ساجد:اتفضلي ارتاحي
الام: خير يا سيدي شو القصة والله من حكي الناس ما عم اخلص
ساجد:اتفضلي ورح احكيلك
قعدت ومبين عليها التوتر والخوف
ساجد:انت اعرفتي انو جوزك اليوم اتحول للنيابة
الام:اي اسمعت اخدوه بس انا حاليا ببيت اهلي ومابعرف مصيبتي بتكفي وبتوفي
ساجد:يأسفني انو اخبرك جوزك الي قتل ابنك
الام:شكيت من اول ما اخدوه
ساجد:هو اعترف بتحرشو فيه واعتدى عليه
الام:الله ينتقم منو يارب الله يحرموا نوم عيونو
ساجد:مارح ازيدها عليكي واحكيلك الحق عليكي بس ياريت ينتشر الوعي بين الناس مو اي حدا فيه يتأمن على بيتنا وولادنا وحتى اقرب الناس النا نوار اكيد مارح يرجع وانت العمر قدامك طويل الحياة ما وقفت هون
الام: عندي وقفت
ساجد:الموت هيك ببلش كبير وبعدين بيصغر رح تستوعبي حجم المصيبة ورح تكفي حياتك اكيد مو بظل المريض النفسي
الام:ولايمكن استمر معو
ساجد:فيكي تفرجيني صورة لنوار لاخر مرة
ضوتلو شاشة موبايلها واتأملو
ساجد:الله يرحموا
الام:شكرا الك يا سيدي فتحت القضية وعاقبتو المجرم الحقير
ساجد:هاد واجبنا
الام:فيني امشي
ساجد:اكيد فيكي والله يجعلها خاتمة الاحزان
الام:الله يسلمك
انصرفت
بقلبو:منيح ما حكيت معها مبارح لانو كنت مو بوعيي
ساجد:صورتك نوار ماعم تفارق بالي
.......
وبالمزرعة كانت الصيدا مرتبة موتورين مرة وحدة برعاية ماجد وجبورة
ماجد بقلبو:واليوم نسخت مفتاح غرفة ابن النمر ولازم ابعتهن مشوار مجد ومريم واستفرد بالغرفة واكيد اللابتوب بكون بغرفتو مستحيل ياخدو للواء وهيك رح اضمن خمس ملايين بهديك الايام ساجد اشتراه بمليون ولساتو جديد ولا خدش فيه
جبورة: ادريتو محل وسام بح
مصلح:اللي بالشعلان
جبورة:اي والسرقة ع الفجر صايرة
ماجد:والله متل سرقة المواتير مافي😂وتوصيلة لموقع التجديد ببلاش
مصطفى:بس لمعلم ديبو بيجددو ع الاصول
ماجد:مارح يكون راضي عننا لهيك نحن منعطيه حصة متلو متلنا وبلا ما يتابع الموضوع
مصلح:استعجلو فيه بكرى امي عندها مراجعة ولازمني مبلغ
جبورة:بعطيك ازا بدك
مصلح: والله ياريت
جبورة:لكن منرجع سوى انت ماجد داوم هون
وانت مصطفى لا تتركوا المزرعة
ماجد:روح وانت مطمن
طلعو بالموتور وانطلقوا
بلش شغل فيه ماجد بس مو بحرفية ديب قعدتو وهو يصلح والسيكارة بتمو بوحدة😂بتدل على انو واحد محترف سرقة ..
.........
وعند ديب كان عم يلبس ورايح للورشة لساتو بمضافة بيت أهلو ختام ولولاد واقفين عند الباب سكر اخر زر من القميص واخد الجزدان
ختام: ايمتى راجع للبيت
ديب:بس تعسفيه رديلي خبر انا بالورشة
بسام: بابا البيت بدونك مو حلو
ديب:من امك وطولة لسانها رح تخسروني كلي
باسل:بابا ارجع للبيت امانة
ديب:بصير خير انتو لا تشيلو هم وانت ختام هي قدام مها واخي وامي ازا ما بتصيري بشر رح اتجوز وقد اعذر من انذر
تركهن وطلع مشي معو دياب
دياب:حرام اخي كسرت خاطرها
ديب:وانا مو حرام تعال افرجيك دفتر الديانة اسمي اول اسم بالدفتر مابقى اتحمل اخي مديون وعيلة وقلة ادبها وقلة نظافة كمان انا بشر معاد اتحمل والله
دياب:الله يهديها
ديب:مافي خواص اخي دنب الكلب حطوه بالقالب مية سنة
دياب: أربعين سنة المهم دير بالك ع حالك وانا شو مابدك موجود
ديب:ما بتقصر اخي
فات للورشة كان مصلح عم يكش دبان
ومالل
ديب:عواافي
مصلح:اهلين معلمي شعشعت والله
ديب:مافي شغل
مصلح:هرهرنا تنين اليوم معلم
ديب:مو قلت بدنا نهدي اللعب
مصلح:معلم الوضع تحت السيطرة لا تشيل هم
ديب: ومين بدو يجدد الهراهير
مصلح: ماجد بس معلمي مش خرج متلك مافي دخيل قلبك حارق الدنيا بشخصيتك وشغلك
ديب:قبل انام بروح بشيك ع الوضع وين صطوف
مصلح:تركتوا مع ماجد وجبورة رجع للبيت هلا معلمي ملاحظ مصطفى هديان
ديب:مو هديان بس مريم مضبوبة ببيت حماها شو بدو يجن ع الحيطان ساوي قهوة
مصلح: دخيل كيفك يا معلم
شغل السيكارة وصغر عيونو وهو يتخيل تنزلو عروس من السما على طلبو اتزكر البيت وكش بدنو
.......
كان لابس بلوزة نص كم زيتية وبنطلون اسود وجاكيت اسود حفر ومسدسو على خصرو
بلال:لوين الهمة معلم
ساجد: اديش الي متعين هون ولا مرة فتت للسوق
طه: غير شكل معلم مليان بنات ع كيف كيفك
ضربو طيارة على رقبتوا
ساجد:مفكرني جهلان ولاه
بلال:هو قصدوا رح تشوف اشكال الوان بس ماعرف يعبر
ساجد: مابدي حدا يعرف ليش طالع ولوين
طه:ولايهمك معلم بدك نستلم عنك كمان😂
كان بدو يضربوا كمان طيارة بس هرب
ساجد:بتنكت والله
بلال:بس لحالك والله مو زابطة
ساجد:معي نبيل وجرير
بلال:دخيل قلبك يا معلم والله من وقت فتت المركز وانقلب قلب انضباط ونظافة وملتزمين بالنوبات
ساجد:هاد المطلوب
طلع من المكتب وراح لمكتب نبيل وسمع جرير يضحك

جرير:ناويلو ناويلو
نبيل:ازا اقدرت لا تقصر
دق الباب ونتبهوا
صفرلو جرير وغمزو
ساجد:يلا خلصونا
نبيل:نحن قلنا عم يتجهز للعرس
جرير:يخرب بيتك على هالشخصية
ساجد:خلصوني بقى
سبقهن وكملو وراه
جرير:هلا بتشوف لخليه يروح فيها
نبيل:مو بتاع نسوان والله
جرير:هي اللي بعرفها بتاع كلشي😂
نبيل:😂والله متخيل منظرو
التفت عليهن
ساجد:شو بتلعي انت وياه
جرير: سلامتك
نبيل:بدك نطلع بدون مرافقة
ساجد:دخيلك معنا الرائد جرير حرزان يترافق😂
جرير:ع فكرة شوفة حالك وغرورك متل الشمس واضحين
ساجد:بعرف اني مغرور فمافي داعي تخبرني
اطلعوا ببعض جريرر ونبيل
والاحسن هو يسوق السيارة وجنبو جرير نزل الشباك ليحكي مع بلال
ساجد:ع اتفاقنا
بلال:شو بصير ازا طلعت وراك معلمي
جرير:لا تخاف عليه نحن معو
اطلع عليه ساجد ورفع نظاراتو حطهن على جبينو
ساجد: انت اد كلامك
جرير: هههه والله جد بحكي
ساجد:حسيتك مستخف فيني
نبيل: كأنك مو ناوي تمشي
اتطلع ب نبيل ونبيل رفع عيونو لسقف السيارة
ساجد: اطلع فيني نبيل لا تتهرب
اتطلع وكاتم ضحكتو
س

- النص المستخرج من الصورة: 📝
ساجد اطلع فيني نبيل لا تتهرب
اتطلع وكاتم ضحكتو
ساجد قلبي مش مرتاحلكن ما بعرف ليش
طه خلينا نطلع وراك معلمي
ساجد: ناوبو منيح مين ما سأل عننا بتحكولو اجتماع مغلق
جرير: يلا ولووو ملينا
لبس النظارات ودغري سكر الشباك وطلع من المركز تحت
انظار كل العناصر
تنفسوا براحة
اووووف والله وجودو هم بالمركز
ما
لا يسمعك حدا مشان الله
ما عم اشبع نوم وين بمناوبة الرائد جرير كنت ابرطل
الشباب وانام ساعات اضافية
من هالناح معك حق وشفت ساعات التدريب الإضافية
والله بخاف يعمل كبسة على الاستراحات وما يعجبوا
الوضع
متزكرين تمارين البطة
وفرطول ضحك

القسم الثامن وعشرون
رجع ماجد تعبان كتير دغري فات يتحمم وشاركهن الاكل
ام ساجد:طالع من طلوع الضو انت ولا ما نمت بالبيت
ماجد: الظهر اطلعت
مجد:لك لا تجدبها من التسعة ماما فاتت تصحيك ما لقتك
ماجد:ما بجيب فلافل بعرف لشو بتستفقدوني
ام ساجد:بكرى بدون ما اطلب بتصحى وبتروح تجيب
ماجد:اي ماشي مجد ومريم شو رأيكن بمشوار
مجد:ع الشعلان
مريم:اي منروح
ام ساجد:شو اجى عبالك
ماجد:منغير جو الصبايا وانتي ندورتي تروحي
نادرة: عيلة مجانين
ابو ساجد:هاد الي طلع معك لك اختي
نادرة:اتصلولي بعمران مليت عندكن
ام ساجد:خليكي عنا والله متونسين فيكي
نادرة:لا جننتوني مابدي
ام ساجد:ما حلوة نتصل بابنك بعدين بقول قلعوها
نادرة: اتصلوا فيه ع مسؤوليتي
ام ساجد:متل مابدك
ماجد: هي بتقلب الحقايق بكرى بتقول وليييي قلعوني من بيت اخي الله يرحموا
ام ساجد: عم تفاول ع ابوك يا قليل التربية
ماجد:ندورتي وين اخوكي ابو ساجد
نادرة: الله يرحموا ليش عم تزكروني فيه
ماجد:هي بالقوة نسيتو😂اي بابا كيف الوضع عندك بالبرزخ
ابو ساجد:كمان بالموت عم تستهزأ يا عيب الشوم عليك
كملو اكلهن بس نادرة عم تبكي اتزكرت المتوفاة😂
..........
جهزنا حالنا للروحة كان ماجد ماشي قدامنا واعطتنا حماتي التعليمات
ماجد:لا تخافي معهن رجال
ام ساجد:اي الله يسمع منك
بطريقنا صادفنا مصطفى والا يوقف مع ماجد
ماجد:اسبقني انتن
سبقناه لاول الشارع وطول لحتى رجع
مجد:الله ياخدو شو بشع
مريم:لكن مصلح حلو
مجد بخجل:يوه شو جاب سيرة مصلح
مريم:ع اساس مو ببرفايلو ليل نهار
مجد:هسس اسكتي هلا بيسمعك
ماجد:كملن يلا
كملنا للسوق تمشاية كان ماشي بملل ونحن مبسوطات كتير على حكي وضحك والا يعزمنا على بوظة فتنا للمحل وقعدنا
ماجد:يييي لك مصيبة
مريم:شوفي
ماجد:انسيت جزداني
مجد:لا تقولها عم تمزح
ماجد:عنجد بحكي ليكن انتي ضلكن هون لا تطلبن لارجع انا واصل راجع
مريم: بعيد المشوار
ماجد:جبورة هون بالحارة باخد منو
اتطلعنا ببعض باستغراب بس هو طلع دغري
مجد:شو القصة لك مريم
مريم:اكيد نسيه والا ما بيعزمنا ع بوظة
ضليت اتأمل الناس واتخيلت ساجد دخيل عيونو اشتقتلو والله على حسب وعودو ع اساس اليوم جاي😂
............
فات من الباب الخلفي للبيت وطلع متل البرق كان خايف ومتلبك كتير فتح الباب وفات وسكر شغل الضو واتأمل الغرفة كلها
ماجد:اكيد خزانة ساجد النصانية
قرب وفتح بهدوء وبلش تفتيش بس بدون تخبيص واول ما حط ايدو بالجاكيت طالع رزمة دولا*ر*ات وانصدم فيها
ماجد:يا ابن اللذين من وين الو هالمصاري
اخد منهن كم قطعة لحتى ما يحس ساجد سكرها واتفقد الكومدينة ليشوف محبس مريم ودغري حطو بجيبتو ونزل ركض خايف يتأخر على الصبايا
اتمالك نفسو برى المحل
ماجد: أتاخرت كتير الاحسن احكيلهن ما لقيت جبورة لا لا ماجد ازا انفقد المحبس ساجد ما بتفوتو فايتة بنوب لهيك لازم ازبط كزبة محكمة
فات لعندهن بهدوء عكس دقات قلبو وتوترو قعد واسترخى
مجد:اخي طولت اجى الشب مرتين سألنا عن طلبتا
ماجد:دبقني جبورة وعلى حكي وشكي وبكي المهم اعطاني مصاري
مريم:فكرتك ارجعت للبيت
ماجد:لا بعيد البيت بكرى بشوفو ويعطيه بدل الي اخدتهن
اشر للشب وطلب البوظة
بقلبو:يارب ما انكشف يارب ما بنسى كيف ضربني مشان خاتم الخرفانة الله لا يعلقني معو من جديد.
وقت رجع الجرسون اتدايق ماجد لانو الشب اكل مريم بعيونو
ماجد:خير حبيب شوفي عندك
الجرسون:اهلا وسهلا بتحبوا تطلبو شي تاني
اتامل مريم ومجد عم ياكلن ويضحكن
ماجد:لا انا بحاسب الكاشير لا تفرجيني وشك
الجرسون:متل مابدك.
بقلبو :يلعن ابوك نجس

......
وعند ساجد صفطوا اول السوق ونزلو لتلات
كان بالمقدمة ساجد لهيك جرير اخد راحتو وغمزو ل نبيل وهداك ابتسم
لف عليهن ساجد وشلح النظارات
جرير:متلبك بالنظارات خلص يا زلمة منعرف انك شخصية
ساجد:ما دخلك انت وين بتحبوا تبلشو
نبيل:انت قلت حابب تتفتل ع راحتك
ساجد:بس جوعان
نبيل:ع الفروج يا عيني
جرير:مو منيح الفروج ساجد😂بعدين بيرتفع الكوليسترول 😂
ساجد:انت لا تتسمم انا بحب الفروج يلا بسرعة ماضل فيني حيل
نبيل:😂 الله يكون بعون الفروج
جرير:بدو مدجنة الاخ
على زوق جرير كان المطعم كونوا خبرة بالمنطقة
فاتوا للمطعم واختاروا طاولة وقبل يقعد ساجد هجمت عليه صبية بدها تغمرو بس هو دغري رفع ايديه وبعدها عنو
راوية:ساجد كيفك طمني عنك
ساجد:مين انتي
راوية: ولوو شبك درسنا سوى
ساجد:ما درست مع بنات كنت بمدرسة البنين اصلا
نبيل:ليكون مخربطة
راوية: امبلا ساجد النمر
ساجد:شه بدك تجنيني انتي مابعرف حدا
راوية:امبلا بتعرفني انا راوية
ساجد:راوية عطشانة مابعرف حدا
جرير:معقول مخربطة بالشكل والاسم

ساجد:يلا من هون مابعرفك مو ناقصني
راوية:عنجد خيبت ظني والله
ساجد:يلا من هون احسنلك
رواية: ما بروح الا لتتزكرني
طنشها وقعد
نبيل: اتفضلي
راوية:ليعزمني ساجد
راقب ضحكات جرير وابتسامات نبيل واستوعب انو خطة منهن
ساجد:بستعار بقعدة النسوان
راوية:يعني معقول ما اتزكرتني معقول بتنسى ايام الدراسة
ساجد:اتزكرتك يلا روحي من هون
نبيل:😂يخرب بيتك
ساجد:ترى افلامكن ما بتمرق عليي بالاخص انت
جرير:😂والله انك داهية اقعدي راوية خليني اعرفك على احمض نفسية بالعالم
رواية:لا بكفي ازا انكشفت اللعبة
نبيل:يعني ما مشيت عليك
ساجد:ولا شوي بعدين ازا بدكن تكزبوا او تعملو شي مقلب بالاول اتحكموا بملامحكن واضح مخبيين دك ندالة
ودعت جرير
وهو ولا هاموا الا يبلش بالغدا واول ما خطر على بالو مشاويرو مع مريم ابتسم لانو بتفتح نفسو ع الاكل وبلش بالغدا
............
ارجعنا بتكسي للحارة كنا مشتريين موالح للسهرة جهزنا ابريق شاي وبلشت سهرتنا مع عمي ومرت عمي ونادرة وعلى مزح وضحك
الوقت اتأخر والي نعس راح ينام وانا رتبت كل البيت قبل انام مشان اطول بالنومة طفيت ضو الصالون واطلعت لفوق طالعت المفتاح واجيت لافتح وانصدمت الباب مو مقفول معقول انا تركتوا🥺لا والله قفلتو بأيدي واتاكدت منو كمان كنت خايفة بس فتحت ودغري شغلت الضو اتزكرت انو الباب البراني ولا يمكن حدا يفتحوا فتت وقفلت الباب بدلت تيابي بس حسيت بشي غريب وما اقدرت اكتشف شو هو
شغلت المروحة ووجهتها مكان نومتي وما الي الا ميس تونسني لانو ساجد خارج التغطية عطول اللبست قميص نوم مريح وبارد ارجعت اتاكدت الغرفة مقفولة وخبيت المفتاح تحت لمخدة واتمددت ب تعب كان يوم حلو ومميز اتزكرت المحبس وواتجلست اتفقدو وانصعقت لانو مو على الكومدينة متزكرة شلحتو وحطيتو هون
بقلبي: شو عم يصير لك مريم في حدا فايت للغرفة بس ماحدا معو نسخة المفتاح غيري🥺يا ويلي الا المحبس يارب يكون واقع يارب
بلشت ادور بضو الموبايل تحت التخت وورا الكومدينة بالدرج وما كان يبين دقات قلبي كبيرة وحسيت بخوف شو رح احكي ضاع ولا انسرق معقول انسرق بس حتى مجد ما بتطلع للغرفة معقول حماتي شو عم تخبصي لك مريم مستحيل تعملها مرت عمي نادرة مثلا هي مخرفنة بس كيف فتحت الغرفة انا واقعة بمصيبة ليش عم يصير معي هيك ليش💔

...........
كان معو اكتر من هدية خاصين بمريم الشنتة جاهزة بالسيارة ونبيل جنبو واقف برى المركز
نبيل:خليك الوقت اتاخر
ساجد:لا حابب ارجع اليوم
نبيل:الليلة قصدك😉
ساجد: شو قصتكن مع الغمز بدك تفهمني
نبيل:😂ايوا الي ببالك
ساجد:يا الله اديش تفكيركن منحرف لك صرلك سبع سنين متجوز بمرة طلبت اجازة وغمزتك
نبيل:اغمزني يا زلمة بحب التلميح
ساجد:انتو بتحبو الدج
نبيل:😂 انو الساعة ١١ مخبر جماعتك موو
ساجد:رح اعتبر ما اسمعتك
نبيل:اي اي طنش بس معقول ما خبرت
ساجد: مابدي اوصيك بمحجوب
نبيل:لا عيون مرافقتك ما بتنام
ساجد:ابعتلي التقارير اول باول
نبيل:مكمل بالمهمة
ساجد:لازم اكمل الوضع زاد عن حدو
نبيل:بالتوفيق سيادة الرائد
ساجد:قول ساجد وحاجتك كولكة
نبيل:متل مابدك
طلعو لتنين بالسيارة ليوصلو ويرجع
ساجد:دير بالك برجعة
نبيل:ع اساس رايح للمطار لحشة حجر
ساجد:المهم دير بالك
طول الطريق يدردشو
نبيل: حلوة صاحبة جرير
ساجد: بتسدء نسيت شكلها
نبيل:اي طبعا ما اهتميت من الاساس بس كانت رح تحضنك كيف منعتها
ساجد:شو شايفني بلا شرف لاحضن الرايحة والجاية
نبيل:اي اي لك انسيت انك مو نسونجي
ساجد:لو نسونجي رح التحش بحضنها شو بتحكي انت والله الواحد بهالشوب حالو دوبو طايقها
نبيل:اهاااا وضعك ما عم يعجبني وصرت أخاف عليك
ساجد:هلا معقول الداية الي بشرت فيك سحبتك من لسانك
نبيل:😂الله يسامحك بس انت ساحبيتك من نفسيتك
ساجد:حاجتك حكي والله صرعتني متل الدبور
نبيل:وززززز
ابتسم لمجاكرة نبيل وصلو لاول الحارة ونزل
ساجد:نبيل للمركز دغري
نبيل:😂 امرك سيادة الرائد
كمل للبيت مشي حامل الشنتة الجو هدوء صوت حركشة بحاويات لزبالة فات من طريق فرعي لانو بدو يفوت من الباب الخلفي فتح بهدوء وطلع دغري للغرفة بدون ما يحدث اي ضجة
.........
اول ما فتح الباب ارتاح ما شغل الضو لانو مريم يمكن تكون نايمة انتبه انها غطت رأسها كمان وفهم انها لسى صاحية شغل الضو وقفل الباب وقرب لصار جنبها واول ما بعد عنها الحرام شهقت بخوف وغمضت
ساجد:شبكي مريم هاد انا
فتحت عيونها بتردد وبالزور اتجلست لونها مخطوف وعم ترجف قعد جنبها دغري
ساجد:ليش خايفة
مريم:هاد انت ليش ما خبرتني
ساجد:مبارح خبرتك انسيتي ليش عم تجرفي مريم
مريم:خايفة كتير كتير
ساجد:مني خايفة
مريم:من كلشي

ساجد:كليوم هيك بتخافي
حضنها واتخبت فيه
ساجد:ليش عم ترجفي مريم فهميني من شو خايفة
مريم:فكرتك حرامي
ساجد:والحرامي معو مفتاح غرفتنا
مريم:😭صار شي اليوم
ساجد:روقي لا تبكي انا هون ليش خايفة
صبلها كاسة مي
ساجد:مصدوم فيكي مريم مافكرتك هيك جبانة
شربت الكاسة هلا اتأمل شو لابسة بسبب الشوب
ساجد:اهديتي
مريم:اي لانك معي
ساجد:روقتي يعني
مريم:اليوم لقيت غرفتنا مفتوحة
ساجد: كيف مفتوحة
مريم:رح احكيلك من الاول
سردت عليه كلشي صار لوقت ال فات هو لعندها
ساجد:قصدك في حدا غيرنا معو مفتاح الغرفة
مريم: اكيد انا قفلتها واتاكدت منها
ساجد:بلكي ماما معها نسخة
مريم: محبسي طيب وين راح
ساجد:بكون ناسيتو بشي مكان مابدها كل هالخوف بعدين مو ساكنة لحالك انا مقهور مريم كتير
مريم:مني
ساجد:عليكي انتي كيف كنتي عايشة لحالك
مريم: الليل كان بالنسبة الي رعب 😭
ساجد:اوف بس يلعن ابو احسن عم منيح هيك خلص خلص لا تبكي ممنوع تخافي وانا بحياتك
مريم: شو اعمل ساجد محبسي راح
ساجد:مافي شي بروح بعدين انا اجيت متحمس لحضنك وهيك يصير
مريم:يعني لو مسروق المحبس
ساجد:بلاقي ابوه مو بس هو
مسحلها دموعها بايديه وطبعلها بوسة خلاها تخجل
ساجد:بدنا نروق هلأ انا مشتاقلك شوق محروق عليكي
مريم:انا مافكرت حكيت جد مبارح
ساجد:بس نطرتيني لا تقولي ما نطرتي
مريم:بس العصر فقدت الامل
ساجد:بس انا اتجدد الامل جواتي اول ما حضنتك
مسكلا ايديها وبهدوء نيمها على مخدتها
وراحوا لعالم تاني
..........
بالورشة على ضو ضعيف كان عم يحاول ينام
ديب:شو صار فيني صرت انام بالورشة
والسبب ختام يا ترى رح تتعدل وتصير خلق بس رح اربيكي واربي كل ناقصة ووخمة فيكي
حلوة بحقك لك ديب نايم بالورشة وعندك بيت الله يجعلو بيت
غمض وفتح الموبايل ليتصفح اخبار الاسواق والاسعار والبينزين شغلتو طويلة
........
كان مصطفى عم يراسل معتز ابن عمتو
معتز:بكره حارتكن والله
مصطفى:انت جاي بمهمة حقها بلاوي
معتز:اهووو علينا احكيلي شو بدك مني
مصطفى:اكل شارب نايم بس مابدي حدا يعرف انك بتقربني
معتز:طيب لو حكيتني قبل بيوم البولمن بيطلع بكير ما بلحقو
مصطفى:بستناك لا تشيل هم
معتز:لمحلي طيب
مصطفى:بس تيجي بفهمك شو المطلوب منك وسدءني رح تكون رضيان
معتز:متل مابدك لنشوف اخرتها معك
طبعا معتز اكبر منو بكتير مطلق نسوان تنتين لانو طبعوا نزق ونسونجي لدرجة
ياترى شو بدو مصطفى منو
ابتسم براحة مصطفى
مصطفى:والله لتترملي عن جديد مريومتي ورح تصيري بس الي يا قلب مصطفى انتي
...........
بعد وقت طويل بعدو عن بعض
مريم:معقول ما حسو لرجعتك
ساجد:عندي خفة مو طبيعية
مريم:رح اجهزلك العشى
ساجد:نتحمم بالاول بعدين منجهز سوى العشى
مريم:متل مابدك
.........
كنت ميتة من جوعي انزلنا سوى لتحت وبهمس حكالي
ساجد:لازمنا مطبخ شو رايك
مريم:شد حيلك
ساجد:هو ضل فيني حيل
مريم:اوف منك ساجد شو مشان المحبس
ساجد: يحرق اخت المحبس انا بدي اجيبلك احسن منو بس سدءيني بالبيت هو
كنت عم اجهز العشى بخفة لحتى ما يصحى حدا ابدا هو اخد الشاي والخبز واطلعنا لفوق نتعشى بالهواء الطلق كان الجو بجنن الساعة تنتين بعد نص ليل انا وساجد عم نتعشى والعالم نايمة
مريم:ليكون ما اتغديت اليوم
ساجد:امبلا بس اهلكت من جوعي كان يومي طويل
مريم:ما بتحكيلي عن حياتك بدوامك
ساجد:فيّ مي نسوان بنات حريم نساء
مريم:هههه ما بسدء
ساجد:مريومتي بدك اياني بس الك
مريم:اكيد عندك شك
ساجد:اي هيك ها شو بعتيلي برسالة
مريم: اسمري ساجد
ساجد: يسعد دينك والله جددتي شبابي انتي
مريم:يعني انت ختيار
ساجد:لا اصلا ما طبقت ال ٣٥
مريم: بعرف انك مواليد ال٩١
ساجد:دخيلو الحافظ شو عملتي بالسوق يلا اكرجيلي بسرعة
مريم:اكلنا بوظة اتفتلنا بكل السوق اشترينا موالح واسهرنا سهرة بتجنن
ساجد: فكرة مين اه
مريم:ماجد اقترح ونحن عجبنا
ساجد:كتير منيح بدي اعملك فنجان قهوة يروق اعصابك
مريم:انا بعملها
ساجد:لا انا بعملها
اتعشينا وخلصنا نزلت العشى وضبيتوا واخدت عدة القهوة واطلعت لعندو وهو بلش يجهزها على الغاز السفري كنت اتأملوا كيف كنت خايفة وفجاة منحني الامان الله يحميه يارب والله انو حنون😂بس مغرور بس حنون شو بدي اكزب على حالي
ما كان مني الا قربت منو وطبعتلو بوسة ع خدو
ساجد مبتسم:شو اجى عبالك
مريم:ماعم سدء انك اجيت
ساجد:فرجيني همتك جوى
مريم:رح تكون طيبة القهوة
ساجد: بتشهي بكل وقت
بالفعل كانت طيبة فقست نومتي والله لو نايمة دهر ما صحصحت هيك
........

القسم التاسع وعشرون
الساعة صارت ١٢ الظهر مافي بالعادة مريم تنام لهالوقت كانت مجد مجهزة الفطور ومو عاجبها انو هي تخدم مريم طلعت ام ساجد لتشوف شو القصة ماجد متوتر وحاسس بالذنب مشان مريم

نادرة:جوعانين بدنا ناكل
ماجد:طولي بالك حجة
ابو ساجد:ليكون صاير عليها شي
مجد:لا شفتها فاتحة الفيس الفجر
سكتوا كلهن
وام ساجد واقفة ع الباب دقتو اكتر من مرة وحاولت تفتحو
مريم:يلا يلا
ام ساجد:اوووف منيح انك صاحية ناطرينك ع لفطور يلا
مريم:يلا اجيت مرت عمي
.......
كان عم يصحصح ومبتسم ورجعني لجنبو
مريم:يلا ولووو حاجتك نوم
ساجد:هي نتائج السهر
مريم:فهمانة قصدك انا سهرتك بس بالواقع السهرة انت سببها
ساجد:بس حبيتي لا تقولي
مريم:يلا بربك مابحب ينطروني
ساجد:يلا
انزلنا سوى وشوفتوا احدثت صدمة لدى الجميع وحتى هو انصدم من شوفة نادرة
ساجد: لساتها هون💔
ماجد:ليش الك دهر رايح
ابو ساجد:ايمتى اجيت يا ابني
ساجد:مبارح بليل
نادرة:على كلا مريم حكتلي طيبة النومة جنبك
.........
كتموا ضحكتهن بس ساجد ومريم اتطلعوا ببعض
ابو ساجد:اتفضلو خلصونا
قعدو بجنب بعض
نادرة:هلا هاد الي احلى من ولادي
ساجد:ايوا استلمتني
نادرة:لك كيف حكيتي انو ملك جمال الكون
مريم:ما حكيت شي عم تهودسي حجة
كان عم يفطر ويحاول يراقب ماجد بعفوية الي اكلو مو زيادة ونظراتو مليانة ندم هو بيقدر بميز تحركات اخوه بمهارة
........
بعد الفطور بلشت بترتيب المطبخ
مجد:طولتي كتير
مريم:ما حبيت ازعج ساجد
مجد: يعني رح اشتغل عنك
مريم:لا ابدا ريحي حالك
مجد:طمنتيني لانو ايديي متحسسين من سائل الجلي
مريم:اتركي من ايدك انا بجلي
بجية مرت عمي
ام ساجد:ايمتى وصل ساجد
مريم:بنص الليل
ام ساجد:لو بعرف انو هون ما كنت ازعجتكن وين رايحة مجد
مجد:مريم بدها تجلي
ام ساجد:لا انتي اجلي هي بتجهز القهوة
مجد:ليش انا يعني
ام ساجد:ليش لانو جوزها عندها
مريم:لشو هيك مرت عمي
واجى عمي ومجد هرو دموعها
مجد:بدكن اصير خدامة لكبير ولصغير شو عليه ازا تساعدنا
ابو ساجد:شو القصة
ام ساجد: شغل نسوان
ابو ساجد:وليش مجد عم تبكي
ام ساجد:لاني حكيتلها استلمي عن مرت اخوكي الدور جوزها عندها
مجد:😭اي خلص هاتي مريم انا بجلي
ابو ساجد: اتركي مجد وروحي لغرفتك وانتي ام ساجد لا تدخلي بين البنات
ام ساجد:بشو اتدخلت
ابو ساجد:قلتلك اتركيهن بيتفقن ع راحتهن وازا ماحابة تشتغل مريم جهزيلها مطبخ الها ولجوزها مجد مو مجبورة بالعيلة كلها.
مريم:بس انا ما طلبت منها شي وبالعكس انا بحب الشغل كتير
ابو ساجد:بعرفك يا بنتي بس شوفة عينك مرت عمك فاضية لحالها
ام ساجد:هلا هيك صار الحكي
مريم:لا تتخانقوا بترجاكن خلص مجد لا بقى تدقري كاسة
ام ساجد:...
طلعت مرت عمي زعلانة ومجد راحت ل غرفتها
ابو ساجد:لا تزعلي مني بس كمان مجد لساتها بنت وبتعرفي غيرة البنات
مريم:ولا يهمك عمي بس صالحها لمرت عمي ما بهون عليي فيها
ابو ساجد:لا تشيلي همها ابدا.
.....
بغرفة ام ساجد كانت حردانة وهو فات يطيب خاطرها
ابو ساجد:ليش بدك مجد تشتغل عن مريم لك انتي رايدة المشاكل مجد لساها بنت ورح تتحسس انو تخدم مرت اخوها وهي مو مجبورة
ام ساجد:كان فيك تحكيني هالحكي من اول
ابو ساجد:يا ام ساجد انتي عقلك بيوزن بلد ومابدك حدا يعلمك ومجد بنتك ولازم تراعي مشاعرها
ام ساجد:ما خطرلي هيك والله
ابو ساجد:ولو انتي كلك فهم وبعرفك بتحبي مريم كتير بس كمان لا تميزي بيناتهن
ام ساجد: حصل خير ان شاء الله
......
بغرفتها عم تبكي
مجد: منعرف بتحبي مريم بس مو اصير خدامتها بدها اجهزلها كمان فطور واجليلها والله يستر ما تخليني اغسللها وادلكلها رجليها الله يخلصني منهن لو شحاد المهم اتجوز واخلص منهن شو بدي اترجى منهن ساجد حاكي لقرود السود ولا تحاكيه بابا همو سمعة العيلة ومكانتها وماما بدها رضا الست مريم وماجد بعالم تاني نيالك ساجدة اتجوزتي صغيرة وانغزيتي عز ما بعدو سفر وسياحة ودلال واهلي بحبوكي كلهن .
......
خلصت جلي ورتبت المطبخ جهزت القهوة ورحت للمضافة كان الجو متوتر هيك حسيت
همسلي:شوفي
مريم:لا ولاشي
ساجد:ساعة الجلي
مريم:بتسلى
ساجد:شبها مجد مو على بعضها
مريم:مابعرف
ساجد:طيب ماما زعلانة منك ولا منها
مريم:سدءني ما بعرف
ساجد:...
شرب القهوة ودغري وقف
ماجد: وين
ساجد:عندي جولة
دغري طلع من البيت واسمعت صوت الموتور اشتغل شكلو عندو مشوار عنجد
.........
اول ما شافو ديب فرفح
ديب:لككك ابو نمر بحارتنا
ساجد:اهلين بالمعلم الديب
مصلح: ايمتى اجيت
ساجد:من مبارح
نصرت:شعشعت
ساجد:حاجتكن كولكة وين الشاي
طبعا مبسوطين لانو معهن فري😂مابعرفوا لفري لوين رايحة فيهن
........
اجى عمي وجايب لوازم الغدا لحمة وخضرا مجد ملتزمة غرفتها وساجد طول كتير بلشت بالتحضير
ماجد:عوافي مريوم
مريم: الله يعافيك
ماجد: وين مج مج
مريم: بغرفتها اكيد
ماجد: شو الغدا عصفورات بطني تزقزق
مريم:رح اجهز اللحمة انت جاي تقعد

ماجد:مالل كتير
مريم:لكن افرطلي الخسة وغسلها
ماجد:رح اغسل كل الخضرا ولا يهمك
ام ساجد:شو بتساعد مريم
ماجد: بتسلى
ام ساجد:صحيح مريم ليش شالحة محبسك
وقت اتزكرتو وقع قلبي من صدمة مبارح
مريم:بنساه بالغرفة
ام ساجد:خوفتيني فكرتو ضايع
مريم:هو كأنو ضايع دورت عليه بالغرفة
ام ساجد:يوه ليكون مكنسيتو
مريم:والله مابعرف بس عم دور عليه ما لقيتو
ام ساجد:دوري منيح ليكون وقع منك مبارح
مريم:انا شلحتوا بالغرفة
ام ساجد:شه
طلعت مو عاجبها
ماجد:عنجد ضايع بغرفتك
مريم: اي والله
ماجد:وساجد عرف
مريم:اي حكالي بالبيت وين بدو يروح
فجأة ترك من ايدو
مريم:مو بدك تساعدني
ماجد:اتزكرت جبورة بدو المصاري ضروري
.......
طلع متل البرق وبطريقو لعند جبورة ندهلو من برى وطلع
جبورة:اهلين
ماجد:بدي احط عندك امانة لفترة صغيرة
جبورة:اي شو عليه
أعطاه المحبس و٤٠٠ دو*لار
جبورة بصدمة:لمين هدول
ماجد:لقيتهن شو بدك لمين اوعك تتصرف فيهم جبورة
جبورة:ولا يهمك يا زلمة وين فوت
ماجد:لا بدي امشي
جبورة: بأمان الله
واتفحص المحبس وابتسم
جبورة:دخيل النسوان ومحابسهن الغالي للغالي يا عمي نحن النا الرخيص😂
ودوررات كمان يا عمي سرق اهلو ماجد😂 ياترى لابوه وامو ولا لساجد ومرتو
الله يحضرنا
.........
المسا بعد ما اتغدينا اصرت مرت عمي ندور ع المحبس وهي ساعدتني ما خلينا مكان وساجد استنى لطلعت مرت عمي وفتح خزانتو واستغربت طالع رزمة مصاري وعدهن وحسيتو انصدم
مريم:شو القصة
ساجد:في حدا فايت للغرفة
مريم:قصدك انسرقنا
ساجد: ومتأكد مافي غيرو
وطلع من الغرفة متل البرق كان ماجد بالمضافة وفات لعندو وخلاه يوقف على حيلو وبوجود ابوه وما همو حدا
ساجد:طالع المصاري والمحبس
ماجد:انو محبس مصاري شو
ساجد:لككك انت كيف بتسمح لحالك تفوت لغرفتي
ابو ساجد: ساجد بعد عن اخوك
ساجد:بدك ترجعهن
ام ساجد: ساجد برضايي عليك تتركو
ساجد:والله لتصير عبرة والله
نادرة:بعد عنو اتركوا
مجد :شو القصة
طالعو من المضافة غصب عنو وفوتو لغرفتوا وصوتهن علي يا فضيحتنا بالحارة
.........
اول ما شلح لحزام جن جنونو ماجد
ماجد:ليش بدك تضربني فتش الغرفة
ساجد:بدك تجنني انت كيف بتفوت لغرفتي كيف
اتزكر خوف مريم ودموعها لانها مو عرفانة مين فاتح الغرفة
ماجد:احلفلك مابعرف شكل غرفتك ليش عم تعمل معي هيك
ساجد:لكك بشو مقصرين معك فهمني لتمد ايدك للحرام
ماجد:شو دخلني بلكي مرتك مخبيتهن
ساجد:شو بدها تخبي محبسها
ماجد: اي كل النسوان بيعملو هيك مشان تشتريلا بدالو
ساجد:هاد مو حكي ابدا
ماجد:بترجاك لا تضربني
ساجد:طالع المصاري طالعهن
ماجد:ماعم افهم عليك محبس ولا مصاري
ساجد:لك انت بتعرف وفهمان عليي
ماجد:ما سرقت شي ....والله
ساجد:لك وبتحلف كزب يا رفيق جبورة الحرامي
ماجد:...يا ساجد لا تضربني
ساجد:لكن طالع المحبس والمصاري
ماجد:مو معي والله بالحرام مو معي
ساجد:انت كل حياتك حرام وجاي تحرم ع حالك هالشغلات لك ذليتنا ما بتخاف من الله انت عم تسرقنا عينك عينك روح اشتغل روح شوف لرجال اتعلم منهن شو ناقصك لتسرق
ماجد:شو بدك فيني انت مابدي اشتغل بكفي انت زلمة
ساجد: وغصب عنك حركات النسوان بطلها وبدك تبكي كمان
ماجد:لانك ما بترحم الي خلفك ولئيم
ساجد: لحد الان مابدي اعمل شي اندم عليه طالعهن احسنلك
ماجد:بدك تجنني والله مو معي
ساجد:اتصرفت فيهن
ماجد:لا ما شفتهن ولا بعرف عن شو بتحكي
مسكلو موبايلو
ساجد: هاد الايفون من وين فهمني
ماجد: ساجدة جابتلي اياه
ساجد:لككك عم تكزبني عينك عينك
ضربوا اول ضربة وبلش يتلوى
ماجد:مو معيي والله مو معي
من برى
ابو ساجد: افتحلي الباب والله ازا ما بتفتح لاغضب عليك يا ساجد
ساجد:طالعهن ماجد بسرعة
ماجد: قسما بالله انت مو اخي والله
ساجد:طالعهن بعدين اتبرى مني
ماجد:امهلني يومين بس
ساجد:بدك ترجعهن
ماجد ع وشك يبكي:شو بدي اعمل يعني بدي ارجعهن بس اديش المبلغ
ساجد: الي اخدتو وبس
ماجد:طيب طيب متل مابدك
انقهر وقت شاف دموع اخوه
ساجد:لا تبكي
ماجد:😭
ساجد: عم قلك لا تبكي
ماجد:كلكن عليي كلكن
ساجد:انا بدي اياك تصير زلمة وبس
ماجد:هيك الله خلقني شو اعمل
ساجد:هاد مجهود شخصي ماجد الي بيسرق بيعمل كلشي
ماجد:بيشرب عرق كمان
ساجد:انت بالاول اتحمل الي اتحملتو بعدين هتني براحتك
ماجد:انتو كلكن بتكرهوني
ساجد:انا ما بكرهك انا بحبك والا مابدي اياك تسلك طريق الحرام
ماجد: ولا مرة حسيت بمحبتك
ساجد:لو ما بحبك ما بقسى عليك انت نقطة ضعفي ماجد
ماجد:وعم تضربني
ساجد:انت ما عم تفهمني ماجد كل محاولاتي لتصير متل مابدي عم تفشل
ماجد:امهلني يومين وبرجعهن
ساجد: امسح دموعك خلص
ماجد:مو بأيدي وقت تضربني بتمنى الموت

ساجد:...
غمض بقهر وطلع مو شايف بعيونو وماحدا بيعرف لوين
..........
ليلتها ما رجع كنت خايفة كتير عليه ومن الي صار ومقهورة على ماجد كتير لساتو حابس حالو بغرفتو وعمي بهدل العيلة كلها الا ساجد وحماتي بكيت لشبعت بكي ومجد التزمت غرفتها حاولت اتصل فيه بس خفت كتير يفصل عليي او تطلع الفشة براسي اخرتو بدو يرجع للبيت يا ترى مين الي سرقهن معقول ماجد ياريتني ما حكيت ياريتني متت قبل احكيلو
حاولت انام وما اقدرت
...........
كان بالمزرعة مع ديب وعم يشرب عرق كاسة ورا كاسة
ديب:طول بالك ولووو
عيونو من اثار الشرب مدمعين
بقلبو:بعد كلشي صار معو بيتمايل بيرقص وبيحط علكة بتمو وبدو اياني ما اربيه هو ما بيعرف انو اتعرض للتحرش بسبب مياعتو لككككك وفوق منها بيحكيلي ومو عارف شو صاير معو ومفكر شي عادي لك والله الموت اهون عليي من الي صار معك ليش مصر يفضحنا انا شفت بحياتي شوفات بتشيب شعر الراس شو اعمل ادكك بالسجن ولا اسحبك للجيش انا آخرتي على ايدك هاد منظر زلمة كل رفقاتو ارجل منو جبورة الي بحكي عليه حرامي زلمة

- النص المستخرج من الصورة: 📝
B
10
۱۲:۰۲ ص
منو جبورة الي بحكي عليه حرامي زلمة ووقت يكون بالمحل
الو شخصية وهيبة وحتى مصلح كلمتو كلمة واد حالو
نملة
ومصطفى الي ما بعبي عين مو متلو
ديب شبك ساجد بلا تحكيلي
ساجد اوقات الواحد بيتمنى لو ما اجى ع الدنيا
دیب شو صاير
ساجد مابعرف او مستحيل احكيلك
دیب: متخانق مع المدام
ساجد: لا مع حالي
دیب طیب روق انت كتير اشربت
ساجد ازا نعست بروح
ديب وين اروح ع الورشة
ساجد: لبيتك
دیب اااخ يا زلمة لو تعرف ديب وقصة حياتو
بلش يسرد عليه وساجد بس مستمع
بقلبو كلو اهون من مصيبتي حتى انا مصايبي كلها من شغلات
بكرهها وضد عقلي ماجد ومياعتو ومريم وطفولتها لو الكل
يحكيلي انت مزودها انا متأكد اني على حق لك حتى بيني
وبين حالي عم اخجل من هالسيرة.
بقلبو: وين اروح بحالي كل الدنيا مسكرة بوجهي
كانت ام ساجد عم تبكي على ماجد ومن عمايلو كمان
اتذكرت انو نادرة حكتلها شفت ابنك نازل من عند مرتو وهي
بتعرف انو كان ساجد بالدوام
ام ساجد: معناتو شافتو نازل من غرفة ساجد وهو اكيد سرق
المحبس بس بشو قصرت عليه
انا دللتو كتير انا الي نزعت الصبي وهلا ساجد جاي يصلح
الي بقي من اخوه ياريتني من اول رديت ع ساجد وتركتوا
يربيه ع كيفو
اتزكرت كيف كانت تدافع لماجد ع الغلط ع الطالعة والنازلة
والندم عبى قلبها

- النص المستخرج من الصورة: 📝
والندم عبى قلبها
ام ساجد يارب أهديه يارب اصلحوا مالي غيرك ياربي اهدي
ابني للطريق الصح بدي افتخر فيه مثل مو فخورة بابني
لكبير الي بأسمو عم ارفع راسي اخلاقوا وامانتو ومواقفو
الإنسانية بتشهدلو.
كان بغرفتو ومو جاييه نوم
ماجد: الله لا يوفقك يا جبورة ضليت وراي لحتى سرقت
اخي...خوفي جبورة يسرقني......بس الي رح اعملو مارح
تتوقعوا يا ساجد ورح اثبتلك اني بريء بس حرام مريم
مسكينة مارح اعلقها معو بس الك دك وانا للتحدي يا ساجد

القسم الثلاثون
اصحيت واستغربت انو جنبي دقات على الباب ودغري صحي
شكلو مو رايق ابدا راح يفتح وقالب خلقتو طلع من الغرفة واستغربت عصبيتو
ساجد:شووو هاد
ام ساجد: فطور
ساجد:وليش جايبيتو لهون لا تجننيني
ام ساجد: مابدكن تفطرو
ساجد:ريتو سم مو فطور
وصوت تكسير وليييي شكلو قلب الاكل
ام ساجد:لك ليش هيك عملت
ساجد:ممنوع تخدمي حدا بالبيت ممنوع
ام ساجد:لااااا انت مو معقول
ساجد:انتي المعقولة في وحدة بتجهز الفطور لكنتها وهي بسابع نومة فهميني بدي اروح أسأل الجارات مين بتعملها غيرك
ام ساجد:انا بفرجيك يا ساجد
واول ما فات انقبض قلبي كنت متجلسة وقاعدة على طرف التخت
ساجد:شو يا مريم هانم بتحبي الفطور للتخت يوصلك
اوقفت لواجهوا هالمرة
مريم:وليش عم تبهدلني فيني افهم ليش مين طلب فطور
ساجد:اكيد مو انا
مريم:ولايمكن اتأمر على حدا بعدين ماني بحاجة حدا يخدمني بخدم حالي بحالي وعلى شو معصب فيني افهم
ساجد: على هالعيلة الي بدها حرق
مريم:روح احرق بعيد عني وازا فكرك تكون معصب وتيجي تفش قهرك فيني لا حبيبي ما حزرت
ساجد:لا تطاولي مريم
مريم:انت عم تجبرني ولا تفكر انو ممكن اخضعلك لاي سبب وقت تشوفني عم اتخدم ع الناس شرطك غير على راسي لا تقلب السفرة بس انا نايمة بأمان الله تبهدلني ع شي ما علاقتي فيه ما تحلم فيها وانا هالبيت ما بقعدلك فيه ولا ثانية
ساجد:عم تهدديني
مريم:افهمها بكيفك ولا يمكن اقبل تعاملني معاملة العبيد
ساجد:اوعك مريم لا تحاولي تستفزي اخر عصب معي
مريم: انا حالي وكتيرة عليي بس كان ناقصني هالبهدلة
اخدت تيابي لالبس
ساجد:وليش عم تلبسي
مريم:بكون مجنونة ازا ببقى معك مو بغرفة وحدة ببيت واحد
ساجد:لا تجني لك مريم
مريم:ليك روح مارسك عصبيتك ع غيري
ساجد:على امي مثلا
مريم:لا على حالك
ساجد:ولوين بدك تروحي
مريم:لبيت ستي
ساجد:احردي تحت لبيت ستك ممنوع تروحي
مريم:....
اللبست وتركتوا واقف يا حبيبي على هالمنظر
مريم:وع فكرة ما دخلني بلم السفرة الي قلبها يعدلها
ساجد:.....
تركتوا واقف ومصدوم وانزلت مقهورة لابعد الحدود وهو كهرب البيت برجعتو ياريتو ما رجع كانت حماتي بالمطبخ تبكي وازد القهر قعدت جنبها اواسيها لانو ابنها ولا فيوز
مريم:ليش عم تبكي مرت عمي
ام ساجد:في حدا بيعمل عملتو مبارح لسى كنت عم امدحوا بيني وبين حالي
مريم: حتى انا مصدومة بلي عملو
ام ساجد:انا متوقعة منو كلشي
مريم:لا تبكي والله صحتك بالدنيا
ام ساجد:مو قاهرني غير كل نسوان الحارة بيحسدوني على خلفتي ومابيعرفوا ولادي ما بقى الا يضربوني
مريم:بترجاكي لا تبكي والله ما بهون عليي فيكي يمكن هو معصب لانو ضرب ماجد
ام ساجد:اتركيني بحالي يا بنتي
مريم:لا بقى تبكي وبتركك
وقت مسحت دموعها انقهرت عليها في ابن ببكي عيون امو الله يسامحك يا ساجد على هالعملة
بستها على راسها
وتركتها واطلعت للصالون لانو حضرتو هجج العيلة من مطارحها
...........
اول ما فتح عيونو وقع قلبو اتزكر لمصيبة الي واقع فيها
ماجد:منيح انقضت بضربة حزام الله سترني منو
لبس وطلع من البيت حتى بدون ما يغسل مطنش وجود مريم بالصالون ولمح أمو بالمطبخ وهرب هريبة من الحارة وصار يركض لوصل للبساتين كان عم يلهت من التعب
ماجد:جبورة جبورة
شوي وطلعلو الكسلان التاني
جبورة:اهلا اهلا الفطور جاهز حول
ماجد:والله ميت من جوعي
غسل برى وفات لعند جبورة يشاركو لفطور وعم ياكل بشراهة
جبورة:ليش بلا فطور
ماجد:هو حدا بعيش مع ابن النمر وبرتاح
جبورة:هاد اكبر غلط تكون الابن الأصغر 😂
ماجد:لو بكون ابوه هيك ترتيبو
جبورة:تخانقتو
ماجد اذكى من انو يفضح اسرار عيلتهن ويحكي ل جبورة عن نقاط مهمة بحياتو
ماجد:بدو يستلمك كلشي حبيت انام بالغرفة فوق وتخانقنا
جبورة:اي بدو ياخد راحتو هو ومرتو
ماجد:هي الغرفة ما بتنفتح بس هيك استملاك
جبورة:شد حيلك واتجوز
ماجد:مو بالاول ليقتنعوا اني خرج جواز
جبورة: 😂حطهن تحت الأمر الواقع اكتب كتابك عليها واخدها لعندهن
ماجد:مو لالتقي بشي مقطوعة
جبورة:كتار المقطوعات بس انت دور وفتش شفت حال لمعلم ديب
ماجد:نحن كلنا مو مرتاحين
جبورة: شايف
بعد الفطور جاب القهوة وقعد
جبورة:اكيد جاي مشان الامانة
ماجد:اي بدي اتصرف فيهن
جبورة:ليك شو رايك ادلك على شغلة بتربح معك
ماجد:شغلة شو هي
جبورة:بتحطهن مع حمودة وكل شهر الك راتب
ماجد:قصدك يشغلي إياهن عندو
جبورة:وهيك مارح تتعب ورح تعيش مرتاح
ماجد:انت هيك بتعمل
جبورة:وكل اول شهر الي المبلغ الفلاني وميت على ما يحصل مني اكتر
ماجد بقلبو:شو الاستفادة لازم ارجعهن لساجد واسكرلو تمو ع الاخير
ماجد:بفكر بالموضوع جيبلي اياهم بدي اطلع مشوار
جبورة: ماشي

اعطاه أياهن وحطهم بجيبتو وطلع متل الحرمية لحتى يعرف يتصرف
..........
كان ابو ساجد ونادرة بالمضافة عم ينطرو عمران جاي ياخد امو استفقد ام ساجد واستغرب انها بالمطبخ
ابو ساجد:انتي هون
ام ساجد:...
ابو ساجد:شوفي يا مراة شو صاير
ام ساجد:طاقتي نفذت والسبب ولادك
ابو ساجد: شو بدي احكي بدك اضربهن واحدهن اطول مني
ام ساجد: احكي مع ساجد احكيلو يبعد عني وعن مريم وماجد
ابو ساجد:ليش بقى
ام ساجد:انا معاد اتحمل عصبيتو انا ظلمت مريم بجوازتها منو
ابو ساجد: المهم انها عايشة بيناتنا ويسطفلو ببعض ولو شايفة مريم هيك والله عقلها بيوزن بلد اتركيها منها لجوزها تسطفل
ام ساجد:ومشان ماجد
ابو ساجد:رح الاقيلو حل خلص لا تشيلي همهن وانا اليوم بحكي مع ساجد شو بدك كمان
ام ساجد:بدي ولادي يحبو بعض بس
ابو ساجد:خلص روقي انا هون ومن بعد كلمتي مافي كلمة
أخدها معو للمضافة ونادرة تكر وتفر عليهن وهني ساكتين
..........
وعند مجد كانت تحاكي مصلح بدون ما يعرف انها مجد لانو اسم حسابها فراشة الربيع
مجد:اكيد بعرفك من صورتك الشخصية
مصلح: والله مابعرف محتار مابعرف حدا
مجد:معقول مو مصاحب تلات اربع بنات
مصلح:والله ما بحكي مع حدا
مجد:ترى انت حليوة كتير
مصلح:عنجد ما كنت بعرف طيب ازا مابدك تحكيلي مين انتي ليش عم تراسلي
مجد:لانو مقهورة وما لقيت حالي الا عم ابعتلك
مصلح:طيب فضفضي
مجد:بس مو هلا الوضع كلو مو زابط
مصلح:متل مابدك انا عندي مراجعة بالمشفى
مجد:سلامتها للخالة
مصلح:الله يسلمك يارب
سكرت معو وطلعت من الغرفة لتشوف مريم قاعدة بالصالون
مجد:هي انتي هون
مريم:وين بدك اروح
قعدت معها
مجد:وين العيلة
مريم:لا تسأليني غير عن حالي
مجد:يوه متخانقة مع ساجد
مريم:دخيلك لا تزكريني بفصولو
مجد:😂ولي على امتي كل ما اشوف تنين متجوزين بتسكر نفسي عن الزواج
مريم:متل ساجد مافي خديها قاعدة
مجد:😂يلا بتتصالحوا وبصير خير
مريم:...
تركتها وراحت للمضافة وانصدمت
بقلبها:شو هااد لاطلع اشوف ساجد كلو خلقتو ناشفة هو كيف بدو يكون شكلو
طلعت واول ما شافت الاكل بالارض انبسطت
مجد:😂ايوا قالب السفرة على مريم دقت الباب وفتحت شوي شوي وانصدمت لانو قاعد والدخان معبي الغرفة
مجد:شوفي ساجد
ساجد:شو رأيك انتي
مجد:..
فاتت مترددة وفتحت الشباك
مجد:زعلان لانو امي حضرت لفطور
ساجد:زعلان على فعايلها كلشي عم يصير معنا هي سببو بس ما عم تستوعب دلالها بجيب الفضايح
مجد:مشان ماجد
ساجد:اي مشان بطيخ لولا دلالها الو كان هلا زلمة مو محسوب ع الزلم
مجد:وشو دخل مريم
ساجد:لانو من ورا دلال امك في شي رح يصير انتي ما شفتي كيف عم ترد الكلمة عشرة ملاقيه دعم من امك
مجد:بس مريم هيك طبعها حتى قبل تتجوزو وبتحب لمجاكرة كتير وكانت قاهرة كل بنات الحارة باسلوبها وطناشها
ساجد:وكيف مع دلال امي
مجد:طيب روق ابو نمر بدي اجهز لك فنجان قهوة تروق اعصابك
نظفت مكان الاكل وشطفت ونزلت تجهزلو القهوة تحت انظار مريم
.......
بقلبو:يعني مشيت كلمة مريم عليي وحكتلي مارح تلم مكان الاكل ومابعرف ايمتى برجع ماجد المصاري والمحبس طلعت مجد وقعدو برى
مجد:شبك ولووو والله مو حرزانة
ساجد:شو الحرزان برأيك عم ننسرق تقنعيني انو ماجد بريء
مجد:حرام ما كان بالبيت يومها
ساجد:مين لكن حكالي رح اجيبهن
انصدمت
مجد:وشو علاقة مريم بدي افهم
ساجد:مو متحملة حالها تخيلي
مجد:ههههه هلا انت مزعوج من مريم
ساجد:كانت بدها تحرد ببيت ستها حلوة بحقي الحقها بالشوارع
مجد:😂منبعتلا كلب يعوي تحت الشباك بترجع ركض
ساجد:مستحيل اتخيل انها تنام هنيك
مجد:اجرو لشي حدا
ساجد:كمان فكرة ليكي ازا حكتلك بدها تنام عندك اوعك تستقبليها
مجد:😂يوه بتفضحني امي
ساجد: مارح تسترجي تحكي وانا بقفل غرفتي القديمة مارح تقدر تفوتها وين بدها تنام يعني
مجد:اي حبيت كتير 😂
ساجد:شفتي امي
مجد: حردانة منك
ساجد:يعني زعلانة
مجد:اي حاطة الحزن بالجرن وقاعدة بتنطر يجي عمران يشحن امو من عنا
ساجد:واخيرا بدها تروح
مجد:ههههه اي
ساجد:لانزل اشوف مراسم الشحن.
.......
وقت نزل ما عبرتو وهو دغري كمل المضافة اجى عمران ورحت لشباك المطبخ اتفرج عليه والقهر اشوف ساجد مبتسم يعني ولا عبالو مزعل العيلة كلها ومبسوط فاتو للمضافة ورحت اتسمع عليهن
ساجد:طولت الغيبة يا زلمة
عمران:ليكون عزبتكن
ساجد:لو أتاخرت شوي كنت شفتنا عم نتعالج بالجملة
عمران:😂شو ام عمران اشبعتي من بيت اخوكي
نادرة:مجانين عيلة اخي
ساجد:شرف
نادرة:قلعوني تقليع
ابو ساجد: والله هي طلبت اتصل فيك
عمران:لا تبرر خالي بعرف موجات التردد
نادرة:بتعرف انو سرقلي الخاتم هالمنظوم
عمران:ليكو بايدك ماما
نادرة: رجعو

ساجد: مع انو ما اشبعنا منك عمتي
ناردة:ليش وين بدكن تودوني
كتمت ضحكتي شكلها نسيت انها طلبت ترجع
ساجد:مو جنناكي
نادرة:عم يقلعوني من بيت اخي الله يرحموا
ابو ساجد:هههه لك اختي الله يرحم الجميع بس انتي قلتي اتصلولي فيه
نادرة:😭 آخرتي اتقلع تقليع
فرطت من الضحك عليها والله انها مصيفة
عمران:نحن اشتقنالك انا ولولاد
نادرة:لقيتلك عروس لقطة مريم يا مريم
كنت عم اكركر ضحك متمنية اشوف شكل ساجد
عمران:امي مشان الله حاجتك
ساجد: يا زلمة خطبتها لكل الحارة وقفت عليك
نادرة:فشرت تكون جوزها
ساجد:سامع
عمران:يلا قومي معي
نادرة:بالاول بدك تدوق قهوة مريم هلا بتشوف اديشها حلوة عيونها بجننو بجننو تسلملي عينها
ساجد:ما بتتواخذي حجة
نادرة:يا مريم يا مريم تعالي اعرفك ع خطيبك
هربت للمطبخ واجت مجد فرطانة ضحك
مجد:😂تعي شوفي ساجد ارتفع ضغطو من عمتي
مريم:😂شو صار فيه
مجد:عم يطفي السيكارة وهي باولها😂وعم يرجع يشغل بدالها
مريم:والله عمتك مصيفة بخاف تغلط بشي كلمة
مجد:تعالي جنني ساجد ساوي القهوة
مريم:وهو هيك انا مقهورة منو من فصل الصبح
جهزت القهوة وفتت انا وياها للمضافة شفت الصدمة بعيونو
نادرة:اي ها شايف ما احلاها
هوما استرجى يتطلع بس ساجد عم ينفخ نفخ منها ضيفتهن وقعدت بجنب حماتي وابتسمتلي
ام ساجد بهمس:خليه يفرقع بيستاهل
مريم:عم يتحلفلي
ام ساجد:انا بفرجيه من اليوم
اطمنت كتير حماتي بصفي وخليه يفرقع عنجد
نادرة:شو يا عمران عجبتك
عمران:الله يستر عليها هلا شو بدك ترجعي معي
نادرة:لا يوه بيت اهلي هاد
ساجد:تالي الورتة هاد
عمران:😂انت شبك محموق عليها
ساجد:يعني عم تلعب على العيلة كلها
عمران:لك يا زلمة هيك بتعمل فينا وازود بس اتعودنا صرنا نسايرها ببالها ابو عمران ما مات وابو ساجد اتوفى
ساجد:بدها اعادة ضبط يمكن من كتر مخزون المعلومات فاتو ببعض
عليت صوت الضحكات وهي اتفاعلت مع الحدث
عمران: يلا امي حاجتك شفتي ولاد اخوكي الله يرحموا
نادرة:عم تفاول ع اخي
ساجد:خليها عنا منلتقى بالعصفورية
نادرة:روح هاد بيت اهلي
عمران:نحن اشتقنالك انا ولولاد
نادرة: خليك هون بتتعرف ع خطيبتك
ساجد:...
كان ساجد عم يعض على شفافو ويتطلع بالسقف
عمران:مرة تانية
نادرة:لا يوه فرصة شو ابو ساجد موافق ع خطبة مريم ل عمران
ام ساجد:موافقين خلص
نادرة:روح جيب التلبسية
عمران:قومي روحي معي
نادرة:لا ما بتركها مع حرامي الخواتم
عمران:يعني قطعتي زيارتي
ساجد:اتسليت يا زلمة
عمران:يلا ماما
ابو ساجد:خليك منكسبك على الغدا
عمران:والله مافيني يعني اروح
نادرة:بس لا تتأخر
عمران:مابقى ارجع ها
نادرة:بالناقص منك
ساجد:خليها عنا متسليين فيها
وما عجبها وزورتو😂
ساجد: قصدي معها
عمران:😂طيب ما بطول اقنعوها
ساجد:انت التاني ضروري تخبروها اني اتجوزت
عمران:شو علاقتي خالي اتصل يعزم 😂 هي ماحبت تحضر العرس حبت تضيف كم يوم
ساجد:وانت السادء اقامة
طلعو يودعوه عمي وساجد وانا ومجد وحماتي فرطنا ضحك على ساجد
مجد:😂خبوها لا يجرم فيها
.......
كان مقهور من فوتت مريم للمضافة ومتحلفلها كمان الها ولنادرة طلع للغرفة يرتاح
بقلبو:مع انو لو راحت كان اخلصت منها شو بتخرف هالخرفانة كيف بتخربط فينا الا بمريم بدها تجنني بشك انها بتنسى من وين طلعتلي هي شوي وسمع صوت خطوات كان متأمل تكون مريم بس طلع ماجد
ساجد:وين كنت
ماجد:مافي اتفضل
اشرلو بمعنى اتفضل وقعد جنبو واتأملو ساجد وشاف لحزام معلم على دراعو
ساجد:شو صار معك
مد ايدو على جيبتو وطالع محبس والمصاري من الاساس كانو بكيس اسود وحطهن بكفة ايدو بس ما كان نفس المحبس هو بيتزكر شكل محبس مريم منيح والصدمة انو المبلغ سوري
ساجد:شو هاد
ماجد:مو انت بدك محبس ومصاري
ساجد:بس مو هاد محبس مريم ولا هدول المصاري
ماجد:شو اعملك يعني اشتريتو بدي اخلص من هالمصيبة الي ما بعرف من وين طلعتلي
ساجد:من وين جبت حق المحبس ومن وين هالمصاري
ماجد:اتدينت
ساجد بقهر: يعني انا ظلمتك
ماجد:مو وصلك حقك مني موجه عليه الله تتركني بحالي
قبل يوقف شدو من ايدو وخلاه يقعد
ساجد:مو الي هدول
ماجد:الك مو الك بس حل عني
ساجد:كيف بدي اخدهن مو الي
ماجد:دخيلك خلصني من تهمتك الباطلة حلو الي عم تعملو بحقي
ساجد:فهمني من وين جبت هدول
ماجد:خلص شو بدك دبرتهن
رجعلو اياهن
ساجد:خدهن رجعهن لصحابهن
ماجد:دخيلك خدهن ولا بقى تقرب صوبي
ساجد:قلتلك مو الي بعدين المصاري مو سوري
ماجد:كمان وشو عرفني شو مسروقلك
ساجد:..
رماهن بالارض وفات للغرفة وطبش الباب
.......القسم الحادي وثلاثون
لمعة على ملامحوا ابتسامة الخباثة اخد المحبس والمصاري ونزل لتحت وقدام الكل بالمضافة اعطاهن لمريم

مريم:شو هدول
ماجد:محبسك الي اتهمتوني فيه وهدول مصاري جوزك
مريم:هاد مو محبسي
ماجد:خديه موجه الله عليكي وخلي جوزك يحل عني
ابو ساجد:يعني اشتريت محبس لتبري حالك
ماجد:انت مفكرني سارق
ابو ساجد:مريم عم تقول مو محبسها
مريم: وحتى المصاري مو بهي العملة
ماجد:لا تجننوني اتدينتهن من رفيقي وبست ايديه لرضي يعطيني اعطيهن لجوزك وخليه يحل عني
ابو ساجد:رجعهن لصاحبك مو ناقصنا فضايح
ماجد:خديهن مريم
مريم:ماباخد شي مو الي
ام ساجد:رجعهن لصاحبك
مجد:كيف بتدين لتسدد شي ما علاقتك فيه
ماجد: شو بدي اعمل كان قتلني مشان محبس وكم ليرة
ابو ساجد:هو بدو مصلحتك
ماجد:شكرا وصلت المعلومة.
تركهن وطلع لحقتو مريم بسرعة وارتاحت نفسيتو
مريم:رجعهن لصاحبك انا والله ما اتهمتك
ماجد:سلامة اخي على كلا انتي مريم مافي منك خلص اعطيهن لساجد
مريم:وساجد مستحيل يقبل فيهن خلص رجعهن لصاحبك
اتردد بس اخدهم
ماجد:شو يعني سدءتو ما دخلني
مريم: انا مسدءتك انت ما علاقتك
اتطلع بالكل وطلع من البيت ومبسوط انو لعب لعبة على ساجد والعيلة كلها
بقلبو:قلبت اد الصوص يا ساجد النمر لسى ما شفت ماجد وقت يخطط ويفكر والله لاسرقك مرة ومرتين ومابقى تسترجي تفتح تمك معي بحرف
..........
اجى الليل وين اروح بحالي غرفة ساجد القديمة مقفولة ومجد عمتها نادرة نايمة عندها لروح انام بالمضافة احسن شي
كنت مترددة لانو عمي اول ما يصحى بيقعد بالمضافة
اجت مجد تاخد مي
مجد:شو بتعملي عندك
مريم:بدي انام ميتة من نعسي
مجد:اطلعي لعند جوزك
مريم: وكرامتي وين
مجد:😂 بحضن ساجد
مريم:اوووف منك كان خليتي عمتك تنام بالمضافة ونمت عندك
مجد:تسطفلي ما دخلني
مريم:لاقيلي حل يا مجد
مجد:نامي بالصالون
مريم:فرجة للرايح والجاي
مجد: تسطفلي دبري حالك
حطيت راسي على الطاولة وغمضت
مريم:يضرب من بين لرجال يا حرام شو عمل بماجد وخلاه مديون وانا من الصبح عملي حفلة الها اول ما الها تالي
حملت حالي ورحت للصالون شغلت الشاشة وقعدت وخجلانة من هالموقف ليش ما أطلع انام بغرفة القعدة والله فكرة وقبل اوقف اتفاجئت بساجد نازل لعندي حاطت ايدو بجيبتو ومو عاجبو شغل الضو واتطلع فيني
ساجد:مطولة عندك
مريم:وين اروح
ساجد: تعالي معي
مريم:يكتر خيرك
ساجد:بحكي جد يلا تعالي
مريم:...
طنشتوا وتابعت على الشاشة واستغربت اجى وقعد جنبي
ساجد:ع شو ناوية لك مريم
مريم:بتعذر مني بطلع ما اعتذرت رح ابقى بمكاني
ساجد:ع شو بدي اعتذر
مريم:ع اهانتك الي بدون سبب
ساجد:ومين الي خبرك ساجد بيعتذر
مريم:ماحدا بس بدك تعتذر
ساجد:بكيفك يعني
مريم:اي بكيفي وغير بكيفي ما بطلع للغرفة
ساجد: ترى انا عاطيكي وش ومكتر يلا قومي بلا اعتذار بلا بطيخ
مريم:الموت اهون ما اطلع معك بدون ما تعتذر
ساجد:وكيف بدك اعتذرلك
مديت ايدي وحطيتها قدام تمو
مريم:بوس ايدي
شفتو ابتسم ب غرور
ساجد: متأكدة انتي هيك بكون الاعتذار
مريم:وازا ما بستها ما بقبل بأي اعتذار
ساجد:وقت بدي ابوس ايدك ببوسها بس بكيفي مو تلحشيها قدامي
مريم:هاد شرطي الاول والاخير
ساجد:عم تتأمري عليي لك مريم
مريم:متل ما اهنتي وانا ما علاقتي
ساجد:وهي طريقة للاعتذار
مريم:وبترضي غرورك
سحبني وقبل يبوسني دفشتو
مريم:بوس ايدي ساجد
ساجد:عم تكبري الموضوع انتي
مريم:اتعلمت تضخيم الامور منك
ساجد:وازا ما بستها
مديتها من جديد
مريم:بدك تبوسها وتعتذر
كان عم يتأمل ايدي
ساجد:نزلي ايدك مريم انا ببوس ايدك براحتي
مريم:...
ما نزلت ايدي كنت بدي تكبر المشكلة بدي اطالع فرق نفسيتو عليي واخدو الي للدكتورة وعملتو اليوم معي
ساجد:رح ابوسها بس رح تندمي
مريم:اكتر من هيك
ساجد:اكتر
مريم:بوس بعدين هدد
اول ما مسكها ارضيت نوعا ما ووقت باسها طلعو كلهن من الغرف ماجد ومجد ومرت عمي وانصدمنا
ساجد:شوفي
ماجد:هههه سلامتك
مجد:😂ماعم سدء
ام ساجد:هيك بدك من اول
اوقفنا سوى
ساجد:يعني عم تتسمعوا علينا
ماجد:اخي ما تهامستوا صوتكن عالي والموضوع كان مهم
مجد: يااااا ما فكرت تبوس أيدها
ام ساجد:يلا كل واحد لغرفتو
فاتوا وضلينا واقفين حط ايدو بجيبتو واتطلع بعصبية
ساجد:انبسطي ست مريم
دفشتو قدامي للغرفة
مريم:منتفاهم فوق
ساجد: هلا بتشوفي
المهم باس ايدي😂
........
كان محرج من الموقف وعلى شوي بدو يموت حالو ولا انحط بهيك موقف فات واستناها لفاتت سكر الباب واخدها من ايدها ورماها على التخت
ساجد: انتي جنيتي على نفسك
مريم:معقول صوروك وانت تعتذر
ساجد:لك انا كيف طاوعتك
مريم:اعترف انو جاي عبالك تبوسها
ساجد:بس مو هيك غصب
مريم:😂بس حبيت قول أنها طيبة يلا اعترف
قرب منها وسحب ايدها
ساجد:انا بحب البوسة هون تكون
باس كفة ايدها ومعصمها

مريم:بس هي مو بوسة اعتذار
ساجد:بعرف تملك
مريم:كأنو موجة التردد زبطت عندك
ساجد:كتير بس لو ما شافوا
مريم:😂احلى شي انهن شافوا وهلا بطلت ساجد النمر
ساجد:شو قصدك
مريم:😂
ساجد:افهمت عليكي بسيطة يا مريم
.........
كان ماجد مبسوط من المبلغ الي امنوا بذكاء وفطنه
ماجد: اطلعت من خرجك وحتى مريم اليوم خلتك تعتذر يا حرام يا ساجد وين كانت متخبية هالايام الك
لسى حسابي عند لمعلم ديب نقشت معك ابو الجود خلص رح تقبر الفقر والتعتير ورح تبقى نسر متل ما عودت حالك تكون
.......
كان متجلس نص تجليسة اتأمل مريم وهي لافة للصوب التاني وعم ترمش
بقلبو:ازا مو ماجد مين الو مصلحة يسرقني معقول مريم وخبت المحبس لحتى عنجد اشك انو في حرامي بس ازا مريم ليش من فترة طلبت مني واعطيتها ما بظن تعملها مريم معقول شو الترتيب لك ساجد
بقلبها:كيف اتهم ماجد انا بستبعد فكرة انو ماجد رح يسرق لانو لو بدو يسرق كان ما طلب مني من فترة مصاري واعطيتو مين فتح الغرفة مين الو مصلحة يسرقنا والله دايخة من هالموضوع بس الي متأكدة منو ساجد ظلم ماجد متل ما ظلمني الصبح واجت الفشة براسي
بقلبو:شو مفكريتني رح اقتل حالي لاقرب عليها انا اصلا صالحتها مابدي تحس بالوحدة وهي معنا وبست أيدها مو لانو اغلطت لانو اشتهيت ابوس ايدها وحسيتها فرصة اوف ساجد انسى الي صار صرت فرجة لبيت اهلك
بقلبها:بس اقدرتلك وخليتك بأخر المراحل ودفشتك عني وبعرفك نفسك عزيزة 😂بتستاهل لكن بتفكر رح تهيني ورح اخضعلك فشرت وتكون ساجد النمر شو يعني
التفتت عليه ودغري اتطلع فيها
ساجد:خير
مريم:نام بقى مو جاييني نوم
ساجد:عيونك معك
مريم:بس خيالك فوق راسي موترني
ساجد:غمضي ونامي
مريم:ليش متجلس شوفي عندك
ساجد:لا تطلعي ازا متدايقة
مريم:عنجد ما بينام معك انت بعدين شوب انت حاجب عني الهوا
ساجد: تعالي نبدل بالمكان
مريم:لنشوف
اتبادلنا بالاماكن
مريم:ياااي اتاريك مريح ع الهوا
ساجد:نامي يلا
مريم:ما جاييني نوم
ساجد:انزلي نامي تحت
مريم:لاااا بخاف من الفارة
ساجد:مالها مصلحة تعلق معك
مريم:شو قصدك انا مشكلجية
ساجد: كتير ومعهن حق بنات الحارة ما يحبوكي
مريم:😂نفس مصيبتك كل الحارة ما بتحاكيك😂
ساجد:نهنهنه ما بتضحك الشغلة ابدا
مريم:والله مبسوطة لانو الخالة ام عمران عنا
ساجد:وجاي عبالك لمجاكرة
مريم:كتير ولسى ما شفت شي مني
ساجد:اي مو تفكري خايف منك او شي بس انا هيك طبعي
مريم:احلى عالم😂
ساجد:نامي يلا صرعتيني
مريم:غمض عيونك معك
ساجد:غمضي بالاول انتي
غمضت وغمض دغري وحاول ينام
..........
الصبح عند ختام كانت عم تعسف البيت وتنظف بمساعدة اختها اخلاص وكانت موصية على لحمة بدها تعمل مندي ومقبلات وفريكة حلوان الصلحة غرفتها انقلبت قلب حطت فيها مفرش جديد شطفتها ومسحت لمرايا والخشب ومدت الصالون بعد ما غسلت سجادتو والحمامات صارو يبرقوا برق وما عدا المطبخ عسفتو وجابت كتير غراض للمطبخ اجت مها تساعدها
ختام:مابدي تساعديني بس خبري دياب يقنع ديب يرجع
مها:ولايهمك
اخلاص:منيح هيك اختي
ختام: يعطيكي الف عافية يارب
بلشت بتحضير الغدا ووقت جهزتو فاتت لبست وجهزت حالها لاستقبال ابو حردة لمعلم ديب
اخلاص:يلا اختي صار لازم امشي
ختام:خليكي امانة
اخلاص:لا يوه صلحة متجوزين شو دحشني فيها ختام ديري بالك ع جوزك من جديد يعني اديش اتحمل منك ما قدر يتجوز عليكي وانت عم تسمعي عم يخطفن لرجال من نسوانهن وتحدي
ختام:اي وهو هيك الله يقدرني واصير متل مابدو
سكبتلها سكبة اكل وودعتها وفاتت تنطر عريس الهنا😂
.........
وعند ديب كان واقف مرتكي على حيط الورشة بتمو السيكارة ومبتسم للصبية الي شافها من فترة واعجب فيها وهي ابدا ما ردتوا وكانت خجلانة كتير عضلها على شفتو وغمزها ودابت بتيابها من خجلها كانت صغيرة يعني من هالبنات الي عم ينطو عن الارض نط بعد ما اتعدت الورشة التفتت عليه
بقلبو:يعني حدسي بمحلو البنوتة معجبة فيني اي شو عليه وانا طباخ الحلوين
بجية دياب تأفف مو عاجبو
دياب:كيف الديب
ديب: اهلا خيي
دياب:جايبلك اخبار سارة
ديب: اسمها سارة
دياب:لككك ختام طالبيتك لبيت الطاعة
ديب:😂بتمزح مو
دياب:لا عنجد روح شوف المي واصلة للخط العام من بيتكن
ديب:عاملينها لولاد
دياب:لككك شبك ما عم تفهم عليي
ديب:مافي شي ببالي يا لولاد يا
دياب:هههه لك ختام نفضت هالبيت وريحة اللحمة والمندي لعندي واصلة
ديب:ولايمكن اسدء
دياب:والله هيك صار وروح شوف فرش البيت بيلمع الحيطان بتبرق نظافة
ديب:شه مو معقول
مصلح:روح معلم انا بالورشة
ديب:لروح اطمن مع اني حاسس انو مقلب
مصلح:😉لا تشيل هم الورشة معلمي انا بسكرها
ديب:استحي ع دمك ولاه
رجع للبيت مسدء ومو مسدء حتى باب البيت عم يبرق ريحة لزريعة ارض البيت واول ما فات انصدم نظافة ورتابة وريحة اكل بتشهي ولولاد لابسين ونظيفين

ختام:نورت البيت ابن عمي
ديب:ما عم سدء ليكون مخربط
ختام:ابدا مو مخربط
ديب:شغل ساعتو لك ختام
ختام:لا خلص رح اصير متل مابدك
بقلبو:ولايمكن اسدء مدري كم سنة حطو لدنب الكلب وبقي متل ماهو بس رح اساير الوضع لانو التالتة ثابتة بأذن الله
اتغدو وجهزت الشاي وقعدو برى يتسايرو
.......
كان ساجد صاحي من النوم قريب العصر مريم ومجد وام ساجد عم يلفوا ورق العنب ولفتتو ضحكة مريم كانت غرقانة بضحكتها
مجد:يبعتلك الهنا حاجتك تضحكي
مريم:ماعم سدء ختام عاملة هيك
ام ساجد:ولي عليكي مو طالبيتو لبيت الطاعة بس بدها تصير بشر
نادرة:الوخمة كل عمرها ما بتنظف
ابتسم ساجد لمداخلات الخرفانة
مريم:هههه والله ماجد حكى طالبيتو لبيت الطاعة
ام ساجد:هههه حاجتك وليه هاد ماجد بيتمسخر
مجد:يييي فرطت مريم
مريم:عم بتخيل منظر ديب راجع بعد ما طلبتو ختام لبيت الطاعة
وفرطن ضحك على ضحكتها بس ساجد قلبو صار يقول خق بق بدو يمسكها
ساجد:شو القصة
مجد:😂تعال سكت مرتك
ساجد:ع شو بتضحك
ام ساجد:لانو

- النص المستخرج من الصورة: 📝
۱۲:۱۰ ص
ام ساجد: لانو ديب رجع للبيت
ساجد: خلص وليه
مريم: ما عاد فيني
25
B/B
مجد: والله الموضوع ما بضحك بس انتي جاي عبالك تضحكي
مريم حكو ريحة المندي لآخر الدنيا واصلة
نادرة ما تبلى هالضحكة
ساجد: طمني حجة في عريس ولا شو الوضع
نادرة المشكلة حابيتك الك
وفجأة سكنت مريم وكملت لف ورق العنب
ساجد: معترفيتلك
نادرة وحكتلي طيبة النومة بجنبو
:مریم: ایمتی حکیت هالحكي
ساجد مدامني سرقت الخاتم معناتو حكيها طابو
ام ساجد: بدك تنسينا انك بست ايدها
مریم: كنت امزح معو
مجد: المهم باسها
ساجد مريم وراء دور
الحقتو للمطبخ ولسى ما غسلت ايديي
مريم شو بدك
ساجد قولي امرك ابن عمي
مريم: امرك تاج راسي
ساجد تاني مرة بتضحكي هالضحكة يا ويلك
مريم وغيرو
ساجد: ساوي قهوة
مريم: امرك تاج راسي
غسلت ايديي خييي اجى بوقتو اتخدرت واتكسرت من لف
الورق
:مریم: وين بتحب تشربها
ساجد مع النسوان
:مریم: حاضر اجل السيكارة

- النص المستخرج من الصورة: 📝
١٢:١٠ ص
25
88
10
مریم حاضر اجل السيكارة
ساجد بجدد
:مریم روح بجهزها وبيجي
ساجد: بدي اتفرج عليكي
مریم ازا هيك حقك و اول مرة بتشوف قمر بالنهار
ساجد معنوياتك اليوم للسما
مريم المهم مشيت كلمتي عليك
ساجد يا ويلي متجاكرة مني كتير
مریم خیرات الله
جهزت القهوة وارجعت لعندهن وعلى حكي ومزح
........
كان ماجد وجبورة علقانين مع تنين زعران ضرب مواس
وحكي وسخ وماحدا قدر يفزع بيناتهن اجت الشرطة
وانشحطوا للمركز الاربعة وراح ابن وائل يركض لبيت ابو
ساجد دق الباب بقوة وطلع ساجد دغري
ساجد: شوفي
محمد اخوك ماجد انشحط للمركز كان عم يتمشكل مع شباب
زعران
ساجد ایمتی صار هالحكي
محمد من شوي
بلشت ام ساجد تولول وابوه خبط ایدیه ببعض
نفخ كل نفسو ومقهور قهر من ماجد طلع يركض للغرفة يبدل
تیابو
ام ساجد ليكون صايرلو شي ولي عليك يا ابني
ابو ساجد: هلا ساجد بشوف الموضوع
نزل ساجد بسرعة كان لابس اسود باسود طلع من البيت اشر
ل تكسي وبطريقو للمركز

القسم الثاني وثلاثون
وصل للمركز وكل الدنيا مسكرة بعيونو حكى مع العنصر الي واقف ع الباب
ساجد: مدير المركز موجود
العنصر:مين حضرتك
ساجد:الرائد ساجد النمر
دغري ضربلو تحية وسمحلو يفوت سلم على مدير المركز بأيدو
المدير: اهلا وسهلا سيادة الرائد
ساجد:اهلين فيك
المدير:اتفضل ارتاح
قعد وحكى بأسف
ساجد:والله مابعرف شو احكيلك
المدير:ليكون من بين هالاربعة واحد بيقربك
ساجد:اخي
المدير:الي بدك اياه بصير اكيد
ساجد:الشي الي لازم تعرفوا اخي ما بيعرف بشغلي ومين بكون لعدة اسباب شخصية
المدير:اكيد بتفهمك سيادة الرائد
ساجد:فيني اشوف المحضر
المدير:اكيد اتفضل
كان عم يقرأ الاقوال وانقهر لانو من ضمن المحضر في حادثة تكسير اسنان طفل صغير
ساجد:وين اخي هلا
المدير:بالنظارة لتلات اعترفوا وفي شب بكون عمو للطفل بتحب تشوف اخوك
ساجد:اكيد بس بدي اطلب منك طلب
المدير:اتفضل
ساجد:بدي تكون صارم معو وما تتهاون ابدا
المدير:افهمت عليك بتحب تشوفو هون
ساجد: اكيد لا
المدير:يا ابني
العنصر:نعم سيدي
المدير:خلي الرائد ساجد يشوف اخوه
العنصر:اتفضل سيدي
كان مقهور
بقلبو:اخرتك هون لك ماجد ليش قلبي مطاوعني اشوفك هون لوين بدك توصلنا بعد نزلو للمهجع فتح الشباك ونده العنصر
العنصر:ماجد النمر
دغري وقف واول ما شاف ساجد دمعو عيونو
ماجد:ساجد طالعني من هون
ساجد:كيف بدي اطالعك كيف
ماجد:لا مابدي انام بين المجرمين بترجاك ابوس ايدك يا ساجد
ساجد بقهر:كيف مكسر اسنان الولد
ماجد:بالغلط دفشتو بالغلط
ساجد:حرام الي عم تعملو فينا انت دمرتنا حطيت راسنا بالارض
ماجد:طالعني من هون ساجد مشان الله ابوس ايدك
ساجد:كيف بدي اطالعك فهمني
ماجد:وكلولي محامي بترجاك
ساجد:رح تبات هون ليسقطو اهل الطفل حقهن عنك وبيضل الحق العام
ماجد:بدي انسجن انا
ساجد:ليش ما حسبت حساب هالشي اه
ماجد:ابوس ايدك ساجد طالعني من هون دبرني
ساجد:هلا اليوم مضى بكرى بحكيلك مع المحامي دير بالك على حالك
ماجد والدموع بعيونو:بدك تتركني هون ساجد
ساجد:رح اشوف واسطة هلا اهدا وروق
ماجد:خليك عندي يا ساجد
ساجد:لازم امشي متل ماقلتلك
بقي متعلق ماجد على الشباك وساجد لف ظهرو ومشي وحاسس بضعف لانو ماجد نقطة ضعفوا رجع لمكتب المدير
المدير:اطمنت عليه
ساجد:اي
المدير:ازا بتحب منخلي سبيلو
ساجد: القانون لازم ياخد مجراه
المدير بإعجاب:انت هيك بدك
ساجد: وهيك لازم يصير هو كتير مستهتر ولازمو عقاب لو لكم يوم بس بدي اطلب منك طلب
المدير:اتفضل
ساجد:تهتموا فيه
المدير: ولا يهمك سيادة الرائد
سلم عليه من جديد وطلع وقلبو غاصص
ساجد:هي نهاية الاستهتار والولدنة
رجع ب تكسي الحارة كلها بسيرة ماجد اول ما فتح الباب كلهن ركضوا ووقت امو ما شافت ماجد ضربت على وشها
ام ساجد:وين اخوك ساجد
ساجد: مابدي اسمع ولا كلمة
ام ساجد منهارة: ما طالعت اخوك
ابو ساجد:وين اخوك
ساجد:لازم اعمل اتصالاتي بالاول ياريت تتركوني لحالي
ام ساجد:انت بدك يبات اخوك بالسجن
ساجد:اكيد لا ماما الامور مو متل مو مفكرة
ام ساجد:كيف يعني بدي ابني والله بموت ازا ما يشوفوا وبطمن عنو
ساجد:ياجماعة اتركوني شوي لحالي لو سمحتوا
طلع للغرفة ومقهور لابعد الحدود.
........
كانت حماتي شبه منهارة حاولنا نواسيها ما اقدرنا
ام ساجد:😭بدو ينام ابني مع المجرمين والحرمية
مجد:طولي بالك ماما بعدين ليش متأملة يرجع مع ساجد
ام ساجد: عندو واسطة
ابو ساجد:وكلي الله يا مراة
ام ساجد:يمكن اموت ازا ما اجى ابني اليوم
هرو دموعي واطلعت احكي مع ساجد بلكي يطلع باأيدو
كان واقف عند الشباك ومبين انو مقهور
مريم:فيني احكي معك
ساجد:شو بدك
مريم: انا خايفة على مرت عمي يصيبها شي ليروح يرتفع ضغطها او السكري
ساجد:يوم وبيمضى
مريم:بس هي كانت مرتاحة لحد ما اجيت انهارت
ساجد:مو ناقصني مريم لا تزيديها عليي
مريم:فيك تطمنها ازا شفتو
ساجد:شو بدي اطمن فيها مكسر اسنان ولد صغير مروحلو الواجهة
قلبي غص ومصدومة يطلع من ماجد هالشي
مريم:يا حرام وشو صار فيه
ساجد: مابعرف المفروض نزور اهلو ونستسمحهن مشان يسقطوا عن حقهن
مريم:شو ناطرين
ساجد:تعبان كتير مريم راسي مضغوط ضغط مو طبيعي
قربت منو ووقفت قدامو دموعي شلالات
مريم:بترجاك تطمن مرت عمي لو كزب بترجاك
ساجد:ليش عم تبكي
مريم:خايفة على مرت عمي مافيني اشوفها عم تبكي
مسحلي دموعي وضلينا نتأمل عيون بعض
ساجد:حرام عيونك يبكو
مريم:بترجاك ساجد اعمل اي شي
ساجد:طيب لا تبكي ان شاء الله رح احل الموضوع مريم مابدي اهلي يعرفوا اني شفت ماجد
مريم:ليش
ساجد:رح احكي انو ما اقدرت اشوفوا وفي استنفار
مريم:انت عنجد بتحكي
مسكلي ايديي التنتين
ساجد:بالحياة بتيجينا فرصة وحدة مريم ولازم اغتنمها لو على حساب زعل اهلي