قصة جديدة: #نار_الغيرة

قراءة ممتعة 🫶🏼

الجزء الأول :
هي بالمشفى والدكاترة كلهن عم يركضوا مشان يلحقوها ورفقاتها واقفين برا وركبهن ماعم تحملهن من الرعبة وهو وأبوها عم يعيطوا على الدكاترة ومعصبين كتير وهو عم يحكي معهن مشان الله أنقذوها مابدي أخسرها مشان الله خدو روحي وعمري وعطوها ياهن المهم تكون بخير يارب لا تعاقبني فيها يارب بوعدك إنو صلح كلشي وهون بتصل باقي العيلة وهنن عم يبكوا ويسألوا وينها بنتنا وينها مشان الله حدى يطمنا وهون كانت الصاعقة فجأة بيسمعوا كيف جهاز نبضات القلب عم يأعلن إنو وقف قلبها وهو بيصرخ بصوت عالي غسسسسق
حين إلتقيتكِ عاد قلبي نابضاً
وجرى هواكِ بداخلي مجرى دمي
وشعرت حضنكِ دافئاً ورأيتني
رغم الحياء أذوب فيه وأرتمي
قولي أيا شغفاً لأي قبيلةٍ
ولأي عصرٍ أو لجنسٍ تنتمي
ولمن تعود أصول عينيكِ التي
أضحت قناديل الضياء بعالمي
شغفي...غسق
قصتنا اليوم بتحكي عن أحداث واقعية ومن ضمنها إضافات من عندي وتغير بسيط بالأحداث.
بتحكي عن غيرة الأخوات من بعض فيها عبر كتير مشان نتعلم منها كيف نحب بعض ونضحي لأجل سعادة بعضنا وبالنهاية كيف رب العالمين ماعندو إلا الخير والباطل مابيدوم...
هلأ رح نتعرف مع بعض على شخصيات القصة.
رولا هي الأم متل كل أم بتحب ولادها وبتخاف عليهن بس عندها البنت الكبيرة هي المميزة عن إخواتها البنات.
قصي هو الأب كتير شخص حنون وعالم بالدين وبحب ولادو حب فوق الوصف والناس كلها بتحبو لأن قلبو للخير وبساعد الناس كلها.
هلأ الإخوات.
هبة هي الأخت الكبيرة تفكيرها كتير صعب وبدها تعيش حياتها الخاصة فيها ومابتعمل إلا يلي براسها وبتعرف إنو إمها دايما بصفها عندها غيرة وأنانية كبيرة.
آية هي البنت التانية بتحب تكون مع يلي مصلحتها عندو وبتكيد من تحت لتحت عندها غرور كتير بحالها.
غسق هي بطلة قصتنا آخر بنت ومدللة أبوها وشربانة طباع أبوها شرب وهاد حكي كل يلي بيعرفوا العيلة بالإضافة لشخصيتها القوية ولسانها السليط ما بتسكت عن حق وعصبية.
عبد الرحمن الأخ الأصغر والوحيد مدلل العيلة كلها وكتير بيعتمد على أهلو بحب حالو وعندو غرور.
وشق هو بطل قصتنا شخص عايش حياتو بكيفو وكتير متحرر ماعندو ضوابط بحياة السهر والليل بس هو نخوجي وبيعرف كيف يكون سند ليلي بيحتاجو ومستعد يضحي بحياتو مشان يساعد المظلوم وهو مدرب رياضة ورقص غربي.
ميشو ومراد أخوات و أصدقاء وشق وهنن الأصدقاء الحقيقين ميشو فيكن تقولوا شب بس بجسم بنت قد حالها وماحدى بيطلعلو معها بس وقت الحاجة بتصير أنثى بكل ما للكلمة من معنى.مراد الشب الأزعر المشكلجي يلي بيضل فايت طالع عالسجن.
خلدون الشب الجنتل المحترم ما إلو بالمشاكل وقت بتصير معو مشكلة رفقاتوا يلي بيفزعولو وهو بيت سر الشلة كلها.
إياد وفجر وأحمد هنن من شباب الشلة والجو أصدقاء وشق بس مو متل ميشو ومراد وخلدون.
أما آلاء فهي البنت الكيوت المميزة بكل شلة مدللة كتير بسبب بنية جسمها الضعيفة.
غسق: يلا بابا مشان الله هلأ بنتأخر
رولا: لك الله يكبرك بس طول عالفاضي وعقلك تقولوا عمرها 6 سنين الله يعيني عليكي كل هالمناحة مشان شقفة لعبة
غسق: رجاءً لا تقولوا عنها شقفة
قصي: رولا تركي البنت بحالها أنا بحب برائتها صح عمرها 16 سنة بس بتوزع براءة على الدنيا كلها يلا بابا حبيبتي صرت جاهز
هبة: إي أنتوا بس دللوا هالمايعة
عبد الرحمن: أنا بدي روح معكن
غسق لأختها: نانانانانانانانا وصارت تمد لسانها يلا عبودتي إمشي
غسق بنت كتير حلوة طويلة وجسمها حلو بشرتها بيضا كتير وشعرها خرنوبي فاتح وطويل كتير عيونها عسليات كبار ووساع ورموشها طوال وقالبين لفوق أخدة من أمها شكل عيونها وطولها ومن أبوها البياض والشخصية يلي بيشوفها مابصدق إنو عمرها 16 سنة بس بتلبس دايما عباية وحجاب خجولة كتير بالشارع ومع الغريب ومؤدبة.....إنتوا تخيلوا الصورة
طلعت هي وأبوها وأخوها والدنيا مو وسعانتها من الفرحة إنو آخيراً وصلت اللعبة يلي موصية عليها.
وصلوا عالمحل وغسق كانت عم تركض وتضحك والناس عم يتطلعوا بجمال هالبنت وأبوها من وراها عم يقرأ عليها ويحصنها.
غسق: عمو أبو فؤاد طمني وصلت اللعبة
أبو فؤاد: هههههههه لك طولي بالك يا بنتي الله يحميكي يارب
قصي: شايف يا أبو فؤاد من ال6 الصبح فايقة ومتحمسة
عبد الرحمن: إي أختي فضحتينا بقا شبكي
غسق: عبودة سكوت......يلا عمو أبو فؤاد عطيني ياها
أخدت غسق اللعبة وركضت عالسيارة تفتحها
عبد الرحمن: بابا أنا كمان بدي لعبة
قصي: روح بابا نقي يلي بدك ياه
غسق: يلا بابا تعالوا شو صار معكن
أبو فؤاد: طولي بالك لك بنتي آمنتي على لعبتك وركضتي ههههههههه
خلصوا وراحوا أخدوا غدا ورجعوا عالبيت كانت غسق مو وسعانتها الدنيا بلعبتها بس هي مابتعرف إنو في عيون عم تحترق حرق من الغيرة وعم يضمرولها الآذى......

أكلوا وضبوا كلشي وكل مين راح على روتينو.... غسق وآية وعبد راحوا توضوا وأخدوا المصحف وفاتوا لعند أبوهن لأن صار وقت درس التفسير تبعهن أما رولا فتسطحت وهبة دخلت على غرفتها عم تسمع أغاني بالخفية وتحكي مع شخص؟؟؟
يا ترى مين هاد الشخص يلي رح يدمر سعادة هالعيلة وشو يلي بدو يصير!!!
أما عند وشق فكان سهران مع رفقاتوا وعم يحكوا ويدردشوا سوا فجأة بيجي صاحب المحل وبيحرج وشق ورفقاتوا مشان يعملوا عرض بريك دانس عالستيج أول شي بيرفضوا بس بعدين وقت يشوفوا البنات صاروا يشجعوهن بيطلعوا وبيعملوا عرض وبينزلوا بيلفت إنتباه وشق إنو رفيقو أحمد متوتر كتير وعم يشرد بس هون البنات بيكونوا محاوطين وشق من كل جنب وهو ماعم يعطي أهمية لحدى لأن بيكون مالل من كلشي بس عم يقطع وقت.....وشق شب أسمر طولو منيح جسمو رياضي بيطير العقل وعيونو عسليات كبار مكحلين شعرو دايماً بيحلقو عالصفر ودقنو محددة بتجنن يعني بيشل شلل عمرو 25 سنة
بعد البنات من طريقو ورجع عالطاولة لعند الشلة.
ميشو: إي شو هاد يا وشق العرض بيجنن البنات رح ينفلجوا
وشق: البركة بأخوكي هههههههه
مراد: وكل الله إنت الإستاذ تبعنا ماحدى بيطلعلو معك حبيب
آلاء: شبك ماعم تعطي وش للصبايا
وشق: مابعرف مليت من الروتين
إياد: أي لكن ياعمي أنت متعود مافي بنت بتقلك لأ
فجر: أي الله
وشق: الله يسترنا خلص حكوا الشباب
ميشو: بس أنا حاسة إنك رح توقع طب على وجهك والله
وشق: هههههههه أنا لأ عم تحلمي مو أنا يلي بوقع أنا من بعد ريم ماعاد في شي بيهمني
هامش.....
ريم كانت خطيبة وشق وكانوا بحبوا بعض حب فوق الوصف وكانت ريم بعيدة كل البعد عن الجو يلي وشق عايش فيه وكتير حلوة وملفتة للنظر بس توفت بحادث سير ووشق تدمر من بعدها وصار كلشي عندو عادي جداً.
وشق: أي أحمد شو قصتك مو على بعضك
أحمد بتلبك: آه أنا لأ مافيني شي بس شردت بهالدنيا
وشق: أي والله دنيا بتقرف.... يلا نمشي شباب
الشلة: يلا
أحمد: معلش إنتوا روحوا أنا بدي كمل السهرة مع فجر وإياد
إستغربوا الشباب بس سايروا أحمد
فجر إي خلص روحوا أنتوا
وشق : متل مابدكن
بس وشق حاسس إنو في شي وميشو ماعجبها الوضع
أحمد: كابتن وشق جايبلك شغلة بهالكم يوم
وشق: خير شو المصيبة الجديدة
أحمد: له الله يسامحك ياشريك متل العادة يمكن عنا بنت جديدة هلأ عم راقب الوضع لسا
وشق: خير كأنوا كترانين هالبنات الله يجيرنا
راحوا الشباب وضلت باقي الشلة بالمحل
فجر: خير أحمد شبك
إياد: والله شغلت بالنا يا زلمة
أحمد: ليكوا قاصدكن بخدمة إلكن ولا للديب
فجر وإياد: خسا الديب شوفي
أحمد: أنا لومابعرفكن قدها مابحكي معكن بس مابدي مخلوق يعرف ها
فجر: لك إحكي يازلمة نشفت دمنا
أحمد: تتذكروا البنت يلي خبرتكن إنو شفتها بالمطعم وعجبتني
الشباب: أي وحدة لأن إنت ماشاء الله ذمتك واسعة
أحمد: لك هي بنت الشيخ
فجر: إي إي عرفتها تضرب على هيك مسواق ما بتنحب
أحمد: هلأ بذمتك يارجل بلا غلاظة أنا عنجد حبيتها
إياد: متل كل مرة فترة وبتمل تعودنا عليك
أحمد: لأ هالمرة غير
فجر: هلأ خلصنا فهمنا السيرة
أحمد: هاد ياسيدي القصة.............
يتبع............

نار الغيرة

الجزء الثاني :

عند وشق...
وشق: والله يامراد ماعجبني وضع أحمد والشباب الله يسترنا
مراد: بيكون متل العادة أحمد متقاتل مع أبوه ومتقلع من البيت
ميشو: وانا هيك بقول
آلاء: ياترى شو قصة البنت يلي حكالك عنها كابتن
وشق: والله مابعرف يا لولو الله يستر
عند عيلة قصي.
رولا: يلا يا بنات قوموا فطروا بسرعة غسق يلا بعرفك نومك خفيف قومي وصحي إخواتك اليوم أنا عملتلكن الفطور
غسق: يلا ماما بس هبة أنا مابفيقها لأن بتقوم كأن حدى كان عم يضربها ويخبطها من حيط لحيط بالمنام
قصي وهو عم يضحك: هههههههه يحرء حريشك والله التشبيه بمحلو
آية وعبد: ههههههههههههه
هبة: سمعتك بطيخة
غسق: ولي فاق أبو دراع
هربت غسق لعند أبوها وتخبت وراه
رولا: لك غسق ما بتبطلي حركشة بأختك
قصي: روقينا رولا عم نمزح
غسق: بابا أنا رح قوم إتوضى وصلي الضحى قبل الأكل لأن غفلت والله بعد الفجر دغري
آية: إي لكن محلاكي ما بدك تنامي وإنتي طول الليل عم تلعبي باللعب
عبد الرحمن: لك أختي أنا يلي أصغر منك بستحي أعمل هيك
غسق: كل مين حر بحالو
قامت غسق تتوضى وتصلي وبعدين قعدوا فطروا كلهن
غسق: بابا الله يوفقك خدنا مشوار على شي مطعم
آية: إي بابا والله ملينا من البيت
هبة شردت شوي وبعدين ضحكت ضحكة صفرا وقالت إي عنجد خلونا نطلع
قصي: أه غريبة هي أول مرة هبة بتوافقنا على شي
هبة: إي أنت بتعرف والله ملل
رولا: بس أنا اليوم ما بقدر آجلوها لغير وقت
غسق و آية: ليش ماما الله يوفقك
قصي: خير حبيبتي شو عندك اليوم
رولا: اليوم جايه مرت أخوك لعنا مو حلوة إعتذر منها
قصي:لأ إذا هيك خلص بنطلع بعد بكرة لأن أنا بكرة عندي شغل
هامش.......
قصي بيشتغل تاجر كبير وأوضاعو كتير منيحة
هون هبة إنبسطت لأن صار معها وقت أكبر لحتى تتأكد من نجاح خطتها الخبيثة...ياترى شو مخبية الأيام لغسق..............
خلصوا وراحوا البنات وأمهن يظبطوا البيت مشان مرت عمهن وقصي أخد عبد الرحمن وطلعوا من البيت لحتى ياخدوا الصبايا راحتهن وهبة فاتت على غرفتها وقفلت الباب وجابت جوال أمها وصارت تدق لحتى رد عليها أحمد.
أحمد:يا صباح الورد كيفك
هبة: يسعد صباحك الحمد لله مشتاقتلك
أحمد: غريبة مافي بالعادة تدقي بهيك وقت
هبة: إي مضطرة لأن بدي نظبط خطتنا منيح
أحمد: والله يا هبة بلاها طلبك كتير صعب يعني إذا حكت شي أختك بنروح فيها
هبة: شو أحمد بلشنا نتراجع بوعدنا خلص إعتبر كلشي بينا إنتهى وتاني شي لا تخاف غسق من الصدمة مارح تحكي شي بالعكس مارح تكسر بالمرة مع صاحبك أنا يلي بعرفها بس خلص إنسى كلشي
أحمد: لأ الله يوفقك خلص متل مابدك
هبة: شوف هي آخر مرة بتحكي هيك إذا مالك قدها ليش لتدق على صدرك وتقول عندك الحل بعدين انت يلي حكيت إنو أنتوا دايماً هيك بتعملوا
أحمد: إي صح بس بالعادة بيكونوا بنات مشردات أو هربانين من عند أهليهن مو بنت مؤدبة ونحنا نساوي فيها هيك
هبة: هلأ مابيهم هيك نصيبها هههههههههههههه بعدين خليها تنبسط شوي
أحمد عم يحكي بقلبو الله يستر منك.... والله أنا حبيتك بس شكلي رح إنأذى بسببك....ياربي وشق شو بدو يعمل فيني إذا عرف والله لروح فيها رسمي.
هبة: شبك سكتت
أحمد: لأ ولا شي عم أسمعك
هبة: ليك نحنا بعد بكرة طالعين على مطعم وأنا رح خليهن ياخدونا عالمول وهنيك إنت بتشوف شغلك
أحمد: إي بس أنتي عطيني التفاصيل وقتها
هبة: إتفقنا بدك شي يلا سلام
أحمد: سلام
أحمد عم يحاكي حالو لك كان ضروري أنا إنتخي قدامها والله ماكنت بعرفها كل هالقد حقودة آآآآآآخ بس
فلاش بااااااااك:
رولا: تعالوا نفوت على هاد المطعم مبين حلو
الكل يلا نجربوا
فاتوا وإختاروا طاولة وكالعادة غسق راحت تتفحص المطعم ورجعت لعند أبوها تعطيه ملاحظاتها عالمكان وهبة دغري فردت شخصيتها وأخدت زاوية على جنب إمها آية وعبد الرحمن فكانوا عم يختاروا الأكل... وإذ على طاولة تانية في عيلة قاعدة ومعهن إبنهن الشب عم يتغدوا لفت نظرو للشب نظرات هبة وصار يطلع فيها.
الأب: شو بابا أحمد إن شاء الله عجبك الأكل
أحمد: إي بابا يسلم إيديك كتير ظريف
الأم: منيح يلي تصالحتوا الله لا يحرمني منكن
أحمد: آمين هلأ شيلونا من هالحكي خلونا نشرب شي
وصار يطلع بهبة وهي تبتسملو وفجأة إنتبهت إنو غسق عم تطلع فيهن وتلبكت
غسق: قوم بابا ماعجبني المطعم
قصي: ليش بابا والله المكان مرتب
غسق: مالي مرتاحة
هبة: لأ بالعكس كتير حبيت المكان
رولا شافت هبة مبسوطة صارت تحكي إنو بدها تضل وهون غسق فقدت الأمل إنو يغيروا المكان وإنزعجت وقامت....لحقها أبوها
قصي: غسقي شبكي بابا حدى ضايقك أو زعجك خبريني
غسق: لأ بابا
قصي: والله يا بابا أنا مابحب طلعك من البيت بس على قد مابخاف من عيون الناس عليكي

غسق: بابا ليش مين بيسترجي يضايقني طول ما البنت محترمة حالها ماحدى بيطلعلو عندها وهي النظرات لا بد منها لا تشغل بالك
قصي: لكن بابا
غسق: بس هيك حسيت حالي مو مرتاحة
غسق رغم عمرها 16 سنة بس عقلها كبير وبتعرف الصح من الغلط وملفته كتير للنظر مشان هيك أبوها كتير بخاف عليها رجعوا عالطاولة وقعدوا بس غسق لفت إنتباها إنو هبة مو موجودة سألت إمها
غسق: ماما وين هبة؟؟
رولا: راحت عالحمام شو بدك منها
غسق: لأ ولا شي
هون هبة كانت عاملة حيلة وأخدة رقم أحمد ومخبيتو رجعت قعدت مكانها وشافت غسق عم تتطلع عليها قام عملت حالها مو شايفة.
باااااااااك:
أحمد: آه كان لازم حبك يعني ووجع راسي الله يسترها معنا لنشوف
عند بيت قصي إجت مرت عمهن وولادها وقعدوا مع بعض بس غسق ما بتاخد راحتها لأن إبن عمها أكبر منها وبيضل يضايقها ويتحركش فيها.
بهالوقت عند بطلنا وشق فكان طول اليوم مشغول بالتدريب على حركات البريك دانس وإذ بيرن جوالو
وشق: لك هلا والله شو نسيتنا يا أفندي
خلدون: له الله يسامحك حدى بينسى أخوه
وشق: إي كلو حكي شفناك صرلك 6 شهور مسافر على أساس كم يوم
خلدون: ما أنا مشان هيك عم دقلك
وشق: خير صاير معك شي قلي أمانة
خلدون: لك لأ سلامتك بس إن شاء الله أنا شغلت شهر ونازل حتى حجزت التذكرة
وشق: بصلاة محمد
خلدون: إي والله هههههههه
وشق: إي الحمد لله لكن عم إستناك حتى الشلة كلهن مشتاقينلك
خلدون: وأنا والله مشتاقلكم
وشق: ماشي لكن عم إستناك
خلدون: توكل على الله
وشق كتير إنبسط بالخبر وحكى مع ميشو وخبرها وكانت فرحتها مابتقل عن فرحة وشق وحكت ميشو مع الشلة وخبرتهن إنو خلدون راجع وإنبسطوا كتير وإتفقوا وين رح يسهروا بالليل بس أحمد وإياد وفجر إعتذروا بحجة عندهن شغل.......بالليل إجتمعت الشلة ماعدا الشباب ال3 .
مجهولة: كيفك يا أسمر معلش نتعرف
وشق: عم تحكي معي
مجهولة: إي ليش مين في غيرك هون بينحكى معو
وشق: هههههههههه أهلين بقدر ساعدك بشي
مجهولة: هههه إي كتير رح تساعدني
باقي الشلة: ههههههههه لك هي مو عرفانة مع مين علقانة
قعدت جنب وشق وبلشت تعرفو بحالها بس هو مو مهتم
وعند أحمد فأخذ فجر وإياد وراحوا على مكان بعيد عن المدينة مشان يتفقوا.
يتبع..............

نار الغيرة
الجزء الثالث :

فجر: يعني خلص إنت معتمد
أحمد: إي ومتل ماحكيت تعبتكن عندي
إياد: والله يا شباب إذا عرف وشق لحتى نتعتر كلنا أنا كتير خايف
أحمد: ماحدى رح يعرف شي
فجر: لك أنا مابعرف شلون إخت بتعمل بإختها هيك الله يجيرنا
أحمد: هلأ خلصنا مابتعرف شوفي بيناتهن لازم بعد بكرة نكون جاهزين جهزوا السيارة وكل الأغراض
فلاش باااااااك:
أحمد: تتذكروا البنت يلي قلتلكن شفتها بالمطعم
الشباب: أي وحدة لأن أنت ذمتك واسعة
أحمد: لك هي بنت الشيخ
فجر: إي إي عرفتها تضرب إنت وهيك مسواق
أحمد: هلأ بذمتك يا رجل بلا غلاظة أنا عنجد حبيتها
إياد: متل كل مرة فترة وبتمل تعودنا عليك
أحمد: لأ هالمرة غير
فجر: هلأ فهمنا خلصنا
أحمد: هاد يا سيدي القصة وما فيها إنو هالبنت طلبت مني طلب غريب
فجر: وشو هالطلب مصاري يعني
أحمد: ياريت
إياد: لكن شو بدها
أحمد: رح إحكي بس من دون ماحدى يقاطعني
حكيت معها عالتلفون أكتر من مره وكل مره تعلقني فيها أكتر بكلامها ودلعها وآخر شي بتخبرني إنو أبوها تاجر كبير على مستوى الدول العربية وتركيا ووقت حكت إسمو أنا دغري عرفتو وفي مره دقت حاكتني وكانت كتير معصبة حاولت إفهم ليش وفعلاً ماطولت لحتى حكت قال هي مستعدة تدفع الغالي والنفيس مشان تتخلص من أختها الصغيرة لو شلون ما كان وأنا بيني وبينكن فكرتها عم تمزح أو بس تروق بتغير رأيها بس لما صرت إسألها عن السبب صارت تقلي هي كتير معذبتنا ودايماً بتعمل مشاكل وصارت تحكي شغلات غريبة عن أختها أنا إستفهمت منها شوي عن البنت وقلتلها إذا بدك أنا عندي حل وطريقة قالتلي خبرني شو هي وأنا مستعدة كون ملكك للأبد وأطمرك بالمصاري بصراحة إندمت ليش حكيت بالبداية بس بعدين طمعت فيها وبالمصاري قلتلها إذا بدك بخطفها وبحطها بمكان الجن الأزرق ما بيعرفو فترة لتتربى وبعدين برجعها قالتلي لأ مابدي ياها ترجع وأنا موافقة إذا خطتك مضمونة وهون أنا خبرتها يا شباب كيف نحنا وقت نلاقي بنت مشردة أو هربانة من بيت أهلها بناخدها لعند وشق وهو بيتصرف معها بس ماذكرتلها أي إسم وهي دغري وافقت بس طلبت مني ضمان إنو إختها أبداً ما ترجع أنا هون خبرتها هي بس توصل لإيد وشق ويعرفها متشردة أو هربانة ماعادت تفلت منو أبداً وحتى قلتلها انا بحط شوية بهارات من عندي إنو مالها نضيفة وهيك يعني وهي وافقت وبصمت بالعشرة فأنا بدي مساعدتكن مشان نخطف البنت ونتصرف وبوعدكن لحتى روقكن آخر رواق وما بدي حدى يدرى بهالحكي أبداً....شو شباب قدها ولا بدكن تجبنوا وفي شغلة كمان بس نعمل الخطة بدي تطلعوا برات البلد شغلة شهر شهرين زمان لبين ما تنتسى القصة.
الشباب: موافقين بس شو مشان وشق رح تمر عليه هالقصة
أحمد: ماتاكلوا هم أنا بظبطها
الشباب: أديش حصتنا من هالشغلة
أحمد: لكل واحد 25 ألف
الشباب: خلص إعتبرنا معك
بااااااااك:
إياد: بس متل ماإتفقنا لكل واحد 25 ألف
أحمد: إي خلص وعد
فجر:مو مشكلة
أحمد: هلأ المهم تأمنوا السيارة والمخدر لأن على حسب ما خبرتني هبة البنت مو سهلة أبداً
إياد: شو إسمها البنت
أحمد: إسمها غسق
فجر: ياالله شو حلو هالأسم
إياد أي والله معك حق
أحمد: يلا شباب خلونا نرجع عالمدينة
رجعوا الشباب عالمدينة وراحوا على بيوتهن وكل واحد عم يخطط شو بدو يعمل بالمصاري
وهون هبة كانت بتعرف إنو أبوها كل مايطلعوا عالمطعم بيحب ياخدهن يجيبوا كلشي بدهن ياه لذلك بتعرف إنو رح يمر يجيب مصاري متل العادة ويحطهن مع إمها بالسيارة وأمها رح تحطهن معها بالشنتا لذلك ما كانت آكلة هم المصاري.
إجى اليوم المنتظر وغسق فاقت من النوم أبداً مو مرتاحة وقلبها مو مطمن صحيت قبل الكل على أثر منام شافتو زعجها كتير قامت توضت وصلت ركعتين وصارت تدعي تروح من صدرها هالنغزة بعدين عملت قهوة لأمها وأبوها وصحتهن وهي زارعة على وشها إبتسامة مزيفة مشان ما تشغل بال حدى صحي أبوها إجى باسها من راسها وخبرها.......
قصي: الله يرضى عليكي يابابا والله عندي صباحك بيسوا الدنيا ومافيها وضحكتك بتهون كلشي صعب
غسق: الله يحفظلي ياك يابابا أنا ما بتخيل حياتي من دونك أبداً والله
رولا: إي شو هالدلال كلو من عند الصبح
قصي: شو غرتي لك إنتي الأساس
رولا: إي يلا كول بعقلي حلاوة
قعدوا يشربوا قهوة وهون فاقت باقي العيلة والكل إستغرب كيف هبة فايقة على غير العادة بكير ولحالها وغسق كانت شاردة وكأنو حاسة بدو يصير شي اليوم.
قصي: بابا غسق شبكي مو على بعضك
غسق: ..........
قصي: بابا غسق عم حاكيكي
غسق: ........
رولا: شبها البنت بشو صافنة
آية: غسسسسسسسسق
غسق: إيه شوفي ليش عم تصرخي
قصي: شبك بابا صرلي ساعة عم إحكي معك
غسق: آه لأ مافي شي أنا رايحة ضب تختي

رولا: والله كأنو هالبنت مو على بعضها
هبة: إي مافيها شي هلأ خبرونا وين رح نطلع اليوم
عبد الرحمن: إي صحي اليوم في طلعة
قصي: وين مابدكن بنروح
هبة: إي بس أنا بدي مر عالمول لازمني كم غرض
آية: إي والله وأنا كمان
رولا: لكن بنروح نتغدا وبنطلع على مول.......بنجيب يلي لازمنا
الكل: إن شاء الله
هون هبة قامت أخدت الجوال وعطت عنوان المول لأحمد وخبرتو أنا بعلمك أي ساعة رح نكون هنيك وأحمد بدورو راح لعند وشق عالبيت ودق الباب....
وشق: مين
أحمد: أنا كابتن
وشق: أحمد خير إن شاء الله وفتح الباب
أحمد: صباح الخير
وشق: صباح النور خير فيك شي جايه بهالوقت
أحمد: والله في شغلة
وشق: خير لازمك مصاري شي
أحمد: لأ مو هيك القصة
وشق: لكن فوت ونحنا عم نشرب قهوة بتخبرني
أحمد: إي والله ياريت تشربنا قهوة
وشق: شربك قهوة قلتلي قوم إنتفض ساوي قهوة لبين ما أعمل دوش وإجي
فات أحمد عالمطبخ يعمل قهوة ووشق عم ياخد دوش خلص وشق وإجى لعند أحمد وقعدوا
وشق: إي أحمد هات شوعندك
أحمد: تتذكر من كم يوم وقت خبرتك عالبنت
وشق: إي شبها شو قصتها
أحمد: اليوم بدي جبلك ياها بس ليك البنت كتير صعبة ومو متل شكلها من برا
وشق: هاد شغلي أنا المهم هات التفاصيل
أحمد: ياسيدي البنت عمرها 16 سنة وإسمها غسق صرلي شهر عم راقبها البنت أبداً مو سهلة ومو نضيفة وكتير عنيده وبتكذب
وشق: أوف شو هالبنت هي شكلها بدها توجعلنا راسنا
بهاللحظة أحمد خاف إنو وشق يرفض البنت
أحمد: إي بس أنا قلت إنت الوحيد يلي بتقدر عليها وبعدين في شغلة
وشق: خير كمان
أحمد: مبلشة عينها تلعب على جماعة المخدرات
وشق: شوووو مخدرات
أحمد: مشان هيك عم خبرك
وشق: خلص دواها عندي
أحمد مابيعرف إنو بعملتو هي مو بس عم يغير حياة غسق بس لأ كمان حياة وشق لأن غسق بالشكل كأنها توأم ريم حبيبة وشق بس أصغر بالعمر ومحجبة
وشق: طيب وين أهلها شو وضعهن
أحمد: هي تربت بالميتم وبهي الفترة هربت وكل مين بيسألها وين أهلك بتقول إنها من عيلة محترمة وأبوها تاجر كبير مشان تضحك عالناس
وشق: لعما شو هالبنت خلص جيبها اليوم ولا يهمك
أحمد: تمام إتفقنا بدك شي هلأ
وشق: سلامتك
طلع أحمد ودق للشباب خبرهن بالخطة ووشق حكى مع ميشو وآلاء مشان يجهزوا الوضع والبيت لأن المسا عندهن ضيفة
ملاحظة:
طبيعة شغل وشق مع هدول البنات بس يشوفوا بنت مشردة أو هربانة بياخدوها من الشارع مشان ما تفلت وتصير بنت ليل وبيجيبوها لعند وشق وهو بخليها عندو فترة لبين ما تتأقلم عالوضع وبعدها يا بيحطها بمدرسة داخلية يا مركز إعادة تأهيل أو ورشة خياطة وهيك مواضيع ومشان الشرطة عندو وسيط بالشرطة بحلها معو وشق بالمصاري.
صار وقت طلعة العيلة من البيت وغسق أبداً مو مرتاحة ولسا ما لبست فات لعندها أبوها مشان يشوف شبها.
قصي: غسق ليش لسا مالبستي يابابا
غسق: والله يا بابا مو جاي على بالي روح خلص إنتوا طلعوا وخلوني هون
قصي: مستحيل إطلع من دونك قومي وحدي الله وغسلي وشك ولبسي يلا حبيبتي
قامت غسق عملت متل ماحكى أبوها
رولا: شو صار معك مافهمت شبها
قصي: لا والله بس قالت مو جاي على بالها تطلع
رولا: ليش مو هيه يلي إقترحت الموضوع
قصي: والله مابعرف إنشغل بالي عليها
رولا: وكل الله مافي شي إن شاء الله
خلصت غسق وطلعت مع أهلها من البيت هنن بالسيارة بطريقهن عالمطعم وأحمد والشباب عم يستنوا خبر من هبة ووشق والصبايا عم يجهزوا البيت مشان الضيفة ومراد عم يجيب أغراض للبيت من الماركت بيوصلوا عالمطعم وبيقعدوا وهون رولا بتعطي المصاري لهبة لحتى تضبهن معها وهبة مو عاطيه فرحتها لحدى إنو آخيراً باقي ساعات قليلة على نجاح خطتها وهون قصي بيشوف غسق قاعدة جنبو وبيستغرب.....
قصي: شو غسقي مافي ملاحظات على هاد المطعم
غسق: هههههه لأ بابا مافي اليوم
طلبوا آكل وخلصوا وهنن طالعين بعتت هبة لأحمد إنو ربع ساعة وبيكونوا عند المول وكتبت بالرسالة إنو المصاري رح يكونوا مع إختها بالشنتا وخبرتو شو لابسة غسق وبعد ماوصلت الرسالة لأحمد مسحت هبة الرسالة من الجوال.......وصلوا عالمول وهبة شافت السيارة الفان وكتير إنبسطت وهنن نازلين.....
هبة: زكاتك غسق خلي شنتايتي معك بعرفك مابتحملي شنتا
غسق: هاتي الله يصبرني
فاتوا عالمول وبعد شوي طلعت غسق عم تتفرج على واجهة المول كلها كانت ألعاب وهاد كان من ضمن خطة هبة إنو المول تكون واجهتو كلها ألعاب مشان تلفت إنتباه غسق.......شافوا الشباب غسق وبلشوا يحركوا السيارة مشان عالسريع يمروا من جنب غسق ويخطفوها كان أحمد وفجر من ورى وإياد عم يسوق السيارة وقبل مايوصلوا بأمتار قليلة بيشوفوا كيف قصي بيطلع وبيوقف مع غسق رجعوا لفوا بالسيارة ووقفوا عم يستنوا فرصة تانية وقصي ماكان يترك غسق ويفوت وهبة عم تطلع على أبوها وكتير معصبة وعم تحاول تلاقي حل صارت تنادي لأبوها مشان يدخل يحاسب بس قصي مادخل عالمول إلا لدخل غسق معو وهون هبة كانت رح تجن والكل لاحظ توترها بس هدت حالها مشان ماتلفت نظر خلصوا وطلعوا من المول وهبة عم تطلع على سيارة أحمد وترجع تطلع بغسق

يلي أبوها إشترالها لعبة وهي مبسوطة فيها وإذ بيخطر ببال هبة فكرة بتجي لعند غسق وبتاخد منها الشنتا وبيطلعوا بالسيارة وهبة بتبعت لأحمد إنو لحقونا عالبيت ولما نوصل بعمل حالي نسيت الشنتا يلي فيها المصاري بقلب السيارة وببعت غسق تجيبها وبس تاخد الشنتا من السيارة إنتوا بتسحبوها من دون شوشرة ومسحت الرسالة بس إتأكدت إنها وصلت وصارت تضحك......أما عند أحمد شاف الرسالة وإنصعق....
أحمد: لك يخربيت قلبها شو هالإنسانة
فجر: فيك شي أحمد
أحمد: لأ بس تغيرت الخطة هلأ رح يصير هيك وحكى للشباب
الشباب: طيب ماشي
وصلوا العيلة عالبيت وهبة تركت الشنتا بالسيارة وطلعت لفوق إستنت لحتى وصلت غسق لأن كانت عم تحكي مع رفيقتها بالبناية وتفرجيها اللعبة وكانت غسق جايبه لعبة متلها لرفيقتها فعطتها اللعبة وطلعت ولما فاتت غسق إجت هبة وخبرتها مشان تنزل لتحت.....
هبة: غسق الله يوفقك قبل ماتشلحي أنا نسيت الشنتا بالسيارة إنزلي جيبيها
غسق: ياالله منك شوفي حدى غيري بعدين بكره بنجيبها
هبة: مشان الله الكل غير تيابو وبعدين إمك بتشلني والله لأن فيها المصاري
غسق: شووو المصاري الله لا يوفق شيطانك نازلة
راحت غسق أخدت مفتاح السيارة من أبوها بعد ما خبرتو إنها نسيانه غرض مشان ماتصير مشكلة لأختها ونزلت وهبة خبرتها إنو رح توقفلها عالبرندة.... وقت وصلت غسق لتحت فتحت السيارة وأخدت الشنتا ورجعت لورى وياريتها مارجعت فجأة بيطلع أحمد من السيارة وراها بيمسكها وبيحط المخدر على أنفها وبيسحبها هي والشنتا وبيرمي مفتاح السيارة بالأرض........
يتبع.............

نار الغيرة
الجزء الرابع :

بدخل غسق عالسيارة وهبة من فوق شايفة كلشي وعم تضحك إستنت لمشيت السيارة وبعدت صارت تصرخ لك غسق وين رايحة لك غسق ردي علي يا بابا غسق هربت هي والشنتا ركضوا الكل عالبرندة مو مصدقين مفكرين هبة عم تمزح ولا بيتفاجؤا بهبة عم تبكي وصارت تخبرهن إنو غسق هربت مع الشنتا يلي فيها المصاري الكل مصعوق وقصي نزل يدور بالشوارع ويصرخ لبنتو ويسأل الناس يلي بالشارع وكلهن يخبروا إنو ما إنتبهوا على شي وباقي العيلة بالبيت عم تبكي مو عرفانين شو يعملوا.......
رولا: لك إحكي شو يلي صار
هبة: إمي أنا نسيت شنتة المصاري تحت بالسيارة وكنت بدي إنزل جيبها بس شافتني غسق وأنا إنتبهت إنو لسا ماغيرت تيابها سألتها ليش ما ردت سألتني لوين رايحة حكيتلها فقالت لأ خليكي أنا بنزل بجيبها أنا خبرتها إنو ماتنزل بس هي أصرت ووقت وصلت لعند السيارة فتحتها وأخدت الشنتا وركضت بالشارع بعد ما إطلعت لعندي....
رولا وهي عم تبكي.....
رولا: لك الله لا يوفقها بدها تجلط أبوها وين راحت
هبة: مابعرف ماشفتيها اليوم كلو مو على بعضها
آية: لك إي والله نحنا كيف ما سألناها شبها
رولا: يارب لا تخلي هالمغضوبة تفضحنا هي آخرت دلال أبوها
عبد الرحمن: هلأ المهم نعرف وينها
قصي عم يحاكي حالو بالشوارع وين رحتي يا بنتي لك وين إنتي تربايتي بعرفك مابتغلطي وينك وينك يا غسقي.......
بالسيارة غسق نايمة والشباب لسا مو مطمنين
فجر: يا الله شو هالبنت متل الملائكة مين بيسخى فيها
إياد: إي والله أنا مصدوم ما تخيلتها هيك
وأحمد شارد بالشي يلي صار ويلي عملوا.......بعدين بيتذكروا الشنتا فبيفتحوها وفعلاً بيلاقوا المصاري كان فيها 200 ألف
فجر: بس هيك يا أحمد إنت إلك 150 ألف ونحنا بس لكل واحد 25
إياد: مظبوط مو عدل
أحمد: خلص شباب لكل واحد متل ما إتفقنا ولا تنسوا بدنا نسكت حلق الشرطة إذا بلغوا أهلها
الشباب: إي والله
أحمد: هلأ لازم نوسخلها عبايتها ووشها شوي مشان تبين مشردة
إياد: قلتلي شوي إي والله لو بندهن جسمها بالطين مبينة مو تبع هيك شغلات
أحمد: هلأ أنا بظبط الوضع
بلش أحمد يوسخ عباية غسق ويمزعها شوي من كل محل وغسق نايمة متل الملاك وفجر عم يتأملها بعدين بقول لأحمد
فجر: أحمد خليني أخدها لعندي والله بحطها بعيوني ومسامحك بحصتي
أحمد: شو جنيت إنت فجر
فجر: لك يا زلمة حدى بيشوف هيك صبية وبيتركها هي أجمل بنت بشوفها بحياتي
إياد: إي والله معك حق
أحمد: خلص بنضل ماشيين على خطتنا لاتوجعولي راسي إستعجلك شوي إياد
رجع قصي عالبيت وهو ما قدران يحمل حالو ووشو أصفر
رولا: طمني لقيتها
قصي: ..........
هبة: بابا مشان الله طمنا
آية: شبك بابا إحكي شي
رولا: مشان الله خبرني
قصي: غسق لك غسقي وينك يا أبي
رولا: لك الله لا يسامحها وين راحت
قصي: .........
الولاد ورولا عم يبكوا وفجأة بيحط قصي إيدو على صدرو وبيوقع عالأرض وهو عم ينادي لغسق صار الكل يصرخ ويبكي إتصلوا عالإسعاف ونقلو عالمشفى دخلوه عالعمليات فوراً وبعد فترة طلع الدكتور لعند رولا وولادها
الدكتور: خير يا إختي أم عبد الرحمن شبو الحجي
هون رولا ماعرفت شو بدها تحكي
رولا: آه لأ مافي شي فجأة هيك صار
الدكتور: مستحيل هالحكي جايتو جلطة قوية على قلبو لازم يكون صاير شي
الكل: شووو جلطة
رولا: مشان الله يادكتور طمني عنو
الدكتور: هلأ هو تحت المراقبة إن شاء الله خير بس الخطر لسا مازال عنو
صاروا كلهن يبكوا وهبة إنسحبت عالحمام وصارت تضحك وتحكي مع حالها بالمراية
هبة: وهي شلتك من وشي ياغسق بس والله يا قصي باشا ماكنت بعرفك لهالدرجة بتحبها يلا إن شاء الله فترة صعبة عالكل وبتمر هههههههههههههههههههه
وصلوا الشباب على بيت وشق فتحوا باب السيارة وأحمد مو عاجبو نظرات الشباب لغسق لذلك هو يلي حمل غسق وخبر إياد يطلع قبلو مشان يدق الباب وفجر يسكر السيارة ويلحقهن كان الوقت متأخر ومافي حدى بالشوارع كان بيت وشق طابق تاني وفي برندة كبيرة عالشارع ووشق وباقي الشلة عم يستنوا الشباب لأن أحمد خبرهن إنو هنن عالطريق دغري وقت يلي شافوا السيارة والشباب نازلين فاتوا فتحوا الباب كان وصلان إياد وأحمد دخلوا لجوا وأحمد سطح غسق عالكنبا قعدوا كلهن حواليها ووشق فات يجيب مي للشباب بس ميشو ومراد وآلاء إجتهن الجمدة وقت شافوا غسق وصاروا يتغامزوا بين بعض وأحمد وقت شافهن خاف فكرهن بيعرفوها
أحمد: شبكن شباب
ميشو: آه ولا شي هي هيه البنت
أحمد: إي لكن شو شايفة
آلاء: يا الله مو معقول هالشبه
مراد: إي والله
أحمد: شبه شو عن مين عم تحكي
ميشو: لك هي البنت بتشبه ريم حبيبة وشق كأنها توأمها
أحمد: عم تحكي عنجد
آلاء: إي والله إنتوا مابتعرفوها لريم
هون إجى وشق وهو جايب إبريق المي والكاسة ووقت إجت عينو على غسق جمد بأرضو ووقع الإبريق والكاسة منو وإنكسروا وهو صار يقول ريم هي ريم وصار يرجف كلو ركضت ميشو ومراد مسكوه لوشق وقعدوه وصارت ميشو تهديه لبين ما آلاء جابت مي شربوا مي وغسلوا وشو....

ميشو: طول بالك ليك كيف عم ترجف
مراد: كابتن صلي عالنبي
الشباب: معقول لهالدرجة بحبها لريم أو غسق بتشبها كل هالقد
آلاء: إي أنتوا مابتعرفوا شي
نزل وشق على ركبوا وقرب من غسق صار يتلمس وشها ويناديلها
وشق: ريم ردي علي وين تركتيني معقول كل هالقد قلبك قاسي
غسق: .........
وشق: ريم ردي مراد جبلي شي صحيها فيه
ميشو: يا وشق هي مو ريم هي بنت بتشبه ريم الله يرحمها
بس وشق ماكان عم يسمع حدى
هون أحمد صار يحاكي فجر
أحمد: ما توقعت شوف الكابتن وشق بهيك منظر شو صرلو
فجر: أنا سمعت من الشلة إنو كان يعشقها عشق لريم ومن وقت توفت وشق وقفت حياتو
أحمد: الله يعينو
إجى مراد جايب الكحول مشان يصحوا غسق من التخدير والشباب خايفين من لحظة غسق تفتح عيونها صار وشق يحط عالقطن كحول ويحطها عند أنف غسق وهي بعد ثواني بلشت تنزعج من الريحة وتحرك وشها...
وشق: يلا فتحي عيونك مشان الله يا ريم
غسق: إممممممم آه راسي شو هالريحة
الشلة: ..........
وشق: يلا فتحي عيونك يا عمري أنا
وقرب حضنها هون غسق وقت سمعت صوت وشق وحست حدى عم يحضنها فتحت عيونها على وسعهن وشافت كيف الكل حواليها وفي شب حاضنها صارت تعيط وتبكي وتحاول تفك حالها من بين إيديه بس عبس كانت قوتو بضاهي قوتها بعشر أضعاف....
غسق: مشان الله بعد عني مين إنت مشان الله
ووشق بس حاضنها وعم يشم ريحتها
غسق: لك بعد عني وتدفشوا بكل قوتها وتبكي
وبهاللحظة إتدخلت ميشو ومراد وصاروا يبعدوا وشق عنها حس على حالو وبعد عن غسق وشافها عم تبكي وتعيط صار يهديها
وشق: بس ياعمري إنتي معي هون لا تخافي ليش عم تبكي
غسق: لك إنت مجنون بعد عني
صارت ميشو تحاول تهدي غسق بس غسق شالت إيدها ولطشت وشق كف الكل شهق وإنصدموا ورجعت لحقتو بالكف التاني ووشق جاييتو الجمدة بس وقت لطشتو الكف التاني صحي على حالو وتذكر إنو ريم توفت وهي البنت مو ريم وعصب كتير لحتى صار وشو أحمر متل الدم ومسك غسق من إيديها ووقفها بس غسق لسا دايخة من المخدر سندها عالحيط والشلة عم يحاولوا يهدوه بس وشق هي أول مرة حدى بيمد إيدو عليه كان بركان وعم ينفجر بكل ما للكلمة من معنى ثبت إيدين غسق بأيد وحدة وغسق عم تبكي وخايفة وصار يلطشها كف ورا التاني والشباب عم يحاولوا يبعدوه عنها بس ماحدى قدر ضل يضربها لحتى نزل الدم من أنفها وتمها وإرتخت بين إيديه وقت بعد عنها وقعت بالأرض وهي عم تأن....
ميشو: لك إنت مجنون .... تعالي آلاء ساعديني بسرعة
آلاء: يلا يلا
مراد: لك شو صرلك ليش هيك ساويت
وشق: لا حدى يدخل لسا ماشافت شي خدوها زتوها متل الكلبة جوا
ميشو: مجنون.......تعالي قومي معي حبيبتي.....آلاء روحي فتحي المي السخنة
آلاء: ماشي يلا
أحمد وباقي الشباب ما إدخلوا أبداً لأن من مصلحتهن إنو وشق يكره غسق
وشق: يلا شباب إنتوا روحوا خلص شغلكن صارت عندي يعطيكن العافية
الشباب: ماشي الله يعافيك سلام
مراد: تعال إقعود شو صرلك
وشق: مين مفكرة حالها لحتى تمد إيدها
مراد: إنتي يلي تماديت وحضنتها
وشق: فكرتها ريم بس طلعت غلطان ما بتتشبه لريم بشي
مراد: لا حول ولا قوة إلا بالله رح إترك عندك ميشو اليوم
وشق: بيكون أفضل
قام مراد لعند الصبايا شافهن عم يمسحوا الدم عن وش غسق وميشو عم تحاول تهديها وغسق عم تبكي وتستنجد بربها
ميشو: بس حبيبتي إهدي الله يوفقك
بس غسق ماعم توقف عن البكى
آلاء: يا الله ماعم يوقف الدم من أنفها
مراد: حسبي الله ونعم الوكيل سطحوها وحطوا على راسها قطعة تلج
ميشو: يلا
آلاء: يمكن لأن غسلنالها بمي سخنة
مراد: لأ مادخل أنا بعرف إنو يلي بشرتهن بيضا لهي الدرجة بس ينزف أنفهن صعب يوقف
ميشو: والحل
مراد: مابعرف إسألي الأفندي يلي برى
تركت ميشو آلاء مع غسق وطلعت هي ومراد لعند وشق وشافتو معصب كتير وعم يهز برجلو
ميشو: ماعم يوقف النزيف من أنفها
وشق: ........
ميشو: وشق عم حاكيك
وشق: لا يوقف شو أعمل بعدين أحسن
مراد: وشق شبك مابعرفك بهالقصوة
ميشو: وشق إنت يلي ماكنت بوعيك وتماديت
وشق: لو شو ماكان مابيحقلها تمد إيدها
طلعت آلاء من الغرفة خايفة
آلاء: لك ياجماعة البنت ماعم يوقف النزيف عندها وحرارتها كتير إرتفعت وكأنها بدها تغيب عن الوعي وأنا إتربطت إيدي
قاموا الكل لعند غسق عالغرفة ووشق صار يطلع فيها ويأنبو ضميرو وهي مرتخية وعم تطلع فيهن وتبكي وجنبها المحارم كلها دم ووشها صار متل الجمر من الحرارة وآثر الكفوف وقت شافها وشق حس قلبو تقطع عليها وميشو صارت تبكي وركضت لعندها تحضنها ومراد وآلاء عم يطلعوا مو عرفانين شو يعملوا
وشق: آلاء بسرعة إفتحي المي الباردة عالبانيو....مراد إنت روح حط تلج بقطعة قماش وجيبها....ميشو جهزيلها أي تياب بسرعة

ركضوا الكل يعملوا متل ماطلب منهن أما هو فإجى لعند غسق وحملها وهي عم تحاول تقاوم بس خارت قوتها أخدها عالحمام وحطها بالبانيو وهي شهقت من المي الباردة وأخد من مراد التلج حطو على وشها وراسها خلاها شي عشر دقايق لحتى شافوا وقف النزيف ونزلت حرارتها بعدين رجع حملها وشق من المي وأخدها عالغرفة وخلى ميشو وآلاء يغيرولها تيابها بسرعة وهو ومراد طلعوا لبرا غسق صارت تقاوم لأن مو متعودة حدى يشوف جسمها وميشو فهمت عليها بس إستغربت كيف ممكن لهيك بنت تكون بهاد الحياء وصارت تغيرلها تيابها من دون ما يطلعوا على جسمها بعدين أخدوها عالتخت وسطحوها ضلت ميشو جنبها وآلاء طلعت لبرا قربت غسق وحضنت ميشو وهي عم تبكي وميشو لا إرادياً صارت تبكي معها
ميشو: إهدي الله يوفقك هلأ بترجع بترتفع حرارتك
غسق: ........
ميشو: ياعمري أنا يلا نامي إرتاحي شوي
نامت غسق من تعبها وميشو غطتها منيح وطلعت
وشق: شو طمنيني
ميشو: ليش كتير بهمك
وشق: هلأ إحكي
ميشو: نامت وهي عم تبكي
مراد: مسكينة.....يلا ياجماعة أنا بدي روح ميشو إنتي خليكي هون اليوم
ميشو: أكيد من دون ما تحكي
آلاء: وأنا كمان رح ضل
وشق: بيكون أفضل فوتوا لعندها عالغرفة وأنا رح نام هون
عملوا متل ماحكى وكانت ليلة صعبة عالكل ماعدا هبة يلي تواصلت مع أحمد وخبرها إنو إختها صارت عند رفيقو ومشي الحال أما قصي فكان إسم غسق ماعم يفارق لسانو وهو بالمشفى وبالبيت عند عبد الرحمن وآية وهبة فكانت التهم عم تنزل على غسق متل زخ المطر......
آية: مين كان يقول إنو غسق تعمل هيك
عبد الرحمن: والله مابعرف أنا مصدوم
هبة: انا حاسة إنها صرلها كم يوم مو على بعضها
آية: الله لا يسامحها شو عملت دمرت العيلة
عبد: هلأ المهم يطلع بابا بخير ولكل حادث حديث
آية: قولتكن بس مع مين بتكون هربت
هبة: أبصر بتكون عشقانة ونحنا ما عرفانين
آية: بس كيف كانت عم تتواصل معو
هبة: يعني صعبة على أختك مابتعرفيها أديش مخباية بتيابها
آية: مو لهالدرجة بتكون وحدة من رفقاتها لعبانة بعقلها وهربانة معها مستحيل تكون هربانة مع شب
عبد: هلأ خلونا ننام وبكره بنشوف هالقصة
هبة: ليش مين رح يجيه نوم بعد عملت أختك وأساساً رح تصير صلاة الصبح
آية وعبد: لكن بنصلي وبنام
تاني يوم الصبح غسق من تعبها ماحست على صلاة الصبح فتحت عيونهاوهي متعشمة إنو كل يلي صار معها مجرد حلم بشع وكانت عم تبتسم وبس شافت حالها بغرفة غريبة وميشو وآلاء نايمين جنبها صارت تبكي وتحاول تقوم من التخت وتتلمس وشها كان كتير عم يوجعها هو وراسها لبست حجابها وعبايتها وهنن لسا فيهن مي وطلعت على روس أصابعها من الغرفة بعد مافتحت الباب على مهلها صارت تمشي شوي شوي ماشافت حدى بالصالون وصلت لعند باب البيت حاولت تفتحو بس كان مقفول سندت راسها عالباب وصارت تبكي وشق كان طالع من الحمام وقت شافها إبتسم إنها منيحة ووقف.....
وشق: هلأ بتاخدي برد مبين تيابك لسا مبلولين
غسق إرتعبت ولفت وشها شافتو واقف وماسك المنشفة عم ينشف راسو ووشو
وشق: صباح الخير
غسق: .........
وشق: مابدك تردي
غسق: ........
وشق: بكيفك
غسق: فتحلي الباب
وشق: أسف المفتاح مو معي مابعرف مين قفل علينا وراح ههههه
غسق: الله يوفقك والله مابخبر حدى
صار وشق يضحك
وشق: بالله عنجد
غسق: ببراءة والله ياعمو مارح إحكي لحدى بس طالعني من هون
وشق: مين عمو
غسق: ..........
وشق: خلص إنتي هلأ عندي ما بتطلعي لأسمح أنا
غسق: مشان الله والله هلأ أهلي بيكون قلبهن نار علي وخايفة يصير شي على أبي
وشق: أمممممم قلتيلي أهلك مين أهلك هاتي لشوف تعالي إقعدي
غسق: مابدي مرتاحة هيك
وشق: شايفك عنيدة وأنا مابحب العند
غسق: مو شغلك إنت
وشق: شكلك حنيتي لمبارح يعني
غسق: ........
وشق: مين أهلك ولآخر مرة بسألك
غسق: أنا بنت شيخ وعيلتي كتير محترمة ومعروفة
وشق صار يضحك بصوت عالي لحتى فاقوا الصبايا على صوتو
غسق: عفواً أنا حكيت شي بيضحك
وشق: ياربي رح يطقوا خواصري قلتيلي بنت شيخ
ميشو: شبك من الصبح غسق طمنيني عنك كيف صرتي
غسق: إنتوا كيف عرفتوا إسمي مين إنتوا
وشق: نحنا قدرك ههههههه رجعي إحكي لميشو مين أبوكي
غسق: أبي شيخ وتاجر كبير بالبلد
سكتت ميشو وآلاء ووشق فارط ضحك
غسق: يعني إنتوا إذا بدكن مصاري رجعوني لعند أهلي وبخلي أبي يعطيكن قد مابدكن
وشق: هههههههههه أي مصاري لك بابا بعدين أبو مين
غسق: حاج تضحك إذا إنت واحد وسخ لا تفكر كل الناس متلك
هون ميشو وآلاء جمدوا ووشق تطلع بغسق وقام من محلو مشي بإتجاه غسق وميشو ركضت لعندها وغسق خافت وتخبت ورى ميشو
وشق: مين الوسخ وليه مفكره كل الناس ترباية شوارع متلك لميتك من القرف والزبالة وبدي أعمل منك إنسانة وإنتي مافي أطول من لسانك

غسق: واحد متلك يلي ترباية شوارع ووسخ
ميشو: إسكتي مشان الله
وشق: هيك لكن ماشي بسيطة شكلك رح توجعي راسي وقعدتك عندي طويلة لذلك خلينا نتفاهم ياحلوة هون مو الشارع يلي كنتي قاعدة فيه هون في قواعد وقوانين بدك تمشي عليهن وهلأ رح نبلش بأول قانون دفش ميشو عالأرض وشحط غسق عالغرفة وهي عم تعيط وتستنجد بميشو وآلاء بس ولا وحدة قدرت تدخل فوتها عالغرفة ودخل معاها وقفل الباب رماها عالتخت وكتفها وهي عم تعيط وتترجاه وهو عم يضحك ويقول....
وشق: قال يعني مو متعودة على هالشي
غسق: مشان الله ماعندك إخوات بنات تخاف عليهن
وشق: هههههه إخواتي مو وسخات وصار يحاول يشلحها العباية ويحكي.....
وشق: أول قانون إنتي ملكي أنا
غسق: ياربي آآآآآآآه
وشق: تاني قانون أنا بحدد شو بتلبسي لا تنجسي الحجاب والعباية
غسق: لاااااااا لااااااااا
وشق: تالت قانون نَفسك بدك تاخدي إذني فيه
شال العباية وزتها لبعيد وهون بلش يحس فيها عم ترجف كلها تطلع عليها شاف الدم عم ينزل من أنفها بغزارة وبلشت تتشنج وميشو و آلاء عم يخبطوا عالباب وينادوا وقف وشق وبعد عنها وشافها كيف عم تتشنج كلها حاول يجلسها ويصحيها بس ماعم تستجيب معو قام فتح الباب وقلها لميشو تدق للدكتور فارس بسرعة ورجع لعند غسق.......
هاااااامش:
الدكتور فارس إنسان قذر وبحب مصلحتو وماعندو أي مشكلة يشتغل أمور لا قانونية مقابل المصاري ووشق بيعرف هاد الأمر لذلك مسكت فارس بالمصاري وبالمناسبة هو ساكن بنفس البناء مع وشق.
وشق: غسق لك غسق إهدي شو صرلك ماكنت رح إئذيكي
آلا: لك شو ساويت
ميشو: ليكو الدكتور فارس طالع لعنا
عم يحاولوا يهدوا غسق بس مافي فايدة لحتى إندق الباب وراحت آلاء فتحت فات الدكتور بسرعة عالغرفة مكان مادلتو آلاء
فارس: خير شو صاير هون
وشق: متل العادة بس هالمرة كتير عذبتنا
حاول الدكتور يفك التشنج وآخر شي عطاها إبرة مهدء لحتى هديت فحصها منيح وطلع لبرى كانت آلاء جايبة القهوة وقعدوا كلهن.
وشق: شو فارس طمني
فارس: ياوشق مافي بالعادة يصير هيك البنت أعصابها فارطة لازمها مشفى فوراً ومراقبة
وشق: إحكي عربي بعدين إنسى المشفى شو بيلزمها بأمنلها لهون
فارس: يعني صاير معها إنهيار عصبي شديد
ميشو: شووو
فارس: إي والله مشان هيك عم إحكي عالمشفى لأن بدها عناية شديدة ومراعاة
وشق: لا تاكل هم من هالناحية بس شو مشان النزف من أنفها
فارس: هي يظهر البنت عصبية كتير ووقت بتعصب من شدة تدفق الدم بجسمها هيك بيصير معها بس يطلع من جسمها أحسن مايضل
وشق: طيب عطيني إبرة من يلي عطيتها ياها مشان وقت العازة
فراس: يا وشق هاد مو لعبة يعني هلأ بس تصحى رح يكون جسمها تعبان ومكسر
وشق: معلش مابستخدمها غير للشديد القوي
فارس: ماشي أنا بثق فيك
عطاه الإبرة وطلع من البيت وبهاللحظة كان وصلان مراد والشباب وصاروا يسألوا عن الوضع وشو صاير شافوا الكل متوتر وآلاء فهمتهن القصة.
ميشو: هاد الإسلوب مابيصير يا وشق
وشق: إهدي ميشو أنا بعرف شو عم أعمل
ميشو: أنا ماعاد خليك تأذي غسق
وشق: مراد سكت إختك
مراد: خلصنا ميشو
ميشو: إنت لو شايف منظرها وهي متشنجة ماكانت وقفت مع وشق وسكتتني
هون أحمد حاول يشعل الموقف
أحمد: بس يا ميشو الكابتن وشق مو أول مرة بيتعامل مع هيك وضع بعدين هدول البنات مافي أشطر منهن بالتمثيل
ميشو: لأ أنا حاسة غسق غير
أحمد: إي غير هي بتعرف تمثل أكتر
فجر و إياد: إي أكيد هدول الواحد مابيصدقهن بشي
وشق: خلصنا أنا بعرف شغلي وميشو أنا مو مستعد إخسرك مشان حدى لذلك من اليوم أنا بدي ضل مع البنت لحالنا وأنا بعرف كيف إتصرف
ميشو: شو بس إنت مافي مرة ضليت مع بنت لحالكن
آلاء: بلاها كابتن بنضل معك بس ماعاد ندخل بشي مو هيك ميشو
ميشو: ..............
وشق: شو ميشو هاد أخر تنبيه إذا بيصير تدخل قراري صرتوا تعرفوه يلا قوموا مشان نفطر
بهالوقت كانت رولا ملازمة قصي بالمشفى وهو عم يطمن منها إذا في أخبار عن غسق
قصي: طمنيني في أخبار عن غسق
رولا: كلو خير إنت هلأ صحصح وكلشي بينحل
قصي: لازم إطلع من هون مشان أعمل بلاغ
رولا: هلأ إتركك من هالحديث
إجى الدكتور وفحص قصي وطمن رولا عن صحتو وإنو بيقدر بعد يومين يطلع من هون
خلصوا الشباب فطور وفجر وإياد خبروا الشلة إنو بدهن يسافروا بشغل برات البلد شغلة شهر زمان.
وشق: خير الله يسرلكن لازمكن شي
الشباب: آمين....لأ سلامتك كابتن
طلعوا من البيت وضلت باقي الشلة وحسوا على غسق إنها صحيت فوراً دخلت ميشو لعندها مشان تحكي معها
ميشو: صحي الحلو يسعدلي أوقاتك
غسق: .........
ميشو: غسق الله يوفقك إهدي شوي والله وشق مابدو يأذيكي
غسق: ........
ميشو: هو بس خاف عليكي تنأذي بالشارع إنتي مابتعرفي أديش الدنيا بتخوف برى

غسق: بيقوم بيخطفني مين باس إيدو وقلو إني بدك إترك بيت أهلي بعدين هاد المخلوق لا تجيبي سيرتو قدامي أبداً
ميشو: إنتي هلأ معصبة بس تتعرفي على وشق بتشوفي أديش قلبو كبير وحنون
غسق: آآآآآآآخ جسمي مكسر وعم يوجعني
ميشو: من إبرة المهدء رح قوم حطلك فطور لحتى تاكلي هههههه قصدي غدا لأن الوقت صار ضهر
غسق: مابدي إتسمم بدي إرجع لعند أهلي
ميشو: هلأ كلي وبعدين بنحكي
غسق مارح حط لقمة بتمي بدي إرجع
ميشو: ........
غسق: بعدين بتفهمي هاد الأفندي يلي برى أبداً مابيقرب علي أحسنلو
وشق: ميشو خليها تسكت وإلا بفوت بسكتها أنا
غسق: ........
ميشو: طولي بالك حبيبتي
طلعت ميشو وغسق قامت قفلت الباب وإتحممت وطلعت لبست من تياب كان جايبهن وشق والصبايا ووقفت صلت الفجر ولحقت الضحى قبل ما يأذن الضهر بعد ما سألت ميشو عن إتجاه القبلة
وشق: ميشو روحي حطيلها فطور
ميشو: مابدها تاكل
وشق: مو بكيفها
ميشو: خلص إتركها هلأ عالغدا بتاكل
وشق: ماشي رح إستنى بس للغدا روحي خليها تفتح القفل
ميشو: يلا
دقت ميشو الباب بس مافي إستجابة ضلت تدق وتنادي بس مافي رد خافوا تكون غسق عاملة بحالها شي إجى وشق صار يدق عالباب بس نفس الشي مافي رد وأساساً مضى وقت منيح بتكون خلصت صلاة
وشق: بعدوا هيك
آلاء: كابتن بدك تكسر الباب
وشق: إي
ركض وشق بدو يدفش الباب بس غسق فتحت الباب بأخر لحظة ووشق ماقدر يوقف فوقع عالأرض بقوة وغسق صارت تطلع عليه وتقلو بتستاهل
وشق: إنتي غبية شي ليش فتحتي الباب
غسق: ليش ماكنتوا عم تدقوا
الشلة: صاروا يضحكوا ووشق إستحى بحالو
وشق: ليش ماكنتي عم تردي
غسق: كنت عم صلي ومافي شي مستاهل لحتى إقطع صلاتي مشانو
وشق: لأ جوابك على راس لسانك شاطرة
غسق: قليل مما عندكم
ورجعت فاتت وسكرت الباب بس ماقفلتو دفش وشق الباب وفات
غسق: شو شايفو باب بستان
وشق: لا عنجد كأنو هاد بيتي
غسق: ماحدى قلك تخطفني
وشق: غلطت ومنك السماح
غسق: ماصار شي رجعني من مكان ماجبتني
وشق: هاد بعدك ياحلوة إنتي ملكي لذلك خليكي عاقلة مشان نقدر نتفاهم وهاد الباب ماعاد ينقفل
غسق: لأ واثق من نفسك
وشق: يييييييي لسا ماشفتي شي
والشلة برى عم يضحكوا على مناقراتهن سوا
وشق: بعدين قال مابدك تاكلي
غسق: لأ مابدي وحط براسك طول ما أنا هون مارح حط لقمة بتمي
وشق: إي أكيد مو هون رح تاكلي نحنا بناكل بالمطبخ شو أبوكي التاجر كان يطعميكي بغرفة النوم
غسق: لا تجيب سيرة أبي على لسانك فهمت....والله لخليكن تندموا
وشق: لا خوفتيني ليكي كيف عم أرجف على كل حال شي ساعتين وبصير الغدا عملي بحسابك مابدي نقاش أبداً
طلع وشق وسكر الباب وراه وغسق بالغرفة عم تقلدو كيف كان عم يحكي بعدين بتتذكر الوضع يلي هيه فيه وبترجع بتبكي وصارت تفكر وتحاول تتذكر شو يلي صار بس كلشي مغبش بذاكرتها ماعم تقدر تحدد كيف وصلت لهون راحت قعدت عالشباك وصارت تحاول تتذكر...........أما عند أبوها فكان طول الوقت عم يحاول يقوي حالو مشان يقدر يطلع يقدم بلاغ إنو بنتو مفقودة بس ماكان عرفان شو يلي عم يصير بالبيت بغيابو.........كانت رولا عم تجهز البيت هي وولادها مشان طلعت قصي من المشفى وتبكي بسبب يلي صار معاهن بس هبة مو تاركه الموضوع أبداً وعم تحاول تزرع براس أمها أفكار إنو غسق هربت مع شب وصارت توهم إخواتها بهاد الشي لحتى بلشت العيلة تقتنع وتحكي إنو غسق فعلاً هربت مع شي شب وحطت راس العيلة بالوحل وهبة كانت سعادتها ما بتنوصف لأن قدرت تأقنع إمها بهيك شي وهي بتعرف إنو إمها بتقدر تأثر بشكل كبير على أبوها....
هبة: والله يا ماما ماعم صدق كل هاد يطلع من غسق لأ وعاملة فيها بريئة وطفلة
آية: لك معقول كيف غافلتنا وطلعت مركزة وضعها كلو
رولا: آآه ياربي شو صار فينا كنت دايماً نبه أبوكن من دلالو الزايد إلها بس ماكان يرد وهي النتيجة الله لا يسامحها لك الله يغضب عليها
عبد الرحمن: ياماما لا تغضبي عليها مشان الله
هبة: إنت سكوت أصلاً نحنا متبريين منها ولازم بس نلاقيها ندبحها
رولا: لأ والأحلى أبوكن بس يطلع بدو يعمل بلاغ إنها مفقودة والله لننفضح ونصير علكة بتم الكل
هبة: لأ ماما ديري بالك لا تخليه
آية: وأنا هيك رأيي لأن والله هي فضيحة خلينا مسكرين عالقصة وإذا حدى سأل عنها بنخترع أي كذبة وبنقولها الله يسترها معنا بس
رولا: أنا مستحيل خليه يتصرف شي ينزع فيه سمعة العيلة مشان هالحقيرة أنا رايحة هلأ عالمشفى لشوف الوضع إنتوا خليكن هون بالبيت لا حدى يطلع
هبة: أكيد رح نضل ليش لوين بدنا نروح
راحت رولا عالمشفى لعند قصي وخبرتو إنو مافي أخبار عن غسق وصارت تحكي قدامو إنو غسق هربت ووطت راس العيلة بعدين إتذكرت حكي الدكتور إنو قصي بدو رعاية وسكتت....

فجر إياد سافروا برات البلد وأحمد ضل بالبلد بس قرر يخفف زيارات لعند وشق ومراد كان هو وآلاء يلي ينزلوا يأمنوا طلبات البيت ووشق يضل قاعد بالبيت لأن خايف غسق تهرب وميشو عم تداري غسق بعيونها......
مراد: والله يا آلاء هي أول مرة بنت بتأثر هيك عالكابتن
آلاء: إي عنجد وأنا ملاحظة وميشو حاسة بهالشي بس على فكرة تأثيرها عالكل مو بس على الكابتن
مراد: صح والله أنا حسيتها متل أختي الصغيرة بس وشق كتير عم يعصب عليها
آلاء: صح بس هي عنيدة كتير وإنت بتعرف أديش الكابتن بيكره العند
مراد: تعالي هلأ نجيب غدا ونروح عالبيت الله يسترنا من الفلم يلي بدو يصير
آلاء: ههههههه بس حلوين وهنن عم يتخانقوا
مراد: إي والله
أخدوا غدا وراحوا عالبيت وميشو وآلاء فاتوا يجهزوا الأكل ووشق ومراد بالصالون عم يحكوا
مراد: وشق مشان الله خف عالبنت شوي هلأ كلو بالهدى بيصير
وشق: لك هي عنيدة مابيمشي معها شي
مراد: طيب إنت روق
غسق كانت بالغرفة وبلشت تشم ريحة الأكل وهي من مبارح مو أكلة
غسق: يمممممممم ياالله ريحة فروج بروستد يمي هاد نقطة ضعفي ياالله عصافير بطني عاملين إحتجاج وصاروا ياكلوا بعضهن شو بدي أعمل مابقدر إكسر قدامو وإطلع أكل لازم ضل ثابتة عند موقفي خلص غسق شو صرلك متل الولاد الصغار بس والله جوعانة ييييي علينا إفففففف....
فجأة بيندق الباب وبتفوت ميشو
ميشو: يلا ياقلب الأكل جاهز
غسق: مابدي أكل أنا حكيت شرطي
ميشو: الله يخليكي لا تصعبي الموضوع
غسق: هاد يلي عندي
ميشو: إذا ما أكلتي أنا مارح أكل
غسق: هاد يلي عندي مارح حط لقمة بتمي بهاد البيت
فاتت آلاء لعند الصبايا
آلاء: شو صار معكن يلا
ميشو: ماعم ترضى تقوم
آلاء: غسق يلا حبيبتي مشان الله هلأ بيعصب وشق
غسق: إي يعصب شو أعملو
ميشو: يا غسق إنتي مابتعرفي وش وشق التاني لا تستفزيه ياعمري
غسق: يلي بيطلع بإيدو يعملو
آلاء: إي ميشو والحل
ميشو: والله عجزت كمان إنتي كتير صعبة يا غسق
غسق: والله خاطفني وحاططني عندو وبدو ياني أكل وأشرب وعيش حياة طبيعية
آلاء: غسق بيكفي بقا الكابتن عم يساعدك وإنتي ماعم تقدري
غسق: لا بالله أي مساعدة إذا مفكرني من البنات يلي ببالو بيكون غلطان أنا لحمي مر
وشق من الصالون شو صار معكن صبايا خلصونا برد الأكل
ميشو: يلا حبيبتي قومي
غسق: مابدي
آلاء: متل مابدك بس نحنا مارح ندخل
غسق: .........
طلعوا الصبايا من الغرفة ووشهن ماعم يتفسر سألهن وشق عن غسق بس سكتوا
وشق: إي وبعدين شو صار معكن
ميشو وآلاء: ..........
وشق: مابدها تاكل ماهيك
ميشو: وحياتي عندك إتركها على راحتها
هون غسق قامت بسرعة قفلت الباب ورجعت قعدت وهي متوترة
مراد: إهدى وشق
وشق: لك أنا مالي فهمان حدى بيصحلو يطلع من الشارع والقرف وبيصير يرفس وهي الصبايا قاعدين بس لراحتها وهي متل الحيط شو بدها يعني بعدوا هيك من وشي
مراد: وشق بالهدى الله يجبرك
ميشو وآلاء: روق الله يوفقك
دق وشق الباب بس غسق ماعم ترد رجع دق وفتح بس الباب كان مقفول
وشق: إذا مافتحتي الباب هلأ رح تندمي والله يا غسق
غسق: روح من وشي أحسنلك
مراد: بعد خليني أنا حاكيها
وشق: لأ خلص ماعاد في حكي إفتحي الباب عم إحكي
غسق: مابدي
وشق: أكيد هاد آخر كلام عندك
غسق: إي إستاذ جورج قرداحي
وشق: وعم تنكتي كمان هلأ بنشوف شباب يلا خلص شغلكن هون
ميشو: شو قصدك يعني نروح
وشق: إي
ميشو: بس يا وشق
وشق: ميشو خلص
مراد شاف وشق معصب أخد الصبايا وإنسحب بس وصى وشق إنو يهدى....ميشو طلعت وهي مزعوجة وخايفة على غسق
مراد: خلص إختي هي كمان زودتها خليه يربيها شوي هي طمعانة فيكن
آلاء: الله يهديها بس
ميشو: .........
رجع وشق يدق الباب بس غسق ماعم تفتح
وشق: ليكي هلأ ضلينا لحالنا رح حاول معك لأخر مرة إفتحي الباب يلا غسق
غسق: مابدي روح من هون
وشق: إنتي يلي جنيتي على حالك غسق.................................
يتبع.............

نار الغيرة

الجزء الخامس :
خلع وشق الباب وفات لعند غسق مو شايف قدامو من العصبية وهي وقت شافتو خافت كتير وحاولت تهرب من الغرفة بس كان أسرع منها وأقوى منها مسكها وزتها لجوا الغرفة وهي خبطت بالأرض وتوجعت كتير إجى لعندها وقفها على رجليها وضربها كف رماها عالتخت وهي عم تعيط وتبكي وتنادي لميشو بس مافي فايدة قعد فوقها وثبت إيديها وهي عم تحاول تقاتلو.......
وشق: عاملة فيها شاطرة والله لربيكي
غسق: لك بعد عني يا ميشووووو
وشق: ههههههه مافي غيرنا بالبيت يا حلوة
غسق: ياالله ياالله لك بعد عني يا عديم الأدب
وشق: شيلي هالحجاب لشوف
غسق: لاااااااااا لااااااااااا
شال وشق الحجاب وإنفرد شعرها لغسق متل الحرير على وشها وعالتخت وكانت جاية أشعة الشمس عالتخت وصار يلمع شعرها متل الدهب وشق وقت شاف هالمنظر إنصعق وصار يتأمل شعرها وريحة شعرها يلي عم تطلع على أنفو وشايف عيونها كيف عم يلمعوا من الشمس وهنن كلهن دموع للحظة فقد السيطرة على حالو وصار يقرب يشم شعرها ورقبتها وهي عم تعيط وتستنجد.......
غسق: مشان الله وقف خلص بعمل يلي بدك ياه بس بعد
ووشق مو حاسس بشي متل المخدر
غسق: ياربي مشان الله إحميني يارب إنت بتعرف إني صاينة نفسي طاعة إلك
ونمر بلش يحط شفافو على رقبتها ويطلع بإتجاه شعرها ووشها وهو ماعم يحس إنو غسق رجع ينزف أنفها وتكز على سنانها فكرها هديت فتح عيونو وشافها كيف مبلشة تتشنج صحي على حالو وبعد عنها وصار يضرب على راسو ويلوم حالو
وشق: لك أنا شو عملت لك أنا مجنون كيف هيك بضعف وين الأبرة يلي أخدتها من فارس
جاب الأبرة وعطاها لغسق بكتفها وبعد ثواني غسق هديت ونامت رفعها عالتخت منيح وقعد عم يتأملها حاول يغطيلها شعرها بس ماقدر لأن شعرها طويل كتير قعد شوي يحاكي حالو.....
وشق: لك شو هالسر يلي فيكي فهميني بلحظة بتخليني جن وعصب وبلحظة بهدى بيصير متل المخدر بين إيديكي شو هالسر هاد مافي وحدة قدرت قبلك هيك تخربطني إطلعي من راسي إطلعي إنتي مجرد مهمة عندي ولازم قوم فيها على أكمل وجه.....
طلع وشق لبرى وهو كتير معصب من يلي صار مو عارف شو يساوي فجأة بيتذكر ميشو وبيدق لعندها ..........
وشق: إي ميشو تعالي لعندي بسرعة عالبيت لحالك
ميشو: خير صاير شي مع غسق
وشق: هلأ تعالي عم إستناكي
قعد شوي بالصالون إندق الباب قام فتح كانت ميشو فاتت بسرعة
ميشو: قلي شوفي
وشق: غسق تعبت وإضطريت أعطيها الأبرة
ميشو: شو بس هيك ما بيسوى هي تاني إبرة اليوم
وشق: مابعرف ماكان في قدامي حل تاني
فاتت ميشو عالغرفة وشافت كيف المكان كأنو حلبة مصارعة والباب مخلوع ركضت عالتخت وشافت غسق كيف شعرها ومنظرها فكرت إنو وشق عامل معها شي وطلعت لعندو معصبة كتير.....
ميشو: لك إنت شو عامل هاد يلي بيثق فيك
وشق: ...........
ميشو: لك لو أول مرة بقول إنك ضعفت بس إنت متعود ومو إنت يلي بتضعف قدام إنثى بيوقفوا قدامك ملكات جمال مابتعبرهن أنا بعرف إنو غسق أجمل وأرق بنت مرت علينا بس شو إختلف هلأ ولا لأنو ضربتك فحبيت تنتقم
وشق: مابعرف شو عم يصرلي قدام هالبنت ياميشو تأثيرها كبير علي
ميشو: بتقوم........بتقوم.......لك هي طفلة كيف طاوعك قلبك
وشق: لحظة شو قصدك عن شو عم تحكي لتكوني مفكرة إنو
ميشو: لك لكن شووو
وشق: لأ إنتبهي ماعملت شي بس كنت عم خوفها وشلت الحجاب عن راسها قلت بتعقل شوي
ميشو: إنت متأكد
وشق: ميشو إنتي بتعرفيني منيح حتى دقيتلك مشان بس تصحى تلاقيكي جنبها
ميشو: آآآآآه الحمد لله
وشق: مجنونة شو شايفتيني بعدين أنا لازم إنزل شوي من البيت بدي مر عالنادي صرلي يومين ما طليت عالشباب
هديت ميشو لما تأكدت إنو وشق مو أذي غسق هي بتعرفو لوشق بس كمان بتعرف إنو غسق فيها سر مو طبيعي عم يجذب الكل إلها قامت ضبت البيت بعد مانزل وشق إستنت ساعتين وراحت عملت كاسة عصير وفاتت لعند غسق.....
ميشو: غسق ياعمري فيقي
غسق: ........
ميشو: سوسو يلا فتحي هالنجوم يلي بوشك
غسق: .......
ميشو صارت تلحمس على شعر غسق وتفيقها لحتى صحيت غسق بس هي متذكرة أخر شي صار معها لذلك أول مافتحت عيونها إرتعبت وصارت تبكي وتعيط
ميشو: إهدي حبيبتي هي أنا ميشو
غسق: ميشو هي إنتي مشان الله طلعيني من هون ببوس إيدك
ميشو: خلص إهدي هلأ قومي شربي العصير
غسق: بدي حجابي وينو
ميشو: مافي حدى بالبيت ياقلبي وشق نزل وبدو وقت ليجي
غسق: إنتي ماشفتيه كيف......كيف كان متل الوحش صار يضربني ويفك حجابي
وصارت غسق تبكي بصوت عالي وتشهق
ميشو: طولي بالك خلص روقي ياعمري
غسق: خليكي جنبي
ميشو: أكيد من دون ماتحكي
غسق: هربيني من هون الله يوفقك
ميشو: والله مابقدر ياعمري بترضي أنو وشق يأذيني
سكتت غسق لأن هي مابدها ميشو تتأذى لأنو خلص حبتها كتير وغسق بالأساس فاقدة لحنان إخواتها البنات

ميشو: شو سمعانة صوت بطنك عم ينادي
غسق: آآه لأ مافي شي مو مني
ميشو: إنتي جوعانة ما
غسق: لأ أبداً
ميشو: شو رأيك تجي تقعدي معي بالمطبخ لأن أنا لسا ما أكلت
غسق: لأ مابدي بخاف يجي
ميشو: وشق هلأ مابيرجع لل12 بليل
غسق: طيب بس أنا مابدي أكل
ميشو: إي إي بس كوني جنبي
راحوا عالمطبخ وميشو طلعت الفروج مشان تسخنو بالماكيريف وغسق وقت شمت الريحة ورد وشها كلو وميشو عاملة حالها مو شايفة
ميشو: ممممممم شو طيبين ريحتهن بتاخد العقل
غسق: .........
ميشو: ياالله غسق شوفي شو طري
غسق: عنجد لساتهن طراية
ميشو: إي والله وليكي في بطاطا مقلية وسلطة روسية
غسق صاروا عيونها متل القلوب وماعاد قدرت تكابر أكتر من هيك
غسق: ميشو مابتخبريه إني أكلت
ميشو: ههههههههه لأ تعالي يلا
قربت غسق وصارت تاكل وتاكل وميشو مبسوطة فيها قد الدنيا وشايفة براءتها يلي مرسومة على وشها وعيونها ضلت غسق تاكل لحتى شبعت عالخالص وقامت غسلت وضبت هي وميشو الأغراض وبعدين غلت ميشو قهوة وقعدوا يشربوا
ميشو: إي غسق إحكيلي عن حالك شو بتحبي أكتر شي
غسق: بحب بابا وأهلي
ميشو: إي وغيرهن
غسق: بحبك إنتي لأنك منيحة معي
ميشو: وأنا بحبك كمان وشو كمان بتحبي
غسق: بحب الألعاب كتير والأكلات الطيبة
ميشو: حلو يعني بتحبي الألعاب
غسق: كتير كتير
ميشو: طيب إحكيلي مين إنتي
غسق: أنا بكون بنت......
وفجأة إنفتح باب البيت ودخل وشق وهون غسق صارت ترجف وخافت وميشو عم تهديها دخل وشق عالغرفة بس مالقى حدى خاف تكون غسق مغافلة ميشو وهربانة نادى بصوت عالي على ميشو قام إجى الرد من المطبخ.....
ميشو: إي وشق نحنا هون بالمطبخ
هون وشق هدي وكان عم يستنى لحتى ميشو تخبرو إنو يدخل عالمطبخ لأن فكر إنو غسق شايلة الحجاب وبيكون عم يتذكر منظر شعرها كيف كان ويبتسم صار يهز راسو لحتى يطلع هالأفكار منو طلعت ميشو لعندو لقتو عم يحرك راسو يمين ويسار
ميشو: شو وشق فيك شي ليش مافتت
وشق: آآه لأ بس مشان تلبس حجابها
ميشو: إي فوت أساساً من وقت فاقت لابستو
وشق: إممممممم حلو.......ليكي جبت معي عشا إنتي كلي معها وأنا بدبر حالي بالصالون
ميشو: لأ فوت إنت هلأ باكل أنا وياك
وشق: ليش كمان مابدها تاكل ياربي شو هالمصيبة
ميشو: ليك رح خبرك بس ما بتعمل حالك عرفان أبداً
وشق: إي إحكي لا تخافي
ميشو: خليتها تاكل بس هي مابدها ياك تعرف لا تلومها هي لسا مابتعرفك
وشق: بالله عليكي إي خلص مو مشكلة فرحتيني
ميشو: يلا فوت بس متل ما إتفقنا
دخلوا على المطبخ ووشق عم يطلع بغسق ومتردد من الشي يلي صار وغسق وقت شافتو تلبكت وصارت بدها ترجع عالغرفة
غسق: ميشو أنا بالغرفة
وشق: مابدك تاكلي يعني
غسق: ناطرتك ميشو
ميشو: ماشي حبيبتي
وشق: هيه يابنت عم إحكي معك
غسق: إحترم حالك أحسنلك
وشق: لاحول ولا قوة إلا بالله يعني إنتي متعودة عالضرب والإهانة
هون غسق غصت وحبست دموعها والكلمة بصدرها لأن هي بعمرها ماحدى مد إيدو عليها أو هانها شاف وشق كيف الدموع إتجمعوا بعيونها قام تركها تروح وميشو لامتو على كلامو ولحقتها لغسق دخلت عالغرفة وشافت غسق عم تبكي بحرقة قلب
ميشو: بس حبيبتي الله يوفقك والله وشق مو قاصد يجرحك
غسق: لك عم يحكي معي كلام أنا بعمري ماحدى إتجرأ وحاكاني هيك شي بقلي وسخة وترباية شوارع وشي بشلحني العباية والحجاب وبقلي لا تنجسيهن وشي بقلي ما إنتي متعودة عالوساخة لك مين مفكر حالو لك مابيعرف مين أنا والله مارح سامحو.......هاد كلو ووشق واقف برا عم يسمع حديثها ومتعجب من أمر هالبنت ضلت ميشو جنب غسق لحتى هديت وبعدين طلعت لعند وشق شافتو قاعد بالمطبخ وحاطط إيدو على راسو
ميشو: وشق إنت منيح
وشق: آآآآآه ياميشو والله راسي رح يفجر مابعرف هالبنت شتت أفكاري كلها
ميشو: .........
وشق: لك ماعم إفهمها ليش هيك عم تعاند وتجائر وبنفس الوقت بس إحكي معها بتصير متل الطفلة كلها براءة وعم تبكي لك ميشو قليلي شو عم يصير لك أنا بعمرو مافي بنت خربطتني هيك خبريني راسي رح ينفجر
ميشو: يا وشق طول بالك عليها لازم تستوعبها شوي هي الوضع جديد عليها كمان ماصرلها يومين
وشق: بس إنتي بتعرفي بالعادة أبداً ما بنواجه متل هيك شي
ميشو: إنت كمان مخنوق لأن مو متعود على كلمة لأ أو تجي بنت تقلك لأ
وشق: لك آآآآآه تعالي خلينا ناكل ونقوم نرتاح
خلصوا أكل وقاموا وهنن داخلين عالصالون سمعوا صوت غسق عم تقرأ قرأن بصوت مسموع شوي إتطلع وشق عالغرفة وشافها عم تصلي
وشق: شرفي وكمان شو عرفها بالصلاة والقرأن بتعرف مواقيت الفروض والسنن كلها تقولي ساعة
ميشو: والله مابعرف
وشق: ليكي ميشو إنتي شوفيها إذا محتاجة شي وخبريني
ميشو: هاد يا سيدي اليوم عرفتلك شغلة

وشق: شو هيه
ميشو: غسق كتير بتحب الألعاب والأكلات الطيبة
وشق: بالله مع إنو بعمرها بيكون إهتمامهن غير مجلات وأغاني وهي القصص
ميشو: متل ماعم قلك بكرة جبلك تشكيلة
وشق: إذا هالشي بهديها مو مشكلة
فاتوا كل مين لحتى يناموا وغسق مجافيها النوم عم تفكر بحال أبوها وأهلها وتحاول تتذكر شو صار معها بهديك الليلة......عند قصي كان عم يستنى ساعات الصبح بالدقيقة مشان يطلع من المشفى ويبلغ عن بنتو ورولا عم تحاول تلاقي طريقة مشان تمنع زوجها يقدم بلاغ بحجة الفضيحة........آية وعبد كانوا نايميين أما هبة فكانت عم تحكي مع أحمد وتسمع أخر المستجدات.
هبة: إي طمني شو صار عند رفيقك
أحمد: والله على هوى ماشفت إختك كتير عنيدة وصعبة وصاحبي بيكره العند ومابيتعاند أبداً فمقضينها خناق وضرب عم تاكل قتل وتفرق
هبة: ههههههه معلش بستاهل مدللة أبوها
أحمد: هلأ خلينا بالمهم إيمت بدي إخطبك متل ما إتفقنا
هبة: هلأ طول بالك لتهدى القصة شوي بعدين لسا بدي كمل شغلي مشان خلي أبي مايقدم بلاغ
أحمد: إي تمام إنتبهي كلو إلا الشرطة....وبس ماتطول هالقصة
هبة: بدها شهر زمان إجباري
أحمد: ياالله والله كتير هيك
هبة: بس أحمد إصبر شوي أنا وعدتك كون إلك وأنا عند كلامي
أحمد: ماشي ياقلبي
من الصبح بكير فاقوا الكل غسق ميشو ووشق كان بالأساس فايق ماقدر ينام حاسس حالو كتير مخربط
غسق فاتت عالحمام توضت وطلعت وهي عم تلبس صارت تحاكي ميشو......
غسق: ميشو بدي إسألك
ميشو: إي عمري إسألي
غسق: مبارح سألتيني إذا لازمني شي
ميشو: إي قلبي طلبي
غسق: بدي مصحف وطقم صلاة
ميشو: آآآآآآه إي تكرمي
غسق: الله يكرمك
وشق: شو ياميشو لسا مافقتو
ميشو: يلا جاية لعندك......يلا عمري خلصي وتعالي نشرب قهوة
غسق: مابدي رح ضل هون
ميشو: يلا مشاني حبابة
غسق: .......
طلعت ميشو من الغرفة وراحت عالمطبخ تعمل قهوة بس إتفاجأة إنو وشق محضر الفطور والسفرة منظرها بيشهي
ميشو: إي شو هاد ياعمي شو هالدلال كلو
وشق: ههههههه يلا نادي لغسق
ميشو: غسق عم تصلي آه صحي وصتني على غرض
وشق: إي شو بدها خبريني
ميشو: طول بالك شبك بعدين ليش هيك وشك تعبان شو مالك نايم
وشق: هلأ تتركك مني شو بدها غسق
ميشو: بدها مصحف وطقم صلاة
وشق: آآآآآه.....إي تمام اليوم بيكونوا عندها
ميشو: ماشي
خلصت غسق صلاة وطلعت من الغرفة صارت تنادي لميشو
ميشو: إي عمري نحنا بالمطبخ
فاتت غسق عالمطبخ وشافت طاولة الفطور فحاولت تنسحب بس ميشو مسكتها من إيدها وقعدتها وغسق مترددة بلشوا أكل وغسق عم تاكل على مهلها وكل لقمة بغصة خلصوا أكلهن وقامت ميشو تضب الأكل وغسق إنتبهت إنو وشق عم يتأملها وقت إجت عيونهن بعيون بعض إبتسم وشق لغسق بس هي زورتو وقامت وهو كل مالو عم يتعجب من أمر هالبنت.......قصي إتخرج من المشفى وطلع عالبيت وكانت العيلة كلها بإنتظارو وهو بس فات عالبيت وشاف ولادو وماشاف غسق بالبيت ولا سمع ضحكتها يلي كانت معبية البيت حس بحيلو إنهد وقعد عالكرسي ركضوا جابوا مي لحتى شرب أبوهن وهدي وبس ركن جسمو شوي خبر رولا مشان تجبلو التلفون لأن بدو يحاكي رفيقو يلي بالخابرات ويخبرو بيلي صار مشان يطلع فرق بحث عن غسق بس رولا كان إلها رأي تاني.....
رولا: قصي أنا مارح إسمح لشي إنو يدمر سمعة العيلة
قصي: شو قصدك لك البنت صرلها 3 أيام مو مبينة
رولا: إنت فهمها بنتك هربت صرلها 3 أيام وماحدى دق طلب فدية أو بنتك رجعت لأ وكمان معها المصاري شغلة مابدها شرح
قصي: بس أنا مالازم إسكت لازم لاقيها
رولا: قصي فكر ببناتك بكرة إذا عرفوا الناس بناتك رح يطلع عليهن حكي
قصي: لك أنا يلي بيهمني لاقي غسق
رولا: وأنا بيهمني سمعة عيلتي وبناتي
قصي: يعني شو بدنا نساوي هلأ
رولا: ولا شي مو هيه إختارت تتركنا خلص بيكيفها وإذا حدى سأل عنها بنقول هي عند أخي برات البلد وهيك بنسكت الكل
هبة: بابا....ماما أنا في عندي شي
رولا: شوفي إحكي
هبة: بس بتوعديني تهدي
رولا: إحكي فرطتت أعصابي
هبة: الصبح وأنا عم ضب وأشطف البيت لقيت رسالة تحت باب البيت
قصي: رسالة شو هاتي بسرعة
عطت هبة الرسالة لأبوها والكل قاموا يشوفوا شوفي بالرسالة وهبة وقفت على جنب عم تبتسم قصي قرأ الرسالة وتعب ماعاد قدر يحكي أخدت رولا الرسالة وصارت تقرأ بصوت عالي.......
رولا: أبي الغالي وأمي الغالية بتمنى ما تزعلوا مني أو تغضبوا علي بس أنا إخترت طريقي يلي بدي إمشي فيه وإخترت الشخص يلي بدي كمل معو حياتي وهو إنسان كتير حنون ومحترم بتمنى ماتدوروا علي وتعيشوا حياتكن بشكل طبيعي من دوني بابا سامحني لأني خبيت عليك بس هيك موضوع ما بينحكى فيه وبتمنى تسامحوني بالمصاري رح نحاول نبلش فيها حياة جديدة برات البلد وبس تلاقوا هي الرسالة نحنا رح نكون بالبلد الجديد سامحوني والزمن بيداوي أكبر جرح بنتكن غسق......

آية: لأ مو معقول أبداً مشان هيك ياهبة كنتي متوترة من الصبح
هبة: والله ماكنت مقررة طلعها بس خفت الوضع يتأزم وننفضح قدام الكل
رولا: لك الله لا يسامحها الله لا يوفقها
قصي: لأ......مستحيل هاد مو حكي بنتي غسق مستحيل هيك تعمل
رولا: مشان الله يا زلمة هاد أخرت الدلال لأ بتعمل أضرب من هيك
قصي: آآآآآآه ياربي لا إعتراض على قضائك يارب إنهد حيلي
عبد: لا حول ولا قوة إلا بالله
قام قصي فات على غرفتو وإتسطح فيها وهو عم يفكر ويتذكر بنتو كيف بنفس اليوم خبرتو إنها مابتتخيل حياتها بدونو وعم يحاول يكذب الشي يلي قرأو بالرسالة.......وشق جاب لغسق المصحف وطقم الصلاة يلي طلبتهن وعم يحاول يتصرف معها بلطف وميشو ملازمتهن بالبيت وشايفة كيف وشق عم يحاول بشتى الوسائل إنو يلطف الجو مع غسق بس ماعم ينجح ومراد بيجي بيقضي النهار مع الشلة بالبيت والمسا بيروح ويا بياخد ميشو وبتضل آلاء مع غسق يا أما العكس ومضت الأيام وعيلة غسق بلشت تطلع من صدمة هروب غسق من البيت ويرجعوا لحياتهن ما عدا قصي يلي ماعم يقدر يتجاوز الموضوع وغسق بلشت تتأقلم على روتينها الجديد مع وشق والشلة وكل ما تحاول تحكي عن حالها شي ماحدى بيصدقها لذلك ماعاد جابت سيرة وسلمت أمرها لله لأن ممنوع تطلع من البيت ودايماً الباب مقفول........وشق كل مالو عم يتعلق فيها وعم يخبي هالمشاعر كلها جواه وبيحس بأعاصير إجتاحت كيانو ومشاعرو كل ما عيونو بيلتقو بعيونها حاول كتير إنو يكرهها أو يطلعها من راسو بس هي أول مرة وشق بيفشل بشي بحياتو برغم صغر عمرها لغسق وهاد الشي يلي متعجب منو وشق وماحدى منتبه عليه إلا ميشو وبتحاول تساعدو بأنو دايماً تذكر محاسنو قدام غسق بس آآآآآه ياغسق هي بتكون تفكيرها كلو بأبوها وأهلها وما بتكون منتبها على كل هالأمور......مضى شهر على هالوضع والكل هون صار ينتبه على حرص وشق على غسق وغيرتو عليها بس هو مو راضي يعترف وعم يتعذب لحالو ويحس حالو متل العطشان يلي صرلو سنين عم يدور على مين يرويه وبالأخر هالشخص قدامو وبنفس الوقت كتير بعيد كتير كتير......قربت رجعة خلدون من السفر ووشق بهالوقت كان عندو تجهيز لبطولة كبيرة وميشو بالبيت مع غسق وبيوم البطولة راح وشق هو ومراد عالنادي وميشو نزلت مشان تجيب لوازم البيت وإضطروا يتركوا غسق لوحدها بالبيت وقفلوا الباب مشان ماتهرب....... قامت غسق وهي ضجرانة وقررت تبلش تنضيف بالبيت بلشت بالتنضيف وضلت طول النهار لحتى إجى المسا خلصت شغل فاتت إتحممت وطلعت قعدت تقرأ قرأن لبين ماتجي ميشو....... بهاد الوقت كان وشق خالص البطولة وربحان المركز الأول وما عاطي سعادتو لحدى وحب إنو يرجع عالبيت يعمل مفاجأة لغسق حكى مع ميشو مشان يتأكد إنها وصلت عالبيت.......
وشق: شو ميشو وصلتي
ميشو: ربع ساعة وبكون هنيك
وشق: معناها لبين ما وصل بتكوني صرتي هنيك
ميشو: تمام
فات وشق عالنادي إتحمم وطلع ركب سيارتو وراح على أكبر محل ألعاب وأخد تشكيلة ألعاب كاملة وأخد أكلات طيبة وطلع......هون ميشو كانت راجعة عالبيت بس بالطريق شافت رفيقتها يلي صرلها مدة مو شايفتها بحكم ملازمتها لغسق وراحوا قعدوا بالكافيه يحكوا وميشو إلتهت عن موضوع الرجعة عالبيت وصل وشق عالبيت فتح الباب وإستغرب إنو لسا مقفول فات لجوا وشم ريحة المعطرات وشاف كلشي نضيف مع إنو البيت كان نضيف بس غسق كانت معزلة تعزيل كامل سمعت غسق صوت الباب وإنبسطت لأن صرلها من الصبح لحالها وقامت وهون وشق صار ينادي لميشو.......
غسق: ميشو لسا مارجعت
بس وقت شافت وشق شو جايب نسيت كلشي شافت كياس الألعاب والأكلات الطيبة ونسيت حالها ركضت أخدت الألعاب وصارت تتفرج عليهن وتضحك بصوت عالي ماعاد وعيت على حالها وقفت وفجأة حضنت وشق بقوة وهي فرحانة ووشق إنصدم وماعاد عرف يحكي إحساس غريب إتسلل لقلبو رعشة قوية لامست جسمو ماحس على حالو هو كمان إلا وعم يبادلها الحضن ويضمها بقوة ويفضي كل الشوق والحنين يلي جواتو بهالحضن لدرجة كان رح يفتح ضلاعو ويحطها جوا.....هي فاقدة لحنان أبوها ومحتاجة حضن دافي وهو من وقت شافها وكيانو كلو مخربط ضلوا أكتر من دقيقة حاضنين بعض وهو عم يشم ريحتها ويحاول يكسب من ريحتها قبل ما تبعد صحيت غسق على حالها ونقزت بقوة وقت سمعتو عم يقول لا تبعدي بترجاكي غسق خليكي وصارت تحاول تبعد بس وشق كان حاضنها بقوة غريبة ضلت تحاول لحتى بالأخر حكت بصوت يا دوب مسموع.......
غسق: بترجاك بعد أنا أسفة نسيت حالي
وشق: .........
غسق: بترجاك بعد
وشق: آآه إي عفواً بعتذر منك
غسق: لأ أنا الغلطانة
وشق: لا مو مشكلة يظهر كنا بحاجة هالشي
سكتت غسق وهي خجلانة من يلي صار وتذكرت الألعاب
غسق: هدول الألعاب لمين

وشق: ههههههه إحزري
غسق: عجزت
وشق: هدول إلك
غسق: ليش إلي
وشق: اليوم أنا ربحت بالبطولة وقررت وزع هدايا عالكل وإنتي واحد من الكل
غسق: لأ أنا مو واحد من الكل إنتوا إلكن حياتكن وأنا إلي حياتي
وشق بقلبو لك إنتي مو من الكل إنتي حبيبة وشق وروحو وكيانو وكلشي حلو صار معي ومستعد إفديكي بروحي وبمالي وبالدنيا كلها
وشق: متل مابدك بس بكرة غمضي عين فتحي عين بتصيري منا
غسق: ليش إنتوا هيك إجتمعتوا
وشق: إي أغلبنا
غسق: حتى ميشو
وشق: لأ ميشو إلها أهل حتى مراد أخوها وأمها بكرة مع الأيام بتتعرفي عليها
غسق: يعني في بنات بالبيت هون غيري
وشق: هلأ لأ بس كان في وكل وحدة راحت بطريقها
غسق: كيف يعني
وشق: تزوجت مثلاً
غسق: أمممممم فهمت عليك
وشق بقلبو أكيد فهمتي لك برائتك عم تقتلني
وشق: هههههه إي تمام كأنو تأخرت ميشو
غسق: .........
وشق:غسقي عم حاكيكي
بهالحظة رجفت غسق وقت سمعت إسمها لأن مافي حدى بناديلها هيك غير أبوها
غسق: ش.....شو قلت
وشق: عم قلك تاخرت ميشو
غسق: إي.....إي هلأ بتجي
وقامت أخدت الأغراض وفاتت عالغرفة وشق إستغرب من تصرفها بس فكرها لسا خجلانة من يلي صار قبل شوي وقعد يحكي ع حالو...
لك إنتي شو عملتي بكياني وفوق هاد كلو بتجي وبتزلزلي هدوئي وسكينتي بجمالك وبرائتك والرقة يلي فيكي شو سرك ياغسق لحتى إنتي من بين الكل سيطرتي على قلبي وعقلي شلون بدي إكرهك لك شلون بدي طلعك من راسي وقلبي إي وشق إعترف إنت بتحبها لغسق مو بتحبها بس بتعشقها كمان بتعشق برائتها وكلشي فيها آآآآآآه ياغسق شو عملتي.......هون دخلت ميشو وشافت وشق قاعد صارت تحاكيه وتعتذر عالتأخير بس وشق كان شارد.....
ميشو: بسم الله عليك شبك وشق
وشق: ........
ميشو: وشششششق
وشق: إي ميشو إيمت وصلتي
ميشو: صرلي دقيقتين والله مو بإيدي تأخرت
وشق: مو مشكلة
ميشو: وينها غسق
وشق: بالغرفة هههههه طاير عقلها
ميشو: بالله من شو
وشق: روحي شوفي
فاتت ميشو عالغرفة وشافت غسق فاردة الألعاب وعم تلعب فيهن
ميشو: ياعمري هدول كلهن إلك
غسق: إي جبلي ياهن وشق بس إذا بدك خدي منهن
ميشو إنتبهت إنو غسق كتير فرحانة إنبسطت وطلعت لقت وشق عم يحكي بالتلفون تركتو لخلص وحكت
ميشو: يسلم إيديك شوف أديش فرحانة
وشق: شفتها لسا هلأ بدها تفرح زيادة
ميشو: ليش شوفي
وشق: بدنا نطلع نتعشى برا ورح أخدها معي
ميشو: إنت متأكد والله لسا بينخاف إنها تهرب
وشق: لا تاكلي هم هي معي
دخل وشق وميشو لعند غسق عالغرفة وشافها كيف عم تلعب بالألعاب وبلحظتها كان متمني يركض لعندها ويخبيها جوات قلبو ماحدى يشوفها أو يأذيها
غسق: في شي
وشق: عندي مفاجأة بس بالأول بدك توعديني ماتعذبيني
غسق: شو قلي
وشق: بالأول وعديني
غسق: بوعدك
وشق: قومي إلبسي رح نطلع نتعشا برا
غسق: أمانة قول والله ماعم تمزح
وشق: والله حتى ميشو وألاء ومراد جايين معنا
غسق: ياالله ماشي عشر دقايق وبكون جاهزة
ميشو: بس إلبسي منيح برا برد ويمكن تنزل المطر
غسق: مو مشكلة
طلعوا لبرا عم يستنوا باقي الشلة ليوصلوا وغسق لتخلص بهالوقت وشق خبر ميشو إنو أحمد خطبتو بأخر الأسبوع
ميشو: عنجد ومين تعيسة هالحظ
وشق: مابعرف قال بنت تاجر معروف
ميشو: إي الله يهنيه
بعيلة قصي كان أحمد مبلش يضغط على هبة مشان موضوع الخطبة لأن مضى شهر وهو بلش يخلص صبرو وهبة من كتر الضغط فاتحت إمها بالموضوع وإنو هاد من مصلحتهن مشان الناس ما تحس إنو صاير عندهن شي
رولا: مين هو الشب ومن وين بتعرفيه
هبة: أنا مابعرفو إختو رفيقتي وخبرتني وأبوه كمان تاجر كبير
رولا: مين أبوه
هبة: هو إبن وليد ال.......
رولا: إي عرفتهن فعلاً أهلو كتير محترمين
هبة: بس شو مشان بابا إنتي بتعرفي ماعم يتجاوز قصة غسق
رولا: ما عليكي إنتي هي الفرصة مابتصح كل مرة
فرحت هبة بموافقة أمها ورولا بدورها حكت مع قصي بس قصي رافض الموضوع مشان بنتو ورولا ضغطت عليه بحجة سمعة العيلة والبنات وهو مو طالع بإيدو شي من بعد مالقوا الرسالة وبنتو مو مبينة فاضطر يوافق غصب عنو وكان عم يفكر بخطة مشان يدور على بنتو........
إجتمعت الشلة مشان يطلعوا عالمطعم وخصوصاً صرلهن زمان ماطلعوا هيك طلعة وكانت غسق طايرة من الفرح وهي بالسيارة وصلوا عالمطعم وإختاروا طاولة وقعدوا وغسق بحكم العادة شافت الملاحظات يلي عالمكان وخبرتو لوشق وهوكتير مبسوط على فرحتها طلبوا الأكل وبلشوا ياكلوا وهنن عم بحكوا عن رجعة خلدون من السفر إنو بعد إسبوع وغسق مو فهمانة شي
وشق: بس مايعمل متل أخر مرة قلي أخر الشهر ولهلأ مانزل
ميشو: لأ هالمرة أكيد نازل إن شاء الله
مراد: وإياد وفجر راجعين أخر الأسبوع
آلاء: الحمد لله رح نرجع نجتمع متل قبل
وشق: شو غسق عجبك الأكل

وغسق ملتهية عم تفكر كيف بدها تغافلهن وتهرب
وشق: غسق عم إحكي معك
غسق: آآه إي كتير طيب يسلم إيديكن
وشق: صحة وهنا
غسق: معلش قوم عالحمام
وشق: إي قومي وخدي آلاء معك
قامت غسق هي وآلاء عالحمام وخلصت غسق بالأول وقالت لآلاء إنها رح تستناها بس آلاء ماكانت متوقعة إنو غسق تهرب فاتت عالحمام وهون غسق إستغلت الفرصة وهربت برا الحمام وكان في شلة شباب من أول مادخلوا الشلة عالمطعم وهنن عم يطلعوا بغسق وقت شافوها راكضة برا المطعم قاموا وراها صارت غسق تركض بالشارع وهي خايفة والجو كتير برد والشباب راكضين وراها وهي إنتبهتلن.....طلعت آلاء من الحمام ومالقت غسق خافت كتير من يلي جايه وركضت عالطاولة وهي عم تلهت صارت تسأل عن غسق....
آلاء: مارجعت غسق لهون
وشق: كيف يعني ماكنتي معها
آلاء: لك إي بس طلعت من الحمام مالقيتها
وشق فوراً إطلع على شلة الشباب يلي كانوا قاعدين عالطاولة التانية مالقاهن فكر إنو غسق إتفقت معاهن وهربوها قام وخبر الشلة ينقسموا مجموعتين ويدوروا عالشباب ووقتها بيلاقوا غسق كان وشق وآلاء بمجموعة ومراد وميشو بمجموعة طلعوا وصاروا يدوروا بالشارع متل المجانين وهون غسق كان ويلها بدها تهرب من الشباب يلي راكضين وراها بس بدهن يلقطوها ولا بدها توصل لميشو لأن هاد الحل الأقرب إلها نسيت حتى إنها بدها تروح لعند أهلها بظل يلي هي فيه صارت تركض بسرعة وتنادي بصوت عالي لميشو وبعدين دخلت بحارة وحاصروها الشباب وهي عم تبكي وتنادي.....
مجهول: شو ياقطة لوين رايحة
غسق: بعدوا عني ياميششششششو
مجهول2: لأ عنجد خوفتينا
غسق: ياميششششو مشان الله
مجهول: حاج ماحدى رح يسمعك لذلك تعالي معنا بكيفك
بهالأثناء بيسمعوا ميشو ومراد صوت غسق وهي عم تنادي بيركضوا لمكان الصوت وبشوفوا كيف الشباب محاوطين غسق وغسق عم تبكي ومنهارة بيركضوا لعندها وببلشوا قتال مع الشباب وبتدق ميشو لوشق وبتخبرو وين هنن وبثواني كان وصلان وشق هو وآلاء بيطلع وشق على غسق وهو عيونو عم يطلعو نار وبيدخل بالقتال مع مراد وميشو وآلاء بتركض لعند غسق يلي عم ترجف من الخوف بتوقف جنبها وبتجي ميشو بتاخد غسق هي وآلاء وبيطلعوا عالسيارة وبتسوق ميشو السيارة شوي لقدام بيركب مراد بسرعة وبعدو وشق بعد ماطعموا الشباب قتلة ماينسوها بحياتهن ركبوا منيح بالسيارة وميشو عم تسوق ووشق طالع خلقو صار يطلع بغسق ويقلها......
وشق: عم تهربي مع الشباب ياحقيرة هههه وعاملة حالك شريفة ونضيفة لك أنا الغبي انا الغبي
غسق: أنا أشرف منك لا تحكي معي هيك
وشق: خرسي هلأ حسابك بالبيت والله لورجيكي وأنا يلي صدقتك وقلت إنعدلتي
ميشو: بس يا وشق
وشق: إسكتي ميشو
ميشو: لأ مابدي إسكت بدك تسمع غسق هربت بس مو مع الشباب نحنا شفنا الشباب وكانوا لاحقينها وهي عم تناديلي بصوت عالي وتركض
وشق: شلون يعني
ميشو: عم قلك يلي صار
مراد: فعلاً ياوشق غسق كانت هربانة منهن
وشق: إحكي لشوف غسق شو يلي صار
غسق عم تبكي وماقدرت ترد على حدى ووشق زادت عصبيتو بعد حكي ميشو ومراد لأن تخيل شو ممكن كان يصير بغسق لو ما لحقوها.....وصلوا عالبيت ووشق طلب من الكل يروحوا على بيوتهن وسحب غسق من إيدها وطلع لفوق فتح باب الشقة وفوت غسق لجوا وهو مو شايف قدامو وصار يعيط على غسق ويكسر بالأغراض يلي قدامو وهو بس عم يتخيل شو كان صار بالبنت الوحيدة يلي عشقها.
وشق: لك إنتي غبية لك شو ساوي فيكي
غسق: ..........
وشق: الحق علي يلي وثقت فيكي لك ماوعدتيني ماتعملي شي
غسق: حط براسك إذا بضل بعمري يوم رح أهرب من عندك
وشق: غسق لا تستفزيني ما بدي إضربك
غسق: أصلاً ماعاد تفرق إتعودت على إيدك
وشق حس حالو رح يفجر ومشان مايمد إيدو على غسق طلع من البيت وقفل الباب ونزل عالشارع صار يركض تحت المطر وهو نار وشاعلة بقلبو وغسق بالبيت عم تبكي وتلوم حالها لأن كان ممكن يصير شي كبير فيها بسبب غبائها وتتذكر كيف وشق كان عم يقاتل مشانها وشلون صرلها عندو فترة ووشق ماحاول يقرب عليها بسوء ضلت عم تبكي وتستنى لحتى يرجع وشق مشان تعتذر منو بس صارت الساعة 3 بليل ومارجع وهي كتير بالها مشغول مابتعرف ليش.....
غسق: شو صرلي ليش مشغول بالي هيك عليه يصطفل إيمت مابدو يرجع.....بس لأ الدنيا برا مطر يالله ياوشق تعال حاج.....ييييي شو صرلي أنا.....غسق عم تحاكي حالها وسمعت صوت الباب بتركض لعند الباب وبتشوف وشق كلو مي ووشو كتير تعبان بيمشي خطوة وبيوقع بالأرض غسق وقت بتشوفو بهالمنظر بتركض لعندو وبتشوف كيف حرارتو نااار بتصير بتطلع عالباب المفتوح وبترجع نظرها على وشق بتضل لحظات بعدين بتقوم بتلبس عبايتها وبتحاول تطلع بس وشق بيمسكها من رجلها وهي بتشوف بعيونو نظرة غريبة مابتقدر تفسرها أو مابخطرلها شو هالنظرة وبتفك حالها من إيدو لأن كانت قوتو خايرة وبتطلع من البيت وبتطلع على وشق وبتعتذر منو وبتروح وهون بيأيقن وشق إنو غسق خلص راحت وبيغمى عليه..........
يتبع............
أعجبني