رجع التفت ليشوف منى وتقي شرد ب بريق وابتسم
تقي : هيك لكن لك بريق بستناكي نص ساعة بقلمي مايا الحجازي وما بتشرفي يعني بدك خطبة اهل والله ما بينعز بس كمان مو وقت الخطبة ازا الوضع بيضل هيك لاشحد اخر السنة وبلش يغني
تقي : يا احلى منهم ....يا فرقة عنهم
انسجم ريان وباقي الجراسين وتقي حاسس حالو خلقان من جديد .
❤️❤️🌹❤️🌹
بعد الغدا طلب فواكه كان داعمنا السيد طارق
منى : ليش ما عزمت بابا
طارق : عزمتوا بس ما بدو يجي
ام طارق : اتجوز يعني
طارق : مابعرف والله اصلا منيح رد عليي
ام طارق : يكتر خيرو والله بس ليك طارق ازا بتكون دريان بجوازتو ومو مخبرني لاغضب عليك
طارق : بدك تتركي البيت
ام طارق : بدك اعيش معو يعني
طارق : ماما البيت بأسمك وهو لازم يتركوا
ام طارق : صحيح كيف ما خطرت ببالي هالشغلة المهم بس تدرى بزاوجو دغري بتخبرني
طارق : شو رايكن نمشي
منى : نحن حابات نرجع تمشاية
طارق : لا حبيبتي مافي عم اسمع بلاوي بأمنكن بتكسي وبدي اضل عند تقي وريان
بريق

- النص المستخرج من الصورة: 📝
٢:٤٦ ص
بريق : هههه فوت اجلي كمان
طارق : المهم مع اصحابي كلو بيهون
منی : مبینین انکن اصحاب
طارق : منشبه بعض يعني
Kis O
شهد : لا واضح انكن بتفهموا ع بعض من نظرة
جهزنا حالنا واطلعنا من المطعم مع اني ما شفت تقي بس
اتخيلتوا بالشغل
بطريقهن للبيت الشباب عم يدخنوا
تقي : كيف شفت اكل المطعم
طارق : مبين الشيف معلم
تقي : والاطباق
طارق : كلشي بالمطعم راقي وحتى انتو
ریان: بس كمان انت دفيع
طارق : لكن الاكرامية بس
الكن
تقي : مع انو مافي داعي
ريان : يخرب بيتك ضاببها بجيبك وبتحكي
تقي : انت التاني مشان اطلع كلاس
طارق : شو وين السهرة
تقي : انا الغوني من القائمة منيح بسهر معكن
طارق : عندي
ريان : لا عندي مبارح كنا عندك
طارق : يا سيدي منتشرف

الجزء الرابع
بغرفتنا كانت منى مبتسمة ع غير العادة
بريق : شو القصة ست منى
منى : لا ولاشي
بريق : في شي بس انتي مابدك تحكيلي
منى : بحكيلك بس اصلا مو متأكدة
بريق :ريان معجب فيكي
منى : لاحظتي
بريق : اي وخجل بس لمحك
منى : شو رأيك انتي
بريق : رأيي ازا نيتوا صافية يدق بابنا حسب الأصول
منى : معقول لا ما بقبل
بريق : ليش بدك اياه متعلم
منى : لككك لااا بس انو انتي لكبيرة
بريق : بدك تربطي مستقبلك ب مستقبلي
منى : هلا صار متقدملي هههههه
بريق : مابتعرفي طارق راح يسهر عندو يمكن يخبرو
منى : معقول لك بريق
بريق : وانتي عجبك
منى : متل مو تقي عاجبك
بريق : هس وليه لا يسمعك حدا
منى : من مين خايفة
بريق : مابدي حدا يعرف ابدا
منى: بشو يعرف انتي معجبة عنجد
بريق : لك ما حكيتلك اجى للمحل وطلب نحكي بالكافيه
منى : وشو صار
بريق : هههه بتفكريني قابلتو
منى : اي
بريق : لا حبيبتي مستحيل يصير هيك شي
منى : لك انا اتحمست كتير
ابتسمت اتزكرت يومها كيف كان حلو وملفت
🌹❤️🌹❤️🌹
كانو بس ريان وطارق
طارق : طول تقي
ريان : هلا بيجي
طارق : ملل مو
ريان : اي ملل طارق في موضوع حابب احكيه معك
طارق : احكي
ريان : بس والله خجلان منك
طارق: شه من شو خجلان
ريان : والله ما بعرف شو احكيلك
بقلبو طارق : اكيد بدو يخطب بريق وعاجبيتو واليوم سمحتلو الفرصة يشوفها
طارق : احكي ولووو
ريان : بس خجلان منك
طارق : خلصني احكي
ريان : انا رايد القرب منكن
طارق : ولشو خجلان ازا جاي من الباب ما عم تنط من فوق الاساطيح
ريان : انو يعني
طارق : احكي الي بقلبك والله طالعت قلبي
ريان : انا رايد اختك لصغيرة على سنة الله ورسولو
طارق بصدمة : منى قصدك
ريان : اي هي
طارق : والله مابعرف شو بدي قلك
ريان : يعني رح ترفضوا
طارق : مو قصة نرفض او نوافق يعني الشور شور اهلي والرأي رأيها
بقلبو : فكرت ل بريق وبلكي اهلي ما وافقوا تنخطب لصغيرة قبل لكبيرة والله مصيبة
بكرى بريق رح تتحسس من هالموضوع
بجية تقي يدندن ويغني بصوت خافت
ريان : شرف ساعة كمان خليك
تقي : لك مو قلتلي اتاخر بدي احكي طارق بيني وبينو
ريان : انا
طارق : هههه خلص حكاني
تقي : عال احكيلي
ريان : لا تحكيلو يا زلمة ليصير جد
تقي بخوف : عن شو حكيتوا
طارق : خطبة وزواج
وغمزو ل تقي وانفلج بلع ريقو بصعوبة وقعد متردد يتطلع بالتنين
تقي : انت ريان بدك تخطب
ريان : عندك مانع
تقي : اجلها بلم حق المحبس منخطب سوى
طارق : يا عمري انا بعطيك
تقي : ما حكى مين خطب
طارق : ليصير جد منحكيلك
ريان : مو مستعجلين
تقي : يعني سر
ريان : يعني هيك شي
تقي : ترا انا ازعلت اتاريني غير مرغوب فيني
طارق : ليصير جد يا زلمة خلص هو سألني وانا بشاور اهلي وخلص بتنعزم لا تخاف
وانقباضات قلبو كتيرة
بقلبو : يا ريتني اتشجعت وحكيت معو بس يا تقي ماحدا ناوي يجوزك بيعرفوا الدين بكلشي بس انو ابنهن طالب يتجوز بيغضو النظر عن الموضوع
شغل سيكارة وصغر عيونو واتطلع ببيت ابو طارق متخيل حفل الخطوبة وحس انو بريق طارت من بين ايديه .
❤️🌹❤️🌹
رجع للبيت وحيد مكتئب يتزكر مزح طارق وريان وحس بالغيرة انو رح يكونوا عيلة وحدة فتح الباب وفات واستغرب ابوه ناطرو
تقي : مسالخير
ابو تقي : وين كنت لهلأ
تقي : هون عند الشباب
ابو تقي : انا كم مرة بدي احكيلك مارح ينفعوك لو قراتلك جزء قرآن مو احسن الك ولاخرتك
تقي : بقرأ اكيد بس انا ما بعمل شي غلط مزح وضحك يعني مافي شي
ابو تقي : يعني الدخان صار حلال
تقي : مين بيدخن
ابو تقي : وبدك تكزب عينك عينك
تقي : تنفيخ
ابو تقي : مافي شي اسموا تنفيخ في شي اسمو لهو ولعب واحسن مانك عم تطق حنك صلي قيام الليل واختم جزء من القرآن
تقي : ان شاء الله
ابو تقي : عم تسايرني
تقي : انا بدي اتجوز بابا
ابو تقي : بدك تتجوز ليش انت أهل للزواج
تقي : بالدين والشريعة بس الشب يطلب الزواج مو لازم يتزوج
ابو تقي : شو مؤهلاتك للزواج
تقي : بتدين باخد سلفة من مطاوع
ابو تقي : شيل الفكرة من راسك وازا ما كنت أهل للزواج مارح اخلي بنت الناس تبتلي فيك
تقي : بدي اتجوز بابا طارق اصغر مني بسنة وعندو عيلة وريان بدو يخطب يعني شو بينقصني عنهن
ابو تقي : بدك تتجوز اسعى لحالك امن دهب ومهر واجار شقة انا مابدي تسكن عندي بعد زواجك
تقي : وصلت الرسالة
قلبو انقبض للحظات حس انو من سابع المستحيلات يكون عندو عيلة
فات للحمام وتلقائيا وقف قبال لمرايا اتأمل ملامحوا
تقي : وبيحكي بالشريعة الاسلامية معقول ما حاسس فيني يعني هو ما مر بمرحلة يطلب من اهلو يزوجوه ايمتى لك تقي ايمتى دهب ومهر وبيت
غمض كانو عيونو مدمعين
تقي : يعني تعجيز ما بخاف الله فيني انا بدي يكون عندي عيلة ارجع من عند رفقاتي الاقي مرتي تنطرني ويصير عندي ولد ولدين احس بقيمة حالي

غسل وجهو وطلع من الحمام وراسا ل غرفتوا الي مهرهرة من وقت كبر وهو ينطر تتبدل هالغرفة وتصير غرفة نوم كاملة مو خزانة محطمة ومرايا مكسورة ومفرش رايح لونو
سكر بهدوء عكس الي جواتو اتمدد وحاول ينام بس بريق ع بالو وميت غيرة عليها
تقي : معقول تصير زوجة رفيقي اخ كلو منك تقي لازم حكيت فيها
اتزكر انها لابسة خواتم دهب وسلسال وفيه اونصة غالية كتير
تقي : اناقتك بوحدة بيكفي الزوق باللبس والرتابة والحركات والهدوء من الاخر دخلتي قلبي وقت طنشتي عزيمتي .

🌹❤️🌹❤️
الصبح اصحيت من بكير مع انو نعسانة بس حبيت اجواء الصباح غسلت واللبست يانس للصلاة واطلعت للبلكون اشم هوى
نسمات الصباح منعشة ياااا بدها فنجان قهوة والله
جهزت الركوة واطلعت للبلكون اشربها على رواق واتسلى بصفحة الالبسة وارد على لزبونات انتبهت ل طارق طالع من بيتو
بريق : بسبس
دغري انتبه
طارق : نشيطة والله
بريق : حول ع القهوة
طارق : مستحيل ارفض افتحيلي الباب
رحت دغري فتحتلو نطرتو لوصل
بريق : يا كسلان
طارق : صباحك وليه
بريق : صباح الورد اتفضل
حسيتو مبسوط من الجو جبتلو فنجان قهوة وصبيتلو
طارق : من ايدين ما بعدمهن
بريق : كانت شهودة عملتلك فنجان قهوة
طارق : نايمة
بريق : بس متأخر اليوم انت
طارق : اي راحت فيني نومة انتي ليش مبكرة
بريق : اجى عبالي هالجو الحلو بزكرني بايام امتحانات التاسع
طارق : ههه متزكرة
بريق : شفت كيف قدمنا التاسع لتلات سوى
طارق : ههههه اي ونجحنا سوى ... بالمناسبة منى جاييها عريس
بريق : عنجد مين
طارق : ريان
بريق : حسيت والله
طارق : يعني ما ازعلتي
بريق : ازعل بالعكس ريان ادمي وجارنا يعني شو بدها احسن من هيك
طارق : وانو هي لصغيرة
بريق : لا ابدا النصيب من رب العالمين معقول اوقف بوجه زواج اختي لا ابدا مبسوطة كتير
طارق : ومنى
بريق : مارح تعترض
طارق : عقبال ما نفرح فيكي
بريق : مو مهم الزواج المهم راحة البال
اتنهد ب تعب
طارق : والله درر يسلم هالتم
بريق : اخي انت مو مرتاح مع شهد
طارق : شي يوم رح احكيلك بس مو اليوم
دغري استعد للمشوار
بريق : طيب حددو موعد وهيك
طارق : لا ببعتلو انو يتفضلو ويسطفلو اهلي
بريق : اي الله يوفقها يارب
خليك والله بكير
طارق : دوبني اوصل
طلع من البيت وابتسمت للموضوع
منى رح تصير عروس قريبا جدا
❤️🌹❤️🌹
رسالة طارق خلتو يبتسم وهو شبه مغمض
رجع ريح راسو على المخدة
ريان : يعني في قبول واخيرا لك ريان رح تصير عريس يلا عقبال عند تقي مشان لا يضل لحالو عزابي بس منى عالم تاني اديشها حلووة وناعمة لاحكي مع اهلي مشان اليوم يتقدمولا وخلص يصير الموضوع رسمي والتقي فيها وامسك أيدها وتكون حلالي والي وبس
اتنشط وغسل ونطر لصحيت امو وخبرها وكتير انبسطت واتصلت ب ام طارق وحكتلهن بتشرفونا
🌹❤️🌹❤️
كنت عم جهز حالي لروحة المحل
ام طارق : لك بلا ما تفتحي اليوم رح يجو خطابين ل منى
بريق : اي لمنى مو الي ليش لاكون حاضرة
منى : يعني حكيتيلهن اتفضلو ما عم افهم ايمتى لحقو
بريق : ريان مبارح مفاتح طارق بالموضوع والصبح ردلو خبر وها ليكهن جاهزين الجماعة هلا دورك جهزي حالك وقدمي القهوة منيح
ام طارق : هههه عقبالك يارب
بريق : تسلميلي
انزلت وبطريقي للمحل حسيت بوحشة يعني معقول منى تبعد عني مشان الخطبة واصير وحيدة لا تحطي ببالك بريق ابدا فتحت المحل وبلشت ترتيب واجت رشا
رشا : صباحو بريق
بريق : اهلا رشروش
رشا : اختك الكسلانة خلص لازمها فصل من الشغل
بريق : رح اقلعها
رشا: هههه عنجد
بريق : اليوم جاييها عريس
رشا : معقول وانتي
بريق : شبني
رشا : بقصد يعني تتزوج وهي لصغيرة وانتي
بريق : الشب اعجب فيها مو فيني بعدين ماني مستعجلة ع الزواج
رشا : بس هيك رح تخرب عليكي الناس بتقول ليش ليجوزو لصغيرة اكيد في شي.
بريق : هلا بدنا نسدء حكي الناس
رشا : مابعرف طيب مو غيرانة انتي
بريق : بالعكس كتير فرحانة والله
رشا : مابعرف الله يتمم ع خير وعقبالك
بريق : تسلميلي
ما كنت فهمانة شو قصدها منيح
بس انا عنجد مبسوطة لمنى ولصدق ريان طلع عنجد رجال وما لف ودار متل شباب هالايام
❤️🌹❤️🌹❤️
وعند تقي ورا المجلى بالمطعم كل الدنيا مسكرة بوجهو غياب ريان خلاه يكون وحيد لدرجة خلص ومسح أيديه وقعد على كرسي وقداموا طاولة
شغل سيكارة وأيديه يرجفوا كان متوتر لابعد الحدود
تقي : شبك تقي معقول لساك عم تفكر بكلام ابوك .. ولا خايف عنجد بريق تكون العروس ولا ريان كان معودك ع حالو.....او انت مقهور من وضعك الحالي جاوب ليش خجلان انا بعرف انو جواتي هش ضعيف بس مو لدرجه ابكي اي اي نمت ودموعي ما هديو على شو لك تقي مين مستاهل تكون مهموم كرمالو انت رجال وعيب لرجال تبكي معقول بس انا بكيت معناها انا خروق وتشتوش

نفخ نفسو وانتبه ل منور اجى قعد قبالو
منور : خلصت
تقي : حاليا اي
منور : استنى شوي وجاييك دفعة جديدة
تقي : امري لله
منور : شبك ولوو فضفضلي
تقي : من الاخر
منور : اي
تقي : شايف هالكون كلو
منور : اي
تقي : حاسو مطبق على صدري
منور : من شو
تقي : من كل شي تخيل شب من جيلي ابسط احلاموا يكون عندو عيلة بس شكلو رح يموت عزابي
منور : لا ولووو لا تحكي هيك الله يطول بعمرك ونفرح فيك
تقي : ما بظن هلا قبل المطر مو بتغيم
منور : اي
تقي : انا عندي لساها ما غيمت ايمتى بدها تمطر
انقهر عليه منور لانو شاف دموع بعينو
منور : خلص ولووو بربك ما حليان الا وانت عم تمزح وتضحك
وقف على حيلو واستلم دفعة الجلي
تقي : شغلة طويلة بدها عمرين ما بتخلص انا مو مكاني هون ورا المجلى وسائل الجلي
ما كان بيعرف كيف بدو يخلص هاليوم متمني يموت على انو يضل وضعو هيك
❤️🌹❤️🌹
المسا ارجعت للبيت واخجلت انو الخطابين عنا طليت بالصالون واتخبيت من جديد
ابتسمت لمنظر منى وهي بفستان بيسحر وقاعدة بجنب ماما بس ليش مو العصر اجو ايه الله يتمم ع خير مع انو مشاعري مخربطة وحاسة بدي ابكي ازا هالشرنة تركتني لحالي بالغرفة
بدلت تيابي وغسلت وارجعت للغرفة وكل شوي اسرقلي نظرة واخر لزيارة وقفو عند باب البيت يحكو
ام طارق : رح نردلكن الخبر الاكيد
ام همام : ونحن ناطرين الجواب وريان كتير مستعجل
ام طارق : ولايهمك
سكرت الباب ودغري اطلعت وشفت منى خجلانة
بريق : خلص صرتي عروس
منى : ليش وافقوا اهلي
ام طارق : وافقنا اكيد بس يعني خلينا نتدلل عليهن شوي
بريق : حركات التقل
منى : وبابا
ام طارق : لا حدا يجيب سيرتو قدامي
بريق : اي شو حكت عندو ريان
ام طارق : هو بيشتغل بمطعم بس اخوه ناوي ينزل ع البلد ويفتحوا مشروع سوى
بريق : الله يتمم على خير مبروك منوووش
منى : الله يبارك فيكي عقبالك
بريق : ييييي والله انصرعت بهالكلمة
اجو سهرة شهد وطارق لحالهن والكل مبسوط ومنى عنجد خجلانة واخدت دور العروس بس كأني بلشت استوحش والله هي رفيقتي واختي وكلشي
🌹❤️🌹❤️
وعند تقي لساتو بمكانو يأسان وعم يحاول ينام وقت انفتح الباب دغري اتجلس وكانت امو
ام تقي : ليش مانك سهران عند رفقاتك
تقي : شكلو ماحدا فاضيلي ريان خطب وحدة من بنات ابو طارق وطارق بتعرفي عندو عيلة
ام تقي : وانت ليش زعلان
تقي : بدك افرح
ام تقي : لازم تفرح لرفقاتك
تقي : بس المفروض افرح لحالي اول
ام تقي : اشتغل دوام اضافي
تقي : والله ما ضل الا انام بالمطعم
ام تقي : طيب شو فيني اعملك انت قول
تقي : معقول ماما ما عندك شي قطعة دهب مخبيتيها لجوازتي
ام تقي : اعطيتها ل تبارك بوقت انخطبت
تقي : وانا مو ابنك
ام تقي : امبلا بس والله بتعرف كيف بعت كل دهبي بحادث ابوك والله سلموا
تقي : اي بعرف بس انا فكرت مخبية شي على جنب
ام تقي : بكرى بروح لعند خالتك وبتدين منها
تقي : لا اوعك شو تديني منها
ام تقي : والله محروق قلبي مشانك
تقي : بيعوا الارض
ام تقي : يوه ابوك كل اعتمادو ع الموسم
تقي : طيب ليش رافض اسكن معكن انا حمل استأجر
إم تقي : هو كرمالك مشان تاخد راحتك
تقي : لا تضحكيني انا بقبل اكون مقيد هون ومستعد اعيش مع مرتي ونتهامس همس بس مو تصعبوا زواجي
ام تقي : انا بقنعوا تسكن عنا بس ارجعنالها لسى بدك كتير شغلات
تقي : يعني انتي مع انو اشتغل واتجوز ليش ما ع الموسم تجوزوني
ام تقي : واخوك ودراستو
تقي : يعني عماد ابدا مني
ام تقي : ابدا مو هيك بس انت بتعرف صحتو على قدو نظرو من السكري متراجع انت مشالله صحتك معك وقادر تشتغل هو ازا بينجرح مصيبة
تقي : معك حق
بقلبو : خلص قولي مابدي اجوزك وتبارك وعماد ابدا منك
ام تقي : نام لا تفكر بشي حبيبي
هز راسو بس بدو يخلص من هالنقاش
طلعت من الغرفة وسكرت وراها أتأمل غرفتو واثاثها المهترية ليش حتى ماعندو مروحة يتهوى وهي من ابسط حقوقو ورجع ليحاول ينام
تقي : شو يعني لك تقي حكموا عليك بالاعدام يعني لا برحمك ولا بخلي رحمة الله تنزل عليك
عماد معو سكري وتلقائيا حصتو محفوظة ليدرس اما انا عمريني ما ارتاح والاحسن تكون العروس بريق والله لاموت بحسرتي مع انو شوب كتير بس هو متأقلم عادي عم يتصبب عرق وشاغل فكرو وتفكيرو بالزواج
❤️🌹❤️🌹❤️🌹
الجزء الخامس
بعد مرور عدة أيام كان الخبر بالحارة مطبول ريان بكرى حفل خطوبتو على منى بنت أبو طارق
~~~
طلبت من رشا تفتح المحل لانو لازم اكون مع منى بدها تختار فستان لحفل الخطبة وكل العيلة مستنفرة مشان الحدث دقات على الباب ورحت لاشوف مين وقت شفت بابا افرحت كتير
بريق : اهلين بابا
ابو طارق : كيفك حبيبتي
بريق : مشتقتلك ليش موبايلك مغلق
ابو طارق : مافي اتفضل

بريق : اتفضل البيت بيتك
فات بهدوء راقبت نظرات ماما الو وحسيت لازم يكونو لحالهم لهيك فتت للغرفة كانت منى مبسوطة لدرجة
بريق : اجى بابا
منى : اي اسمعت
بريق : ع شو مبتسمة
منى : هاد ريان باعتلي كلام معسول
بريق : بس بدو كلمة يعني
منى : خايفة طارق يعرف
بريق : بكون اخد رقمك من طارق
منى : لا متزكرة وقت اجى شافني طلب رقمي
بريق : ههههه استغلال للوضع يعني وليش خايفة بكرى حفل الخطبة
منى : بريق دقات قلبي عم تخوفني
قعدت جنبها وكتير افرحتلا
بريق : يا عمري بتكوني فرحانة
منى : الصراحة ما توقعت انخطب بهالسرعة
بريق : ولابقين لبعض كتير الله يكتبلك السعادة يا روحي
منى : وعقبالك يارب دغري تنخطبي مشان نصير تنتين مخطوبات
ما خطر ع بالي الا تقي
بريق : ما مهم الخطبة المهم انتي مبسوطة وهاد احلى شي بالنسبة الي يلا طارق طالع السيارة الي مخبيها عن عيون الناس كرمالك
منى : عادي رح يفكرو لخوالي
بريق : يلا جهزي حالك يومنا طويل ورح نحضر حفلة ريان اليوم من البلكون
منى : لك لا تقولي ريان عم يدق قلبي بسرعة
غمرتها وكتير فرحانة كرمالا
وبلشنا بتجهيز حالنا
❤️🌹❤️🌹
كان تقي عم يسكر باب البيت واستغرب من طارق نازل من سيارة فخمة قدام محلهن ودغري راح لعندو وهو يتمايز العاروس ما اتطلع بطارق كان عم يتفحص السيارة منيح
تقي : كيفو ابو طريق
طارق : اهلا تقي
طبطب على السيارة وصفرلا باعجاب
تقي : الك مو
طارق : تمويه لخوالي
تقي : مبروكة يا سيدي لك وين عريسنا
طارق : مابعرف بكون مدفوس
تقي : ينام ؟؟؟ريان ينام وهو فرحان متزكر وقت نجح بالتاسع ما غمضتلو عين ليلتها
طارق : هههه اي اي معك حق وانت وين رايح
تقي : حاجز دور بدي احلق الليلة حفل خطوبة رفيق العمر
طارق : احجزلي وراك بكون وصلت البنات للكوافيرة
تقي : لا تتأخر اي
طارق : لا ما بتأخر
اتصل باخواتو وبقي تقي بفضول ناطر يعرف شو بدو يحكي طارق
طارق : انا تحت بريق خلصو وانزلو....لا لا عند المحل ناطركن مابدي تشوفني شهد
ابتسم تقي وراح يكركر ضحك على رفيقو
وما بيمنع يضل عينو على بيت ابو طارق لشاف بريق نازلة وما شال عينو عنها رغم انها ما اتطلعت فيه بس هو اتمايز حتى شو لابسة وكمل للحلاق
تقي : عوافي سمورة
سمير : طولت
تقي : لحتى صحصت احجز لطارق دور
سمير : اليوم ارباحي بترجع لحفل خطبة ريان
تقي : لكن اعمللنا خصم لانو نحن اقنعناه يخطب
سمير : ههه تكرم كم تقي عنا
تقي : واحد والله يجعلو تقي
ضحكوا وبلش شغلو سمير وتقي بعالم تاني اسمو بريق عم تلمع وكلها جمال واناقة وما بيمنع يتخيل انو عم يحلق لحفل خطبتو الشبه مستحيلة .
🌹❤️🌹❤️
ساحة الحارة اتجهزت انارة ع حساب طارق وفرقة موسيقية ومطرب شعبي كان واقف طارق ويشرف على الاجواء كلها
وببيت تقي اتنفس براحة من هالكلمة بالتحديد
ام تقي : ابوك عند عمتك جميلة تعبانة شوي
تبارك : ليش بتسأل وين بابا
تقي : اكيد ما اشتقتلو بس اليوم حفل ريان
تبارك : استغفر الله العظيم بدك تحضر
تقي : شو هي بدي احضر وبدي اشارك اليوم يومنا نحن رفقات العريس
تبارك : يا حرام عم تغضبوا رب العالمين لترضوا البشر
تقي : شو شايفتها حفل نسوان اختي رجال ولا مراة
تبارك : المعازف والاغاني الموسيقي حرام وبرعاية الشيطان بتكون
تقي : اوووف يعني بابا عاطيكي الدرس قبل يروح
تبارك : لا ابدا بس روح اسأل كل لشيوخ
تقي : يا عمي مابدي اسأل حدا حرموا الفرحة بإسم الدين
ام تقي : الله يهديك يا ابني والحقيقة واضحة متل عين الشمس هاد كلو من عمل الشيطان عم يزين بعيونكن هالحفلات
الشيطان وعد انو يحرف الانسان عن طريق الحق وقال « وعزتك وجلالك لأغوينهم مادامت أرواحهم في أجسادهم
تقي : فيقول الله تعالى وعزتي وجلالي لأغفرن لهم ماداموا يستغفرونني
تقي : الله غفور رحيم وانتو متشددين كتير وبدي اروح وبدي ارقص وادبك
تبارك : استغفر الله العظيم و اتوب اليه
ام تقي : الله يهديك يا ابني مافيني احكي غير هيك
تركهن وفات للغرفة يلبس طالع بنطلون اسود كتان وبلوزة سودة وجاكيت رسمي رمادي وكندرة جديدة وبلش يجهز حالو
وطلع من البيت وهو يسمع دعاوي اختو وامو الله يهديه
وقت وصل كان الحضور مكتمل والفرقة عم تعزف الحان للموال وقف بجنب رفقاتو وبلش يستمتع بوقتو وشايف بريق من البلكون طبعا مو بس هي
كلشي في نسوان على الاساطيح والبرندات
❤️🌹❤️🌹❤️

كان مميز حتى بلبسوا واناقتوا الست منى غرقانة بتفاصيل السيد ريان لانو هالحفل كلو ل ريان افندي وماما مبتسمة
بريق : واخيرا صار حفل بالحارة
ام طارق : اي والله الله يديم الفرح على الحي واهلو
شهد : شفتو ما احلى طارق يقبر قلبي
منى : ان شاء الله يارب يقبر قلبك

شهد : شو قصدك وليه اموت
بريق : يارب يغني المطرب اموت وينشرح صدري
فرطنا من الضحك بس شهد انطمزت
شهد : لو بعرف في هزات بدن كنت حضرت من الشباك
بريق : لا ولووو خليكي مدايقيتنا
شهد : هففف
منى : ههههه عنجد مدايقيتنا شهودي
شهد : هلا بفل
منى : روحي
ام طارق : قبل تنزلي اعملينا شي يبرد قلبنا
شهد : حاضر مرت عمي
واتحلفتلنا وبس اختفت كملنا ضحكتنا
بريق : وليييي اعلقنا لك منوش
منى : ولي خوفي توقعني بكرى قدام العالم
ام طارق : ما بتسترجي
ركزت بالحفلة او بالاحرى بابو جاكيت رمادي هيك من بعيد كيف من قريب يلا عم يتصور هو وطارق هلا بعمل لفة بحساب طارق ع الفيس وبشوف جمالو ل تقي افندي
الحفل ولعان والشباب كلها مشاركة واخر شي توقعتوا يمسك الميكرفون تقي ليغني اتطلعت فيني منى وكأنو تقي من املاكي دفشتها
بريق : لك ليش اتطلعتي فيني
منى : اكيد بدو يغنيلك
بريق : مافي شي بيني وبينوا خلص وليه
❤️🌹❤️🌹
كان اغلب الشباب مصدومين لانو ابن الخطيب ناوي يغني
صوت همس : مو هاد ابن مؤذن الجامع
-: اي هو لا حول ولا قوة الا بالله
-: وين الخطيب يشوفوا شاطرو يحكيلنا ديرو بالكم ع اولادكم يجي يشوف ابنو
-: لك ليش حرام الغنى
-: لو مو حرام بيجي يحكيلنا ما يفهم ابنو هالحكي
همس لل يلي مستلم الاورغ
تقى : بلش بأغنية ناصيف زيتون هيي الغمزتني بعينا
الشب : تكرم
وبلشت الالحان وهلا صوتو بالموال صدح بكل الحارة وطارق وريان فرحانين فيه لدرجة
تقي :ميلي على صوت القصب ما اجملو ميلك
لو كان شغلي بالذهب لترك وغنيلك وغنيلك

هي اللي غمزتني بعينا بايدا صارت توميلي
بقيت السهرة كلا رقص وغنج مقابيلي

بدي روح وحاكيها حاكيها قدام الكل
هيدي قلبي ناطرها وانا قلبي دليلي

هي الاولى بحلاها مافي حلوة بتسبقها
سبحان الي سواها كل من شافا بيعشقها

وبدي امسك بايدا ورقصها قدام الكل
هيدي حبيبة قلبي ويلي ان راحت يا ويلي

ضحكتها عالم تاني عالم شيبلي راسي
كلشي بهالدنيا غناني ما تعبر عن احساسي
~~~~
كان مبسوط لدرجة لانو بريق سامعة وعم تحضر
بقلبو : يارب تعرف انو هالاغنية الها وبس
ما كانت الاغنية الوحيدة بس الشباب انصدموا بخامة صوتوا الغنائية وكيف عم يمشي ع المقامات وكأنو من سنين بمجال الطرب وبعد الساعة ١٢ خلصت الحفلة ورجع للبيت بعد ما بارك ل طارق وريان
ماشي بهدوء : يارب هلا الدور عندي لازم اخطب بس لك مابدي اتزوج مع انو ريان ناوي يتزوج خلال شهرين يلا ازا ما كانت خطيبتي بريق بصحلي كم نظرة بيني وبينها ورح تسمع من اختها اخباري او انا رح احكي لريان اني معجب فيها مع انو معي رقمك بريق بس مابدي احكي معك لنشوف اخرة التقل
فرح لانو امو نايمة ودغري فات يبدل تيابو وينام بالجو الحراقي .
💔💔💔
تاني يوم من الصبح مجهزين للروحة الكوافيرة استنفار كامل متكامل ومنى مو على بعضها وصلنا طارق للكوافيرة ومن هنيك بلشت التحضيرات للعروس وانا اتمكيجت كنت لابسة فستان بدرجات الزهر الفاتح وشالة فضية وفل ميكاج وسكربينة فضية مليانة قصب بعد ساعات تجهيز اجى طارق لياخدنا للصالة ومن هنيك بلشت الحفل رقص ودبكة واجواء الفرح ولعانة وبعد ما انكتب لكتاب فات طارق وبابا والعريس وابوه وولعت الحفلة من جديد والا اتخيل حفل خطبتي ووقت خطر ع بالي تقي قلبي صار يقرع متل طبول الحرب وقت تبدأ وحسيت حالي غرقانة فيه اكتر من اللازم اتزكرت صوتو اغنية مبارح ااااوف بريق شو صايرلك لك مجنونة مافي شي بينك وبينو ليش هيك معلقة حالك بوهم بس يا ترى لو التقيت فيه هداك اليوم شو كنا رح نحكي
معقول يعترفلي
شهد : بريق وين شاردة
انتبهت
شهد : تعالي طلع ابو همام مشان ترقصي مع طارق ومنى
بريق : ضروري بقلمي مايا الحجازي
شهد : يوه ضروري ونص يلا تعالي
حاولت ابعد تفكيري عن تقي وركزت بالجو والرقص والاغاني
💔🌹💔🌹💔
وبالمطعم كان وحيد بدون ريان
منور : شو مبارح الحفل ولع بصوتك
تقي : مالي خبر
منور : انا خطرلي عشقان بنت الجيران وكانت ع البلكون وغنيتلا ميلي على صوت القصب
تقي : مبين عليي عشقان
منور : وكانو الحبيبة كانت على بلكون بطابق تاني
تقي : يخرب بيتك شو عرفك
منور : انا لاحظت عليك تخجل وقت تلمح البلكون القريب من بيت ريان
تقي : يعني حلو صوتي
منور : بجنن صوتك تقي ليش ما تغني
تقي : بدي فت خبز كتير
منور : رح تتعزب اول كم سنة بس بعدها رح تصير مشهور
تقي : خليني تقي اريحلي ههههه.
منور : يعني رح يترك الشغل ريان
تقي : اسألني عن حالي وبس تعال شغلي سيكارة ايديي مي
شغلو السيكارة وكمل جلي ومتأمل يصير بينو وبين بريق لو تبادل اعجاب على الاقل
~~~
نتألم ..؟؟عندما نرى من.
. نعشقهم ليسو معنا،
نتألم ...في لحظات اشتياقنا

لهم... ولا نستطيع ولو النطق
بكلمة انا مشتاق،....لا ادري
... انحن الذين نعجز ...عن الكلام
او الكلام هو الذى يعجز عنا؟؟..
يقولون أن...لغة الصمــــــــــــــت
أفضل لغة لتعبير،، فماذا لو عجز
الصمت!!!!فبأي لغة يجب التعبير
#مقتبس
🌹❤️🌹❤️🌹
كان طارق واقف قدام المطعم نزل وطبش الباب وتوجه لعند الكاشير
طارق : تقي هون
الكاشير : بالمطبخ بتلاقيه
فات مستعجل لجوى وشاف تقي عم يمسح ايديه من المي واتفاجئ بشوفتو شلح مريول الجلي وراح سلم عليه
تقي ؛ اهلا طارق شو جابك
طارق : خلصت مو
تقي : مستني ليجي المحاسب بدي اخد راتبي
طارق : اديش بدك يعني
تقي : تعال نشرب شي وبكون اجى حضرتو
قعدو على طاولة بالمطعم وشبك ايديه تقي وشرد من البلور شايف زحمة السيارات وضيفهن منور القهوة
تقي : بس ما قلتلي شو بدك مني
طارق : رحت لبيتكن بالعادة بتسهر معنا بس ريان سهران عند الخطيبة وانا استوحشت وقت اعرفت انك بالمطعم

- النص المستخرج من الصورة: 📝
٢:٤٨ ص
الخطيبة وانا استوحشت وقت اعرفت انك بالمطعم قلت
اخدك احسن ما ترجع مشي بقلمي مايا الحجازي
لاجي
تقي : يكتر خيرك أي مبروك خطبة المحروسة
طارق : الله يبارك فيك شد حيلك الدور عندك
بقلبو : يا ترى افاتحوا بالموضوع ولا خليني اعرف رأي بريق
فيني بتقبل تاخد جلاي صحون ههههه
ضحك ضحكة مسموعة واستغرب طارق
طارق : ع شو بتضحك
تقي : انت بتحكيلي عقبالك اتخيلت احكي لصاحبة النصيب
بشتغل و را مجلی جلاي صحون
طارق : الشغل عيب يعني
تقي : لا ابدا انا
بس شوي مكبر الموضوع
ودغري انتبه لجية المحاسب
تقي : انطرني هون راجعلك
راح لغرفة المحاسب وطارق نطرو لحتى رجع طبعا العمال عم
يشطفوا ويمسحوا الطاولات ودغري طلعوا من المطعم وللبيت
دغري
كانت عم تشلح الشالة وابتسامتها ما فارقت وجهها
بريق : حاجتك حلقة وليه
منى : مو بأيدي والله
بريق : شو حكيتو يلا اكرجيلي
منى : عن مشروعوا الجديد مع اخوه
بريق : ومن هون لهون
منى : اي حكالي اني حلوة كتير وانو صوتي ناعم ع الموبايل
بريق : هههه اي شو الغريب
منى : حكى ما اتوقعني هيك ناعمة
بريق : قولي انو مسكلك ايدك
منى : بس دغري سحبتها اخجلت كثير
بريق : لا خفتي حدا يشوفك
منى : لا والله خجل مو اكثر ما متعودة ابدا حدا يمسكلي

- النص المستخرج من الصورة: 📝
٢:٤٨ ص
ايدي
بريق : واكيد مابدو تكفي شغلك معنا
منى : حكالي ممنوع لسى فوت المحل
بريق : يلا الربح الي لحالي
منى : هههه لك خلص وليه عم تجاكري
بريق : هو لو يعرف اديش معك دهب
منی : بس المحظوظ عنجد خطيبك المستقبلي لانو عندك
أضعاف الي عندي
بريق : يخزي العين صلي ع النبي
منی : هههه اللهم صل على النبي
بريق : بس بتعرفي هيك رح اشتري شقة آخر السنة
منى : ييييي صرعتنا بتعرفي مستعدة اسكن مع ريان بخيمة
بريق : عال منيح كتير يعني مابدك تساعدي ريان
منى : انا مابدي اعمل شي بدون علم طارق
بريق : والله اطلعتي واعيه ومكترة بس يا جدبة هدول
حصتك وانتي حرة فيهن
منى : بس انا ما بدي حدا يعرف بلي عندي مشان لا يطمعوا
فيني
بریق : هههه بتخليهن لولادك
منی : هلا صار عندي ولاد
بريق : الافندي مستعجل يعني يمكن السنة الجاي متل هيك
نشوف ع ايدك ولد
منی : خليني بالخطبة معزومة بكرى ببيت حماي
بريق : ههههه تتهني يااااا كنة ام همام
اصنع نفسك بنفسك ولا تستند على احدهم ف كل منهم
سوف يتخلى عنك عندما يغلبهم كبريائهم ومصالحهم ف تعلم
ان مرارة العيش اجمل بكثير من الاختالط ومصاحبة اناس
منافقون ،
170
۳۲ تعليقا

الجزء السادس
بالجامع
كان ابو تقي مستغرب عن مين بيحكوا
-:اي والله بكون ابنو للمؤذن
-: والمشكلة عطول النصيحة بتكون منو
-: هو على ابنو ما بمون
-: وين صارت الاب شيخ والولد مطرب
فهم شو الموضوع بس ما بيمنع رفع اذان المغرب واقام الصلاة ورجع للبيت يحاول يهدي حالو واول ما شاف تقي طالع من البيت عصب
ابو تقي : لوين رايح
تقي : لعند طارق
ابو تقي : فوت بدي احكي معك كلمتين
مع انو جاهز بدو يمشي رجع وفات مع ابوه للبيت وترك الباب شوي مفتوح
ابو تقي : انت شو عامل أثناء غيابي
تقي : شو عملت
ابو تقي : انت غنيت بحفلة كلها فجور معازف اغضبت رب العالمين لترضي البشر
تقي : تسلاية مو اكتر
ابو تقي : حسبي الله ونعم الوكيل ابني عم يتسلى ويحجز مكان بجهنم انت شو فهمني
تقي : الحياة مو متل مانك مفكر ولا حتى متل مو راسمها ببالك رب العالمين عفو غفور رحيم انت كل حياتك تهديد وجنة ونار الله ارحم الله اللطف الله أغنى مني ومنك انا ما فيني اتحمل اكتر من هيك حملتني فوق طاقتي حرام وحلال
فجور وتقوى غلط وصح اتركني اعيش بالجو الي بحبو بتعرف رب العالمين بالصلاة والصيام والقيام بس وقت ابنك يطلب منك يكمل نص دينوو شو بتعمل بتروح تحكيلو دبر حالك امن مستقبلك انت شايف الدين من عين وحدة
«صوت الكف دوى بكل ارجاء البيت»
شهقت امو وسالو دموعها
حط ايدو على خدو
ابو تقي : الله يغضب عل
ام تقي : لا لا تكملها ابوس ايدك لا تغضب عليه
تقي : انت ما تركتلي مجال لاحب النصيحة الي عم توجهلي اياها كرهتني عيشتي ابن مؤذن وخطيب الجامع ناوي ينتحر والسبب تشدد ابوه لك ما تغضب عليي اغضب بتريحني بتوفر عليي كتير
بلحظات فقد فيها صوابو هالكف كان كفيل ليخلي تقي يخرج عن صمتوا ويطلع عن طورو
وكفر خلا ابوه يتزلزل كفر اكتر من مرة
ابو تقي : انقلع من بيتي الله لا يوجهلك الخير
تقي : بالناقص منك ومن بيتك
طلع يركض من البيت متل المجانين ودموعو عم تتطاير مسكرة كل الدنيا بوجهو
💔💔💔💔
طارق شافوا عم يركض وركض وراه بدون ما يعرف تقي شو صاير معو فات للحديقة ووراه طارق «ندهلوا»
طارق : تقي استنى
ما رد عليه بس طارق مسكوا ولفوا لناحو وانصدم كان تقي عم يبكي
غمض عينو طارق بعدم تصديق ل يلي عم يشوفوا
تقي : اتركني طارق اتركني
طارق : ليش عم تبكي تقي شو صاير
تقي : حرقوني..طفوني...طالعوني عن ديني لك بأي حق بيمد ايدو عليي
طارق : هسس وطي صوتك الناس عم تطلع علينا
مسحلو دموعو طارق لانو ماعم يستوعب انو تقي عم يبكي وهو بهالعمر
تقي : انا ياا ناس مقهور...محروق قلبي....اتعبت والله اتعبت يارب اموت
طارق : لككك فضحتنا حاجتك تبكي مشان الله
تقي : يا رب ارحم ضعفي يارب الطف بلي جواتي يارب سامحني والله كفرت غصب عني والله
حضنو طارق وخباه عن عيون الناس
طارق: بترجاك خلص تقي لا تبكي الي عم تعملوا غلط هلا رح تصحى على حالك وتندم
تقي : طارق انا كفرت بتعرف شو يعني
طارق : الله غفور رحيم خلص بس انت روق وبس لا تبكي على حب النبي
تقي : ماني قدران والله غصب عني
اتجددوا دموعو الدنيا ليل ومن غير شي شايف الدنيا سودا
بعد عنو طارق ومسحلو دموعو بأيديه
طارق : خلص خلص بكفي تعال معي
خلاه يقعد على المقعد وما اكتفي تقي كان عم يبكي بشكل هستري
اتأثر عليه طارق ودمعوا عيونو
لانو تقي واصل لمرحلة كبيرة من القهر والا ما بكي
بعد ما خمس دقايق من الصمت صوت نفس تقي وهو عم يستنشق هوى نظيف ليتماسك مسح اخر دمعوا معلن انتهاء موجة البكي
طارق : خلصت
تقي :....
طارق : شوف الناس كيف عم تطلع فيك
تقي :....
كان عم يتطلع قدامو وكأنو شايف شي وعم يتأملوا
طارق : روقت
تقي : اي شوي مو كتير
طارق : كيف بتبكي تقي
تقي : ما اقدرت اسيطر ع نفسي هي مو اول مرة ببكي
طارق : عنجد
تقي : بس ببكي بغرفتي على العتم اليوم اتغير كلشي وكأنو لازم العالم كلو يشوف ضعفي بس بتعرف مارح يحسوا بقهري
طارق : شو صار
تقي : غضب عليي قلعني دعى عليي
طارق : ليش
تقي : الظاهر وصلو خبر اني غنيت بحفل خطوبة ريان
طارق : يا لطيف لهدرجة انت اغلطت
تقي : بنظرو كأني زنيت
طارق : وعنجد قلعك وين بدك تروح
تقي : ع الهفا
طارق : تعال نام عندي
تقي : والله لو بدو يطول عمري مية سنة ما بنام عندك
طالع من جبيتو مصاري طارق
طارق : خود هدول نام الليلة بالفندق
تقي : ولايمكن اقبل اخد منك شي
طارق : شو بدك تضل بالحديقة
تقي : محتاج هالهوى لو الدنيا سواد بسواد بعيوني
طارق : الله يريح قلبك ويهدي بالك
تقي : انسى شو صار بترجاك
طارق : انسيت لا تحط ببالك انت وانا مو بس رفقات واخوة
تقي : ضب المصاري بجيبتك انا وقت اعتاز بخبرك
طارق : متل ما بدك سدءني مافي شي مستاهل
بقلبو تقي : تعال عيش يوم عني اتحملت كتير وصبرت كتير بس شكلو انفجرت اليوم

💔💔💔💔
كنت عم احاول اعرف ليش تقي كان عم يركض وطارق وراه يا ترى شو الي صاير
وهلا الست منى بعالم تاني شو عم يصير معك لك بريق ليكون غيرانة انو اختك لصغيرة رح تتجوز وانتي لساتك حتى ما حدا دق بابك لليوم ليش يا ترى معقول ماني حلوة او يمكن لانو بشتغل بالمحل وهلا كل الشباب تفكيرهن شرقي بدهن الزوجة للبيت ولولاد وبس .
🌹❤️🌹🌹
وعند ام تقي كانو دموعها شلال وعم تمسحهن ليرجعوا يتجددوا وابو تقي عم يستغفر ويهدي نفسو بس مو قدران ينسى الكفر الي اتلفظ فيه ابنو تقي وجواتو براكين ثايرة
ام تقي : شو الي صار ابو تقي
ابو تقي : انا ماعندي ولد اسمو تقي وسيرتو بالبيت مابدي اسمعها
ام تقي : بترجاك سامحوا
ابو تقي : يستغفر ربو بدل هالكفر الي اتلفظ فيه مفكرها مرجلة يتطاول على رب العالمين الله قادر على انو يشلو بنفس اللحظة بس الله ارحم والطف فينا من كل الكون
اخ ما بعرف شو قول
ام تقي : الله يهديه
ابو تقي : ازا بفوت لهالبيت لا تلموا الا حالكن
ام تقي : بترجاك يا رجال بتكون ساعة غضب
ابو تقي : يعني مابتعرفي انو ابنك مغني بحفلة رفيقو فضحني ابنك خجلني قدام العالم عم يحكوا ابن المؤذن بيهوى المعازف والمحرمات عم يتطاول على رب العالمين هالولد مو ابني عم تفهمي
ام تقي : والله نصحتو قبل يروح للحفل
ابو تقي : مرافق شلة لا بحرموا ولا بحللوا بالاخص ابن ابو طارق ابوه والعياذ بالله بيتردد لبيوت مشبوهة
ام تقي : استغفر الله العظيم الله يعفي عننا ويسترنا
ابو تقي : هالموضوع انتهى وسيرة تقي ممنوع اسمعها بالبيت عم تفهمي
كملت بكي كانت مقهورة من الي سمعتوا من ابنها ومن الي عم تسمعوا من جوزها ومن ضربوا لابنو وهو بهالعمر
بقلبها : الله يهديك يا تقي ليش عم تعمل فينا هيك ليش.
💔💔💔💔
الساعة ١٢ بعد منتصف الليل كان ماشي وجنبوا طارق لتنين حاطين ايديهم بجيابهم وماشيين على الرصيف
طارق : روقت صح
تقي : استغفر الله العظيم احسن شي
طارق : وين بدك تروح بهالوقت
تقي : مابعرف مسكرة الدنيا بخلقتي ياريت يكون المطعم فاتح
طارق : وينك ووين المطعم
تقي : بفترش الطريق لكن
طارق : بيتي كبير
تقي : اوعك تكمل
طارق : بخلي مرتي تطلع لبيت اهلي
تقي : وحلوة الشنططة برأيك انت
طارق : عادي يا زلمة الناس لبعضها
تقي : انسى الموضوع
طارق : طيب شو رايك تنام بالمحل في غرفة مجهزة
تقي : فيها وجهة نظر
طارق : يلا لكن احسن ما نضل نتجول بالشوارع
رجعوا للحي
كان خدو خدران وحاسس النار عم تطلع منو ولانو بشرتو فاتحة معلم فيه وجفونو باللون الاحمر وكل شوي عم ياخد نفس لينسى ويطرد الافكار السودة من راسو قدام المحل واقفين لتنين
تقي : بلكي فيها ازعاج يا زلمة
طارق : لا ازعاج ولا شي
فتح نصف الغلق المحل مشغل فيه اضوية فاتو وسكرو باب البلور الخاص بالمحل
كان تقي يتأمل الفخامة والرتابة والنظافة فتحلو الغرفة وشغل الضو فيها
طارق اخد الشال الخاص ب بريق وعلقوا
طارق : ليك هاد غاز سفري جهز فيه الي بدك اياه بس سكرو منيح
فتحلو شباك قريب من سقف الغرفة وشغلو مروحة
ابتسم تقي لهالاهتمام واتفحص المكان كلو
تقي : اي ساعة بتفتحوا المحل
طارق : لا تشيل هم الدوام ع ال١١ ببلش بتكون نمت واشبعت نوم انا الساعة ١٠ بفتحلك
تقي : حاسس حالي بشي معقتل
طارق : هههه اتحمل شو بدك تعمل
تقي : مو تنساني بكرى
طارق : ههه كلو وارد ها
تقي : عندي شغل بكرى بالمطعم
طارق : ولا يهمك يا زلمة بدك شي قبل امشي
تقي : لا سلامتك وشكراً سلفاً
طارق : اهلا وسهلا كليوم تعال
نطر لحتى طلع طارق وسكر المحل عليه ونزل الغلق
تلقائيا اختنق اتفحص موبايلو والتغطية واتنفس براحة وراح وقف قدام لمرايا ليشوف ملامحوا بعد الخيبة
تقي : كان لازمني هالكف من زمان
شلح الجاكيت وفك حزام البطلون واتفقد المحل كلو دور ع الحمام وفات غسل منيح ورجع للغرفة فك زرار القميص
تقي : معقول مابقى ارجع للبيت....وتيابي وكل اغراضي يعني بكرى عندي شغل ولازمني بلوزة عادية هالقميص رح يعطل عليي الشغل
طالع باكيت الدخان من جيبة الجاكيت وشغل وحدة وابتسم لانو هي الغرفة بتخص بريق التفت ليشوف الشال الي بتلفوا على رقبتها فوق الشالة
تقي : كلك على بعضك حلوة وبتجنني
وقف ومشى باتجاه الشال سحبو بأيدو واستنشق منو بعمق ورجعوا لمكانو
تقي : شكلو الجفاف باخر مراحلو لك تقي اتزكر كل تفاصيلها ورجع لمكانو يكمل سهرتو وحيد
ما نام كان عم يحاول ينام يتمدد ويضل يتقلب ويرجع يتجلس ويشرب دخان هيك لحتى إذن الفجر بصوت ابوه غص قلبو اتزكر كلشي صار معو وليش هو بالمحل ومسكر عليه راح للحمام اتوضى واخد سجادة الصلاة ومد بالارض وصلى الفجر وبعد الصلاة رجع لنفس الوضعية لحتى غفي اول ما جهجه الضو وراحت فيه نومة

🌹❤️🌹❤️
كان طارق تحت تأثير الصدمة ما كان متوقع تقي يكون عندو كل هالحزن ومخبيه
طارق : معو حق لكن وقت يحكيلنا ما بتعرفوا ظروفي ما نسدء ونحكيلو انت مكبر الموضوع و هالكف كرمال حفلة ريان لكن ازا عنجد بصير مطرب شو بيعمل ابوه ليتبرى منو والله
مو جاييني نوم بالي عندك تقي منيح اقترحت عليه ينام بالمحل والا عنجد كان قضاها بالحديقة الله يكون بعونك معقول يضل مقلع
زبط نومتو وشاف شهد لابسة مستر ومبردة ع قلبها من المكيف
طارق : انا بفرجيكي يا شهد حاليا قحطت ل دلع بس وقت يجد الجد رح اتجوزها وهون اسكنها انا بفرجيكي
غمض ليستغرق بالنوم بعد ما جهجه الضو
❤️🌹❤️🌹
اصحيت من النوم بكير شفت كيف الست منى نايمة وحاضنة الموبايل الظاهر ريان سهران لوجه الصبح معها اتنشطت وورحت غسلت واطلعت للبلكون اغير جو واتسلى بموبايلي
وصلني مسج على صفحة الالبسة
-:صباح الخير ممكن تبعتيلي عنوان المحل لانو انا اليوم بالشام وحابة اتبضع من عندكم
افرحت كتير وبعتلا العنوان
-:شكرا الك اي ساعة الدوام لانو الساعة ١١موعدي عند الدكتور ومافيني اتاخر على الموعد
رديت: دوامنا الساعة ١١ بس تكرم عينك رح افتح الساعة ٩ كرمالك
-: شكرا الك
لسى معي وقت جهزت القهوة وع غير العادة ماما صاحية بكير وكان لازم افهم منها ليش بابا تارك البيت
بريق : صباحك مامي
ام طارق : صباح الورد حبيبتي
بريق : حماتك بتحبك
ام طارق : لا تزكريني فيها ابدا
بريق : هههه روقي يا ست الكل
قعدنا نشرب القهوة
بريق : اي ماما ليش بابا تارك البيت
ام طارق : هو بدو فترة يراجع حساباتوا تخيلي
بريق : بدو يفكر
ام طارق : يا انا يا هي
بريق : وين بابا لكن
ام طارق : عند عمتك مناهل
بريق : لا هيك اتوفقنا كان ضروري هالفضايح
ام طارق : هو الي بدا
بريق : بس بمتل هيك امور لازم تتناقشوا بين بعض
ام طارق : من السنة الماضية وانا اتجاهل فصولو وحركاتو ولمحتلو انا ما بنهان ابدا بس وقت شفتوا جهلان من اول وجديد قلت لازم تعرفوا
بريق : ان شاء الله المي ترجع لمجاريها
ام طارق : اي بريق احكيلي انتي
بريق : عن شو
ام طارق : ليكون غيرانة من خطبة منى
بريق : معقول بدي اغار من اختي
ام طارق : اي بتغاري انا وقت اتجوزت اختي مريم لصغيرة قبل اتجوز انقهرت وعلى حكي الناس بكرى بيوقف سوقها
بريق : وطلع معك اني غيرانة
ام طارق : اي بنت بالعالم بتغار بس وحدة تنخطب وتتجوز وهي لأ
«غص قلبي من كلامها وحسيتها قاصدة تحكيني هالحكي »
بريق : يمكن اكون غيرانة بس مو لهدرجة الي حكيتي عنها
ام طارق : كمان انتي التانية ما بتعطي مجال لحدا
بريق : ومابدي اعطي مجال لحدا
تركتها ووقفت
ام طارق : ليكون ازعلتي مني
بريق : ما بخون حالي وبعطي ريق حلو للرايح والجاي مشان يتطلع فيني انا معجبة بحالي هيك كتير انا رايحة اجهز حالي عندي دوام بكير
تركتها ورحت للغرفة كنت مقهورة عنجد والي زاد قهري منى وانها نايمة لانو سهرانة مع ريان لوجه الصبح والهدية الي بجنبها من خطيبها
اللبست وجهزت حالي واخدت مفاتيح المحل واطلعت تمشاية للمحل
~~•
الجزء السابع
كانت شهد عم تحاول تصحي طارق
طارق : هلا نمت
شهد : دوبك تلحق قلتلي سبعة صحيني الساعة صارت تمانية ونص
طارق : بلا يوم شغل
شهد : ليكها بريق اشطر منك هلا راحت للمحل
غمض من جديد واول ما استوعب انو بريق رايحة للمحل بكير فز بأربعتو حكى وهو شبه مغمض
طارق : مين بريق اختي
شهد : ليش مصدوم اي اختك في بريق بالحارة غيرها
طارق : انتي شفتيها رايحة تفتح
شهد : بتكون فتحت وخلصت
ومتل المجنون طلع يركض من الغرفة غسل ع الماشي وحتى ما بدل تيابو راح ييركض واول ما شاف الغلق والمحل مفتوح غمض بقهر كان مابدو بريق تشوف تقي نايم بالمحل فات بهدوء عكس السرعة الي اجى فيها
🌹🦋🌹🦋
قلبي وقع من مطرحوا وقت شفت تقي نايم بالغرفة غمضت بسرعة وسكرت الباب بهدوء وانصدمت بطارق جاي شبه نايم
بريق : طارق
طارق : ليش جاية بكير
بريق : في زبونة جاية من مكان بعيد ...تقي شو عم يعمل هون
طارق : تعالي لقلك
قعدت عند المكتب وقعد قبالي واول ما استوعبت كيف جاي فرطت من الضحك وصار يتمايز حالو
طارق : لا بقى تضحكي من وراكي اجيت مو شايف
بريق : ههههه والله بيضحك شكلك رتب شعرك فصحتنا بالحارة
طارق : شفتيه يعني!
بريق : اي ليش نايم بالمحل
طارق : تأخر ع بيت اهلو وابوه شوي متعصب ومشان لا يتمشكل معو اقترحت عليه ينام بالمحل
بريق : من هيك شفتك لاحقو وهو يركض المغرب
ضرب على جبينو واتطلع فيني
طارق : انتي ما بتفوتك فايتة
بريق : قول انو خناقة
طارق : ما معي صلاحية افتش اسرار صاحبي
بريق : انا عندي شغل وبدي اطالع المصاري من الغرفة جاي موزع

طاؤق : انتي متركة مصاري هون
بريق : خمسة بس
طارق : يا عفو الله بدها تجنني اختي
بريق : هههه روح شوف ليكون تقي لطش منهن
طارق : اخ منك بس
راح لعندو وانا لساتني خجلانة من منظر نومتو ولا مرة اتوقعت اشوفو نايم عنا بالمحل .
🦋🌹🦋🌹
كان متجلس وعم يحاول يصحصح بفوتت طارق واستغرب انو صحي
طارق : انت صاحي
كان لابس القميص بس بدون ما يسكر ازرارو
تقي : حسيت على حكي واصحيت بلاقي عندك بلوزة امشي حالي فيها
طارق : المحل كلو ع حسابك يا زلمة
وقف وراح للحمام كان حاسس بغصة ومتأكد بريق الي فتحت الغرفة عليه اتطلع بحالو بالمرايا وشاف اديشو دبلان من مبارح لليوم
غسل وطلع اخد لبلوزة من طارق ولبسها ومشط شعرو ريحة قهوة وهلا طلة بريق انعشت فؤادو دقت بخجل
بريق : ممكن
طارق : اتفضلي
بريق : اسفة ع الازعاج
طارق : المحل محلك يا بنت الحلال
بريق : بدي فواتير اجى الموزع
هو ما اتطلع بشكل مباشر بس كان مراقب كل حركاتها اخدت وراق من الدرج وطلعت وطلع وراها طارق
تقي : حلوة الفضيحة بحقك لك تقي يااا صوتها ما انعموا وخجلانة والغرفة الها وانت محتلها يا سيد تقي شغل سيكارة وقعد يشرب القهوة وسامع مناقشة طارق والموزع ومداخلات بريق
بريق : لا هيك ما اتفقنا حكيتلي رح تجيبلي سيري كامل
الموزع : والله بالغلط انسيت شو طلبتي مني
طارق : يعني ما بيتأمن معك
الموزع : بيتأمن بس الاسبوع الجاي
بريق : رجع هالاربع قطع ما بيلزموني
الموزع : خديهن لا تحاسبيني عليهن لحتى ينباعوا
بريق : مو زوقي هالالولان
الموزع : طيب متل مابدك بعتذر منك
بريق : في كمان موديلات جديدة
الموزع : ما نازل شي حالياً بس اول ما اجيب بضاعة راسا لمحلك
طارق : شو بدك احسن من هيك
الموزع : ما بهون عليي والله انتو من اهم المحلات الي بتعامل معها
بريق : لكن احسب المجموع بالكامل
الموزع : عادي ازا بدك بتحاسبيني الاسبوع الجاي
بريق : لا مابحب وهاد مو أسلوبنا
شوي واندق الباب وراقبها جاية تاخد مصاري وغصب عنو ما بعد عيونو عنها كان واضح عليها انها متوترة كتير ووقت ابتسمتلو دق قلبو بقوة
بقلبو : بيلبقلك والله تكوني صاحبة مسؤولية ومتأكد طارق واقف هيك رؤيا معك انتي الكل بالكل
استنشق بعمق من ريحتها الخاصة وهي طالعة من الغرفة
🌹🦋🌹🦋
حاسب طارق الموزع ووصى على فطور مشان تقي بيعرف انو دوامو بيبلش الظهر
اجت رشا وبلشو الزباين يتوافدو للمحل وتقي محبوس جوى ومفكر الليلة يرجع يعتذر من ابوه وامو مشان يسامحوه وما تزيد المشاكل والفضايح
بعد لفطور جهز حالو وطلع من المحل ومعو طارق تاركين بريق تكمل شغلها
🌹🦋🌹🦋
كنت ملبكة بوجودو وهلا ارتحت كتير
رشا : مو هاد تقي
بريق : اي
رشا : ليش كان هون
بريق : اجى مع طارق
رشا : واستغربت وجود طارق
بريق : يسطفلو
كان تقي ناطر طارق لحتى اجى مجهز حالو وطلعوا بسيارة التوزيع واكيد بدو يوصل تقي للمطعم
ابتسمت غصب عني اتزكرت انو تقي ناوي يفاتحني بموضوع بجهلو بس يا ترى ايمتى
🦋🌹🦋🌹
نزل من السيارة سكر الباب وطل ع طارق من الشباك
طارق : ايمتى بيخلص دوامك
تقي : بدي اعتذر من اهلي ما حلوة الشنططة يا زلمة
طارق : طيب ماشي خبرني شو بصير معك
تقي : انت ملاحظ معي
طارق : اي ريان باعنا
تقي : وكمان ما حدا خطب غيرو يعني انت المتجوز مو متلو
طارق : ااووووف يلا بشوفك
تقي : الله معك
فات للمطعم ودغري للمطبخ ليشوف كوام الجلي واجى ريان وضربو على كتفو اتطلع فيه تقي بنفسية
تقي : هاد انت الله لا كان جابك
ريان : هههه غيران مو
تقي : مو
ريان : بلا شبك
اتزكر الكف الي اكلو مشان حفلة حضرت جنابو ورجع للجلي
تقي : غريب ليش اجيت للدوام
ريان : يلا هانت شهر زمان وبترك كل المطعم
تقي : خير
ريان : اخي همام بدو نفتح مشروع راس المال منو والشغل والادارة عليي لا تخاف بدي اشغلك عندي
تقي : ما بتقصر
بقلبو : بلكي اكون مسلمها برتاح وبريح بقبري
وهيك قضى يومو جلي واستراحات دخان لوقت اجى المسا وقبل لغروب راح لمكتب مطاوع دق الباب وسمحلو يفوت
مطاوع : اتفضل تقي
فات ووقف قدام الطاولة
تقي : بدي إجازة ساعية
مطاوع : والله افرحت قلت تقي بدو يصير يغني
تقي : والله ما خرج
مطاوع : فيك تاخد اجازة
تقي : شكرا الك
طلع وبطريقو لبيت اهلو قبل يروح ابوه للجامع مستعجل كتير واول ما وصل دغري انفتح الباب وكان ابوه اتردد بالبداية بس اتشجع وقرب منو
تقي : انا اسف بابا
ابو تقي : لا تعتذر مني استغفر ربك
تقي بغصة : بترجاك بابا سامحني
ابو تقي : انقلع مابدي المحك ببيتي
تقي : بس انا
ابو تقي : مانك ابني الي بيطاول على رب العالمين مو ابني عم تفهم
تقي : الله غفور رحيم
ابو تقي : استغفر ربك ولهون لا بقى ترجع يلا

تقي : طيب خليني اشوف امي
ابو تقي : روح من هون اخرتني ع الجامع
تقي : بترجاك بابا خلص مابقى اعيدها بترجاك سامحني
ابو تقي : يلا من هون مابدي اشوفك ولا المحك انا ابني عماد وبس
كان بدو يبوس ايدو تقي بس دغري رفض وطبش باب البيت وكمل للجامع تارك تقي واقف وقلبو معلن حرب جواتو استنى لحتى اختفى ابوه وبلش يدق على الباب متل لولاد لصغار وبدو يبكي بعد شوي
تقي : ماما افتحيلي انا تقي ..ماما افتحي قبل يرجع بابا ......اشتقتلك والله .....ماما سامعيتني انتي جوى مابدك تحكي معي ماما .... ماما افتحيلي بترجاكي
سند راسو على الباب والندم سيد الموقف ودموعو بعيونو متجمعين وغمض بيأس
🦋🌹🦋🌹

وببيت تبارك طوت كل وحدة فيهن سجادة الصلاة وقعدوا
تبارك : الله يقبل ماما
ام تقي : منا ومنك صالح الاعمال
تبارك : شو القصة ماما ليش بابا كان معصب
ام تقي : تقي ترك البيت
تبارك : ما بصير وين بدو يروح هيك ازا تقي التجأ لمكان والعياذ بالله بيكون السبب والخطيئة على بابا
ام تقي : مابعرف والله طلع تارك كل تيابو وهو حالتو المادية ما بتسمحلو حتى يستأجر
تبارك : الله يسامحك يا بابا طيب اتصلي ب تقي خليه يجي ينام عنا
ام تقي : ما بعرف والله قلبي مو معي من ساعة الي ترك تقي البيت
تبارك : خلص انا بخلي جوزي يروحلو للمطعم ويحكي معو ويرجعوا
🦋🌹🦋🌹
وبعد صلاة العشاء رجع ابو تقي لبيت بنتوا لياخد مرتو والتقى بجوز تبارك
عبد الرحيم : اهلين عمي تقبل الله
ابو تقي : منا و منك صالح الاعمال يا ابني ليش ما بشوفك بالمسجد
عبد الرحيم : بتعرف انت طبيعة شغلي
ابو تقي : الله يرزقك
عبد الرحيم : عمي خليني ارجع تقي للبيت مو حلوة بحقنا صح وبكرى ازا تقي بيلجأ لشغل مو منيح الخطيئة برقبتك بتكون
ابو تقي : رجعوا بس مني لا يقرب
عبد الرحيم : ماشي انا رايح ارجعوا ومنلتقى بالبيت
راح تمشاية للمطعم عبد الرحيم مو اقل التزام من مرتو وعمو ومتشدد كتير وهالشي بيرجع للبيئة المحافظة الي عاش فيها واول ما وصل للمطعم استاء من صوت الموسيقى واول ما فات وشاف تقي عم يغني والحضور منطربين معو على انغام الاغاني والكلمات .
عبد الرحيم : استغفر الله العظيم شو عم شوف معقول تقي عم يغني اغاني كفر
طلع مستعجل من المطعم ويحاكي حالو وبس فات للبيت الكل انصدموا راجع بدون تقي
تبارك : شو وين تقي
عبد الرحيم : عندو حفل بالمطعم
ابو تقي بقمة العصبية : يلا مشينا ام تقي
ام تقي : خلينا نفهم منو
ابو تقي : امشي عم قلك
تبارك : لا حول ولا قوه الا بالله الله يهديك يا تقي
رجع ابو تقي يستغفر ومقهور من عمايل ابنو وبتهديد واضح وصريح
ابو تقي : ازا بسمع باسم تقي بالبيت رح اغضب عليه عم قلك وحذرتك
اكتفت بالدموع هزات راسها وكملو للبيت
🌹🦋🌹🦋
عيونو مدمعين وعم يغني من قهرو ورغم هيك عم يطرب الجمهور كانو مطاوع وريان واقفين يتفرجوا عليه وهو عم يتنقل من جهة لجهة ويبوح بكلمات الأغنية الي عم تجرحوا
دمعي نشف راح الوجع منّي
عم اكتشف جرحك شو خادمني
رجّعلي قلبي لا إلي
حسسني شو دمعي غلي
كنت بحياتي مرحلي
وكتير في بعدها
علمتني داوي الجرح بالجرح
خلّيتني فكر بحالي صح
ربّيتني، بكّيتني
ع سنين عمري الآخدها
كلو كذب، ما حدا بيعشق حدا
ما بينعتب، علّي المشاعر فاقدها
كلو كذب، ما حدا بيعشق حدا
ما بينعتب، علّي المشاعر فاقدها
~~√
الساعة ١٢ كان واقف بمكتب مطاوع
مطاوع : يعطيك الف عافية يا تقي اتفضل
اعطاه ميتين دولار
اتأملهن وهني بأيدو مد ايدو واخدهن فتح الجزدان الفاضي لمصفر الي مافيه لو الف ليرة
تقي : يسلموا معلمي
حطهن بالجزدان وحطو بجيبو الخلفية
مطاوع : بس كيف اجيت مقتنع تغني
تقي : كنت مخنوق وماصار شي هلا زادت الخنقة بدي اطلب منك طلب
مطاوع : اتفضل
تقي : عادي انام بالمطعم بس هاليومين لاشوفلي غرفة
مطاوع : لا ابدا ممنوع المطعم فيه اكتر من ١٥ جرة غاز وخطر على حياتك ازا بتكون شي جرة عم تنفس
تقي : انا مقلع من بيت اهلي ومافي مكان اروحلو
مطاوع : في اوتيل قريب رح احكي مع صاحبو واشوف ازا في غرفة فاضية
تقي : ياريت والله
مطاوع :...
كان عم يحكي مع الرجال وشوي اجاه الرد
مطاوع : بس الغرفة فيها شب
تقي : يعني مافي غيرها
مطاوع : والله هاد الموجود
تقي : خلص اليوم بدبر حالي بدك شي قبل امشي
مطاوع : بدي يومياً تغني بالمطعم
تقي : ان شاء الله
طلع يأسان وضجران الي عملو ما خفف عنو بالعكس زاد الغصة والحرقة
تقي : اكيد مارح اتصل ب طارق بكون نايم
شو اعمل وين اروح لعند تبارك لا شو بدك فيها رح تلومني رح تحسسني انو عملت جريمة يارب ساعة فرج من عندك انا رح اقضي الليلة بالشوارع
عند الحديقة بقي واقف ولأنها مسكرة اتطلع حواليه واتاكد مافي حدا وطلع على سور الحديد بالسرقة وراح اختار مقعد مريح حط الجزدان بقلب الجاكيت ولفها وحطها تحت راسو واتمدد وغمض عيونو لابس نص كم والبرد عم ينخر عظامو وبدنو عم يرجف رجف

من احساس التشتت والضياع من عدم وجود ملجأ يحميه من برد الصيف بقلمي مايا الحجازي
~~•
رغم أن لدي كل المؤهلات لاكون في غير هذا المكان لكنني ايقنت اليوم أنني وحيد بما تعنيه كلمة «وحيد» من معنى لدي أهل وأقارب وأصدقاء لكنني وحيد 💔وحيد لأبعد الحدود
#اقتباسي
{احتاج عناق وانا الصبار المكروه للجميع} 🖤
#مقتبس من قناة « آثر 🦋»
❤️🦋🌹🦋
كنت واقفة استنى طارق جاي من بيت اهلو ل تقي
بريق : بالبيت مو
طارق : لا وابوه قلعني تقليع
بريق : يا لطيف شو عامل لحتى يقلعك
طارق : وين بدو يكون يا ترى
بريق : اتصل فيه
طارق : مغلق من العصر
بريق : والله شي بحير معقول عند اختو
طارق : والله مقهور عليه لشوف ريان اكيد بكون بيعرف وينو اطلعي للبيت بريق
بري

- النص المستخرج من الصورة: 📝
Ks O
بريق : بس خبرني شو بصير
طارق : انشغل بالك عليه
معك
بريق : لك مو هيك بس فضول لاعرف وينو
طارق : فوتي يلا
فتت وهو كمل لبيت ريان
رمى حجر عند الشباك وشوي طل ريان
ریان : اهلين ابن حمايي
طارق : شو ایمتیى ارجعت من الشغل
ریان: قبل تخلص الحفلة
طارق : ومين الي غنى
ريان : تقي واطربلك الحضور بس منع التصوير الافندي والا
شفتوا ع مواقع التواصل
طارق : ووين تقي هلا
ریان : ببيتو اكيد مو بجيبتي
طارق : فوت اندفس ما بتنفع ولا منك فايدة
فات وسكر الشباك
بقلبو : معقول تقي بشي حديقة ولا بالمطعم وين بدي ادور
عليك اخ منك تقي شو صاير معك والله انك ما بتستاهل الا
كل خير من وقت شفتك تبكي اعرفت انو الي جواتك قلب
ابيض مثل التلج .
١

الجزء الثامن
وقت جهجه الضو فتح عيونو غصب عنو مكسر تكسير من هالنومة ووقت لمح عامل النظافة دغري حمل جاكيتو وطلع يركض من الحديقة قبل حتى يلمحوا ومابيعرف لوين بدو يروح غسل من برادة مي قريبة من الحديقة وكمل تمشاية وكل انواع الخيبة مكتسحة ملامحوا وما لقى حالو الا قدام محل بريق لانو بيعرف طارق بيجي ياخد السيارة من بكير مافي شوي ولمح طارق لهيك ارتاح نفسيا
طارق : صباح الخير
تقي ؛ صباح النور
طارق : وينك انت اه
تقي : ليلة ومضت
طارق : فوت لقلك
تقي : بدي منك مصاري سوري
طارق : أديش بدك
تقي : جوى منتفاهم
فتح القبو ونزلو سوى
تقي : ليك خود هي مية
طارق : ليش
تقي : صرفلي اياها بس مابدي كل المصاري خليهن معك انا بسجل اول باول شو اخدت منك
طارق : خليهن معك يا زلمة وخود هي مصاري سوري
تقي : لك ما بحب هيك
طارق : مو حسنة والله بعدين بتعطيني بس تزبط امورك
تقي : يكتر خيرك
طارق : شو صار ع اساس تستسمح اهلك
تقي بغصة : ما......ما رضي بابا
طارق : وامك كمان
تقي بقهر : الظاهر ماحدا بدو اياني
طارق : انا عندي شقة فاضية روح ريح فيها
تقي : انت عم تحرجني طارق
طارق : انت مو بس رفيقي انت اخي صحيح انا وحيد بس ولا مرة حسيت اني وحيد انت وريان اخواتي
تقي : بس بتروح معي
طارق : يلا لكن خلينا نروح هلا بتشوف موقعها بجنن
تقي : وهي الك ولا
طارق : للعيلة بس مفاتيحها معي ورافض بابا نأجرها لانو مجهزة جديد
ارتاحت نفسيتو وحس انو الله عم يعوضو بدل الليلة الباردة الي مرت عليه.
🦋🌹🦋🌹
طلع مع طارق بسيارة التوزيع وبطريقهن للشقة الي عنجد بتجنن وبمنطقة راقية نزلو سوى وطلعو ع الدرج وهني يتناقشوا
تقي : انتو مخبيين كل هالارزاق
طارق : مو قصة تخباية بس مشان لا ينطمع فينا
تقي : اي الحق معك
فتح الباب وفاتو كانت بتجنن دغري شرع البرادي طارق وبينت اديشها شرحة
تقي : يا سلام شو هاد...
طارق : ريح فيها وخلي المفتاح معك وانا كليوم بزورك قبل اطلع للتوزيع
تقي : ع راسي والله بس متأكد ماحدا بيترددلها
طارق : لا طمن بالك بابا بزيارة اختو وبتعرف اخواتي لا طلعة ولا فوتة
تقي : بس بدي احاسبك واعطيك اجار
طارق : هلا انت اشتغل وبعدين منتفق
تقي : من اولها بدك تاخد اجار وغصب عنك
طارق : مارح نختلف طمنلي بالك
ريح بكون ساويت القهوة
ما ريح صار يتنقل بكل الشقة
تقي : والله المصاري بتعمل كلشي والي بيقول وسخ الدنيا بكون هو وسخ الدنيا مو المصاري
وتلقائيا اجت عبالو بريق
تقي : تتجوزيني بريق وتسكنيني عندك
واطلق ضحكة قهر
من المطبخ صوت طارق
طارق : شو جنيت حبيب
تقي : بدك تقول هيك شي
بقلبو : بدي احكي معك بريق والي بدو يصير يصير
🦋🌹🦋🌹
فتحت المحل كنت مالة لدرجة او بالأحرى شاغلة بالي ب تقي زيادة عن اللزوم يا ترى وين كان وليش اصلا مطرود من بيت اهلو وليش طارق مابدو يحكيلي ايه يسطفلو هني رفقات من زمان من وقت مونديال الحي بتزكر كان حارس المرمى تقي وطارق وريان المهاجمين وبوقتها صارو صحبة من الروح للروح
صبحت عليي رشا وبلشنا بالدوام وبس يخطر ع بالي خطبة هالمقوصة اضوج هي كل الوقت مستمتعة وغيرها كل الوقت تفكير وشغل ولا حدا حاسس فيني ايه لارتب كم شغلة احسن من هالقعدة
🦋🌹🦋🌹
عند باب البيت كان مرتاح كتير تقي وبنفس الوقت عليه حرارة بس مو حاسس ع حالو
تقي : بدك تتأخر بشغلك
طارق : بيني وبينك مسافر اجيب بضاعة بس مابدي حدا يدرى مشان العيلة
تقي : اي افهمت عليك ماحدا رح يدرى
طارق : يلا بخاطرك
تقي : الله معك ميسرة يارب
بس سكر الباب اتحمس
تقي : هي الاخبار النايس يعني اقل شي بدو تلت ايام ما بيرجع وخلاااااص بريق جاي احكي معك بس لأمن انو طارق مسك طريق السفر عنجد
رتب مكان القعدة وفات يشوف الغرفة الي رح ينام فيها وشعور بالراحة جواتو كبير
🌹🦋🌹🦋
بطريق السفر ماشي على مستوى موزع تاني لحتى يونسوا بعض ويستريحوا سوى الطريق مو كلو امان وليتسلى اتصل ب شهد وردت وصوت الاركيلة واضح جدا
طارق : بالهنا ريتو
شهد : وصلت انت
طارق : لبعد المغرب ما بوصل وازا استرحنا رح نتأخر كمان
شهد : شو رأيك ازور عند اهلي
طارق : عادي امني ع البيت وروحي وقبل ارجع بخبرك
شهد : لكن لاتصل أخبر حسام
طارق : قبل حسام ما اشتقتيلي
شهد : يوه شو هالحكي طارق صار عنا ولاد وعم تحكيني هيك
طارق : ما عم تشبعي رغباتي شهد بدي اهتمام جاي عبالي ارجع تستقبليني بالحكي الحلو يا ستي اضحكي عليي نحن لرجال ريالتنا شاطة اساليني تعبان جوعان موجوع احكيلي سلامتك اشتقتلك بدي اياك لو بتكوني عم تكزبي بس رح تحسسيني بقيمة حالي شهد انا مو ختيار لسى ما طبقت التلاتين وطفيتي ومن جواتي حماس الرجل
شهد : هيك الله خلقني

طارق : لا هاد مجهود شخصي انا بتفهمك شهد وبعرف انك اربيتي ببيئة محافظة لابعد الحدود ولا شايفة تلفزيون بحياتك ومو واصلة للصف الرابع بس خلص لازم تفتحتي النا خمس سنين متجوزين ولليوم بحس انك مجبورة عليي
شهد تبكي : قلتلك مافيني انت بتعرف ليش عم تغشم حالك
طارق : هاد مو ذنبي شهد
شهد : ما عم اتقبل هالموضوع والله
طارق : ترى جوازتي مو مطولة
شهد : بدك تكسر خاطري بدك تشمت بريق ومنى فيني
طارق :....
فصل الخط وزاد بالسرعة
🦋🌹🦋🌹
اتصلت بامها وهي تبكي
ام حسام : يوه شبكي حبيبتي
شهد : طارق بدو يتجوز عليي
ام حسام : هي امو واخواتو حرضنو عليكي
شهد : مرت عمي منيحة بس بريق ومنى متأكدة
ام حسام : انا بفرجيهن لا تبكي ولا تقهري حالك
شهد : بدي ازور عندك ليرجع طارق من حلب
ام حسام : اهلا وسهلا تعي وبتغيري جو
جهزت لولاد وراحت أعطت المفتاح لمرت عمها واجى حسام واخدها هي ولولاد
🦋🦋🌹🌹
كان بالمطعم وبغرفة تبديل الملابس مشتري قميص زيتي وبنطلون اسود بيجنن لانو الشقة بعيدة عن المطعم والحي
ريان : شو للحفل اليوم
تقي : ما افهمت
ريان : لشو لتياب
تقي : ازا بضل بنفس تيابي يومين بحس حالي اجرب
ريان : لا تحكيلي بعرفك مهفهف وعطول ريحة بارفانك سابقيتك بس ليش مشتري تياب ما عم افهم
استوعب انو ريان مو دريان بلي صاير معو
تقي : حبيت اغير موديل
ريان : بدك تشتغل فيهن
تقي : اكيد لا بالاول بدي احكي مع معلمي
تركوا وفات لعند مطاوع الي بمكالمة اكيد غرامية حسب خبرة تقي خجل مطاوع من وراه مرأة
مطاوع : لحظة شوي مدام....اي تقي
تقي : اسف ...بس بدي اخد اجازة ساعية
مطاوع : لا بقى تجلي بدي اشوفك المسا جاهز للحفل من هلا بتعتبر حالك مطرب خاص بالمطعم وكل خميس الك سكرة
تقي : يعني تغير دوامي
مطاوع : بتيجي تمانية وتمانية ونص بتبلش الحفلة
تقي : طيب شكراً الك
وهيك راح وهو مطمن فات للغرفة ولبس البنطلون ولحزام ولبس القميص هالمرة بدون قميص داخلي وراح لعند ريان كان ضابب قسم من القميص وقسم مخليه
تقي : شو رايك ريان هيك احلى لا هيك
ريان : والله هيك وهيك او قلك انت بيلبقلك كلشي
تقي : بالمناسبة صار دوامي بالليل
ريان : بدي اعزم خطيبتي ع المطعم مشان تنطرب معي
تقي : وصيني
ريان : بأمان الله ناطرك ها
تقي : ولايهمك
نزل القميص وحط الجزدان بجيبتو وانطلق للحي وتحديداً لمحل بريق
🌹🦋🌹🦋

كانت رشا عم ترتب الغرفة واجت حاملة قميص ابيض
رشا : بريق لمين هالقميص
بريق : والله مابعرف يمكن ل طارق
رشا : معقول...شو بيعمل بغرفتك
بريق : شو قصدك
رشا : انا حاسستو ل تقي
بريق : شبعرفني لمين حطيه بشي شنتة وبعدها بعطيه ل طارق
رشا : احم...اي يعني شو الو داعي يشلحو بغرفتك
بريق : لا عنجد زودتيها
رشا : هههه خلص خلص لا تعصبي
نفخت كل نفسي ولتكمل معي فات تقي للمحل وصار نفسي صعب كتير شوفة هالزلمة بتوترني
تقي : سلام
بريق : وعليكم السلام
تقي : كيفك بريق
بريق : الحمد لله
تقي : كأنو لازم نحكي
بريق : عفوا ليش لازم
تقي : اقل من عشر دقايق
بريق : اتفضل عم بسمعك
تقي : مارح اخد راحتي سدءيني بدي احكي معك بدون حدا يقاطعني
بريق : سدءني
تقي : ولو بدي اترجاكي يعني ما عجبك الموضوع دغري انسحبي
بريق : شو رايك بيوم تاني
تقي : لا ابدا وما رح أخطي خطوة بدونك
شفت رشا مبتسمة وقبل انطق
تقي : ديري بالك ع المحل بغيابها اي
رشا : هههه اي ماشي
غصب عني اوقفت اخدت بس موبايلي هو سبقني واتحلفتلها واطلعت وراه سكرت الباب وامشينا بنفس المستوى اللبست نظارات على عيوني
بريق : مابعرف شو الغاية
تقي : المهم نحكي بعدها اعترضي اد ما بدك
كان جواتي ضجيج غير طبيعي وحسيت اني معجبة فيه غصب عني اليوم مبين كلو هيبة وجاذبية فوقها بعدنا عن الحي كتير
بريق : لوين اخدني
تقي : مارح اخطفك بس مشان تاخدي راحتك بالمكان
فتنا للمحل اي مليان عالم ما بعرفها ومع هيك ما ارتحت بعدلي الكرسي وزاد خجلي شو هالحركات هي قعدت وهو قعد قبالي وخفق قلبي وقت استوعبت اني انا وتقي لحالنا هون بلشت التفت حواليي
🌹🦋🌹🦋
بقلبو : يا ارض احفظي ما عليكي شو هالجاذبية لك بريق والله اسمك لحالو بيلمع
تقي : ليش خايفة بريق
بريق : متوترة كمان
تقي : اوف شو عم نغلط
بريق : شو برأيك انت
تقي : عم نتعرف
بريق : بتسمي قعدتنا هون تعارف
تقي : لا تخافي طارق مسافر
بريق : لك مو بس من طارق حتى من حالي بخجل شبك انت
تقي : طيب بتسمحيلي اعبرلك عن اعجابي الشديد بشخصيتك باسمك وفيكي
فجأة حس على توترها وصارت تتطلع حواليها
تقي : بريق ما بدها كل هالخجل والتوتر انا رايدك بالحلال ورح اطلبك بشكل رسمي بس لوقتها بدي نحكي لو كليوم كم كلمة

بريق : يعني مافي مجال تنطر ليصير شي رسمي
تقي : اقل شي اامن حالي يعني شهر زمان بالكتير بكون بأيدك وايدي محبس يشهد على ارتباطنا
بريق : يعني مادياتك
تقي : سيئة لابعد الحدود انا كتير من جوى حزين ومقهور وحتى وحيد
بريق : ...
تقي : انا محتاج بس حدا يحن عليي بس
بريق : ...
تقي : انا مقدر خجلك وزاد اعجابي فيكي
طلب تنين عصير فرش وبقي يتأمل كل شقفة فيها
بريق : ما حكيتلي ليش كنت نايم بالمحل
تقي : رح احكيلك اكيد بالوقت المناسب
{‏كلما ضَحِكتي لي
تتسِع مسامات قلبي
تتنفَس رئتاي
بطريقة مُغايرة
تُصبح روحي خفيفة
كنسمَة بارِدة
في أيامٍ صيفية }
#مقتبس من قناة «آثر 🦋»
🦋🌹🦋🌹
وعند طارق وصل هلكان وخدران نزل مع وسيم
طارق : مشوار يا زلمة
وسيم : وين ناوي تنزل بأوتيل ورد
طارق : لا اخر مرة طلعلي صرصور اقرفت
وسيم : ههههه متل البنات انت
طارق : حبيبي لقيتو بشعراتي مستقر
وسيم : هههه انا مواعد صاحبيتي
طارق باهتمام : صاحبيتك صاحبيتك
وسيم : جوزها مسافر وبدي ابات الليلة عندها
طارق : يا ابن الحرام مدبر حالك
وسيم : هديك المرة كان لهيك ما زرتها
طارق : لك ما بتخاف
وسيم : اديش بتتوقع عمرها
طارق : تلاتين
وسيم : هههه قصدك ٤٤
طارق : ريتو ام٤٤ تقرصك لك مالها أهل
وسيم : هههه مقبورين وولادها متجوزين
طارق : كش بدني منك ومنها الله يفضحها ويفضحك
وسيم : هههه بعدين ادعي بس ارجع للشام
طارق : دوبك تلحق
وسيم : ناطر منها مسج
طارق : رايح ارتاح الله يغضب عليك
تركوا فرطان من الضحك دبر غرفة بالزور بس فكرو وعقلو عند وسيم والي حكاه شي ما بيتصدق
طارق : يا حبيبي بعد منسمع شو بينقصك طارق ما يكون عندك صاحبة استغفر الله العظيم شيل الفكرة من راسك طارق انت عندك اخوات بنات الله يلعن ابو الشيطان
🌹🦋🌹🦋
كانت منى عم تتجهز رغم اني التقيت ب تقي بس طبيعة علاقتها ب ريان خلتني اغار وكيف هو قاعد مع ماما ناطر حضرتها تتجهز
منى : حلو بريق
بريق : اي لابقلك الخمري
منى : كان بدي اعزمك
بريق : لا يوه شو علاقتي انتو مخطوبين وما حلوة اخرب عليكن
منى : عقبالك اي وتنعزمي واتفرج عليكي وانتي تتجهزي
بريق : ايمتى دخلك
منى : هانت ولووو الا ما تنخطبي
بريق : يعني في امل
منى : ورح تكوني احلى عروس
اطلعت سلمت على ريان الي عم يتساير مع ماما وكأنها امو وماما لو طارق ما بتضحكلو هيك طنشت كل المشاعر واول ما طلت منى صفرلها باعجاب وهي دابت من خجلها وماما فرحت فيهن كتير
ريان : جاهزة حبيبتي
منى : اي جاهزة
ام طارق : ع العشرة بتكون هون ماشي
ريان : ولايهمك مرت عمي
اجت عيني على ايدو الي شبكها بايدها وشد عليها واتطلعوا ببعض وعيونهم عم يحكوا هيك حسيت
ريان : يلا بخاطركن
منى : باي
ودعونا واطلعت للبلكون اتفرج عليهن وهني رايحين وبسيارة طارق كمان ايه العز للزر وبريق شنقت حالها كانت نار جواتي بس مابعرف شو سببها او مابدي اعترف اني غيرانة ومكترة ليش ما انخطبت قبلها والله ولا مرة غرت من اختي بس بس انا محتاجة هيك اهتمام وتحديداً هيك مسكة ايد ونظرات اعجاب
من قهري فتت لانام ودموعي كرجوا اول ما اتأكدت اني وحيدة .
🦋🌹🦋🌹
الجزء التاسع
بالمطعم لساتو تقي بكامل اناقتو وماسك الميكرفون وصوتو عم يطرب الجميع الي عم يتمايل والي عم يرقص ومنى وريان من ضمن الجمهور « ما وعدتك بنجوم الليل»
كان مبسوط وكانو شايف بريق بكل الموجودين عم يغنيلا وبس وبرى المطعم غصب عنو اتقدم ابو تقي لانو ما عم يسدء كلام صهرو فات من المدخل رغم انو بس موسيقي اتنقل بنظرو ع كل الموجودين البنات « كاسيات عاريات » متل ما وصفهن الاسلام ولمح تقي عم يعطي التعليمات للفرقة الموسيقية
الجرسون : اتفضل في طاولات كمان
ما رد عليه القى اخر نظرة وطلع من المطعم وشايف ابنو كانو بين شياطين مو بشر وكأنو رمى حالو بالتهلكة بسبب طريق الفن والغناء
وصل للبيت تعبان والخيبة مكتسحة ملامحوا
ام تقي : وين كنت طولت كتير
ابو تقي : رحت اشوف الي ما بيتسمى الولد ضاع غرتو الحياة الدنيا
ام تقي : شفتو
ابو تقي : وياريتني ما شفتو نساء عاريات وكاسات الخمر بكل مكان الولد ضاع
ام تقي تبكي : الله يهديه يارب
ابو تقي : حسبي الله ونعم الوكيل ب طارق وريان هني سبب ضلال الولد
تقي لا ابني ولا بعرفوا حط راسي بالارض صرت اخجل افوت الجامع بسبب الي عم يعملوا
ما قدرت تواسيه لو ب كلمة بس دموعها عم يكرجوا
🌹🦋🌹🦋
ريان اصر يوصل تقي معو للحارة ومنى قاعدة بالمقعد الخلفي وخجلانة كتير
بس تقي مابدو يرجع للحارة و اضطر يطلع اغلب الوقت حكي واعجاب بالحفل الي اقاموا تقي وصل للحارة ومشى بطريق بيت اهلو وقف تكسي وراح للشقة مل من حكي الشوفير عن الغلا والبينزين وبلش يحس بقيمة النعمة الي رح يعيشها بسبب جمال صوتوا حاسب الشوفير وطلع للشقة فتح بالمفتاح سكر وفات للحمام عمل دوش ولبس شورت النار عم تنفذ من جسموا ومن نفسو بالتحديد وارتمى على الكنباية ب تعب وراحت فيه نومة متجاهل المرض الي هاجموا بسبب نومة الحديقة .