الجزء السابع والعشرين
‏_.lovestories ‏116
الصبح منتنشط راح للشغل
بعتلها
وليد:يسعدلي صباحك يا قمر نمت من تعبي منحكي بس ارجع من شغلي
اماني:ناطرتك
وليد:انطريني وبحبك
......
ع لفطور
حماتي:مامنعرف وصل وليد
نور:فاتح نت مبارح
حماتي:حكى معك
اماني:بعت مبارح
حماتي:وما خبرتينا
اماني:..
حماتي:انسينا انو الك لحالك لا تواخذينا
عمي:اتركيها بحالها
حماتي:ليش هيك شكلك مو نايمة
اماني:..
نور:اي والله منظرك بيخوف
دغري اوقفت ورحت للغرفة اتامل بشاعتي
اماني:ما عشتو شعور سيء متلي بكرهكن كلكن كلكن اشتغل بس ما اتغدا وما ادقر اي اكلة مابدي الا يتصل وليد ونحكي ما ازعجتو وهو بعتلي
وليد:بتحمم ومنحكي
ارتاحت نفسيتي كتير
واستغربت اتصل فيني فيديو فتحت خط بس ما بينت حالي
وليد :وينك
اماني: كيفك
وليد:بدي اشوفك
اماني:مو مجهزة حالي
وليد:متل ما انتي
اماني:تعبانة شوي
وليد: متصل اشوفك يلا
اماني:بس اليوم لا
وليد:شوفي اليوم
اماني:يعني تعبانة كتير وهيك
وليد:شو انا غشيم عنك وبعدين مافي داعي حتى تمشطي بحبك متل ما انتي
اماني:اي بعرف وانا كمان بحبك
وليد:طمنتي اهلي
اماني:ليش ما حكيتهم
وليد:كنت مستعجل
اماني:وانا ما خبرتهن الا الصبح
وليد:المهم دريو شوبدك اجيبلك معي
اماني:مبارح رحت
وليد:لك خليني اتامل وليه
اماني:ولا شي الا انت
وليد:انا موجود بس شي تاني
اماني:بس انت ومابدي غيرك
وليد:اهتمي بحالك اي
اماني:ولايهمك حبيبي
وليد:انا مشتتاق والله
اماني:وانا كمان
وليد:مشتاق ابوسك
اماني:..
وليد:وانتي شو وضعك
اماني:شو هالحكي وليد
وليد:ليكنا متجوزين شو عم نغلط مثلا
اماني:لك
وليد:لكن شو بدك احكي معك قبل انام
اماني:شو عامل
وليد:هههه متخيلك جنبي بلا فرجيني وشك اتنعم فيه
اماني: خايف ينقطع ضناك
وليد:ليش بقى
اماني:انا خايفة من شكلي وهون اهلك خايفين مني
وليد:يا لطيف لهدرجة
اماني:اي واكتر
وليد:بلشنا حملة التطفيش
اماني:لو كليوم بحلى ما بوصل لجمالك
وليد:انا بشوفك احلى صبية بالعالم
اماني:اي تسلملي
وليد:اماني بدك نحكي بالرسمي بفصل الخط ها
اماني:شو احكي
وايد تجاوبي معي انا مشتاقلك
واماني:انا مكتئبة وليد
وليد:وانا بكتئب بس تحكيني هيك
اماني:اليوم لا بكرى منحكي متل مابتحب واكتر
وليد:اي شو اتغديتي انتي
اماني:...
وليد:ما اكلتي
اماني:لا
وليد:ليش
اماني:ما حبيت الاكل بدونك
وليد:وانشالله بلا اكل من مبارح
اماني:اكلت ع لفطور كم لقمة
وليد:انا عايش وبتغدا وبتعشى ومبسوط لا تهملي حالك وصحتك مشاني
اماني:مو بس مشانك مافي نفس والله
وليد:هاد مو وضع اماني
اماني:مو بايدي
وليد:شو اعملك انتي قولي
هرو دموعي
اماني:خدني لعندك
وليد:لا تبكي خلص
اماني:انا ما الي غيرك انت وبس اي
‏_.lovestories ‏117
وليد:طيب شوي ومنحكي
......
مسح دموعو صوتها اثر فيه وهو بيعرف كيف بتكتئب اتزكر وقت كانو بالضيعة كيف اتغيرت واهملت حالها بسببو وانو هو عايش مبسوط ومن شوي شال العشى وعم يشرب عصير ومرتاح بقلمي مايا الحجازي
بقلبو:ياريت اجيبك لعندي ياريت
بعتلا:كنت بالحمام
اماني:اي شو عامل
صورلها العصير والدخان
اماني:بالهنا حبيبي
وليد:انتي كمان طالعي شوكلاتة وكلي
اماني:لا بتحسس منو
وليد:عادي لا تضلي بدون ما تتسلي يلا
اماني:انت لا تشيل همي بنوب
وليد:ما بقبل اعيش وانبسط وانتي لا
اماني:مبسوط
وليد:لا ع فراقك مشتحيل انبسط بس مساير الوضع
اماني:..
وليد:الحياة ما بتوقف عند حدث وبدها تستمر بكيفنا او غصب لهيك عيشي وطنشي
اماني:انشالله
وليد:وراح يوم من الفراق وبكرى دغري بيمر الوقت بسهولة
اماني:ياريت
وليد:صارحيني
اماني:بشو
وليد:عم تبكي مو
اماني:مو كتير بس عم اطلع بالغرفة كلشي فيها بزكرني فيك
وليد:خلص لا تتزكري شي انسي
لماني:طيب انا بدي انام
وليد:هيك
امامي:...
وليد:مافي حبيبي قلبي روحي
اماني:بدك شي
وليد:سلامتك
اماني تصبح ع خير
وليد:وانتي من اهلو
فتح على صورها ومقهور لانها وحيدة بدونو
......
تاني يوم ناطرة يحكيني يعني بارقة الامل الوحيدة مكالمتو زبطت حالي نزلت غرة واتمكيجت ووقت اتصل فردت خلقتي بس فتحت الكاميرا ابتسامتو اثرت فيني
وايد:اي ها شو هالوش الحلو اه
اماني:مو احلى منك
وليد:يا امييي اشتقت والله
اماني: وانا اشتقت حبيبي
وليد: لشو
اماني: ابوسك
وليد:بس
اماني:اشتقت لكلشي فيك
وليد:وانا ولهان عليكي وين البوسة بتكون
اماني:ههه انت وين حابها
وليد:على تمك
اماني:وانا هيك بحبها
وليد:يا امييي شو طيبة
اماني:شو عامل
وليد:مسحور فيكي
اماني:وغيرو
وليد مجنون فيكي
اماني:شو اتغديت
وليد:شوفتك نستني العالم كلو
اماني:ههه وانا هيك
وليد:كيف الوضع عندك
اماني:متل ما بدك

وليد:ومنيحين معك
اماني:اي انا بحالي بشتغل وبرجع ل غرفتي بتسلى
وليد:اي احسن
اماني:لك شو عامل فيني لحتى هيك بحبك
وليد:وانتي مو عاملة فيني
اماني:بس انا بحبك اكتر
وليد:شو الدليل
اماني:هيك بحس
وليد:مو مهم المقدار المهم اديش يدوم الحب
اماني:لحتى اموت
وليد:بعيد الشر يا روحي
اماني:حلوة انا
وليد:بتجنني بتطيري العقل
اماني:تسلملي
وليد:اماني
اماني:عيونها
وليد:سامحيني اي
اماني:ليش
وليد:على كم فصل ناقص وكم كلمة جارحة
اماني:هههه يعني حاسس
وليد:اي ومقهور من حالي هيك قلب رقيق يتعامل والله حرام
اماني:انا بكره هداك اليوم
وليد:غصب عني والله
اماني:المهم انو انت راجع وليد العشقان
وليد:بعشقكك والله

‏_.lovestories ‏118
يوميا اتصالات محادثات كلها حب وغرام وحكي طالع نازل مني ومنو كنت اكتبلو بكل جرأة هو هيك بدو ومرة شفت حماتي ماسكة موبايلي ومو عاجبها
اماني:مرت عمي
حماتي:خير
اماني هاد موبايلي
حماتي:عم اذوف شو بتحكي لابني
رمتو من ايدها
حماتي:وانا اسال حالي شو معلقو فيها اتاريكي خفيفة كتير
اخدتو انحرجت منها ومسحت المحادثة كلها
اتصل ورديت عليه
وليد:مع مين بتحكي
اماني: ولا مع حدا
وليد:وليش فاتحة
اماني:كان مع حماتي
وليد:شو الها شغل فيه
اماني:شافت كلشي منحكيه
وليد:ههههه عادي
اماني:لا مو عادي بنوب
وليد:عادي هيك كل المتجوزين بيحكو والا كيف بدي اصبر لاخر السفرة
اماني:بس انا محرجة منها
وليد:هي بدها تستحي منك مو العكس
اماني:لك انت بتعرف شو مخبصة معك
وليد:هههه شو فيها انا هيك بحبك اكتر
اماني:لك نيالك
وليد:شو بدك انتي خلص اي اشتقتيلي
اماني:ماني رايقة للحكي
وليد:ههه
صار يبعت صور وانا امسح كلشي اول باول وغضب عني اتجاوب معو بس مابقى خليت ولا شي بمحادثتنا
......
بالسوق يتفتل ما خلى هدية وردة حمرا دبدوب بكلات كلشي يستحليه يجيبو ويرتبو بالشنتة شالات وبواط يشتريلها اول باول ماعدا الاكلات الطيبة ويوميا مكالمات العشق والحب بيناتهن وكل اول شهر يبعتلا مصروف ماعدا مصروف لاهلو ويفهم امو انهن لاماني هالشي استفز امو كتير والي متأكدة منو هي بتطلب منو وهي بنظرها اماني مو ناقصها شي بنوب ومو قدرانة ما تعطيها المصاري
......
طبعا وصلت الحوالة مع رفيقو ومن قبل بيوم مفهمها مليونين لاماني دقت الباب عليها واعطتها اياهن ورجعت لعند انعام
انعام: اوف مصروفها مليونين مو هداك الشهر كمان بعتلا
نوال:اي
انعام:وين بتروح فيه شفتيها اشترت شي جديد
نوال:لا
انعام:والله مانها قليلة يا مرت عمي امشيتو ع الصراط
نوال:خلص انعام حلي عني شو مشان روحة الدكتورة
انعام:انا جاهزة بكرى
نوال:رح يبين شو فيكي
انعام:انشالله صبي يارب
نوال:الي بيجي من الله يا محلاه المهم الخلقة التامة

بقلبها:لو مع اماني ولد او حامل شو رح يبعتلا والله حظها مابعدو حظ انا قضيت عمري عايشة اول باول واقضي نص الشهر بلا مصروف واحرم اولادي كلشي رح يموتني هالولد مهتم فيها كتير كتير

......
تاني يوم رحت اشتريت خاتم دهب وكان تقيل كتير بس ما خبرت وليد بنوب يوميا نحكي صوت وصورة او مكالمة شو انو ازعر اشتقتلو كتير قضيت يومي ببيت خالي اتغديت عندهن ورجعني بالسيارة وهنيك فتت لاشوف حماتي قاعدة وحزنانة وانعام عيونها بلون الدم وعم تبكي وسناء معهن ونور معصب اماني:خير شوفي
نور:مو شغلك انتي
اماني:حدا صايرلو شي
حماتي:ضبي حالك بغرفتك
‏_.lovestories ‏119
فتت بس ما اجاني قعود بدون ما اعرف شي شفت سناء راحت للمطبخ واللحقتها
اماني:سناء شو صاير
سناء:انعام بدها تنزل
اماني:كيف
سناء:الجنين مشوه ولازمها إجهاض
ازعلت كتير
سناء :وكل هالبكي لانو صبي
رحت للغرفة ياسانة والا احكي لوليد
وليد:كيف مشوه
اماني:مابعرف
وليد:بعوض الله
اماني:بس هي يا حرام تعبانة
وليد:يعني نصيبها
اماني:لك وحتى نور زعلان
وليد هيك بدنا نقضيها
اماني احكي مع اخوك واسيه
وليد بكرة مو اليوم شو عاملة حبيبة قلبي
اماني:لك وليد مو زعلان انت
وليد:وازعلت شو بغير من الي صاير
اماني: انا مافيني احكي وانبسط وغيري عايش مأساة
وليد:طيب يوم سافرت كلهن اتعاطفو معك
اماني:...
وليد :نادولك تتغدي
اماني:..
وليد:حدا دق بابك وواساكي
اماني:...
وليد:هيك عاملي الناس لا تضلي الحلقة الضعيفة كوني واثقة لازم ما تضلي بهيك قلب طيب العين بالعين والسن بالسن
اماني ....
وليد:نحن بدنا نعامل متل ما منتعامل وشوفي النتيجة
اماني:...
وليد:بس تروقي منحكي يلا سلام
كنت معو بهالنظرية بس مافيني اعامل متل ما بيحكي هو وتاني يوم راحت انعام للمشفى لترجع كتير تعبانة وزيارة اهلها مع ابوها سببتلي حبس جوات البيت بس كنت اطلع للجلي والطبخ والتعزيل وانفرد ب غرفتي ناطرة يرجع وليد على احر من الجمر بيشيل عني كتف بيكون الي محامي دفاع انا ما بشاركهن لا السهرة ولا اي شي منبوذة بيناتهن وليد قرر يرجع بس مابدو اهلو يعرفو مع اني اترجيتو

اماني:خبرهن مابصير امك بتدعيلك
وليد:لا مابدي المهم حبيبتي بتعرف
اماني:يا وليد مو حلوة
وليد:حلوة ونص انا مشتقلك ومابهمني من الناطرين غيرك
اماني:متل مابدك
مبسوطة كتير وطبعا تاني يوم جاهزة وناطرة على نار وبس فتح خطو اعرفت انو صار جوى البلد اقل من ساعة الباب اندق وراح نور يفتح
نور:لك وليد...شو هالمفاجئة بقلمي مايا الحجازي
سلم عليه وفات وانا لسى واقفة بعيد وحماتي انبسطت كتير غمرتو وهلا سلم على سناء وانا اخجلت مديت ايدي والا هو يغمرني نزلت راسي بخجل بجية عمي وسلم عليه
عمي:شو هالمفاجئة نورت البلد
انعام:الحمد الله ع سلامتك
وليد:الله يسلمك
حماتي:ليش ما خبرتنا
وليد:هيك احسن
حماتي:اماني بتعرف
وليد:ليش
حماتي:هيك احساسي بيقول
وليد:بدنا نضل هون
نور اتفضل اهلا وسهلا
حط الشناتي بالغرفة وراح للحمام
انا خجلانة من اي حركة بيعملها وليد رحت للمطبخ اجهز القهوة وقت شفتو فايت للمطبخ كل الدنيا ضحكتلي والا يغمرني من جديد
وليد:لك ليش سالتة هيك
اماني:...
وليد:يا عمري وخجلانة كمان
اماني: وليد بترجاك نحن مو لحالنا
وليد: ميت عليكي يا امييي مابدو يجي الليل بقى
اماني:هسس بربك خلص
‏_.lovestories ‏120
وليد:انا جوعان كتير
اماني:انا شايليتك من المقلوبة
وليد:الاحسن اتغدا بالاول
حطيتلو غدا الشي الي اكد لحماتي انو انا بعرف بجية وليد تتزوارني يمين شمال اتغدا وضبيت الاكل وعملت القهوة ورحت شاركتهن القعدة بعدلي لقعدت حدو والا يبتسملي ابتسامة خاصة
نور:كيف شغلك
وليد:منيح
حماتي:يعني اتوفقت
وليد:الحمدالله
عمي: والا كيف يبعتلنا كل شهر
حماتي:الله يرزقك اكتر واكتر
وليد :النفسية وقت تكون مرتاحة الواحد بيشتغل ما بهمو شي
بعد القهوة دغري اعتذر
وليد:انا كتير تعبان بالازن
عمي خود راحتك
الحقتو متوترة كتير واقف عندالباب لحتى فتت وهو سكرو وقفلو كمان وانا ما استحملت الشوق كان اكبر من كلشي غمرتو وبستو
وليد:يا اميييي دبحتيني والله
اماني:اشتقتلك كتير
وليد:شو احكي انا اااوف بس مو مسدء انك بحضني
اماني:كانك مكتر شناتي
وليد:بدك الهدية ولا بدك اياني
اماني:بدي اياك
وليد:ههه يسعد دينك وانا بدي اياكي وبس يفنى العالم كلو من بعدك
........
ساعة بس وهني متمددين وعلى بوسات وغمرات وعضات
وليد:شو هاد حليانة ع غيابي
اماني:متل ما انت حليان ع غيابي
وليد:انا كنت عشقان
اماني:شو
وليد:والله
اماني وانا
وليد:عشقانك يا جدبة
اماني:فكرت
ضربتو ع صدرو ومثل انو موجوع
اماني:وجعتك
وليد:متت والله
اماني:امانة ما كان قصدي
وليد:هههه متت ع غيابك يا قلبي
اماني:حبيبي انت
وليد:يا امييي شو حلوة هالكلمة
اماني:لك طولنا
وليد:هههه شو الهن عنا
اماني:اكيد بدهن نسهر معهن
وليد: انسي لكن انا بسهر مع الي مشتاقلي اكتر
اماني: وهني كمان
وليد مو اكتر منك متاكد
اماني:مبين عليي
وليد:ههه بحبك اخ بس
اتجلس ورتب شعراتو
اماني:وين
وليد:بدي افضي الشناتي
فتحهن وكان يرمي ع التخت تياب شي مو معقول وكانو رح ينقرضو الاواعي
اماني:لمين هدول
وليد الي والك
اماني:كتير
وليد:لا مو كتير
وهلا هدايا كتيرة شموع ملونة وورد وشنتة مكياج كاملة مابقى مكان ع التخت بنوب
اماني:وليد وين بدي اروح بكل هاد
وليد:بيترتب بس بدو وقت
اماني:لشو كل هاد
وليد:النا لشو بلا
اماني:...
وطالع هدايا لاهلو بس كل واحد كيس صغير بس سناء حصتها كبيرة وانعام ولاشي
اماني:جايب شي لانعام
وليد:لا
اماني:ليش
وليد:شو بدي فيها انا بجيب لاخواتي ولاهلي
اماني:بس ما بصير حرام هي نفس وبتشتهي
وليد:...
اماني:رح اعطيها علبة بارفان
وليد:براحتك حبيبتي اعطيها بس هدول لتلات خاصات الك
اماني:بعطيها من هدول
وليد:مو مشكلة
اماني:وكمان شالة
وليد:شو رايك تعطيها تختار
اماني لا بس رح تفرح فيهن
وليد:اي اعملي الي بدك اياه بس انا جبتهن لاشوفك لابسيتهن
اماني بس هي خلص
‏_.lovestories ‏121
طالع هو الهدايا كلمات الشكر كتيرة بالاخص من نور وسناء وشفت انعام مبسوطة لو شالة وعلبة عطر واتشكرتو كتير
وطبعا الاكلات الطيبة اعطى للكل منهن وانا مو هاممني شي الا وليد بعد الساعة عشرة وليد سكرو عيونو
حماتي: فوت نام حبيبي انت تعبان
حاول يفتح ودغري وقف
وليد: تصبحو ع خير يا جماعة
ودعناهن وفتنا للغرفة بس اتاريه بيصحصح بالغرفة وكل شوي يضحك بصوت عالي على جناني وانا اسكرلو تمو
اماني: وليد ساويت حالك ميت نعس
وليد:طارت الناعوسة
اماني:بفكروك بتكزب
وليد:ضحكتيني وليه
واماني:فضحتنا انت
وليد:ههه لك من كل عقلك بدي انام
اماني:اي نام يلا شطور
وليد والله لو بتشربيني منوم ما بنام
اماني:هههه خلص فضحتنا
وهلا فرط ضحك من جديد مو طبيعي الزلمة
وليد:ياربي انا الله بلااني بجدبة

.......
من برى نور اتطلع ب انعام و اتنهد
ابو النور :ههههه
نور:ع اساس نعسان
ابو النور:اتحجج وخير ما عمل
انعام:بس ياترى شو بضحك بهيك وقت
نوال:يسطفلو بس كانت بتعرف
ابو النور:اي بدو يخبرها مرتو
نوال:...
تركتهن وراحت لتنام وسامعة صوت حكي وضحك من غرفة ابنها ومقهورة ما نامت كانت ناطرة الكل ينام بدها تعرف شو بيحكو وع شو بيضحكو هدي الجو بعد الساعة ١٢ ولساتهن عم يحكو
بقلبها:لعمى ما شبعو حكي
حطت ادنها لتسمع
وليد:لو بشوف كل نسوان الدنيا ما بعبو عيني انت وبس حبيبتي
اماني:بس
وليد:وما حدا بيسكن هالقلب غيرك انت الاصل والاساس انا مو مسدء انك بحضني

اماني:وانا من فرحتي مابدي انام
وليد:ولا انا يعني نومتي مبارح متل نومتي اليوم
اماني:شو ازعر يعني شو اتغير
وليد:...
ما سمعت بس فرطو ضحك سوى
اماني:يا ويلي بدك اخلاقية انت
وليد:يا اميي ربيني امانة
اماني:حليان وصاير عسل انت
وليد:...
اماني:هات بوسة بس ليك ممنوع تغدر
وليد:ههه بحاول يلا هاتي
غمضت وراحت للغرفة مقعورة وغيرانة لاول مرة بتجرب شعور الغيرة على ابنها
..........
صلينا الفجر وحطينا راسنا ونمنا الصبح جهزت فطور ملكي كرمال وليد ونقاش ومزح وضحك والا يطلب هو غدا كليوم نطلع ونتمشى قبل لغروب ماسكين ايدين بعض وعلى حكي وصراحة ويداوم بالجامعة لحالو لاني مو موفقة بين الدراسة والشغل وكل سنة بحكي هالسنة وعالفاضي وكالعادة منروح لنام ومنسجمين وفجاة حكالي هس
سكتت واتجلست معو لنشوف ظل جنب الباب
اخد نفس وراح بتسلل وقت فتح انصدمت حماتي فيه وهو مصدوم
حماتي:اجيت...اجيت لحتى اسالك
وليد:اسالي بقلمي مايا الحجازي
حماتي:معك رقم كنان
اطلع بالساعة
وليد:كنان بهيك وقت ماما
حماتي:لا بس ازا نازل للضيعة بدي ابعت معو كم شغلة
وليد:كنان من مبارح بالضيعة بس بلال بكرى متيسر
حماتي:اي لكن ببعت معو
وليد:فوتي

الجزء الثامن والعشرين
‏_.lovestories ‏122
حماتي:اه لا كملو
وليد:شو بدنا نكمل اماني اعملينا قهوة
اماني:..
اللبست القميص دغري ولفيت الشالة واطلعت من الغرفة ومو مستوعبة امو كيف صغران عقلها
......
وليد:مو اول مرة
نوال:...
وليد وعطول بسمع خطوات بس بقول عادي بتهون
نوال:..
وليد:مع انو نور اتجوز ما شفتك عملتي فيه هيك
نوال:ما كان عشقان هيك
وليد:بدك تعرفي كيف بكون معها
نوال لا لا
وليد:اي مستحيل تتوقعي كيف بكون مع مرتي ولو اعرفتي مارح تتقبلي كمان
نوال:استحي
وليد:ماما انا مصدوم فيكن
نوال:خلص بقى زودتها
وليد:فوق العيب حرام تتجسسي علينا
نوال:خلص اسفة
وليد:لا ما تعتذري ابدا بس هيك تصرف منك ما بيليق فيكي انتي المثل الاعلى الي والقدوة كمان
نوال:ماجربت شعور تربي ابنك ويروح لغيرك
وليد:هي سنة الكون
نوال: بس لازم ما احرجتني قدام مرتك
وليد:....
بجية اماني ضيفتهن وقعدت حد وليد وهلا اتمايزت كيف لابقين لبعض ابتسمو كمان

........
ما نام ضل يتقلب وانا حاسة عليه
اماني :موجاييك نوم
وليد:لا مصدوم
اماني: خلص عادي
وليد:انا قبل احكي معك اي كلمة بحسب حساب حدا يكون واقف ع الباب وبهمسلك همس بالكلام الي ما لازم حدا يسمعو وهيك تعمل ماما
اماني:...
وليد:يعني تنين متجوزين شو بيحكو بهيك وقت
اماني:طيب لا تزودها انت
وليد:ياريت نعيش لحالنا
اماني:والسفر
وليد انا لو الك اهل متل البشر من الصبح اخدت شقة وخليت حدا من اهلك يسكن عندك بس الي كاسر ظهري ما الك حدا
اماني :بتهون حبيبي
وليد:اماني مابدك تكملي دراسة
اماني:من وقت راحت عليي سنة والهمة اختفت
وليد:حبيبتي هاد مستقبلك ولا شو اتفقنا نحن
اماني:صعبة شغل ودراسة
وليد:شو احكي انا سفر ودراسة وشغل وشوق
اماني:انت ذكي كتير
وليد:وانتي كمان بدي تقدمي امتحانات ضروري
اماني:انشالله
من بعدها ما بقى حدا وقف عند باب غرفتنا وليد متغير كتير عن اول صاير حدا تاني مو مهتم لحدا بنوب
...........
الصبح عندي غسيل وحاولت بالغسالة ما اشتغلت رحت لعند وليد كان نايم
اماني: وليد كافيك نوم
وليد:مو نايم
اماني:الغسالة ما عم تشتغل
وليد:شو هالحكي
اماني:تعال شوفها يلا
وليد:ما بتستنى
اماني:لا يلا
وليد:اشحنيني
اماني:ههه شو يعني
وليد:بوسيني بالاول
اماني:الباب مفتوح
وليد:خطف يلا
بستو ودغري اتجلس
وليد:اي هيك ها بس تزبط بدي كمان بوسة
اماني:بتعرف
وليد:يا باطل شغلتي هي
رحنا سوى ودغري شلح جاكيت البيجامة واعطاني اياه
وليد:شو قصتها
اماني:وليد انا لو بعرف سالتك
وبعد فك وتركيب
وليد:حطي السلك لشوف
اماني:وبلكي اتكهربت
وليد:بموت
اماني:لاااا
وليد حطي بلا هبلك
حطيتو بالكهربا
وليد:طفي طفي
‏_.lovestories ‏123
طفيت وخايفة كتير
اماني: اتكهربت مو
وليد:هههه لا بمزح معك جربي لشوف
شغلتها واشتغلت
اماني:يا اميييي الشاطر
وليد:وين الي وعدتيني فيه
اماني :هون
وليد:اي هون
غمرتو وبستو وهلا حماتي طبت علينا وبعدنا عن بعض بسرعة هو عم يدور على جاكيتو وانا عم اجهز لتياب
حماتي:قليلين ادب
وليد:يعني مافي احم دستور
حماتي:مابعرف كل وقتكن اما بوس او غمرات وعلى غمزات ولمسات
وليد:...
طلع وتركنا
حماتي اتقلي انتي التانية مسوحة الولد
اماني:...
حماتي:...
تركتني غسلت بدون ما اهتم بطلت استحي بنوب واطلعت نشرت وهو ناطرني ومجهزلي فنجان قهوة وعلى ضحك ومزح
وليد:كليوم يخرب شي
اماني كيف زبطتها
وليد:شغلتي
اماني:تكيييف مو غسالات
وليد:ما بتصعب عليي كمان وبصلح شو مابدك
اماني الذكي بيطلع منو كلشي
وليد:وبيكون رومنسي ها
اماني:بس طيبة البوسة الاخيرة لو اتبهدلنا
فرطنا ضحك
وليد:اي الها طعمة غير شكل
اماني:يا امييي شو ازعر انت
وليد:معك بس طالعتيني عن حالي
اماني:يا روحي بحبك كتير
وليد:يلا الجو برد نفوت
اماني:يلا
فتنا للغرفة طالعت الخاتم الي اشتريتو
وليد:ما بلبس دهب
اماني:ههه حلو
وليد:بجنن
اماني اشتريتو
وليد:مبروك ياروحي
اماني ما ازعلت
وليد:وفرتي يعني
اماني:لا المصروف كتير وجمعت واشتريت
وليد:شاطرة وبتفهمي
اماني:يعني ما ازعلت
وليد:بلعكس افرحت كتير مبروك البسيه عطول
اماني :واهلك
وليد:شو الهن عنا منشتري منبيع النا بحالنا
اماني: متل مابدك

والغدا نحن بعالم تاني يلقمني كلشي رغم نظرات وزورات بس ما منهتم لحدا المهم نعمل الي بيرريحنا
انعام :دهب
حماتي:مبين دهب
عمي:مبروك
نور:جبتو معك
وليد:..
عمي:تعيش وتجيبلها
....
تخرج وليد كان احلى حدث بصير بهي السنة وهيك صار معو شهادة وحلمو عم يتحقق والمصيبة سفرتو والي بعد سفرتو من مشاكل وعذاب ببيت حمايي طبعا ما اسكت صرت ادافع عن حالي بكل شي وصار اسمي الوقحة بس وليد معي بكلشي اتصل فيني بوقت الظهر واستغربت كتير

اماني الو
وليد:حبيبتي
اماني:عيون حبيبتك
وليد:متصل اشاورك
اماني:شاورني
وليد:انا اجاني عرض
اماني:بشهادتك
وليد:لا بالشركة الي بشتغل بفرعها
اماني:شو هالعرض
وليد:عقد بيتوقع لمدة سنتين بس رح يكسبني شي فوق الخيال
اماني:سنتين شو
وليد:سفر
اماني:انو
وليد:منتحمل كرمال مستقبلنا بدي نسكن لحالنا
اماني:بدك جوابي
وليد:ازا ما وافقتي مارح اوافق
اماني:كتير سنتين
وليد:وعليي كتير بس مضغوط ضغط كبير
اماني:طيب بس بدي نحكي كليوم
وليد:متل وضع كليوم بس مافي اجازة
اماني:الله ييسرلك يارب
وليد:لا تفكري انو مبسوط على عيوني بس خلص انا لازم يتحسن وضعي
‏_.lovestories ‏124
طبعا هالقرار غصب عني يس كرمال نستقل وننطلع من بيت اهلو
........
بعد سنة كان وضعو فوق الريح كلشي على حساب الشركة بس ما كان حدا عادي وليد كان ذكي لدرجة وهالشي ما خلى مدير الشركة يروح عليه هالعرض وعلى حساب الشوق والبعد بس هلا وليد بيملك سيارة ورخصة سواقة متل ما بيحلم رصيد بالبنك قادر ليشتري بيت ملك الهدايا كل اول شهر توصل لاماني عن طريق بلال حكي بشكل يومي اتصال امو بفترة الظهر كركبو حس انو في شي
وليد:الو
حكاها وقلبو يغص
نوال:حبيبي كيفك
وليد :انا بخير صاير شي ماما
نوال:مابعرف شو احكيلك
وليد :وقعتي قلبي احكي
نوال:اماني تحت العملية
وليد:عملية شو
دمعو عيونو وايديه رجفو
نوال:سكرت على ايدها البوابة وهلا هي بالعمليات
وليد:صارلها شي
نوال:الدكاترة ما طمنونا وهي فقدت اصابعها
ايد وحدة لا تخاف
وليد ...
نزل ايدو الي ماسكة الموبايل وقعد بالارض
وحط ايدو على جبينو وهلا سالو دموعو
بجية يحيى
يحيى:وليد وليد
وليد:...
يحيى:شبك اسم الله عليك شو صاير معك
شاف موبايلو واسم امي
يحيى:وليد لا تجنني شو صاير
وليد:بدي اسافر
بحيى:شو تسافر والعقد
وليد:مرتي بالمستشفى
يحيى:مستحيل سفرتك رح تسببلك مشاكل بأقامتك وانت بتعرف الشروط
وليد:لااااا الي صاير ما بيخليني ابقى ثواني هون
يحيى:وحد الله شبك هيك ليش عم تبكي
وليد:يا رب يارب
.......
مابعرف شو صاير معي بس انا بالمشفى مو حاسة بايدي بنوب وسالو دموعي هلا اتزكرت كيف سكرت البوابة ع ايدي وهلا كهربا عم تسري بأصابعي اتخدرت وقت شفت خالي ومرتو كمان
خالي:طمن دكتور
الدكتور:الإصابة بطرفها الايسر واضطرينا لبتر اصبعين وهلا هي بحالة جيدة
خالي:...
اتجددو دموعي
اماني:يعني انا انقطعو اصابعي
سوزانة:المهم انك بخير
اماني:بس ها ليكهن انا حاسة فيهن
الدكتور:هي الأعصاب عم تعطيكي تنبهيات وبتحسي فيهن بس بشكل تدريجي رح تتأقلمي ع الوضع ما على قلبك شر
وهلا خالي قعد جنبي
اماني: شو خالي شو حكى بيمزح مو
خالي:انا مو خالك يا اماني ولازم تعرفي الحقيقة اليوم
سوزانة:ابو نعيم
خالي: خلص ما بقى اتحمل هي اتعذبت كتير بحياتها ولازم تعرف الحقيقة
سوزانة:.
أماني:حقيقة شو خالي
خالي: لا تقولي خالي انا ماني خالك
اماني:لكن مين بتكون
خالي:انا......
#يتبع

........
‏_.lovestories ‏125
اماني:مين انت
خالي:انا عمك لكبير وانتي بنت اخي هشام الضابط الطيار
اماني:كيف وليش انا مابعرف
خالي:وقت الي ماتو امك وابوكي كنتي لساكي صغيرة وعمرك كم شهر وعمتك اتكفلت فيكي لانها كانت بلا ظنى وحلفت ووعدت ترعاكي وتحطك بعيونها
اماني:كيف ماتو اهلي
خالي:حادث سير على طريق المطار
اماني:وليش خبيتو عني
خالي:كان بدي تربي بجو عيلة ما تنحرمي منها
اضحكت ضحكة قهر ضحكة حسرة وخذلان
خالي:كلشي حاولت اعملو اني ما احرمك التعليم ابوكي كان من المتفوقين وامك كانت اكبر محامية بالبلد لحد اليوم حسرة بقلبي هشام
اماني:طيب ليش خبيتو عني الحقيقة
خالي:مافكرت تتعزبي بحياتك هيك وحاولت كتير لامنع الظلم ضدك بس ما اقدرت
اماني:وليش انا ما ضليت ع اسم بابا الحقيقي
خالي:مشان تصيري بنت لعمتك وكل الي عملتو اني حطيتك ع اسم جوز عمتك وقلت رح تكون حنونة عليها لانها من ريحة اخوها المتوفى بس ما صانت الامانة
اتزكرت طفولتي شد الشعر طالع نازل العقوبات الضرب والإهانة وكنت واعية شوي وقت شرف خالد ع الحياة يعني انا يتيمة وعلى كبر كمان طيب ليش عملو فيني هيك كنت عطول اسأل حالي معقول انا بنت هالعيلة واصحى واقول اي انتي مو بفيلم او رواية لحتى تكوني ضايعة بس مو هيك لا لا مو هيك انا ما الي حدا بنوب وامي الي ع اساس امي تطلع عمتي وهاد عمي اخو بابا لا ياربي انا بدوامة ما عم استوعب شو صاير معي
اتزكرت وليد اتزكرت كيف كان يحكيلي ما بتشبهي عيلتك وانو انتي مو بنتهن روحي اتاكدي من دفتر العيلة وهلا خالي...مدري عمي عم ياكدلي كلام وليد بقلمي مايا الحجازي
لك وليد وينك تعال شوف مرتك بالمستشفى وبدون اصابع هيك حكو بس انا موجوعة والله وصوت ضربة البوابة بأدني لسى 😭انا بستاهل ياربي ولا هاد امتحان ولازم اتحملو

لا حول ولا قوة الا بالله
وحسبي الله وتعم الوكيل بلي عم يصير فيني
اجت حماتي ومقهورة انا شايفة القهر بعيونها
حماتي:الحمد الله ع سلامتك يا بنتي
هالكلمة اثرت فيني غمضت ب قهر
اماني:...
خالي:هي تعبانة
حماتي:انا خبرت وليد
حاولت اتجلس دغري
حماتي:مشغول بالو عليكي احكي معو طمنيه عن حالك
اماني:هو بيعرف
حماتي:انا خبرتو
اماني ...
مسكتلي الموبايل عند ادني وصوتو خلا قلبي يرجف
وليد:اماني...كيفك
اماني وليد....
وليد:كيف صرتي
اماني:مابعرف موجوعة ما شفت ايدي ملفوفة بشاش بس الي اصابع انا حاسة فيهن
وليد:...
حسيت انو عم يبكي
اماني :وليد لا تخاف انا قوية لا تخاف ماني موجوعة انت اهتم بشغلك ولا تشيل همي انا اتعودت اشيل هم حالي

الجزء التاسع والعشرين
‏_.lovestories ‏126
وليد:ياريت فيني اجي لعندك لا تفكري انو مشان الاقامة والمصاري...بس في سجن وغرامة وهلا مو وقت هالشي الي بدي اياه منك تكوني منيحة وتضلي منيحة وانا بحبك بكل حالاتك سامحيني امانة
اماني:لا تفكر بشي المهم اني اسمعت صوتك
وليد:...
سكتت اتأمل خالي ومرتو واستوعب شو حكالي والاحسن يزيد الوجع بالاول اتحملتو بعدها ما بقى فيني صرت اصرخ بكل صوتي لحتى اجن الممرضات واعطتني ابرة ورحت فيها
.........
بالشقة لساتو حاطت الحزن بالجرن شعرو مو مرتب حط العشى يحيى ودغري بعدو وليد
وليد:..
يحيى:لايمتى
وليد:لاستوعب شو صار معها
يحيى:قدر الله وما شاء فعل
وليد:لا اعتراض على حكم الله بس لازم اعرف كيف صاير معها هالشي الدنيا صيف مافي هوى
يحيى:البوابة تقيلة
وليد:لدرجة
يحيى:وكل اصابعها
وليد:ما بعرف والله بس انو اسمعت صوتها اطمنت شوي بس قلبي ما هدي
يحيى:وحد الله انت مؤمن وبتعرف بقضاء الله
وليد:استغفرالله بس
يحيى:هيك حادث؟؟؟ لو صاير شي عنجد شو بتعمل
وليد:ما بتحمل والله قلبي ضعيف كتير
يحيى:انا مصدوم فيك الصراحة كيف بتبكي
وليد:غصب عني انا ما بتحكم بمشاعري مو مستعد احصر بقلبي ويقولو مو رجال ما هاممني
يحيى:لهدرجة بتحبها
وليد:هون جواتي بقلبي محفورة حفر والله
يحيى:لا تحكيلي جواز تقليدي
وليد:بتسدء ما حكيت لحدا ابدا انا ما شفتها حبيتها قبل اشوفها
يحيى:حزورة
وليد:كانت تحكيني واتعارفنا وصدقا حبيتها بدون ما اشوفها
طبعا يحكي ويتزكر ودموعو جاهزين
وليد:مابنسى محادثاتنا مكالماتنا شقاوتها وكلشي فيها
يحيى:وما شفتها
وليد:لا والله بالاول لا بس بعد رجاء طويل وافقت ولليوم بس اتزكر اللقاء شعور غريب بيتملكني انا كنت ضايع ولقيت حالي
يحيى:اتملكتك
وليد:بعفويتها بصراحتها بكلشي فيها
يحيى:وبعد ما اتجوزتو هيك ضليتو
وليد:زاد هالشي وصار مشاكل بس ما اقدرت اسيطر على مشاعري تجاها
يحيى:وهلا
وليد:هلا انا مدبوح فكرة انو هي بحاجة الي وانا بعيد عم تقتلني والله
يحيى:لو ما وقعت العقد
وليد:لككك اااخ بس ساعة نحس
يحيى:بس اسمعت شو حكى المدير
وليد:لو مافيها سجن كنت ارجعت وبلا اقامة بلا بطيخ ازا ما كنت حدها بوقت الشدة ايمتى بدي اكون حدها
يحيى :سنة
وليد:ومو متخيل تخلص هالسنة
يحيى:هانت اتوكل على الله
وليد:ونعم بالله
اتمدد ب تعبو استسلم للغصات المتتالية لوجع بقلبو مخنوق لدرجة البكي ما عم يريحو
.......
‏_.lovestories ‏127
ساعدتني فيحاء واطلعنا من المشفى خالي رفض ارجع لبيت حمايي بس انا بدي ابقى بغرفة جمعتني مع حبيبي بس ما اعترضت اتزكرت كلشي هنيك وطاوعت خالي رافض حتى يجيبلي موبايلي من هنيك اشترالي تياب لاتفاجئ انو اهلي عندهن شقة بالمدينة بس معقول خالي خبى عني مشان الورتة رغم التعب والمرض والوجع الي ما بينحمل خالي عمل اجراءات ليطالعلي هوية جديدة وع أسم أهلي وهالشي ما أثر ع دراستي بنوب كنت كل الوقت ادور ع رقم وليد او اتزكر ايميل الفيس بوك ما اقدرت كنت لابسة وعم اتأمل ايدي وكيف بدون أصابع وغص قلبي كان ناقصني هالتشوه بس
فات خالي لعندي
خالي:جاهزة
اماني:لوين
خالي:تشوفي بيت اهلك الي لساتو على تسكيرتو
اخدت نفس متحمسة وكلي امل لالمح صورة الهن وطبعا لحالنا بدون حدا اركبت حدو
اماني:خالي
خالي: عمك انا
اماني :انا بحب احكيلك خالي
خالي:طيب شو بدك
اماني:انا اشتقت ل وليد
خالي:بلا شو
اماني:انت ناوي اطلق
خالي: لا بس بدهن ترباية
اماني: ليش ما ربيت اختك وجوزها
خالي:لك لكن ليش كل هالقسوة كان بدهن حصة من ارث اخي
اماني: ليش بيطلعلهن
خالي هو الي بيطلع بس انا ما بفرط بورتت اخي بسهولة رح يتسجل كلو باسمك
اماني: بأسمي
خالي :الشقة والاراضي كمان
اماني:مو مسدءة
خالي:سدءي وبدي اتشارك معك ونفتح مشروع كبير
غمزني
خالي: بتوثقي فيني
اماني:بعد كلشي عملتو معي فيني ما اوثق فيك
خالي :سامحتيني
اماني:مسامحتك بس لازم انا اعرفت الحقيقة من زمان
خالي: هيك ربك رايد ولا تفكري بشطارتنا منرتب امور حياتنا هي تدابير رب العالمين
بقلبي:الحمد الله ع كل حال
وصلنا لبناية كان واضح انها متجددة ملبسة حجر من برى حديقتها بتشرح القلب اطلعنا للطابق التالت واعطاني مفتاح الشقة
فتحت ودخلت برجلي اليمين كانت مليانة اثاث اتقدمت وانا اتمايز كل شقفة وهلا شفت صورة ل شب وحدو صبية الصورة قديمة ودمع عيوني
اماني: هدول هني
خالي:هشام الله يرحمو وراويا الله يرحمها انت نسخة من امك
ما بكيت ما جمعني فيهن ولا ذكرى بس غصيت الحقيقة تبين بعد ما اتعزب واتمرمر
خالي:هالبيت من اليوم وطالع ملك الك اعملي الي بدك اياه فيه وانا رح ادبرلك مدبرة منزل بتساعدك وبتونسك انا بعرف انك مو مرتاحة عنا

اماني:...
خالي بدي ترجعي للدراسة يا اماني روحتي سنتين هيك
اماني: انشالله
خالي:وبكرة جهزي حالك بدي اسجلك بمدرسة تعليم القيادة
اماني:ههه انا
خالي: اي وتحت اشرافي
غمرتو لاول مرة بحس بوجود حدا بيدعمني بهالشكل
خالي: انتي شريكتي النص بالنص
اماني: الله لاا يحرمني منك
خالي:لا بقى تحكيلي خالي
اماني: مو بايدي عموو
‏_.lovestories ‏128
خالي شايفة شو حلوة هالكلمة منك انتي بنت الغالي
كلشي اتغير اشتريت موبايل جديد ورقم جديد اتاريني رح اشارك القاضي ابو نعيم بس بعد ما اخلص مرحلة الدراسة اتعلمت سواقة السيارة كان عندي شوية خوف بس اتشجعت بهمة خالي الي ما تركني ولا لحظة وليكني اليوم واقفة قدام الجامعة قفلت السيارة واتقدمت بكل ثقة وجرأة بهمة عالية لاترفع هالسنة وعن جدارة
........
وليد:كيف ما بدك تزوريها
نوال:خالها مو طبيعي معنا
وليد:امي انا بدي مرتي بدي اسمع صوتها
نوال:مافيني نظراتو النا كلها لوم وحقد
وليد:وانا شو اعمل بدي اتواصل معها
نوال:حتى موبايها هون غرفتك مقفولة من هداك اليوم
وليد:مابعرف انا مافيني اتحمل غيابها
نوال:خلص انا بشوف
وليد:زوروها لازم وضروري نحكي
نوال:انت دير بالك ع حالك
وليد:...
قفل الخط واخد نفس يبعتلا على الماسنجر بس ماكان في اي رد منها ومسكرة كل ابواب الدنيا بوشو مو بس ايميل اماني
........
ارجعت للبيت واستغربت سيارة عمي وانبسطت سكرت السيارة وقفلتها واطلعت لبيت خالي مابعرف شو عم يعملو عنا فتحتلي فيحاء سلمت من بعيد بقلمي مايا الحجازي
اماني: مسالخير
حماتي مصدومة مني كان واضح عليي الثقة والراحة كمان
غمرت بس سناء
اماني: طمنيني عنك
سناء ليش ما بتزورينا
اماني:انتو زوروني
حماتي: وليد بدو يسمع صوتك
خالي:فينا نسكر ع الموضوع
حماتي: جوزها
خالي:بنتنا هي
حماتي:نحن ما اغطلنا بحقها
خالي:..
سناء:اماني بدي نحكي لحالنا
اماني:يلا
اخدتها وقعدنا ب غرفة فيحاء
سناء:سامحيني
اماني:ع شو
سناء انا...انا بالغلط سكرت البوابة بس والله ما شفتك
انصدمت وغصيت بس ما حسستها بشي غمرتها لانها عم تبكي
سناء:ما شفت انك برى فكرتك فتي وسكرتها
اماني:خلص حبيبتي قدر الله وما شاء فعل
سناء: انا ما بنام وبحس بالزنب انا عميا وما بشوف كمان
اماني:لا ما تحكي هيك ابدا
سناء:شو احكي انا صوت صرختك مابروح من بالي ماما ما بدها اعترفلك بنوب بس انا احساسي بالزنب كبير امانة تسامحيني
اماني:مسامحتك يا روحي مو اخت حبيبي
سناء :وليد بدو يحكي معك
اخدت موبايلها وبعتلو فويس
اماني: كيفك حبيبي طمني عنك انا منيحة كتير وليكها سناء جنبي انا نسيانة ايميل الفيس بوك هلا رح اسيف رقمك لجديد ورح نحكي بحبك
فات خالي ودغري زبطت قعدتي ورميت الموبايل
خالي:مع مين حكيتي
اماني ولا معك حدا
خالي تعالي يلا
اطلعت انا وسناء وحماتي خجلانة مني كتير بس انا ضليت حد سناء وحاولت اخد رقم وليد ما اقدرت ودعتهن وخالي اصر انام عندهن هالليلة ....
..........
‏_.lovestories ‏129
يسمع صوتها هي المرة العاشرة الي بعيدفيه الفويس
وليد:وين الي حكيتيني هي اليوم التاني من الانتظار شو ناوي الخال يعمل وليش ما بيرد ع رسائلي شو عملت فيهن يلا بتهون لك وليد رح اصبر ورح افرجيه واخطفك خطف منو
........
بالبيت كنت قاعدة ادرس اجت رانيا الصبية الي بتشتغل عندي من طرف خالي كانت بتكبرني بكم سنة وظروفها اضرب من ظروفي زمان
رانيا :اتفضلي
اماني:يسلمووو ليش مو حاسبة حسابك
رانيا:لا مو لهدرجة
اماني انا محتاجة رفيقة صديقة حدا مقرب مني
رانيا:بس انا مهمتي ارتب انظف امسح واجلي
اماني:لا بدي نكون اصحاب انا حتى رفقاتي بالجامعة بعد التخرج ما بقى حكيوني
رانيا:انتي عنجد متجوزة
اماني:اي
رانيا:وليش ما بتتواصلي معو
اماني:ما اقدرت وعملت ايميل الافندي مسكر طلبات الصداقة وحتى المراسلة
راميا:ههه لهدرجة مخلص الك
اماني:مابعرف بس ما بتوقع يضل يحبني
رانيا ليش
اماني: صرلو بعيد عني اكتر من سنة وبعد ست شهور بتوقع يرجع للبلد
رانيا:ورح تتحملي غيابو
اماني:مابعرف يمكن
رانيا:وحلو هو
اماني:انا بشوفو احلى رجال بالعالم
رانيا:الله يخليك اياه ويجمعك فيه عن قريب
اماني:امين
دراستي الامل الوحيد والي منسيني وليد نوعا ما عم اعد الشهور الدقايق لحتى يرجع للبلد خالي عامل حصار خانق عليي ويمكن حاسس انو بيت حمايي الهن يد بالحادث الي صاير معي بس انا اتعودت اتاملت ايدي واتنهدت
اماني:رح يتركني مو مجبور يعيش معي وفيني نقص
كانت رانيا تسمع اغنية سفرهم طال وقلبي اعلن جواتي حرب ونزلو دموعي غصب عني
.........
كان قلبو يدق بسرعة وليد بهالسنتين اتغير بكلشي ما بيشبه وليد الشب الجامعي ختم جوازو وجنبو يحيى الي نازل للبلد بعد سنين غياب

طلعو سوى والرجعة لبيت اهلو بالاول عم يعد الثواني الي رح تجمعوا باماني كلشي هنيك بيزكرو فيها كل زاويا الها مكانة خاصة ابتسم بقهر الصالون الي جمعو فيها سهرات وضحك واركيلة وهلا الحمام وشو تتشاقى عليه وغرفتو اول ما فتحها شم ريحة خاصة باماني حط الشنتة وسكر الباب فتح خزانتها ليمسك الشال الي عطول على كتفها
وليد:بدي اشوفك مابقى اتحمل غيابك
نام من تعبو وقلة حيلتو
........
تاني يوم جاهز للقاء بكامل اناقتو طلع بالسيارة وبطريقو لبيت الخال متوقع تكون ببيت اهلها بالضيعة بس مو هامو الا يشوفها ولو سافر لساعات طويلة نزل بعد ما صفط السيارة ودق الباب اكتر من مرة لتفتح سوزانة
سوازنة:وليد
وليد:كيفك خالة
سوزانة:الحمد الله ع سلامتك
وليد:اماني هون
سوازنة:لا
وليد:وين ببيت اهلها
سوازنة:ببيتها
وليد:بيتها
سوازنة:اي
وليد :هون يعني
‏_.lovestories ‏130
اعطتو العنوان وبراسو مية اشارة استفهام ودغري ركب بالسيارة للعنوان بجية خالها
ابونعيم:هاد مو وليد
سوازنة:اي
ابو نعيم:شو جاي يعمل هون
سوزانة:سأل عن اماني
ابونعيم: واعطتيه العنوان
سوازنة:اي
ابونعيم:اوف منك
بسرعة لحقو ولانو وليد ما بيعرف العنوان منيح لحقو عند باب البناية نزل يركض خالها ومسكو من كتفو
وليد الخال
ابو نعيم:شو جاي تعمل هون
وليد:اسمعت انو اماني هون ساكنة
ابو نعيم:وشو بدك فيها
وليد:مرتي
ابونعيم:كانت
وليد:شو
ابو نعيم:انتو اتسببتولها باعاقة
وليد:...
ابو نعيم: انكر
وليد:بس اختي عندها وضع
ابو نعيم:مافيني اخاطر فيها مرة تانية
وليد:بصفتك شو
ابو نعيم المسؤول عنها يلا
طبعا وليد كان بدو يضربو بس اتزكر انو اكبر منو وابدا مو هامو منصبو
وليد:انا لساتني محترم عمرك
ابو نعيم:يلا لهون لا بقى تيجي كان الك عنا مراة هلا اماني حرة
وليد:بس اشوفها لو لمحة
ابو نعيم:انسى
وليد:طيب افهم منها يمكن بدها نرجع
ابونعيم: امنا الي مسؤول عنها يلا من هون
غصب عنو ودع البناية بنظرات كلها ياأس وفقدان للامل وطلع بالسيارة وباقصى سرعة وطلع من الحارة
........
كانت رانيا عم تسمع اغاني ومبسوطة بدقة الباب ورحت لشوف خالي
خالي:كيفك حبيبتي
اماني غريب شو جابك بهيك وقت
خالي:اه...لا مافي شي
اماني:متلبك انت صح
خالي:بدي اشرب قهوة
اماني اهلا وسهلا اب نعيم اتفضل انت شريكي
ابتسملي وفات بالاول اطمن انو باب البرندة مسكر يمكن بردان هو
.....
كنت حاسة بشي غريب بس خالي ما وضحلي سبب لزيارة وغريب عزمني على العشى وانا ما اترددت جهزت حالي ورحت معو وهو اصر يوصلني للبيت كانت الساعة والوقت متأخر بس في شي غريب عم يصير ما عم اعرف شو هو
الصبح اصحيت على صوت رانيا تحكي مع حالها
اماني:شبكي
رانيا:مدام لقيت هي الورقة ع الباب
دغري اخدتها لاقرأ
وليد:انا بالبلد انقطعت كل الوسائل لاتواصل معك اشتقتلك وبدي اشوفك وهاد رقمي اتصلي فيني ضروري
ابتسمت واتجدد جواتي الامل دخلت الرقم ورتبت شعراتي قبل اسمع صوتو
ودق قلبي بقوة هلا
وليد :اماني
اماني اهلين وليد
وليد:انا مشتقلك كتير كتير
اماني وانا كمان وينك عني ليش قافل ملفك الشخصي
وليد:هي رقمي عندك بدي اشوفك انا معاد فيني والله
اماني:ايمتى ارجعت
وليد:من يومين واجيت لبيتك
سألت عنك وخالك قلعني تقليع
اماني: خالي....مبارح هالحكي مو
وليد:اي مبارح
اماني بتعرف البيت
وليد:اي
اماني:طيب تعال انا ناطرتك
وليد:وخالك
اماني انا بستناك شو بدك فيه

الجزء الثلاثين
‏_.lovestories ‏131
ركض للمرايا اطلعت بكل ملامح وشي ودغري للحمام رانيا مراقبيتني وتتضحك عليي رطبت خلقتي وجهزت تياب واللبست واتمكيجت كمان وهلا اسمعت صوت خناقة واطلعت للبرندة وشفت خالي ووليد وكانو اتخانقو
ما كنت بعرف لشو عم يعمل معي هيك وقبل انزل هو طلع وفوتني للبيت
اماني:ليش قلعتو
خالي:بدهن ترباية
اماني هو ما دخلو
خالي:اماني رح ترجعيلو بس بالاول بدي اعرف كم محاولة رح يحاول
اماني:بس انا
خالي:خلص شو قلت انا فوتي لجوى يلا
الشي الي طمني انو معي رقم وليد ورح احكي معو بس ما حكيت لخالي هالشي وناطرة يروح لاتصل واعتذر منو
.......
كان عم يتزكر كلام ابو نعيم
ابو نعيم:ما الك بنات عنا
وليد:والله لارجعها غصب عن الراضي والزعلان
ابونعيم:عم تهددني
وليد :واعتبرها حرب وبلشت ومنتواجه يا ابو نعيم
ابو نعيم:روح يلا
.....
كان ابو نعيم بمكتبو وابتسم
ابونعيم:ماحدا هددني بكل حياتي لهدرجة بتحبها بس انت من اول لحظة كبير بعيوني واليوم اتأكدت انها غالية عليك كتير والا ما اتجرأت ورفعت ايدك بوشي وهددتني بس بدك تسمحلي رح تتعزب لترجعلها ..
......
اتصلت فيه وانا متحمسة اسمع صوتو
وليد: الو
اماني:حبيبي انت منيح
وليد:منيح
اماني:شبو صوتك
وليد:انتي بدك اياني
اماني:شو هالحكي
وليد: خالك عم يزودها
اماني: والحل
وليد:لا تلوميني عن اي فعل
اماني: وليد لا تتهور هو عم يختبر صبرك
وليد:مافيني اماني ما بطيق البعد انا اتحملت سنتين غصب عني
اماني:....
وليد:اعطيني حل من عندك انا مشتاق لكل شقفة فيكي
اماني:عيب
وليد:شو عيب انا منتهي مستوي ع الاخر
اماني:طيب طيب رح اقنعو
وليد:وحياتك لو بدي اقضيها بالسجن بس ما اتركو يتحكم فيني
اماني:شو سجن انت بهون عليك تتركني لحالي
وليد:لكن بهون عليكي انا ميت بس لمحة وحدة منك بدي اشوفك بعد غياب سنتين بحبك بحبك
اماني:لساتك ازعر
وليد:هههه ومتاكد حبيبتي صايرة اجرأ من قبل
اماني:معقول
وليد:ونص ومشتاق يا الله شو مشتاق
اماني:وانا كمان وقت شفتك مابعرف كيف رجعلي احساس اول مرة فتت فيها للمحاضرة
وليد:متغير
اماني:كتير متغير
وليد:اشتقت وبس معاد فيني اتحمل
اماني:طيب تعال
وليد:بهيك وقت
اماني:ههههه اتخيل يشوفك خالي
وليد:انتي شمتانه فيني
اماني:لا ولووو
وليد:ابعتيلي صورة الك
اماني:لا غير واقع ممنوع تشوفني
وليد:ازا هيك بدي انام انا تعبان من كلشي
اماني:وانا
وليد:نامي حبيبتي لنشوف اخرتها مع خالك
اماني:تصبح على خير
.........
‏_.lovestories ‏132
تاني يوم بعتلو رسالة انا عندي محاضرة ولازم اشوفك
بس الرد ما وصلني بنوب عند باب الجامعة نزلت من السيارة وهلا انبسطت وقت شفتو اخجلت ونزلت راسي وخبيت ايدي بجيبتي اتقدم لناحي وشو مشتاقة الو وصوتو وقربو مني زاد الخجل
وليد:كيفك حبيبتي
اماني:الحمد الله
وليد:ما بيتسلم عليي
مديت ايدي بتردد وهلا شد عليها كتير
وليد:يا امييي شو مشتاق لايديكي
اماني:مو حلوة وقفتنا هون
وليد اتفضلي لشوف
......
بمكالمة هاتفية
الشب:فاتو سوى للجامعة
ابو نعيم: مو مشكلة بس بدي يضلو تحت انظارك
وبس يطلعو من الجامعة خبرني
الشب:متل مابدك
.....
كان مو مستوعب انها أماني ولا بتشبه اماني الي اتعرف عليها بس لساتها خجولة منو بس الظاهر انها وعيانة كتير وخجلها عن وعي مو متل قبل كانت تخجل من الناس بملامحها الي بيعشقهن سمارها نعومتها تفاصيلها الي محفورة بقلبو وهلا طالعت ايدها لتحطها على الطاولة غص قلبو مستحيل يتخيل كمية الوجع الي اتوجعتو مد ايدو ومسكها بقلمي مايا الحجازي
وليد:سلامتك حبيبتي
اماني:الله يسلمك
وليد:كان بدي اكون جنبك بهداك الوقت بس الظروف
اماني:لو تعرف شو صار معي
وليد:انت اعرفتي انو سناء
اماني:بس انا ما قصدت عن الحادث
وليد:اكلكن
اماني:انا طلعت بنت اخوه ل خالي
هيك صفن شوي وركز
وليد:عمك يعني
اماني:اي واسم بابا هشام وماما راويا اتوفو وانا صغيرة واتكفلتني عمتي
وليد: كان قلبي يحكيلي هدول مو اهلك اول ما شفتك بيناتهن كان التناقض كبير
اماني:وانا اتزكرت كلامك
وليد:وكيف صار واعرفتي
اماني خالي...قصدي عمي ابو نعيم حكالي بيوم الحادث
_ انا صار عندي شقة مستقلة واراضي حصة بابا وشريكة لعمي
وليد:وصار عندك سيارة
اماني:..اي
وليد:وانا استغربت وقت انزلتي منها بس كنت متاكد انو في تغيير صاير بغيابي
اماني:لاول مرة بفرح هيك
وليد:والسبب
اماني لاني اطلعت يتيمة الشعور الي حسيتو عند الي ع اساس اهلي كان سيء ياريت كنت بعرف انو انا يتيمة
وليد:وهلا
اماني:انا اتغيرت كتير انا اليوم واثقة من حالي مليون بالمية
وليد:وهاد انا الي بدي اياه
اماني:انا ما رح اخجل بأيدي وهي بهيك منظر

وليد:انا بحبك كيف ما كنتي
اماني:ليش
وليد:صعب...صعب اشرحلك كيف بحبك
طوال مدة السفر ما رحتي عن بالي كنت الوم حالي واستوعب كيف انا مولع فيكي دورت ع حالي مع غيرك ما لقيتها فيكي شي بيشبهني بيشبه الي جواتي
اماني:معقول
وليد:بحس انو قلبي مو معي بحسو معك والك كل الوقت انا قلبي ضعيف كتير مرة شو حكيتلك
وهي تتأمل عيونو ومبتسمة
اماني: رفقاً بقلبي
وليد:امانة ديري بالك عليه مو متحمل تضلي بعيدة
اماني:والحل
وليد:اقتل خالك
اماني:هههه لك عمي هاد
‏_.lovestories ‏133
وليد:يعطيني سبب مقنع
اماني:لو تعرف شو حكيتلو وليد شهم بحبني كريم حنون ملتزم بس هو معند
وليد:حليها هلأ انا مستحيل اقبل ارجع بدونك
اماني:ههه لبيت اهلك
وليد:لاي مكان
اماني:هههه تستأجر غرفة
وليد وين؟؟؟عندك
اماني:اي البيت كبير
وليد:بس بشرط بغرفتك
اماني:بس انا مو ساكنة لحالي
وليد :مين عندك
اماني:صبية بتشتغل وبتونسني
وليد:والحل طفح الكيل
اماني:فضحتنا خلص اليوم انا رح احكي معو
وليد وانا
اماني:بخبرك بكل التفاصيل
وليد المهم اغفى وانتي بحضني بس هيك والله
......
تركني ورجع للبيت وانا خلصت دوام الجامعة وارجعت للبيت بدي طريقة ارجع فيها لوليد حاولت وفكرت واتصلت ب خالي
اماني:ابو نعيم كيفك
خالي: اتادبي يا بنت
اماني:عازمتك ع فنجان قهوة
خالي:ايمتى
اماني:ومقلوبة
خالي:رشوة
اماني:هيك شي
خالي:بخلص دوامي وجاي بلحمة ها
اماني: تكرم ابو نعيم عيوني الك انت
خالي هههه مكولكة
جهزت رانيا المقلوبة وانا عم ارتب حديثي معو اجى ونحن نتغدا
خالي:شو بدك
اماني:عمي
خالي:اطلبي
اماني:انا شفت وليد
شفتو مبتسم وكانو على علم بالموضوع
خالي:ايمتى
اماني بالجامعة
خالي:حكيتو
اماني:وبدو نترك
خالي:شوو
اماني:حكالي امو شافتلو عروس وانو بدو مني اسامحهن
خالي:لعمى ازا صحيح
اماني:انا كتير متعلقة فيه وانت بتعرف وكمان مابدي يطلقني انا بحاجة الو
خالي:خلص خلص انا بحل الموضوع
انبسطت كتير اتحايلت عليه عملت القهوة وبعدها اتصل ب وليد وانا جنبو
خالي: كيفك ...فيك تيجي لعندي...انا عند اماني....لا الموضوع ضروري...ماشي...
سكر معو
خالي:رح يجي وليد انا رايح افتحيلو انتي الباب
اماني يعني
خالي:خلص اتفاهمي معو من راسك لراسو وبتخبريني ازا بيرفض وبيضل عند قرارو
كان بدي افرط ضحك عليه بس ما اقدرت اهدا طلع من هون وانا ركضت للغرفة طالعت فستان اسود هادي تلت ارباع الكم وتحت الركبة بشوي سشورت شعري وعملت مكياج هادي كتير ورانيا راحت مشوار وليكني واقفة وناطرة وقت رن الجرس دق قلبي بقوة ويمكن وليد مو متوقعني فتحتلو واتخبيت ورا الباب
اماني: اتفضل
خطواتو كمان لبكتني وهلا انصدم
وليد:اماني
اماني:هههه اتفضل شو بدك عزيمة
سكرت الباب ودغري غمرنا بعض
وليد:شو الترتيب وليه زعرة
اماني: اضحكت عليه
فرطت ضحك على خالي وشو كزبت عليه
وليد دخيل هالضحكة يا امييي شو حلوة
اماني: تعال لاحكيلك شو عملت فيه
كنت ماشية ورجعني دغري
وليد:وين
اماني نحكي جوى
وليد:...
حملني وانا بخاف كتير فتنا للصالون وضليت بحضنو
اماني:عيب وليد
وليد انو عيب هاد قصدك حرام عليكي تعملي فيني هيك
اماني:ههه لو تعرف شو عملت بخالي
حكيتلو وكتير انبسط
‏_.lovestories ‏134
وليد:هيك لكن انا فكرت بدو يحط شروط
اماني:شروط شو
وليد:الرجعة
اماني:لااطمن دخيل عطرك اي
وليد:دخيل كلشي فيكي حليانة يا عمري
اماني:هههه من حلاوة عيونك
وليد:اي لاااا وعيانة كتير😂
اماني :حسيت
وليد:كتير مو شوي هاد بيتك
اماني:حلو
وليد:والله انا طمعان فيكي
اماني:هههه بتقبل تسكن عندي
وليد بتستقبليني عندك
اماني:ياعمري البيت وصاحبة البيت ع حسابك
وليد بلا وتقلعيني وقت بدك
اماني:لا ولووو
وليد:ما شفت البيت او من الاخر وين غرفتك
اماني :وليد
وليد:تعالي في مشروع وبدي نتناقشو بس مو هون مو مناسب المكان
اماني:ييي
وليد:لا لا موضوع مهم تعالي لشوف
.......
كان يتأمل عيونها وهي متلو
وليد:هيك متل ما انتي بحبك
اماني: وانا بحبك هيك متل ما انت
وليد:انا كنت مريض بغيابك
اماني:انا اليوم اشفيت
وليد:اماني عنجد بحكي رفقاً بقلبي
اماني:حبيبي
باستو وهو مستسلم كتير الها
اماني:انا معك بنسى حتى حالي
وليد :وانا بتنسيني حالي وقت اكون معك الشعور بيتجدد جواتي
اماني:شعور الحب
وليد هاد اتخطيتو
اماني:عشق
وليد :كمان اتخطيتو
اماني:شعور شو
وليد: الهيام
اماني:يا امييي شو ازعر
وليد:اماني مابدك تصيري ام
اماني:ياريت
وليد:يعني غيرتي رأيك
اماني:بس بوقتها كان خير الي انو ما احبل بتعرف الحادث ما كان سهل
وليد: وهلا
اماني:عندي امتحانات وبعدها منقرر سوى
وليد:المهم يكون عنا بيبي صغير ويكون صلة الود والمحبة

اماني: وهيك انا بدي
..........
بعد مرور عدة سنوات
ب قاعة منظمة اماني واقفة وعم تحكي بكل ثقة عن تجربتها بالحياة وليد بالصف الاول مستمع وكمان ندى وخنساء بالقاعة
أماني:مافي شي مستحيل....كلشي ممكن نحن ب زمن تحقيق المعجزات فينا نصنع من اليأس أمل ونتقوى بالمحبة بلشت من الصفر التجارب الي مريت فيها ما كانت سهلة....استسلمت بلحظات وقررت ما اكمل دراسة....بس بعد الحادث الي اتعرضتلو وفقدت فيه اصابع ايدي أدركت معنى العلم وانو اكون حاملة لاي شهادة علمية انا اليوم امراة قوية عانيت ومريت بمشاكل نفسية وكمان اجتماعية وما كنت مثالية وبلحظات وقفت وحكيت خلص لهون بكفي....بس ارادة رب العالمين اقوى من اي شي لا توقفو وضلو احلمو ولا تحكو مستحيل لاي شي كلو ممكن ورسالة مني لاي صبية حبي حالك متل ما انتي بكلشي فيكي لانو بالنهاية مافي انسان متكامل في انسان واعي
تحت اي ظرف لا تستسلمو
‏_.lovestories ‏135
بتسفيق كبير وطبعا الكل وقفو وانتشرو بس اماني نزلت ركض لعند وليد والتقو وغمرتو
اماني:انا كتير كتير مبسوطة
وليد:مبروووك حبيبتي ما كان المشوار سهل
اماني:بس انت ما تركتني لحالي
وليد:بس هاد مجهودك الك
اماني:ما بنسى انك اتحملت كتير
وليد:ازا ما كان الحب فيه تضحيات وتنازلات ما بكون حب
اماني:شو بكون
وليد:مصلحة لانو الحب نوعين حب مصلحة وحب من جوات القلب
اماني:وانا كيف بحبك
وليد مابعرف كيف
اماني:من جوات جوات قلبي
وليد:يا احلى اماني بالعالم
اماني:يا روح اماني انت
راجعين للبيت ليكملو بقية المشوار سوى
لانهن عاشو بثبات ونبات وخلفو صبيان وبنات
_ما كان سهل مشوارهن بس بالنهاية وصلو
_اختارو الطريق المناسب ومو بس الطريق كمان الشخص المناسب
_وتحت اي ظرف لا تستسلمو
_الحب هو الي بيرفعنا وهو الي بينزلنا
_ارادة رب العالمين اقوى من اي شي بالعالم
_النقص موجود فينا لازم نحب حالنا بنقصنا ونتقبل عيوبنا بملامحنا التعبانة ب ندبات بيتركها الزمن متل لجروح الي بتطعن القلب بس ما لازم نخلي مجال لليأس
_نحن اليوم اقوى واوعى واحلى
_نحن اليوم منصنع الأمل ومنصدرو كمان
بقلمي: # مايا_الحجازي
حصري وجديد بقناتي تيلكرام وحسابي الانستا
وشكر كبير لكل المحبين الداعمين الي قرأو واتحملوا التأخير والانتظار 🌹❤

بداية القصة 🤍🌸
@Stories_3

رأيكن بالقصة🧚‍♀👇
@Stories_3_bot
لاتنسو التفاعل 🔥❤️‍🔥
@Stories_3

لِعشاق المطر وأجواء الشتاء الجميلة..🌧
هنا ستجدو مايحلو لكـم من صـور و
اقـتباسـات خـاصة للـشتاء 👇🏻🌧
https://t.me/addlist/DlFqIY2cDN85ODRi

قصة جديدة: #الفتاة_الجميلة_والسكين

قراءة ممتعة🌸
@Stories_3

#الفتاة_الجميلة_والسكين
#كاملة_تحت_الصور

بيربو سوا وحبهن بيولد من الصغر
وفجأة بيتفرقوا وبيروح كل واحد لحال سبيلو 🥺🥺

كيف بيرجعو بيلتقو ويا ترى رح يكونو متذكرين بعض ولا لا 🥲🥲
وشو بيصير معهن احداث 🥲🥲
تابعوا معي لتعرفوا شو رح يصير مع ابطال قصتنا
تفاعلو كتير حبيباتي 😍😍😍

صبايا صار خربطة.بالأسم بس ما تعدل بالصور 🥲🥲
بس ظبطت اسمها بالمنشور 🥲🥲
حبكن كتييير ❤️🫶
#ام_السووس 😘❤️
٣٢٠, ٣٣٦ تعليقًا

*قصة : #الفتاة.الجميلة.والسكين.tt.*🥰🔪

*❴🔢❵الـــبـــ{💝1️⃣💝}ــــارت*
〰️〰️〰️〰️〰️〰️〰️〰️〰️〰️
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

الجزء الاول
لانا :ماما بدي انزل العب مع بنات جيرانا تحت نادولي وجايبن معاهن العاب باربي
ام لانا :لاء 😌مافي نزلة منشان توسخي تيابك متل هديك المرة واكلت بهدلة من ابوكي من تحت راسك
لانا :ماما الله يخليكي الله يوفقك خليني انزل والله مارح اوسخن بترجاكي ..طيب اذا وسختن ماعاد انزل على الحارة العب معاهن
ام لانا:ممم
حم طيب بس ماطولي اي لانو قرب يجي ابوكي
لانا :حاضر ماما 😍😍
راحت لانا على غرفتا جابت لعبتا الباربي يلي جبلا ياها ابوها لما كان بالسعودية واللعبة كتير حلوة بشبه لانا كتير
لانا بنت كتير حلوة عيونا زرق وبشرتا بيضة وشعراتا الشقر ومجدلين متل السنابل وعمرها ٩سنين
نزلت لانا ركد عند رفقاتا وقعدت معن وارجتن اللعبة يلي جبلا ياها ابوها
سمر:ياي شو حلوة لعبتك اعطيني شوفا شوي
ليان :اي عنجد كتير حلوة واديش حقا هاي لانا 🤗
لانا :مابعرف بابا جبلي ياها ..خدو العبو فيها بس لاتخربوها
وانا راح العب بالعابكون ...
انبسطو كتير البنات مع بعض وهن عم يلعبو بالالعاب الحلوة

قيس وجواد وعدي هدول ولاد الحارة ساكنين بالبناية يلي ساكنة فيها لانا وهن كتير اشقياء اكبر من البنات بسنتين
قيس :جواد شوف شوف هدلوك البنات شو رايك ندايقكن
جواد :اي يلا امشي
عدي :لوين رايحين ياولاد ستنو شوي
راح جواد وعدي وقيس لعند البنات بلشو يتزانخو عليهن
قيس :شوووو لعبة جديدة لك ليان هههههه بتشبة البقرة كتير ههههههه هاتي لشوفا
لانا :اخرس مارح اعطيك ياها انقلع
جواد :هاتي لهوون
عدي :حرام عليكو رجعولا ياها للعبة لاتكسروها
لانا صارت ابكي وتلحقن مايكسرولا العبة بس جواد وقيس صارو يزتو اللعبة لبعض وهيي واقفة بالنص لتلقطا وعم تبكي
عدي 😡 :خلص قيس جواد رجعوها هاتو لهون
ليان :عدي الله يوفقك جبلي ياها ...هجم عدي على قيس وقيس رما اللعبة لجواد بس جواد ماقدر يمسك اللعبة اجت اللعبة على شباك جارن ابو حمدي طبعا ابو حمدي جار كتير لئيم مابحب حدا عطول معصب
جواد :لك شو عملت يامجنون ههههه هرب جواد وقيس وضلو البنات وعدي .فتح ابو حمدي الباب وقلن :
شوو عم تعملو هون انقلعو ياقليلين الترباية والله لورجيكو
عدي :ياعمو مو نحنا هاد قيس وجواد هني يلي رمو اللعبة على باب بيتك
ابو حمدي :اخرس ..انا بورجيك
لانا :عمو نحنا اسفين كتير ..عطيني اللعبة عمو
ابو حمدي 😤:بدك اللعبة اي تكرمي خدي لقلك
كسر ابو حمد ايدين اللعبة وقلا :خديها هلأ
وليان صارت تبكي وتقول :الله يوفقك ياعمو تركا .فات ابو حمدي على البيت
لانا مسكت لعبتا وايدين اللعبة وصارت تبكي وقعدت على الارض وتشهق
اجا عدي قعد جنبا وقلا :لاتبكي لانا انا راح صلحلك ياها تعالي نقعد على العتبة نصلحا
طلعت ليان وسمر على بيتن وضلو لانا وعدي بالحارة عم يصلحلا اللعبة
لانا :عدي الايد ماعم تتركب شو نعمل
عدي:هلأ انا بسويلك اي انتي طلعي على بيتك وبس اعملك ياها ببعتلك ياها مع اختي سمر اي 🤗
لانا :طيب شو راح احكي لاهلي
عدي:قليلن انو نسيتا مع سمر .
طلعت لانا على بيتا واما ماحكت شي كانت عم تحضر مسلسل

فاتت لانا على غرفتا وتدعي وتقول يارب تتصلح يارب
بعد شوي رن الجرس فتحت ام لانا الباب
سمر :مسا الخير خالتو
ام لانا :مسا النور
سمر :هون لانا ....
ام لانا :اي هون حبيبتي خير في شي سمر
سمر:اي لانا اليوم نسيت معي اللعبة ممكن اشوفا اعطيها ياها
اي فوتي تفضلي حبيبتي
فاتت سمر لعند لانا وقالتا :لانا ليكي اخي عدي صلحلك ياها وبقلك ديري بالك عليها اي وبقلك كمان بكرى انزلي على الحارة لانو بكرى راح يجبلنا بوظة اي
لانا :☺☺طيب ماشي
............
تاني يوم نزلو البنات على الحارة قعدو على العتبة يلي بيلعبو فيها ناطيرين عدي ليجيب البوظة يلي وعدن فيها
اجا عدي وقيس وجواد اجو لعند البنات
لانا :انتو شو جابكو لهون انا بكرهك ياقيس وجواد انتو خربتولي لعبتي مارح سامحكن عليها
قيس :والله مااقصدي يالانا مابعرف كيف اجت على باب ابو حمدي
جواد :اسف يا لانا خلص ماعاد نعيدا
عدي :خلص خلص شوفو بنات جبتلكون بوظة كتير طيبة
قيس :شو رايكن نطلع على الجبل نقعد هناك كتير حلوة القعد وهيك ابو حمدي مابيطلعلنا كل يوم
جواد والبنات :اي اي منروح
لانا :انا مابدي اهلي بيخانقوني منشان ماوسخ اواعيي
عدي :لانا امشي بس هالمرة نروح ومارح يتوسخو تيابك
لانا :بس مانطول
الكل:اي ماشي
مرت شهر كل يوم لانا والبنات والولاد بيروحو على الجبل كانو يلعبو بالحجار والتراب بس لانا ماتقرب منشان اما ماتخانقا
بلش حب عدي ل لانا من الصغر
كانت لانا تحبو لعدي لانو بيدافع عنا كتير لما يتغالظو عليها قيس وجواد
تاني يوم وهو اخر يوم ل لانا وعدي
راحو ع الجبل كلن وصارو يتفتلو بالجبل ويلاقو شغلات صغيرة كابينا الناس متل العاب وشغلات بسيطى ادوات مطبخ
كانت لانا قاعدة على الصخرة اجا لعند
عدي وقلا :لانا خدي هاي الك خبيها معك هاي ذكرى مني الك اي
لانا :شو هاي
عدي :هاي سكينة صغيرة خبيها معك منشان اذا حدا بدو يقتلك ارفعي هاي بوجو راح يخاف منك راح تحميكي كتير
لانا :بس اذا شافتا امي والله بتبهدلني
عدي :انتي خبيها اي
راحو كلن ع البيت فاتت لانا على بيتا واما كانت معصبة
ام لانا :لانا وين كنتي
لانا:امي كنت تحت 😑😑😑
ام لانا :😡كذابة انا طلعت من البرندا مالقيت حدا وين كنتي ...ضلت لانا ساكتة وقالت كنا تحت ياماما
هلا بس يجي ابوكي راح تتفاهمي معو
لانا ،😭امي منشان الله لاتقولي لبابا انا بقلك وين كنت
ام لانا :تفضلي حضرتك وين كنتي 😡😡
لانا :رحنا انا ورفقاتي ولاد الجيران على الجبل
ام لانا:😨:الله لا يوفقك ان شالله لك انتي شو عم تقولي على الجبل عم تروحي وانا عم بقول ليش احيانا تيابك فيهن تراب ..بسيطة انا بفرجيكي فوتي على غرفتك يلا ..ليكي من يوم وطالع مالك نزلة على الحارة
فاتت لانا على غرفتا تبكي وتقول: يالله ليش هيك امي صيحت عليي والله ماعملت شي
اجا ابو لانا من الشغل قال :السلام عليكم كيفك ياسعاد
سعاد (ام لانا):
ام لانا :وعليكم السلام 😶😑
ابو لانا :شبك ليش هيك عم تردي السلام صاير شي حكيلي
ام لانا :انا بدي قلك شي عن لانا بنتك
ايو لانا :شبها خير شو عملت
ام لانا:بنتك عم تروح على الجبل هيي ورفقاتا ولاد حارتا بلكي صرلا شي بلكي خطفوها طلعت عم تكذب عليي انو هيي تحت بالبناية ويوم عند سمر وليان
ايو لانا :وينا لانا هلأ
ام لانا :جوا مقبورة ...يا ابو لانا انا ماعاد اقدر اسكن بهالحارة
ابو لانا :شو وين بدك نسكن لكان
ام لانا :نسكن جنب بيت اهلي هناك السكنة كتير حلوة منبيع البيت ومنشتري هناك
ابو لانا:بس
ام لانا:بس شووو بس تضيع بنتنا احسن يعني من بكرى بتجيب الدلال يشوف البيت
ابو لانا :ماشي ماشي ..فايت شوف بنتك 😒
فات ابو لانا عند لانا وقعد حدا وقلا ..ليش هيك يابنتي عم تكذبي على امك صارت لانا تبكي 😭ماعاد عيدا يابابا امي صيحت عليي يابابا
ابو لانا :امك خايفة عليكي ...خلص نامي حبيبتي اي
ترك ابو لانا بنتو
لانا مسكت السكينة وخبتا بشنتايتا
بعد مرور اسبوع .....
انباع بيت لانا وصارو ينقلو الاغراض منو لبيتن الجديد
ولانا وقفت ع الباب وصارت تبكي
لانا :ماما بدي شوف رفقاتي ودعن
ام لانا :ايوا منشان تطلعي ع الجبل معن
لانا :لا والله ياماما بس خمس دقايق ليكن تحت هن واذا بدك شوفيهن ع البرندا انو تحت
ام لانا :بس خمس دقايق
لانا :ماشي نزلت لانا لعندن وهيي عم تبكي
ليان وسمر راح نشتقلك كتير ..خدي هاي اللعبة مني ومن سمر من تتذكرينا
قيس وجواد :لا تتركو ه الحارة والله تعودنا عليكي انا وجواد اسفين لانو خربنالك اللعبة سامحينا
لانا :خلص سامحتكن بس اهلي بدن يتركو الحارة ..
وينو عدي ليش مو معكن
قيس :عدي هناك ليكو قاعد لحالو من الصبح زعلان مامنعرف ليش