وليد:اي نيالو
اماني:اتهنى
وليد:متهني مدامك معي
اماني:اسفة امانة لا تزعل
وليد:ههه لك شو ازعل اصلا انبسطت
اماني:تعبان
وليد:بس اتزكرك بروح كلشي تعب وزعل توتر وقلق
اماني:رح تضل تحبني
وليد:جاي احسم أمورنا
اماني:هههه بكون لسى ما زبطت اموري
وليد:شو امورك
اماني:اخ يا وليد لو تعرف شو صاير معي
وليد:شو احكيلي لا تخوفيني عليكي
بعتتلو سمايلات ما فهم عليها
وليد:شو هاد
اماني:شي ما بينحكى
وليد مو عاجبك الوضع
اماني:لا مو طايقة اعيش ببيت خالي ومابدي ارجع لبيت اهلي
وليد حقك والله خالك عندو شباب
اماني:اي بس مسافر
وليد:اي طمنتيني
‏_.lovestories ‏77
بقلبو:شو عاملة يعني لحتى هيك صاير معها وحكتني!؟؟ يضربو كلهن ما بنسى نبرتو لابوها قال انا ابن حرام شو يعني هو ابن حلال مبين ابوها لا ذمة ولا ضمير بنتك ضلع قاصر انت سندها لازم تكون وهلا كيف هاين عليه تعيش ببيت خالها واكيد مو مرتاحة ولا ماخدة راحتها وببيت اهلها ما كانت مرتاحة شو هالام هي وكيف بتندهلا بقرة وشو متحملة من اهلك لك اماني ولا قال مستغرب ليش مهملة حالها هي ام ولا مرت اب في وحدة بتكبر بنتها ما بتعلمها كيف تهتم بحالها وتكون متل باقي الصبايا
بس عليها تبهدل وتتامر جاييكي رح نكمل دراسة سوى
اماني نمت وليد
وليد:لا عم افكر فيكي
اماني:شو فكرت
وليد : بمستقبلنا سوى
اماني:متأمل
وليد:كتير
يوميا يحكو بالساعات تتركو بنص المحادثة وتنام متاكد بتصحى من بكير بس شو عندها واجى موعد السفر ما زود تياب بس قطعتين كان مفلس وحجز على حساب يحيى رفيقو وهو بيعرف رح يتبهدل بالمصروف وانو راجع يخطب وكمان مو مسترجي يطلب من ابوه هالطلب بس لازم يخلص اماني من هالشنططة باسرع وقت لبس بلوزة نص كم سودة وبنطلون جينز غامق وجاكيت اسود مشط شعرو اتعطر وطلع مع بحيى ليوصلو على المطار
وليد:انا اول ما ادبر المصاري ببعتلك
يحيى:لك يا عيني مو مضطر عليهن وعندك ما بيروح شي بنوب خلص انا بس اعتاز ببعتلك انو بدي اياهن وامانة شو ما احتجت انا جاهز
وليد:والله انك كفو
ودعو وهلا رح يحلق بالاجواء مو بس هو قلبو صار عند اماني وبعدها هبطت الطيارة واجراءات روتينية متعود عليها اتنفس هوى نظيف والاستقبال حافل امو وابوه واخوه سلم عليهن وبطريقهن للبيت
بعتلا:انا بطريقي للبيت لازم اشوفك بكرى ضروري
نوال:اي امي طمني عنك
نور :زبطت امورك
وليد مو كتير
ابوالنور:يعني ما حوشت شي
وليد:الحمد الله
ابو النور:بدنا نفرح فيك بقى
انبسط كتير
وليد: والله ياريت
نوال:يعنيي نويت
وليد: انشالله
ابو النور:وفي ببالك حدا
وليد:..
نور:اي احكي
وليد:هيك شي
نوال:الله يفرحني فيك
وليد:وسناء كيفها
نوال:لساتها على حالها وصار لازم ارافقها لكل مكان
انقهر من هالاخبار وصلو للبيت ودغري ل غرفتو حط الشنتة وبدل تيابو ليرتاح اتمدد ليتزكر ايام العشق وتعارفو مع اماني هالمكان شاهد على مكالماتو الزعل والضحك والمزح مجرد تخطر ع بالو بيروح فيها ما رضي يتغدا وبقي نايم كل الوقت
.......

الجزء الثالث والعشرين
‏_.lovestories ‏78
كنت ناطرة الرد
اماني:الحمد الله ع سلامتك
ايمتى ما بدك المهم اشوفك
ما كان يرد المهم انو وصل بخير وسلامة الغربة الي عايشيتها بين قرايبيني ما بتمناها لعدويني اهلي قاطعين فيني لدرجة كنت ناطرة يحددلي موعد المهم اشوفو ولساتني عم اعالج حالي من القمل الله لا يوفق مرت خالي وبناتها كل ما احس انو انظفت برجع وبلاقي براسي لو قملة خلص بقى انا مليت بس كمان اماني كوني واقعية اكيد مو بكرى العرس بس يصير شي رسمي بيناتنا ولحد هاللحظة ما رد ولا فتح
...
الصبح جاهز لاول يوم دوام بالجامعة هو ترفع بس اماني لا هالشي زعلو كتير
مجتمعين كلهن اتأمل سناء ونفسيتو تعبانة مشانها
نوال:ليش ما اتغديت معنا
وليد:ما كنت جوعان
نور:وهلا مابدك تفطر
وليد:لا عندي محاضرات
نور:اي شايفك مشخص
سناء:دوام
وليد:اي اليوم اول يوم
نوال:الله لا يضيعلك تعب
ابو النور:مافي اصعب من انو الواحد يشتغل ويدرس
نور:بس انا رأيي وليد مااشتغل
وليد:ليش بقى
نور:بتقول اوضاعك متدهورة
وليد:اي لاني رفضت اوقع عقد بالشركة
نوال:ازا هالشغلة منيحة ليش ما وقعت
وليد:سنتين مافيني
نور:لو مطرحك ما بروح هالعرض
وليد:وانت بتعرف الشروط الي بالعقد
نور:اي شو ماكانت المهم كلو ع حساب الشركة
بقلبو:اي مابدي اغيب سنتين عن اماني
نور:انا برأيي روحت ع حالك
وليد:بس مدير الشركة حكالي ايمتى ما قررت تعال ومارح نختلف
سناء:وليش انت
وليد:لا مو بس انا لكل الشباب الي بعمري
نوال:شو عدا ما بدا
وليد:مابعرف...على كلا انا اتاخرت
ودعهن وطلع ودغري بعت ل اماني
وليد:بطريقي للجامعة وينك انتي
وقت اتصلت اتجدد الامل جواتو
وليد:صباحك ورد
اماني:طالع للجامعة
وليد:اي وانتي
اماني:اي وانا كمان شوي وبوصل
وليد:واخيرا مو مسدء رح اشوفك
اماني:وانا كمان لا تتأخر
موعد بالنسبة الو كان مستحيل طبعا التقى ب نادر ومرهف سلمو عليه
نادر:لك ليش متغير
مرهف:نحفان ما كنت هيك
وليد :هاد انا وبلا انتقادات كزابية
نادر:بس والله متغير
وليد:وانتو متغيرين
مرهف:طولان انا
وليد:ههه طول العامود
بالكافتيريا يدور لحتى لمحها غمض للحظات وابتسم باعجاب الها وقعد مع رفقاتو ليشغل ايديه بالكتابة
وليد:يسلملي الحليان
اماني:وانت كمان
وليد:ما قلتي تسلملي
اماني:تسلم لقلبي
وليد:يا اميييي شو حلوة
اماني:انت اشتقتلي
وليد:ميت عليكي وين بدك نلتقي
اماني:اول ما تخلص المحاضرة
وليد:ناوية ما اركز مو
اماني:انت ايمتى بدك
وليد:شوي بس لاتهرب من هالجوز
اماني:خود راحتك
مرهف:مين بتحاكي
نادر:انا فضولي رح يقتلني
ترك الموبايل وهو مبتسم
وليد:ليش بقى
نادر:يعني ضحكتك مو طبيعية
وليد:انا
‏_.lovestories ‏79
مرهف:شوفو كيف مبتسم ياربي مين ضاحكة عليك انت
وليد:شو دخلكن
نادر:هنيك حابب
وليد:اي هنيك
مرهف: والله بيطلع منك
وليد:رايح اشوف بلال برجعلكن
مرهف:وينك ووين بلال
وليد:لا هو قريب من هون
مرهف:هلا معقول هالضحكة لبلال
وليد:احلفلكن
نادر:كزاب ولو حلفت
وليد كملو حكي عني
تركهن وطلع لبرى الجامعة ناطر على نار لحتى طلعت اماني ومبين انها متلبكة وخايفة بس ما همو الا انو يحكو
....
كنت اطلع بكل لوجوه والتقيت فيه
اماني:مابدي اتاخر
وليد:هي بدك كيفك طمني عنك
اماني:..
بقلبي:مبين انك مو منيح ومتغير كمان
وليد:طيب لا تسكتي طمنيني عنك
اتمشينا حد بعض
اماني:تمام
وليد:وشو قصة السكنة ببيت خالك
اماني:حكاية طويلة
سردت عليه من اول لحظة انمسكت فيها لحد ما اتواصلت معو
وليد:يا لطيف شو هالاهل هدول انتي متاكدة انهن اهلك
اماني:ليش فيها شك
وليد:مابعرف راجعي دفتر العيلة مو معقول هي ام وهداك اب واخوة
اماني:لا تزيدها عليي يا وليد
وليد:طيب وين بداوم خالك كانو زلمة عاقل
اماني:انت ناوي تفضحني
وليد :فضيحة مين وين بداوم
اماني:بالمحكمة
وليد:وايمتى بخلص دوامو
اماني:ع الساعة اربعة
وليد:انا بشوف المناسب وبعملو
اماني:بس وليد انت متسرع بالموضوع
وليد: لا ابدا ومدامني جاي جديد لازم انهي الموضوع اصلا كيف ابوكي بقبل تعيشي ببيت خالك بدي افهم بقلمي مايا الحجازي
اماني:طيب انت عصبت كانو
وليد:الي حكيتيه استفزني وكيف وافقتي على هالذل
اماني:شو اعمل ماحدا كان معي الا خالي
وليد:طيب المهم انو شفتك اسالك سؤال
اماني:اي
ولبد:شو عاملة بحالك
اماني:ههه متغيرة
وليد كتير وواضح اهتمامك بحالك
اماني:كلك زووء
وليد:يلا مشينا
اماني:انا برجع لحالي مو حلوة حدا يشوفني معك
وليد :كانو مو معك رفيقتك
اماني:بكرى راجعة وعلى كلا هني اترفعن وانا لساتني سنة تانية
وليد:المهم ارجعتي للدراسة والباقي بيتعوض
ودعتو وارجعت للجامعة وخجلانة كتير بس مبين وليد مجدد يعني مو مزح شو بدو بخالي وكيف بدو يفتح معو الموضوع

.........
عند باب المحكمة سال العنصر عن القاضي وفات استنى شي عشر دقايق لحتى يسمحلو يفوت
دق الباب رغم انو مفتوح كان شخصية ومبين عليه انو الو مكانة
وليد: السلام عليكم
ابو نعيم: وعليكم السلام اتفضل
سلم عليه بأيدو
وليد:الموضوع شوي خاص
ابو نعيم:اهلا وسهلا اتفضل شو بتحب تشرب
وليد:مابدي اعزبك ابدا
طلبلو قهوة
ابو نعيم: خير يا ابني
وليد :الصراحة
ابو نعيم:...
وليد:انا زميل اماني بالجامعة
رفع حواجبو بأستغراب
ابونعيم:اي كمل
وليد:انا حابب اتقدملها
ابو نعيم:بس انا مو ابوها
وليد:بس الي افهمتو انت بتمون على اهلها
‏_.lovestories ‏80
ابو نعيم:انت الي تسببتلها بالمشكلة
وليد:مو بقصدي مافكرت يصير معها كل هالشي
ابو نعيم:رغم انو ضد عقلي الحب وهالقصص بس اماني عاقلة كتير وانا واثق فيها لدرجة
وليد: وانا جاهز لكلشي بتطلبوه
ابو نعيم: الاحسن تتواصل مع اهلها
وليد:وبصير خير
ابو نعيم:ازا سالو عنك اكيد
شرب قهوتو وهو مو متوقع شو ممكن يصير بس كان متأمل بخالها كتير طلع معو خالها لانو دوامو انتهى
ابو نعيم:وين طريقك
وليد:لا ابدا مابدي اعزبك
ابو نعيم:حابب احكي معك بموضوع مهم
وافق بس ليعرف شو هالموضوع
شغل ومشيو بعد ما وليد اعطاه عنوان بيت اهلو
ابو نعيم:انت بتعرف كلشي عن اماني
وليد:مو اكتر من انها زميلتي
ابو نعيم:كيف اتعرفتو على بعض
وليد:متل اي تنين وحسيت انو منشبه بعض
ابو نعيم:انا رح اخبرك شي بتمنى تاخدو بعين الاعتبار
وليد:اكيد
ابو نعيم :اماني بنت حساسة لدرجة وذكية وبهمني مستقبلها كتير
وليد:وانا لو مو مهمة بحياتي بجي وبحكي معك
ابو نعيم:هي خبرتك تحكي معي
وليد:لا بس انا بعرف انها مقيمة عندك حاليا
ابو نعيم:وانت عندك استعداد تروح لبيت اهلها وتطلبها
وليد:اي
ابو نعيم:ازا بدك يصير في قبول خبرهن على انو انت من طرفي
وليد:بتفرق
ابو نعيم:اكيد بتفرق وانا رح اسال عنك وعن اهلك
وليد:اسأل وحقكن هاد ...شكرا على التوصيلة
ابو نعيم:ومنو اعرفت وين ساكن
وغمزو ليضحك وليد ب خجل
وليد:اتشرفت بمعرفتك ابو
ابو نعيم:ابو نعيم
وليد اتشرفت بمعرفتك
سلم عليه ونزل مبسوط
بقلبو:مو هاد الموضوع المهم في شي كان بدو يحكيه ومتردد معقول بيخص اماني واهلها
وصل بوقت الغدا وما استرجى يعتذر رغم انو مو جوعان بس متحمس يفتح الموضوع مع اهلها غسل ايديه وجابتلو مرت اخوه صحن وشاركهن
وليد:يسلمو
نوال:طولت؟
وليد:مو كتير
نور:مين الي وصلك للبيت
وليد:.
نور:اول مرة بشوف هالسيارة
وليد:حدا بعرفو
نور:بس كانو رجال كبير بالعمر
وليد:...
ابو النور:في شي صاير شي معك
وليد:انا نويت اخطب
ارتسمت البسمة على وش امو وحتى ابوه انبسط كتير
نور:واخيرا
وليد:بس يعني خجلان من اني اطلب مساعدتكن
نوال:لا حبيبي حقك ومتل ما جوزنا نور منخطبلك
وليد:بس انا بدي اتجوز دغري
اختفت ابتسامة امو
نوال:ليش
وليد:انو احسن
نور:بالعكس الخطبة شي حلو كتير
وليد:بس انا مابدي انشغل عن دراستي
سناء:ومنعرفها نحن
نوال:في حدا ببالك
وليد:اي زميلتي بالجامعة
نور هيك لكن ومستعجل موو
وليد:شو قصدك
نور:لا لا كمل اكلك ليش ازعلت
وليد:...
نوال:وهون البنت
وليد:اي
نوال:طيب بدي اشوفها
وليد:اكيد
نوال:بتقبل تيجي لهون
وليد:لا مو واردةانا بعزمها وبتتعرفي عليها
ابو النور:على بركة الله

‏_.lovestories ‏81
حس في شي غريب نظراتهن وحتى شغلة تعارف امو عليها قبل اي شي رسمي
ما ريحتو بس الاهم يتم الموضوع باسرع وقت
.........
كنت بالحمام عم اخلص حالي من القمل اليوم وقت التقيت ب وليد حسيت حالي اصغر مخلوقة بالعالم شب انيق ونظايفي وانا بنت مو واصلة لنظافتو ورتابتو ياربي من وين اجاني هالبلى والله بعمري ما اتخيلت يصير فيني هيك وانا بهالعمر بس لازمني علاج من الصيدلية ورح احكيلها ل بنت اخي ليش هي عارفة لمين خلصت ومشطت وربطت شعري ورحت للغرفة احكي وليد بالسر بس كان مسكر جهزت حالي ورحت للصيدلية تمشاية كان عندها زبونة ونطرتها لحتى طلعت
اماني:بلاقي عندك علاج للقمل
الصيدلية:اي اكيد
اماني:وبجيب نتيجة دغري
الصيدلية:اسبوع بالكتير لبنت صغيرة
اماني:اي صف تاني
الصيدلية:بس بدك تنتبهي عليها هاد الدوا بيضل نص ساعة على راسها وبعدها لازم دغري تنظفو بشامبو وبتسخدمو مرتين بالاسبوع
وكمان اعطتني مشط المهم انظف مو ناقصني
حاسبتها وارجعت للبيت متحمسة صرت عند شباك البيت واسمعت مرت خالي تحكي
سوزانة:يعني لايمتى يا ابو نعيم
ابو نعيم:لحتى تخلص دراستها
سوزانة:نعم شو اتفضلت
ابو نعيم:البنت بكفالتي وخلص انتهى نقاشنا
سوزانة:بيتنا انقلب قلب ريحت الزنخة بكل مكان
فتحت عيوني مصدومة انقلب كلشي عليي
ابو نعيم:وشو علاقتها
سوزانة:هي شو بعرفها بالنظافة جاية من تحت البقر جليها مو نظيف وهي كلها على بعضها مو نظيفة بعمري ما شفت القمل الا وقت اجت هالبنت لبيتي

بلعت ريقي بصعوبة وقلبي يرجف
ابو نعيم:شو هالحكي اماني مرتبة ونظيفة ما بسدء عليها
سوزانة:شو رايك افتشها قدامك
تركت المكان ودموعي سالو اي مابدي ارجع للبيت خايفة من هالشغة والله بيعلم ما كان فيني البلا من وين طلعتلي مرت خالي بهالحكي واجى اتصال وليد متل الفرج رديت دغري عليه
اماني:الو
وليد:كيفك حبيبتي
اماني منيحة انت كيفك
وليد:مرضانة انتي
اماني:اي هيك شي
وليد:انا عازمك بكرى على غدا
اماني:بكرى
وليد:اي مو منيح
اماني:..
وليد:ايمتى بناسبك
اماني:ما بعرف بس شو سبب العزيمة
وليد: اكسب شوفتك
اماني ماشي
وليد:انتي برى البيت
اماني:اي
وليد:وين رايحة بهيك وقت
اماني:مابعرف ضجرانة ياريتني سجلت بالسكن الجامعي
وليد:صاير شي متخانقة مع حدا
اماني:انا شكلي بعرف يخانق بس خايفة
وليد:من شو
اماني:مابعرف مو مرتاحة وبس
وليد:وين انتي بالضبط
اماني:صرت عند تقاطع الإشارة
وليد:طيب خليكي عندك انا خمس دقايق بكون عندك
ارتحت كتير لانو راح اشوفو عم انطرو على نار لحتى اجى افرحت بشوفتو
وليد:طولت
اماني: المهم انك اجيت
وليد:لك شو مطلعك بهالجو
اماني:بدنا نضل هون
وليد:نقعد بالحديقة
‏_.lovestories ‏82
فتنا للحديقة سوى
وليد:شو صاير اماني بكيانة مو
اماني:لا مزعوجة مو اكتر
وليد:من شو احكيلي
اماني: لا الموضوع شوي خاص ما بينحكى
يمكن فسرو شي تاني لهيك خجل
وما احلاني احكيلو خايفة ارجع وانفضح قدام خالي
وليد:اي سلامتك بس مو منيحة طلعتك وانتي شايفة الطرقات شبه فاضية والدنيا رح تعتم
اماني: كنت بالصيدلية
وليد:اي ولو كان فيكي تطلعي مع بنت خالك
اماني:لا مو صحبة معها
وليد:انتي انطوائيه
اماني:لا بالعكس انا مسايرة بس هي نفسية كتير مو شوي
وليد:دخيلو المتواضع
اماني: ...
وليد:بدي بكرى اشوفك مروقة اي
اماني:ههه اكتر من هيك
وليد:اكتر
اماني:طيب متل مابدك
وليد:..
اشترى عصير فرش وضلينا نتمشى وندردش لحتى عتمت العين
اماني:صار لازم ارجع
وليد:اي انا بوصلك
اماني:بس قبل بيت خالي بتروح
وليد:اكيد ولا يهمك
رجعني لاول الحارة ودعتو ودغري للبيت رنيت الجرس ودغري فتحتلي
سوزانة:شرفتي
اماني:..
سوزانة:وين كنتي
اماني:عند رفيقتي
سوزانة:بس طولتي بدنا نتعشى
اماني:ما فكرت تنطروني
سوزانة:..
فاتت انا سكرت الباب ورحت خبيت الدوا بخزانتي وشاركتهن الاكل بس خالي مو مهتم لنظرات مرتو
ضبيت الاكل وساعدت فيحاء بالشغل كنت مصدومة وانا اغسل لصحون نصها زفر
اماني:مو نظاف
فيحاء:شو اتفضلتي
اماني:شوفي الزفر ها
فيحاء:ايوا وعم تعلميني يعني ها
تركت من ايدها وراحت ل غرفتها وانا عدت على لصحون شطفت المطبخ ب معطر وكلور ورحت لارتاح من التفكير ورح افكر بس ب عزيمة وليد طبعا الليلة كانت كلها مراسلة وحكي رومنسي وغزل ومزح وضحك بقلمي مايا الحجازي
.......
كان واقف عند الباب ينطر امو
وليد:يلا يا عروس
نوال:اخراس ولاه
وليد:يا امي رح نتاخر
نوال:اي بتنطر شو وراها فوق ما جايبلها عريس مافي منو
وليد:هههه اي يلا بعدين بتمننيها بس يصير جد
نوال:ليك ازا مو حلوة برفعلك حواجبي وبدك تنساها
وليد:امي عاجبيتني انتي رايحة بس تتعرفي عليها مو تقيميها
نور:لا حبيبي امي الها نظرة ثاقبة
نوال:شفت اتعلم من اخوك الشطارة
نفخ ب عصبية
وليد:انا بالسيارة لا تطولي والله لو عريس الك مو هيك
فرطت ضحك ولحقتو
بالسيارة ضل ينفخ لحتى اجت وطالعة انيقة كتير
دفشتو بكوعها
وليد:..
نوال:روق ولاه
وليد:حسيت مستقصدة تتاخري
نوال:لا مو حلوة تشوف حماتها مو حلوة
وليد:...
شغل ومشى ومو مسدء يوصل ومنيح اماني لسى مو واصلة قعد مقابل امو وبعت ل اماني
وليد:يلا وينك
نوال:بتحاكيها
وليد:اي
نوال:طولت مو
وليد:هلا نحن اوصلنا
نوال:لنشوف زوق ابني
وليد:...
‏_.lovestories ‏83
هو شايفها ملكة جمال العالم ومتاكد رح تحبها امو وقت وصلت وقف دغري وشافها اترددت بس شافت امو ونزلت راسها بس كملت مشي
نوال:هي البنت
وليد:اي
وطبعا امو اتمايزتها من فوق ل تحت بس اماني متمكيجة وانيقة كتير
اماني مسالخير
وقفت امو وسلمت عليها
نوال:اهلين مسالنور
وليد:بعرفك اماني...وهي امي
شافها خجلانة كتير وصوتها اختفى
وليد:اتفضلي
قعدت ونزلت راسها
.......
خفت من شوفة امو واصلا ما اتوقعت عازمني يعرفها عليي طلب الغدا وانا اصلا لا بدي اتغدا ولا اتعشى النظرات كانت بتفحص بس مابعرف شو اشرتلو وهو اكدلها
معقول عم ياخد رايها ازا انا حلوة او لا
نوال:ومن هون اماني
اماني:لا
كانت عم تستجوبني محافظتي ضيعتي اهلي وكلشي بيخصني وانا رح اموت من هالموقف
نوال:ومن زمان بتعرفو بعض
وليد من سنة تقريبا
وبعدها اعتذرت ورحت للحمام اخد نفس من هالاحراج
.....
وليد:شو امي

نوال:يعني مو كتير في احلى منها
وليد:امي انا عاجبيتني
نوال:واضح حبيبي انك غرقان فيها
وليد:يعني اتقدملها
نوال:اي مدامك مقتنع فيها انا مو معترضة بس بلكي طلبو مهر كبير نحن حيلتنا هالمحبس والحلقات
وليد:انا بدبرها
نوال:خلص اتوكل على الله بس كتير خجولة كانو
وليد:احسن مو
نوال:ايه انشالله ما تكون مظاهر وبس
وليد:...
رجعت اماني شربو قهوة واتحلو واصر هو يوصلها اخر شي بيتوقعو عصبية اماني عليه اتصلت بعد نص ليل
اماني:شو هاد وليد
وليد:شو هاد
اماني:انت كيف بتحطني بهيك موقف اه
وليد:ما حبيتي
اماني:لك كيف بتجيبني بدون ما تحكي انو معك امك
وليد:ؤح تصير حماتك
اماني:يا الله منك والله الموقف صعب كتير
وليد::انا بدي اتقدملك بشكل رسمي
اماني:يعني عجبت امك
وليد:وامي شو علاقتها المهم انا معجب فيكي
اماني:ومقتنع فيني
وليد:شو هالسؤال بلا بعدكل هالحب بتساليني
اماني:بلكي اتسرعت انت
وليد:هههه لا مو متسرع
اماني:بلكي انا مو نظايفية ومو مرتبة
وليد:هلا هاد حكي بربك
اماني:...
وليد:اماني انتي ما بدك اياني
اماني:...
وليد:يا اي يا لا
اماني:..
وليد:بدك ولا لأ
اماني: حاليا لا
انصدم ما اتوقع
وليد :شو يعني حاليا
اماني: نأجلها
وليد:سنة؟؟
اماني:مابعرف بس انا مو جاهزة حاليا للخطبة
وليد:ها....شو صار يعني حابة تضلي ببيت خالك مثلا
اماني وانت شادد حيلك مشان سكنتي ببيت خالي
وليد:هو سبب رئيسي
اماني:احكيلك شي
وليد اتفضلي
اماني:اجل الموضوع
وليد:لايمتى
اماني:يعني لاخر السنة
وليد:وشو رح يصير لاخر السنة عم تتأكدي من قرارك
اماني:لا بس لوقتها بردلك خبر
وليد:وفي احتمال ترفضي
اماني:لا مو هيك بس احسن
وليد:انت بوعيك
اماني:اي ومتاكدة من قراري
‏_.lovestories ‏84
وليد:اي ع راحتك بس تقرري رديلي خبر😏
اماني:ازعلت
وليد:بهمك تعرفي
اماني:اي
وايد:وشو بغير ازا ازعلت
اماني:..
وليد:بس انت انسحبتي هيك رح اعتبرها
اماني:..
وليد:مدامك مو عارفة تردي عليي منحكي بعدين
فصل وهو بقمة القهر وخجلان يحكي لاهلو اجلت الموضوع وما عم يتوقع شو سبب الانسحاب
......
صار حدا تاني بالجامعة ما يتطلع فيني كتير وحتى ردودو على رسائلي ناشفة مافيها اي كلمة كنت بالجامعة وبعتلو
اماني كيفك
وليد: اهلين
اماني:ليش ما رديت عليي مبارح
وليد :كنت مع اصحابي
اماني:بس حكيتلي انك بالبيت
وليد بعدها اطلعت لعندهن
اماني:فيك شي انت متغير
وليد لا تضحكيني بلا
اماني:لساتك زعلان
وليد:لكن انا تحطيني بهالموقف حكيت مع خالك وعرفت امي عليكي لتحكيلي مو وقتو شو انا ولد صغير
اماني:لا مو هيك بس انا عندي ظروف شخصية
وليد:شو هالظروف الي بتمنعني اتقدملك وكمان تسمحلك تنسحبي من هالعلاقة
اماني:انسحبت وقلتلك لاخر السنة
وليد:وانتي واثقة انو ارجع احكيلك بدي اياكي ونخطب
رجف جسمي لاني شفتو معصب
اماني:طيب خلينا نقعد ونحكي
وليد:لا مافي داعي
اماني:طيب روق تعال نحكي
وليد:لا مابدي نحكي
اماني:يعني
وليد احظريني وانسيني كمان
اماني:لك وليد لا تحكي هيك
شفتو وقف وحط الموبايل ب جيبتو وطلع من الجامعة وانا الحقتو حسيت انو عم ينهي العلاقة وما اهتميت انو الناس تشوفني
اماني:وليد
بلشت اندهلو وهو سامع ومطنش
اماني: وليد جرصتني وقف عم اركض وراك
قربت منو ومسكتو من جاكيتو
وليد: اتركيني
اماني:شبك كيف بتخليني اركض وراك
وليد:متل ما خليتيني اركض وراكي وبطلتي
اماني:يا وليد افهمني انا عندي ظروف ومابتسمحلي نخطب هلا
وليد:لك لا تجننيني ظروف شو احكيلي
دمعو عيوني واخدت نفس
اماني:انا..ما عم انظف
وليد:هههه شو اتفضلتي
اماني وليد انا صايبني والله خجلانة احكيلك بس هو متل المرض وما عم اتخلص منو
وليد:شو هو
اماني:لك والله خجلانة
وليد:لك قولي ما بدي وخلص
اماني:..
سالو دموعي شو احكيلو انا مقملة وكل ما عم انظف حالي عم يرجع
اماني:انا ..
وليد اي اي شو انتي
اماني:
طالعت الموبايل وكتبتلو على محادثتوو
اماني:انا مقملة وما عم اقدر انظف حالي
كان يقرأ ومهتم وبعدها فرط ضحك
وليد:بتمزحي مو
اماني:لا عنجد
وليد:ومن وين اجاكي هالبلا
اماني:والله مابعرف بس ما عم اتخلص منو من وقت سكنت ببيت خالي وانا بعاني منو
وليد:وانتي بهالعمر
اماني:وانا خجلانة حتى من حالي ومرت خالي عم تحكي انو بسببي بناتها صار فيهن
وليد:مو مستوعب لا لا مستحيل
اماني:ليك انت بتستاهل احسن مني
وليد:لك فهميني بس انت عم تحكي جد
اماني :معقول امزح بهيك موضوع
‏_.lovestories ‏85
وليد:طيب ازا عدوى بتروح
اماني:لك ما تحكي هيك انت التاني حتى خالي مابدو ارجع للسكن وانا مو محبة فيهن بدي اعرف من وين عم يجيني هالشي
وليد:والحل اماني شو نعمل استنى كمان
اماني:...

وليد خلص لا تطلعي هيك متل اليتيمة
اماني:...
وليد:تعالي نتمشى
الحقتو مجبورة كنت مزعوجة منو ومن حالي
وليد:طيب جبتي دوا
اماني:لك ما خليت صيدلية وصرت اخجل شي موطبيعي
وليد:هههه والله مو مسدء صبية بعمرك هيك يصير معها
اماني:..
وليد والله لو انك صغيرة ما بستغرب مدارس وهيك بس انتي بتتحجبي
اماني:بس ببيت خالي لا ما بتحجب
وليد:خلص التزمي فيه او قلك ارجعي لبيت اهلك وبعدها بتعرفي حالك على شو
اماني:...
وليد:..
.....
بقلبو:لا مستحيل شو الي اسمعتو يحاول يتقبل الموضوع كان مشمئز منو كتير
وليد:لا تزعلي بتصير كتير
اماني:انا متدايقة وخايفة يكون مني هالشي
وليد:هههه ما بتغسلي ايديكي بعد الاكل
كانت عم تقلدو بطريقة عفوية وفرط ضحك عليها بقلمي مايا الحجازي
وليد:يا امييي قهرتك مو
اماني:وليد بربك الموضوع جد
وليد:قلديني كيف احكيت
اماني:لك حاجتك والله رح اموت
وليد:انا بنظفك
عض على شفافو وانصدمت هي
اماني:بلا جد
وليد:مع اني غشيم بس فرصة اللعب بشعراتك
اماني: هههه لتروح تقمل
وليد بتلعبيلي بشعراتي😂😂
اماني:شو رايق يا وليد
وليد:طيب ليش ما خبرتيني
اماني:بتلاقيها حلوة بحقي
وليد:شو نعمل تاني مرة غسلي ايديكي
هرب وهي ركضت وراه وضربتو بدفتر المحاضرات
وليد:بمزح والله انا بحبك بكل حالاتك بس مو تنسحبي بهالطريقة
اماني: وليد
وقفت فجأة وهو لف واطلع عليها
اماني:انا مقملة منيح
ليغرق بضحكتو لانها حكتها ببراءة
وليد:دخيلو البريء لمقمل
اماني انت متخيل شو يعني هالحكي
وليد:خلص بينحل الموضوع انت بتقعدي جنب حدا
اماني:على طول بنت خالي لصغيرة بتقعد جنبي وبتضل قريبة مني
وليد:بالمدرسة هي
اماني:اي بالصف الرابع
وليد:من هيك اطمني انتي قبل كان فيكي شي
بخجل حكت
اماني:اي بالصف الرابع صابني هيك
وليد :وانتي صبية
اماني:بس هلا
وليد:محلولة الشغلة بس شو بتقولي للصيدلانية
بقهر حكت
اماني:لبنت اخي
وليد هههه طيب انت نظفي بنات خالك وانا بضمنلك ما بقى يصير فيكي شي
اماني: بقرف
وليد:ههه لكن كيف بتنظفي حالك
اماني:بكون ارجف من الخوف
وليد:هههه لتروح تاكلك
اماني: وليد بدك تضلك تتمسخر انا رايحة
وليد منروح سوى عازمك على عصير
اماني:...

الجزء الرابع والعشرين
‏_.lovestories ‏86
مشيو سوى هو يضحك ويتمسخر وهي معصبة وخجلانة كمان بالكافيه طلب العصير يتأمل جمالها
وليد:عادي خدي راحتك
اماني: وليد بقلب الطاولة عليك
وايد:هههه لا بس حليانة كتير
اماني:شو حلاني بلا
وليد:حلوة يسعدك بكل الاوقات
اماني:انشالله تقمل بدل ما اتمسخرت عليي
وليد:بحلق شعراتي
اماني:احلقهن انا كمان
وليد:لحتى اشوفهن بالاول
اماني:عندي صور ل شعري كتير
وليد:يا امييي لهدرجة حلو
اماني:...
وليد:بلا حلو
هز راسها ببراءة
وليد:معجبة فيه
اماني:كتير
وليد:وغرة وهيك
اماني:اي
وليد:شوقتيني اشوف
اماني:الايام جاية
وليد:اي ايمتى اتقدملك
اماني:ايمتى مابدك
وايد:وافقتي
اماني كنت خايفة تكتشف او انفضح اعرفت
وليد:لا حبيبتي مافيها فضايح وانا وانتي منحل الموضوع لانو سخيف كتير
اماني:ما بنسى ضحكتك
وليد:ما بنسى لمستك
اماني:انو لمسة من وين جبت هالحكي
وليد:مين مسكني ما جاكيتي من شوي
اماني:هلا هي لمسة
وليد:انا انتعشت منها ف كيف ازا لمسة تانية
وتكون مباشر
اماني اي زوق على دمك واستحي
وليد:دخيلو يا امييي ابنك راح فيها
اماني:يا امووو تعالي لميه
وايد:ههه حماتك لا تخربطي
اماني:بس كتير مهتمة بحالها امك
وليد:ليش ما حكيتلك
اماني:هئ
وايد:بعد ما اكتشفت انو بابا ناوي يجدد صارت ام النور صبية بعمر العشرين لبس اناقة كريمات وصابغة حاليا
فرطت ضحك
اماني:خير ما عملت
وليد:تخيليني أجهل بالاربعين
اماني:بدبحك والله
وليد:بتسخي فيني
اماني:بهون عليك تحب عليي
وليد:بعدين بعلمك كيف بتدوم العلاقة الزوجية
اماني:فيها تعليم
وليد:هههه اي
اماني: من ضحكتك الموضوع ما بينحكى
....
غرق بضحكتو شو انو ازعر وانا ع اساس غشيمة ما بيعرف انو اتعلمت دروس خصوصي من البنات كيف لرجال بنص عقل بس رح ابهرو ومستحيل ازا اتزوجنا اخليه ترف عينو ع غيري
بعد العصير ارجعنا للجامعة بس مو سوى كل واحد لحال ع اساس ماحدا شافني طالعة وراه دغري بس ارتحت نفسيا
وكمان خجلانة ولو هو أظهر البرود بس حكى عليي بينو وبين حالو ولا عم يتمسخر عليي كمان
ما كنت متوقعة يروح للضيعة ويطلب ايدي بشكل رسمي وشو انا ببيت خالي اسمعت متلي متل اي حدا غريب كانت فيحاء مو عاجبها
فيحاء: شو جايكي خطاب لك محورقة
اماني:خطاب
فيحاء:اي ومن هون
انصدمت
فيحاء :وابوكي اتصل شاور بابا لانو العريس من طرفو
ولييي طار عقلي
اماني:شو عم تحكي
فيحاء:والله هاد الي صار
اطلعت افهم من خالي كان يحكي مع بابا ومن كلم ل كلمة
خالي:خدي ابوكي
اماني:الو
بابا:كيفك
اماني:الحمد الله بابا
‏_.lovestories ‏87
بابا:اجاكي عريس ونحن سألنا خالك عنو ومدح فيه ووافقنا
اماني:وافقتو كيف بلكي مابدي
بابا:غصب عنك مو بكيفك اصلا منيح اندق بابك على كلا الجماعة حددو الخميس كتب ل كتاب مشان تيجي مع خالك
انا ساكتة ورحت دغري احكي مع وليد واستفهم منو
اماني:الوو وينك شو صار فهمني
ليرد عليي اخر الليل
وليد:بدل ما تفرحي
اماني:بس انا قلت لاخر السنة
وليد:ما بهم التوقيت المهم اخدنا الموافقة
اماني:كيف من طرف خالي ما افهمت
وليد هيك خالك بدو
اماني ....
افكار تاخدني وافكار تجيبني بس صار الموضوع جد وطلع وليد عند وعدو كليوم اشوفو بالجامعة نقعد قبال بعض بالكافتيريا كل واحد ع طاولة وندردش مراسلة
يوم الاربعاء جاهزة للسفر مع خالي وعيلتو ليتم كتب لكتاب بشكل رسمي مسدءة ومو مسدءة
......
كان طريق السفر طويل هو مقتنع قناعة تامة فيها بس يمكن امو ما يعجبها وضع اهلها
صفطو على الشارع ونزلو
نوال: هلا هاد بيتهن
ابو النور:اكيد
وليد:نحن مو جايين نعمل تقييم للناس
نوال:ايه لنشوف اخرتها معك
سناء:يعني موحلو البيت
وليد:فوتي اختي لا تهتمي لشي
الاستقبال حافل مبين البيت رح يكون فيه فرح كان نظيف ومرتب ولو مد عربي سلمو على الكل وبالاول قعدو قعدة عائلية لحد ما اجى الشيخ وكم زلمة من كبارية اهل ضيعتهن لحتى حط ايدو بايد الشيخ وخلص صارت اماني خطيبتو بعد ما اتفقو على المهر وكتير انبسطت امو ما طلبو شي كتير وهيك تمت الخطبة ليرجعو أهلو وهو يضل بأستضافة بيت اهلها هو بحالو مستغرب لطافة اهلها معو ومعها بس خلص ليكها جايبة القهوة وجاية تقعد معو بالمضافة يتأملها بخجلها ضيفتو وقعدت جنبو والباب مفتوح بقلمي مايا الحجازي
أماني:اتفضل
اخد الفنجان وشف منو
وليد:هاد تاني اطيب فنجان قهوة
اماني:ليش ما بقيو اهلك
وليد:سلموني الكن
اماني:هههه بس كانك مستعجل
وليد:منعيش جو الخطبة
اماني:اي حبيت ضيعتنا
وليد وكيف مابدي احبها
اماني:اختك مريضة مو
وليد:اي
اماني:بس ما خبرتني شي عنها
وليد:اي ما خطرلي بنوب
اماني:بس هي بتشبه القمر
وليد:بتشبه القمر بس ما بتشوف حالها

اماني:ومافي علاج
وليد:لا
اماني:هلا انا اتاكدت انو عيلتكن كلها حلوة
وليد:وعيلتكن بتجنن بس ملاحظ ملاحظة
اماني:شو هي
وليد:انتي ما بتشبهي حدا حتى ابوكي
اماني:ايوا شو قصدك
وايد:لا لا ما قصدت شي
اماني:ليكون بتحطني بزمتك
وليد هههه والله مو هيك يا روحي خلص انسي
اماني:بس حسيت امك مو كتير حابيتني
وليد:شو بدك فيها المهم انا حابب وكتير كمان
اماني:رح تضل عنا
وليد:لا ازا بدك بروح هلا
اماني:لك خليك اصلا بدي افرجيك على آثار الضيعة
وليد:فيها اثار
اماني:ههه اي وكتير مناطق حلوة
وليد:الايام جاية
.....
‏_.lovestories ‏88
يوم واحد كان كافي لاسدء انو خلص خطبنا اجى رفيقو اخدو من عنا ودعتو غصب عني وماما مبسوطة كتير لاول مرة بيعاملوني بلطف من سنين بس فرحتهن لا توصف رح يخلصو مني على اهون سبب معقول ياربي تكمل معي واعيش مع وليد حياة كريمة وخلص تنتهي حياة التعتير والشنططة طبعا عزمونا بيت حمايي بس اهلي رفضو يحضرو وكمان رفضو ارجع للمدينة الا عروس هالشي تناقشو وليد مع بابا واتفقو على يوم العرس كنت مسايرة وايمتى استوعبت وانا مصمودة بفستاني الابيض بصالة كتير حلوة حضور رفقاتي الي مو مسدءات مين العريس وكيف صار هيك والاحلى اكمل دراستي عندو أجواء فرح بس انا ليش مو مسدءة انو خلص انا ووليد رح نتجوز واتخيلت تنكتب لحياتي السعادة التامة بس ما كنت بعرف شو ناطرني
......

كانت خايفة ومبين عليها كل ما قرب ليبوسها تصدو وكتير استفزتو ودغري اتجلس
ولساتها مغمضة
وليد:ليش
اماني:متوترة شوي
وليد:بس نحن منحب بعض
أماني:...
وليد:مو بسهولة بعرف بس مو هيك
اماني:ماني مرتاحة
وليد:..
بقلبو:رح اصبر يمكن اتغير الجو والمكان عليها وانا بعرف اديش هي حساسة وشو اتحملت
وليد:..
لبس جاكيت البيجامة وطلع من الغرفة هدوء البيت سببلو راحة نفسية فات للمطبخ وعمل تنين قهوة بجية نور لعندو
نور:شو قهوة بليلة العرس
بقلبو:مو راضية تدقر شي الانسة
وليد:بتعرفني بحبها
نور:في شي
وليد: لا ابدا
نور:...
تركو وطلع من المطبخ جهز القهوة ورجع للغرفة ليشوف اماني واقفة عند لمرايا ونازل شعرها لاخر ظهرها ابتسم لجمال هاللون والنعومة كمان
اماني:انا اسفة وليد
وليد:لا عادي
قعدو لتنين على التخت طالع دخانو وشغل ومقهور كتير بس عم يونس حالو
وليد:ارتاحي لا تضلي خجلانة
زبطت قعدتها كانت ببجامة حرير مخليتها بتشع انوثة وهو يتامل رقبتها ويشم عطرها بكل سهولة
اماني:ازعلت صح
وليد:لا عادي معنا وقت منتعود ع بعض بس مو هيك
حط ايدو على كتفها وقربها بهدوء لصارت قريبة من قلبو كتير
وليد:عادي احكيلي شو الي مو مريحك انا
اماني:انو اهلك بالبيت
وليد:وهاد سبب
اماني:يمكن سخيف بس انا مو مرتاحة
وليد:مع انو الكل بغرفهن
اماني:...
وليد:ليش ما حكيتي بدك بيت لحالك
اماني:لا مو بس هيك كمان انا اتغير الجو عليي
وليد:ازا هيك عادي ولا تفكري بشي ابدا ولو ماصار شي انا بعرف حالي شو وما بهتم لحكي حدا
اماني:...
وليد:ناطر رأيك
اشرلها على القهوة وضحكتها ريحتو
اماني:اي غير شكل
وليد: بس اكون أحب بأبدع
اماني:...
وهلا قرب منها واخد اول بوسة كان واضح انها متوترة ونفسها عم يطلع وينزل بسرعة وهو مو اقل منها بس هو عكسها بحماس وعشق وحب
وليد:هيك بس
اماني:...
وليد:خلصنا بس هيك والله
........
‏_.lovestories ‏89
حاولت اكون طبيعية وانا عندي فكرة عن هالليلة بس الي موترني وجود اهلو بالبيت وانا مو متخيلة الصبح اكون بيناتهن وما بنكر وقت باسني شعور حلو يكون قريب مني هيك وانا لازم اسايرو بيكون احسن وهاد الي صار سايرت كتير وضل مخبيني بحضنو كنت بقمة الاحراج منو وبس حسيت عليه تقل نفسو سالو دموعي
سحبت حالي بهدوء لاستوعب كلشي صار وانو وليد احسن بكتير من المتوقع يعني مو بس كلام مبين عليه متفهم وعقلاني لدرجة والحمد الله العلاج الي استمريت عليه خلى لون جسمي موحد واثار لحبوب من ظهري اختفت وشو حاول وليد يخليني اكل شوكولاته بس انا رفضت تعبي يروح ع الفاضي قبل الفجر حسيت عليه يصحيني
وليد:اماني يا قلبي
اماني:..
وليد:خلينا نتحمم ونصلي شو رايك
اماني:..
وليد:احسن الي والك يلا
اماني:انا بالاول
وليد:يلا روحي لشوف
اماني:وبلكي حدا
وليد:انا هون روحي خدي راحتك
كان ناطرني لحتى ارجعت لعندو
كنت اسمع من الصبايا انو هالليلة رغم انو متل اي ليلة لاي عروس وعريس بس مختلفة تماما ما في شي متشابه يا الله شو كان حنون عليي اخد المنشفة وراح وانا مشطت شعري ودفيت حالي رجع وكتير مزهزه بعد الحمام ومتوضي كمان لانو اذن الفجر اللبست توب الصلاة ووقفت وراه لاول مرة بجرب شعور اصلي ورا حدا ومين يكون وليد حبيبي الي بحبو و اتمنيتو بعد الصلاة ارجعنا اتمددنا ع التخت ما نمنا بس كنا نتأمل بعض وهو كتير شقي مسحلي على شعري وقربني منو

وليد:هي احلى ليلة بحياتي
اماني:..
وليد: شو الوضع عندك
اماني:حلوة بس انا خجلانة منك
وليد:اي حقك بس معك معك بتتغيري شعرك حكاية تانية اماني
اماني:عجبك
وليد:اي اتخيلت بس ما اوصلت ل نتفه من الواقع كانو حرير ماشاء الله توعديني وعد
اماني: بوعدك
وليد:مابدي تفرجيه لاي حدا
اماني:ولا لحماتي
وليد:ولا لسلفتك كمان بس انا بدي اشوفو
اماني:ههه وليد انا كنت رح اقصو باخر فترة
وليد:لك اي صحيح طمنيني
اماني:مالقيت غير امي مع انها ضربتني وشدتلي شعري بس المهم تمت العملية بنجاح
وليد:ليش امك قاسية عليكي اه
اماني:مابعرف
وليد:بتحسي انو في سر بالموضوع
اماني:لا هدول هني
وليد:والكل هيك بنفس المعاملة
اماني:انا اكتر حدا حنون عليي خالي بس
وليد:...
اماني:انت بتحبني وليد
وليد:انا بعشقككك يا امييي شوو بحبك احكيلك سر
اماني:احكيلي
وليد:انتي بدون لحجاب بتسحري ومليانة نعومة بشرتك رقيقة لدرجة واصلا بتشعي انوثة هلا هاد وصفك الي كنتي توصفيه
اماني:عالجت بشرتي
وليد:وانا ملاحظ انو في تغيير كبير
اماني:وقبل كنت مو حلوة
وليد:هديك التفاصيل ما بتعنيلي انا بيعنيلي هون
اشرلي على قلبي
اماني:بس والله الشكل مهم
‏_.lovestories ‏90
وليد:كوني واثقة الي بحب بيتقبل كل السلبيات
اماني:شو سلبياتك
وليد:هههه انتي شايفيتني كامل
اماني: ومتكامل😍
وليد:يا امييي الي وقعتني وحققت مرادها
اماني:هاد شغل ام عباس
فرط ضحك
وليد:دخيل ام عباس شغلها مزبوط ها
اماني:مو مسدء
وليد: المهم مستسلم الك وبدي اتملكك متل ما اتملكتيني
اماني:انا
وليد:اي ما بتعرفي انا كلي الك
اماني:بس ما اخدت عني فكرة مو حلوة
وليد:مشان التعارف
اماني:اي
وليد:الشي الي بعرفو ومتاكد منو مشاعري تجاهك عم تزيد ما عم تنقص بنوب
اماني:انت متخيل احب حدا بالكون اكتر منك
وليد:يعني بس انا
اماتي:بس انت
وليد:بلكي بتحبي بنات خالك
اماني:لك بربك لا تزكرني فيهن
وليد:هههه دخيل قلبككك انا اسبوع فرطان ضحك طيب ليش ما حكيتيها ليش كتبتيها برسالة
اماني:صعبة الكلمة بتجرحني وانا بهاد العمر
وليد: وانا حسيتك محرجة مني بس والله انك نهفة يا اماني
اماني:وليد لا تجيب السيرة راسي ما بيهدا
وليد:هههه بس كيفن براسك دفا وعفا
هو يكركر ضحك وانا غرقانة فيه ع الاخير وما اتحملت شقاوتو عضيتو بس هو يزيد الضحك طلع الضو واطلعنا نتمشى على الاسطوح لابسة شال شتوي وهو مدفي حالو
وليد:حلوة حارتنا
اماني:راقية تقريبا متل حارة بيت خالي
وليد:صيري اندهيلو بابا😂
اماني:ليش
وليد:بحسو ابوكي والله اهتمامو فيكي مو طبيعي وكمان بيوم العرس شفتو مسح دموعو
اماني: عنجد
وليد:اي كأنو بتهميه زيادة
اماني:وانت بتهمني كتير
وليد:يا امييي ناوية تدبحني غزالي

اماني:بلكي حسو اننا برى
وليد:بحكيلهن ما زبطت اموري
دفشتو بكوعي بس مابعرف ليش بزودها معي
وليد:مافيها خجل
اماني:ليش انت ما زبطت امورك
وليد:مشان المزح بعرفك بتخجلي من كلشي
اماني:واصلا مو مستعدة لبكرى
وليد:لليوم حبيبتي الضو طلع
اماني:ضروري
وليد:لازم واصلا بدنا ننزل نكمل نوم نعسانة
اماني:اي والله
انزلنا والتقينا ب سناء والي افهمتو مو شايفة مين نحن
سناء :وليد.؟
وليد:اي وليد وين رايحة
سناء:اتوضيت اديش الساعة
وليد:صارت سبعة
سناء:يا الله دوبني الحق
وليد:الله يقبل سلف
فاتت للغرفة تتلمس الحيطان وكتير ازعلت مشانها وهو كمان مو اقل مني كان كتير مهموم بس ما حبيت ازيدها عليه
بقلبي:الله يشفيكي يارب والله بعمر الورد لساتها صغيرة ولا انا كنت مكتئبة مشان لحبوب بوشي وناسية هالنعم لكتيرة الي معي
........
‏_.lovestories ‏91
الظهر صحتهن امو بدقات خفيفة راح فتحلها وابتسمتلو
نوال:صباحية مباركة يا عريس
وليد:تسلميلي
نوال:لفطور جاهز حبيبي
وليد:ليس معزبة حالك
نوال:لا عزاب ولا شي ناطرينك انت ومرتك
وليد:ماشي
طبعا اماني متجلسة
وليد:طلبونا
اماني:...
وليد:ضلك خجلانة احسن
اتجهزو وطلعو سوى
بصوت واحد(صباح الخير)
ليردو كلهن قعدت اماني ووليد مهتم فيها وباكلها كونها ضيفة حاليا هالتصرف ما ناسب انعام سلفتها وشعلت نار الغيرة بقلبها اشرت ل نور بعيونها وهو ابتسملها وكمل اكلو
سامعة همسات وليد
وليد:كلي حبيبتي
اماني:لا بكفي اشبعت
همستلو كمان كلمة وضحكلها ما اكلت راقبت الجو وهلا ابتسامة حماتها ل وليد ولاماني خلت الافكار تصير شيطانية
بعد الفطور متاملة أماني تشتغل معها بس ما صار لانو رجعو ل غرفتهن وزيارة خالها زادت الطين بلى كان الو هيبة وحضور والكل عم يتعامل معو باحترام وحنيتو ع اماني شي تاني حسدتها واتمنت لو تحضى بنصف حظها ولتحرك الجو بنص السهرة دفشت نور بكوعها
نور بهمس:شبكي
انعام:انت ملاحظ

نور:شو ملاحظ
انعام:اهتمامهن بخالها
نور قاضي قد الدنيا وكلمتو كلمة
انعام:طيب لاحظت امك مبسوطة كتير فيها
نور:كنتها لجديدة
انعام:بس ما اطلعو فيني هيك ملاحظ انو وليد كلمتو كلمة ع اهلو
نور:شو قصدك
انعام:قصدي كلامو طابو وناقص نظهرلو الطاعة
نور:بلا هبلك
انعام:انا هبلة شوف ما بيحكي لمرتو الا حبيبتي انا كنت تخجل تحكيلي نعومة قدامهن
نور:هاد طبعو وهاد هو وانا ما بقلد حدا عم تفهمي
انعام:ايه شو عليه
بقبها:انا بفرجيهن كلهن

بعد السهرة اخد وليد مفتاح سيارة ابوه وطلعو مشوار ومعهن سناء وهون اعلنت الحرب الصامتة بينها وبين العروس الجديدة
........
بعد تفتيل وقف عند محل حلويات اشترى لكل العيلة ورجعنا على رواق وطبعا اخد الافندي راحتو يمسكلي ايدي ويبوسها ويضحكني وسناء بعالم تاني تسمع قصص هي مألفيتها على اليوتيوب
سناء:وليد ما خبرتني اديش نسبة المشاهدة
وليد:يعني مو متل اول مقطع نشرناه
سناء:بس حلوة
وليد:كتير حلوة صح اماني
اماني:مخالب الذئب
سناء:اي اسمعتيها
اماني:اي بهنيكي على هالخيال
وليد:مو متل قصصك انتي
اماني:شبهن
وليد:مابعرف انتي ادرى
اماني:هههه بلا شبهن
وليد:اكتشفت انك قارئة هديك الرواية
لاغرق بضحكتي
وليد:ما مشيت عليي
اماني:كيف
وليد:وقت حكيتلي اديش عمرو ١٧
كنتي عارفة عمرو الحقيقي
اماني:هههه من وين جبت هالحكي لا
وليد:عليي ما عليي حافظة كل الاحداث هديك
اماني:هههه انو أحداث
اشرلي على قميصو الله يسامحو اكدتلو بضحكتي
وايد:يا ويلي اشوفك ماسكة الموبايل على روايات
اماني:هههه ما افهمت
‏_.lovestories ‏92
صار يفتح بأزرار القميص وانا معاد فيني انفجرت ضحك
وليد:عليي مو ضحكة خجل هي
اماني:بس ما كان القميص كحلي
وليد:يا اميييي عم تفاول ع حالها وكان عاجبك البطل
اماني: انو عضلات وهيك
وليد :يا حبيبي
اماني:لا ما عجبني والله
وليد:ايه والله لافرجيكي العين الحمرا
سناء عن شو بتحكو اخي
وليد:بلا ما تعرفي بس ازا اسمعتو صوت ضرب لاحدا يتدخل هيك احكي لامي
اماني :بدك تضربني
بمنتهى الدلال حكيتها وهو يطلع فيني تطليعات اعجاب
وليد:حسابك بعدين
ارجعنا للبيت وطلب مني القهوة ما اترددت حضرتها وحطيت حلويات واخر شي ضيفت وليد وقعدت حدو
عمي:لندوق قهوة العروس
حماتي:طيبة من ريحتها مبينة حسب الاصول
نور:ايه غير شكل
غمزني:يسلم ايديكي
اماني:طيبة
وليد لهمس:انتي الطيبة
قضينا السهرة يهمسلي واهمسلو نحن بعالم وهني بعالم تاني ومو مركزة معهن بنوب
نور:خلص يا عمي خود مرتك ولغرفتك
وليد :مزعوج مني
نور:لك مو انا
وليد:يعني جواز ومتجوز
نور:عنجد افرقنا بريحة طيبة
وليد :تصبحو على خير
اوقفنا سوى ولغرفتنا وما كنت بعرف انو في حدا مزعوج مني
........
بالمطبخ تجلي بدون نفس
بقلبها:طبعا هي عروس المديح الها وانا كلمة يعطيكي العافية ع الفطور والغدا ما حدا اتكلف وحكى لو كلمة يسلمو نفاق وهاد وليد عطول لسانو طويل ع اهلو وعصبي وبيحسبولو الف حساب وكلمتو كلمة وهاد جوزي حمار رسمي قال خود مرتك وروح لغرفتك لك كان نطر لحتى تجلي الجليات كمان انا ماني مجبورة فيهن بس شو لاطالع الخمير والفطير فيهن
رجعت ل غرفتها طبعا علاقتها مع نور لدرجة مملة مافيها رومنسية ونعمة من الله ماحدا بيعرف شو بصير بين اي تنين بغرفتهن قعدت جنبو
نور:شبكي
انعام:انت شبك
نور:ليكون غيرانة
انعام:لا ابدا
نور:فكرت ناقصني قلة عقلك
انعام: نور بتحبني
نور:بكرى دوام تصبحي على خير
نام عنجد وانعام ما نامت حطت ادنها على الحيط الي بين غرفتها وغرفة سلفتها ما سمعت شي بس ناوية تتسمع عليهن لو باخر الليل وما هامها حرام ولا عيب اتسللت على روس اصابعها وانهن عرسان هالشي زاد رغبتها لتعرف كيف وليد بعامل مرتو بالغرفة
بقلبها ازا بيناتنا بكون مهتم فيها كيف بيكونو لحالهن وبنفس الغرفة اخ بس الحظ للبشعات ولو كل ملامحها ناعمة بس هي سمرا كتير وانا احلى منها غصب عن الكل
.......
‏_.lovestories ‏93
وليد:امانة صارحيني قارئة روايات حيلا
اماني:مرة وحدة بس ما كملتها
وليد:ليش
اماني:حسيتها طويلة ومبالغ فيها وانت
وليد:رواية وحدة وانذهلت من كمية الجرأة وهي نفسها الي قارئيتها وليه زعرة
اماني:مو هي سدءني
وليد:لك هي ازا افهمتي ليش اشرتلك ع القميص
اماني:ههه لا
وليد:اشلحلك اياه
اماني:ليش هيك طلبت منو
وليد:لا هي اتبرعت من حالها
اماني:هههه شو بهمك انت
وليد:لك ااااخ مقهور منك
اماني:انا اي قرات كنت غشيمة شوي بس
وليد:شفتي بعينك
اماني:يا الله وليد عيب عليك
وليد:عيب على يلي بيقرا العيب
اماني:خلص توبة
وليد:يا ويلك اشوفك غرقانة بشي رواية
اماني :بتغار
وليد :وازا البطل حلو وهيك عز طلبكن انتو البنات لاجرم فيكي

اماني:شو طلباتنا
وليد:جماعة الروايات انتن
اماني:اي
وليد:طويل معضل لا مو بس معضل بيلبس لبس مفصل عضلاتو رومنسي جريء عصبي عنيف
هو يحكي ويوصف وانا غرقانة بضحكتي
اماني:لا والله انا طلبي انت وبس هيك متل ما انت
وليد:الي عندو بنت ما يخاف عليها من الواقع يخاف عليها من الخيال
اماني:بتغار
وليد:بموت غيرة عليكي ممنوع تشوفي او تحبي رجال غيري
اماني: ولو بطل رواية
وليد:ولو بطل بطيخة
اماني:روق روق نحن منتساير
وليد:انا عدادي فل وانتي السبب
اماني:حبيبي لساتنا عرسان جدد
وليد:ولهيك مطمن ما تقرأيلك شي
اماني:هههه يا اميييي الغيران
وليد:لك صحيح ما اجو اهلك
اماني:خلص اتبرو مني سلموني الكن
وليد:ههه النا اللحم والعظم كمان
اماني:لا تخوفني
وليد:هههه رح اكلك
اماني:وليد وجعتني
وليد:عضة محبة ما حبيتي
اماني:..
وليد:ما قويتها
اماني:بس علمت
وليد:بتعرفي تلعبي لعبة الغميضة
اماني:كتير سلهة
وليد:شو رايك نلعبها
اماني:بلا ناوي اوقع على وشي
وليد:لا ما بخليكي توقعي خلص
بشقاوة بلشنا نلعب بالاول هو غمضتلو عيونو وصار يدور عليي وانا قبل يلمسني اكون هربت بس ما الحق دغري يمسكني وهلا دوري ربط على عيوني
اماني:وليد مو هيك
وليد:مشان لا تشوفيني بعرفك انا
كان مهمة بالنسبة الي صعبة كتير وكل ما احس انو قريب مني يبعد
اماني:وليد ازا ما مسكتك رح ابطل اللعب
وليد:قربتي يلا
اماني:لك خايفة اوقع
وليد ليكني شايفك بعيدة لا تخافي
اماني:بس مو شايفيتك انا هون انت
وليد:ها ليكني قربتي
اماني: وليد عم تبعد
وليد:هههه يلا انتي وحدسك لشوف
اماني:طيب قربت
وليد:كتير يلا
بدل ما امسكو هو غمرني
وليد:انبسطي وهي مسكتيني
اماني:عم تلعب فيني لعب
وليد:ههههه
‏_.lovestories ‏94
شلت الشالة وارتحت لاني شفت بعيوني اتخيلت حالي ما بشوف وخفت كتير
بس شفتو مبتسم ودغري حملني
اماني:لك نزلني وليد دخت
وليد:هههه مو لهدرجة
اماني والله بخاف امانة نزلني
وليد:لك ساويتي حالك وزنك مية ها ليكني شايلك بسهولة
اماني:نزلني والله بخاف من المرتفعات
وليد:ياربي دخيلك مرتفعات شو هي
نزلني على التخت وهو فرطان ضحك عليي
طفى الضو ورجع لعندي دغري
......
بس طفو الضو قربت ادنها اكتر لتسمع صوت همسات بس ما فهمت مقهورة كان حاملها ويلعبو متل لولاد لصغار واتزكرت هي اول يوم الها وكيف نور قضاها بالمضافة يستقبل ويودع ضيوف بس الي متاكدة منو علاقتها مع نور تقليدية وعلاقة وليد بمرتو علاقة عشاق واكتر من عشاق ومتخيلة رومنسيتو معها سمعت صوت باب انفتح وهربت دغري لانها كانت سناء واطمنت مو حماتها ولا حتى جوزها
......
شهر من المحبة والعشق كنت طايرة من فرحتي وحسيت انو خلص هاد العوض عن كل شعور سيء عشتو وحيدة وهلا عم اشارك وليد كل افكاري هو خلاني اشوف حالي حلوة بلعكس اليوم انا اكتر وحدة بالعالم واثقة بحالها وما بقى يهمني اي تعليق سلبي ومليان سم وحقد
وامو حدا لطيف كتير وليد الو كلمة بالبيت لو نور اخوه بيعاملو بنشاف بس الي اكتشفتو هو لمسيطر الاكبر بالبيت سلفتي هي الوحيدة الي ما اقدرت احبها من قلبي لو انها تضحكلي وتبتسملي كنت اللاحظ نظراتها الي فيها نوع من الغيرة وبالاخص وقت وليد يشاورني بأي شي وليكنا لابسين ورايحين للجامعة بسيارة عمي والا يسمعني الاغنية الي صممتلو عليها فيديو ويغمزني ويضحكني وانا دايبة فيه وبحركاتو كلها ولاول مرة بمشي حدو وهيك واثقة من حالي ماسكين ايدين بعض سلمت على البنات من بعيد ولو راحت عليي سنة المهم اكمل دراستي ومعي وليد .
.........
كانت عم تتفشش بالجلي رغم انو اماني عزلت البيت كلو ونشرت غسيل قبل تطلع للجامعة بس ما عجبها فكرة انو اماني عم تدرس والاحسن ناويين يرجعو للضيعة وهي ترجع معهن وتترك عصافير الحب بالبيت والمشكلة هو قرار نور ومافيها تعترض بس فيها تتوددلو والجكارة بمية الجلي الي مليانة بقايا اكل راحت رمتهن على لتياب وفاتت فرطانة ضحك وطبعا سناء بالبيت وجودها وعدمو واحد ما بتشوف لهيك انعام اخدت راحتها بالكيد حاولت تفوت ل غرفتهن بس الي منعها طلعة حماتها من غرفتها
نوال:انعام
انعام :اي مرت عمي
نوال:راح عمك
انعام:اي طلع يتمشى
نوال:شو مشان الرجعة للضيعة
انعام:مع انو الجو كتير حلو هون يعني شوفيها الضيعة الا نق ونكد وحسد كمان
‏_.lovestories ‏95
طبعا انعام تحكي ومفكرة حالها ملائكة وانو قلبها ابيض وناسية انو عندها حقد بتوززع فيه على كل العالم
نوال: وانا حابة ابقى والله فنجان قهوة مع الجيران بيسوى كلشي بالضيعة
انعام:لكن اقنعي نور
نوال:اليوم بحاول فيه
انعام:...
ابتسمت وعملت حالها عم تشتغل رغم انو البيت نظيف وريحتو معطرات بس حابة تحط اماني بموقف محرج والي هو ما بتعرف تشتغل متل انعام وطلعت تشطف برى وشهقت ع اساس مستغربة

نوال:شوفي
انعام:مرت عمي شوفي تياب وليد واماني متوسخين
نوال:يوه شو هاد من وين هالاكل لك لك
انعام:ابصر ليكون حدا من الجيران
نوال:لا مو معقول
انعام افوتهن
موال:لا خليهن بس ترجع اماني بتعيد غسيلهن
وهيك انعام طالعت حالها من هالحكاية بسهولة وقت رجعت اماني كانت انعام مزروعة عند باب البيت تراقبهن حاملين أكياس
وهلا فرطت ضحك بس شافت اماني رايحة لعند الغسيل وفاتت لتكمل ضحكتها جوى
.....
وليد:شو هاد اماني
اماني:مابعرف
وليد:شو هالقرف
اماني:انا نشرتهن نظاف
وليد:يعني مين موسخهن
اماني:...
لميتهن ومقهورة كتير وعدت على غسيلهن
ارجعت للغرفة تعبانة وليد متعود على جو غرفتو عتمة ودخان
وليد: قهوة قبل تفوتي
مع اني هلكانة بس دغري ارجعت للمطبخ اليوم دور سلفتي بالطبخ كانت تقطع البطاطا
انعام:شو كيف الجامعة
اماني:منيحة
انعام:شو جبتو معكن
اماني:وليد اشترالي هدية عيد ميلادي
انعام:يعني مو مفاجأة
اماني: مو هلا عيد ميلادي بس هو عجبتو الهدية وحب يجيبها
انعام:...
اماني احسب حسابك بالقهوة
انعام:لا اتهنو.. او قلك اي بشربها قهوتك طيبة هيك بيحكو
صبيتلها فنجان ورحت للغرفة شغلت الضو ورحت قعدت قبال وليد على التخت
اماني :اتفضل
وليد:يسلمو...غسلتي
اماني:اي
وليد:لك مين عامل بتيابنا هيك
اماني: الك اعداء انت
وليد:هههه شودخل تيابي يجي يقاتل فيني
اماني:وانا كمان مستغربة
وليد:معقول الجيران
اماني:انت ادرى انا هون غشيمة وغريبة
وليد:اخ لو تزبط ويروحو للضيعة لاعملك جو بالبيت ما صار
اماني:يا امييي شو بدك تعمل
وليد:رح نعتكف لا جامعة ولا دراسة سهرات وعزايم ودلال مابعدو دلال
اماني:هههه اي يلا الايام جاية
وليد:بس مو اخدين راحتنا
اماني:كيف
وليد:بالاخص دورك بالجلي انا محروق قلبي عليكي
اماني:ههه متعودة يا روحي
وليد:بس انا ما بحب اشوفك على المجلى واقفة عم اشتاقلك ومافيني اروح اطل عليكي نور بس بدو كلمة عليي
اماني:ههه
وليد:دخيل ضحكتك مو تشتغلي من قلب ورب هيك من قفى الايد
اماني:لا ولووو مو منيح الواحد يشتغل شغل ناقص
وليد:شو قلت انا
اماني:هههه

الجزء الخامس والعشرين
‏_.lovestories ‏96
وليد:انا زعلان على تعبك غسلتي من بكير
اماني:شو نعمل ابن حرام الي وسخهن
وليد:وابن ستين كلب
اماني:ههه ليكون حدا بيقربك
وليد:ولو بابا عادي
الله يسامحو فرطني ضحك
وليد:وامي كمان ولا يروح تعبك ع الفاضي
اماني:ماكان في داعي للهدية
وليد:والله عجبتك مافيني اخلي شي بنفسك
اماني:بس انا اسمعت تحكي مع رفيقك بدك مصاري
وليد:اي بس اشتغل برجعهن وبدو مني كمان
اماني:والله صعبة دراسة وشغل
وليد:وسفر ركزيلي على السفر
شدني من ايديي وغمرني
وليد:مشتاقلك من هلا
اماني:مطول الوقت
وليد:بعرف بس انا حساس كتير
اماني:هههه اي شايفك مدمعين عيونك قويلي قلبك
وليد:مو بايدي والله يسترني من يوم الوداع
اماني:خلص خلص خلينا نعيش اليوم وما علينا من بكرى
وليد:مين بالمطبخ كانو اتطربق على راسنا
اماني :انعام عم تطبخ
وليد:شو بتطبخ
اماني:شفتها تقطع بطاطا للقلي
وليد:دخيلك بدها كل هالطرق
اماني:هههه متعودة هيك تعمل اجواء بالمطبخ
وليد:انا طالع احرس الغسيلات
فرطت ضحك واطلعنا سوى نقعد برى هو يدخن وانا ماسكة دفتر المحاضرات واناقشو ويشرحلي كم فقرة
...
بالمطبخ من الشباك مراقبة عصافير الحب وهلا وقت حط ايدو على كتفها حست حرارة عم تنفذ من كل اطرافها
انعام:ورصاص شو اطلعت خروف وانا قلت زلمة وهيك طلع طرطور النسوان
وهلا اماني حطت ايدها على دقنو ومبين عم يمزحو وقت شافتو باس كفتها ايدها ضربت الملقعة بالمجلى
انعام:الله لا يهنيني ازا بهنيهن
نوال: انعام
نقزت ورجف بدنها
انعام:اي مرت عمي
نوال:وين وليد واماني
انعام:بغرفتهن
نوال:لا مو بالغرفة
انعام :مابعرف بلكي طلعو
نوال: لشوفهن عمك رح يتاخر اجلي الغدا شوي
انعام:حاضر مرت عمي
وكملت مراقبة وانبسطت وقت بعدو عن بعض وقطعت خلوتهن امو وقعدت معهن وهي كمان رتبت حالها بغرور ليشوفها وليد احلى من اماني لانها بيضا وشقرا كمان طلعت وشاركتهن القعدة والكل سكت
نوال:شو حكيتي مع نور
انعام:اي بدو يتاخر في طلبية بعيدة
وليد:نحن لا تحسبو حسابنا بالغدا
نوال:ليش حبيبي
وليد:بدنا نتعشى برى
نوال:بالهنا
وليد:...
بقلبها: اي اكيد مشاوي وسم الهاري الو والها ياريت نور يعاملني بهاللطافة رح اموت من قربهن من بعض
وليد:نحن بدنا نعمل قيلولة
نوال: نوم الهنا حبيبي
فاتو سوى وعند باب البيت لمحتو مسكلا ايدها
نوال:شبكي انتي
انعام:شبني
نوال:مانك ع بعضك مصفرنة كمان
انعام:يمكن برد
نوال دفي حالك الجو بارد
انعام:..
‏_.lovestories ‏97
فاتت لتكمل تخطيط شيطاني ضد اماني ووليد وعند باب غرفتهن سامعة صوتو
وليد:اي دخيل هالشعر الي بيشبه الشلال
اماني:لااا مو لهدرجة
وليد:دخيل هالجسم الحلو
غمضت وفاتت لغرفتها
بقلبها:ليش انا الله ما بعتلي شب متل وليد رومنسي وحنون ومخلص كمان هدول عشقانين بعض من زمان والا ما عم بعاملها بهاللطافة شو حلاها
وقفت عند لمرايا
انعام: انا احلى منها هو اعمى ما بيشوف وما بيقارن خدودي زهر وبيضا وهي سمرا ومو حلوة بس لازم يعرف الفرق وانو انا احلى كنة بهالعيلة

بعد ساعات من النوم اصحيت متكسرة تركت وليد نايم ورحت ضبيت الغسيل كان ناشف وما عليه شي صفطتهن وما طالعت ولا صوت بس برى عم يتغدو واكيد حماتي خبرتهن انو نحن مارح نتغدا معهن اتوضيت وصليت المغرب وصحيتو ليصلي كمان واكدلي اجهز حالي اللبست وهو لبس صلى واطلعنا سوى من البيت تمشاية
اماني:شو العشى
وليد:انتي شو عبالك
اماني:انت شو بدك
وليد :الي عبالك
اماني:سمك
وليد:اي بامرك انا
اماني:بس بعيد المطعم
وليد:منتسلى ومنتفضى
اماني: ليش مو بالسيارة
وليد نور عندو مشوار
اماني:وين سيارتو
وليد: مو الو لصاحبو وبيشتغلو سوى المهم نحن ما نعطل ع حدا بعدين منيح المشي بهيك وقت
اماني: معك كلشي منيح ....ليش ما عزمت سناء
وليد:الطريق طويل عليها شي يوم بعزم الكل خلص
اماني:...
بعد العشى كنا قريبين من بيت خالي لهيك فتنا نسهر عندهن الجو ما بطيقو بنوب بس وليد بحب المثقفين زيادة وبيمسك خالي على تحقيق وقضايا وخالي روح قلبو يحاضر فينا نظرات التس مرت خالي!!!؟ وفيحاء عاملة وضعية الي مو عاجبها وانا بعيدة كتير عنهن والا يعملي اشارة بيني وبينو وحك شعرو لاغرق بضحكتي واعضلو على شفافي
خالي:كيف رضاكي ع وليد
اماني:مافي منو خالي
وليد:في عقوبة يعني
خالي:اماني الها مكانة عندي
سوزانة:اكتر من بنتك
خالي:وهي متل بنتي
سوزانة:ايه نيالها
وليد:اي كيف رضاك انت عليها
خالي والله اماني مافي منها تنتين بيكفي ادبها وكلمة حاضر منها ومسايرتها بكلشي بتخلي مكانتها تعلى اكتر واكتر
اماني:الله ما يحرمني منك
مع انو ما بحس بهالمحبة منو
ومو مسدءة ارجع للبيت ويتسكر الباب عليي وعلى وليد مشتاقتلو واتأملو بحب واستغربت وليد رفض يشرب قهوة واتحجج انو معدتو واجعيتو بس يمكن قرفان مو اكتر السهرة طالت وليكها الساعة ١١ وقررنا نمشي بس خالي اصر انو هو يوصلنا وانا بعالم اسمو وليد اتامل حركاتو وحكياتو وابتسملو وصلنا عزمنا عليه من باب المجاملة وقبل نفوت اتمشينا برى شوي ماسكلي

ايدي
وليد:شو ما حبيتي الجو
اماني:لا
‏_.lovestories ‏98
وليد:اسكتي انا قاعد وخايف على شعراتي
اماني:ههه لك شو هالحركات انت وقدامهن
وليد:ههه حالة نفسية لتروحي تعديني
هو فات ركض وانا اللحقتو وعند الباب انصدمنا قبل امسكو انفتح الباب وبعدنا عن بعض
نوال:انتو برى
وليد:اي هلا اوصلنا
نوال:عم تتولدنو برى
اماني:...
وليد:لا منمزح معها بلا ماما شوفيلي اماني مو بتشبه الغزال
نوال:يعليك شو رومنسي يخليكن لبعض اي
اماني:..
خجلني واخجلت من نظراتها الي كانت مليانة اعجاب
نوال:اتغزلي بابني
اماني:..
وليد:بتستحي بس جوى بتهريني بوس
فتحت عيوني مصدومة وحماتي غرقت بضحتها
نوال:ايه الله يخليكن لبعض
اماني:وليد شو هالحكي
وليد:شو كزب والله حقيقة
نوال فوتو فوتو بلا فضايح
هي غرقانة بضحكتها انا بخجلي وهو بمسخرتو ودغري ل غرفتنا سكرت الباب ومسكتو من القميص وصار يترجاني
وليد:يا اماني مزح مزح
اماني: وليد شو خبصت قدام امك
وليد:هههه فكرتني بمزح
اماني:لك لااا عيب عيب
وليد :مو هيك بصير بتصحيني ع بوسات وعضات كتيرة
اماني:لك اوووف منك استحي بقى
وليد:صرت استحي منك
اماني:هلا بتشوف
.....
لساتها امو غرقانة بضحكتها على خجل اماني وزعرنة ابنها
ابو النور:ضحكينا
نوال:شو هالجيل اسم الله عليه
نور شو صاير
نوال:لا بس عم يتشاقو على بعض
ابو النور عاملين جو بالبيت
سناء:اي والله حلوة السهرة معهن
انعام:مع انو بيكونو يهمسو همس
نوال:شو قصدك وليه
نور: انعام سكريلي تمك ع الاخير
نفخت ب غضب
ابو النور:وين كانو
نوال:ما افهمت شي عليهن
نور:وليد...وليد
نوال:شو بدك فيه
انعام:خليهن يسهرو معنا مشان سناء
نور وليد تعال بدي اياك
ابو النور:لك خلص شو بدك فيهن
نور:..
وقف وراح دق الباب
وليد:شو
نور:وضريب تعال عاوزينك بالسهرة
وليد:لك هلا شغلتها
نور:بابا بيعرف
وليد:بس بستحي اشرب قدامو
فتحلو نتفة من الباب
نور:يلا تعال اطفيها
وليد:شو بدك
نور:بدي اشاورك بشغلة
وليد:بكرى
نور:عيب عليك متخزن بغرفتك استحي يلا
وليد:انا عطول بحمد ربي انك متجوز قبل اتجوز انا
نور:اماني فكي الحبل وخليه يطلع مشان الله
وليد:يلا روح بخلصها وجاي
نور:اقل من دقيقتين بتطلع
وليد:اتوكل على الله
رجع لعندهن
نوال:شو صار معك
نور:بس ليخلص شرب دخان
انعام:شو باثر يعني
نوال:من باب الاحترام
انعام:بس عمي بيعرف
ابو النور:وما عندي مانع يعمل الي بدو اياه

.........
‏_.lovestories ‏99
اطلعنا سوى وطول السهرة متحملة نظرات انعام الي وكلها تفحص مرة تطلع فيني ومرة تطلع ب وليد
حماتي:اتاخرتو مو
وليد:كنا عند الخال
حماتي:كانك صحبة معو
نور:شغلتو الكولكة
عمي:ههه صحيح
وليد:مو لهدرجة زلمة محترم وبيحترمني
نور:وقول داحش حالي فيهن
وليد:انت ليش متدايق لانو ماعند مرتك خال قاضي
نور:اخر همي وحياتك
وليد ههه بتعرف انو شغلتو كبيرة هون
حماتي:يعني واصل
وليد:اي بس احكيلهن من طرف ابو نعيم وشوف الترحيب
حماتي:هههه يلا منيح بدنا شي منلاقي واسطة منتصل فيه بيقبل يساعدنا
اماني :ماحدا قصدو وردو بس حسب
وليد:مدللك انتي كتير واسطتك تقيلة خلص اي شغلة انتو هون اتوددو لاماني
فرطو ضحك بس انعام ما عجبها
نور :لكن مابقى نزعلها
وليد ليش في حدا بسترجي يزعلها
همسلي:لك مو ع اساس يرجعو للضيعة بشوفهن ساكتين
اماني:يمكن غيرو رايهن
نور:انت مابدك تقعد عاقل
وايد:عازمني تبهدلني انت
نور: لا قلنا منشرب قهوة قبل النوم
عملتها انعام وطول السهرة مسخرة وكل واحد منهن واقف للتاني على غلطة
حماتي: يلا اشربتو قهوة ضبو حالكن بغرفكن

نحن اول تنين منروح للغرفة وكنت بدي اسال وليد عن انعام بس هو ما بيخليلي مجال احكي عن اي حدا بالبيت بدو الجو النا لحالنا
.....
لاحظ انو في حركة قدام الباب اتجلس وانتبه حدا مشى
بقلبو:معقول في حدا عم يتسمع علينا
اماني:شوفي حبيبي
وليد:لا مافي شي ..كملي نومتك
شدت الغمرة وانبسط كتير من حركاتها
اماني:بالنسبة الي هالحضن كان حلم
وليد:يا امييي شو زعرة
اماني:ههه اي ما تخيلت تحبني وانو نتجوز
وليد:لو ما بادرتي شو بدو يعرفني في وحدة حابيتني كان اتجوزت اي وحدة ع زوق امي
اماني: وكنت رح تحبها
وليد:ازا مافي حدا بحياتي ليش لا بحبها
اماني:بلاااا
وليد:حبيبتي فايقة تنكدي ع حالك ليكنا اتجوزنا ومبسوطين كمان
اماني:انا كتير بحبك وممنوع تحب غيري
وليد:لا مافي منو اصلا لازم تطمني لاننا اتجوزنا
اماني :وهو هيك مطمنة كتير
وليد:لك ياريت يرجعو للضيعة
اماني :الظاهر اجلوها
وليد:الا ما يرجعو وساعتها رح نعيش لحالنا بس انشالله قبل السفر
اماني:هههه اي ليش انعام بتطلع فينا بطريقة غريبة
وليد :شايفيتنا عشقانين
اماني: انت ملاحظ

وليد: وملاحظ امي مبسوطة فينا وبابا كمان
اماني:وانا هيك ملاحظة بس ليش كلمتك كلمة بالبيت
وليد:هههه لا حبيبتي كلمة بابا
اماني:ازا عمي بحالو بحكي اسالو وليد
وليد:ههه اي بحب ياخد رايي بكلشي
اماني:ليش مو نور
وليد:لا نور متسرع على طول
اماني وانت مو متسرع
وليد:انا عصبي بس بحسبها صح
اماني:لا مانك عصبي
وليد: رايق ولا تزعلي
اماني:تعبانة كتير انا
‏_.lovestories ‏100
وليد:سلامتك من التعب يا روحي من الغسيل يمكن
اماني:وانا هيك بقول
وليد:ريت التعب ل يلي بيكرهوكي يارب
اماني:ما اكترهن😂
وليد:من الأخر
اماني اي
وليد:يلعن ابو الي بيكرهك
اماني: هههه لا ولووو
وليد:امبلا يلعن ابوهن واحد واحد
غرقت بضحكتها كانت عم تتنعم بدفاه وهو حاضنها بكل حب وحنان
.........
الصبح غسلت وشي وللمطبخ صحيح مافيه جلي بس كل الجلي بدو ترتيب بمكانو بلشت ب تحضير الفطور ليطل عليي عمي
عمي: صباح الخير
اماني:اهلين عمي صباح النور
عمي: وين وليد
اماني :لساتو نايم
عمي:لكن ليش متركيتو
اماني:بدي اجهز الفطور
عمي:بالاول قهوة
اماني:من عيوني
عمي:بتكون صحيت مرت عمك
اماني:...
يلا الاحسن قهوة بالاول رتبت المطبخ وحضرت القهوة ورحت لاصحي وليد سكرت الباب بهدوء وقعدت حدو نفخت عند ادنو
وليد:...
تحرك دغري وزبط نومتو
اماني:الي بيسمع بيقول سهران
وليد: ..
اماني:اي يلا حاجتك كسلان الجو بجنن وعاملة قهوة
وليد:نايم انا نايم
اماني:هههه
مع كم بوسة الزلمة استسلم
اماني:وهيك
وليد:دخيل هالصباح الحلو شو رومنس وهيكا
اماني: غصب عني
وليد: هالروايات مو رايحة ع الفاضي
اماني :ههه لك مسكتها سيرة انت يلا
وليد:بعد بوسة بتنشط اكتر
اماني هههه
وليد:يا امييي شو هاد وليه
اماني:يلا القهوة بردت
وليد:بتشعلي الجو وبدك تروحي
اماني:ههه لاحق يلا
وليد يا احلى صباح بكل حياتي
اتجلس ودغري لبس بلوزتو وراح للحمام الكل مجتمع اخدت القهوة من المطبخ وقعدت جنب حماتي بعد ما ضيفت الكل
نور:بدو جاها ليطلع من الحمام
حماتي:بس هو
نور:لا كل العيلة هيك
همستلي حماتي:ليكون بدو يتحمم
اخجلت من سؤالها
اماني لا اتحمم الفجر
لتضحك بصوت عالي وانا متت من خجلي واجى وليد والا يعرف سر الضحكة همستلو وغمزها وانا صرت خارج التغطية وابصر شو سألتو وهو همسلها وضربتو على صدرو بتمزح معو
انعام:شو اسرار
عمي:انا بغار ع مرتي ها
وليد:هههه تعال لجنبها
عمي:بعد لشوف
المنظر بيضحك وليد قربني منو وعمي جنب حماتي ونور وانعام كل واحد ع جنب وسناء مو معنا بنوب
.....
بقلبها:شو هاد انا الله بلاني ب نور وغيري اعطاهن رجال عنجد طيب ليش مو متلهن هو لازم يتغير وضعي والا بموت حسرة وقهر ما حس على دمو نور انو كلهن منسجمين الا نحن
للجكارة اقترحت اكلة يبرق وهون رح تبتلي اماني والكل شجع بس وليد ما حكى لا اي ولا لأ حضرت اماني الفطور وانقهرت انعام لانو حتى اعجبو بالشاي هي مو مشكلتها وليد مشكلتها مع عمها وحماتها وبعد ما خلصت اماني جلي بلشت بتحضير اليبرق وبدو شغل ساعات وهلا وليد طلع من غرفتو وهو عم يلبس جاكيتو ودغري للمطبخ وهي راحت لتتسمع عليهن
‏_.lovestories ‏101
وليد:اتعبتي
اماني لا عادي
وليد:بس من زمان انتي بالمطبخ
اماني:رتبتو
وليد:شو اتفقنا نحن
ما بقى سمعت شي بس لمحت اماني عم تغمر وليد وتتشاقى عليه
وليد:والله لا تتعبيلي حالك
اماني:بتحب هالاكلة
وليد:بحبها ومابدي تتعبي
اماني لو تعرف انو رح اعملك معها تبولة كمان
وليد:مابعرف مين اجى عبالو هالاكلة
اماني:المهم ادوقك هالاكلة
وليد:لك انتي كلشي منك بجنن انا رح اجيب المحاضرات واتسلى معك
اماني:بستناك ومنشرب قهوة
وليد:يا امييي هاتي ابوس
باس ايدها وهالحركة خلت انعام تفوت ل غرفتها مقهوة
انعام:لعمى شو انو طرطور
......
بالمطبخ مشغلي اغاني حماسية وانا اشتغل واضحك عليه
وليد:هي الي
اماني:حبيبي كل الطنجرة الك
وليد: وين هديك المضروبة تجي تساعدك
اماني: تسطفل
وليد: مو بدها تاكل
اماني:خلص مدامك عم تسليني هيك الوضع عندي غير شكل
وليد:طيب انا بغار عليكي
اماني:ههه انو
وليد:ياكلو من تحت هالاصابع الي بتجنن
اماني: ياعمري زودتها
وليد:وازا حدا بيلمح زنودك لاشعلها حرب
اماني: ماحدا لا تخاف
وليد :يا روحي الا الغرة عطول بدي حجاب كامل
اماني: ولايهمك
وليد:دخيلو اي هي الي كمان
اماني:ههه نحن بس يجهز الغدا مناخد الطنجرة ل غرفتنا
وليد:اي احسن حل ياكلو تبولة😂
اماني مو
وليد:كيف رح يطلع الطبخ
اماني:مابعرف
وليد: انا جعت مطولة
اماني:هههه لمسة سحرية لانو
وليد:خليني اساعدك
اماني:هههه بدنا ناكلهن مفشكلين
وليد:هيك انا شغلي ناقص
اماني: طبخ نسوان انت خليك بدراستك
وليد: معقول غزالي قدامي وادرس واركز انتي اللعبتي ب وليد لعب اااخ بس

اماني:ليش
وليد:انا سافرت وبقي قلبي هون عندك اتحزر بكل وقت شو عاملة واااخ بس ع البعد والفراق
اماني:بعرفك تشتوش
وليد :اي بربي احكي شو مابدك بس انا ما بطيق شغلة الفراق
اماني: الكل
وليد:انتي وبس
همسلي:وقت يسافرو اهلي بتنفس براحة
اماني:هههه والله مهضومين
وليد:انا بدي اعيش جو معك الك لحالك هيك
اماني:هههه
حط اغنية دبكة وسحبني من ايدي انا مابدي ادبك ماشية معو متل الهبلة واجت جماتي وهو ما وقف بلعكس صار يغني ويرقص لامو
حماتي :تقبر قلبي ...شو عاملة لابني وليه
اماني :انا
حماتي:شو شكلو مجنون فيكي
وليد:هههه غرتي امانة
حماتي:معي معي رح اغار
وليد:هههه بلا شفتيلي احلى منها
حماتي: الله يخليك اياها
اجت حماتي ساعدتني وهو ماسكنا بالدور حاطت ايدو ع خدو وينظر
وليد :ماما وقعت رزة هنيك
حماتي: بدك الحقها يعني
وليد:لا تكركبي المطبخ هلت غزالي خلصت شغل
حماتي:تضرب منك الها
وليد:لاااا كتير هيك انا ابنك هي لا تحكي عليها
حماتي: بدك تخرس والا اقوملك
وليد هههه كملي كملي لا تلتهي
حماتي: انت مو طبيعي
وليد:بحشش
‏_.lovestories ‏102
حماتي: مو بعيدة عنك
وليد: يا امييي ها شوفي
شغل سيكارة وخنقنا
حماتي:هلا بيجي ابوك
وليد: اي ما بيجي لا تخوفيني
حماتي:هههه ازا بتحب اماني بطلو
وليد: ابطلو حبيبتي
اماني:متل مابدك
حماتي قولي اي
اماني :ازا بدك تبطلو بطلو
وليد:لا قولي بطلو عن قناعة لابطلو
حماتي:يلا قولي
اماني:مرة وحدة
وليد:قولي يلا
اماني:هههه لا خليه يشرب
حماتي:بيسعل سعلة بالشتوية بتخوف
وليد:هي لعيونك
شغل وحدة جديدة
حماتي:بسيطة فيكي
وليد:لا تهدديها بعدين وين كنتك لتانية
حماتي :ليش ما ادريت
وليد:لا
حماتي:حامل عقبال عند مرتك
وليد: اي اوعى تلف شي او تمسك شي مو ناقصنا
حماتي: خلص طوينا السيرة نحن
وليد:انا حكيت شي
حماتي:لا بس عم تلمح
وليد:....
.....
بقلبو:لكن نزلت المرة الماضية لاني طلبت منها فنجان قهوة ياربي دخيلك شو كهينة وهلا بدها تتغدا واصلا طلبت هالاكلة لانو مو دورها بعد جهد وتعب اتعلقت الطبخة ع النار واماني رتبت المطبخ من جديد وفاتت لعندو ع الغرفة دغري شلحت عن راسها
وليد :يعطيكي العافية حبيبتي
طبعا ما حكت غمرتو وضلت تبوس فيه وهو مستسلم الها بكل حواسو وهلا انصدمو وقت انفتح الباب هي اتخبت وراه وهو جلس قعدتو
نوال:انتي هون والله ما قصدت
وليد:لا عادي في شي
نوال:كنت جاية احكي معك ب موضوع
اماني: انا بدي اشوف الطبخة
طلعت اماني وسكرت الباب وراها وهو لساتو متاثر من الموقف
نوال:لهيك متعلق فيها
وليد:شو دخل
نوال انا صحيح ما الي حق افوت للغرفة بس اكتشفت انها قاتلة حالها عليك
وليد:جوزها ولا انا غريب
نوال: لا مو غريب بس البنت بدها تكون تقيلة
وليد مو ع جوزها انا بحبها لانها جاية ع كيفي
نوال:يا حبيبي عشنا وشفنا
وليد:شو بدك امي جاية تهزي بدني
نوال :ولايمكن انسى هالمشهد
وليد ...
نوال:وانت مستسلم الها
وليد:انتي جاية مشان هيك
نوال:لا بس خففلي اهتمام فيها
وليد: خير شو السيرة
نوال:مشان اختك
وليد:...
نوال وكمان نور اشتكى منك
وليد:خير شو مدايقو ابو الشباب
نوال:مابعرف انتو مو ساكنين لحالكن
وليد:وشايفيتني بعمل شي قدام حدا
نوال:بس نور شافكن بوضع مو منيح
وليد ايمتى
نوال:مابعرف حكى كنتو بالمطبخ
وليد: ما كان بطيخ
نوال:كيف ما كان
وليد: امي اطلعي من راسي
موال:اسمع انا قلة ادب ببيتي مابدي
وليد:...
نوال:بدك تحترم وجود الكل والا
وليد: شو
نوال:دبرلك بيت
وليد:...
انصدم وحس انو صغير كتير قدام هالموقف
نوال:مابقى بدي يتكركر هداك المشهد
وليد:انا طالع من البيت وهلا
نوال:لك انت ليش هيك
وليد:اماني...اماني
نوال:خلص خلص اهدا روق
‏_.lovestories ‏103
وليد لو بتيجي كل الدنيا ما بضل دقيقة عندكن وانا مدايقكن بوجودي
نوال:روق روق بسم الله كيف بتشعل بثواني
وليد:...
بمسحة وحدة صارت الفازة مية شقفة بالغرفة
وليد:انا لا حدا يجي يتدخل فيني
وطالع شنتة وهي مسكتو من تيابو وبلشت تترجاه
نوال:لك روق اهدا خليني اتفاهم معك
وليد والله والي حط فيني هالروح ما ببقى دقيقة بالبيت
بفوتت ابوه خافت امو
ابوالنور:شوصاير شوفي
وليد:انا خلصت من هالبيت كتر خيركن ما قصرتو معي
نوال:بغضب عليك والله
وليد ...
ابو النور:شو صاير
وليد جاية تحكيلي لا تقرب من مرتك انت شفت مني شي بابا
ابو النور:شو هالحكي اه
نوال:خلص خلص
ابو النور:ممنوع تطلع من هالبيت
وليد:ولايمكن اقعد ثواني وهلا قلعتني يعني ازا الواحد احوالو داقرة بتيجو بتتحكمو فيه انا لو معي مصاري ناطر تقليعتكن من حالي بنقلع
نوال :خلص اغلطت ومنك السماح اسفة
وليد:بعد شو انا كرامتي فوق العالم مستعد افرش بالشارع ولا انام ببيت انا مو مرغوب فيه
ابو النور:استهدي بالرحمن انت اعقل من هيك
وليد: ..
نوال:خلص اهدا روق والي بدك اياه اعملو

.........
بالمطبخ كنت خايفة تكسير وصوتو عالي بس شو حكتلو ليش عصب ياربي هاد مو وليد والله حدا تاني اي عصبي بس مو هيك متفاجئة فيه
طلعت حماتي من عندو ولبرى لحالها وعمي بقي عندو وسناء اجت لعندي
سناء:شبو وليد
اماني:مابعرف
سناء:صار شي
اماني والله كانو رواق
سناء:اكيد انعام حركت الجو
اماني:كيف
سناء:مابعرف اسمعتها تحكي عاوزك بموضوع مرت عمي وصارت لخناقة
بقلبي:كمان ناقص بس هي علينا
عمي طلع لبرى وانا رحت لشوف وليد قاعد وعم يهز برجلو
اماني:شو صار
وليد:...
اماني:..
قبل افوت للغرفة
وليد:اتركيني لحالي
انسحبت بهدوء وضليت بالمطبخ صار الاكل الوضع مكركب اجى نور وحماتي ب غرفتها دقيت باب الغرفة وفتحتلي وزعلانة كمان
حماتي:شو بدك
اماني:الاكل جاهز
حماتي: اي انا مو جاعانة اتغدو لحالكن
اماني بس
ضربت الباب ضرب ورحت لاشوف وليد اترددت قبل افتح الباب اتراجعت ورحت للصالون ناطرو اي حدا لاعرف شو اعمل بالاكل
نور:هي اماني هون
اماني:مابدكن تتغدو
نور:اي منتغدا
اماني:بس مرت عمي زعلانة
نور وبن لحمار جوزك
اماني:لا تحكي عليه
نور: حمار ونص صبي الاكل نحن متنا جوع كيفهن لا ياكلو
صبيت الاكل ما دقرت شي بس سناء ونور وانعام تاكل ومبسوطة كتير اتاكدت انها سبب المشكلة
نور:شو صاير
انعام:مابعرف
نور شو اماني
اماني:مابعرف
‏_.lovestories ‏104
نور:كيفكن لا تعرفن اما الاكل شي ناهي يسلم ايديكي
انا مقهورة كتير والله مو فهمانة كانت حماتي مبسوطة شو الموضوع الي عصبو هيك وزعل حماتي ضليت بالمطبخ وهلا شفت وليد لابس وجاهز ومن شباك المطبخ شفتو طالع نطر شوي وركب مع حدا بسيارة وراحو فتت للغرفة لميت الفازة المكسورة وتيابو منكوشين وبالارض علقتهن من جديد وكنست الغرفة وضليت بدون اكل وحاولت اتواصل معو مسكر كلشي
.......
مرهف:منيح اطلعت من السجن
وليد ...
مرهف:اي روق اهدا
وليد:..
مرهف:شبك بلا
وليد :راح اختنق والله
مرهف: بلشنا
وليد:لكككك اووف
مرهف:بلا احكيلي
وليد:بدي احكي انا مخنوق
مرهف:ليش
وليد :لك كل مرة بعلي صوتي عليهن وبندم
مرهف: اهلك
وليد:انا ما بتحكم بردات فعلي عليت صوتي على امي وحسيت حالي مو طبيعي
مرهف:اي وليش زعلان
وليد:لك استغفر الله العظيم امي هي امي مو قدران اتزكر الموقف صعب هون كانو في حدا بدو يخنقني والله
مرهف:طيب الموضوع مستاهل
ولي: لك لو بيقتلوني ما بحقلي ارفع صوتي عليهن بس انا ندمان وكتير كمان
مرهف: طيب صالحهن
وليد:بموت من القهر وقت يرضو عني بسهولة
مرهف :هدول الاهل قلبهن طيب
وليد:انا واحد منحط وسافل
مرهف: لك خلص هي لو انك بتعربد وبتسكر شو بتعمل خلص صارت ومابقى تعيدها بعرفك
غمض وحاول يهدا التقو ب نادر وسهر لبعد نص ليل بالقهوة رجعو مرهف ودغري لغرفة امو دق الباب ع الخفيف وشوي انفتحت الغرفة بس شاف امو دمعو عيونو ونزل راسو
نوال:شبك حبيبي
غمرها وباس راسها
وليد سامحيني والله ما قصدت
نوال:يا روحي انت انا ازعلت لزعلك ريتو لساني اتقطع ولا حكيت معك
وليد:لاما تحكي هيك يا امي ارضي عليي
نوال :الله يرضى عليك يارب وييسرلك وين ما تروح
وليد :عازمك ع فنجان قهوة صلحة
نوال: اعملها
وليد:انا بعملها
راح جهزها وقعد مع امو بالصالون
وليد:ازعلتي مو
نوال :مو منك من حالي
وليد :سامحتيني
نوال:ما بزعل منك والله
وليد:انتي فوق العالم كلو رضاكي عليي وبس مو طالب شي تاني
اتمدد على رجليها وصارت تمسحلو على شعرو
نوال: بتفكر انو رح يجي يوم وازعل منك من قلبي انا اصلا شايفتكن ومو مسدءة
....
لمحتو متمدد وعم تمسحلو حماتي على شعراتو المهم انو رجع فتت للغرفة انطرو ومليت كتير اطلعت لاشوفو متغطي ونايم بالصالون قربت منو ومسحتلو على شعرو
اماني حبيبي...وليد...يا روحي
وليد ....
اماني:هلا بتتعب من نومة الكنباية وليد
فتح عيونو ونقز
اماني: مابدك تنام بالغرفة
وليد:..اديش الساعة
اماني: وحدة ونص
وليد:...
‏_.lovestories ‏105

اتجلس ودغري راح للحمام وانا للغرفة رجع بعدها وبدل تيابو لبس بيجامة اتمدد على التخت
اماني:شبك حبيبي
وليد:ولاشي
اماني:طيب انت منيح
وليد:اي منيح
وهلا لف للجهة التانية وهالحركة قهرتني بس ما اقدرت اتقرب منو كنت خجلانة من هداك الموقف عملت متلو ولفيت للجهة التانية وكل شوي اسرقلي نظر عليه شعراتو يندهولي كل شوي بس ما اقدرت المسو دمعو عيوني لانو مجافيني ومابعرف ليش او شو عاملة
غمضت واستسلمت للدموع
......
تاني يوم كان الشغل ع اماني كمان ما اعترض بس نظراتو كلها قهر من هالقرار
بقلبو:ناس تحبل وناس تشتغل
اماني تجلي وهو مقهور من هالوضع
وليد:مو مشكلتي المصاري بس ازا اطلعت لبيت تاني وسافرت اماني وين بدها تروح لبيت خالها بكون بلا زمة ازا برضى وازا عند اهلها لا الموت اهون منهن والا كنت عيشتك ملكة ولو حكولي اطلع من حالهن بس الرجعة رح تكون صعبة منتحمل كمان شو بدها تجيب يعني غير ولد راسو مربع متل امو وابوه وع الغدا اقترحت انعام كوسا وهيك كان الرد

وليد: اي جيبو واتغدو نحن ما بدنا نتغدا بالبيت
انعام: عنجد
وليد:اي اتهنو كم كيلو ماما بدكن
نوال:بدك تجيب
وليد :اي كم كيلو
طبعا انعام انجلطت بس ما اظهرت
وليد:يلا ساعة زمان بيكونو هون
فات للغرفة اماني عم تلبس تيابها لانو هداك مي من الجلي
وليد:اللبسي طالعين نتغدا برى
اماني:مابدي
وليد:لا تكبري راس عليي مارح يطلعلك
اماني:شو غصب
وليد:غصب اللبسي والله ازا برجع وبلاقيكي مو جاهزة لاعملك عرس ما صار
قبل يطبش باب الغرفة اتزكر انو رح تشمت فيها انعام لهيك سكرو بهدوء راح جاب اغراض الكوسا حطهن بالمطبخ وكانت اماني جاهزة هالشي خلاه يرضى عنها كتير وطلعو تمشاية من البيت
وليد:ليش راكبة عقلك
اماني:ماحكيت شي
وليد:شو حابة نتغدا
اماني:مو عبالي شي
وليد:ليش
اماني:ليش اطلعنا من البيت بهيك وقت
وليد: هيك غاية بنفسي
اماني:.ايمتى ارجعت
وليد:مو متزكر
اماني:صالحت حماتي
وليد:اي
اماني:نمت مبارح
وليد:ميت نعس
اماني: انا ما نمت
وليد :ما حسيت عليكي
اماني:طيب بس فهمني شو صار
وليد:سكرنا ع الموضوع نهائي
اماني:يا وليد انا فضلي رح يقلني
وليد:انا شو قلت
....
حاولت فيه بس ما رضي يحكي وسكوتو قهرني بالمطعم جاب الجرسون المينيو كان شب حليوة وانا اخجلت من جمالو
الجرسون:اتفضلو
طبعا وليد يختار ويسألني
بعدها اجى الاكل اتغديت وعبيت بطني وطلبلي حلويات
اماني:مع انو طيبة الكوسا
وليد:اي يتهنو وكمان اليبرق طيبة
اماني:مع انو اشتهيت تتغدا معنا
وليد:مع انك اترجيتيني كتير وما اقبلت
اماني:خفت ما ترضى
وليد لو محاولة وحدة احس بوجودي او غلاتي عندك
اماني:بس انت

الجزء السادس والعشرين
‏_.lovestories ‏106
وليد :لا تبرري بس خلص
اماني :وليد في جواتي غصة كبيرة
وليد: من شو
اماني: انت مجافيني من مبارح
وليد:خلص انسي
اماني:والله مابعرف شو صرلك انا السبب لانو غمرتك واتقربت منك خلص والله مابقى اعمل شي
وليد:شو خص هي بهي
اماني:لكن بتنام هيك من وقت اتجوزنا ما بنام الا على ايدك شو صار مبارح
وليد:ماصار شي ارتاحي
اماني:انا تعبانة وليد منك
وليد:خلص اماني خلصنا سكريلي ع مبارح انسيه انا قرفان شي اسمو مبارح مشان ربك خلص خلص
بعصبية حكاها وصوتو علي وانا نزلت راسي واتوترت كتير لانو اغلب الي قاعدين انتبهو
بقلبي:والله ما عودني على العصبية مو هيك
وليد ...
وقف ولبس الجاكيت طلب لحساب وحاسب وانا الحقتو بس بعيدة عنو ماشية وقلت لاتدلل عليه واقف ناطرني
اماني:ازا بدك طلقني
وليد:امشي بلا هبلك
اماني:وليد لا تحكيني هيك
وليد :اسمعي مو رايقلك يلا خلصنا
وهيك المشوار انا ماشية وراه وابكي وامسح دموعي
بقلبي:الله لا يسامح الي كان السبب مين ما كان يكون والله كنا متل العاشق والمعشوق وبالبيت عم يتغدو والي شفتو انو الجلي مكوم الي وهاد الي ما اتوقعتو
وليد:ممنوع تلمسي شي
اماني:شو اعمل
وليد ولا بتعملي شي بتجهزي ابريق شاي وبتيجي للغرفة وازا اي حدا حكى بتحكيلو وليد هيك بدو
اماني:خليني اجليهن
وليد:ايه اجليهن يا اماني
ما افهمت عليه جهزتلو الشاي
بالمطبخ اجت حماتي
حماتي:اماني بدك تجلي
اماني:اي
حماتي الله يرضى عليكي لانو سلفتك حبلة عقبالك
اماني ولايهمك
رحت اعطيه الشاي نظراتو لا تفسر ارجعت للمطبخ اجلي ووالي ما اتوقعتو اجى ومعصب كتير
وليد: بدك تجلي
اماني: مرت عمي طلبت مني
وليد:وليش وافقتي
اماني:...
بجية حماتي
حماتي: شو صاير
وليد:انتي بترضي ع حالك تجلي جلي ما اكلتي ولا شاركتي فيه
حماتي:شوفيها
وليد:انتي بتقبلي
حماتي:يعني مابدك
وليد:ازا اماني بتجليهن بتكون طالق
وهون حماتي انصدمت
هو طلع من المطبخ
حماتي:خلص اتركي من ايدك لا تعملونا قصة منها
اخدت مريول الجلي وبلشت تجلي
حماتي:روحي لعند جوزك مابحب اشتغل وعندي حدا
اماني:بساعدك
حماتي:لا حبيبتي ارتاحي مو ناقصني مشاكل انا قضيت عمري طباخة وجلاية لبيت اهل جوزي يعني ازا اشتغلت عن كنايني رح بنقص من مقداري
اماني:والله مابعرف شو صايرلو
حماتي:شو صايرلو
اماني:من مبارح معصب وما بحاكيني
حماتي:واخدتيه تغديه برى وهلا عبيتي براسو مشان الجلي
سالو دموعي
اماني: والله مو انا والله
حماتي لا تبكي خلص يلا روحي
اماني: .
كنت اضب عليها الجلي مو حلوة وقفتها ع المجلى بس ما اقدرت اجلي عنها وهداك حلف يمين طلاق
حماتي:اوقات بقول ياريت سناء بتشوف بعيونها
اماني:..
‏_.lovestories ‏107
حماتي:البنت بالبيت ما بتتعوض كانت شالت عني كتف لانو المنافسة عم تزيد وعم نعلق نحن
اماني:بشو احلفلك انو ما علاقتي لا تظلميني
حماتي:لا تحلفي
رتبت كل لرفوف ونشفت ارض المطبخ وهي راحت ل غرفتها ومبين تعبانة
......
فاتت وهو يتطلع عليها ب عصبية
اماني:شبك
وليد جليتي
اماني:لا مرت عمي الي جلت
وليد:لكن شو كنتي تعلمي
اماني:رتبت عليها
وليد وين هديك لكن
اماني:مابعرف
وليد:...
تركتو واتمددت بمكانها
بقلبو:ومتغيرة كمان بس مارح تسلمي مني يا كلبة يا انعام ايه اعملي وكتري وحدة متلك تخرب عليي عيشتي
وليد نمتي
اماني:تعبانة
وليد:قومي رجعي الشاي
اماني:في شاي
وليد:لا
اماني:...
اتجلست ودغري اخدتو للمطبخ وهو صار بدو يرجع العلاقات بس مو قدران نامو بعيدين عن بعض كمان لا هو تنازل ولا هي اتنازلت عن موقفها تاني يوم جاهزين لتنين لروحة الجامعة ومحاربين بعض كمان
وليد:انا برى
كلمة وحدة حكاها وطلع وناطر لحتى اجت شغل السيارة دغري طلعت معو ومشى
وليد:اي ساعة المحاضرة
اماني:١١ ونص
وليد:....
بقلبو:لك هي شو بدو يصالحها
بالجامعة فاتت للمحاضرة وهو بالكافتيريا مو بهالعالم شغل سيكارة وحط ايدو على جبينو يفكر بطريقة ترجع العلاقات اجت لعندو واتمايزها وبقيت واقفة
اماني:خلصت
وليد: اقعدي
قعدت وهي حاضنة الدفتر
وليد:مستعجلة
اماني:لا بس اليوم دوري بالجلي
وليد:اي لاااا ما بصير نتأخر يلا
وقفت وهو وقف طول الطريق معصب وينفخ دخان والاحلى يشوفهن لابسين وجاهزين للسفر وبين عليه انو انبسط
وليد:شو وين
نور:اجازة من خلقتك
ابو النور:ادفع الاجار انت
وليد:حاضر
نوال:يوم الخميس بتيجو تزورونا يومين
وليد:ولا يهمك
نوال:ابوك رح يخلي سيارتو هون
وليد:مو مشكلة بنوب
بلش يودعهن وهلا اتنفس براحة وقت شغل نور وطلعو من الحارة واقفين سوى وفجاة ابتسم لاماني بس دغري لفت وشها وفاتت لجوى
.....
اسمعت تسكير باب البيت ورحت ل غرفتنا شلحت تيابي بس شعور حلو البيت هدوء ما فيه ضجة فتح وليد الباب ما اهتميت الو بنوب

اجى وبكل ثقة مسكلي ايديي وشد
اماني:صاير معك شي فيك شي
وليد:مشتاقلك
اماني:اي انا لمصلحتك بتصالحني
وليد:لا تنزعي الجو راحو لازم نعمل حفلة
اماني:احتفل لحالك
اخدت المنشفة وهو مبحلق فيني
وليد:وين
اماني:بدي اتحمم
وليد:وانا
اماني:مو شغلي ضلك حردان
وليد:هههه لا ما حلو الحمام بدوني
اماني:لاااا انا بدي اخد راحتي
وليد:لك وين
حكاها وهو لاحقني للحمام سكرت بوشو الباب وقفلتو
وليد:اماني بلا ولدنة افتحي
اماني:يلا ع غرفتك كمل حردتك
وليد:ههههه يلا غزالي
اماني:اكتشفتك هاليومين
‏_.lovestories ‏108
وليد:هههه لك انا من فرحتي مو وعيان ع حالي رح اخلع الباب ها
مجنون بلش يخلع فيه فتحتلو
اماني:لك شو صرلك
وليد:هههه اخ ياربي ما احلى البيت بدونهن
اماني:لك وليد
وليد:تعي لقلك بدي اعيشك اسبوع بجناني
لااااا ولا فيوز الزلمة
المسا انا قاعدة واتفرج على سفرة ملكية مكسرات مشروب طاقة فواكه شي بحياتي ما شفتو الشوكلاته بكل انواعها واركيلة شغل اغاني واجى قعد جنبي
اماني:ههههه بلا لشو كل هاد
وليد:ولسى ع التخت في شي بيستانكي
اماني:شو هاد
وليد:روحي وشوفي
شو انو ازعر رحت بسرعة وشفت علبة فرطت ضحك اما شو فستان قصير شي بيخجل
رحتلو
اماني:وليد
وليد:يلا بستناكي
اللبستو غصب عني وفتت بنوبة ضحك مو طبيعية فردت شعري على طولو عطر ومكياج وضليت حافية بدون شي لانو مو حرزانة اللبس برجلي رحت لعندو
وليد :يا اميييي شو هالحلو تعالي لقلك
قعدت حدو واعطاني الاركيلة
اماني:ما بحبها
وليد اشربي انا اصلا عاملها الك انا هاد جوي
بالاول اخجلت قدامو شوي
وليد:لك اركلي شو عيب يعني
اماني بعدين بتاخد عني فكرة غلط
وليد:لك كل غلط منك صح يلا
وبعدها طالعتلو ابداعي ومابعرف رحنا لعالم تاني انا مو وعيانة ع شي دخت منها بس نحن اطلعنا عن المألوف كلو
..........
فتح عيونو واماني بحضنو ما قدر يتجلس لحتى ما يزعجها غمض مستسلم ويتزكر كلشي صار ليرجعلو نفس الشعور باسها كتير لحتى حست واتجلست
اماني:نحن هون
وليد:يلا لغرفتنا
تاركين الكركبة بالصالون ورجعو اتنعمو بنومة هنية
.......
واتاريه بيعرف يجلي ويعمل فطور ويرتب ويوميا سهرتنا ما بتشبه ولا سهرة بالعالم بس اتزكر اي تفصيل يرجف بدني
وانا طول الوقت بتياب مغرية قصيرة ومسكرين ع حالنا يطلع وليد بعد الظهر يجيب كلشي اغراض وقبل سفرنا بيوم جهزنا شنتة صغيرة الي والو غمرنا بعض هو بعدلي الغرة عن عيوني
وليد:يا امييي الحلوة شو معزبيتني
اماني:وليد كنا زعلانين
وليد :مو منك يا روح وليد بس هيك خلص لازم تعرفي بس احكي سكرنا ع الموضوع يعني هالشي بيزعجني وبسببلي غصة
اماني:حاضر بأمرك انا
وليد:حابة تتعرفي ع ضيعتنا
اماني:كتير
وليد:هههه وين شفتيها
اماني:من الصور عندك
وليد: بتحبي الضيعة
اماني:وكلي جماس لاشوف حبيبي وين عاش طفولتو
وليد:ههههه يسعد ربك ما احلاكي يا غزالي
نمنا والصبح جاهزين اكنت عم اضب تيابنا الي شلحناهن
وليد لك اتركيهن
اماني:لا انا بحب ارجع للغرفة وتكون نظيفة
وليد:لك غرفتنا عادي
اماني لا مو عادي
‏_.lovestories ‏109
اتاكدت من كلشي فيها واطلعنا سوى قفل هو وامن البيت منيح وهلا بطريقنا لمكان مجهول بالنسبة الي طول الطريق اتفرج ع شجر وسهول وطرقات عريضة لحد ما وصلنا ماني فهمانة شي من شي وهلا اوصلنا لبيت اهلو صفط ونزل الشنتة
واتاريه الاستقبةل حافل ناس ما بعرفهن بس حكى كلمة اشبه بالهمس
وليد:هاد الي كان ناقصني
امشيت وراه وبلش السلام الحار وانا كاني لوحة عم يتفرجو عليي والي ما اتوقعتو بالصالون وليد
وليد:لككك ليش هدول هون
حماتي:جايين يسلمو عليك
وليد:لكككك مية مرة قلت ما بطيق اشوفهن لك انتي كيف بتخبريهن
حماتي مو انا نور
وليد:لك يا الله بتطالعو الواحد عن طورو وبتصيرو ترقعو ورا فعايلكن انا بدي اقلعهن
حماتي: لك لا تفضحنا
وليد:يا امي مشان الله ما بحبهن ما بطيقهن ليش لييجو ليش
حماتي:مرقهتا يا امي فوت بدل تيابك
وليد تعبان تعبان من هالوضع
حماتي:شوي وبيرحو
وليد:لك ريحة الاكل هي من وين مو الهن.
حماتي:فوتو لغرفتكن ما عليك انت من الباقي استرني مشان الله ....خدي جوزك للغرفة
الحقتو يا محلى جو هداك البيت فتت وراه للغرفة كانت عتمة وسكرت الباب وشغل الضو
اماني:شبك حبيبي
وليد:نفسيتي بتتعب بس اشوف المنافقين
اماني:اصلا مبين عليك مو طايقهن
وليد :وما بيفهمو كل ما ارجعت بلاقيهن بخلقتي
اماني:هي غرفنك
وليد:شو شايفة
اماني:بس ليش تخت مفرد
ولؤد:ههههه لانو كنت عزابي
اماني:وين انا بدي انام
وليد:ههه احزري
اماني:دخيلو الي رايق بس عنجد ما رح يوسعنا التخت
وايد:لك انا اصلا فرحتي لا توصف رح نلزق ببعض
اماني:مابدك تطلع لبرى