#الحب_الاسطوري_
الموسم الثاني
البارت 1
بقلم:Amina thhan( شرقية الهوى)
ببداية الجزء الاول من الموسم التاني
حابة نوه ع شغلة
الحب يلي بهالقصة
يمكن ماالو وجود بهالايام
بس صدقوني،الحب الحقيقي هيك
يلي بيحب من قلبو لابيحقد ولابينسى ولابيكره
والي عم نشوفو هلق بقصص الحب هالايام هاد مابيتسمى حب،هاد عبارة عن مشاعر مؤقتة
واسم القصة الحب الاسطوري
لانو الحب والتضحية يلي فيا ماعاد نوجدت هلق بهالزمان، ولو نوجدت فهي نسبة قليلة جدا
ف قبل ماحدا ينتقد، حبيت اشرح وجهة نظري
وبرجع بقلكن
الحب الحقيقي مو حب هالايام
الحب الحقيقي
هو يلي موجود ب
#الحب_الاسطوري_
تلات سنين و3 شهور
وعشر تيام وخمس ساعات و10 دقايق و30 ثانية
يمكن تستغربو شو هدول،بس هدول عدد سنين وايام وشهور بعدها عني ،اي عم عد الايام والشهور والساعات،لانو كل لحظة من هاد الوقت، كانت عم تدبحني وتقتلني وتسرق شبابي بدون لا شفقة ولا رحمة
الفراق صعب، وقاسي ومميت، الخذلان والبعد،هو اخطر شي يمكن يمر ع قلب البني ادم ،مافيني اوصف الغصة والوجع يلي،بيتركها الشخص،الي منحبو، بعد مايروح ويختفي من حياتنا
لانو مافي اي،كلمة ولاحرف بيقدر يوصفه،
بعدها ببالي لليوم،ماراحت من بالي ملامحها البريئة صوتها الحنون يلي،كان يأثرني كل مااسمعها وهي عم تغني،حنيتها،عفويتها، وتميزها عن كل بنات جيلها،ياترا وين راحت وين ختفت؟! بس لو اقدر اعرف بس،لحتى رجعها غصب عن كل حدا كان سبب بفراقنا،مستحيل صدق انها مابتحبني،مستحيل،بيقولو قلب العاشق دليلو،وانا قلبي هو يلي عم يقلي،حتى لوكانت شاطرة بالتمثيل،مافيها تمثل عالشخص يلي بتحبو،كان حبها الي واضح بعيونها متل وضوح الشمس ،لمعة عيونها وهي معي، مافي اي ممثل بالكون بيقدر يتصنعها،مستحيل نظرات الحب يلي،بعيونها تكون كذب،بس هي مجبورة،تبعد،انا بعرف ومسامحها، وبتمنى ارجع التقي فيها، لحتى اثبتلا واثبت لحالي،انو هي،صادقة بحبها الي، ااخ بس لو شوفها بس ساعة وحدة،وضمها وابكي ع كتفها،وخبرها غيابها شو عمل فيني، ومن بعدها موت واختفي من كل هالدنيا.
اليوم هو 4 اذار،بنفس هاد اليوم
التقينا،مابنسى هداك اليوم ابدا من اول ماشفتها،حسيت في شي عم يشدني الها ويحببني فيها،
بحب هاد الشهر كتير ،لانو بذكرني فيها،وبالايام واللحظات الحلوة يلي كنا نقضيها سوا،
حبينا بعض بالربيع
كان اول واخر ربيع حلو
لما اجت ع حياتي خلت كل ايامي ربيع وورد،
بس لما راحت حولت حياتي لخريف، خريف دائم،حتى الربيع اتحول لخريف ،وماعاد الو لون.
ياترا هي بتحنلي متل مابحنلا انا؟
نستني؟ ولا لساتني ببالها،يالله شوشتقلها،مافيني انساها ابدا،ومافيني شيلها من بالي،لانو انا اذا في شي مصبرني عالعيشة من دونها،هو ذكرياتي معها،والايام الحلوة الي قضيناها سوا، انا بحبها كتير،ومافيني بطل حبها ،وبعرف انها بتحبني متل ماانا بحبها ويمكن اكتر، لهيك بدي قلها قدامكن
انا وعدتك ياحبيبتي اني مابطل حبك حتى لوصرتي تحت سابع ارض
مارح انساكي،ورح تضلي البنت. الي سرقت قلبي وخلتني موت فيها،
يمكن انتي هلق تكوني عم تشوفي هاد البوست
مين بيعرف بيجوز عاملة حساب وهمي ومتابعتيني
لهيك رح قلك،بحبك كتير،وبتمنى ترجعيلي، وصدقيني شو ماعملتي وقد مازاد بعدك مارح شيلك من بالي ولالحظة ،ارجعيلي غريس،الحياة بدونك مقرفة،رجعيلي ورجعيلي ضحكتي يلي ختفت معك،
بحبك كتير، بطتي المدللة.
نزل هالكلمات ع صفحتو عالفيس بوك
وسكر اللابتوب وهو عم يمسح دموعو يلي
ماقدر يتمالكها وهو عم يكتب البوست
قام من محلو ووقف عالمراية
يتطلع ع شكلو
قديش هالتلات سنين كبروه
صار يتفحص شعرو
كانت واضحة خصل الشيب يلي،براسه
الحزن والوجع كبروه الف سنة
دقنو طويلة ووجهو باهت وحزين
الشب يلي كان مليان حيوية
صار واحد تاني،انسان كئيب،وسوداوي
عم يتطلع ع حالو بالمراية
ويتزكر كيف كان شكلو قبل 3 سنين
وكيف شكلو هلق
اندق الباب
ودخلت تهاني لعندو
تهاني:صباح الخير حبيبي
وائل: صباح الخيرات
قربت لعندو كان لسا واقف مكانو وعم يتطلع
عحالو ع المراية
سندت حالها عالشوفنيرة
وضمت ايديها ببعض
تهاني:بدي قلك شي
وائل(بدون مايتطلع فيها):شوفي
تهاني:، بما انو ابوك محكوميتو رح تخلص
وماضللو شي ليطلع من السجن،بدي تصير الفرحة فرحتين
وائل(بدون مبالاة): كيف يعني مافهمت
ابتسمت ابتسامة صغيرة
وقالتلو
تهاني: في بنت شفتلك ياها من كم يوم بتطير العقل، حابة كتير اخطبلك ياها، البنت كتير محترمة وبنت عالم وناس وحلوة واكابرية،بقا شوقلت؟
اطلع فيها بدون مايصدر اي ردة فعل
حمل حالو وطلع من الغرفة،
استفزها ب ردة فعلو الباردة
تهاني(بعصبية): لوين رايح!!! عم احكي معك
وائل (وهو طالع من الغرفة): ماني فاضي

تهاني: وشو مشان موضوع البنت؟
وائل: سكري عالموضوع امي،مشان ماتخسريني،وماعاد ورجيكي،وجهي طول عمري،
ودار ضهرو وطلع لبرا الغرفة
حست بالقهر من كلامو
ورفضو المستمر للزواج
وصارت تصرخ عليه
تهاني:،ماشي ياوائل،شوعليه ،خليك معند، لا ومشان مين،مشان وحدة مو شايلتك من ارضك وكانت عم تضحك عليك،خليك رافض ،لشوف شو رح تنفعك ست الحسن.
لك اصلا حتى لوكانت بتحبك،نجوم السما اقربلك منها
كان ماشي وعم يسمع كلامها وعم يحز بقلبو
ويجرحو سكر ايديه وضغط عليهن لحتى صارو حمر
وكمل طريقو، وطلع برا القصر
--------------------
طبعا. بعد مرور تلات سنين
تهاني عرفت بعلاقة وائل بغريس،
من يوم ماتركتو
وسافرت،
وحاولت كتير تخليه يشيلا من راسه
ويشوف حياتو،بس،ماكان في امل منو
وبالنسبة لزيد،كان كل هالسنين،عايش مع لين بكذبة انو هو بيحبها، بس،بالواقع هو قلبو مع رشا لحد الان،ومانسيها ولاراحت من بالو ولالحظة،
عاصم،وسامر بعد تخفيف الحكم عليهم بمساعدة العميد صالح وبلال،والمحامي التاني
انحكمو اربع سنين
وبقيلهن كم شهر وبيطلعو من السجن
الست نجوى،مرضت من وقت صدر الحكم ب اولادها التنين
وماعاد قدرت تمشي ع رجليها من حزنها وقهرها ع فراقهن،وصارت تقعد عالكرسي المتنقل،
وموبس نجوى، يلي اكلها الحزن
القصر كلو
خيم عليه الحزن، وصار كئيب ومظلم، من بعد ماكان مليان بضحكات الاحفاد
ومقالبهن
ومزحهن ،الحياة تحولت لكابوس
بقلب هاد القصر الكبير
كل واحد همو مكفيه
وماحدا كسبان ومرتاح، غير قصي
قصي،يلي كان سبب بدمار هالقصر،
ايمن المسكين نحكم 15 سنة سجن
وبسمة من وقت صدر الحكم فيه
مااجت عالقصر
الا زيارة
كانت تقضي،كل،وقتها بالمرسم،يلي اشترالها ياه ابوها بعيد ميلادها،ماعادت البنت الشقية،القوية،يلي مافي،شي،بيكسرها ،غيابو كسرها ودمر حياتها،بس رغم كل التهم يلي توجهتلو،كانت مؤمنة،كل،الايمان انو ايمن بريئ ،
جنى وقصي لسا مخبين قصة،زواجهن عن اهاليهن
وعم يلتقو ببيتهن
ولحد،الان ماحدا حس عليهن .
كان الوقت حوالي الساعة
10 ونص الضهر
طلعت جنى من القصر وركبت سيارتها
وراحت على بيتهن
هي وقصي
وصلت
ونزلت من السيارة
ومشيت لعند باب البيت
فتحت الباب ودخلت
كان قصي عم يستناها من الصالون
واول ماشافها قام من محلو وفتح ايديه وركض لعندها
قصي: حبيبتي،
جنى: صباحو حياتي
قرب لعندها وعانقها وباسها
قصي: ياصباح الفل،
جنى: كيفك
قصي: مشتقلك حبيبتي، انتي كيفك
جنى: مشتاقتلك كتير
بعد عنها شوي واطلع فيها بنرفزة
قصي: ازا مشتاقة 😏 ليش تاخرتي
جنى: تضرب لاتتغالظ، هلق لحتى قدرت اجي،،بعدين وين تأخرت!،لسا الساعة ماصارت 11 !
قصي: اي واذا كان 🙂 فكرت تجي قبل هيك.
جنى: اي وهلق لقدرت اجي،شوخربت الدنيا!
قصي: لاماخربت، فطرتي؟
جنى(بحب): تسئ قلت بفطر مع حبيب قلبي.
قصي: لك دخيل قلبك انا،يقبرني الي خلقك
جنى:بعيد الشر عن قلبك عمري،يلا انا رح روح حضر الفطور
قصي: ماشي سبقيني جاية ساعدك
جنى: مافي داعي حبيبي،انت رتاح انا بحضرلك كل شي، انت بس ريحلي حالك
قصي:،اي باامرك انا ياعسل
قرصتو من خدودو
وباستو
جنى: لك ان شالله بيقبشني
وتركتو دايب 😂 وراحت
حط ايدو ع قلبو وصار يتغمى
قصي; ولي ع قلبي رح تجبلي الفالج هالبنت، تقبري قلبي مااحلاكي،

دخلت جنى عالمطبخ
وفتحت البراد طالعت اغراض الفطور وحطتهن عالطاولة
راحت لتحط ابريق الشاي عالنار،حست بدوخة فظيعة
وقفت محلها ومسكت راسها
اجت لتمشي وتكمل طريقها
جسمها ماحملها
وفقدت الوعي ووقعت بالارض هي وابريق الشاي،
فز قصي من محلو على،صوت خبطة الابريق عالارض
ركض متل المجنون لعندها عالمطبخ
لقاها مرمية عالارض وغايبة عن الوعي قعد جمبها وهو خايف ومرعوب عليها وبلش يضربها كفوف ويصحيها
قصي: جنى حبيبتي، عم تسمعيني؟ شبك ياعمري،مشان الله ردي عليي،ببوس ايدك
ماكانت عم تصحى ابدا
حملها واخدها ع غرفة النوم
سطحها عالتخت وحمل تلفونو واتصل بالدكتور
وعلامات الخوف ظاهرة ع وجهو
قصي: الو مرحبا دكتور،
--------------------------
بضيعة بعيدة
تابعة لمدينة حمص السورية
بيت كبير
بيطل ع جبال ووديان الضيعة
الجو حلو ولطيف ،بداية الربيع
وفي برد بس الدنيا شمس
قاعدى عالبرندة
وقدامها
ركوة القهوة،
وماسكة موبايلها وعم تتصفح فيس بوك
وقفت تصفح
لما شافت البوست تبعو،
وصارت تقرا حروفو بلهفة،
كان احساسو بمحلو،هي كانت عاملة حساب وهمي،وعم تراقبو منو
بلشت تقرأ البوست يلي نزلو قبل شوي
وتتمعن فيهن،كانت عم تحس بالوجع بكل حرف من حروف هالبوست،
دموعها بلشو ينزلو ع خدها
واعصابها نهارت،صوت وجع قلبو ع فراقها كان عم يوصلها من خلال هالحروف هي،
لاهو قدر ينساها ولاهي قدرت تنساه
حطت الموبايل من ايدها وخبت وجها باايديها وصارت تبكي بكل حرقة قلب

شالت ايديها من ع وجها وفتحت الموبايل
ودخلت ع صورة الو صارت تتاملها وتحكي معها
غريس:،احساسك بمحلو ياحبيبي،هنن يلي جبروني ابعد عنك،لساتني بحبك، وماقدرت انساك ولالحظة،انت رح تضل حاضر بقلبي لااخر يوم بعمري، ومافي اي شي رح يخليني انساك ، شتقتلك كتير،يااغلا شي عندي. بحبك كتير وائل ومارح انساك طول عمري.
قاطعها صوت امها وهي عم تناديلا
كريستين: ياغريس
خبت الموبايل من ايدها،
ومسحت دموعها بسرعة قبل ماتشوفها
غريس: اي ماما
كريستين: حبيبتي،ماري اجت وبدها تشوفك،
غريس: اي امي ،خليها تجي لهون الجو كتير حلو
كريستين: طيب متل مابدك،
-------------------------
بالقصر
كان زيد قاعد
قدام الابتوب تبعو
وعم يكتب
وفجأة بتجي لين يلي كانت معزومة ع فطور م رفقاتها، بتوقف قدامو وهي متنرفزة
بينتبه عليها
بيترك كل شي من ايدو وبيطلع فيها ،مستغرب
زيد:شبك؟ ليش قالبة خلقتك؟
لين(بزعل): مافي شي
زيد(بعصبية): شلون مافي شي؟! اطلعي. ع وجهك عالمراية، ليش مبوزمة؟ حدا مدايقك؟
لين: لا
زيد: طيب مانبسطي بالطلعة مع رفقاتك؟
لين: لا
زيد: اي طيب شوفي لكن!
اطلعت فيه وهي متلبكة وقالتلو
لين; بدك الصراحة؟
زيد: طبعا احكي
جابت كرسي وقعدت جمبو
وهي زعلانة وعيونها مدمعين
لين: ونحن قاعدين عم نفطر،وحدة من رفقاتنا يلي كانت معنا،خبرتنا انو طلعت حامل،ولو تشوفها قديش كانت فرحانة،ومبسوطة
زيد(مستغرب): اي،طيب الله يهنيا انتي شو مدايقك ؟
لين: الي مدايقني. انو رفقاتي كلهن صار عندهن ولاد ومع انو اكترهن تزوجو بعدي،الا انا، بعدني متل ماانا، 😣
زيد: هلق مشان هيك مدايقة؟ تضربي اي، لك شو الشغلة باايدي ولاباايدك، ازا الله لسا ماراد انو يطعمنا شوطالع بالايد
لين: اي مااختلفنا ونعم بالله، بس الا مايكون في سبب،ونحن صرلنا تلات سنين متزوجين،ولهلق ماتحركنا وفتشنا عالسبب حتى،
زيد; معك حق حبيبتي،بس شفتي يلي صار فينا بهالكم سنة ، اي الله وكيلك نسيت حالي،بابا من طرف وعمو من طرف وتيتة من طرف،والاجواء كلها مكركبة،
لين: اي بس انا قلتلك كم مرة تروح تعمل فحوصات وانت ماقبلت 😞
زيد: لك ياحبيبتي، فحوصات شو بدي اعمل ،شوبدو يكون فيني يعني؟
لين: مابعرف الا مايكون في سبب، وبالنسبة الي انا رحت كتير وعملت فحوصات وطلعت تحاليلي سليمة
زيد; اي طيب تمام حلو كتير،شوبدك لسا
كانت حاطة راسها بالارض
رفعت راسها وقالتلو
لين: بدي انت تروح تعمل تحاليل وتشوف شو القصة
تغيرت ملامح وجهو
وبين عليه علامات الانزعاج
زيد: شو قصدك، يعني بجوز يطلع العزر مني؟
لين: انا ماعم قول هيك،بس بجوز يكون في شي مشكلة،
زيد(بعصبية):،لك مشكلة شو بس قليلي
لين(مستغربة): زيد شبك ليش عصبت؟ كلامي عادي ومافيو شي،
حاول يهدي اعصابو
وفكر فيها شوي لقا انو فعلا كلامها مافيو شي
زيد:معك حق كلامك مافيو شي
لين: وطيب وشو مشان التحليل؟
زيد: هلق انتي شو بتستفادي يعني؟
لين(بنرفزة): لك زيد لاتجنني،كيف يعني شو بستفاد، منطمن ازا كان في شي، قال شو بستفاد قال،شوصايرلك ولو
زيد: طيب خلص خلص هدي ليش عصبتي،تكرمي رح روح واعمل تحاليل غيرو؟
لين(بزعل): ولاشي
زيد: طيب خلص فرديها بدك تضلي قالبة خلقتك!
قربت منو وحطت راسها ع رجلو
وصارت تحكي والدموع بعيونها
لين: مو باايدي،قلبي محروق على بيبي صغير،
انت بتعرفني قديش بحب الصغار،وخصوصي انو انا شغلي كلو مع الاطفال
كل مابشوف ولد صغير،قلبي بيفرط من القهر ،بشتهي لو كان عندي طفل صغير،بنت او صبي شوماكان المهم يكون ملكي، ابني الي يناديلي ماما
زيد: معلش حبيبتي طولي بالك،هيك الله رايد،مابتعرفي ايمت بيأذن وبيبعتلنا الذرية الصالحة
رفعت راسها واطلعت فيه بعصبية
وهي عم تمسح دمعتها
لين: انت لو من زمان سمعت كلمتي ورحت عملت فحوصات،ماكان ضلينا لهلق بلا ولاد،لك العالم اذا بتتاخر سنة ومابيجيهن ولاد بيروحو بيعملو تحاليل وبيطمنو ع حالهن،لك انت تلات سنين،تلاات سنين النا متزوجين،وانت لا سالت ولا عملت فحوصات ولاشي،شومستني مابعرف
زيد: ياحبيبتي كم مرة بدي عيد، لك انتي ماشفتي شوصار فينا؟ اي حياتنا كلا تعكرت من وقت بابا نحبس وعمي سامر،وتيتة مرضت ، وانا شايل مسؤولية هاد القصر كلو،
وفوق هاد ،شغلي يلي مابيخلص،
اي الله وكيلك مالي خلق لشي،
وانتي بتعرفي هالشي
لين: اي حبيبي بعرف ومقدرة،ومعك حق ،تنشلش بس مولدرجة انو تهمل حالك لهالدرجة!
تنهد وهزلها براسو
زيد: معك حق، خلص لاتزعلي، من بكرا رايح اعمل تحاليل،
اطلعت فيه وابتسمت
وقربت منو وعانقتو
لين: الله لايحرمني منك
زيد:، حبيبتي يخليلي ياكي،مع اني،واثق انو مافيني شي،بس رح اعمل متل مابدك لتطمني
لين: ان شالله مايكون في،شي 🥺
زيد: ان شالله حبيبتي

------------------------
بييت قصي
كان الدكتور عم يفحص
جنى
وقصي واقف جمبو قلقان،عم يستناه
يخلص
ضربها ابرة
وبعد ماخلص اطلع بجنى وقلها:كيف حاسة حالك؟
جنى: احسن دكتور
قصي: طمني دكتور،شو طلع معها؟
اطلع الدكتور بقصي وابتسم
الدكتور: مبروك المدام حامل
تغيرت ملامح وجه جنى وقصي
وظهرت عليه اثار الصدمة
قصي: شو عم تحكي دكتور!!
الدكتور: متل ماسمعت
قصي: بس كيف هيك دكتور، مرتي بتاخد حبوب مانع حمل!
الدكتور: اي عادي، بتصير كتير،
قصي: طيب قديش صرلها!
الدكتور: الي مبين عندي انها بااخر الشهر الاول
قصي(بصدمة): يعني مافينا ننزل الولد؟ 😳
الدكتور: لاطبعا،ديرو بالكن، لانو الجنين دبت فيه الروح خطيتو برقبتكم،اذا بتنزلوه
كان قصي عم يتطلع ب جنى بصدمة
فاق من صفنتو لما الدكتور شال شنطايتو وقام
الدكتور: عليها العافية،
قصي: الله يعافيك دكتور شكرا الك
اخد الدكتور وصلو لعند الباب وحاسبو وراح
وبسرعة
قصي رجع لعند جنى وقعد جمبها وهو معصب
وهي كانت عم تبكي
قصي: وليه غبية،ماعم تاخدي حبوب المانع؟
جنى(عم تبكي وتضرب حالها): وحياة الله عم اخدهن
قصي(بصرااخ: لااااتكذبي،جنى
جنى: والله العظيم عم اخدهن
قصي:،لككك لكن كيف حملتي كيف!!
جنى: والله مابعرف والله، الله ياخدني
قصي: وليي ياربي،شو هالمصيبة هي
جنى: شوبدنا نعمل،؟
صفن شوي ورجع اطلع فيها
قصي:،لازم تنزلي،الولد
جنى(بصدمة): شوهالحكي قصي"!! من كل عقلك عم تحكي؟
قصي(بصراخ): اي من كل عقلي لكن من نصووو،مالنا غير هالحل
جنى: بس الدكتور،قال. انو مابصيو ننزلو
قصي: لك رجليي بالدكتور،شوبدنا نعمل لكن؟
جنى: مابعرف مابعرف قصي،بس انا مستحيل نزل الولد مستحيل اقتل ابني مستحيل
اطلع فيه بشراسة
وقرب منها
وحكا بصوت واطي
قصي: بس،تكون الشغلة ع كيفك
جنى(بصراخ): لك طبعا ع كيفي لكن ع كيف مين،لوبتموتني مابنزلو
قصي: جنى لاتطالعي اخلاقي ها!! شوفي، انا هلق رح اتركك تفكري، يومين،وخلال هاليومين بدك تعتمدي، يااما منزل الولد
ويادار مادخلك شر، يااما منعلن زواجنا،
جنى(بخوف): لككك شو نعلن زواجنا 😨😨 والله اخواتي بيقيمو قيامتنا
قصي: معناها مالك غير تنزلي الولد
جنى(بحزن); كمان مابقدر
قصي: هوهو علينا جنى ، لاتضيقي خلقي ها قدامك هالحلين بس،ومعك يومين،تختاري بيناتهن ،وخلص نتهى النقاش.
وتركها وطلع من الغرفة معصب ومو شايف قدامو
كانت هي لسا قاعدة بتختها وعم تضرب ع حالها
جنى: ولي على قامتي، شوبدي اعمل بهالمصيبة هي،ياربي دخيلك
-------------------------
عند غريس
كانت قاعدة
هي وبنت جيرانهن ماري
وعم يشربو قهوة
لاحظت غريس انو ماري بدها تحكي،شي بس ماعم تقدر
غريس: ماري شبك؟ حاسة في بتمك حكي
تلبكت وحطت فنجان القهوة من ايدها ونزلت راسها بالارض
ماري: الصراحة اي
غريس: شوفي احكي
رفعت راسها واطلعت فيها
وقالتلا
ماري: غريس الموضوع بيخص اخي. ايليا
غريس(مستغربة): شبو اخوكي؟
ماري: هلق انتي وقت بتكوني معو،مابتحسي نظراته الك مو طبيعية؟
غريس: مدري مانتبهت،بس ليش عم تسالي؟
ماري: بصراحة؟
غريس: اي احكي!!
ماري: اخي ايليا معجب فيكي
انصدمت وبين ع وجها علامات الانزعاج
دارت وجها عالطرف التاني وماحكت ولا كلمة
ماري:،شبك؟ ماحكيتي شي
غريس: شوبدي احكي؟
ماري: انتي مابتحسي بشي اتجاه ايليا؟
غريس: شي متل شو
ماري:،يعني مابيعجبك؟ مابتحبيه؟
غريس: لاعادي،ايليا مجرد صديق مو اكتر
ماري(بزعل): بس غريس اخي بيحبك 😞
اطلعت فيها وهي معصبة
وقالتلا
غريس: وانا بحبو، بس ك صديق واخ، مواكتر ولااقل
ماري: طيب هلق انا شوبدي قلو لااخي؟
غريس: قوليلو مافي نصيب
ماري: طيب هيك بكل بساطة يعني!
غريس: اي بكل بساطة ،شوبدك اعمل يعني؟،بعدين ليش مااجا هو وقلي؟
ماري: اي،لانو كان خايف ترفضيه، وطلع خوفو بمحلو 😏
تنهدت وحاولت تهدي اعصابها شوي وتحكي
بلهجة اهدى
غريس: شوفي ماري،اخوكي ايليا شب محترم وحباب وبطير العقل،والمشكلة مو فيه، المشكلة فيني انا
ماري: طيب شو مشكلتك انتي؟
غريس(بقهر): انا مالي بقصص الحب والارتباط
ماري(مستغربة): ليش طيب؟
غريس: هاد موضوع شخصي،مافيني احكيه
ماري: طيب احكيلي مو انا رفيقتك
غريس(بملل):،هففف ماري خلص قلتلك مافيني احكي،تركيني بحالي
ماري(بحزن): طيب ع راحتك حبيبتي
اطلعت فيها غريس بحنية وحطت ايدها ع كتفها
غريس: حبيبتي ماري، انتي متل اختي والله،وبحبك من كل قلبي،بس،ياروحي،انا في عندي شغلات مافيني احكيها لحدا،ابدا، امانة ماتزعلي
ماري: ماني زعلانة حبيبتي،بس انا تدايقت شوي ع اخي
غريس: الله يبعتلو احسن مني، صدقيني انا ماعم اتكبر عليه،بالعكس الشب احسن مني،بس انا مافيني كون الو، ولا لحدا تاني غيرو
اطلعت فيها ماري وسالتها

ماري: ليش؟ بتحبي حدا وماعم تقدري تنسيه؟
تلبكت وتدايقت وصار بدها بس تتهرب قامت من محلها
وقالتلا
غريس: رح روح اعمل اركيلة
ودخلت بسرعة لجوا
وكانت ماري مستغربة من ردة فعلها
ماري: شوقصتها هالبنت؟ ليش كل مابسالها ازا بتحب حدا بتتهرب؟
-------------------------------
باليوم التاني
قاعدة على كرسيتها.
قدام لوح الرسم تبعها
وماسكة الريشة عم تلون رسمتها باللون الاسود
بتحط الفرشاية من ايدها اول ماتسمع صوت دقة الباب
قامت من محلها وراحت فتحت الباب
لقتو واقف عم يتطلع فيها بغصة
متل عادتو
بسمة: اهلا وسهلا
بلال: اشتقتلك، انتي ماعم تسالي، قلت اجي انا اطمن عليكي
بسمة: فيك الخير ابن العم،انت دائما احسن مني،بس صدقني مشغولة
بلال: لك بشو مشغولة بس فهميني
بسمة: بدنا نحكي هون يعني! فوت لجوا خلصني
دخل لجوا واول مادخل عانقها والدموع بعيونو
بلال: ايمتا بدك ترجعي عالقصر،والله صار باهت من وقت ماتركتيه
بسمة: مارح ارجع
بعد عنها واطلع فيها وهو مقهور
بلال: ليش طيب!
بسمة: هون اريحلي،ماني رايقة للعجقة والناس
دخلت لجوا وهو لحقها
بلال: طيب بدك تضلي عهالحالة لاايمتا يعني!!
بسمة: ليفرجها ربك
قعدت عالكنبا
واطلعت فيه
بسمة: بدك تضل واقف! قعود
قرب لعندها وقعد جمبها
بلال: بسمة يلي عم تعمليه مابصير
بسمة: وليش يعني مابصير؟
بلال: لك الك من وقت ايمن فات السجن وانتي حابسة حالك هون،ومنعزلة عن العالم،حرام عليكي والله حرام،بعدك بااول عمرك، ليش هيك عم تعملي بحالك،طلعي وشوفي الناس رجعي لااهلك لرفقاتك وللناس الي بحبوكي،حاج محبوسة بين حيطان هالمرسم
بسمة(بحزن): موباايدي يابلال، ماعم اقدر ،ماعم اقدر ارجع متل قبل
بلال: لك ليش بس فهميني ليش،شوبدو يفيدك الحزن والزعل؟ رح يخففو عنو سنين الحكم؟،ولارح يرجعوه ولاشو؟،شبك بسمة، انا ماعاد عرفتك،وين بسمة القديمة،القوية،يلي ضحكتها مابتفارق وجها
ضحكت ضحكة صغيرة بغصة
وقالتلو
بسمة: ماتت بسمة القديمة،ماتت وماعاد ترجع
بلال: لا رح ترجع، بسمة القديمة ماماتت ،بس انتي يلي مصرة تموتيها، حرام عليكي بسمة حرام يلي عم تعمليه بحالك،روحي اتطلعي عحالك عالمراية،الي بشوفك بيحطلك عمر 40 سنة
بسمة(بحزن):هاد شكلي الخارجي، 40 سنة، كيف لو شافوني من جوا،هه اكيد رح يحطولي عمر 100 سنة
بلال; بسمة خلص ،انتي لازم تنسي وتعيشي حياتك
بسمة: للا مابدي انسى، ولابدي عيش حياتي،انا خلص حياتي نتهت ، باللحظة يلي اخدوه فيها عالسجن
بلال(بقهر): الله يهديكي بس،شوماعم احكي معك،ماعم ينفع
بسمة: لاتعذب حالك،شوماحكيت انت او غيرك،مارح اتغير.
حس بالقهر والغيرة من محبة بسمة القوية لاايمن
وللحظة تمنى ، انو تكون هالمحبة الو هو،بس موكل شي منتمناه بالحياة منحصل عليه
بلال: ماعم تزوري ابوكي؟
بسمة: مبلا، زرتو من كم يوم
بلال(بقهر): وايمن؟
بسمة: الي اكتر من اسبوعين ماشفتو، رح روح زورو بهالاسبوع
بلال: خير نشالله
بسمة:انت شوفي مافي عندك،؟
بلال; ولاشي، شوبدو يكون في
بسمة: شوفي اخبار بالقصر
بلال: مافي شي جديد،الكل ع حالو،الله وكيلك حاسس حالي عايش بقصر اموات،كل واحد همو قاتلو
بسمة(بحزن): بعين الله،تيتة كيفها؟
بلال: على حالها
بسمة:،يي ع قلبي عليها 😞 كلو من زعلها ع بابا وعمو
بلال: ايييه شو بيطلع بالايد،يلاهانت فترة زمان،وبيطلعو،بلكي ازا شافتهن بتتسحن
بسمة: الله يسمع منك،الله يشفيا
بلال: امين
اطلع حواليه
ضربت عينو عاللوحة يلي كانت عم ترسمها بسمة
واستغرب انها ملونتا بالاسود
بلال:حلوة هاللوحة،بس ليش ملونتيها بالاسود
بسمة(بضحكة قهر): هه لانو هاد لون حياتنا الحقيقي،الاسود، وباقي الالوان كلها وهم
بلاال: من هالناحية معك حق،نحن حياتنا كلها سواد بسواد،ومافيا اي لون تاني
بسمة: اي ،للااسف.
بلال: ياريت حياتنا تكون عبارة عن لوحة
بسمة: اي والله،كنا رسمناها متل مابدنا، وحطينا فيها كل شي منحبو، وبعدنا كل شي بيئزينا ومنكرهو
اطلع فيها بحرقة قلب وقلا
بلال: لوكانت حياتي لوحة،كنت رسمتك انتي فيها،انتي وبس.
بسمة:.....
سكوتها كان عم يحسسو بالاحراج والقهر
اصلا هو مانتبه عحالو كيف قلا هيك
وهو بيعرف منيح انها مابتبادلو نفس المشاعر ،وانو قلبها مع شخص تاني
تنحنح وظبط قعدتو ونزل راسه بالارض وكانو عامل شي ذنب كبير
بلال: اسف، ماكان قصدي
بسمة: مو مشكلة
يتبع...

تكملة البارت 1
بغير مكان
كان زيد ومع لين
عند الدكتور، بعد ماعمل التحاليل والفحوصات اللازمة،كان الدكتور ماسك ورقة التحليل وصافن فيها ،بينما هو عم يقراها
تغيرت تعابير وجهو
وبينت عليه اثار الصدمة
الشي يلي خلا زيد ولين،يقلقو
زيد:شبك دكتور؟ شوفي؟
الدكتور;،والله مابعرف شو بدي قلك
زاد القلق عند زيد ولين
اكتر
وصارو بس بدهن يعرفو شوفي
زيد: دكتور احكي،شغلتلنا بالنا،انا فيني شي؟
حط الورقة من ايدو واطلع فيهم تنيناتهن
الدكتور:للااسف يااستاذ، تحليلك صفر
تغيرت تعابير وجهن للصدمة تحجرو عيونهن
زيد:شو يعني هالحكي دكتور؟
الدكتور(بحزن): يعني للااسف، انت مابتجيب ولاد
زيد(بصوت عالي شوي): لككك كيف يعني كيف؟
الدكتور: متل ماسمعت هاد يلي بين معي،
لين(والدمعة واقفة بطرف عينا): بلكي في شي غلط دكتور؟تاكد
الدكتور: والله يادكتورة، هاد يلي مبين،
شال الورقة ومدلها ايدو
الدكتور: خدي تاكدي،بنفسك
سحبت الورقة من ايدو
بلهفة وصارت تقرأها
واول ماشافت النتيجة
نخطف لونها ووقعت الورقة من ايدها
وماقدرت تتمالك دمعتها
زيد:،شووووو لين؟
لين(وهي عم تنطق بصعوبة): الدكتور معو حق.
قرب منها وهو مصدوم
زيد: لكككك شلون هيك!!
لين:.....
اطلع زيد،بالدكتور
زيد: دكتور يعني مافي امل ابدا؟
الدكتور: الامل ضعيف جدا بس طبعا دائما الامل بالله كبير يااستاذ
مصدوم وصافن بالعدم
والحكي عم يطلع معو بصعوبة
زيد: اي ونعم بالله، شكرا دكتور
الدكتور; اهلا وسهلا
اطلع ب لين يلي كانت ماعم توقف بكي وقلا
زيد: خلينا نمشي .
حط ايدو ع كتفها وسحبها وطلعو من عيادة الدكتور
-------------------------------
عند بسمة
بلال: انا صار لازم امشي بيسة
بسمة: خليك شوي قاعدين
بلال: لا مابقدر،قومي انتي روحي معي
بسمة: لوين بدي روح؟
بلال:عالقصر، لوين يعني!
بسمة: لا مابدي،غير مرة بجي
بلال: لاماحزرتي، هلق بدك تجي معي
بسمة(بوجه عابس): بلال لاتتغالظ
بلال: ماني، ازا مابتجي معي مارح روح
بسمة(باابتسامة صغيرة): بدك تضل هون يعني؟
بلال: ههههه اي بدي نام عندك
بسمة: اي هاد الناقص،مشان امك 😐تطالع عليي حكي اشكال الوان
بلال: طيب قومي معناها لبسي وتعالي معي
بسمة:هففف امري لاالله
بلال(بفرح): اي هيك عيني ربك وا عيني
بسمة(مستغربة): هههه شبك ولاه قلبت لادقاني
بلال: بس لابقلي ما 😊
بسمة: اي
بلال: اي،طيب لاتلهيني قومي غيري تيابك وتعالي ناطرك
بسمة: ماشي انطرني 10 دقايق، مابطول
بلال(بمزح): وليي راحتلا شي 10 ساعات معناها
بسمة(بعصبية): ولاه 😕بلا غلاظتك. انا قوام بخلص
بلال: طيب خلصيني قحطي لبسي
ضربتو ع كتفو بقوة
بسمة: رايحة
وراحت بسرعة
وهو كان عم يصرخ من الالم
بلال: بفرجيكي يابيسة،يخرب بيتك عهالايد
---------------------------
بالقصر
رجعو لين وزيد من عند الدكتور
وكانت تهاني عم تنتظرهم بلهفة
اول ماشافتهن دخلو ركضت لعندهن
تهاني: طمنوني، شوصار؟ طلعت نتيجة التحليل؟
زيد. ولين: .......
لاحظت عليهن انهن مو طبيعين
اطلعت ب لين شافتها بكيانة
وحست بالقلق
تهاني:شوو ليش ساكتين؟
لين وزيد:.....
تهاني(بعصبية): لك جاوبوني شووفييي؟
ماقدرت تتحمل لين
وبسرعة تركت المكان وركضت على غرفتها وهي عم تبكي
وماضل غير زيد
يجاوبها على،اسئلتها
قربت منو والقلق والخوف عم ياكلها
تهاني: زيد ابني قلي شوفي، وقفتولي قلبي،ليش لين عم تبكي
كان الكلام عم يطلع معو بصعوبة
واخيرا قرر ينطق ويقلا
زيد: امي الدكتور قال انو
ماقدر يكمل خوفا على مشاعرها
ام والها سنين بتستنا يكون عندها حفيد صغير
تهاني: انوو شو زيد؟ عم تحكي بالتقسيط، انطوق بقاا
زيد: امي خلص تركيني
اجا ليتركها ويروح مسكتو من ايدو ورجعتو لمكانو
تهاني(بصراخ): لكك لوين رايح! ! احكي جاوب
انهارت اعصابو وماقدر يتمالك
نفسو ماحس عحالو غير نطق كل شي
زيد(بقهر): امي تحليلي طلع صفر، يعني ابنك مابجيب ولاد عقيم، مافي امل منو، ارتحتي هيك!!!
الكلام نزل عليها متل الصاعقة
رجليها ماعاد حملوها
قربت منو وعيونها متحجرين ومليانين دموع
تهاني: ان ا ن انت عم تحكيي جد؟
زيد(بخيبة): اي امي
وبلحظة جسمها وقواها خانوها
ووقعت بالارض وفقدت وعيها
ركض لعندها
وقعد ع ركبتو يصحيها
زيد(بخوف): امي، امي ردي عليي مشان الله
بعد ماحاول يصحيها وماصحت
حملها وحطها عالكنبة
وراح يجيب مي ليصحيها
------------------------
بغير مكان
كانت على كرسيها قدام مكتبها
وماسكة قلمها يلي بترسم فيه التصاميم
وايدها ع راسها وصافنة
محتارة باامرها شو تعمل شوتتصرف
ازا اهلها عرفو بزواجها من قصي بالسر،مارح يصير خير ابدا، وبنفس الوقت مابتقدر تنزل الولد
ماعم يطاوعها قلبها تقتل ابنها
جنى( بقلبها) : ياربي دخيلك شو اعمل ،والله ماني قد هالامتحان يلي حطيتني فيه ،اخ بس منين اجتني هالمصيبة،شوبدي اعمل شوبدي ساوي

شوالحل
صفنت شوي
وخطرت عبالها فكرة
تركت كل شي من ايدها
وقامت من محلها اخدت شنطايتها واغراضها الشخصية وطلعت.
قولكن شو يلي خطر ع بالها؟
--------------------------
بالضيعة
كان الوقت حوالي الساعة 5 المسا
والجو فيو قرصة برد
بتعرفو اجواء الربيع وخصوصا اذار
لافة حالها بالبطانية وقاعدة عالبرندة
وصافنة بالدنيا،
قديش هالتلات سنين مرقو صعبين
عليها،قديش غيابو عنها كان بيوجع
وفجأة تجمعت الغيوم بالسما وبلشت زخات المطر الخفيفة تنزل عالارض
ريحة المطر كانت كتير
حلوة وبتنعش القلب
قامت من محلها وقربت من السور تبع البرندة
وفتحت ايديها
بلشو ينزلو حبات المطر ع كفوفها
الناعمة
غمضت عيونها وابتسمت
رجعت فيها الذكريات
لاايام زمان
لما كانت تمشي هي وياه تحت المطر
كل التفاصيل الحلوة يلي كانت معه هاجمتها
حست بغصة كبيرة
وحرقة قلب مابتنوصف
غريس(بقلبها(: يالله شوشتقتلك ياوائل، والله البعد عنك موت اسود،بس مجبورة، اخ بس ياريت لوفيني طير واجي لعندك وكون معك بهاللحظة ، شوكان صار لوخلونا مع بعض،بشو كنا عم نأذيهن،اخ الله لايسامحهن،شوعملو فينا،لك والله لو مرتكبين جريمة مو هيك اخ اخ بس
قطع افكارها صوت امها وهي عم تناديلها
كريستين: غريس شوعم تعملي فوتي لجوا هلق بتمرضي
غريس: معلش ماما مابمرض خليني هيك
كريستين: دخلي لجوا،انا وابوكي بدنا نحكي معك بموضوع،
التفتت لعندها وقالتلا
غريس:شوفي؟
كريستين: هلق بتعرفي دخلي
غريس: طيب هلق بجي سبقيني
------------------------
بالقصر
كانت تهاني
متسطحة بتختها
وولادها جمبها
وائل: سلامتك امي ،ان شالله انا وانتي
تهاني: بعيد الشر عن قلبك تؤبرني
وائل; كيف صار معك هيك؟
اطلعت ب زيد بحرقة قلب وعيونها تملو بالدموع
وضلت ساكتة
كان زيد عم يتطلع فيها كمان وساكت
ماقدر يتحمل نظرات الانكسار يلي بعيونها
ترك الغرفة وراح
الشي يلي خلا وائل يستغرب ويقلق
وائل: وين رايح انت كمان
زيد: عندي شغل
وطلع من الغرفة وسكر الباب
وائل: امي شبو زيد مو ع بعضو؟
تهاني:..
وائل: امي والله شغلتي بالي حكيلي شوفي صاير شي؟
بلشت تحكيلو ودموعها عم ينزلو ع خدودها
تهاني: اليوم الصبح اخوك راح عمل تحاليل
وائل(بقلق): تحاليل؟ !! مشان شو
تهاني: مشان الخلفة
وائل: اي؟ وطلعت نتيجة التحليل؟
هزتلو براسها (اي) وصارت تبكي اكتر
وائل: طيب انتي ليش عم تبكي فهميني؟ شوصار؟
تهاني: طلعت نتيجة التحليل صفر
وائل(بصدمة):شو هالحكي 😳😳 ؟
تهاني; متل ماسمعت
وائل: مشان هيك مدايق يعني؟
تهاني: لكن مشان شو بدو يتدايق،ولي على قلبي عليه، لوتشوف وجهو اول مااجو من الدكتور،ولا مرتو المسكينة عيونها مورمات من البكي
وائل(بحزن):لاحول ولاقوة الا بالله
تهاني:ولي على هالمصيبة،يالله دخيلك، الي من وقت تزوج وانا عم استنا مرتو تحمل. وقول لحالي ليش هالمرة ماحملت لهلق، ليكون فيها شي،تاري العزر من ابني،يالله
قرب لعندها واخدها لحضنها وبلش يهديها
ويطبطبلا
وائل: طولي بالك امي، مشان الله ،هي ارادة رب العالمين،
تهاني(تبكي): لااله الا الله،بس والله احترق قلبي والله
وائل:سلامة قلبك ياحبيبتي،هدي ياعمري،كرمالي ماتعملي،بحالك هيك
تهاني:اخ ياابني اخ والله موباايدي والله
------------------------
بمكان تاني
دخل زيد على غرفتو
كانت لين قاعدة ودايرة ضهرها وعم تبكي
قرب،لعندها وقعد جمبها واخدها لحضنو
ماعاد يعرف شويقلا،كمان هو مصيبتو مو قليلة ابدا
شوبدو يعمل يواسي حالو ولايواسيها ولايواسي امه
زيد:طولي،بالك حبيبتي،حاج تبكي كرمالي
لين:كيف ماابكي كيف ،اغلا شي ع قلبي نحرمت منو،
زيد; مابيطلع شي بالايد،هي ارادة الله
لين: لااعتراض ع حكمو، بس ليش انا من دون الكل،ليش ،لاني بحبهن كتير يعني؟ الله حرمني ياهن
زيد: ياحبيبتي كل شي من الله فيه حكمة،وبجوز حرمنا ياهن لخير
لين: اخ بس اخ، ياريتني ماقلتلك تروح تحلل،اقل شي كنت ضليت عايشة عاامل،هلق املي نقتل وتحطم
زيد: خلصنا بقا لين مشان الله لاتزيديا عليي، والله مو ناقصني
لين:ماعم بقدر، ماعم بقدر وقف بكي، رح جن رح طق
بعدها عنو. ومسكلا وجها واطلع بعيونها
وصار يحكي وبصوتو في غصة
زيد: سمعيني لين،انا رح قلك من الاول،انتي صرتي بتعرفي وضعي وشفتي بعينك كل شي،وهلق انا رح خيرك، ازا انتي بدك ولاد ومابتتحملي العيشة هيك،انتي حرة فيكي تطلبي الطلاق وتعيشي حياتك،اما ازا بيناسبك وضعي،ف صدقيني بحطك بعيوني
اطلعت فيه بصدمة
وهي موقدرانة تنطق بشي
محتارة شو تقلو
بالنهاية هي بني ادمة
مابتقدر تقلو ببساطة اي بضل معك ع وضعك
وبنفس الوقت مافيها تتركو
اجت لتحكي
حط ايدو ع تمها ومنعها
زيد:،ماتحكي شي هلق،بعرف انك منهارا، ارتاحي وفكري منيح، وبعدها قوليلي شو جوابك،ماشي؟

هزتلو براسها (ماشي) بدون ماتحكي ولاكلمة
مسحلا دموعها وباسها من جبينها
زيد: هدي حبيبتي، ماعاد بدي شوف دموعك ،
لين(بصوت مبحوح): طيب امرك
زيد:يخليلي قلبك،انا طالع شوي،بدي شم شوية هوا
لين: ماشي
زيد: يلا باي
لين: الله معك حبيبي،
تركها وطلع من الغرفة
وهو مخنوق والدنيا دايقة فيه
الاختبار يلي هو فيه
كتير صعب، وقاسي
ركب سيارتو وشغلها وطلع برا القصر
------------------------
بييت غريس
غريس: اي امي، شو الموضوع يلي بدكن تحكوه معي؟
اطلعت كريستين ب جورج ورجعت اطلعت بغريس
كريستين:امي بصراحة اليوم اجت جارتنا ام الياس،لعندي وحكتني مشانك
غريس; مشاني؟ مافهمت شلون يعني؟
كريستين: يعني بدها تخطبك لاابنها ايليا
غريس(متدايقة): بالله جد؟
كريستين: اي جد،
غريس: مبارح حكينا بالموضوع ،انا وماري وقلتلا مافي نصيب،ردت بعتت امها!!
ظهرت على وجه جورج وكريستين علامات الانزعاج
اطلع جورج ب غريس بوجه عابس وقلا
جورج: وليش قلتيلا مافي نصيب؟ 😠
غريس: هيك ،لاني مابدي اتزوج انا
جورج: بالله شو؟ شو الشغلة ع كيفك! !
اطلعت فيه بصدمة
غريس: طبعا على كيفي لكن ع كيف مين؟
كريستين: وانتي ليش مابدك تتزوجي ايليا بقا! شوناقصو الشب؟
غريس: ماناقصو شي بس انا مابدي اتزوج
كريستين: وشو السبب فينا نفهم؟
غريس; مافي سبب،هيك انا حابة ضل عزبا
كريستين(بعصبية): لتكوني لسا بتحبيه لهداك الحقير وليه؟!!
ماتحملا عقلا،انو تحكي عن حبيبها بهالطريقة
انتفضت من محلها واطلعت فيها بقهر
غريس: اي لساتني بحبو،لهاد يلي عم تقولي عنو حقير،
كريستين; وعم تقوليا ومانك خجلانة!
غريس: لاماني خجلانة شوعم احكي انا ليش؟ انتي سالتي وانا جاوبتك بصراحة
كريستين: اي طيب، بس ام الياس عم تستنا مني خبر ،وانا رح قلا انك موافقة،
غريس: بالله عم تحكي من كل عقلك؟
كريستين: اي من كل عقلي
غريس: بس انا مابدي اتجوز
كريستين: موعلى كيفك،غصب عنك
غريس: لاولو"!!
كريستين: متل ماسمعتي، ياانسة
انهارت اعصابها
وكانت رح تنفجر، بس حاولت تهدي وتعرف رأيي ابوها
غريس: بابا عاجبك يلي عم تحكيه ماما؟ !
اطلع فيها جورج بقسوة وقلا
جورج: اي عاجبني،امك عم تحكي هيك لمصلحتك
غريس(بعصبية):لككك مصلحة شو؟!! مصلحتي اني اتجوز واحد مابدي ياه ؟
جورج: بكرا بس تتزوجو بتحبيه وبتنسي هداك الصايع
غريس: بالله شو! كل هالقد واثق؟
جورج: اي واثق وبكرا بتشوفي ،كيف رح تحبيه
غريس: اي لا مارح حبو،ومابدي اتزوج انا
جورج: غريس لاتعصبيني! بلا ماجن عليكي
غريس: اي تعال جن عليي!! لك شوصايبكن انتو،وصلت معكن لاانو تجوزوني بالغصب! ليش هيك عم تعملو ليش! ليش بتكرهوني انتو؟
كريستين: نحن مامنكرهك،نحن بدنا مصلحتك يابنتي
غريس: لك حاااج تقولو مصلحتي، لك يلعن ابو مصلحتي،عملتو فيني العمايل،دمرتو حياتي كسرتو قلبي ، وانتو تقولو مصلحتك مصلحتك، اي مصلحة هي؟ ازا عم تخلوني اعمل كل شي بالغصب،شبكن شو وجعكن انتو، والله لو اني ماني بنتكن مابتعملو فيني هيك،انا ماني بنتكن يعني! ازا ماني بنتكن قلولي،بلكي بدور ع اهلي الحقيقين
جورج(بصدمة): شوهالتخبيص يابنت،كيف يعني مانك بنتنا! بذمتك هاد حكي!
بلشو دموعها ينزلو ع خدودها متل المطر
ونفجرت بالبكي وصارت تحكي بصوت مليان وجع
غريس: لكن معاملتكن الي، بتسموها معاملة اهل لبنتهن! لكك انتو خربتو حياتي! ، تحكمتو فيني وخليتوني بعد عن يلي بحبو غصب وانا يلي مافيني عيش لحظة بلاه،تحملت غيابو،هان عليي حبو ووجعو، وبعدو، بس كرمالكن كرمال ارضيكن ،
هددتوني فيه مسكتوني من ايدي يلي بتوجعني،لانو كنتو بتعرفو قديش انا بحبو ومتعلقة فيه ،لك حرام عليكن والله حرام،حسو فيني
انا عم موت بالنهار الف موتة وماحدا حاسس،
مشان الله رحموني بقا
، عملت كل شي لحتى ارضيكن ومستعدة اعمل كل شي بدكن ياه،الا اني اتزوج حدا تاني،لا تقتلوني اكتر من ماني مقتولة،
لك شو بدكن اكتر. هي طاوعتكن وبعدت عنو وكسرت قلبو، لسا بدكن طاوعكن وخون حبو الي؟ لا والله لا ازا بتدبحوني، يحرمو عليي الرجال من بعدو،وحتى لو طاوعتكن وتزوجت ايليا مارح تستفيدو شي لانو مارح اعطيه لامشاعري ولا قلبي ، قلبي وعقلي وروحي كلهن عند وائل، وائل وبس هلق وبكرا وبعدين ولحتى موت رح يضل هو الوحيد بقلبي،ومافي شي،بيمنعني حبو غير الموت، فكركن ازا فصلتو الجسد عن الجسد؟ رح تقدرو تفصلو الروح عن الروح؟ لا والله مافي اي قوة بالدنيا بتقدر تخليني بطل حبو لوجتمعت الدنيا كلا ضدي مارح تقدرو تمنعوني اني حبو، لانو حبي. الو اقوى منكن واقوى من عاداتكن والتقاليد والعقائد تبعكن، واقوى من اي سلاح بالكون.
هلق هلق تعالو دبحوني رضيانة و العدرا رضيانة بس لاتقولولي تجوزي، لاا ببوس ايدكن الا هي،والله واالله ازا بتجبروني ع ايليا او ع حدا غيرو،لحتى احرق حالي بيوم العرس وهي عم احلفلكن.

كانو تنيانتهن عم يطلعو فيها
ويتأملو كمية الوجع يلي كانت بصوتها
والقهر يلي باين ع وجها،
قلبهن رق شوي عليها
بس مابينولا هالشي وضلو ساكتين
قربت غريس عند امها وقعدت ع ركبتها قدامها
والدموع بعيونها
غريس: انا لهلق مانسيت الي عملتيه فيني انتي واخواتك،كيف طاوعكن قلبكن؟ تعملو هالشي؟
كريستين: كنا مجبورين
غريس(بصوت عالي):لك ع شو مجبورين!
كريستين: خفنا تعملي متل خالتك، ماكان ناقصنا فضيحة تانية،فضيحة خالتك كفت ووفت
غريس: لك ليش خالتي شوعملت!! شو كفرت ازا تزوجت من غير دين! الملخوقة. تزوجت بالحلال مازنت لاسمح الله
كريستين: بكفي، انها راحت خطيفة
غريس:،لك انتو يلي جبرتوها تروح خطيفة، لو انكن رضيتو بالشب من وقت خطبها،ماكانت عملت هيك
كريستين: نحن مامنزوج لحدا من غير ديننا
غريس:لك ليش، بس حدا يقنعني ليش ! وازا مسلم شوالمسلم كافر يعني! ماهو بيعبد الله ونحن منعبد الله شو الفرق؟
كريستين(بعصبية): غريس خلص بقا سكري عالسيرة،مارح تفهمي علينا شو ماحكينا
غريس: طيب. رح سكر عالموضوع،بس بدي انتي كمان تسكري ع موضوع ايليا،طبعا هي ازا مابدك تخسريني،اما ازا بدك تخسريني،ف خلص هلق
روحو وقولو لاام الياس تجي تطلبني رسمي، وهداك الوقت، ترحمو على روحي
كريستين: شوعم تهددينا بحالك يعني!!
غريس: اي عم هددكن بحالي،وحق المسيح ،ازا بتجبروني ع شي لحتى اقتل حالي وهي عم احلفلكن للمرة التانية، وهلق سلام
انا بدي روح ارتاح بغرفتي
لفت ضهرها واجت لتروح
كريستين: وقفي يابنت لسا ماخلصنا حكي
التفت لعندها وحكتها بقوة
غريس:،انا خلصت، حكيت الي عندي،ومافي داعي ارجع قلك شوبدي اعمل بحالي،ازا بتغصبوني ع شي
تركتهن وركضت ع غرفتها وسكرت الباب
كانو كريستين عم يتطلعو ببعض ومحتارين شو يعملو
كريستين:،شوبدي اعمل معها هي!
جورج: خلص،تركيها ع راحتها،الا مايجي يوم وتنسا
كريستين: ايمتا بدها تنسا ايمتا؟ لك صرلنا تلات سنين مبعدينا عنو،ولساتها بتحبو،اي لو جوزها ماكانت حبتو هيك
جورج:...

كانت غريس واقفة ورا باب غرفتها من جوا وعم تبكي وتسمع حكيهن
غريس: مفكرين ازا بعدوني عنو رح انساه، اخ بس اخ،والله لبعد مية سنة مارح اقدر شيلو من بالي،ولابدي حتى،جكارة فيهن رح ضل حبو حتى الموت
دخلت لجوا الغرفة وارتمت بتختها
حطت راسها عالمخدة
وكملت بكي،هييك لحتى تعبت ونامت.
---------------------
بالقصر
كانت لين قاعدة بغرفتها
وعم تفكر بكلام زيد
بيقطع تفكيرها صوت دقة الباب
التفت لعند الباب
لين: اتفضل،
انفتح باب الغرفة ودخلت لعندها
جنى، وكان مبين عليها انها متوترة
لين: اهلين جنى،
شبكت ايديها ببعض وحطت راسها بالارض
جنى:بدي احكي معك بموضوع ضروري
لين: طيب دخلي
دخلت لعندها
وقعدت عالكرسي يلي مقابيلها
جنى: كيفك
لين(بقهر): ماشي الحال
انتبهت جنى،انو لين مانها منيحة وعيونها مورمين
جنى:شبك مدايقة من شي؟ لتكوني متخانقة مع زيد؟
لين: لا لا مافي،شي من هالشي
جنى:لكن ليش بكيانة
لين: شوبدك بهالقصة هلق،مبين انو انتي كمان مانك منيحة،مابدي دايقك اكتر،حكيلي،شبك
اتلبكت وفاتت ببعضها
وماعاد قدرت تحكي،
لين:شو ليش ساكتة؟ في شي جنى؟ شغلتي بالي
رفعت راسها واطلعت فيها بخوف
جنى: لين انا واقعة، بمصيبة،ومالي غيرك يطالعني منها
لين(بصدمة); مصيبة شو جنى وقعتي قلبي شوفي!
جنى: ازا بحكيلك بتوعديني الموضوع يضل سر!
لين: بوعدك خلص،بس قليلي شوالقصة؟
بلشت جنى تحكي ل لين عن قصة زواجها هي وقصي بالسر
ولين كانت عم تسمعها والحكي عم ينزل عليها متل الصاعقة
ماقدرت تتحمل يلي عم تسمعو قاطعتها
لين:بس بس وقفي حاج مابدي اسمع شي كمان، انتي عم تحكي جد جنى!!!
جنى(بخجل):اي جد
لين: ولييي، يخرب،بيتك،ومن ايمتا هالحكي!!
جنى: من تلات سنين. بعد مامات حسام بفترة
لين(بصدمة): يبعتلك حمى ياجنى من وقتا لهلق؟! ومخبية عااهلك؟
جنى:،شو بدي اعمل، لوكان اجا قصي وطلبني منهن ماكانو رح يوافقو،وخصوصي جوزك ووائل،يمكن لو قصي طالبني كانو دبحوه، وانا الصراحة بحبو لقصي،وماقدرت ارفض طلبو
لين: لك مجنونة انتي!!،بتحبيه. ماحدا مانعك،بس تتزوجيه بالسر!،لك لا وياريت اعزب،متزوج كمان! شلون قبلتي فيه
جنى: قلتلك اني بحبو،ماقدرت ارفضو
لين: ياااخ ياجنى،قديشك غبية،ولي والله والله مايعرفو اخواتك ،ليطربقو الدنيا فوق راسك وراسو
جنى(بخوف): ديري،بالك جنى، تحكي شي قدام زيد
لين: احكي قدام زيد!!! والله بيقوم قيامتي قبل قيامتك،مابتعرفيه قديش بيكرهو لقصي!
جنى: بعرف، مشان هيك جيت لعندك،وبدي منك شغلة،وازا عملتيها معي،صدقيني يالين،مارح انسالك هالمعروف طول حياتي،ورح ينوبك ثواب كبير،لانك انقذتي، روح مالها ذنب
اطلعت لين ب جنى نظرات استفهام

لين: مافهمت! ممكن توضحيلي شوقصدك؟
نزلت راسها بالارض ونطقت وهي متلبكة
جنى: لين انا حامل
كانو عيونها رح يطلعو من محلهن من الصدمة شهقت وحطت ايدها ع تمها
لين:شوووو عم تحكييي انتي؟
جنى: متل ماسمعتي
لين: الله لايوفقك ياجنى، من ايمتا؟
جنى: رح ادخل بالشهر التاني
لين:وشوبدك تعملي؟
جنى(تبكي): مالي غيرك، مرت اخي،امانة تساعديني
لين:بشو فيني ساعدك؟
اتلبكت وتوترت وايديها صارو يرجفو
وبلشت تنطق بصعوبة،
قولتكن شوفيها لين تساعد جنى؟
----------------------------
بمكان تاني
ماشي بالشارع
وصافن ومهموم،عم يمشي ومابيعرف حالو لوين رايح
وماحس عحالو،غير لما شاف حالو وصل قدام باب بيتها
شو يلي جابو بعد هالسنين
لهون ،شويلي خلاه ،يحس انو بحاجتا هلق بالذات،دون عن باقي الاوقات وقف قدام
بيتها وصار يتطلع على شباك غرفتها وبعيونو نظرات حنين وشوق
ياريت لو يلمحها بس دقيقة،بدون ماهي تشوفو يمكن هالشي يريحو،ويطفي النار يلي بقلبه
رفع راسو للسما
وغمض عيونو واخد نفس عميق
زيد(بقلبه):ياالله،مابعرف ليش تزكرتك يارشا،وضعي صار متل وضعك،تنيناتنا عندنا نفس المشكلة،ياترا شو الحكمة من ورا هالشي،شو يلي بدو ياه رب العالمين،اااخ بس ياريتك ماخنتيني،واكتشفت من قبل اني مابجيب ولاد،كان هلق هاد اسعد خبر بحياتي لانو اهلي بوقتا اكيد كانو رح يوافقو عليكي،يمكن انا حقير لاني جاي قدام بيتك، وانا متزوج،بس الحب يلي بقلبي الك لاعم اقدر اتجاهلو، ولاعم اقدر طالعو من قلبي،موباايدي.
بينما هو صافن
وبغير دنيا
نفتح باب البيت
وطلعت منو رشا
اول ماشافتو ستغربت
ونصدمت بنفس الوقت
طلعت لبرا البيت بخطوات بطيئة
وتنحنحت
فاق من صفنتو
واطلع حواليه واول ماشافها
ظهرت ع وجهو علامات الاحراج والصدمة وياارض نشقي وبلعيني 😂
اطلعت فيه وهي مستغربة
رشا:انت شوعم تعمل هون؟!
اتلبك وفات ببعضه
وصار يحكي ويتئتئ
زيد: ا اا اا ك ك انتي،شودخلك 😏
رشا: كيف شو دخلني، واقف قدام بيتي انت 😐
زيد: اي وانتي قلتيها قدام بيتك،يعني مو ببيتك. ف مابحقلك تسأليني لاني واقف بااملاك الدولة انا 🙂،
كانت رشا يادوب ماسكة ضحكتها
حطت ايدها ع خصرها ،واطلعت فيه بنظرات فخر،وشماتة
رشا: امممم هيك يعني!
زيد(بوجه عابس): اي هيك شوبدو يكون يعني
قربت لعندو وهي عم تطلع فيه
نفس النظرات، هي بتعرفو وقت يكون عم يكذب ،
وقفت قريبة منو
واول ماقربت وشاف نظراتها الو تهرب ودار وجها عالطرف التاني
زيد:شوبدك
رشا: انا يلي شوبدي ولاانت 🤣🙄
زيد: انا مابدي شي
رشا: مابدك تقلي ليش واقف قدام بيتي؟،
زيد(متلبك); كنت عم استنا رفيقي
رشا(بضحك): ليش رفيقك، ساكن عنا ومالي خبر 🤣؟
زيد(بعصبية): لاموساكن عنكن بس بيتو قريب من هون، واتصلت فيه قلي استناني جاي،لانو بدنا نطلع مشوار
رشا(بخبث): هاااا مشان هيك !
زيد: اي مشان هيك
قربت منو اكتر، ومسكتلو وجهو
وثبتت عيونو بعيونها،
الشي يلي زادو تلبك
رشا: اطلع فيني وانت عم تحكي ،قلتلي عم تستنا رفيقك!؟
زيد: ا ا اي
رشا(بخباثة): وكل هالشارع مالقيت توقف غير قدام بيتي!
زيد: مانتبهت، وين واقف، اصلا نسيان انو هاد بيتك ،
رشا: اها نسيان قلتلي،
زيد: اي
رشا: وواقف لانو عم تستنا رفيقك!؟
زيد:اي
رشا: يعني مو لاانك شتقتلي،ولساتك بتحبني! ؟
كانو كتير قريبين من بعض
وعيونو عم يتطلعو بعيونها
هالشي يلي خلا دقات قلبو
يعملو ثورة
من كتر ماكان متلبك،وفايت ببعضو، ماجاوب ب ولا كلمة
وهي نسيت كل شي
ووقفت تتاملو بس
وتشبع جوع عيونها منو
رشا: شو ماجاوبتني!
زيد:....
رشا(بصووت مليان غصة): بعدك متل ماانت، ماتغيرت ،لما تكون عم تكذب،بتعرق وبتصير تئتئ،
وبتكذب كذبات غبية
نزل راسو بالارض وماجاوبها. ب ولاكلمة
رشا: زيد انا مقدرة،انك كنت تحبني كتير، وبعرف انو مو بأيدك تنساني لاانو انا كمان متلك ماقدرت انساك ولا لحظة،بس يلي عم تعملو مابصير، انت هلق متزوج،والي عم تعملو اسمو خيانة،
رفع راسو واطلع فيها بمسخرة
وصار يضحك بصوت عالي
زيد: ههههه والله ضحكتيني، لكك انتي اخر حدا بيحقلو يحكي عن الخيانة 😏
رشا(بقهر): بس زيد انا ماخنتك فهام بقا
زيد: خلص خلص مشان الله،حفظتو لهالمسلسل الهندي.بعدين لاتشطحي بخيالك كتير، انا ماوقفت هون لاني شتقتلك،او لااني لساتني بحبك.
رشا; لكن مشان شو وقفت؟
زيد: قصة مادخلك فيها
رشا: زيد قديشك كذاب
زيد(بنرفزة): هيهي علينا، حلي عني يا
وتركها ولف ضهرو ومشي
وجواته الف شعور ملخبط
اطلعت فيه رشا وابتسمت بشماتة
رشا(بقلبها):ياحرام يازيد،قد مابتحاول تكذب عليي. دائما انا كاشفتك، هههه لك بتكذب عالكل الا عليي .
زيد (بقلبه): الله لايعطيني العافية،لك انا شوجابني لقدام بيتها،حلوة هالبهدلة يعني،لك يبعتلي ستين حمى،دائما بحط حالي بمواقف بايخة غبي غبي ورح ضل غبي.

--------------------------------
بالقصر
كانت لين عم تتطلع ب جنى مصدومة من الطلب يلي طلبتو منها
جنى: بقا شو قلتي؟
لين: انتي جنيتي شي جنى؟
جنى:ليش؟
لين: من كل عقلك عم تطلبي مني هيك طلب!
جنى: لين انا مالي غيرك،وفكرت كتير قبل مااجي لعندك مالقيت غير هالحل،انا مافيني نزل الولد مافيني فهمي عليي
لين:وبرأيك هاد حل! اني كذب عااخوكي وقلو اني حامل، لبين ماتولدي، باخد انا الولد وبربيه؟
جنى: طيب لكن شو بدنا نعمل،والله تربطت ايديي،
لين:،بس جنى انا مستحيل ساعدك
جنى(بخيبة): ليش؟
لين: لك شولييش؟ انا مابكذب ع زيد لو شوماصار هي اولا ،تانيا من شوي لسا رجعنا من عند الدكتور ،اخوكي عمل تحاليل ،وطلع مابجيب ولاد،يعني ازا انا هلق رح طاوعك،وساعدك،والله بيدبحني والله ،بيفكرني عم خونو
اطلعت فيها جنى بصدمة والدموع بعيونها
جنى: انتي شوووعم تحكي لين؟ زيد مابجيب ولاد؟
تنهدت وحطت راسها بالارض
لين:،اي للااسف
جنى: وليي ازا هالحكي،صحي! ،لك طيب ليش،؟
لين(بعصبية): لاتجنننيني جنى شوليش! ارادة الله هي
صفنت وصارت تبكي
بحرقة قلب، من زعلها عااخوها،وزعلها ع حالها
جنى: لااعتراض ع حكمك يارب،
لين(بضحكة قهر): هه ،اخ بس انتي ماعم تعرفي كيف تخلصي من يلي ببطنك،وانا قلبي محروق على شقفة ولد، دخيل اسمك يارب.
لين: .....
جنى: طيب انا هلق شوبدي اعمل!
لين:والله مابعرف قصتك قصة،
حطت راسها بالارض
وشبكت ايديها ببعض وصارت تبكي
جنى: ماضل قدامي غير اني نزل الولد
اطلعت فيها لين، بصدمة وقربت منها ومسكتلا ايديها
لين:اوعك جنى اوعك، شو انتي مجنونة،موحرام عليكي بدك تقتلي ابنك!!!
جنى: لكن شو اعمل؟ شو بس قليلي!!
لين: بتتفقي مع قصي، وبتقعدي انتي وامك واخواتك،وبتخبروهن انكن متزوجين، مالكن غير هالحل!
جنى: بس اخواتي كتير رح يعصبو،والله يمكن يتبرو مني والله
لين:لك ويتبرو منك،يعملو الي بدهن ياه،مو احسن ماتقتلي ابنك!،ياغبية؟ لك هاد روح روح،العالم عم تشتهي عالضنا،وانتي بدك تقتلي ابنك؟ شوهالغباء!
جنى:مابعرف. خايفة من ردة فعل وائل وزيد
لين: لك لاااتخافي عم قلك،شوماعملو احسن من انو تنزلي الولد، ديري بالك جنى،اوعك
جنى: تركيني فكر، وشاور قصي
لين: الشغلة مابدها تفكير مالك غير هالحل عم قلك
جنى:طيب طيب، بشوف شوبصير معي،عند اذنك هلق.
وقامت من محلها بدها تطلع
اطلعت فيها لين بنظرات حزن وخيبة
لين: اذنك معك
طلعت جنى من عندها،
ورجعت هي صابتها نوبة بكي مو طبيعية
وقفت ع شباك الغرفة وصارت تبكي وتمسح دموعها اول بااول
لين(بقلبها): دخيل اسمك يارب،حرام لوكان هالولد الي،يالله دخيلك والله قلبي عم يحترق،هي موعارفة كيف تتخلص من الطفل
وانا ناطف قلبي،على ماكون محلها،يارب دخيلك لااعتراض ع حكمك...
دائما الحياة ماشية معنا بالعكس،
الشي يلي نحن منتمناه وعم نعمل المستحيل لنحصل عليه،
بيكون موجود عند غيرنا وغيرنا عم يعمل المستحيل حتى يتخلص منو،
شي بيحرق القلب صح،بس بالنهاية هاد قدر، مكتوب،وورا كل قدر،في خير نحن منجهلو ومانا شايفينو ..
---------------------------
بين حيطان هالزنزانة العتيقة
يلي مليانة بالسجناء
قاعد على تختو
وماسك دفتر الرسم والوانو
الشمعية
وعم يرسم وجها
للمرة المليون
هاد الوجه يلي بيحب يشوفو كل دقيقة،
بس يلي بيمنعو،هو المسافة
والاسوار
والباب الحديد والسلاسل،
بينما هو عم يلون الرسمة
قاطعو صوت سامر،يلي كان موجود معو بنفس الزنزانة،
ومابيوفر فرصة ليجي يزعجو
كان واقف قدامو بوجهو العبوس
وعم يتطلع فيه
سامر: مامليت وانت ترسما؟
تجاهلو وكمل تلوين
واكتفى بكلمة وحدة
ايمن: مابمل من رسم الوجه يلي بحبو
سامر(بمسخرة): هه اي بس هي مارح تشوف هالرسمات عم ترسمهم عالفاضي
ايمن:موضروري تشوفهن هي،بكفي انا عم شوفهن
سامر:الي بيشوف محبتك الها، بيقول معقول هيك شخص يكون تاجر مخدرات
ايمن: ليش تاجر المخدرات ماعندو قلب يعني ؟
سامر:لاماعندو قلب،يلي بيئذي حالو وبيئذي العالم ماعندو قلب،ولاحتى ضمير
رفع راسو واطلع فيه بقوة
وقلو
ايمن: ويلي بجيب مواد فاسدة ع معلمو،وبيحطها بالمواد الغذائية،يلي عم تتصدر لملايين الناس
والاطفال الصغار،هاد شو بتسميه؟
سامر(بعصبية): بس انا بريئ ،ومستحيل اعمل هيك شي
ايمن: اي وانا كمان بريئ،وبعمري ماقربت عالمخدرات
سامر: هه وتحليل الدم تبعك !؟
ايمن:مزور
سامر; هههههه مزور قلتلي والله ضحكتني
ايمن: شويلي بضحك ماعادي ،انت كمان لقو بخزانتك فواتير مزورة!
سامر(بعصبية):اوعك تشبه حالك فيني
ايمن:انا ماعم شبه حالي فيك. ولابدي اصلا اشبهك،بس انا عم
وقاطع حديثهن صوت فتحة باب السجن
دخل العسكري
وصرخ:ايمن محمود
فز من محلو بسرعة ووقف قدامو

ايمن: حاضر!
العسكري: شرف معي،زيارة.
قرب لعند سامر. واطلع فيه بسخرية وقلو
ايمن:بعتزر نزعت عليك،فقرة الازعاج اليومية، بسيطة ،بس ارجع بتكمل.
وبعد عنو
وراح مع العسكري
كان سامر واقف مكانو وعم يتطلع فيه بكره
سامر(بقلبه): الله يلعنك شو بكرهك،
ومشي من مكانو ورجع قعد مكانو جمب عاصم
عاصم: لك انت مابدك تحل عن هالشب؟
سامر: مو باايدي مابطيقو
عاصم: ليش شوعملك؟،بس لانو ابنها للخانم!
سامر: مابكفي يعني
عاصم: بس هو مالو ذنب بشي
سامر: حتى،لو انا بكرهو، مابطيقو
عاصم: لك اخي انت حر لاتطيقو،بس حل عنو تركو بهمو
سامر: مابدي اتركو،ومارح وفر وقت الا وازعجو فيه
عاصم: الله يهديك بس.
---
اما عند ايمن
ف وصل لغرفة الزيارات كان الزائر فتون
اول ماشافتو ركضت لعندو وحضنتو بقوة
وصارت تبكي،
فتون: ياروحي انت
ايمن: شتقتلك ياست الكل
فتون: وانا شتقتلك ياضو عيوني
بعد عنها ومسكلا وجها وبلش يمسحلا دموعها
ايمن:امي كرمالي حاج تبكي،يعني كل مابدك تجي لعندي، بدك تقضيها بكي هيك!
فتون: اخ ياحبيبي اخ،والله مو باايدي، عم موت بغيابك الف موتة.
ايمن: سلامة قلبك ياامي،ليش فكرك انا مرتاح هيك! بس شوبدي اعمل هاد يلي الله كتبو عليي
فتون(بقهر): ااااه دخيل اسمك يارب،
ايمن:كيفك حبيبتي طمنيني عنك
فتون: طول ماانت بعيد عني،انا ماني بخير ياماما
ايمن: بعين الله امي،الا مايفرجها ربك
قربت لعندو وباستو وضمتو بحرقة قلب
فتون: تقبر قلبي نشالله
ايمن: بعيد الشر عنك ياروحي
فتون: حرقتلي قلبي ياضو عيوني،ياريتني متت قبل ماشوفك هون.
ايمن(بعصبية): امي خلص خلص مشان الله حاج تحكي هيك،
فتون: امرك ياحبيبي خلص لاتعصب
بعد عنها وسحبها من ايدها
وقعدها عالكرسي، وقعد قدامها
ايمن: عم تشوفيها لبسمة؟
فتون: الي فترة ماشفتا
ايمن: ماعم تجي لعندك؟
فتون: لاماعم تجي وانا مقصرة كمان ماعم روح
ايمن: لسا مارجعت عالقصر ما؟
فتون:على حد علمي لا،قلي انت هلق،لسا سامر عم يزعجك؟
ايمن:،هففف هي عادتو، بدو يغيرها يعني! ،قبل شوي كان جاي يساوي مشكلة بس مالحق ،اجا العسكري اخدني
فتون: فظيع هالزلمة، لهلق مافش خلقو!
ايمن: مابيهنالو بال،ازا مااجا خانقني كل يوم، وخصوصي ازا شافني قاعد عم ارسم، بيجن جنونو،
فتون: وشودخلو بهي كمان؟
ايمن(بضحك): ،بيعرفني،دائما عم برسم بسمة 😅
فتون: الله يصلحو بس
ايمن: يلا قولي كم شهر وبيطلع من السجن،وبرتاح منو
فتون(بحسرة): ايييه وبتضل العترة عليك انت
ايمن: معلش ماما، كل شي،بيجي من الله يامحلاه
هزلتو براسها
وتنهدت بغصة
فتون: ونعم بالله.
----------------------------
باليوم التاني
كانو زيد ووائل
طالعين سوا
مسنودين ع السيارة من برا وعم يشربو قهوة
زيد: ايييه قديش صرلنا ماطلعنا انا وياك لحالنا
وائل: من زمان والله، والله مبعدين عن بعض كتير نحن
زيد: اي قول لحالك هالحكي 😏
وائل(منزعج): تضرب تركني بهمي،بتعرفني مشغول
زيد: وبشو مشغول بقا!
وائل(بغصة): عم دور ع غريس 😣
زيد: اخي انت مجنون شي!! لك البنت الها تلات سنين مختفية،وبرمت الدنيا عليها،ومالقيتلا اثر وين بدك تلاقيها هلق!
وائل: مابعرف،المهم اني رح ضل دور عليها حتى لاقيها، ومارح مل ابدا
زيد: لك يااخي ياحبيبي والله عالفاضي،
وائل: وليش عالفاضي؟
زيد: اي لانو متل الي عم يدور عاابرة بكومة قش،لك. مالها اثر بااي مكان،حتى اخوالها اختفو،وين بدك تدور عليها، لك بعدين البنت هي يلي تركتك،لو بتحبك ماكانت تخلت عنك، ليش ماعم تفهم!
اطلع فيه بعصبية
وعيونو عم يطلع منهن نار وصرخ فيه
وائل: لا هي ماتركتني،هنن يلي خلوها تتركني هنن،غريس بتحبني زيد، والله بتحبني
زيد: والرسالة يلي بعتتلك ياه شو مشانها!
وائل: موهي يلي بعتتها انا متاكد، والله موهي والله
زيد: لك ازا مو هي مين لكن، بلا جنان وائل،هالقلب الطيب بلاه ماحدا دمرنا غيرو
وائل: اخي انا متاكد وواثق مية بالمية،انو الرسالة يلي وصلتني من موبايل غريس هداك اليوم ،
في الها احتمالين،يااما هنن جبروها تبعتها،يااما هنن يلي بعتوها،غير هيك مستحيل.
اطلع بعيونو وشاف كمية الغصة والقهر يلي فيهن
للحظة ذكره فيه ،ماكان متوقع انو يشوفو بيحب حدا بهالكمية من المشاعر ،بعد ماكان طايش ومن بنت لبنت
ابتسم وقرب لعندو وحضنو
زيد: هههه لك يلي بشوفك شلون عم تحكي عنها، مابيقول هاد وائل يلي كان صايع، تضرب شوقلبك مشرشح
وائل: اخ يااخي اخ،احترق قلبي، كأنو حدا داعي عليي.
زيد:هههه بتكون شي معجبة ولهانة داعية عليك،مشان يخلالا الجو 🤣
وائل: يبعتلا حمى شوماضل غيري
زيد:اي مالقت بجمالك ابو اللول،على قولتك مافي بجمالك انت، بتتزكر لما كنت تقول هالكلمة!؟ 🤣
وائل(بحزن):ياحسرة بس،لكن مابتزكر

حط ايدو ع راسو وصار يتغالظ عليه ويخربلو شعرو،
زيد: شايف ماعصبت،كنت اذا المس شعرك ،تشن حرب عليي!
وائل: كنت ،هلق غير،
زيد:ماعاد تفرق معك يعني!
وائل: لا،ماعاد يهمني شي،
زيد: بربك ولو حاج كأبة، اي وين وائل القديم،يلي كانت ضحكتو ماتفارقو،وقت يكون معي
وائل: ااخ يااخي والله موباايدي،تعبان ومالي نفس لشي.
زيد: اي روق مافي شي مستاهل
وائل: مابرتاح وبروق لحتى لاقيها
زيد(بزهق):هففف لسا بقلي لاقيها لك يااخي ياعيني ياروحي وين بدك تلاقيها!
وائل: مابعرف،عم فكر دور ع خالتها،هي يلي هربت وتزوجت الشب المسلم،
زيد: وشوبدك تستفيد منها هي!
وائل: الا ماتكون بتعرف عنهن شي
زيد: مابعرف. الله لايخجلك
وائل: الله لايسامحهن اهلها،ماصار الا فرقونا،
عملو المستحيل لحتى يبعدونا عن بعض، ياريت بس لو في قانون بيعاقب الناس الي بيفرقو عشاق عن بعضهن، ويكون العقاب اعدام،لانو يلي بيعمل هيك شي،مجرد من الانسانية وحرام يضل عايش.
زيد: معك حق
بينما هنن عم يحكو
قاطع حديثهن
صوت الشب يلي اجا وقف قدامهن واطلع ب زيد، بقلق وتوتر.
مجهول: مسالخير
بعد زيد عن وائل
واطلع بالشب
زيد: مسالخيرات
مجهول: موحضرتك الاستاذ زيد؟
زيد:، اي انا الاستاذ زيد بشو فيني،ساعدك؟
مجهول: فينا نقعد نحكي شوي؟
زيد(مستغرب): عفوا بس مين حضرتك؟
مجهول: ازا قلتلك انا مين،بتوعدني تهدي اعصابك وتسمع الي بدي قلك ياه؟!
حس زيد بالقلق
واطلع ب وائل بنظرات تساؤول ورجع اطلع بالشب
زيد:،شغلت بالي، شوفي؟ انت بتعرفني شخصيا؟
مجهول: اي بعرفك،بس انت مابتعرفني
زيد: طيب مين انت؟
اتلبك وفات ببعضو
وحس بالخوف
صارو ايديه يرجفو
بس كان لازم ينطق ويعرفو عن حالو
مجهول: انا خالد
زيد: مين خالد؟ !
خالد: معقول نسيتني؟
زيد:،عفوا ماتزكرتك، مين انت؟
خالد: بتتزكر الشب يلي كان، معلق عالصحفية رشا؟ وكان يقعد معها عااساس، بدو يستفيد من خبرتها !؟
صفن شوي زيد
واتزكر خالد
يلي كان سبب بفراقهم هو رشا
وبلش يتزكر المواقف يلي كانت تصير بسسبو،
فلاش باك:
كانو رشا و زيد مع بعض
وفجأة رن تلفونها
وكان مكتوب عالشاشة اسم خالد ،
شاف الاسم زيد وحمرو عيونو
زيد: شو بدو هاد😠
رشا: مابعرف بجوز بدو يسال عن شي
ضغطت عالزر الاحمر وفصلت بوجهو
زيد: لي فصلتيلو ؟
رشا: شو بدي فيه ماني فاضيتلو هلق
زيد: وشو شاغلك😏 🙄
رشا(بحب): انت ، شاغلني 😍
زيد: ايوا مشان هيك فصلتي يعني🙄
رشا: اي مشان هيك لكن شو
زيد(باانزعاج): مدري
رشا: زيد حبيبي شبك ولو
زيد: مافي شي
رشا: طيب ليش قلبت خلقتك🙂
زيد: هيك
ورجع رن تلفونا من جديد
وكمان كان تلفون من خالد
رشا(بعصبية): لا اله الا الله
زيد: كانه اخد وجه زيادة🙂 حتى عم يدق كل شوي
رشا: لااخد وجه ولاشي
زيد: طيب ردي عليه🙂
رشا: لا مابدي رد مو فصلتلو ليش عم يدق
زيد: بلكي في شي مهم
رشا: ويكون مابدي رد
كان زيد مدايق من تلفونات خالد.
وحاسس بالغيرة منو ، بس سكت وماحكا شي حتى مايتخانق معها ،
رشا: شبك
زيد: مافي شي
رشا: حبيبي معقول عم تغار من شقفة شب مابيسوا ضفرك ، بربك ولو
زيد: ماغرت
رشا: اي واضح حبيبي🙄
زيد:🤐
رشا: خلص بقا زيد والله ماعندي اغلا منك
زيد: اي
رشا: لك شو ايي؟؟
زيد: ولاشي
قربت لعندو وضمتو
رشا: ياعمري والله مافي حدا اغلا منك ع قلبي ، معقول عم تغار من واحد متل هاد ،
زيد: ليش هاد شو بيفرق عن غيرو ،مانو شب يعني !
رشا: مبلا بس مابيعنيلي شي ،مجرد شخص بيدرس صحافة ، حب يقعد معي وياخد مني معلومات ونصائح بخصوص هالمجال.، يعني فيك تقول متل طالب عندي عم اعطيه درس خصوصي
زيد: ايوا بس هيك!
رشا: لك طبعا هيك شو بدو يكون في يعني
زيد: مابعرف ، عااتصالاتو المتواصلة مبين اخدين وجه ع بعض كتير ،
رشا: شو هالحكي حبي مافي شي من هالشي
زيد: لكن ليش كل مابكون معك بيتصل فيكي 🙂
رشا: اي شبعرفني ،هو غليظ وبيسال كتير
زيد: ايوا😒
رشا: خلص بقا ولو ، الله يلعنو منيح 🙂
زيد: اي منيح🙂
رشا: هههه دخيلو الي بغار انا
زيد: 🙄 ان شالله يارشا تكوني عاطيتي وجه ، والله لموتك
---
فلاش باك 2: زيد: شو حبيبتي اليوم منطلع بعد الشغل ؟
رشا: لا حبيبي مابقدر
زيد: ليش بقا🙂🙂🙂
رشا: عمري في شب بيدرس صحافة ، من كم يوم اجا لعندي وطلب مني انو اقعد معو لنحكي شوي عن هالمجال ،وفيدو شوي ،وانا ماحبيت خجلو
زيد: اي وشو يعني؟
رشا: اتصل فيني مبارح ووعدتو بعد ماخلص شغل نلتقى بالكافتيريا
زيد(بعصبية): وبدك تقابليه لحالك؟
رشا: اي طبعا
زيد: لامافي 🙂بدي روح معك
رشا: حبيبي شو تروح معي ، وين مابدي روح بدي اخدك🙄😂
زيد: اي عندك مانع
رشا: طبعا ، انا رايحة اقعد معو بشغل مو لطق حنك، انت شو اخدك معي

زيد: هيك بدي روح 😏
رشا: غيران😊
زيد: اي غيران 🙂
رشا: لك يقبرني الي بغار انا. لك اهبل ، انا ماببدلك بالكون كلو ،معقول يعني تغار من شقفة واحد مابعرف قرعة ابوه
زيد: اي بغار 🙂 من ابوكي بغار كمان
رشا: زيد حبي ،كن الله يوفقك، كلها كم جلسة ،
زيد: لسا كم جلسة رشاا لاتجننيني🙄
رشا: زيد الشب كسر نفسو ومابدي خجلو ، شوفيا ازا افدتو شوي
زيد: ياويلك ازا بتعطيه وجه
رشا: اطمن مارح اعطيه
---
فلاش باك 3:
طلعت رشا من المكتب وراحت ع مكتب المدير
وهي طلعت من هون بلش تلفونها يرن
راح زيد ليشوف مين المتصل
لقا اسم خالد😐
اتدايق بس ترك التلفون عم يرن وقعد
رجع رن مرة ومرتين وتلاتة
وصار يبعت مسجات
بعدها زيد مل ، وراح فتح الخط
واول مافتحو
خالد: الو شو حبيبتي ، لي ماعم تردي، شكلو لسا هاد الغليظ الدبقة زيد جمبك ،شتقتلك بدي شوفك ،شبك روري ليش ماعم تردي عمري ، الو
وينك، روري لاتنسي اليوم موعدنا الساعة ٩ عندي بالبيت ، مشتقلك كتير،
باااك
اطلع زيد ب خالد بحقد
وضغط ع ايديه بقهر
زيد: اي عرفتك،شوبدي منيي؟!!
خالد:بدي احكي معك بموضوع ضروري
زيد: اسف ماني فاضي
خالد: بس استاذ ضروري تسمعني،الله يوفقك،بدي ريح ضميري،ببوس ايدك عطيني فرصة،الموضوع بيخصك كتير
استغرب زيد من اصرار خالد
وصار عندو فضول يعرف شوقصتو
زيد: طيب احكي شوبدك!
خالد:هون بدنا نحكي! خلينا نقعد بشي مكان
اطلع زيد بخالد ووائل وقلهن
زيد: طيب امشو خلينا نقعد بشي مكان
اطلع خالد بوائل وقلو لزيد
خالد:استاذ يفضل نكون لحالنا
زيد: هاد اخي ياخالد، وانا مابخبي عليه شي
خالد: طيب ازا هيك على راحتك،المهم، تسمعني
زيد: طيب امشي لنشوف شو قصتك.
قولتكن شو بدو خالد من. زيد؟ وشو يلي خلاه يجي لعندو بعد هالسنين؟
------------------------
يتبع....

#الحب_الاسطوري_
الموسم الثاني
البارت 2
بقلم:Amina Thhan (شرقية الهوى)
حبل الكذب قصير
بعمري ماسمعت بمثل اصدق من هالمثل هاد
يلي بخليك تعرف ،انو في كذبات قد ماطولت الا مايجي يوم وتنكشف،وينقطع حبل الكذب
طبعا هاد الحكي لما تكون كذبة عادية
ف كيف لو كانت كذبة كبيرة دمرت حياة تنين بحبو بعض،وفرقت بيناتهن،كيف لو كانت هالكذبة نزعت سمعة بنت، كان كل ذنبها انو حبت من قلبها،بس الله كبير،وسامع وشايف،وين رح يروح ذنب دموعها؟ يلي مانشفو، ودعائها انو الله يظهر الحق وياخدلها حقها، متخيلين يروح كل شي هيك؟!
اكيد لا، الله ارحم ،من انو يشوف شخص مظلوم وماينصرو وياخدلو حقو ،الله مابيهون عليه دمعة شخص مهزوم اترجاه. وطلب منو المساعدة، وهلق شكله اتلبا النداء،وانقبل الطلب،وصار وقت تظهر الحقيقة يلي مخباية من حوالي 4 سنين.
-----------------------
ببيت اهل لين
كانت لين قاعدة مع امها وعم تخبرها بالشي يلي صار معهن
ام لين(بحزن): ولي على قلبي عليكي ياامي، الله يجبر مصيبتك
لين(تبكي): اخ ياامي. رح جن من وقت الدكتور خبرنا وانا النار شاعلة بقلبي
ام لين: حقك ياعمري حقك،بس ازا بقلك شي بتطاوعيني!
لين(بقلق): شو في امي؟
ام لين:يابنتي،نحن من وقت توفا اخوكي الله يرحمو،ماضللنا غيرك بالدنيا،وكان كل املنا،تجيبيلنا حفيد،يعوضنا ،لهيك بدي قلك طلبي الطلاق وروحي شوفي حياتك،بلكي الله بعدي اسمو بيطعمك الخلفة
اطلعت فيها بصدمة
ماعم تصدق انو امها عم تطلب منها هالطلب
لين; امي انتي عم تحكي من كل عقلك!؟
ام لين: اي امي،مافيها شي،نحن ماعنا غيرك،وبدنا احفاد، وانتي كمان،قلبك محروق ع طفل صغير
لين: اي صح ماما،قلبي محروق ع طفل صغير،بس بنفس الوقت انا بحبو لزيد،ومافيني بعد عنو
ام لين:بكرا بتنسيه امي، صدقيني بتنسيه،لما يصير عندك ولاد، بتنسيه ،وبتنسي انو كان بحياتك اصلا
لين:لك امي،شو الشغلة شوربة! بربك شوهالحكي هاد!
ام لين: امي، والله انا من حرقة قلبي عليكي،وبعدين، حسي فينا نحن، من وقت تزوجتي ونحن منقول بكرا هالبنت بتحبل وبتجبلنا ولاد يعوضونا عن ابنا الي مات. واخر شي يطلع جوزك مابجيب ولاد،اي والله مو حكي هاد
لين: امي،بس هي ارادة الله، شوبيطلع باايدو هو،ليش هو مابيتمنى يكون عندو ولد ؟
ام لين:ياامي والله بعرف هي ارادة الله وهو مو ذنبو، اي بس كمان نحن مو ذنبنا
لين(بحزن): بس مااما انا بحبو لزيد 😣 والي بيحب لازم يضحي،ازا تركتو مشان وضعو،معناها وين الحب؟ شبك امي، موانتي يلي عملتيني، انو المرأة لازم تضل مع جوزها عالحلوة والمرة؟
ام لين: ياامي صح، اي بس كمان انتي من حقك يكون عندك ولد
لين: اي بس،مو ع حساب اني اترك زوجي حبيب قلبي،😥 والله بحبو امي،مابقدر بعد عنو
ام لين: مابعرف ياامي،انا حكيت يلي عندي،بتمنا تفكري بكلامي،وتاخدي قرار،لاتظلمي حالك وتظلمينا ياامي،الله يوفقك.
اطلعت باامها بحيرة
وحطت راسها بالارض
وايديها ع جبينها
وصارت تنفخ
لين(بقلبها):يالله شوبدي ساوي،والله مافيني طاوعها ،انا كتير بحبو لزيد،مابدي اتركو،بس،بنفس الوقت من ناحية معها حق امي،ماعندهن غيري ومن حقهن يكون عندهن احفاد،يارب دخيلك تصير شي معجزة واطلع حامل.
-------------------------
قاعدين بالكافيتريا
وساكتين
وعم يطلعو فيه ناطرينو ينطق بالشي يلي كان بدو يحكيه
كان حاطت راسو بالارض ومتلبك وخايف بنفس الوقت
خرج وائل عن صمتو وقلو
وائل: انت بدك تضل ساكت يعني!
خالد:....
وائل; لك شبك ساكت! من شوي كنت رح تبوس ايدو،لحتى يسمحلك تحكي! هي ليكو عم يسمعك تفضل احكي
رفع راسو واطلع ب زيد بطرف عينو
خالد: بس،انا خايف من ردة فعلو
زيد(مستغرب):وليش الخوف!!
خالد(متلبك): ل ل ل لانو ..
زيد: لانو شو؟ خلصني بقا عم تحكي بالتقسيط!
خالد: عطيني الامان لااحكي
زيد(بعصبية):لك امان شو!! بدك تحكي ولا قوم روح؟
خالد: لا لا بدي احكي،بس بدي تعطيني الامان
زيد: لكك لسا بيقلي امان،لكك امان شوو؟
خالد: مارح احكي شي لتقلي عليك الامان
وائل(بزهق): لااله الا الله،اخي عطيه الامان ببوس ايدك
زيد:طيب مو لاافهم شو القصة؟
وائل: طيب خلص انت قلو عليك الامان وهو بيفهمك
رفع راسو وصار ينفخ ويهز براسه بملل
واطلع بخالد
زيد: امري لاالله، عليك الامان،خلصني فوت بحديثك ،لعيت قلبي،
خالد: طيب رح احكي،بس الله يوفقك، سمعني للااخير ولاتقاطعني
زيد: ماشي ماشي،احكي عم اسمعك.
تنهد
وحط راسو بالارض وبلش يحكي
خالد: بتتزكر من اربع سنين ،وقت اتصلت. بالاستاذة رشا. وفتحتلي الخط انت؟ وسمعت الحكي يلي كنت عم احكيه معها؟
زيد(بقهر): طبعا بتزكر
خالد:استاذ زيد،انا بدي قلك،انو بوقتها كانت هالحركة مقصودة
زيد(مستغرب): كيف يعني!

خالد: يعني بوقتا، انا كنت عندكن بالمجلة، وعم استنا فرصة بس لتطلع الاستاذة رشا من المكتب ،وتضل انت لحالك،حتى دق واحكي الحكي يلي حكيتو
اطلع فيه زيد مصدوم
وفنجر عيونو فيه
زيد: كيف يعني مافهمت!
خالد(بخجل):يعني الاستاذة رشا،بريئة ومظلومة ومافي بيني وبينها شي، وانا قصدا، كنت اتصل فيها لما تكون معك، حتى تشك فيها، وقلتلك وقت اتصلت،وقلتلا انو ليش ماعم تردي، الدبقة زيد جمبك،انا كنت بعرف انو انت يلي رديت،وكنت متقصد ضل دق حتى تشك فيها وترد عليي،وتسمع الحكي يلي حكيتو،
جمد الدم بعروقو، وماعاد استوعب شي
اطلع ب وائل يلي كان مصدوم متلو
ورجع اطلع ب خالد بشراسة
وهجم عليه ومسكو من رقبتو.
وبسرعة وائل قام وراه يهديه
زيد:ياابن الحرام!! والله لااحسب الله ماخلقك
خالد(بخوف): بترجاك هدي استاذ زيد انت عطيتني الامان ،خليني كملك
زيد:،شو بدي كمل ياابن الكلب شوووو،لك خربتلي حياتي،وخليتني اظلم البنت الي بحبا،لك ليش ليش ياواطي ليش؟
خالد: يااستاذ زيد هيك مابصير انت وعدتني تسمعني للااخير
وائل: خلص زيد،هدي خلي يكملك،
زيد(بصراخ):لككك شلون بدي هدي شلون ماسمعتو شوحكااا! ؟
وائل: لكك خلص هدي لميت العالم علينا ،قعود محلك وخلي الشب يكمل، الله يوفقك خلص بقا
حاول يتمالك اعصابو وترك رقبة خالد
زيد: احكي لشوف كمل،ليش هيك عملت! !
خالد: استاذ قعود مكانك، مارح اعرف احكي وانت هيك قدامي
زيد(بعصبية): احكييي ماني متحرك
وائل: زيد خلص بقا زيد قعود
زيد; ماانيي قاعد
وائل: كرمالي اخي خلص هدي ورجاع لمحلك،وسمعو للااخر

اطلع ب خالد بشراسة
ورفع ايدو بوجهو. واشرلو بعلامة تهديد 👌
زيد: ليك ولاه انا رح اقعد هلق،ياويلك ازا مابتحكيلي كل شي،والله العظيم،بدبحك
خالد: رح احكي والله رح احكي، بس انت عطيني مجال
زيد: طيب،
وراح قعد محلو،
واجا وائل قعد جمبو
اطلع بخالد وقلو
زيد:كمل لشوف ولاه، ليش،هيك عملت شوالي خلاك تشوه صورة بنت بعيون حبيبها ،!!!
خالد: الطمع يااستاذ زيد الطمع
زيد; الطمع؟!
خالد(بنظرات ندم): اي الطمع،الله يلعن ابو الشيطان
وائل: معلش ازا سمحت توضحلنا اكتر!
خالد: من شغلة اربع سنين،قبل مااتعرف عالاستاذة رشا واخرب حياتها،اجت لعندي ست مقدرة،عمرها بحدود السبعينات،اسمها نجوى،
زيد ووائل(مصدومين: نجوى اسمها؟
خالد: اي،
زيد: وهي منين بتعرفك!!
خالد: قال في جماعة دلوها عليي وحكولها قصتي ،وهي حبت تساعدني
زيد:تساعدك بشو؟،
خالد: خليني كملك ولاتقاطعني ارجوك
زيد; كمل لشوف كمل! شوكان بدها منك الست نجوى؟،
طلبت مني اتقرب من الاستاذة رشا،واعمل فيها
يلي عملتو،
مقابل مبلغ مالي كبير
وانا بوقتا كنت محتاج وفقير،بدي اتزوج البنت يلي بحبا،بس اهلها ماعم يرضو لاني مامعي تكاليف الزواج والعرس،ف وقت الي اجت هالست لعندي،وطلبت مني هالطلب،مابخبي عليكن ،استغربت،وقلت لحالي شو الها مع هالبنت حتى تشوه صورتها بعيون حبيبها،بس بنفس الوقت قلت لحالي ياولد فرصة واجتك،لحتى تتزوج يلي بحبها، ليش حتى تضيعها من ايدك،ووافقت ع طلب الست يلي اسمها نجوى،يلي لهلق مابعرف شوكان غايتة من انو تفرقكن عن بعض،ويوم ماخلصت القصة،وتاكدت انكن تركتو. اتصلت فيها وخبرتها انو الي بدها ياه صار،فرحت كتير،واجت لعندي تاني نهار، وسلمتني المصاري. كان مبلغ كتير مرتب، ومغري،ماقدرت مااقبل عرضها،سامحني استاذ زيد بحياة الله تسامحني
كانو زيد ووائل عم يتطلعو ببعض
وماعم يستوعبو شي من الصدمة
دمعو عيون زيد واطلع بخالد بحقد وقلو
زيد: ياااحقير ياندل!! فرقتني عن يلي بحبها كرمال انت تتجوز يلي بتحبها،الله يلعنك واطي
خالد(بحزن): غصب عني،يااستاذ زيد،الحب عما ع قلبي،كنت مستعد اعمل كل شي كرمال تكون الي،
صفن بالعدم
ودمعو عيونو وصار يحكي بصوت مليان غصة وندم
خالد:بس لاتخاف،الله ماهناني، وكلو من خطيتك وخطية الاستاذة رشا،اكيد بتكون دعت عليي كتير لحتى هيك صار معي
تخيل الله دوقني من نفس الكاس يلي انت دقتو يااستاذ زيد
وائل: ليش شوصار؟ ماتزوجتا للبنت يلي بتحبا؟
خالد: مبلا تزوجتا. وصار عندي منا ولد😓
وائل: لكن شو يلي صار؟
خالد:وقت ماتزوجنا، مرتي حبلت فورا ،مافي شغلة شهرين ولاا بتجي بتقلب انها حامل،
وطبعا ولدت وجابت هالصبي،ومرت السنين،والله ماطعمنا غير هالصبي،ونحن صار بدنا نجبلو اخ لاابننا.استغربنا انو ليش ماصار في حمل، مع انوعملنا كل شي بنقدر،عليه
وبالاخر قررنا انا ومرتي نعمل تحاليل
لنشوف شوالقصة
راحت هي عملت تحليل طلعت سليمة،ومافيها شي ابدا
فقررت بوقتا انا كمان اعمل تحليل و وقت رحت عملت التحليل، انصدمت اني طلعت مابجيب ولاد، فار دمي،وماتحملت يلي سمعتو، رحت بوجهي عالبيت،
مسكتها لمرتي وصررت اضربها

واسالها، ازا انا مافيني ولاد،انتي منين جبتيلي هالولد،معقول جبتيه بالحرام؟ وهي تحلف وتترجاني صدقها انو الولد ابني انا،وانو هي بعمرها ماخانتني
المهم ،كنت عم خانقها
واضربها
قام بعدين من كتر ماضربتها قررت تدافع عن حالها، قربت منها دفشتني وضربتني
انا ماتحملني عقلي. رجعت مسكتها وصرت اضربها اكتر
ومابعرف كيف دفشتها واجا راسها ع حرف الكنبا ،ووقعت بالارض، لامن تمها ولامن كمها
خفت كتير. وماعرفت شو بدي اعمل
تفقدت نبضها،كان مافي نبض ابدا
هون تاكدت انها ماتت ،ماقدرت خبر حدا
ولاحتى انقلها عالمشفى،استنيت لحتى صار الليل
والعالم نامت
واخدتها
وحفرتلا قبر بمنطقة مقطوعة ودفنتها ولامن شاف ولا من دري،
المهم بعد بفترة من وفاتا، صرت فكر معقول،هالولد مايكون ابني؟ معقول مرتي كانت عم تخوني،خطر ببالي اعمل فحص جينات،وفعلا،رحت تاني يوم واخدت شعرة من شعرات ابني،
وشعرة من شعري
واخدتهن عالمخبر،مشان يحللولي ياهن،
ولما طلعت نتيجة التحليل،انصدمت صدمة عمري
وائل: طلع الولد فعلا مو ابنك!
خالد(بخيبة):ياريت،اقل شي ماكنت حسيت بالندم والحسرة يلي عم حس فيها هلق
وائل(مستغرب):شوصار لكن!
خالد: طلع الولد ابني،
وائل: وكيف هيك!! ماقلت انك مابتجيب ولاد!
خالد:التحليل هيك قال،بس وقت يلي،شفت نتيجة تحليل فحص الجينات،رحت وشرحت للمخبري كل شي، ومابتتخيل شو طلعت القصة
وائل:شو؟،
خالد: طلعو مخربطين،بالمخبر ،بين تحليلي وتحليل شخص تاني
وائل: لعمااا!
خالد: متل ماسمعت يااستاذ
اطلع خالد بزيد،يلي كان عم يفور ويغلي،بس بدو يروح عالبيت ،ويعرف من ستو ليش هيك عملت فيه
خالد: لهيك يااستاذ زيد،انا جيت لعندك اليوم، لحتى خبرك الحقيقة و اطلب منك تسامحني وقلك انو الله اخدلك حقك انت والاستاذة رشا،شفت الله قديش كبير! هالقصة كلها صارت حتى اتعاقب عالشي يلي عملتو فيكن،انا عم موت الف موتة يااستاذ،عم فكر بالانتحار بكل لحظة، الذنب رح ياكلني اكل،دخيلك سامحني
زيد: سامحك! لك ع شو بدي سامحك ياابن الكلب! لك انا بسببك،نحرمت من اغلا انسان ع قلبي،بتستاهل يلي صار فيك الله لايردك،الله لايسامحك ياواطي

قرب لعندو خالد
وهو عم يبكي وانحنى عاايدو
خالد:ببوس ايدك يااستاذ زيد، لاتحكي هيك،سامحني بلكي الله بيغفرلي
زيد(بحقد): روح من وجهي ولاه،والله ازا بشوفك عم تموت،مابسامحك،انت، خربت حياتي،وحياة البنت يلي بحبها، مستحيل سامحك،حتى لو انا سامحتك هيي مارح تسامحك،ياابن الحرام
خالد: بترجاك يااستاذ زيد،والله انا ماكنت حاسس ع حالي شو عم اعمل،قلتلك الحب عمى ع قلبي،بدال ماتحاسبني الي،روح دور ع هديك المرة،وحاسبها الها،هي يلي اجت لعندي واستغلت نقطة ضعفي،لحتى فرقكن
اطلع فيه زيد
وعيونو عم يقدحو نار
وقلو
زيد; معك حق انا شغلي مو معك،شغلي مع يلي اجا وطلب منك هالطلب الزباالة
وانتفض من محلو متل الصاروخ
وطلع برا الكافتيريا
ولحقو وائل
وهو قلقان
وصل لعندو كان واقف قدام السيارة وعم يفتحها ومسكو من ايدو
وائل: لوين رايح انت! شوبدك تعمل
زيد: طلاع معي هلق بتعرف
وائل:زيد بس ماتكون بدك تعلق مع ستك ها!!
زيد(بقهر):بدي اعلق معها!! والله لقوم القيامة فوق راسها والله، طلاع معي
وائل(بصدمة): بلا جنان زيد! هي بتضل ستك ام ابوك
زيد(بصراخ): لككك بلا ستييي بلا جدي، ماسمعت شو عملت فينييي؟؟ طلعت هي السبب بكل شي صار! وانا كل هالسنين،عم اظلم رشا وجاكرها واحرقلا قلبا، اخر شي تطلع مظلومة! لا ومين يلي عامل فيها،هالفصل الوسخ،نجوى!!! تخيل وائل تخيل! ستي هي يلي كانت السبب!! والله العظيم شي بطقق، رح جن رح انفجر
وائل:يااخي والله بعرف وحقك تنقهر،بس ستك هلق مرأة كبيرة،ومريضة،يعني ازا هلق رحت وخانقتها،يمكن يصيبها شي لاسمح الله من قهرها
زيد: اي وبالناقص،خليها تموت،وتريح العالم من شرها
وائل: زيد عيب عليك،بتضل ستك شبك
زيد:لككك حاج تقلي ستي حاج،لك لوفي عندها ضمير،ماكانت عملت هالعملة،بس هي مخلوقة ،ماعندها جنس الضمير،وانا بعرف شغلي معها،تركني روح
ودفش ايد وائل عن ايدو وفتح السيارة وطلع فيها
وائل وقف بوجهو لحتى،يمنعو انو يروح
وائل:لوين رايح زيد مافي روحة
زيد(بعصبية): وائل بعد من طريقي
وائل; مارح بعد مارح خليك تروح
زيد:بعد من طريقي عم قلك بدعسك ها!! ماني شايف قدامي قد مو معصب
وائل; اي دعسني يلا شوعم تستنا"!
شغل زيد السيارة
ورجع لورا،ولف عالطرف التاني ومشي،بدون مايرد ع وائل
كان وائل خايف، كتير، لايقوم يعمل شي مع نجوى،
بسرعة وقف تكسي وطلع فيها
وقلو للشوفير يلحق سيارة زيد
---------------------
بعد شوي
وصل زيد عالقصر. وهو مو شايف بعيونو
ومباشرتا وصل وراه وائل
ركض زيد بسرعة وكان متوجه لفوق
شافوه اهل القصر،واستغربو من دخلتو بهالهمجية

صرخت عليه بسمة
وهي مستغربة
بسمة:زيد شبك؟
اتجاهلها وضل ماشي بطريقو
بدون مايرد
شافت وائل لاحقو ،زاد قلقها
وقفتو وسالتو:شوفي وائل
ركض بطريقو
وقلا
وائل: بعدين بعدين بسمة،
وصل زيد
ع غرفة الست نجوى وبدون مايدق الباب طحش لعندها متل المجنون
ووقف قدام تختها
كانت نايمة
اطلع فيها بحقد وصرخ فيها
زيد: ناااايمة ما!!! كيف ضميرك مطاوعك تنامي،وانتي عاملة هالعملة السودا
فاقت الست نجوى مرعوبة من صوت زيد
نجوى(مستغربة): شوفي شبك!
وبلحظتها دخل وائل لعند زيد وشدو من ايدو بدو يطلعو لبرا
وائل:خلص زيد بلا جنان تعال معي
زيد(وهو عم يدفش وائل) : تررركنييي،احسن ماتطلع براسك،ها
ووجه نظراته ل نجوى وقلا
زيد(بصراخ): شوفيي؟ مابتعرفي شوفي ما! اي حقك،تنسي شوعاملة ،
بصعوبة سندت حالها وقعدت قعود بالتخت ورجعت كررت سؤالها
وهي عم تتطلع فيه بعصبية
نجوى: زيد شبك !! مانك ملاحظ انك عم تقلل ادب!،شوفي لي عم تصرخ؟
زيد:ولككك حاج تعملي حالك مابتعرفي حاااج،رحتي استأجرتي،شب مشان يعمل تمثيلية،يخليني فكر انو رشا عم تخونني ما!!!؟ مشان شووو؟ بس لانها.مابتقدر تخلف،لك انتي شووو انتي؟
وائل(مقاطع):خلصنا بقا زيد خراس نضب،
زيد:لك قلتلك لاتدخل انت،
وفجأة اجو تهاني وبسمة على صواتهن
تهاني:شوفيي ليش صواتكن طالعة،!
بسمة:زيد شايف ستك ناقصها جاي عم تصرخ هون!
تجاهل اسئلتهن وكمل حكيو مع نجوى
زيد: انتي شو انتي ماعندك قلب ماعندك ضميرر؟
موحرام عليكي،تنزعي،سمعة بنت متل رشا!! بس،لانو مابدك ياني اتزوجا!! لك مابتخافي يجي حدا ويلوث سمعة وحدة من حفيداتك!! ماحسبتي حساب الله ينتقم منك عالشي يلي عملتيه فيها!
كانت ساكتة ومنزلة راسها
وحاسة بقهر وكسرة،
اول مرة حدا بيتجرأ وبيرفع صوتو بيوجها،
بس مافيها تعملو شي، لانو معو حق،وهي غلطانة
زيد:لككك ليش ساكتة احكيي،جاوبيي!!
نجوى:.....
زيد:ماعندك شي تحكيه ما!،طبيعي تضلي ساكتة، بتعرفي حالك غلطانة
رفعت راسها واطلعت فيه بنظرات مليانة غضب
وصرخت فيه
نجوى: لاماني غلطانة،ماكان عندي غير هالطريقة لخليك تتركا،ياما حكيت معك وقلتلك تركها البنت مابتناسبنا وماكنت ترد،انت يلي جبرتني اعمل هيك
زيد: بالله؟ ! وليش مابتناسبك بقا،لانها مابتجيب ولاد!،ليكني تركتها وتزوجت غيرها،وطلعت مابجيب ولاد،شوستفدتي فيكي تقوليلي،!!؟
نجوى(بخيبة): ماكنت بعرف انو هيك رح يصير
زيد: ماكنتي بتعرفي هيك رح يصير ما!؟ كنتي ضمنانة كون انا سليم،لك اصلا هاد الله عم يعاقبك عالشي يلي عملتيه بالبنت،مو عن عبث ولادك التنين نحبسو ،هي كلها من خطيتها،يلي مابتخافي الله،روحي الله لايسامحك،الله لايسامحك يانجوى
قاطعه صوت تهاني
لما صرخت فيه
تهاني:زيييد
سكت و اطلع فيها
قربت لعندو بخطوات بطيئة وعيونها مليانين غضب
وقفت قدامو،وبدون سابق انذار رفعت ايدها وضربتو كف
انصدم وحط ايدو ع خدو
وحاول يخفي غضبو
تهاني: هي مشان تتعلم تطول لسانك على ستك
زيد: عم تضربي؟
تهاني(بصراخ): وبكسرر راسك،واحد قليل ادب
زيد:ليش قليل ادب؟ لاني حكيت الحق! لك هي يلي عم تقولي عنها ستي! خربتلي حياتي،روحي ساليها روحي، خليها تحكيلك،شوعملت لحتى خلتني اترك رشا،ليكا قدامك ساليا
تهاني: لككك شومااكانت عاملة،مابصير تحكيي معها بهالوقاحة هي،ياحيوان،هي الي عم تقلل ادب معها بتكون امو لاابوك
زيد(بمسخرة):هه اي والنعم
تهاني: لاانت فعلا ماعدت ستحيت
هجمت تهاني على زيد وكانت بدها ترجع تضربو بس وقف بوجها وائل
وائل: امي طولي بالك مشان الله
تهاني: بعدد من وجهي انت التاني احسن مااضربك الك
زيد(بصراخ): بعد خليها تضرب تفش خلقها،بعد
وائل(بصراخ):خلص بقاا انت التاني نضب، سد بوزك ونقلع لبرا
زيد: اي رح اطلع ماشي،
بس رح ارجع عيد،
اطلع بنجوى
يلي كانت عم تبكي بحقد وقلا: بحياتي مارح سامحك،انتي كنتي سبب بتعاستي،الله لايسامحك ،يانجوى الله لايسامحككك
تهاني:لكك سد بوزك ياقليل الزوق،
وائل: لككك خلص بقاااا خلص نقلع ،
التفت لعند بسمة يلي كانت واقفة قدام الباب،
ومصدومة وماعم تأتي بااي حركة
وائل: بسمة تعي خدي هالحيوان لبرا تعي،
قربت بسمة لعند زيد وسحبتو
بسمة: خلص بقا زيد تعال طلاع
زيد; بس بدكن تسكتوني. وتطالعوني لبرا،وكاني انا الظالم،يلي مابخاف الله،وهي البريئة المظلومة
بسمة(بصراخ): خلص زيد خلص حااج بقا،مافشيت خلقك؟
زيد:لامافشيت خلقي لاا،
بسمة: تعال معي ببوس ايدك خلص، كرمال الله
سحبتو من ايدو
وطلعتو وهو عم يطلع ب نجوى بحقد وغل،
اخدتو لبرا الغرفة وسكرت الباب
واول ماطلع
ركضو تهاني ووائل عند نجوى،يلي كانت ماعم توقف بكي،
كلامو نزل عليها متل السم
ست كبيرة بعمرها ومريضة،تسمع هالحكي الجارح من حفيدها،،مع انها بتعرف انها غلطانة، بس بنفس الوقت، مافيها تتقبل الحكي،يلي طلع من زيد،

قعدو تهاني ووائل جمبها وصارو يهدوها
تهاني:،مرت عمي مشان الله اهدي،ابني وبتعرفيه لما يكون معصب.
نجوى:....
وائل: تيتة مشان الله اهدي،زيد مو بقصدو،بس هو من قهرو حكا هيك
تهاني: ببوس ايدك مرت عمي خلص،مابيساولك الزعل،مشان صحتك
مسحت دموعها واطلعت فيهن
نجوى: انا بعرف اني غلطت،وغلطي كبير،بس مو لدرجة،انو يحكي معي بهالطريقة
تهاني:لامرت عمي انتي ماغلطي،انتي بتموني،وبيحقلك تكسري راسو كمان،هو يلي قلل ادب معك،وانا مارح اسكتلو
نجوى: لاتهاني،معلش تركيه،الله يسامحو،مابقول غير هيك
وائل:تيتة وانتي كمان الله يسامحك،بتعرفي زيد قديش كان يحبها،ضروري تعملي هيك،خلص كان خليه،ع راحتو
نجوى: لكك البنت كانت عاقر ،كيف خليه ع راحتو؟!
وائل: اي وليكو هو كمان،طلع عقيم،يعني عملتي كل هالقصة عالفاضي
نجوى(تبكي):شوبعرفني هيك رح يصير،شوبعلم بالغيب انا"!
وائل(بقهر): اخ بس، الله يسامحك،مافيني قول غير هيك.
----------------------
بمكان تاني.
بسمة(بعصبية): لك زيد جنيت انت كيف بتحكي هيك مع ستك؟
زيد: تركيني بحالي بسمة مو ناقصك، عملت فيني العمايل وبدك اسكتلا!
بسمة:لك ليش شوعملت! انا مافهمت شي!
زيد(بقهر): ماهي يلي كانت السبب،بااني تركت رشا
بسمة(بصدمة): شلون يعني مافهمت؟
بلش زيد يحكيلا كل شي حكاه
خالد
وهي عم تسمع الحكي ومصدومة.
واول ماخلص
بسمة: انت عم تحكي جد؟
زيد: لكككك اي اي جد،بقا بربك حقي، يطلع جناني عليها ولا موحقي؟!
بسمة: اي لا مو حقك،شوماكان بتضل ام ابوك،بعدين مانك شايفها مريضة!
زيد: لككك بتستاهل،الله لايردها
بسمة(بصدمة): عيب عليك زيد،والله عيب
زيد: لامو عيب،حطي حالك محلي بسمة!
بسمة: صح معك حق شي بيقهر،بس مو لدرجة انك تروح تطول لسانك عليها
زيد:كلكن ماشاطرين غير تنظرو، لوكنتو محلي كنتو عملتو اكتر مني،لسا
بسمة: لاماكنا عملنا متلك،بعدين بربك زيد،،عم تشمت باابوك وابي،انهن محبوسين!!،ياعيب الشوم عليك بس 😡
زيد(بعصبية): هلق انتي فهمتيا! اني عم اشمت فيهن؟
بسمة: لكن شوهي، مو من قليل ولادك نحبسو! 😒
زيد: اي لانها،ظلمت بنت وشوهت سمعتا،الله بعتلها مين يشوه سمعة ولادها
بسمة(بعصبية): اي نضب امانة،مابدي طول لساني عليك، بتضل اكبر مني
زيد: لاطوليه 😕ناقصني انتي بس لاني
بسمة(بزهق): هففف حل عني يا،لك بس بدي،افهم انا شوجابني عالقصر،كنت قاعدة بمرسمي ومريحة راسي،هه قال جاية زيارة قال،
وفجأة انتفض زيد من مكانه ودار ضهرو ومشي
بسمة(مستغربة): لوين زيد!!
اطلع فيها وعيونو مليانين غصة وقهر
زيد: رايح، اعتذر من رشا،ان شالله تقبل تسامحني
بسمة: هلق بدك تروح! تاخر الوقت!
زيد: مابنام اليوم ازا ماشفتا،
بسمة:،طيب ومرتك؟
زيد: مرتي،ببيت اهلها،ويمكن تنام عندهن اليوم
بسمة: اي منيح من حسن حظك،
مارد بااي كلمة وكمل طريقو وراح
اطلعت فيه بسمة بحزن
وللحظة حست بوجعو
بسمة(بقلبها): معو حق،والله شي بيقهر،لوكنت محلو،كنت عملت اكتر من هيك، الله يكون معك يازيد،
بس منيح كمان مرتو مانها هون،كانت صارت مصيبة تانية، الف الحمدلله.
------------------------------
بعد شوي
قاعدة على تختها
ومادة رجليها وحاطة عليهن اللابتوب،وعم تشتغل
فجأة بيرن تلفونها
وبيقطعها عن،شغلها
حطت الابتوب جمبها وشالت الموبايل لترد
واول ماشافت اسمو
قلبها فز من محلو
رشا:زيييد؟!!!،شوبدو هاد!
احتارت ترد ولا لا
بس عند اخر رنة اخدت قرارها وفتحت الخط،حطت الموبايل ع دانها،وايديها عم يرجفو
رشا: الو؟
زيد:وينك انتي
رشا(مستغربة من سؤالو): بالبيت وين بدي كون يعني!
زيد: طلعي لعندي انا برا
رشا: اطلع لعندك؟!
زيد:،بسرعة رشا،طلعي
لاحظت رشا انو صوتو موطبيعي
وسالتلو
رشا: طيب شوفي قلي؟ وشبو صوتك؟
زيد:هلق بتعرفي،خلصيني بقا طلعي
رشا: طيب دقيقة بس
سكرت الخط
وقامت من محلها
كانت لابسة تياب النوم
بدلت تيابها
وحطت عحالها شال،لانو كان في قرصة برد
وفتحت باب الغرفة
وتفقدت ازا في حدا من اهلها
برا غرفتو
وحملت حالها وطلعت بسرعة لبرا
وسكرت باب البيت بهدوء
التفت عالشارع لتشوف وينو
كان بسيارتو
واول ماشافها طلعت
نزل من السيارة
وقرب لعندها ووقف قدامها يتأملها
والدموع والندم بعيونو
رشا(مستغربة من نظراته): شبك زيد!
زيد:....
رشا:زيد عم احكي معك شبك!؟
وبلحظة قرب لعندها وحضنها بقوة
وكأنو عم يعوض كل شوق السنين يلي راحو
بلشو دموعو ينزلو وحدة ورا التانية
ورشا كانت متفاجئة ومصدومة من يلي عم يعملو
رشا:شوفي زيد شوعم يصير؟
زيد: سامحيني رشا
رشا:سامحك على شو؟
زيد: انا ظلمتك كتير،وكسرت بخاطرك،بترجاكي سامحيني،ببوس ايدك
بعدت عنو
واطلعت فيه بتسأول ،
وقبل ماتحكي شي
سبقها هو
زيد: انا عرفت الحقيقة
رشا: حقيقة شو؟

زيد: حقيقة انك مظلومة، اي رشا،اليوم اجا خالد لعندي وحكالي كل شي، قلي انك مظلومة،وانك ماخنتيني ،وقلي كمان
وسكت وحط راسو بالارض
اطلعت فيه رشا بعيون
مليانة دموع ونظرات شماتة
رشا:اي وشوو قلك كمان؟،
زيد:قلي انو.
رشا:انو شو؟
زيد: انو ستي نجوى،هي يلي طلبت منو يعمل هالتمثيلية يلي عملها،مقابل انو تعطيه مصاري،

دمعو عيون رشا
وحست بقهرة وحرقة قلب فظيعة
عصرت ايديها
وكزت ع سنانها
وقربت منو
كان لسا راسو بالارض
وعلامات الخجل والندم ظاهرة ع وجهو
رشا: وانت شوو هلق؟ جاي تعتزر مني؟ متأمل سامحك يعني؟!
اطلع فيها نظرات المكسور
زيد: اكيد متأمل تسامحيني،ليش انا شو ذنبي،؟
رشا(بحقد): بالله شو ذنبك! نسيت الحكي الجارح يلي كنت توجهلي ياه؟! نسيت قديش كنت تحرق دمي وتجاكرني؟،كان عاجبك منظري وانا عم شوفك عم تتجوز رفيقتي ما؟!،كنت مبسوط،
بس الله كبير يازيد،سنين وانا مستنية تجي لعندي،
وانت مكسور وضعيف،وعم تطلب مني اني سامحك،مومشان سامحك ولاارجعلك لا،بس مشان اشمت فيك،ورد اعتباري منك
وكنت عارفة انو رح يجي هاليوم،والله دخيل اسمو،ماخجلني، وخلاني شوفك بهالحالة يلي انت فيها هلق،لحتى اشفي غليلي،
كان زيد حاطت راسو بالارض رفع راسو وصرخ فيها
زيد: كل هالشي حاقدة عليي؟!،وكأنو انا يلي ظلمتك وشوهت سمعتك!! لك رشا انا بحبك،والله بحبك ولحد هاللحظة بحبك
رشا(بشماتة): بعرف
زيد: انا مستحيل ارضا ،انو حدا يشوه سمعتك،انا لما كنت اجرحك بالكلام كان كلو من قهري،لك حطي حالك محلي،لو انتي شفتي عليي يلي انا شفتو عليكي،ماكنتي عملتي نفس الشي؟ ،
رشا:لا، بتعرف ليش؟
لاني بثق فيك، وبعرف انك بتحبني،ومستحيل تخونني،اما انت، فلا كنت بتعرف ولاحتى مقدر اني كنت بموت فيك،لك انا كنت اتنفسك متل الهوا،وانت كل شي حب حبيتك ياه،ماكنت مقدرو،ودائما شاكك فيني، شو ماحكيت تفكرني مابحبك وعم اتهرب منك، لاتقارن حالك فيني زيد.
زيد:طيب مارح قارن حالي فيكي،ومارح افتح قصص الماضي،انا جيت حتى اطلب منك تسامحيني،شوو بتسامحيني ولا لا
ضمت ايديها ببعض ودارت وجها عالطرف التاني
وماردت بااي شي
زيد: جاااوبيني ليش ساكتة؟ بتسامحيني؟
اطلعت فيه بحقد
رشا: لا مابسامحك
زيد(بقهر(: ليييش رشا ليش لكك انو شو ذنبي بس قليلي
رشا: ماذنبك، ومابدي سامحك منيح هيك
قرب منها
ومسكها من كتافها
وقربها منو
زيد:،شو يعني؟ عم تنتقمي مني؟!!
رشا: اي عم انتقم منك اي
زيد:رشا انا بحبك
رشا: بالله؟ موعااساس بتحب لين؟ وين راح حبك لمرتك،اصلا مو عيب عليك تاركها وجاي لعندي!
زيد; تركيني من لين هلق،رشا انا بحبك بحبك سامحيني مشان الله، كرمال الحب الي بيناتنا
اطلعت فيه والدموع بعيونها ونزلتلو ايديه عنها
رشا(بحقد): روح من وجهي زيد، لوبتموت ماني مسامحتك ،لو كنت عنجد، بتحبني، كنت شحطلي خالد لعند رجليي وقلتلي عملي فيه الي بدك ياه خدي حقك منو
زيد: الله اخدلك حقك، الزلمة قتل مرتو بالغلط،وتهمها بشرفها، وبعد ماماتت اكتشف انها بريئة
رشا(بشماتة):اي الله كبير،وشو مشان الست نجوى !؟
زيد: كمان هي التانية الله عاقبها،
ولادها التنين بالسجن،وهي ماعاد قدرت تمشي
وانا كمان. رحت سمعتا كم كلمة بيسوو عمرها،
رشا:....
زيد:شبك ليش ساكتة! ؟
رشا: ماعندي شي قولو
زيد: مابدك تسامحيني يعني
رشا:...
زيد; ماكنت بعرف انو قلبك قاسي لهالدرجة،حرام عليكي رشا،رحميني
رشا: ههه عااساس انت كتير رحمتني
زيد(بصراخ): لكك ماكنت بعرف انو هيك القصة مابعرف،
رشا: طيب خلص، اوكي فهمت، شوبدك لسا
زيد:بدي تقوليلي انك مسامحتيني
رشا:....
زيد: لككك احكي لاتسكتي
رشا: روح من وجهي زيد
زيد: ماني رايح لحتى تسامحيني،وتصفي قلبك عليي
رشا: وانا لا رح سامحك ولارح صفي قلبي عليك منيح؟!
زيد(بقهر): لك ليش هيكك عم تتصرفي معي ليش؟
رشا: هيك عقل،وهلق،يلا تفضل من هون. بدي فوت نام
لفت ضهرها لتدخل لجوا مسكها من ايدها وسحبها لعندو
زيد: مارح خليكي تنامي،لحتى ترضي وتسامحيني
نفضت ايدها من ايدو وصرخت بوجهو
رشا: لامارح ارضا،ولارح سامحك فهام بقا،خليك عم تتعذب، دوق القهر يلي دوقتني ياه مانك احسن مني ، تصبح ع خير زيد
وبسرعة بعدت عنو ودخلت لجوا وسكرت الباب،
كان هو عم يتطلع بالباب
بقهر
صرخ عليها
زيد: عم تسكري بوجهي الباب؟ شوعليه يارشا،مارح اتركك بحالك انا لحتى تسامحيني،لك انا بحبك يامجنونة
كانت واقفة ورا الباب
وعم تبكي وسمعت كلامو
رشا: روح من هون زيد
زيد: اي رح روح،بس راجعلك،انا وراكي وراكي،خليكي معندة لقلك.
ضلت واقفة مكانها وعم تبكي
وتاكدت انو راح لما اختفى صوتو وماعاد حكى شي
رشا(بقلبها):سامحني زيد،انا مجبورة اقسا عليك،لحتى تحس ب يلي انا حسيتو،انا بحبك زيد،وماحقدت عليك لحتى سامحك،انا بعرف انو انت مالك ذنب
-------------------------
باليوم التاني
الصبح
كانو لسا الاغلبية
نايمين بالقصر
قصي طالع من غرفتو
ورايح بااتجاه الدرج، اول ماوصل طلعت جنى
كانت عم تطلع اخر درجة
بطريقو، مسكها من ايدها ووقفها
وحط ايدو ع خصرها وقربها منو