحه أو لا


💫📚 @storykaligi 💫📚🖋
🍃💫
💫🍃💫
🍃💫🍃💫
💫🍃💫🍃💫

💫🍃💫🍃💫
🍃💫🍃💫
💫🍃💫
🍃💫
💫 65 ...

📚 😍 📃
📖 روايـــــــــــــة ✍🏼
{ بنت الشامية }

📖🖌 @storykaligi 💫🍃


لكنه عقد حواجبه و بدأ يحوقل : لا حول و لا قوة إلا بالله لا حول و لا قــ.....
قاطعته و أنا متوجهه له : يبه وش بك ؟
سحبني أبوي من ايدي و مسكني من كتوفي و فتح باب السياره و ركبني كانت ايديني ترتجف و أنا أتخيل الصدمه رونق وش بها وأبوي وراه تجهم وجهه ...
أقل من الثانية و استقر أبوي بجنبي ...
سـألته بخوف كبير : يبه وش بهم ؟
أبوي : اصبري شوي ..
فتح أبوي جواله و دق الأرقام بسرعه و هو يتمتم بأدعية ثواني و وصله الصوت و سمعته يتكلم : هلا أخوي ,, ايه فيه حريق بحي الـ...... تعرف شارع الـ......... مع تقاطع شارع الـ......... ادخل يمين ثم تلقى فله دبلوكس على ايدك اليسار بسرعه يا أخوي تكفى طلبتك لا تبطون ..
.
.
رونق ...

كنت ساجده و خاشعه إلى أبعد الحدود لدرجة إني ما حسيت بالوقت اللي مر لحد ما حسيت بشي ضاغط على صدري رفعت من السجود و شفت الدخان اللي مالي الغرفة حاولت أقرأ التشهد لكن من الخوف ما قدرت قطعت صلاتي و قمت بسرعه للباب حاولت افتحه و ما قدرت تذكرت إن المفتاح منكسر طقيت الباب بكل قوتي و أنا أصرخ : هند ,, هننننند ... عبدالرحمن ,, فطووم ردي يا ماما فطوم كح كح ,, نوور نووووور افتحي لي كح كح كح
بهاللحظه خلاص ما قدرت طحت على الأرض و أنا منكتمه و الله موب قادره أصلب طولي أحس إني مخنوقه ,,
مرت لحظات و أنا أنتحب لحد ما حسيت إن الدخان وصل لمستواي ,, قمت واقفه أدور حل و لما حسيت ان الدخان وصل لحلقي جلست بسرعه و بديت أزحف متجهه للحمام دخلت و سكرت الباب و جلست على أرضية الحمام لكن ما مرت لحظات إلا الحمام امتلى دخان وقفت و رقيت على البانيو و طلعت وجهي من الشباك و تشبثت بالحديد الحامي كنت أسمع صوت عمي عثمان رجل أختي هدى ( عثمان ولد عم رونق لكنه من باب الاحترام تسميه عمي ) ناديته لكن صوتي راح من الصراخ كنت كل شوي أحس إني أنكتم زياده و أحس ان صوت عمي عثمان يبعد شددت من قبضتي على الحديد و ضغطت وجهي على الحديد عشان أخذ أكبر قدر من الأكسجين مر الوقت و حسيت بجسمي بدأ يرتخي أكثر و أكثر ....
.
ـ
محمد ,, الساعه 11:35
كنت راكب معه بالاسعاف و قلبي يتقطع عليها هذي بنتي اللي ما جبتها هذي رونق حياتي و عمري وروحي ..
وصلت و هم يركبونها بسيارة الاسعاف و عييت على عبدالرحمن يركب معها ركبت أنا و يا ليتني ما ركبت كانت حالتها تقهر القلب جامده و كأنها جثه و وجهه أسود من الدخان طول الطريق و دمعتي ما جفت أخاف يصير له شي كنت بس أدعي على عبدالرحمن أكيد قافل عليها و الا ليه ما طلعت على الأقل للحوش أوريه الكلب و الله ما تطب بيته عقب اليوم ...
وصلنا للمستشفى و نزلناها بسرعه كانت عيوني مركزه عليها لدرجة إني ما كنت أشوف طريقي كثر ما أشوف عيونها المغمضه همست بداخلي : يا رب انك تخلي لي بنيتي و تشفيها يارب !!!
دخلوها للغرفه و منعوني أدخل معها لكن ما قدروا يمنعون قلبي انه يدخل معها !!
.
.

تركي ..

أنتم تعرفون إني وقعت مباشره اليوم لأنه كان عندنا حادث و بعد ما خلصنا من الحادث شفت عبدالمنعم مشغول باله و لما سألته قالي إن بنته تعبانه عاد أنا كسر خاطري و قلت له إني بقعد مكانه بالأول عارض لكن يوم اصريت عليه وافق و هو يتشكر ..
و من يوم طلعوا هند و عبدالرحمن رحت للطوارئ و قعدت أباشر الحالات حاله سيئه و حاله أحسن الواحد يحمد ربه على الصحه و العافيه و هو يشوفهم !!
دخلت علي أحد الحالات كانت طفله بعمر العشر سنين أقل وصف أقدر أوصفه بها إنها جثه ما بها أي ملامح للحياة .. كشفت على نبضات القلب و لقيتها ضعيفه استدعيت الاستشاري و أنا أترحم عليها و أدعي لأمها و ابوها بالصبر و الثبات ما مرت الا ثواني و اكتظت الغرفه بالأطباء و الممرضات ..
تحركت وحده من الممرضات و بللت مناديل و مسحت بهن وجه الطفله أقل من لحظه و تبينت ملامحها المورمه و وجهها اللي مليان أثار زرقاء من له قلب يسوي بالطفله كذا ..
تأملتها و أنا عاجز عن الحركه ,, سمعت الدكتور ينادين : تركي إنت وائف ليه ؟ عاوز البنت تموت بين ايدينا !!
رجعت عيوني على الطفله اللي قدامي و تأملت ملامحها المحرمه علي حاليا و أنا موب عارف هو أنا أتخيل و إلا صدق هذي طـفـلـتــي !!!
.
.

محمد ..

مر وقت طويل و أنا أنتظر كان الوقت صعب علي مره لحد ما سمعت صراخ داخل الغرفه ما كان صراخ بمعنى الكلمه لكن كان هواش رجال مرت ثواني و طلع الدكتور و هو يهاوش ,, ركزت نظري عليه و تأكدت إنه تركي توجهت له أدور عنده أي أمل عن شفاء بنيتي لكنه مر بسرعه متجاهلني و توجه لعبدالرحمن و مسكه من ثوبه و بدأ يهزه و هو يصرخ : ليش ضاربها يا كلب ...
تجمعنا و فكيناه عن عبدالرحمن و مسكته و أنا أحاول أفهم منه : تركي لا تفضحنا و اهدأ ..


💫📚 @storykaligi 💫📚🖋
🍃💫
💫🍃💫
🍃💫🍃💫
💫🍃💫🍃💫