عليهم يناموا عندا كرمال ما يبقوا ميرنا وهشام
بالبيت لوحدهم.....
بتحط راسها وبتنام وهي عم تفكر
بهشام وهالبنت الي اجت لتجننها من
الغيرة بقربها منو... بعد تقلب وتفكير
طويل... غطت بنوم عميق......
الحال عند هشام ما كان احسن.... الصراع بين
القلب والعقل... الحب والكبرياء.... شغال لأبعد الحدود
ماكان عرفان كيف بدو يرجع يتحمل.... قربها من جديد بعد الي صار...... بس مع رغم
كل هاد كان مشتقلها كتير وفرح بشوفتها كتير
وهو التاني غط بنوم عميق......
حسو الصبح ع دق ع الباب قوي... قامت ميرنا تفتح وهي عم تتاوب
ولابسة روب نوم قصير .. والكل نزل ع صوت الباب.....
ميرنا : شكلك اختصاص ازعاج
يافا بغيظ : وانتي شكلك اخدة قلة حيا
برى وعم تطبقي هون مابتعرفي تتستري
شوي.... انتي عايشة بيت في شب
ميرنا : ماتدخلي بشي مالك فيه
يافا : لا الي وكتير فوتي فوتي لبسي مشان تساعديني بالفطور
جود : اهلين خالة يافا كيفك
يافا : الحمدلله ياروحي وانتي
هشام : صباح الخير
يافا : صباح النور جبتلكن فلافل وفول
هشام : مافي داعي تعذبي حالك كانت ميرنا دبرتلنا اي شي
يافا بغيظ : ميرنا!!! اي لكن مشان
هيك جود تقبر قلبي صفيانة جلد
وعضم يعني مو مشانك
هشام : ااا اي اي ماشي
بيفطروا سوا ويافا مو طايقتها لميرنا
بعدين بتضبضب وبتنزل لعند حمزة
وبيروحوا يدورو سوا ع عيادة خاصة الها
لأن مابدا ترجع ع المشفى....
شو توقعاتكم وشو السر الي مخبيه هشام عن الكل ؟! وليش حتى يخسر جود أو يافا بسببو
والضيفة الجديدة شو حتضيف لحياتهم
ويافا غيرتها لوين رح توصلها

‏بعد يومين... بقررو الكل يعملو حفلة كمفاجاة
ليافا بمناسبة رجوعها من السفر.. بقررو
يعملوها بحديقة تحت البيت... لانها كبيرة...
وبكون الكل ملهوج ومشغول عم يحضر... وبكونو عازمين ناس كتير... بيعرفوها
لان بتحب عجقة الناس بالحفلة... __عند يافا_
بدق تلفونها ... بتلاقي المتصل جود ...
بتفتح الخط وبترد
يافا:الوو... اي جود... لوين؟... عيد ميلاد هبة؟ ...
طيب ليش ما قلتولي كنت حضرت معكم... طيب ماشي.... خلصتو ولا جيب شي معي؟... اوك اوك الساعة 7 بجي لعندكن... اي عندي فستان
سهرة ليش؟.... جود والله ما عم افهم عيد
ميلاد ليش لالبس فستان سهرة... طيب طيب
لا تعصبي ولا تزعلي ... اي تمام يلا سلام
__خلال التحضيرات_
بخلصو كلشي تحضيرات بسرعة قبل ما تجي يافا...
بعد مرور فترة من الوقت ببلشو المعازيم يجو... وبتعجق الحديقة... وابطالنا بجهزو حالهم...
بتوصل يافا وبتكون لابسة فستان طويل احمر
الو فتحة عالجنب... ومن فوق بالنص في
فتحة عالصدر... ولابسة كعب دهبي... وحاطة ميك اب ناعم بس حمرة فاقعة على لون الفستان
جود:اجت اجت يلا اتجمعو وزقفولها
بزقفو الكل الها... وبتتفاجئ يافا بالحديقة
المزينة بشكل كتير حلو وبوفيه طويلة فيها
كلشي بتلاقي... وناس كتيرة لابسين فساتين
سهرة لون احمر كمان والشباب لابسين ابيض... بقربو الكل عليها وبتقلها جود:هي كرمال رجعتك
بالسلامة حبينا نعملك مفاجاة ومنعرفك
بتحبي لون الاحمر لهيك كلنا اتفقنا نلبس هيك.. يافا بدمع:خليلي ياكن يارب ... ما كان في داعي تعذبو حالكن والله
حمزة وهبة :كم يافا عنا
يافا:هيك لكن عم تضحكو عليي وتقلولي عيد ميلاد هبة
هشام من وراها:كذبة بيضة
بتتفاجئ يافا بجمالو والابيض يلي لابقلو بشكل رهيب... يافا:مسلوقة ولا مقلية... بيضحكو الكل على خفة دمها
هشام:هاهاها بايخة
يافا:نننننن... ما طلبت رايك انا عاجبتني
بتجي ميرنا بتكون لابسة فستان قصير
كتير احمر وميك اب فاقع كتير وبتقول:هايي غايز
بتطلع يافا فيها بقرف وبتهمس :عم قول ليش كنت مبسوطة
هشام بضحكة:احم
ميرنا :عفوا؟
يافا:سلامتك
ميرنا:الله يسلمك... بيب ما قلتلي كيف طالعة؟
هشام:حلوة
يافا:يحلى وبرك
ميرنا:عفوا؟
يافا:عم قول معو حق..
‏ ‏بلشت الحفلة وكانوا مبسوطين وكل الوقت
يافا عم تنثر ع ميرنا وهشام ومنغاظة
منها لأبعد الحدود لانو ميرنا كل الحفلة
وهي دالقة حالا ع هشام وعم تتمايع عليه
بآخر قربت ميرنا من الدي جي وحطت
اغنية انتي حياتي انتي غرامي وراحت
ناح هشام.... الي كان واقف ع طرف
وعيون يافا عليها عم تقدح شرار وهي
عم تقرب منو وتتمايلو....... ميرنا : هشامو تعال نرقص
هشام بلبكة : اا انا ااا انو مابعرف ارقص
ميرنا بضحكة : سلمني حالك وما عليك انت
مسكتو من ايدو وسحبتو للنص التمو الكل
ع شكل دائرة حواليهم... والي حب
يشارك بالرقصة يسحب شريكتو ويبدأو.... وكان أولهم حمزة الي قرب من جود وعزمها
ع الرقصة وهي استجابتلو بكل حب
وخجل بنفس الوقت... اما يافا عيونها
كانت عم تنشلع وهي عم تشوف ميرنا
بحضن هشام ولافة ايديها حوالين رقبتو

وتتمايلو بخصرها الي بين ايديه .....
هشام شاف ردة فعل يافا وما همتملا
بالعكس حب يتقل العيار شد خصر
ميرنا الو وصارو لازقين ببعض تقريباً....
وعيونهم بعيون بعض وهو عم يبتسم....
صارت تحاول تلهي حالها عنهم بأي شي
طلعت تلفونها وبلشت تلعب فيه... ماقدرت رجعت طفتو... وعيونها عليهم...
رجعت فتحتو ولقطت كم صورة لجود
وحمزة وهنن عم يرقصوا.......... ورجعت سكرتو بعدها وهي عم تفرك بإيديها
---- عند حمزة وجود ----
حمزة : طالعة كتير حلووة
ابتسملتو بخجل ونزلت راسها
حمزة : ليش هيك خجلانة طلعي فيني
رجعت رفعت راسها اجت عيونهم بعيون بعض
حمزة : ريتا تقبرني هالعيون شو حلوة
جود بخجل : بيكفي حمزة سكوت
حمزة : ههههه ليش انا قادر اسكت وكل هالجمال قدامي
جود : شبك انت اليوم شو صاير معك مبلش كلام حلو ومدري شو
حمزة : يعني مو حاسة ليش
جود : لا ( طبعا هي حاسة بس عم تغشم حالها)
حمزة : طيب عم قريب كتير بتعرفي
جود : ليش مو هلأ
حمزة : هلأ بدي استمتع بهالجمال الي
قدامي واشبع منو.... قرب منها وباسها
ع جبينها وشدها الو اكتر.........
منرجع عند يافا الي لساها عم تاكل بحالها
من غيظها... وهديك الي لسا عم تتمايل
بين ايديه وهو محاوط خصرها
اما ميرنا ركت راسها بعفوية ع صدر
هشام... وهشام قام بدورو ببوسة ناعمة
ع راسها.... لتشعل قلب يافا..
قربت من الدي جي وعملت حالها عم
تسند عليه ليقع ع الارض وينكسر
ويطفى صوت الموسيقى
الكل التفت للي صار وراح ناحية يافا
حمزة : شو صار صرلك شي
يافا : لا اا بس مفكرتو خرج ينسند عليه قام وقع بسرعة
حمزة : يلا فداكي مو مشكلة
اما هون كان لسا ع وقفتو مع الكل عم يتفرج ع الي صار
ميرنا : شكلك عميانة ياروحي
يافا : لا بس من جديدة اخدة نسبة
قلة فهم أبصر مين داخل ع حياتنا
من جديد ضحكوا جود وهبة ع كلمتها
‏ ‏بتطلع فيها ميرنا بتزورها وبتدخل
هشام : كيفكن
يافا بهمس : منيح اتذكرت تسأل
حمزة : اهلين تأخرتو ولو
ميرنا بدلع : هيدا هشامو ضليت
ساعة انطرو تحت البيت
يافا بتقلد طريقة حكي ميرنا وحركات ايديها
بتحكي : له هشامو بيكونوا سحلو التلاتة
كيلو مكياج الي حاطتن ع وجهها
كتموا الكل ضحكتهم بالزور
اما ميرنا : ماجاية عبالي نتناقر اليوم
واخربلك فرحتك الا كنت بعرف ردلك 😒
يافا : ه ه ه ه
هشام : يافا دخلي جهزي حالك لحتى نطلع ع المطار
هبة : لسا في وقت
هشام : معلش ( طبعا هو مشان يبعد
ميرنا ويافا عن بعض وما تزيد القصة بينهن )
بيقوم حمزة ع المطبخ ليشرب مي لمن بيرجع
بتكون جود قاعدة عالكنبة وعم تحضر تلفزيون على مسلسل تركي ومندمجة... بيجي حمزة وبياخد الريموت
وبقلب عالاخبار.. بتجن جود
وبتصرخ:لك حمزززززة هات الريمووووت
حمزة:ماني عاطيكي... الاخبار اهم من هالفزلكات
جود:الاخبار بيعيدو
حمزة:والمسلسل كمان
جود بدلع:بربك اعطيني
حمزة:مافي
بيرجعو بيتخانقو وبقتلو بعض حتى
بياخد حمزة منها الريموت وبينتصر
بحط عالاخبار وجود قاعدة زعلانة....
هشام ويافا عم يحضرو حالهن للطلعة عالمطار
المذيعة:وردنا الان خبر عاجل ان
الطيارة الاتية من** قد وقعت في البحر
ولم يستطع كابتن الطائرة التحكم بها...
ويبدو ان سبب الوقوع هي عطل بالمحرك
ادى الى هذا... وقد وردنا ان جميع من
في الطائرة قد توفو... جود:ييي الله يرحمهم ... حرام
بتوقف يافا مصدومه وبتقول :ب ب ب با بابا
هشام:يافا شبك؟
يافا بصدمة:ب ب ب بابا بهالطيارة
هشام:لا لا مستحيل روقي يافا
بتنكب الشنتة من ايدها وبتغمى ليمسكها
هشام قبل ما تهوى عالارض.. هشام بصراخ:يافا يافا
بقومو الكل على صوتو وبساعدو يافا لتفيق... حمزة:جود جيبي مي بسرعة
بتجيب جود مي وبتحاول توعيها
بعد 5 دقايق بتوعى يافا وهيي
بعدها مصدومه وعم تبكي..... هشام:يافا اهدي
بتقوم يافا وبتصرخ والدموع مملاية
عيونها:لك شو اهداااااا لك هي طيارة
يلي جاية فيها باباااااا... ووقعت
بالبحر وماتو بتقلي اهداااا
هشام:طيب استني رح اتصل واتاكد
بتقعد يافا عالارض هيي وعم تبكي
ومنهارة.. وجود وحمزة عم يهدوها ويروقوها
‏ ‏بيعمل هشام كذا اتصال وكلهم بيأكدولو
انو مافي حدا نجى من الطائرة... كانت منهارة ع الاخر وهي عم تسمعوا
شو عم يحكي وقعت بالأرض واغمى
عليها من جديد حاولو يصحوها ماصحيت
نقلوها للمشفى ودخلت بأزمة نفسية حادة
مرقت ايام العزا... ويافا كانت بالبيت
طول الوقت لا عم تطلع ولا تفوت
وكانوا ماتت الحياة بقلبها... حاولو جهدهم
يطلعوا من الجو بس محدا قدر
بيوم الأربعين بعد ماطلع الكل من عندها.... بقي هشام تيحكي معها
هشام : يافا لايمتا رح تضلي هيك
يافا :...........
هشام : يافا احكي الله يوفقك اي شي
بس وقفي بكي نشفت دموعك من كتر

البكي صرلك من اول ما مات ماحكيتي ولا حرف
يافا:........ هشام:طيب شكلك ما بدك تشوفيني... انا رايح... هوي ورايح بيسمع صوتها
يافا:شو بدك احكي
هشام:واخيرا... بقرفص على
رجليه وبقول :يافا.... ما بصير هيك
بتضري حالك اذا كتمتي بقلبك
يافا:....... هشام:طيب انا رح احكي وانتي اسمعيني...
ما فيكي تضلي وحدك بهالبيت... العالم
بتحكي.. وانتي اكيد رح تعوزي شي...
وافترضي صار معك شي... مين بدو
يساعدك وبيتي بعيد عنك..... يافا:اي؟
هشام:يعني تجي على بيتي وتعيشي هنيك
يافا:اه والله؟ .. يعني هلا اذا جيت
عشت هنيك ما رح اخلص من حكي العالم؟... العالم ما بيرضيهن شي شو ما اعملت لهيك ما بهمني
هشام:بس
يافا:بعتقد حكينا بهالموضوع... وهلا عن
اذنك بدي اطلع ارتاح بغرفتي تعبانة كتير
تاني يوم من الصبح بيجي حمزة ومعو
هشام بيضبولها أغراضها وهي نايمة
( كان معهم مفتاح البيت)
بتفيق يافا على صوت الخزانة
وصوت الشنتة... بتلاقي هشام بالغرفة
يافا:هشام؟.. شو عم تعمل
هشام:جاية اخدك
يافا:لوين؟
هشام:عالبيت عندي
يافا:بعتقد حكينا بال
قبل ما تحكي اي كلمة بكون هشام
حاملها من اجريها ونصها على
ضهرو وهيي عم تصرخ ينزلها بس
هوي ما هتم وحطها بالسيارة بعدها
طلع حمزة حامل الشنتة حطها جنبها وقفل الباب
يافا بعجز : حتى انت
بيهزلا براسو بمعنى اي.... وراحوا فيها عالبيت
وبياخدوها لعندهن... هيك اتفقوا بين
بعضهم لأن ما بيصير تضل لوحدها
ان صار شي عليها بهالليل..... وهي مابتقدر تجادلهم اكتر
‏ ‏مر كتير من الشهور ويافا ببيت هشام
وبوجودو نسيت وجعها... ووقفة حمزة
وهبة وجود حدها كمان كانت كفيلة
انها ترجع البسمة على وجهها ويطلعوها
من الجو الكئيب... بس بالرغم من هيك
ما وقفت مناقرات مع ميرنا... كانت تغار
منها على اتفه الاشياء... كان هشام احيانا
يفرح على غيرتها عليه من ميرنا...
واحيانا يعصب على غيرة يافا التافهة...
وتكبيرها للقصة... كان دايما يفك بينهن..
و اتعود كل يوم الصبح على خناقة جديدة
بينهن.. ودايما هشام كان يحاول مع يافا
ويفهم منها ايش هيك عم تساوي و شو
سبب تصرفاتها الغريبة.. بس هيي كل مرة
بتطلع بحجة جديدة وانو منها غيرانة
بس مقهورة من تصرفات ميرنا وشكلها
يلي بيوحي كانها قاعدة لوحدها..... ..... بيوم بكون الكل سهران سوا...... بيخطر فجاة على بال جود شغلة
وبتقوم على غرفتها ... بتجيب من الدرج
اليوم صورها وهيي وصغيرة ..
بتحملهن وبتنزل لعند يافا وبتقعد حدها
جود : خالة يافا انتي ولا مرة شفتي صوري وانا وصغيرة
يافا : يسلام هاتي نشوف
جود : بس ما تضحكي شكلي كان بيضحك كتير
يافا : طيب بحاول
صارو يقلبو بالصور وهنن عم يضحكوا
ع شكلها كيف كانت معجعجة وهي
بيبي ..... وهشام قاعد جنبهم عم يشارك....
لوصلو لصورة دقرت عندها يافا
وحاولت تزيح نظرها شالتا جود ومسكتها ياها
جود : اما هي بابا وماما شوفي شو كانوا
حلوين وهنن شباب بابا ختير وبلش يطلعلو شعر شايب
يافا بتتلبك : ا ا.. اا اي كتير كانوا حلوين
صارت تحك ادنها وشعراتها وتفتل
براسها يمين وشمال وهشام حاسس عليها
بياخد الصورة منها وبحطها بالالبوم
بترجع جود بتطلع صورة تانية
كان هشام حامل عبير ( امها لجود )
وعم ببوسها من خدها وهي لافة
ايديها ورى رقبتو وعم تضحك
جود : شوفي هون كمان شو حلوين
بتعطيها الصورة ليافا
يافا عم تحاول تكتم غيرتها : اي اي كتير
جود : بابا أديه كاين وزنها لماما حتى
حاملها بحضنك بهالخفة
هشام : اا.. ا. ا... ا ممم ماني ذاكر
جود : خالة يافا مين بشبه انا ماما ولبابا اكتر.....
بترمي الصورة من ايدها وبتحكي بنتورة.... يافا : بيكفي جود خلصنا ضبيهن
بتدايق جود ومابتعرف حالها شو عملت

الجزء الثاني عشر
‏ ‏حتى زعلت منها يافا.... بتضب الصور
بحزن....وهشام عم يراقب الوضع بصمت.... بتقرب منها يافا بعد ما تصحى ع حالها....
يافا : ما تزعلي مني حبيبتي بس كان
عندي الك مفاجأة مشان هيك قلتلك
نضبهن أسفة ماكنت منتبهة انو نبرة صوتي عالية
جود : ولايهمك خالة عادي
بتقرب منها يافا بتحضنها وبتصير
تبوسها وتدغدغ فيها لتقوم هم تركد وهي عم تضحك....
يافا : حطي الألبوم فوق ولحقيني ع المطبخ روحي
جود : اي تمام
بيحضرو سهرية هي وجود وهشام
عم يختار فيلم.... ببلشوا نقل الصحون
لبرى.... بتكون بهالوقت نازلة ميرنا من
فوق كانت لابسة شورت قصير بشكل
مبالغ فيه.. وفوقو تيشرت للصرة كمان
وحفر باين جزء من صدرها.... وباين
انها اخدة دوش جديد لأن شعراتها مي
ونزلين ع كتافها.... بتجن يافا وقت تشوفها
بهالمنظر.... بتطلع ناح هشام الي كانت
عيونو عليها مصدوم من شكلها وعم يفكر
بالنار الي رح تندلع بعد شوي بينها وبين
يافا.... لكن يافا فسرتها شي تاني لنظراتو
وطار عقلها بزيادة... حطت الصحون
ع الطاولة وراحت عند ميرنا
يافا : انوو لااااااا انتي ماعدتي ستحيتي بالمرة
ووجهت كلامها لهشام : وانت شيل نظرك
عنها بقى... بينزل نظرو للأرض.... بتكمل يافا
يافا : ماعندك لبس حبيبتي خبريني بعطيكي
من عندي والله مابدها خجل بس بالأصل
لو انك بتخجلي ماكنتي نزلتي بهيك
منظر قدام رجال غريب......

ميرنا بدلع : مين الغريب هشاموو هلأ عادتي غريب
يافا : لك لا تجننيني قال هشامو لسا لعما إذا بتستحي
ميرنا : لزمي حدودك الدنيا شوب شو اعملك
يافا : الدنيا شوب نقبري ضلك بغرفتك لا تنزلي بهالمنظر لهون
هشام : طولي بالك يافا
يافا : طول بالي شكلو عاجبك كتير هالمنظر
هشام : لك مو هيك اهدي شو صرلك
يافا : انقبري طلعي ستري حالك لا تخليني جن
بتقعد ميرنا وبتلف رجل
ع رجل وبتصير تقلب بالمحطات
ميرنا : انتي لا تدخلي فيني
بتهجم عليها يافا لتضربها بس
بوقفها هشام وبيمسكها من ايدها...
بيمسكها هشام من ايدها وبيطلع فيها عالغرفة
__عالدرج_

يافا:هشام تركني... لوين اخدني هلا
هشام:بس تخلصي هالمسخرات ببقا بتركك
يافا بغيظ:يعني صار الحق عليي
موووو... تركني بدي انزل نتفها
بتمرم وجهها حتى تنزل عالدرج... بيحملها هشام على كتفو..
وبتصير تصرخ :لك يا مجنونننننن
هشام:ما بينفع معك الا هيك انتي يا مجنونة
بيدخل على غرفتو وبنزلها
بتحط ايدها على خصرها وبتهز وبتقول:خيرررررر
هشام:يعني رح تضلي هيك؟
يافا:لك ما شايفهاااااا... ما شايف
لبسهاااا... تصرفاتها... حكيها...

هشام:لك شو بدك فيهااااا... اتركيها بحالها بقا
‏يافا:اه يعني عاجبتك هيك... عاجبك الوضع
هشام بصراخ قوي:لك يافا لا تجننينييي... انا استحملت كتيرررر.... من اول ما
اجت ميرنا وانتو كل يوم خناق خناق
خناق.... ما بتملوووو انتووو؟؟؟؟.. لك حتى عم تصرخي على جود...
وصلت معك لهونننن؟؟؟؟ ولا مشان
شو مشان صورة... ليش هيك عم تساوي
اعطيني بس سبب مقنع
يافا:انت يلي جبتني لهون ما اجيت بارادتي
هشام:لك انا جبتك لاهتم فيكي لشوفك
قدامي ما لتعملي خناقات وفك بينكن 🤦‍
يافا:........ بضلو ال2 ساكتين فترة من الوقت..
هيي عم تفكر بكلامو وهو......
ناطر جواب لسؤالو ... ما بلاقي تجاوب
هشام:يافا
بتطلع يافا فيه
وبقلها:تتزوجيني؟
بتنصدم يافا من هالطلب وبتبعد عنو
يافا بلبكة:ش ش شوو
هشام:تتزوجيني
بتسكت يافا لدقايق وبتقول :ا ا اي.... اي بقبل... بس
هشام:بس شو
يافا: خايفة
هشام:من شو يا عيوني
يافا:خايفة اقلب حياتكم لجحيم... بسبب غيرتي وتصرفاتي... خايفة
اخنقك بكل شي بعملو .. وانت تتخلا عني
بقرب هشام وبمرر شفافو على خدها
الناعم وبقول :بعمري ما بتخلا عنك... ورح ساعدك ورح كون حدك بكل شي
بتمرق الليلة على خير وبخف غيرتها شوي ليافا... تاني يوم بتفيق يافا قبل الكل وبتكون متنشطة ومبسوطة ... بتروح على غرفة هشام لتصحيه... بتفوت وبتلاقي متل العادة الظلام مسيطر عليها... يافا:ايمتى بدو يبطل هالعادة هالصبي... بتمشي شوي شوي لتتمسك بالتخت.... وهوبببب بتوقع عليه
بتتفاجئ بحدا ماسكها
يافا:ييي... هشامم
هشام:عيونوووو لك قلبووو
يافا:لك من ايمتى فايق انت
هشام:من وقت ما فتحتي الباب
يافا:تضرب كنت بدي فيقك انا
هشام:طيب رح اعمل حالي نايم تمام
يافا:بلا غلاظة... هشام:كانو التاريخ عم يتكرر
يافا بابتسامة:بتتذكر
هشام:ليش انا فيني انسا
بتحس على حالها يافا انها بعدها بحضنو... بتقرب هالمرة هيي وبتفاجئو ببوسة
على خدو وبتقلو:يلا قوم نحضر الفطور سوا
هشام:لك دخيل هالصباح لاجلك انا يلا
اسبقيني لغسل وجهي انا...... يافا:تمام
‏بينزل هشام وبحضرو فطور مع بعض وبساعدو

بعض.... وبفيقو جود وميرنا
ميرنا:شووو مبكرة اليوم
يافا:لا اله الا الله... هشامو
بيطلع هشام فيها كانو عم يقلها روقي
بحاوط هشام خصر يافا وبقول... هشام:اليوم الفطور من ايدينا نحن ال2
جود:اووووووه... حلو حلو
ميرنا:اذا حاطت لمساتك فيها اكيد رح يكونو طيبين
يافا:وفي خبر تاني كمان
ميرنا:خير؟
يافا:انا وهشام
جود:اييييي؟
يافا:رح.... جود:لك اييييي؟
هشام ويافا هنن وعم يتطلعو ببعض:نتزوج
جود:يايييييييييييي

ميرنا بصدمة:شوو.. كيف وايمتى؟
يافا:شو كيف نصيبنا سوا
ميرنا:اممممممم الله يهنيكن
يافا:شكرااا.....
جود:كتير فرحت بالخبر
يافا:خليلي قلبك انتي
بكون هشام شارد ومبتسم... ومبسوط من يافا انو حصلت عيلي بدها ياه
هشام:يلا قوموا نفطر
الكل:تمام
يوم العرس كانت مصمودة حدو
بفستانها الأبيض السواري... وهو
ببدلتو البيج التقيلة.... كان طاير عقلو
فيها وبجمالها.... وانو صارت بالنهاية الو.... كانت خجلانة من نظراتو الي عم
ياكلها اكل بعيونو..... قبل نهاية الحفلة
بشوي.... شغلو الديجيه.... اغنية : سمعني نبضك
سمعني نبضك دفيني بنار حضنك
ابيك الليلة وحدك اليا تكون
قرب عليا حس النار اللي فيا
ابي ايديك بايديا نلف الكون
انا وش اقول وانت معايا
وش اقول انسى هوايا
وش اقول انت غلاي
يا فرح عمري معاك الوقت يجري
من شوفك ليه مدري تدوب الروح
انسى اللى فيني من حضنك بين ايديني
يا حبي وكل سنيني فداك الروح
مسك ايدها وانحنالها شوي
هشام : بتسمحيلي بالرقصة الأولى
مدت ايدها الو بخجل
مشيوا لمكان الرقص
لف ايدها ورى رقبتو وحاوط خصرها
بإيديه وشدها لعندو ليصيروا وكأنهم
جسد واحد... ماكان عم يستوعب انو
حب حياتو بين ايديه هلأ وماعرفان القدر شو مخبيلو.....
كانوا عم يتمايلو ع أنغام الموسيقى سوا
بمكان تاني كان ماشي حمزة باتجاه جود
مدلا ايدو و حكالها : ممكن
بتستجيبلو بابتسامة ليفهم موافقتها
وهيك بيصيرو كل تنين ينضموا للرقصة
بتكون جود راكيه راسها ع كتف حمزة وقت بيحكي : جود
جود : نعم
حمزة : بحبك
رفعت راسها بصدمة وبحلقت عيونها فيه
ضحك من قلبو ع تعابير وجهها كيف صارت
جود : مافهمت
حمزة : طيب رح عيد .. بحبك... بعشقك
بيحط جبينو ع جبينها وبيكمل
بصوت دوبو مسموع وهو مغمض عيونو
حمزة : بدي كمل عمري معك بدي
تكوني شريكة حياتي جود
جود : بسسس
جود : لا تحكي شي هلأ فكري كتير
منيح وناطر جواب منك ياعمري
بيرد بيركيلها راسها ع صدرو وهي
عم تسمع دقات قلبو... وخجلانة...
بيشد عليها اكتر وبيكملوا الرقصة
‏بيخلص العرس وبروحو العرسان على
بيت هشام طبعا.. وقبل ما بيطلعو
عالدرج بيمسكها هشام من ايدها وبيبرمها
لعندو وبيطلع فيها بحب ..
بتطلع هيي فيه وبتقلو :شوو
هشام بشرود:شووو
يافا:لك انت شو
قبل ما يرد هشام بيحملها بين ايديه
متل الريشة.... بتحاصر ايديها برقبتو
متل الولاد الصغار ... بيوصلو عالغرفة
وبنزلها ... بتطلع فيه نظرة هوي
بيعشقها... بيقرصها من خدودها
وبقلها :لك شو عم تعملي فيني يا بنت
يافا :هشااام حاجة بقاااا
بتغمر راسها بحضنو وبقلها :انتي
نفسي... انتي روحي... انتي قلبي
وعمري كلو وكل شي بحياتي
بتبتسم يافا وبتقول:اممممممم
هشام:شو اممممممم
يافا بدلع:شووو
هشام:يافا لا تلعبيلي باعصابي
يافا:اممممممم طيب
بهمسلها بادنها لتضحك وبتضربه ضربة خفيفة على
صدرو وبتقول: غليظ
بقرب منها هشام ... بيطبع بوسة رقيقة على جبينا

يافا هيي ومغمضة عينيها:هشام انا كتير تعبانة ومتوترة وبدي
وقت لاتقبل الفكرة انو صرنا سوا
بيمسك وجه يافا بايديه وببوسها
بوسة طويلة على جبينها وبقول: غيري فستانك وخلينا ننام ياعمري
يافا : طيب
بتقوم بتلبس روب نوم ابيض وبتجي
هشام:نعستي
يافا:اممممممم
هشام:طيب يلا نامي يا قلبي
بيطبع بوسة على جبينها وبقلها تصبحي على خير يا عيوني
بتكون يافا غفيانة من يومها المتعب

كانت عم تمر الأيام ومافي شي
مغير عليهم.... يافا كانت لسا نار
الغيرة من ميرنا ما طفت جوا قلبها
رغم انو هشام صار ملكها... بس مع هيك
غيرتا ما هديت بالعكس زادت اكتر
واكتر..... ميرنا صحيح بايعة الدنيا
بقشرة بصلة... وكان عينها بهشام.... بس ماكتير فرق معها لمن اتزوج هو
ويافا وصار كتير عادي ماهمها بنوب... بس باعتبار انو هي فري كتير لبسها
وتصرفاتها وهيك.... كانت عم تشعل
الغيرة بقلبها وهي مو حاسة....
هشام ويافا ما راحوا شهر عسل بسبب هشام
عندو مشروع لشغلو لازم يسلمو عن
قريب لهيك اجلو شهر العسل شغلة
اسبوع بكون خلص..... ومنو مشي
حالو هو ويافا بعد يومين الصبح
كان هشام بشغلو ويافا قاعدة ع التليفزيون
اجت جود قعدت حدها
جود : صباح الخير خالة
يافا : صباح النور ياعيون خالة

جود : ماعندك عيادة كمان اليوم
يافا : لا ماني ناوية افتحها هلأ
جود : حلوو
يافا : ليش شو وراكي
جود : له له نسيانة عيد ميلاد حبيب القلب
يافا : يفضح عينك لك ليش انا بعرفوا ماتقولي اليوم
جود : اي والله
يافا : الله يسامحك ماتحكي من مبارحة
جود : ببالي بتعرفي
يافا : مالي خبر
جود : حلو يعني مو جايبتيلو هدية
يافا : لا مننزل سوا شو رأيك ومنو
منجيب اكل جاهز اليوم وكيك ومنحتفل
جود : موافقة رح خبر حمزة
يافا بضحكة : حمزة قلتيلي
جود بخجل : حمزة وهبة اصدي
يافا : تمام ياعمري يلا
بتنزل وهي متوترة وبتدق الباب
بيفتحلا حمزة بيكون متل العادة اول
فيقتو من النوم لابس شورت قصير
وبلا قميص دارت وجهها بخجل عنو
جود : مابتعرف تحط عليك شي قبل ما تفتح
كان عم يحك شعراتو ويضحك ع منظرها
حمزة : شو عرفني قمت افتح وما
انتبهت بعدين ليش لافة حالك وجاية
قبل الشحادة وبنتها......
جود : روح البس عليك شي ومنحكي
سحبها من ايدها ودخلها لورى الباب
وحصرها بالزاوية ومسك ايديها التنتين بإيدو
حمزة : ليش خجلانة مني
جود : لا لا مو خجلانة بس انو لبس
يعني ولاحط شي عليك بعدين بعد
لتقوم امك او هبة يجوا ....
حمزة : اي يجو وين المشكلة
جود : بعد عني حمزة
ببعدلها غرتها الي نزلت على عيونها
يإيديه وبيصير يتحسس خدها
وعيونهم بعيون بعض..... بتحس عليه
بلش يقرب منها اكتر..... بتغمض عيونها وقبل ماتحكي
بكون مباغتها ببوسة ع خدها وهو شاددها لحضنو .... بتتلبك
كتير ومابتعرف شو تعمل..... بتضلا جمدانة بارضها
ببعد عنها بعد شوي وبيطلع ع خدودها كيف حمر
حمزة : يقبرني الخجول هلأ صار اسمو صباح
رايح البس وجايكي ياعيوني.....

بيطلعوا حمزة وهبة وجود عند يافا
وببلشوا تخطيط وتجهيز للحفلة قبل
المسا... وبينزلوا كلهم ع السوق يختارو هدايا
_المسا _
كان موعد جيت هشام من الشغل كان
كلشي جاهز ع اخر طرز اما ميرنا بقيت
تجهز حالها فوق ما كانت....... دخل للبيت تفاجأ بالاضوية كلها مطفاية
هشام : يافا.... حبيبتي وينك.... جود... طيب ليش طافيين الدنيا...
بيقرب بيشغل الضو... بيتفاجئ بالكل
قدامو والزينة والكيك وكلو جاهز
وهنن عم يغنولو....... الكل : سنة حلوة ياجميل سنة حلوة ياجميل
بيفرح من قلبو
بيقرب منهن بيطفوا الشموع وبيقطعوا الكيك
وبعدها........
‏بتضمو وبتخبي راسها بصدرو الواسع
وبتقلو بحبك بضمها اكتر هوي وبقول:
هشام:وانا بعشقك❤
بتقرب منو وبتبوسو من خدو
وبتقلو:ما يحرمني منك يا عيوني

هشام هوي وعم يغني:بحبك معي
خليك... كل الدنيا انت عمري انا بعطيك.... وروحي اذا طلبتها... يافا:دخيل هالصوت بجنن صوتك يا غليظ
هشام:شيليني من الصوت هلا ما حاج؟
بتبرم ضهرها يافا لتروح برا الغرفة... وقبل ما تطلع بيمسكها هشام من ايديها ...
وبرجعها لعندو وبحط راسو على راسها بحنية
بتبلع يافا ريقها بصعوبة وبصير قلبها بدق بسرعة
هشام بهمس: افهمي عليي
يافا:....
هشام:طولت القصة
يافا:وانا كلي ملكك 😌
تاني يوم الصبح حست ع شي عم
يتحرك ع وجهها فتحت عيونها بملل
كان هشام حاطط عم يحركلها ع انفها وخدودها بريشة القلم
يافا : بعرف الوحدة بتفيق بالصباحية
ع زوجها عم يحركلها وردة ع خدها مو قلم
بيضحك بصوت عالي وهي بتضحك ع ضحكتو
هشام : كان منايي بس مافي ورد بالبيت
يافا : مممممم
هشام : صباح الخير يا احلى شي صار بحياتي
يافا بحب : صباح النور ياعيوني انت
بيطبع بوسة خدها وبيبعد
هشام : يلا حبيبتي قومي عملت قهوة وجبتها
يافا : يلا ياعمري
بتجلس حالها وبتقعد فجأة بتلمع براسها
صورة مرتو الأولى.... بترجع بتحط الفنجان
قبل ما تشرب منو شي...
هشام : شو فيكي حبيبتي

يافا : فيني أسألك سؤال
هشام : اكيد ياعمري
يافا بغصة : كنت مبسوط معها بليلتكن
الأولى متل مبارحة ماكنت معي !!!! وعاملتها بنفس الحنية والحب الي عاملتني فيهن مبارحة
هشام بصدمة : مين قصدك
‏ ‏يافا : امها لجود وهيك كمان جبتلا القهوة للفرشة
بيطق عقلو لمن بيسمعها حكت هيك
شي وعن مين عن أم جود!!!! وبصباحية عرسهن
عفاريت الدنيا كلها ركبتو بهاد الوقت.... بس رغم هيك حاول يضبط نفسو لانو
هيك سبق وحكتلو انها مريضة غيرة
بالأخص من مرتو القديمة وبدو يساعدها
يافا : شو شايفتك سرحت
هشام بحنية : حبيبتي عمري وعيوني الك
والله.... وحياة الله ما حبيت حدا...
بالدنيا متل ما حبيتك ولا عشقت
حدا متل ما عشقتك خلينا ننسى كلشي
مضى ونبدأ صفحة جديدة.... وام
جود الله يرحمها الها 16 سنة ميتة
يافا : طيب ياعمري
بتجي بدها تشيل الفنجان بيمسكها
من ايدها وبحركة وحدة بتكون بنص حضنو
يافا : شو هشام
هشام : دوبتي قلبو لهشام

.
بعد حوالي التلت ساعات نزلت من فوق سوا

كانت جود قاعدة ع التلفزيون
جود : شو مضحيين ع الاخر بالنومة
هشام : عندك مانع جود خانم
جود : اي طبعا قاعدة لحالي كل الوقت
يافا : حقك علينا ياعمري مابقى
نتركك لحالك بس ليش وين ميرنا ما معك
جود : لا فقت مالقيتا بغرفتها والباب
مفتوح دخلت لقيت الخزانة فاضية وكاتبة
رسالة محطوطة فوق التلفزيون ها ليكا
بياخدها هشام بيفتح يشوف شو فيها
كانت كاتبة فيها
( هاي غااااايز..... انا رجعت دبي.... ماتفكروا خلصتو مني.... ع الصيفية
الجاية راجعة ع قلبكم... بلكي بكون شفت
ولادكن 😉🤣.... سلام )....
بيضحكوا ع رسالتها وبتدخل يافا وجود
ع المطبخ بيحضرو الفطور سوا......
بيعرض هشام على يافا انو يقضو
اسوعين باوتيل مشان ياخدو راحتهن
اكتر... ومنو جود بتتسلا مع حمزة وهبة وبتبات عندهن . . . بتنزل جود وبتاخد معها بيجاما الها
ع بيت حمزة حتى تبقى عندهن بسبب سفرة هشام ويافا
بتقضي النهار هي وهبة مع ام هبة.... وآخر النهار بيجي حمزة وابو من الشغل... بيتعشوا كلهم سوا وبيسهروا بعد بيطلعوا الأب والأم ليناموا
وبكملوا الشباب سهرتهن ع البرندة عم يلعبو شدّة
بتقوم بآخر دور هبة وهي عم تتآوب
هبة : انا فرطت نعس جوجو بدك تنامي ولا تكملي سهرة مع حمزة
بيأشرلا حمزة بعيونو انها تضل
جود : لا رح ابقى شوية وبجي
هبة : تمام تصبحوا على خير
جود وحمزة : تلاقي الخير
بتدخل هبة بتنام وبيبقوا جود وحمزة
بيكون قاعد حمزة ع مرجوحة ع شكل
كنبة كبيرة والها شمسية.... متل الي
بالمسلسلات العربية.... ومادد رجليه ع
الطاولة ومغطي حالو بشرشف لأن في
نسمة باردة.... وجود قاعدة قدامو ع الكرسي....
كانت ملبكة وعم تفرك إيديها بعضهن...
حمزة : شبك....
‏ ‏جود بخجل : ولاشي.... في شوية برد بدي ادخل نام.....
حمزة : لا تعي تعي
بيأشرلا تجي تقعد جنبو... وبيبعد الغطا
بتترد شوية...
حمزة : تعي تعي ما رح أكلك...
بتقرب بتقعد جنبو وبيمد الغطا عليها كمان
توترها زاد اكتر.... مسك ايدها بحنية وضحك
حمزة : ايديكي نار وبتقليلي برد هههه
جود بخجل : بيكفي
حمزة : حاسس في حدآ عم يتهرب مني
بتبتسم بخجل... بيرفعلها دقنها لتجي عيونهم بعيون بعض.....
حمزة : مافكرتي
جود : بدي اسالك اول
حمزة : سألي ياعمري انتي
جود : من ايمتا بتحبني
حمزة بضحكة : هههه فيكي تقولي
عني من جماعة حب من اول نظرة...😍
زمت حواجبها لبعض وحكت : مافهمت كيف
حمزة : بتتذكري اول مرة شفتك فيها
كنتي نازلة ع الدرج ونحنا سكانين هون جديد
جود : اي بيومها كنت تعبانة
حمزة : ايوا مزبوط.... لمن طلعت وحسيت
عليكي تعبانة... كأنوا في شي قلي ابقى
واقف... وقفت بأول الدرج... وبالفعل
بيومها دختي واخدتك ع المشفى..

وبعدين اجت ستك الله يرحمها وتركتك
وجيت ومن يومها عشعشتي بقلبي وروحي
ومابقى تطلعي من راسي..... بعد كم يوم
صرتو صحاب انتي وهبةة وامي زارتكن
وعرفت انو معك كانسر.... طق عقلي
بيومها.... بس ماطلع بإيدي شي صرت
اتقرب منك..... هيك لتأكدت اني بحبك....
بس كنتي لسا صغيرة شوية.... أجلت ما
احكيلك....

ويوم اجا بعدها ابوكي خفت
بصراحة يرفضني... لهيك ضليت لازق في
وخليتو يحبني.... وقبل ما تسافر يافا بيوم حكيتلا
وقالتلي اجلها لأنك لسا صغيرة... بس
هلأ حبيبتي كبرت وصارت ست الصبايا وصار
لازم تعرف حقيقة مشاعري تجاها....
نزلت راسها بخجل وابتسمت ودقات قلبها عم تعلى......
حمزة : اي مابدك تحكي مافكرتي
جود : مممممم
حمزة : شو مممم بدي تحكي شي
جود بدلع : مممممم
حمزة : حاجة يابنت جننتيني قليلي شو
جود : بحبك
حمزة بفرحة : عنجد
جود : قال يعني مانك حاسس وعرفان بهالشي
حمزة : لك مبلا بس حتى اتطمن
جود : وهي اتطمنت حبيبي
حمزة : حبيبك... لك ريتك تقبري قلبو لحبيبك شو بحبك
جود : بعيد الشر عن قلبك ياعمري
شدها لعندو اكتر واجت عيونهم بعيون
بعض وهو عم ينقل نظراتو بين عيونها
تقاسيم وجهها حست عليه واجت لتشد
حالها حاوطها من خصرها وشدها عندو
اكتر وقرب وجهو من وجهها....
جود بخجل : حمز
قطعها بقبلة طويلة ..
بالبداية حاولت تشّد حالها بس بعدين
استسلمتلو......
. . .
بمكان تاني............. بتكون يافا بحضن هشام...

الجزء الثالث عشر والاخير
بمكان تاني......... بتكون
‏ ‏يافا:حبيبي
هشام:عيون حبيبك
يافا:بدي ارجع عالشغل بس لنرجع عالبيت 🙂
هشام:امممممم بفكر بالموضوع
يافا:بيبيييييي والله بمل لوحدي

هشام:طيب يا عمري يلي بتشوفيه مناسب اعملي
يافا:بتعرف اليوم كنت عم فكر انو
جد ربنا قديشو كريم حتى بعد ما
اخد مني اللي بحبهن... عوضني فيك

هشام:تقبرني يلي فكر انا... بصير بعضها من خدودها
يافا:بس هشام رح تاكلي خدودي
هشام:ما عم اشبع منهن شو اعمل ....
.
.
بعد اسبوعين ... بيرجعو على بيتهم وبتروح
يافا الصبح على عيادتها.. يافا:صباح الخير
السكرتيرة:صباح النور مدام يافا... نورتي العيادة
يافا:تسلميلي... يلا 10 دقايق
بتبلشي تفوتي المرضى تمام
السكرتيرة:تمام
...... بتقارب على انهاء شغلها.. وبيجي
هشام ليفاجئها ليافا بباقة ورد
على عيادتها... وفجاة بيوقف مصدوم... بكون احد قرايب المريض عم يتقرب
منها ويلمسلها جسمها وهيي مشغولة
بالمريض ومنها حاسة عليه.....
وعلى نظراتو الشهوانية.. هشام:يافااااااااا
يافا:هشام!! يا اهلا يا روحي شو جابكك هلا؟
هشام:شو جابني؟
يافا:لك لا بقصد انو بعد ما خلصت لتاخدني
هشام بعصبية :بتتركي كلشي من
ايدك وبتشرفي معي هلا احسن
ما اقلب هالعيادة كلها عليكي تمام
بتخاف يافا وبتصرف المرضى لتستجيب
لكلامو البخوف.... بيطلعو بالسيارة
يافا:فيني افهم شو عم يصير معك
هشام:شو عم يصير قلتيلي اه... يا طبيبة انتي.... يافا:ليش هيك عم تحكيني بهالطريقة
هشام:بس نوصل عالبيت منحكي
‏ ‏بيكونو كل الوقت ساكتين بالسيارة... بيوصلوا عالبيت ولما بفوتو بتتفاجئ
يافا بصورة مرت هشام بشكل كبير
معلقة على الحيط.. نار وبتشعل بقلبها
هشام بقلبو(يا ويليييييي).... بتقرب يافا وبتشوف جود واقفة والابتسامة
على وجهها.. مفكرة هالشي يلي عملتو
منيح... مانها عارفة انها ارتكبت غلط رح تندم انها عملتو
بتعصب يافا وبتقرب بترفع حالها لتطال
الصورة وبتقلبها وبتكبها عالارض
لتوقع وتتشقف100 شقفة... يافا بصراخ:انا كم مرة بدي قلكننننن
ما تحطو ولا صورة عنهاااااااااا
بتنصدم جود من ردة فعلها وعصبيتها
وبترجع خطوتين لورا...... بيفزع هشام على جود وبقول:يافاااااااااااااا
بيرفع اصبعوا عليها وبقول :ما بسمحلك
تقللي من قيمتها قدام جود فاهممممة
بتدمع عيون يافا :ماشي رح خليكن انتو
والصورة.. بتطلع بسرعة يافا لتضب غراضها
بقلب شنتة كبيرة.. وبيلحقها هشام
هشام:شو هالتخبيص اللي عم تساوي
يافا:....... هشام:عم احكي معك ردييييييي
يافا:تاركتلك البيت وماشية
هيي وبدها تطلع بيمسكها هشام وبقول
بصراخ:لك ايمتى بدك تفهمييي بقاااا... لك انا يلي لازم عصب من تصرفاتك...
انا عم تسمعيييي... افهمي بقا استوعبي... هي منها مرتيييييي... هيي اختي عم
تسمعيييي... اختي اختي... هي يلي تعرضت
لاغتصاب وجابت جود... جود يلي كبرتها
على اساس انها بنتي... جود يلي مفكرتني
ابوهااا... وانا شووو.. خالها...عم تغاري
من اختييي سامعة.. افهمي بقا حاج...
وربي تعبت من تصرفاتك التافهة... بتكون يافا مصدومة وما عم يطلع
معها الحروف:ا.... خ... ت.. ك
هشام:اي اي اختي
بيسمعو صوت شهقة من برا ليلتفت
هشام ويلاقي جود منهارة... ودموعها
شلال على خدها... وعم ترجف ومانها مصدقة
هشام :ج.. و... د
بتركد جود لتنزل عالدرج وتطلع برا البيت ...
كان هشام بدو يلحقها بس وقفتو يافا:هلا
بدي اعرف ليش خبيت عني القصة🥺... هشام : بس اتطمن عليها وراجع..... . .
بتنزل جود وهيي عم تبكي لتلاقي
حمزة طالع من البيت ونازل... بشوفها بهالحالة
وبقلها:ج.. و.. د.... جود شبك شو صاير معك قليليييي
بتغمر جود راسها بحضنو... لتنهار
اكتر وتقلو... خدني من هون بترجاك...
خدني لبعيد... ما بقا فيني استحمل
بيحملها حمزة وبحطها بالسيارة هيي
وشبه واعية ومصدومة... وبروح فيها لبعيد
لمن بشوفها هشام طلعت مع حمزة
بالسيارة بيتطمن بيطلع تلفونو وبيبعت
لحمزة مسج..... ( هي كتير معصبة
ومتدايقة هدبها الله يوفقك وانتبه عليها) . . بيطلع عند يافا بتكون قاعدة بالصالون عم تبكي
بيطلع عند يافا بتكون قاعدة بالصالون عم تبكي
لمن بتشوفوا بتقوم لعندو عم تركد بتضمو
يافا : وينها
‏ ‏ببعدها عنو ببرود.... وهي حاسة المصيبة
الي وقعتو فيها من ورى مرض الغيرة عندها
بيقعدوا....
هشام : طلعت مع حمزة
يافا : ايي
هشام : كنت أيامها بالبكلوريا.... وهي
أكبر مني بسنة تعرفت ع شب بالجامعة ووثقت
فيه حبوا بعض.... بيوم قرر يعرفها ع
اهلو... هي ماقبلت خافت... وهو ليطمنها
راحوا ع اساس ع بيت وحدة معهن
بالجامعة وهنيك رح تشوف امو... بس
طلع ابن الكلب متفق مع البنت ومافي
حدا... واخد الي بدو ياه منها بالغصب....
ونتيجتها حملت بجود

يافا : اي
هشام : بالأول حاولنا نخبي السيرة
بس لمن صار في حمل ماعد شي بيتخبى
بابا لمن عرف اجتو جلطة ومات.... بعد العزا
ضبينا أغراضنا وطلعنا من المدينة كلها.... وانتقلنا ع مدينة تانية.... هنيك اتوفت هي.....
وبعدها قررنا انا وامي نعمل الي
صار ونقول انو جود بنتي كمان تركنا
المدينة وجينا هون وكنا ناوين ندفن
هالسر معنا ومحدا يدرى.... بس....
وبيسكت اما يافا كانت عم تسمعلو بصمت وتبكي
يافا : والشب
هشام بغصة : الله كبير تاري عاملها
كتير مع بنات وضحكان عليهن ومن
ورى تخبيصاتو الله بلاه بالايتز واندفس بعد سنتين
. . .
عند حمزة وجود........
نزلوا قريب من الشط نزلت من السيارة
وتركت الباب مفتوح.... قعد ع الرمل
وصارت تبكي بحرقة.... نزل حدها حمزة وهو مرعوب....
حمزة : ياضو عيوني انتي شو صاير
قلبي رح يوقف.... احكيلي بوس ايدك
كانت بس عم تبكي وتشهق بحرقة...

حمزة : حبيبتي الله يوفقك لا ترعبيني
اكتر ماني مرعوب احكي شبك
ارتمت لحضنو وصارت تبكي بحرقة اكتر
حمزة : هششش ياعيوني هشششش
ضل يهدي فيها وقت طويل...بعد ماهديت
بعدت عن حضنو ومسحلا دموعها بكفوف ايديه... حمزة : احكي حبيبتي الله يوفقك
جود بحرقة : هشام... هشام مو بابا
وبلشت تبكي اكتر واكتر
حمزة : مافهمت شلون يعني
جود بتبكي : هشام... هشام ب...
بيكون خالي... اخوها لماما... مو... ابي
حمزة بصدمة : شووو
جود : اي اي سمعتو اليوم عم يحكي
لخالة يافا وعم يقلها انو انا.....
حمزة : انتي شو
جود : انا.... جيت.... نتيجة.... اغتصاب
حمزة بصدمة : اغتصاب!!
جود بتبكي : اي اي
رجع ضمها لصدور وصارت تبكي بحرقة
اكتر من الاول

__بعد مرور 10 ايام__

بتمرق هالفترة على ابطالنا كانها مية سنة ... جود بتبات عند هبة وحمزة يلي دايما
بحاولو يقنعوها انو هشام عمل هيك
لمصلحتا...وبيحكولها عن يافا وهشام
وحالتهن سوا بسبب يلي صار...بحكم
انو بلين قلبها...وهشام طول الوقت
برا البيت واذا اجا بنام بغرفة امو...
‏ ‏اما يافا من وقت هداك اليوم وهيي بالغرفة... طلعت شي مرتين عالحمام وشربت
مي ورجعت... ما عم تاكل ولا تشرب منيح.. ولا تنام... كل الوقت مصدومة من اللي صار
و عم تبكي... ومشتاقة لهشام... بيوم طلع حمزة لعندها ليحكي معها
بالموضوع... دق باب غرفتها ما كانت ترد... خبط اكتر... ومافي جواب... بيحمل الموبايل ليتصل بهشام
حمزة:الو... هشام:هلا حمزة كيفك
حمزة بتلبك:ا ا اه اي منيح انا
.هشام:شبك ليش صوتك هيك ومتلبك صاير شي مع جود؟
حمزة:لا لا جود بخير .. بس عم حاول
دق على يافا على باب غرفتها ما كانت تفتح
هشام ببرود:كالعادة حابسة حالها بغرفتها
حمزة:بس بالعادة ترد عليي.. هالمرة مافي صوت الها
هشام بخوف: كيف يعني حتى ما ردت ولا شي؟
حمزة :لا ابدا
هشام:اكسر الباب بسرعة حمزة
بحاول حمزة يكسر الباب... ما كان يفتح... بقوي الخبطة اكتر...
وهشام بعدو عالخط... بيفتح الباب
وبينصدم لما يلاقي يافا واقعة بالارض وشعرها على وجهها
حمزة:يافاااااااااااااااا
بيفزع هشام من صريخو وبقول :شو
صار شبها يافا... حمزة وينك
حمزة:يافااا لقيتها عالارض غميانة... وينك انت
هشام:ثواني بكون عندك
بحاول حمزة يفيق يافا بس بلا فايدة
كانت شبه الاموات... وجهها اصفر
وضعفانة... والسواد اكل تحت عيونها.
مافي ثواني بيجي هشام وبس يشوفها
بهالحالة بيحملها وبحطها بالسيارة
وبياخدها عالمشفى فورا.... بينزل حمزة
عند جود وبخبرها شو صار وبروحوا
سوا عالمشفى ليطمنو عليها.....
. . .
هشام بكون عم يمشي بالكوريدور...
يروح ويجي وناطر الدكتور ليطلع
ويطمنو... بهالاثناء بيلمح جود وحمزة وهبة
جايين تجاهو... بدمعو عيونو وبيبكي...
لتركض جود عليه وتحضنوا وتقلو
ببكاء : انت سندي وملجئي ودنيتي وابي
بابااا.... فيني ضل عم ناديلك بابا مو 😭
هشام بيبكي : بموتك إذا شي يوم
فكرتي تناديلي غير بابا... ياعمر
ابوكي واغلى شي بدنيتو.... يا أول
فرحة بكل عمري.... انا الي ربيتك وكبرتك
وسهرت عراحتك كل عمري انا ابوكي
وبس سامحيني يابنتي

جود؛:ليش انا فيني على زعلك بابا..
هشام : ياضو عيوني انتي الله لا يحرمني منك
جود : ويديمك فوق راسي يا احلى اب بالدنيا
بتبعد عنو وبتقلو.. طمني شو صار
بيمسح دموعوا هشام وبقول:بعد ما طلع الدكتور 🥺
بينطرو كم دقيقة... ليطلع الدكتور.... بيتجمعوا الكل حواليه
هشام:طمنا دكتور كيفها... شو وضعها
الدكتور:الصراحة الوضع ما بطمن بنوب...
المريضة عندها فقر دم حاد و نقص
فيتامينات ... وهاد باثر على الجنين
وعلى حالتو.. واذا ضلت هيك رح تاجهض
‏هشام:ليش هي حامل !!!!
الدكتور:اي بعدو الحمل باولو ولازم
تضلها فترة بالمشفى لنراقب وضعها
ووضع البيبي ونتاكد اذا كلشي تمام

هشام:اي اكيد.. يعطيك العافية دكتور
بروح الدكتور وبيترك هشام .. فرحان
انو رح يصير اب وزعلان على حالة يافا
وخناقاتهن سوا... وانو تركها بدون ما يسال عنها

جود بفرحة:سمعت بابا رح يجيني اخ العب
مع.. بتسكت جود وقت تتذكر انو هشام
مش ابوها...

بحس عليها وبقول :اكيد
ورح تكوني احلى واحن اخت صح ولا لا
حمزة:معو حق ابوكي يا جود... رح تكوني
اروع اخت شفتها... بتطلع فيه بحب و بتضمهن
بفوت هشام لعند يافا وبشوفها نايمة متل
الملاك... بقرب عليها وبيطبع بوسة على
جبينها وببعد شعرها عن وجهها

وبقول :سامحيني
بتحس عليه يافا وبتفيق شوي شوي
يافا:هش... ا.. م
هشام:يا عيونو لهشام
يافا بتعب:تعبانة كتير... وبطني واجعني
هشام:ياروحي ريتو الوجع لقلبي
يافا: لا تحكي هيك
هشام:سامحيني لاني تركتك ... ولاني كذبت عليكي
يافا:ولا يهمك حبيبي
هشام:قال الدكتور لازم تضلي فترة هون مشان نطمن عليكن
يافا:علينا؟
بحط هشام ايدو على بطنها وبقول... رح يصير عنا بيبي
يافا :جد
بتضمو يافا لهشام وبتتخبى بين حضنو لتنسى كل تعبها... هشام:جد الجد يا روحي... بيطبع بوسة ناعمة ع جبينها
‏وبيحكي : الله يقدرني واسعدكن طول عمري
يافا:ما يحرمني منك يا قلبي
بتدخل جود وبتقول :طيب خليلي دور شوي بابا
بتفرح يافا لما بتشوف جود فايتة على
الغرفة... وبتطلع بهشام... وبنزلها براسو... فهمت هيي انو تصالحو....... يافا:تعي يا روحي تعي... بيحضنو بعض كلهن وبيبكو
هشام : الله يقدرني واسعدكم كل العمر وكون السند الكم
يافا وجود : الله لا يحرمنا منك 🥺💛
__بعد مرور سنتين ____
العجقة مالية الصالة... ويافا لاحقة ايهم
ابنها يلي كل شوي بيوقع بترجع يافا بتقومو...
يافا:يا مامي شوي شوي ... الله يصبرني
عليك انت وابوك.. صحيح وينو ابوك...
بتدور بعيونها... بتلاقي هشام واقف
بهيبتو و عم يستقبل المعازيم وعم يبتسلهم.
يافا:اوباااااا.... في شي عم يصير من ورا ضهري لكن
بتحمل ايهم وبتروح عند هشام يلي بكون
مادد ايدو ليسلم على بنت.. بتقطع سلامو وبتسلم هيي عنو
يافا:اهلا وسهلا شرفتو☺
بخلصو وبتقول لهشام:ليك اذا بدك بخطبلك
ياها فرد مرة؟.... او خود ابنك ربيه انت
وياها سوا لان انت وابنك جننتوني تمام...
بتحط ايهم بحضن هشام وبتلف لتروح...
بيمسكها من ايديها وبيبرمها لعندو وبقول :بحبك
يافا:اي اضحك عليي بكم كلمة ... بتتركو
وبتروح عالطاولة .. ليطلو جود وحمزة
هنن وماسكين ايدين بعضهن والفرحة على
وجههم وما سايعتهم... بيبتسم هشام لما
بشوف بنتو واخيرا عروس وفرح فيها...
وكانو نفذ وصية اختو... بقرب على حمزة
وبيهمسلو :رح سلمك وصية اختي الك هلا... جود بامانتك
باشر حمزة على قلبو وعيونو وبقول :هيي هون وهون...
لا تقلق عمي بنتك بالحفظ والصون والله يقدرني لاسعدها طول
حياتي
هاشم:الله يرضى عليكم ويهنيكن يارب .
_بنص الحفلة____

بيهمس هشام لل DJ يحط على غنية محددة خاصة... بقرب على يافا وبقلها بتسمحيلي برقصة
‏ ‏بتبتسم يافا وبتحط ايدها بايدو لتلبي دعوتو... بيسحبها على ساحة الرقص... بلف ايديه على خصرها.... وبتحاوط يافا رقبتو بايديها الناعمين... بكونو قريبين كتير من بعض وعم يرقصو على غنية:

أنا ...
أنا كلي ملكك
أنا كل حاجة حبيبي فيا بتناديك
أنا ...
أنا مش بحبك
الحب كلمة قليلة بالنسبة ليك
....
أنت فرحة جت لعندي
بعد عمر من التعب
في السعادة اللي باعيشها
يا حبيبي أنت السبب
ضحكتك عقلك جنونك
والحنان اللي في عيونك
هاوصف إيه و أحكيلك إيه
.....
معاك ...
باضحك وبافرح
مابقتش خايفة
ازاي هخاف وأنا بين إيديك
ساعات بخيالي باسرح
قبل أما باحلم كل حاجة ألاقيها فيك
والسنين…هتفوت وتمشي
منك أنت أنا مش هامّل
باوعدك يا حبيبي عمري
شوقي ليك ما في يوم يقل
هبقى فرحك وقت حزنك
في التعب تلاقيني حضنك
كل يوم ...
من عمري ليك..

يافا:على مين عم تطلع
هشام: يا عفو الله حتى بالرقصة
يافا بهمس: ننننن اصلا بحبك وبغار عليك
هشام:بعشقك وبعشق غيرتك يا مجنونة

#انتهت
#بقلمي_ميسا
رأيكم فيها وكلمة حلوة الي كل الحب الكم 🤍
#ايفا 🕊🎴

بداية القصة 🫶🏼

قصة جديدة: #العشائرية

قراءة ممتعة 🤍.

#قصة_العشائرية 📿🗡️
#تعديل: نزلت كاملة واخيراً 😭♥️ "
اعملوا تاغ ل يلي لسا ما قرأت تقرأ 💚
#بقلم_الكاتبة_ايمان_اوخين🧿

#لمحة_صغيرة 💀: بمجرد قلنا قصتنا هي قصة عشائرية لازم نفهم من هالكلمتين انو قدامنا كلمات بتعبر عن روايتنا ويلي هنن " الانتقام .. التار ..الحب .. الدم .. الفقد .. العذاب " 💔

اكتر من هيك مافيني احرقلكن الاحداث فوراً ..
رح نزل كل يوم ساعة 10 المسا جزء ويمكن اكتر حسب قدرتي .. وبتمنى من درجة الاولى تدعموني 😍

#المقدمة:

بضيعة عشائرية كبيرة وببيت من بيوتها كانت عائشة قاعدة على ارض وهي عم تمشط شعر بنتها الصغيرة " لين" واختها "سارة" قاعدة جنبها عم تسأل اسئلتها يلي مالا اخر

سارة: ماما احكيلي عن قصر مصطفى آغا
عائشة: عن شو بدك احكيلك بالضبط
سارة: عن كلشي كلشي .. يعني هنن كم شخص .. وانو صح يا ماما كل واحد عندو غرفة لحال وسيارة وعندن حصان كمان ؟!

اطلعت عائشة على بنتها يلي ناطرة اجوبة اسئلتها بفضول وحكت : اي يا بنتي .. هالقصر بناه مصطفى آغا كبير العيلة ومن كبارية عشيرة دينخان..
القصر عبارة عن طابقين وفيها غرف كتيرة شي للنوم وشي للكتب وشي للضيوف و للأكل وغيرا وغيراتا

وغير ساحة القصر الواسعة يلي مزينة بطرف منها بالاشجار المنوّعة وورود بأشكالها .. وبطرف التاني موزع كنابايات تقيلة بشكل مرتب

وبقسم الجانبي من القصر، طرف منها مخصص
للاصطبل " حظيرة الخيول" وطرف التاني مخصص ك كراج للسيارات القصر

اما بخصوص العائلة الكريمة ف مصطفى آغا عندو 3 ولاد وكل واحد فيهم تزوج وخلّف وصارو شباب بينشد فيهم الضهر

ابنه الكبير اسمه محمد تزوج امينة خانوم من عشيرة اردين وخلّف ولدين مهفان و لارا

وابنه الوسطاني اسمه ياسين تزوج من سناء كانت غريبة عن العشيرة ولحد هلق بيعتبروها غريبة حتى بالعيلة وخلّف بس ولد واحد واسمه عماد

اما ابنه الصغير اسمه يحيى تزوج من بنت خالته اسمها خديجة وخلّف ولدين علي وآرين

بهالاثناء دخلت صبية حلوة عالغرفة وابتسامتها على وجها كالعادة وحكت بغنج : ويا ترى اي واحد فيهن جاية على حصان الابيض لياخدني

ضحكت عائشة وردت : ههههه .. يا عمري يا " ايفار " الله يبعتلك ابن الحلال ويسعدك ياروح امك انتي

راحت ايفار وقعدت مقابل امها وردت : آمييين يارب .. اي امي كملي حديثك

اخدت عائشة نفس وكملت: هاد يا بنتي كبروا هالولاد وصارو شباب وعين الله عليهم كل واحد فيهم بيقول للقمر بعد لاقعد محلك ..

مهفان ابن محمد الكبير واكبر احفاد مصطفى اغا معروف بقوة شخصيته يلي طير عقل بنات الضيعة كلها وهيبته وجماله وطوله وطبعاً كسب كل هالمواصفات من عمه يحيى يلي كان بزمناتو اخد عقلنا هههه ..

بس بزمناتو كان عمه يحيى بيحب بنت من عشيرة تانية بس كان مصطفى آغا رافض فكرة انو يربط اسم عيلتهم بهديك العشيرة وصار كتير مشاكل وبالاخير زوجوه بعمر صغير قبل اخوه محمد وياسين لحتى يبعد عن هديك البنت

وعلي و عماد طالعين لجدهم مصطفى اغا زكرت وقد حالهم ومكان الثقة .. كل واحد رجال بكل معنى الكلمة

ولارا المعروفة برقتها وجمالها ونعومتها بتلفت نظر وين ما قعدت ووين ما راحت

اما آرين اصغر احفاد مصطفى آغا ملاك على هيئة انسان .. قمر مصور صغيرة العيلة ومدللة جدها .. ما بتنرفضلا طلب .. وعمرها اصغر من اختكن ايفار بسنتين بس

سكتت عائشة فجأة بس تذكرت شي
حاولت تخفي توترها ورجعت اخدت نفس وكملت : المهم يا بناتي هالعشيرة معروفة بكرم اخلاقها واحترامها والهم سمعتهم و اسمهم من بين عشائر كلها

ايفار : خلص يا امي هاد يلي اسمو مهفان من هاللحظة اعتبريه صار صهرك

ضحكت عائشة : يا عيوني انتي والله احب على قلبي تتزوجي حدا من بيت الاغا وتعيشي معززة ومكرمة

شردت ايفار شوي وحكت بجدية : اي امي شو مشان دراستي ما قررتي لسا
عائشة : يا امي يا روحي انا بدي ياكن تكبروا وتتعلموا وتتثقفوا بس وضعنا ما بيسمحلنا .. بتعرفي اني بروح صبح بكير على بيت آغا بخدمهم لساعة تسعة المسا ومصروفنا يا دوب .. غير هيك انا كيف بدي أمن عليكي برات هالضيعة لك بنتي

ايفار : امي انا ماني رايحة اقعد بالمدينة لحالي.. انتي بتعرفي اني رح كون مع " هيلما " وندرس ونتشارك بكلشي وليكها المدينة بتبعد ساعة وحدة بس عن ضيعتنا

عائشة : افهميني يا روحي قلبي مو مرتاح لهالشغلة .. بعدين نسيت خبرك انو من بكرا رح اخدك معي عالقصر بتساعديني هنيك هالفترة لانو ميسون راحت لعند امها خطي حالتها ما منيحة وحطوها بالمشفى وانا و " ابرار " مو ملحقين على شغل القصر كلو

نزلت ايفار راسها بحزن وردت : طيب امي متل ما بدك

عائشة : خلص يا روحي جيبي كتبك وادرسي هون ووقت امتحاناتك بتروحي بتقدمي بكالوريتك هنيك

رفعت ايفار راسها وعيونها دمعو فجأة من الفرحة وهجمت على حضن امها وبلشت تبوسها من راسها وتحضنها : لك يخليلي ياكي يا اغلى واحن ام بالدنيا كلا

وبدورها عائشة غمرتها واخدتها على حضنها : يا ضي عيوني .. يلا يا عمري تأخر الوقت وصار وقت النوم .. بكرا عندنا شغل كتير بالقصر
ايفار : اي امي بس ما قلتيلي ومين بدو يدير بالو على لين وسارة
عائشة : واخوكي ايمن لك بنتي
ايفار: هه يعني على اساس ما بتعرفي انو ما بيقدر يقعد بالبيت ثانية
عائشة : صحي لسا ما رجع من عند صاحبو سليمان ؟
ايفار : لا يامو لسا
عائشة: خلص انتي روحي نامي وانا رح احكي معو بس يرجع
ايفار: ماشي امي تصبحي على خير
عائشة : وانتي من اهلو يا روحي

#الجزء_الاول:

∞..........« ♪٭★٭♪».........∞

بيوم التاني فتحت عيونها بالتدريج على صوت العصافير بعز الشتا ، رفعت ايدها و بعدت خصلات شعرها عن وجها وبلشت تفرك عيونها وهي بعدها بالفرشة، شردت بشباك غرفتها وبلشت تروح بخيالها لااحلامها الوردية .. ولسا ما تعمقت بأحلامها ... فجأة رجعها صوت امها على واقعها وهي بتناديها :
بنتي ايفار .. يا بنتي

فتحت عائشة الباب وحكت بكل حب : دخيلو هالوش ..صباح الخير يا عمري

ردت ايفار بغنج : صباحو يا اغلى صبية بهالكون كلوو
عائشة : يا روح امك يلا قومي صارت الساعة 7 بلا ما نتأخر عالقصر لازم نلحق شغل قبل ما يفيقوا بيت الآغا
ايفار : اوف يااه .. مين بيترك هالفرشة الدافية .. اخخخ والله بررررد

قامت ايفار بعد محاولات من فرشتها وراحت لحتى تغسل وجها
ايفار: يا امييي شو هالبرد كيف بدي اغسل وجهي هلق
عائشة: لسا ماجهزتي حالك يا بنت بدك قتلة عند هالصبح
ايفار: لااا امي لاا كلشي الا القتلة بهالبرد

عائشة: لكن خفي ايدك شوي بلا ما نتأخر
ايفار: يلا امي ثواني بس ....

و بعد محاولات سحب ومد ايدها تحت مي المبوّظة اخيراً قدرت انها تغسل وجهها وتروح تجهز حالها

ايفار : يلا امي انا صرت جاهزة
عائشة: يلا يا روح امك وهي انا خلصت لف السندويشات لاخواتك بياكلوها بس يفيقوا

∞............« ♪٭★٭♪»...........∞

وصلوا ايفار وامها عالقصر وبلشو تنضيف وترتيب واخيراً صار وقت الفطور

كانت عائشة بالمطبخ عم تجهز لما دخلت ست بالاربعينات وبلشت تاخد عيونها يمين وشمال وحكت : صباح الخير
عائشة: صباح النور امينة خانوم
امينة: شو لسا ما جهز الفطور
عائشة: ثواني وبيكون السفرة جاهزة يا خانوم
امينة: الكل بالقصر ؟
عائشة: والله يا خانوم ياسين اغا طلع مع ابنه عماد عالشركة
امينة: امممم ،، وابني مهفان ؟ ما شفتو بغرفته

ابرار : شفتو الصبح وانا عم نضف قدام بابا القصر طالع مع مصطفى آغا يا خانوم
امينة : وما بتعرفي لوين راحو
ابرار : لا والله يا خانوم
امينة: ماشي لكن انا طالعة على غرفتي بس تجهز الفطور خبروني
عائشة: امرك امينة خانوم

اخدت عائشة نفس بعدما طلعت امينة من المطبخ وحكت: ابرار شو صار بالشاي
ابرار: كلشي صار جاهز خالتي
عائشة : يلا بنتي خلينا ناخد الاكل عالسفرة
ابرار : يلا خالتي
عائشة : ايفار يا امي ما خلصتي غسل الكاسات
ايفار: يلا امي هي خلصت

بلشوا عائشة وابرار وايفار بتوزيع الاكل عالسفرة
وراحت عائشة تخبر الكل يجوا يفطروا ..

بهالاثناء كانت ايفار راجعة عالمطبخ وهي عم تطلع حواليها باعجاب من اثاث القصر وطريقة البناء والعفش وهي عم تحكي مع حالها وكلها دهشة : يا الله هالقصر شو كبير وشو حلو متل الافلام بالضبط .. شو بحلم يكون عندي هيك اثاث ومناظر وهيك قصر

كانت عم تمشي وتتفحص من دون ما تنتبه انها راحت بطريق تاني غير يلي كانت رايحلها
وللحظة حست انو ضيعت حالها وماعد عرفت طريقها للمطبخ
صارت ترجف وتحكي مع حالها : وليييي هلق بفكروني عم اتجسس على شي حدا بالقصر .. وينك يا امييي

بلشت تمشي وهي عم تطلع حوليها بخوف وفجأة مرقت من جنب غرفة كبيرة مبينة من فتحت الباب رفوف كتب

ما قدرت تمسك فضولها فحصت بعيونها حوليها وتقدمت بخطواتها وفتحت الباب عالاخير اتوسعت معها حدقة عيونها من منظر يلي قدام عيونها

كانت الغرفة عبارة عن قسمين .. قسم لمكتبة بطول الغرفة من تحت لفوق مليان كتب وقسم كنابايات تقيلة ومرتبة موزعين بشكل مرتب

بس شافت عيونها المكتبة مليانه كتب نسيت حالها وفجأة خطر على بالها تاخد كم كتاب من هالكتب

بس قبل ما تتحرك وتدخل سمعت صوت رجولي عم يحكي .. من خوفها تلبكت ودخلت عالغرفة وسكرت الباب بسرعة من دون ما تطالع صوت .. وشوي شوي صار هالصوت يقرب من الباب حتى انفتحت بالاخير

بهالوقت قدرت ايفار تلاقي مكان تتخبى فيه

انفتح الباب ودخل علي وهو حامل تلفونه وعم يحكي و اخد طريقه على ملفات يلي كانت محطوطة على طاولة وطلع من دون ما يلاحظ او ينتبه انو كان في صبية متخبية تحت هالطاولة وهي مسكرة عيونها وعم تهمس بخوف : يارب ما يشوفني يارب دخيلك خلص هي اخر مرة ماعد عيدها ورح انتبه وامسك فضولي وماعد فتش على بيوت العالم ...

وهي لسا عم تهمس بينها وبين حالها رجعها صوت سكرت الباب على الواقع
بس تسكرت الباب فتحت عيونها بعدم تصديق وبسرعة البرق طلعت ركض من مكانها لعند باب الغرفة وبس تأكدت انو مافي حدا برا طلعت وصارت تحكي مع حالها : الحمدلله يارب ما شافني انفلتنا .. اي بس انا هلق كيف بدي ارجع عالمطبخ يالله شو كبير هالقصر

وهي عم تمشي لفتت راسها لتشوف اذا في حدا وراها وبس رجعت لفتت لقدامها فجأة انضربت بحدا متل الحيط ووقعت من بعد ما فقدت توازنها من دون ما تستوعب شي .. رفعت وجهها لاخر درجة من راسها بس شافت عملاق قدام عيونها من رعبتها بلشت تزحف لورى وهي عم ترجف وتحكي بشكل متقطع : ااانا وووالله كككنت بدي ارجع عاااالمطبخ و...

قاطعها صوت رجولي : مين انتي ؟
ردت ايفار بعدما بلعت ريقها : ااانا .. اممم انا مين .. ااايفار انا اايفار
.... : اي وشو عم تعملي هون ؟
ايفار : ككنت رااايحة عالمطبخ بس ....
.... : لا حول الله انا شو عم اسأل وهي شو عم ترد

تركها مهفان وكمل طريقه وفجأة رجع وقف بس سمع ايفار عم تناديه : اخي بب بس ممكن تقلي وين طريق المطبخ
اطلع مهفان على ايفار من تحت لفوق وهمس بسخرية : اخي !!!
اخد نفس وكمل طريقه لما فجأة رن تلفونه

ايفار بصدمة وصوتها بترجف : اي لعما ضربك لعماا .. رح يوقف قلبي شو هااد .. حيط والله حيط.. دخيلك يا الله مابدي موت هلق .. خلص يا قلبي حاج تخافي خلص راح اهدي

وبلشت توقف على رجليها وهي عم تهمس : ياربي تاخد طريقي على مطبخ قبل ما انصدم بحدا تاني واندفن هالمرة عن حق وحقيق وبلشت تروح يمين وشمال وفجأة لمحت ابرار طلعت من قدامها
ايفار من فرحتها ركضت لعندها

بس شافتها ابرار حكت : وينك ايفار امك كانت عم تسأل عليكي
ايفار: والله يا ابرار ضيعت طريقي وانا راجعة
ابرار : يلا مو مشكلة شوي شوي بتتعودي عالقصر تعالي معي

وصلت اخيراً عالمطبخ وكأنها وصلت عالجنة وبس شافتها امها حكت بعتب : وين كنتي لك بنتي بدك من اول يوم تعمليلي مشكلة
راحت ايفار وحضنت امها : والله يا امي ضعت وانا راجعة وماكنت عرفت ارجع لهون لو ما طلعت ابرار قدامي
عائشة : طيب بنتي بس انتبهي بمرة تانية ماشي يا عيوني
ايفار : امرك امي

قعدت ايفار على كرسي وهي بعدها عم ترجف من موقف يلي صار معها قبل شوي

∞................« ♪٭★٭♪»..............∞

بهالوقت وبشركة الآغا تحديداً كان ياسين آغا قاعد بمكتبه عم يتفحص الوراق يلي بين ايديه وابنه عماد قاعد على كرسي مقابله

عماد: شو ابي شو رأيك بهالصفقة
ياسين: الصفقة كبيرة وكل امورها عال العال بس في شي ماعم افهمو
عماد : انو شريكنا بهالصفقة مجهول الهوية

هز ياسين براسه وحكا : هاد يلي شاغل بالي
عماد: طيب يابي خلينا نجتمع اليوم المسا مع عمامي وجدي ونتفق على قرار بخصوص هالشي
ياسين : وهاد يلي رح يصير ..

صفن ياسين بابنه شوي وبعدين حكا وابتسامة غريبة على وجهه : لك انت ايمت كبرت لك ازعر
عماد باستغراب : شو ابي يلي بشوفك هلق بفكر كل حدا فينا عايش بمدينة
ياسين : والله يا ابني ما كنت شايفك
عماد : اي لكن .. ما انا شفاف كيف بدك تشوفني
ياسين : هههه الله يحميك يا ابني وشوف ولاد ولادك .. وعلى هالسيرة ما قلتلي لك ابني شو صار بموضوع الجيزة يلي حكينا فيه

وقف عماد بسرعة وحمل الوراق يلي محطوط عالطاولة وحكا محاولة منو يتهرب من الموضوع : يابي نحنا هلق بمكان الشغل وشغلي لفوق راسي بخاطرك

وهو بطريقه ليطلع من مكتب بسرعة .. استوقفه صوت ابوه
ياسين : عماااد
وقف عماد بمكانو قبل ما يفتح الباب واخد نفس وزفره بضيق والتفت و رد : نعم ابي
ياسين: بدك تضل عم تتهرب ..
عماد : ......
ياسين : يابي انا وامك بدنا نفرح فيك ونشوف احفادنا عم يكبروا بين ايدينا .. ولا بدك تحرمنا من هالنعمة لك يا ولد
عماد : خلص يابي رح اعمل يلي بدكم ياه بس هالفترة اجلولي هالجيزة شوي
هز ياسين براسه ورد : مااشي .. لنشوف لايمت بدك تتهرب بس حط ببالك الزواج بدك تتزوج وغير بنت كمال آغا ما بزوجك

كز عماد على اسنانه والتفت وفتح باب المكتب وطلع و علامات الضيق والغضب واضح على وجهه
وهو بطريقه لمكتبه استوقفه صوت مهفان

مهفان :شو يا ابن العم شايفتك قالب خلقتك " غمزله بعيونه وهز براسه وقلو " شوفي

بينما عماد اخد نفس ونفخ وكمل طريقه لمكتبه ولحقه مهفان
سكر مهفان الباب بعدما دخلوا عالمكتب هو وعماد
عماد : اجيت بوقتك
مهفان: هممم اي بس ما قلتلي شبك شو صاير كمان
عماد: متل العادة يعني شو بدو يكون صاير
مهفان: اهاا .. هلق فهمت
عماد: ....
مهفان: يلي ما فهمتو ليش رافض فكرة انك تتزوج

عماد: حفيدة كمال آغا !! بربك ناقصني انا هالمجنونة لحتى حضرة جناب جدك وعمك يكسبوا شراكة معه بدهن يعلقوني بهالعلقة
مهفان وعم يخفي ضحكته : وشبها هالمجنونة حلوة وامورة وعين الله عليها الف شب بيتمنى يتزوجها
عماد : الف شب بيتمنى يتزوجها قلتلي لكن.. معناها ليش ما حضرتك تروح تتزوجها ما انت كبيرنا ومنو بتفردنا بريحة طيبة

رجع مهفان ضهرو لورى وحط راحة ايديه ورى راسه وحكت : وحيد ابوك وبدو يفرح فيك .. اي والله حقه .. بعدين تع لهون شو هاد كبيرنا ما كبيرنا .. هلق صار اسبوعين محرزين نحكي فيها

ضل عماد ساكت وهو صافن بالفراغ

لاحظ مهفان شرود عماد وسأله : لساتك بتحبا ؟
اطلع عماد بمهفان بعدم فهم
مهفان: لأم شبر ونص
ابتسم عماد بقهر ودمعو عيونه بحزن : اخخخ لك اخ شو عملت فيني هالأم شبر ونص
مهفان: بعينك الله ابن العم بعينك الله

اخد عماد نفس ونفخ : ماعم تروح من بالي لك ابن العم ماعم تروح ..
مهفات: انت عملت المستحيل لتبعدها عن الخطر بس هي راحت برجليها عليه ..
عماد : ما كنت بعرف هيك رح يصير بشو احلفلك يا مهفان ما كنت بعرف

هز مهفان راسه بأسف وحكا : بعرف لك ابن عمي بعرف هاد الي كاتبو ربك انت عملت يلي بيطلع بإيدك

عماد: والله حاسس حالي مخنوق .. ايديي مربطين ومو قدران اعمل شي

رد مهفان بمحاولة يغير الموضوع: طيب قوم قوم..تعال معي بعرف كيف فك هالربط عنك ..
عماد :مالي خلق لشي مهفان اتركني بحالي
مهفان: عم قلك قووم شو شغلة على كيفك
عماد: هلق بلا ولدنتك .. بعدين شو نسيان عندنا اجتماع مع جواد آغا بخصوص صفقة يلي حكينا عنها امبارح

مهفان: لك اي صحي كيف نسيت .. منيح ذكرتني
عماد: اي و نسيت خبرك كمان اليوم المسا في عندنا اجتماع بالقصر بخصوص صفقة الجديدة يلي انعرض علينا من شخص مجهول
مهفان: اها بس انا مشغول المسا
عماد : اي براحتك بس يكون بعلمك لو رحت لاخر الدنيا جدك مارح يباشر بالاجتماع غير يكونوا الكل موجودين

مهفان بنفاذ الصبر : امري ل الله لكن
عماد: يلا خلينا نمشي هلق بلا ما ينتظرونا بالاجتماع لسا عندنا شغل كتير

∞................« ♪٭★٭♪»..............∞

بقصر كمال آغا وبغرفة من غرفها الكتيرة كانت قاعدة على تختها وحاطة رجل فوق رجل وعم تمنكر اصابع ايديها وتنفخ عليها وما كانت الا ثواني واندق الباب

...: ادخل
فتحت مرة بعقد الاربعينات وحكت: الفطور جاهز مدام اروى
اروى: اي انا مابدي انزل جيبيلي لهون على غرفتي
جيهان: متل ما بتؤمري يا مدام

طلعت جيهان وسكرت الباب ونزلت عالدرج وتوجهت بطريقها عالمطبخ.. وهي مارقة من جنب صالة المخصصة لطاولة الاكل استوقفها صوت مرة

.... : شو جيهان خبرتي بنتي اروى تجي تفطر معنا
جيهان: اي يا ديالة خانوم بس مدام اروى طلبت مني اخدلها الفطور على غرفتها

....: شايف ابي شايف الدلال يلي قدمتلا شو عمل فيها .. هالبنت كل مالها عم تتمادى وتعمل يلي براسها

كمال آغا: معلش علاء معلش حفيدتي بتؤمر أمر ..كم حفيدة انا عندي .. بعدين لو حضرتك خلّفت ولاد اكتر كنت وزعت حصة الدلال عالكل

علاء: كنت انت تخلّف غيري كمان و يجيبولك احفاد قد ما بدك

للحظة كان اخر كلمات علاء متل خنجرة ودخل بحلقة كمال آغا .. كان مجرد كلمات بس كانت كفيلة لتاخده لذكريات قديمة كتير ومؤلمة ترك بصمة كبيرة بقلبه ..

انسحب كمال آغا من طاولة الاكل وسط استغراب ديالة وعلاء ودمعته كان معلّق على طرف عيونه واخد طريقه على مكتبه

اول ما دخل اتجه على كرسي وقعد وحاول يفك ازرار قميصه ليقدر يتنفس

مد ايديه وحاول يفتح درج وطالع صندوق صغير فيها صور ورسالة وخاتم من دهب على شكل ورد بقلبها احجار باللون البني

مسك صورة بايديه يلي عم يرجف وغرق عيونه بالدموع المليانة شوق وندم .. استسلم للصورة وبلش يبكي بحسرة : اشتقتلك .. اشتقتلك كتير

∞................« ♪٭★٭♪»..............∞

بقصر مصطفى الآغا خلص اليوم كلو وايفار ما طلعت من المطبخ بس ساعدت امها بالطبخ وزينت الصحون ورتبتهم وساعدت ابرار بالجلي

وبنهاية اليوم كانت عائشة طالعة مع ايفار من المطبخ بطريقها لبيتها فجأة طلعت ست قدامهم
ردت عائشة : اهلين سناء خانوم امريني
حكت سناء وابتسمت : لا يؤمر عليكي ظالم عائشة شو رايحة عالبيت ؟
عائشة : اي كنت رايحة بس فيني اتأخر شوي قليلي شو لازمك بعملك ياه فوراً يا خانوم

لاحظت سناء اخيراً على صبية الواقفة وراها لعائشة وهي نازلة راسها وعم تسرق نظر كل شوي وحكت بابتسامة مريحة : مممم شو مين هالصبية الحلوة عائشة ما بدك تعرفينا عليها

وعائشة بدورها بادلتها بابتسامة : هي بنتي ايفار جبتها اليوم لحتى تساعدني شوي .. بتعرفي من لما ميسون راحت تشق على امها بالمشفى ونحنا مو ملحقين على شغل القصر فقلت بجيبها لتساعدني شوي

سناء : عملتي زينة العقل الله يخليلك ياها وتشوفيها عروس وتفرحي فيها .. اي صحي انا اجيت لقلك خدي معك شو ما لزمك من الغراض وخدي معك العشا للولاد عائشة: يخليلنا ياكي يا خانووم
سناء : ماشي عائشة روحي خدي شو ما بدك وبلا ما تتأخري على بيتك وولادك واذا لزمك اي شي تاني ما تترددي تقليلي .. تصبحي على خير .. بشوفك يا امورة

ابتسمت ايفار و عائشة وردت : تلاقي خير يا خانووم

∞................« ♪٭★٭♪»..............∞

بالقصر وبمكتبة مصطفى الاغا كان مجتمع مع ولادو واحفاده عم يتناقشوا بخصوص موضوع صفقة شراكة

محمد آغا : ابي هالشراكة ما دخل براسي .. شو هالشخص المجهول هوية هاد ..

علي: انا يا جدي حاولت ابحث عنه بس ملفه فارغ ابيض مافيها نقطة اسود .. ما عرفنا خيره من شره

يحيى آغا :اي شو رح نعمل هلق .. كمان مافينا نخاطر بس لانها صفقة كبيرة

مصطفى آغا: ما لازم ناخد قرار نندم عليه بعدين ..
محمد آغا : وانت شو رأيك ابني مهفان حاسس عم تفكر بشي

تنهد مهفان ونزل راسه وشبك ايديه ببعض وحكا بكل ثقة : برأيي يا جدي صفقة كبيرة ومهمة متل هي ما لازم نخليه يروح من بين ايدينا
عماد : بس يا مهفان شو اذا كان واحد ...

قاطعه مهفان : اذا بدو يلعب بديله منقطعلو ياها .. بما انو رح يدخل بشراكة بصفة شخص مجهول رح نلعب متلو ويكون في شخص مجهول بيناتنا ضمن هالصفقة

مصطفى آغا: كيف يعني يا ابني ما فهمت عليك

مهفان : يا جدي هالصفقة رح يكون مشترك بين تلات اطراف بدال طرفين ..وبهالحالة منكون آمنة على حالنا اذا صار ما صار

ياسين آغا: اممم فكرة منيحة
مصطفى آغا: وشو الخطة المتبعة بخصوص هالشي

مهفان : هالشي اتركوه عليي جدي رح اشتغل بالأوراق اللازمة وكلشي رح يبين طبيعي

مصطفى آغا: ماشي ابني لكن بلش بهالموضوع من بكرا

مهفان: امرك جدي رح اتصل هلق بالمحامي ونعطيه موافقتنا بهالخصوص وبكرا منشوف شغلنا

∞............« ♪٭★٭♪»...........∞

رجعوا عائشة وايفار من القصر بعد يوم طويل
دخلت ايفار تحممت وطلعت قعدت بغرفتها وهي شاردة وفجأة صحتها صوت امها : ايفار بنتي يلا تعي اتعشي يا يا روحي
ايفار : يلا امي ليكني جاية

راحت ايفار وقعدت على سفرة جنب اخواتها وبوستهم : شو ما اشتقتولي اليوم
لين : اي والله يا اختي اشتقتلك كتير كتير
سارة : ياريت يا امي لو اخدتي ايمن معك بدال ايفار .. ضل طول اليوم عم ينفخ بوجهنا

ردت عائشة : معلش امي هو كم يوم وبترجع اختكم وبتضل تدير بالها عليكم ..
ايفار : صحي امي وينو ايمن ؟
عائشة : اول ما وصلنا لما دخلتي عالحمام طلع لعند صاحبو سليمان قال عاملين سهرة شبابية وبدهم يتفرجوا على مباريات

شردت ايفار شوي وصحاها صوت امها : شبك امي ما تاكلي

ايفار : امي بدي قلك شي
جلست عائشة قعدتها : اي ياروحي سامعتك

ايفار : امي انا قلتلك انو وانا راجعة من المطبخ اليوم بالقصر ضيعت طريقي وانضربت بحدا

عائشة : ولي على آمتي .. لك بنتي ما قلتيلي انك انضربتي بحدا... مين كان ؟
ايفار : شبك امي يلي بسمعك بقول اني شايفه كل مين بالقصر وبعرفهم لحتى قلك مين كان
عائشة : طيب يا امي شو كان لابس
ايفار: اااا .. والله يا امي من خوفي وصدمتي ما عم بتذكر غير نظراته الحدة يلي كان رح ياكلني بدون ملح
عائشة: الله يصلحك يا بنتي مرة تانية انتبهي واحفظي طريقك منيح
ايفار : امي يعني ما عرفتي مين هو
عائشة : كيف بدي اعرف مين هو اذا ما شفتو لك بنتي

سكتت عائشة شوي كأنها تذكرت شي وحكت : ...اممم بس اليوم قبل ما تدخلوا انتي وابرار عالمطبخ لمحت مهفان طالع .. بجوز يكون هو .. يلا بسيطة يا روحي كلي وروحي ارتاحي

ايفار: انا شبعت امي
عائشة : بس ما اكلتي شي
ايفار : معلش امي ماني جوعانه

انسحبت ايفار وتحججت بأنها رح تنام لحتى تفيق بكير ليوم جديد طويل ومتعب وبس راحت على غرفة النوم حطت راسها وصارت تتقلب وما قدرت تنام وهي متذكرة هديك الضربة وهمست بينها وبين حالها : مهفان !! شو متكبر ... لعماا شو قلبه حجر .. لك حتى ما مسكني متل الافلام ولا صار في بيناتنا نظرات حب وعشق وهيام ..

زمت شفايفها وحكت من بين اسنانها : خلاني اوقع من دون ما يرفله جفن وسألني بكل وقاحة "مين انتي ؟ " بدال ما يسألني " انتي منيحة ؟ " .. شو عليه يا استاذ مهفان الايام بيناتنا انا بفرجيك ...بس لحظة لحظة يا ايفار شو جنيتي شو بدك بالزلمة مو الحق كان عليكي شو كنتي عم تعملي هنيك اه ؟؟ ... اووف ياااه ليش هيك صااار ياااربي ليييش

ضلت ايفار عم تتقلب لحتى غلبها النوم ونامت .. #يتبع لجزء التاني ♥️