#الجزء السابع الاخير تمتتتت بائعة الورد بقلم سوزان قهوجي

: طلع ماهر مستعجل وخايف على بيان وكانت سرعته متل الطياره سرعه جنونيه حبه لبيان بخليه يخاف عليها من كل شي وهو ماشي مسرع بالطريق العام فقد السيطره على السياره وعمل حادث خطير ومميت

الناس بالشارع التمو عند السياره وهي قالبه على وجهها
يارب يا ساتر شوفو الرجال بينزف
ياربي اي والله اطلبو الاسعاف بسرعه بركي لحقوه شكله كتير متأثر وضربته قويه

اجت الاسعاف نقلت ماهر للمستشفى وبنفس الوقت اجت ميساء اخدت بيان المستشفى

بيان.. دخيل الله موجوعه يا ميساء رني على ماهر ليش هيك اتأخر قلقت عليه
ميساء.. والله مابعرف ما عم يرد برن عليه ما عم يرد خلص اهدي هينى وصلنا المستشفى ياربي عجقه شكله في حادث وناقلين الجرحى لهون الله يعينهم

بيان.. ياربي الله يحمي العالم

دخلت بيان غرفة الولاده تولد وكانت تعبانه كتير
ميساء .. بدي روح شوف الرجال المصاب بالحادث شكله مو غريب دكتور كيف المصاب
الدكتور. . اصابته خطيره يمكن ما يعيش
ميساء. . طيب ممكن شوفو
الدكتور.. انتي من قرايبه
ميساء لاء بس مشبهى عليه
الدكتور.. طيب ماشي بس من بعيد لانه الممرضه عم تجهزو للعمليه
ميساء. . اي اي ماشي
دخلت ميساء ولما قربت منه اكتشفت انه ماهر عمها انصدمت شو هالصدفه مرته بتولد وهو بموت ياربي دخيلك الطف
دكتور دكتور هاد المصاب عمي اخو ابي بدكم شي دم اي شي ووضعه طمني الله يخليك مرته جوا عم تلد بدي اطمن
الدكتور.. الله يلطف وضعه سيء جدا في قطعه حديد داخله براسه وكمان ضربه على صدره وكمان الكبد متضرر ازا قدرنا نوقف النزيف بكون فضل من الله
ميساء.. طيب حاولو الله يوفقك هاد عمي نور عيوني
بابا
ابو ميساء.. الو بابا كيفك
ميساء. . بابا تعال المشفى الخاص الكبير عمي عمل حادث ووضعه خطير ومرته عم تلد يلا
ابو ميساء. . شوووو يلا جاي يارب لطفك

ميساء .. طمنوني ولدت
الممرضه. . اي جابت ولد بجنن وصحتها كويسه شوي ومنطلعها لغرفتها
اطمن ميساء على بيان وراحت تطمن على عمها
دكتور طمني عمي كيف هلاء
الدكتور. . بعتذر منك الله يرحمه
ميساء بدموعها شوووووو ياربي ياربي رحمتك

احتارت ميساء كيف رح تخبر بيان ومو قادره تكتم حزنه وحرقة قلبها على عمها اجى ابوها
ميساء.. بابا عمي عمي
ابو ميساء.. طمني خير
ميساء.. الله يرحمه
ابو ميساء.. شووو ياربي الله يرحمك يا احن اخ الله يرحمك يا روحي اااخ ربي يرحمك برحمته طيب ومرته كيف وضعها
ميساء.. تخيل نفس الوقت ولدت وجابت ولد
وهي هلاء بغرفتها مو عارفه كيف أخبرها
ابو ميساء .. هلاء بخبر امها تيجي عشان نخبرها سوا
ميساء. . بابا بلاش نخبرها هلاء خليها لبكره ومنقولها انه عمل حادث ومكسوره رجله وما قدر يجي
ابو ميساء.. طيب ماشي هيك افضل طيب خليني اروح اشوف اخوي واودعه هيك مافرح بأبنه اااخ يا ماهر الله يرحمك
ميساء.. رح اتصل بأمها الو خاله كيفك
ام بيان.. اهلا طمنيني كنها بيان ولدت
ميساء.. اي خاله ولازم تيجي المشفى في خبر مزعج
ام بيان. . خير شو في
ميساء.. عمي ماهر (مع دموع حزينه وصوت مخنوق )عمي ماهر عمل حادث وهلاء توفى وبيان ما بتعرف شي
ام بيان.. ولي ولي ولي على حظك يابنتي الله يرحمك يا ماهر الله يعينها على فراقه طيب جاي على طول
ميساء.. نحنى بالمستشفى الخاص الكبير
ام بيان.. طيب جاي

سكرت الخط ام بيان ولبست تيابها وراحت على المستشفى وصلت وبدل ما تخفف هن بيام راحت خبصت الدنيا

ام بيان.. ولي على حالي ولي على طولي راح الرجال بشربة مي كان شب متل الفل ما فرح لسى بأبنه تيتم الولد قبل ما يطلع على الدنيا ولي على حظك يابنتي
بيان.. شو في ليش انتي عم تندبي وتصرخي ليش هيك خير
ام بيان.. جوزك جوزك راح بشربة مي الله يرحمه
بيان. شووووووو كيييف ماهر ماهر ياربي لا لا انتي بتكذبي
ميساء دخلت عليهم وهي بيان بتبكي وبتنوح
ميساء.. خاله انتي خبرتيها ليييش الله يسامحك
بيان.. ميساء الحكي صح ماهر ماهر ماات
ميساء.. انا لله وانا اليه راجعون توفى عمل حادث الله يرحمه
بيان.. لااااااا ماهر ابنك اجى بيشبهك وين رحت وتركتنا ماهرررر لاااا تروح وتتركني لحالي
انهارت بيان وقضت اسبوع بالمستشفى وما قدرت حتى ترضع البيبي وما اختاروله اسم لسى
نزلت البيت وهي حزينه ومكسوره ومجروحه هالمره الجرح كبير وقاسي ووجعها اكبر من اي وجع سابق فقدت شريك حياتها للابد تيتم ابنها قبل ما يولد حزنت على ماهر وعلى ابنها
قضت شهور العده وهي تبكي ونوح وحزينه على ماهر وكيف بقيت هي وابنها لحالهم

ابو ميساء.. يا بنتي انتي خلصتي العده واخي الله يرحمه لكن المحل موجود وهاد باب رزقك بتحبي انتي تشتغلي فيه ولا نجيب حد

بيان.. لا لا ماحد بيشنغل محل ماهر خلص انا بستلمه وبخلي ابني ماهر عند ابني
ابو ميساء.. ازا انتي هيك بدك على راحتك تفضلي هاي المفتاح والله يوفقك البيت هاد والسياره والمحل وفي حساب بالبنك كلهم الك انتي وابنك الله يعوضكم عن فقدان ماهر خير والله اخي كان رجال مقدر الله يرحمه
بيان ودموعها على خدها الله يرحمه ويحسن اليه

~~~

: بعد مرور 5 شهور

كانت بيان بمحل الورود رجعت بائعة الورد لمكانها بين ورداتها بين ذكرياتها وايامها الماضيه مع ماهر

كانت بيان عم ترتب المحل دخل عليها فجاءه احمد
احمد.. بيان كيفك البقاء لله اسمعت بيلي صار صح متأخر كتير بس انا كنت بلشان كمان توفت امي من 3 شهور وزوجتي اخدت بنتي بيان معها وسافرت لامريكا ورافعه علي دعوى طلاق
بيان. الله يرحمها امك الموت بيقهر كتير لكن هاد قدرنا كلنا
احمد .. بس انتي واضح انك حزينه لهلاء
بيان.. طبعا هو يلي مات حد عادي هاد زوجي ابو ابني
احمد.. الله يرحمه مرت اطمن عليكي بتحبي اساعدك بشي
بيان.. لاء شكرا .. هيني ماشي حالي بكمل دراستي ويشتغل بالمحل وماشي الوضع
احمد . ابنك وينه
بيان.. عند امي حبيبي عم يكبر بجنن سميته ماهر على اسم ابوه
احمد.. يعيش ويحمل اسمه الله يحفظكم لبعض
بيان.. انت هلاء سو بتعمل
احمد.. بعدني بدرس بمدرسة البنات
بيان.. الله يوفقك
احمد.. بيان اي شي بدك اياه انا موجود
بيان.. شكرا الك احمد انا بخير وان شاء الله ما بحتاج شي تسلم
احمد. معقول كل يلي بيصير معنا دليل انه رح نرجع لبعض
بيان.. احمد ارجوك انا مستحيل اتزوج بعد ماهر عندي ابني وبدي اربيه وما بدي اي شي غير هيك
احمد.. رح اتركك هلاء لكن رح يبقى عندي امل بيوم نرجع سوا
بيان.. مستحيل ازعل ماهر بقبره مستحيل حتى لو سو نا كان احمد.انسى بيان للابد للابد ابني هو كل حياتي افهم هالشغله
احمد.. انا مارح اضعف لو بعد عشر سنوات رح ابقى ناطرك ياحب عمري
~~~~~~
روج احمد وبيان بلشت تتذكر كيف احمد تركها وتزوج وكيف ماهر وقف معها واتحملها وما اتخلا عنها وقررت تبقى على ذكرى ماهر للابد وتربي ابنها وبس

~~~~
مرت السنوات وماهر كبر وصار عمره 18 سنه

بيان.. ابني لازم تدخل فرع الطب ابوك الله يرحمه كان هيك يقولي بس يكبر ابني بدي يصير طبيب
ماهر الابن... ماما بس انا نفسي اصير مهندس مدني
بيان.. ياربي عجزت فيك شو اعمل خلص اعمل يلي بدك بس والله الطب احسن
ماهر الابن.. خلص امي رضاكي اهم شي انتي اشتغلتي واتعبتي لحتى صير كبير وانا بحبك وبحب ابي يلي ماشفته ورح اسجل طب من عيوني
بيان.. هلاء انا مبسوطه ورح ارتاح
طيب خليني انزل للمحل ترا هلاء بدنا فلوس اكتر بدنا ندرس الطبيب هههههههه

وبقية بائعة الورد تكافح في حياتها وتضحي لأجل غيرها مو ضروري ناخد الشخص يلي منحبه يمكن هو مو نصيبنا المهم انه نعيش مرتاحين مع الناس يلي بتحبنا بيان ما كان الها نصيب مع احمد وما جمعهم بيت ابدا رغم حبهم الكبير لكن هي كانت نصيب ماهر وبس وبقيت بيان على وعدها صانت ابنها وربته احسن تربيه

تمت بتمنى تكون وصلتكم الرساله من خلال قصتي
محبتكم سوزان

بداية القصة 🤍🌸
@Stories_3

رأيكن بالقصة🧚‍♀👇
@Stories_3_bot
لاتنسو التفاعل 🔥❤️‍🔥
@Stories_3

قصة جديدة: #الحب_النقي

قراءة ممتعة🌸
@Stories_3

الحب النقي🤍

الجزء الأول + الجزءالثاني +الجزء الثالث

كان الليل رسم بخيوطه المظلمة على كل شي حوليها..... اليوم اتأخرت بموعد رجعتها وصلت على الموقف المخصص يلي بتنطر فيه بالعادة السرفيس لترجع فيه على بيتها
رمت بجسمها على كرسي الانتظار جسمها التعبان ودموعها غدروها ونزلوا بتعب كبير وقهر أكبر

قاطعها ارتجاج الموبايل بأيدها .....مسحت دموعها بعجل وحطت سماعتها وفتحت الخط
أهليين ماما

أم بانة : وينك لهلاء حبيبتي كتير اتأخرتي

_صاحب الشغل ماقبل نطلع حتى نظبط البضاعة الجديدة ونرتبها بأماكنها

_بس الوقت كتير اتأخر

_شو اعمل ماما هاد يلي صار

_ليش ماخبرتيه انك مابتقدري تتأخري

-أمي الله يخليكي هو شو بهمو عليه شغله يمشي وبس

(قرب من الموقف شب لابس طاقية كت استند عل العمود سرحان عم ينتظر هو كمان)

بانة : ييي

الأم : شوفي

بانة : لك انسيت جزداني بالمحل

الام : كيف هيك

-مابعرف من عجلتي ماانتبهت ....رح ارجع عل المحل جيبه

- لاء شو ترجعي هيك بتتأخري كتير ...مامعك مصاري

- مبلى في بجيبة الجاكيت

- طيب يلا اركبي تكسي وبسرعة عل البيت .....أبوكي اليوم تعبان وسأل عنك ما عرفت شو قلوا

بس مايكون عرف اني عم اشتغل ........لاء لسه مفكر انك انتي ورفيقتك عم تعملوا مشروع التخرج مابدنا يعرف هلاء بكفيه يلي فيه هيك خبر هلاء مابعرف شو ممكن يأثر عليه

- بانة (عم تبكي ) انا أكتر وحدة حاسة فيه ....شعور انه الواحد يتحطم ...يخسر كل شي
...الأمل يلي رسم عليه حاضر والمستقبل يتبخر هيك ....فجأة تلاقي حالك بلا ماضي ولا حاضر والمستقبل مجهول .....قهر قهر كبير

قيس التفت عم يتطلع فيها بطرف عينه ....عم يسمع دموعها حروفها يلي قدرت اترجم فيهن وجع عم يعصف بصدره من وقت طويل ...
حس انهن متشاركين كتير هو وهي قنبلة موقته ضبطها مجنون بأي لحظة ممكن أن تنفجر

الام : بانة وين رحتي

بانة :عم تحرك حواجلها وعيونها وهي عم تتطلع بقيس ..... اه ولا شي بس في واحد مدري شبو قدامي

الام : شبو

انتبه على نظراتها اله لف وجه بسرعة ليقابل الشارع وارتمست ابتسامة صغيرة على وجه
ام بانة : لهلاء ماوصل السرفيس

_لاء بعتقد انه ما بقا يجي بهل الوقت ...بس خايفة اركب تكسي بهل الوقت لحالي

_ لا حول ولا قوة الا بالله .....قلبي متل النار وفاير ومارح اتطمن لتصلي عل البيت

_ خلص لا تقلقي هلاء الا مايجي السرفيس
_ في حدا عل الموقف معك
بانة :ايه في شب ...
_ طيب اسأليه لوين طريقه وخدوا تكسي سوا أحسن ماتركبي لحالك

بانة : أمي كيف بدك ياني حاكيه خلص ...انا بركب لحالي بنتك بستين شب لا تخافي علي ....بس أنا مابدي
أم بانة : انتي بتخافي أنا بعرفك .....عطيني الشب لأحكي معه أنا

بانة حطت ايدها على تمها ووطت صوتها ولفت بوجها شوي ....شوبدك تحكي معه ...أمــــــــي ......مارح أعطيه التلفيون ....أمــــــــــــــــي لاء مابدي

التفت قيس ومد ايده وهو مبتسم ...صفنت بانة فيه شوي وابتسمت ابتسامة صفرا وعطته الجوال وهي ملبكة وعم تحاول تسمع حديثهن كان ملتفت للشارع

قيس : خلص ولا يهمك خالة اعرفت العنوان ....لا تهكلي هم
لحظة هي وصلت التاكسي .....فتح الباب الوراني وأشر لبانة تطلع

ركبت بانة وقيس عم يحكي ، ايه خالة هي نحنا بالتاكسي ان شاء الله نص ساعة بتكون بالبيت

أم بانة : بنتي أمانة برقبتك ياابني والله يوفقك دير بالك عليها لتصل

قيس : ان شاء الله ...وعليكم السلام

الشوفير : لوين معلم

قيس : بدنا نوصل الصبية عل الجادات وبعدها بدك توصلني عل الضاحية

الشوفير : تكرم

قيس عطى الجوال لبانة .....يلي أخدته وهي وساكته يمكن خجلانة أو تعبانة أو لسه مااستوعبت الموقف ..كانت تفكيرها محصور توصل لحضن امها تتفقد أبوها أخوتها بيكونوا ناموا بهل الوقت يعني مارح تشوفهن اليوم .....دمعت عينها وسرحت فيهن عم تتأمل الطريق

قيس : الله يخليك على مهلك ليش مستعجل هل القد

الشوفير : له ماحبيتها منك هي انت شب ولازم مايكون قلبك خويف

قيس : ياعمي مو خوف ..بس هل السرعة الزايدة مالها داعي

الشوفير : لا تخاف حبيب الدنيا ليل والشوارع فاضية ..هيك ينوصل اسرع
الصبية خطيبتك .....

قيس : أخي الله يوفقك خليك بالطريق مو وقت الاحاديث هلاء

السرعة قوية ...اشارة حمرا ...تقاطع طرق ..شاحنة كبيرة من طرف السائق ...صوت فرام سيارة تشحيط .... بس الاصطدام كان أسرع .....اتشقلبت السيارة تلت مرات على اسفلت الطريق لترتمى لبعيد .ومصير يلي فيها مجهول .............
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تاني نهار
عم يفتح عيونه بصعوبة كانت سقف أبيض سرير حديد ...حاول يسحب نفس بس كان مؤلم وكأن ضلوعه عم تتكسر من الشهيق والزفير ..حاول يحرك شفافيه ويحكي ماقدر من تعبه

عماد قرب لعنده مسك ايده قيس ....قيس سامعني ....طلع صوت تنهيدة جارحة
ياجماعة صحي قيس ...صحي .

قربت أمه ياحبيبي الحمد الله على سلامتك

ابوقيس بأيده مسبحة عم يحرك حباتها الف حمد وشكر الك يارب

كيفك أمي شو حاسس .....
حاسس جسمي مكسر وبدي أشرب تمي نشفان
نادى عماد للمرضة أخدت نبضه وضغطه

الحمد لله كل أموره تمام واشاراته الحيوية بخير الكسور والرضوض بدها فترة ليشفى
مبدئيا فيكن اتشربوه مي وبس يجي الدكتور بيطمنكم أكتر عن حالته

أم قيس : الحمد لله ..الحمد لله ياربي حطت ايدها خلف ضهره وقربت من تمه المي ...عم يشرب ولسه مااستوعب شو صار ....

قيس : شو صار

عماد : عملت حادث وانت راكب التكسي مبارح بالليل ,مالك متذكر......

قيس : صح الشوفير كان مسرع كتير وأنا قلتله يهدي .....

عماد : الله يرحمه مات مباشرة الضربة اجت عليه أول واحد وانت والبنت نفدتوا بأعجوبة ....
قيس : أي بنت ....................

الجزء الثاني
عماد : في صبية بأول العشرينات كانت عل الكرسي الخلفي وأول ماوصلنا طلبوا منا نشوفها اعتقدوا انكم ركبتوا مع بعض
قيس وهو عم يحاول يجلس قعدته عل السرير والأحداث رجعت تترتب بعقله ....
هي صبية شفتها عل الموقف وكانت خايفة تركب لحالها بتكسي
حاكتني أمها ووصتني عليها ....كيفها
عماد :كأني اسمعت انه معها ارتجاج بالدماغ ورضوض قوية كمان
قيس :.........وصلوا أهلها
عماد : مابعتقد لأن ماكان معها أي اثبات يثبت شخصيتها ....عم ينتظروها تصحى ....اذا انت معك رقم أمها ممتاز
قيس: لاء أنا حكيت معها من موبايل بنتها ....
عماد : ماالمشكلة انه جوالها انكسر بالحادث مع السيارة ..
سرح قيس واتذكر انها ضلت ماسكة الجوال بأيدها ووقت الحادث راح بالحطام
مر اليوم بتعب وتشويش ......تاني يوم الصبح الدكتور بغرفة قيس عم يتفقد أخباره وطمنه انه بيقدر بهل اليوميين يطلع من المشفى وبتبقى اتطل كل فترة لنتطمن عن رجلك
قيس : دكتور البنت يلي كانت بالحادث لسه ما صحيت كيف وضعها ؟
الدكتور : الحالات يلي متل هي بتاخد وقتها ,الضربة كانت عل الدماغ ومابنقدر نحدد حجم الضرر لتصحى حاليا اشارتها الحيوية ممتازة وبس تصحى بنعرف نوصف الحالة أفضل ...
قاطعتهن ممرضة جاية على عجل , دكتور المريضة بالغرفة 112 صحيت
الدكتور استأذن بسرعة
قيس : عماد ساعدني روح لعندها
عماد : .... على مهلك اتسند علي ........
مشيوا بممرات المشفى وبين غرف المرضى وصلوا لغرفتها اتسند على طرف الباب من بعيد , بعيونه عم يلاحق المشهد
وجها الشاحب الممزوج بزرقة باردة شفايفها التعبانة راسها الملفوف بالشاش عيونها عم تتفتح
وصوت أنينها التعبان .....شد أعصاب الكل
الدكتور : هدي حالك انتي بخير صار معك حادث من يوميين وهلاء انتي بمشفى النور....
عيونها مركزة معه وايدها على راسها ......ااه ....راسي كتير عم يجعني ....
_الضربة القوية كانت على راسك لهيك عم تحسي بالوجع ..فيكي تقليلي شو اسمك
بانة :............
_عمرك
بانة : ..............
الدكتور بتوتر عم يتأمل يلي حوليه وهي عم تجاريه بنظراتها التايهة بالوجوه وبالمكان
نحنا بأي عام .....
بانة دمعت عيونها ورجفت شفتها .......
الدكتور :خلص لا تقلقي بتكون هي أعراض الصدمة , ارتاحي هلاء وبرجع بمر عليكي بعد شوي
قربت منها الممرضة عم تهديها وبانة عم تمسح دموعها وتبكي بقوة
طلع الدكتور من الغرفة متوترقرب منه قيس ....دكتور شو الموضوع
الدكتور : مافي أجزم من هلاء بس الواضح انها أعراض فقدان ذاكرة ..بدنا نتابع حالتها لنتأكد
قيس : كيف يعني ...معلش تشرحلي أكتر
الدكتور : الاصابة كانت عل الدماغ ويبدو انه المكان المتضرر كان مكان الذاكرة ....رح أعرض الملف على بقية الأطباء وبنقرر بعدها ....انت مابتعرف عنها أي شي يوصلنا لأهلها
_شرحتلك أنا كيف التقيت فيها ....بس بعرف طريقها كان للجادات
-أنا رح خبر الشرطة وهنن يشوفو شغلهن
-التفت قيس على صوت بكوتها يلي صار صداه بكل الحيطان
بعد يوميين الدكتور لقيس فيك تطلع من المشفى اليوم كل أمورك تمام
قيس : شو حيصير بالبنت
الدكتور : الشرطة عم تدور على أهلها لسه
قيس : شو حيصير فيها هلاء
الدكتور :..............نحنا عمالجزء الثالث
بعد ساعة بغرفة الأطباء
قيس قاعد على كرسي جنب المكتب وعيونه بالأرض
الصراحة أنا وهي بنعرف بعض عن طريق الفيس ونحنا بنحب بعض من أكتر من سنة وكان هاد اللقاء الأول النا
الدكتور : ليش كنت عم تنكر انك تعرفها
قيس : مابعرف ...يمكن مشان أهلي ...بس من جد أنا مابعرف أهلها ولا وين ساكنة غير انها بالجادات
الدكتور : أنا مضطر خبر الشرطة بهل الشي

قيس : ياريت واذا من هون لتخلص فترة علاجها ومابينوا أهلها أنا بدي طالعها معي وساعدها تشفى مظبوط
الدكتور : بصفتك شو بدك تاخدها ؟
قيس : أي شي واذا بيظبط نعمل زواج رسمي أنا مستعد
الدكتور :انت مقدر شو عم تحكي ؟
قيس : طبعا . أنا قلتلك اني بحبها وبعرف عنها تفاصيل كتير أكيد رح اقدر ساعدها تسترجع ذاكرتها
الدكتور : كلامك جريء مابعرف شو حيكون وجهة نظر الشرطة بالموضوع
قيس : أنا بدي ياك اتساعدني واعتبرها حالة انسانية ...انت أكيد بتعرف اذا بقيت مع شخص بحبها أحسن من انها تنتقل بين مراكز ممكن اتضرها أكتر ما تفبدها
الدكتور يلي كان عم يفتل بالمكان بتعجب ....صفن شوي صدقني رح اعمل جهدي لأني حاسك رجال شهم كان فيك تتخلى عنها بس انت أخدت القرار الصعب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انتهى اجتماعهن وكان بانتظاره عماد
قرب منه وسنده اتأخرنا أهلك عم بستنوك
_خدني لعندك مابدي ارجع عل البيت
عماد : وأهلك يلي عم ينتظروك
شد على ايده عم قلك مخنوق ومو قدران شوف حدا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ببيت عماد قيس عل الكنبة
عماد : لك انت عم تحكي عن جد .......كيف هيك عملت ؟
انت عرفان حالك شو عملت ....أنا مالي عم حاكيك بصفتي رفيقك بس أناالمحامي تبعك ولا نسيت القضايا يلي بالمحاكم المرفوعة ضدك
وأهلك انت بتعرف أبوك والناس شو بدك تقلهن .....لك أهلها , أهلها وقت يعرفوا مفكر رح يشكروك .....لك انت عم تزت حالك بالنار
قيس : لك عن أي نار عم تحكي ... عن النار يلي شاعلة هون (عم يضرب على صدره ) ماعم تنطفى ...
بلمحة ...متل الحلم كنت السيد والاستاذ والمعلم صرت النصاب والحرامي .....بعد ماكانت البواب كلها عم تتفتح الي
صرت اتخبى من الكل واتدارى من وجوه الناس ونظراتهن ومطالبتهن .......شوف أنا وين ؟؟؟
دائما بساير حالي هيك الله كتب بهل البلاد مابيربح غير الكبير ....
بتعرف أنا كم مرة باليوم بفكر بالانتحار ....أنا لشو هون ..ليش لساتني واقف هون
عماد : انت انسان مؤمن
قيس : بعرف وأنا هيك بقول اخسرت الدنيا خليني طول بالي حتى مااخس الأخرة ....بس كل مالها عم تضيق تضيق لدرجة رح اختنق ........سعل بقوة كبيرة ركض عليه عماد ...وين بخاخك ....اساتشق من بخاخ الربو تبعه ورجع راسه لورا عم يلتقط أنفاسه ......
قيس : ياريتني متت بدل الشوفير كنت ارتحت وانتو ارتحتوا معي
عماد : له ياصاحبي .....أنا مالي متوقعك ضعيف هيك
قيس : قبل الحادث ,كنت كتير مخنوق رفعت ايدي وسألت الله انت أكيد شايف انت أكيد الوحيد يلي بتعرف انه كله كذب ......اذا انت سمعان وشايف ليش تاركني لحالي أنا مارح أقدر لحالي ارجع وقف
واجت أمي وشغلت اذاعة القراءن الكريم وأول أية انقرأت

مابعرف شو المعنى أنا بشو اغلطت بس بعرف انه هل البنت أمانة برقبتي رح يكون كل شي صوري ورح اعمل جهدي رجعها لأهلها ..معافية ,

عماد : ........ وأنا رح كون معك لا تقلق أنا رح نسق مع الشرطة والمشفى وحاكي أهلك
نحاول انها تتذكر أي شي بيربطنا فيهم ....
قيس : في شوفها
الدكتور : طبعا ......بركي بتتذكرك ....
مشي قيس بتعب ليوصل لغرفتها عم يتمايل على رجله المربوطة (الحادث طلع من شعاب جسمه بس بقي مرتبط بتمزق شديد لأريطة رجله مارح يشفى بيوميين وبده ايام طويلة لترجع لرجله طبيعتها .......في قاعدة بداخله كانت تقول المصائب لا تأتي فرادة , ههههه ومن بين كل النظريات يلي كان مأمن فيها كانت هي النظرية أصدقهن )
الدكتور ماسك ايده وصلوا للغرفة سبقوا الدكتور بخطواته لداخلها ....وهو اتكى على طرف الباب عم يتأمل وجها..يلي وضحت ملامحه اختفى الشاش يلي كان لافف مكان الالم براسها والتف مكانه حجاب بلون الحشيش بأول فصل الربيع كانت عم تتأكد منه كل شوي عكس على وجها الأبيض وزاده جمال ...عم تحاكي الدكتور بتوتر وخوف وكأنها عم تستنى حدا يجي يأنقذها يساعدها بالأسئلة يلي ماعم تعرفلها جواب ......مالت الشمس بشعاعها لتداعب جفونها غمضتهن لتنهمر بينهم دمعة مجلجلة كاللؤلؤ ....
أمام هل المشهد كان كل شي صامت أمام قيس .....واترددت صدى كلمات أمها بنتي بانة أمانة برقبتك .....بنتي بانة أمانة .........
قيس : بااااااانة (بصوت عالي ) ومن غير وعي صوت اتردد بأدان الكل
بانة زادت دقات قلبها وتنفسها سريع .......اتوسعت عيونها ..ومتل ومضة بعقلها مرت الكلمات
{مجهول :الصبية خطيبتك .....وجه قيس ملتفت عليها ........}
بانة )عم تسحب نفسها ) انت خطيبي ؟؟؟؟؟؟؟؟؟؟؟؟؟؟؟

الجزء الثالث
بعد ساعة بغرفة الأطباء
قيس قاعد على كرسي جنب المكتب وعيونه بالأرض
الصراحة أنا وهي بنعرف بعض عن طريق الفيس ونحنا بنحب بعض من أكتر من سنة وكان هاد اللقاء الأول النا
الدكتور : ليش كنت عم تنكر انك تعرفها
قيس : مابعرف ...يمكن مشان أهلي ...بس من جد أنا مابعرف أهلها ولا وين ساكنة غير انها بالجادات
الدكتور : أنا مضطر خبر الشرطة بهل الشي
قيس : ياريت واذا من هون لتخلص فترة علاجها ومابينوا أهلها أنا بدي طالعها معي وساعدها تشفى مظبوط
الدكتور : بصفتك شو بدك تاخدها ؟
قيس : أي شي واذا بيظبط نعمل زواج رسمي أنا مستعد
الدكتور :انت مقدر شو عم تحكي ؟
قيس : طبعا . أنا قلتلك اني بحبها وبعرف عنها تفاصيل كتير أكيد رح اقدر ساعدها تسترجع ذاكرتها
الدكتور : كلامك جريء مابعرف شو حيكون وجهة نظر الشرطة بالموضوع
قيس : أنا بدي ياك اتساعدني واعتبرها حالة انسانية ...انت أكيد بتعرف اذا بقيت مع شخص بحبها أحسن من انها تنتقل بين مراكز ممكن اتضرها أكتر ما تفبدها
الدكتور يلي كان عم يفتل بالمكان بتعجب ....صفن شوي صدقني رح اعمل جهدي لأني حاسك رجال شهم كان فيك تتخلى عنها بس انت أخدت القرار الصعب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انتهى اجتماعهن وكان بانتظاره عماد
قرب منه وسنده اتأخرنا أهلك عم بستنوك
_خدني لعندك مابدي ارجع عل البيت
عماد : وأهلك يلي عم ينتظروك
شد على ايده عم قلك مخنوق ومو قدران شوف حدا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ببيت عماد قيس عل الكنبة
عماد : لك انت عم تحكي عن جد .......كيف هيك عملت ؟
انت عرفان حالك شو عملت ....أنا مالي عم حاكيك بصفتي رفيقك بس أناالمحامي تبعك ولا نسيت القضايا يلي بالمحاكم المرفوعة ضدك
وأهلك انت بتعرف أبوك والناس شو بدك تقلهن .....لك أهلها , أهلها وقت يعرفوا مفكر رح يشكروك .....لك انت عم تزت حالك بالنار
قيس : لك عن أي نار عم تحكي ... عن النار يلي شاعلة هون (عم يضرب على صدره ) ماعم تنطفى ...
بلمحة ...متل الحلم كنت السيد والاستاذ والمعلم صرت النصاب والحرامي .....بعد ماكانت البواب كلها عم تتفتح الي
صرت اتخبى من الكل واتدارى من وجوه الناس ونظراتهن ومطالبتهن .......شوف أنا وين ؟؟؟
دائما بساير حالي هيك الله كتب بهل البلاد مابيربح غير الكبير ....
بتعرف أنا كم مرة باليوم بفكر بالانتحار ....أنا لشو هون ..ليش لساتني واقف هون
عماد : انت انسان مؤمن
قيس : بعرف وأنا هيك بقول اخسرت الدنيا خليني طول بالي حتى مااخس الأخرة ....بس كل مالها عم تضيق تضيق لدرجة رح اختنق ........سعل بقوة كبيرة ركض عليه عماد ...وين بخاخك ....اساتشق من بخاخ الربو تبعه ورجع راسه لورا عم يلتقط أنفاسه ......
قيس : ياريتني متت بدل الشوفير كنت ارتحت وانتو ارتحتوا معي
عماد : له ياصاحبي .....أنا مالي متوقعك ضعيف هيك
قيس : قبل الحادث ,كنت كتير مخنوق رفعت ايدي وسألت الله انت أكيد شايف انت أكيد الوحيد يلي بتعرف انه كله كذب ......اذا انت سمعان وشايف ليش تاركني لحالي أنا مارح أقدر لحالي ارجع وقف

مابعرف شو المعنى أنا بشو اغلطت بس بعرف انه هل البنت أمانة برقبتي رح يكون كل شي صوري ورح اعمل جهدي رجعها لأهلها ..معافية ,

عماد : ........ وأنا رح كون معك لا تقلق أنا رح نسق مع الشرطة والمشفى وحاكي أهلك

#يتبع

الحب النقي🤍

الجزء الرابع +الجزء الخامس +الجزء السادس
بعد أسبوع
نزلوا كلهن من السيارة قدام بيت عربي قديم كانت مشوشة كتيير عم تتلفت حوليها وتطالع كل شي بعيونها
فتحت الباب ام قيس واستقبلتهن ودخلوا كلهن على أرض ديار فسحة سماوية بتتوسطها بحرة صغيرة
على طرافها شتلات من نباتات مختلفة .... فتلت الدنيا فيها ومضات لمعت براسها اتسارعت أنفاسها
\\\ بنات صغار عم يلعبوا حوليين البحرة عم يتراشششوا بالمي ويضحكو دخلت أمهن من المطبخ
الام :بس ترشوا بعضكم بالمي (المي فراق )....بانة : خلينا عم نلعب مبسوطيين \\\\\
قيس : بانة . بانة .انتي منيحة
أم قيس : شبك يابنتي
بعد ماارتاحوا واتغدوا كلهن أخدتها أخت قيس رولا على غرفة بالطابق الفوقاني ..
رولا :هي غرفة أختي المسافرة ظبطلك شراشفها ورتبتلك ياها و جبتلك كم قطعة تياب وطبقتلك ياهن هون بالخزانة ....غيري تيابك وارتاحي أكيد انتي تعبانة
بانة :شكرا ....انتو كم أخ
رةلا : أختي الكبيرة متزوجة بالسعودية وأنا وبعدنا قيس
_يعني انتي أكبر من قيس
أنا أكبر من قيس بسنة بس
وانتي؟؟؟؟؟ لسه مااتذكرتي شي عن عيلتك
بانة حنيت راسهاونفت : لا
رولا : معلش شوي شوي بتتذكري
أدن العصر أنا صار لازم روح صلي رح استأذن منك ....
بانة : الله معك ....
غيرت تيابها اتوضت وصلت واتمددت بالتخت غمضت عيونها
لترجع بخيالها للذكرى الأخيرة الام ,البنات,المي , والكل عم يضحك
بالليل اندق الباب نقرات خفيفة
بانة : مين ؟؟؟
قيس : أنا قيس بتسمحيلي أدخل
بانة : اتفضل
دخل بتوتر وخجل وهي واضح عليها نفس الشي
قعد على طرف كنبة مواجهة الها ......ليه قاعدة لحالك
_ من شوي اصحيت وأنا مابعرف حدا هون
_عم يتأمل الارض ...أهلي طيبين ...وانتي شوي شوي رح تتعرفي عليهن وتحبيهن
_ أنا بدي اتعرف على حالي ...بدي أعرف مين أنا
_ الدكتور طلب منا نهدى وهو شرحلي انه ممكن بموقف تتذكري كل شي وممكن تسترجعي ذاكرتك بفترة قصيرة
......أنا حابب أحكي معك شوي عن وضعنا , ....أنا وانتي ماكنا مخطوبين من قبل ولا بنعرف بعض ...أنا اتعرفت عليكي بيوم الحادث وركبنا بالتكسي سوا ....ووقتها أمك حاكتني وأمنتني فيكي .....لهيك أنا ماحبيت اتركك لحالك وعملت كل هل القصة لتكوني بأمان اكتر
بانة : ............
قيس : مااسمعت ردك
بانة : أنا وقت كنت بالمشفى كنت انت الوجه الوحيد يلي حسيته مريح ...مابعرف اذا كنا بنعرف بعض أو لاء المهم اني هلاء مالي حاسة بخوف
قيس : طيب هاد شي منيح ....فيكي ترتاحي اليوم ومن بكرا رح نطلع على بكير على المنطقة يلي كنتي رايحة عليها
وقف وقرب من الباب ...للحظات ضل واقف
بانة : في شي
قيس : دار وجه شوي مبتسم لا مافي شي
مدري شو السر فيها وهو كمان عم يحس حاله مرتاح كتير بقربها
الصبح بكير قاعد جنب البحرة عم يفكر بأول جلسة من القضايا يلي عليه رح صارت قريبة
عم يمسح وجه بكفوفه ليداري القهر والحيرة يلي هو فيها
سمع خطوات عم تقرب رفع راسه وشاف بانة عم تقرب من الدرج عم تمشي بطريقة غريبة مبتسمة ورافعة ايد وبأبدها التانية على حدايد الدرج
عم تنزل درجة وتنط عن درجة تانية ...قربت أم قيس وتابعتها مع ابنها بعيونها
ابتسموا هنن التنين كانت مبينة متل طفلة ملانة براءة عم تلعب
وبعد كم خطوة حست انهن عم يشوفها كملت الدرجات على مهل وخدودها اتسلل لالهن حمرة الخجل
أم قيس : شو كنتي عم تعملي يابنتي
بانة :أأأأه ...مم مبارح ارجعت اتذكرت طفلة كانت لابسة فستان وحاطة متل اشارب العروس على راسها عم تنزل عل الدرج وكأنها أميرة
فعدت المشهد تمثيل قلت بركي بتذكر أكتر
قيس: هههههه
بانة اتطلعت فيه بطرف عينها
قيس : هههههه أما شو مشاهد طفولة ...الانسة هيئتها مشيبة العيلة مرة مي ومرة أميرة أكيد رح تطلعي بنت قوية ومشكلجية
بانة (بغضب ) جد انت شو عرفك
قيس : هيك بتوقع
أم قيس : هه لا تردي عليه ....تعي بنتي حضري معي الفطور قبل مايصحوا الباقي مشان تروحوا على مشواركم كمان
بانة وهي ماشية خلف أم قيس ...اتطلعت بقيس رفعت حاجبها ومدت لسانها
قيس : أه ..... أمي
أم قيس : شو

بانة : عم تبتسم
قيس : لا ولا شي

طلعوا لمشوارهن وكان كل الطريق عم يتطلع ببانة متأمل انها تتذكر أي شي وكل ماوصلوا لمكان بسألها اذا اتذكرت وهي تنفي
مشيوا بالحارات واتأملوا العمارات .....بس بالنسبة لبانة ماكان شي واضح كل المشاهد غريبة
قيس :حاسة انك بتعرفي هل المكان ...حاسة انك متذكرة شي .
بلنة : لاء لاء مااتذكرت شي ماتذكرت ...واتكت على حيط قريب وقربت من الارض على مهلها وصارت تبكي
وقف قيس قدامها بلبكة مو عرفان شو يعمل وحس حاله يمكن ضغط عليها كتير

قيس: خلص ...مو مشكلة ...بتتذكري صدقيني
بانة : .....متابعة بكى
قرب منهن ولد صغير حامل طابة وعم يركض فيها
قيس : تعا حبيبي
الولد : نعم عمو
_ انت ساكت هون
_ايه هنيك بيتنا
_ طيب تعا شوف هل الصبية بتعرفها
اتطلع فيه الولد مستغرب من هل السؤال وبانة رفعت راسها وعيونها ورمانين من الدموع
قيس : عمو هي البنت مضيعة بيتها بتعرفها شي
الولد بين زعل عليها وهز براسه لاء وقرب منها وحضنها لا تبكي أنا باخدك على بيتنا بساويكي أختي وبنيمك بتختي لا تبكي
بانة حضنتوا ورجعت تبكي .....
قيس (عم يتأمل المشهد ) لاءعمو خلص روح عم امزح معك
تركهن الولد وركض لعند رفقاته
قيس : بانة أمشي قبل مايعمللنا هل الولد جرصة بالحارة
مشيت بانة جنبه مكسورة وكأن الدنيا بهديك اللحظة كانت بالابيض والاسود
قيس متوتر مو عرفان شو التصرف الصح عم يسرق نظراته لدموعها وعيونها التعبانة خطواتها المهزومة
مروا جنب بقالية صغيرة ..
قيس : لحظة ....دخل عل البقالية وكان صاحبها رجال كبير بالعمر
يعطيك العافية عم بدي تنين كولا وواحد فاين صغير
العم : من عيوني .....اتفضل ابني
قيس : عم انت الك زمان بهل المنطقة
العم : ايه من زماااان كتير أنا هون ابا عن جد بعرف الجادات شبر شبر وسكانها واحد واحد
قيس اتطلع ببانة والعم اتطلع فيها
العم : الصبية خطيبتك
قيس : أه ايه ....انت بتعرفها
العم : لا والله هي اول مرة بشوفها هي من هون
قيس (اتلبك وتوتر ) اسمعت في صبية ضايعة من اهلها هون
العم : مين قلك هل الحكي ؟؟؟
قيس : ولد صغير من شوي اسمعته هيك عم يحكي
العم : لا تصدقوا لو كان الخبر صح كنت أول واحد بعرف
بس من فترة أسبوعيين كان الاسعاف عنا ونقلوا رجال قال المسكين انفلج
قيس : يالطيف , الله يشفيه يارب .
العم : أمين
طيب شكر الك .....الله معك ابني
عم يمشوا قدام بعض فتح الكولا لبانة وعطاها ياها
بانة : ياالهي شو بيحكي هل الزلمة .....ماحبيته
قيس( مبتسم )وهلاء لوين
بانة : عل البيت كتير تعبانة بدي ارتاح
قيس : وأنا كمان اتعبت بس خلينا نمر بطريقنا عل السوق تجيبي تياب وغراض الك
بانة : خلص اختك جابتلي كم غرض
قيس : مو مشكلة بناخد كم قطعة كمان
.............وبعد تلت ساعات ...................
بمطعم شاورما .....
قيس : اتذكري هي المعلومة واصحك تنسيها
بانة :
قيس : هي أخر مرة بمشي معك عل السوق .....لك تلت ساعات على قطعتين
لك البياعين على شوي حيقلعونا تقليع من وراكي
بانة :الحق عليهن شو هل البضاعة يلي عارضينها ...لاذوق ولا قماش ولا تفصيل
قيس : حضرتك كنتي خياطة شي
بانة : ......معقول مابعتقد ...
قيس : صار يسعل بقوة طلع بخاخ الربو واستنشق
بانة : انت معك ربو ....
قيس : مابعرف شو معي ؟؟؟من فترة ست اشهر بس صرت أخده ....يمكن حالة نفسية
بانة :أ مممم تركت حبيبتك
قيس : ههههه لاء فشل مشروع خطبة
بانة : جد ماكنت بعرف انك كنت خاطب
قيس : سكت
يانة : عطيني المايونيز ....
قيس : اتفضلي .....(عم يتأملها وهي عم تاكل باستماع وشهية كبيرة وبنفس الوقت بأناقة لطيفة )
بانة : في شي على وجهي
قيس : هز براسه لا
بانة : لكن ليش ماعم تاكل
قيس:انتي وين بتروحي بالأكل
بانة : شو قصدك .. انا باكل كتير .....خلص اشبعت دايمة
ياريتني قبلت عرض الولد كان مبين حيدللني كتير
قيس : هههه ياريت وحينمك بتخنه ويساويكي أخته
بانة : لك شلون روحن من ايدي هيك عرض
قيس : هههههه خلص كملي أكلك أنا عم امزح....
بانة (رفعت كتافها ) مابدي خلص ...الحمد لله
قيس : طيب خلينا نرجع عل البيت رجلي صارت تجعني
وصلوا عل البيت متأخرين وكان الكل متجمعين ....
أم قيس : اهلين ابني طمني شو صار معكن
قيس : لسه ولا شي
أم قيس : مو مشكلة حبيبتي على مهلك بتتذكري كل شي
ححط العشا أبوك ماقبل ياكل لتجوا .....
قيس : بس نحنا اتعشينا
بانة : يلا خالة جاية ساعدك شو طابخة ؟؟
أم قيس : شاكرية ورز
بانة : أممم طيبة كتير يلا سخن معك ......
قيس : لك مو هلاء اتعشينا سوا
بانة : مو مشكلة في مكان لكل شي , وفي ناس ماهنونا بالاكل ,بعدين خالة معذبة حالها وطابخة وعمو عم ينتظرنا مو حلوة ماناكل معهم
قيس : هههه وازعلتي وقت سألتك وين عم تروحي بالاكل
أم قيس : اتركيكي منه تعي معي نجهز الاكل سوا والله انا حبيتك من اول ماشفتك
بانة رجعت اتجاكرقيس بحواجبها
قيس : هلاء هيك ياام قيس ......
قعد قيس مع ابوه خبره شو صار معهن أبو قيس كان رجال هادي ورايق
وبعد العشا سهروا مع بعض
طلعوا كل واحد على غرفته وقبل ماتفوت بانة على غرفتها كان ضو غرفة رولا شغال قربت من الباب سمعت صوتها جوا عم تبكي

دقت الباب عليها.....فتحتلها رولا بغطا الصلاة وعيونها حمر
بانة : أنا أسفة ...
رولا : أهلين حبيبتي ماحسيت عليكن وقت ارجعتوا
بانة : رولا ليه مانزلتي تسهري معنا
رولا : بحب اقعد بغرفتي اكتر
بانة : ......شو رأيك تشوفي التياب يلي اشتريتهن
رولا : ايه يلا فوتي لجوا لشوفهن
من جد ذوقك حلو وتنسيقهن مرتب كتير وغريب لتكوني مصممة أزياء
بانة : ....هيك قولتك ....قيس قال يمكن كون خياطة بس مابظن
رولا : بجوز اتكوني التنتين .....
بانة : رولا ...شو قصة خطبة قيس
رولا : هو قلك
بانة : هو قلي انه فشل بمشروع الخطبة بس ماقالي شو القصة
رولا : القصة انو مافي قصة بس الناس نسيت قول الله عزو جل فتبينوا ....
الناس بتاخد الخبر و بتنشره وبتكبره وبيروح ضحيته ناس كتير
وعلى قولة مافي دخان بلا نار وهنن بيكون النار والدخان سوا
بانة : معك حق ....بتعرفي انت بنت طيبة كتير
رولا : شكرا حبيبتي
بانة : انا بدي نام تصبحي على خير
رولا : وانتي من اهله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بغرفة قيس
عم يتقلب بتخته وهل المرة ماكانت همومه يلي قالقة منامه ومطيرة النوم من عيونه ....كان عم يسترجع بافكاره كل تفصيل صغير مر بالنهار الحلو
دموع بانة انهيارها ضعفها , ضحكتها , وحتى مناقرتهم مع بعض ,......عم يبتسم من غير ماينتبه
لف ايديه ورا راسه واتأمل بالسقف ...... ياترى اذا رجعتلها ذاكرتها شو حيصير
ماحب التفكير بالموضوع وانزعج لمجرد انه خطر على باله لف وجه واتغطى منيح ومن فترة قريبة صارت قاعدته بالحياة اتفكر كل يوم بس بالنهار يلي انت عايش فيه ولا تفكر ببكرا أبدا
وعلى هل الاساس ختم نهاره وغمض عيونه يجبرهن عل النوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بغرفة بانة
كانت عم تقرأ أذكار حست حالهن حافظتهن ....وهي مستغربة كيف مانسيت هل التفاصيل
نامت وهي عم تحلم بالطفلة يلي عاملة اميرة وبالاخوات يلي عم يلعبوا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الجزء الخامس
فاق الصبح عم يحك شعره ويفرك بعيونه
طلع من غرفته حامل بشكيره وصل على أرض الديار وسمع صوت حكي قرب من الغرفة الكبيرة ( الليوان )
كانت أم قيس وبانة ورولا عم يشربوا القهوة ويحكوا
أم قيس : صبــــــــــــــاح الخير أمي
قيس : صباح النور شو عم تعملوا
رولا : عم نشرب قهوة أخي , تشرب معنا
قيس : يلا رح غسل واجي لعندكن ...وين أبي
أم قيس : نزل على شغله من بكير
قعد بينهم عم يتسمع على أحاديثهن وبانة عم تبتسم معهن واتابع أحلديثهن بصمت
اتبادل النظرات هو وياها أكتر من مرة

بعد القهوة ..........قربت

بانة :قيس فيك اتوصلني لمكان اذا ماعندك شي اليوم
قيس : اتذكرتي شي وحابة تتأكدي منه
بانة : لا أنا حابة روح عل المشفى بدي قابل الدكتور واسأله كم سؤال
قيس: طيب بنفطر وبنروح عل المشفى
بانة : شكرا................... لفت وجهها بدها تمشي وتتركه
قيس : مو حلوة وانتي جدية هيك
ابتسمت ابتسامة صغيرة وتابعت مشيها
بالمشفى بغرفة الدكتور
_ أهلا وسهلا طمنوني عنكم اليوم
قيس : الحمد لله كل شي تمام
الدكتور : كيف صارت الانسة بانة ان شاء الله أحسن
بانة :ساكتة
قيس حكاله عن كل شي صار معهن
الدكتور : معلش لا تزعلي الموضوع بده شوية وقت وهدوء
بانة : بس أنا عم اعمل شغلات من غير ماتذكر عنها شي
متل الصلاة ووقت طلبت من المرضة تعطيني حجاب مع اني مو متذكرة حالي كيف بس حسيت هيك لازم اعمل
حتى قبل مانام عم اقرأ أذكار وأيات من غير مااتذكر كيف أنا بعرفهن
الدكتور : فقدان الذاكرة بيكون بال
أما المهارات عموما والعادات الدائمة يلي صارت متل المهارات بتضلي متذكرتيهم متل القراءة الرسم الموهبة يلي كانت عندك ولهل الشي اتذكرتي الحجاب واتذكرتي حفظلك للأيات
قيس :وهل المهرات فينا نحط تحتها بند الفتل بالسوق
الدكتور : هههه فيها تكون من المهارات يلي كانت تحب تمارسها وفيها تكون مصممة أو خياط:ة متل ماقلت
جربتي ترسمي
بانة : لا
الدكتور جربي وأنا متأكد شوي شوي رح تقدري تسترجعي ذاكرتك كلها
وانت قيس كيفها رجلك
قيس : الحمد لله حاسس فيها أحسن
اتفضل لغرفة الكشف خليني افحصها
الدكتور :ممتازممتاز مااتوقعتها تتحسن بهل السرعة
الواضح ياستاذ قيس حالتك النفسية عاكسه على صحتك
وهنن راجعين من المشفى انتبه قيس على شي وهو بالطريق
اتصل بعماد .......ألو

_اهلين قيس طمني شو خبرك الدكتور
_الحمد لله كل الامور تمام
_عماد عم انتبه عل الطريق ....في شي مو فهمانه
_شو هو
_المشفى يلي نقلونا عليه بعد الحادث بعييد كتير عن مكان الحادث وحتى بعيد عن البلد
وفي مية مشفى أقرب شو السبب
عماد : ماعندي فكرة عن الموضوع أنا بعرف يلي أسعفوكن ناس كانوا ماريين ونقلوكن بسيارتهم عل المشفى وماانتظروا الاسعاف لتصل
قيس : طيب عماد شكرا
عماد : قيس لا تنسى بعد يوميين أول محاكمة
قيس : مو نسيان , بين معك شي مشان حسام
عماد : فص ملح وداب .....
قيس :لا حول ولا قوة الا بالله
بانة : فيك شي
قيس : بس يمكن بهل اليوميين انشغل كتير
انتي في ببالك شي تعمليه .......
بانة : لا ....
ـــــــــــــــــــــــــــــــــــــــــــــــــــــــ
اجى موعد المحاكمة وضل قيس يروح من الصبح ومايرجع للضهر
يرجع على غرفته ويقفل عليه لتاني ينول من بكير
الكل بالبيت كان متوتر على قيس
بانة مالها عرفانة شو الموضوع والكل عم يتهرب من الاجابة
#Pure_love_رنابارودي

الجزء السادس

الجزء السادس

بقي الوضع على هل الحال أسبوع
وبعده رجع قيس وعماد عل البيت متأخرين قيس تركهن وراح على غرفته وعماد وأهله كانوا عم يحكوا

بانة بقيت بغرفتها عم اتابع من بعيد

الساعة 2 بالليل الكل نايم

قيس طلع من غرفته لا حظ اضاءة غرفة بانة مضاءة
اتذكر انه صرله فترة ماشافها مع انه عم يهرب من عيون الكل ونظراتهن بس ماقدر يمنع حاله يقرب من باب غرفتها نقر عليه نقرات خفيفة
بانة : مين ؟

قيس

_قيــس..............اتفضل

_ليه استغربتي

_بس فكرتك مو حابب تطلع من غرفتك

رمى حاله على تختها وهرب من سؤالها

_شو عاملة بالغرفة ؟؟؟

بانة : عجبتك

كانت عاملة ببيونات ولافة فيهن تقريبا كل شي بالغرفة

ولافة شرايط وقماش عل الكرسي عل النفوتة ولاصقة

قصاصات من الورق على مراية النفوتة

وقاطفة ورد ومشكلتهن بباقة صغيرة ومعبية الهن كاسة مي
اتلمس الوردات وابتسم ....الكرسي طالع متل الختيار مساعد باتمان
بانة : هههههه .... عم تغير صوتها هناك أحد بانتظارك سيدي

قيس : والتخت ....متل الادوات المتكلمة بالحسناء والوحش

بانة : أصلا أنا سميت الكرسي بالسيد أرثر والتخت السيدة نفيخة
اصحك تقعد عليها مرة تانية لأنها بتتدايق اذا حدا غريب منها قرب منها

قيس : هههههه وشو بتساوي اذا اتدايقت

بانة : مابعرف يمكن تاكلك !!

وهنن التنين عم يضحكو قرب من لصاقات الورق

وبعيونه عم يقرأهن

*وتذكر دائما أن المفتاح الاخير في حاملة المفاتيح هو مايفتح دوما *(1)

*يحدث أن يكون الاكتئاب فرصة ذهبية أعطتها الحياة لنا لنواصل التقدم في أمور تعني الكثير لقلوبنا , الا انها جراء تسرعنا أو اهمالنا ,قد أزيحت تحت السجادة , أخفيت , فنسيت *(2)

كأن هي العبارات لامست شغاف قلبه ابتسم بابتسامة باردة

بانة :هي العبارات حتى الانسان مايأمن بالفشل

قيس : وانتي شو بتعرفي عن الفشل .......

بانة : .........بعرف انه لازم ......

قيس : أه صح انتي مابتعرفي شي بس يمكن وقت تتذكري رح تكوني فاشلة متلنا نحنا البشر العاديين ولف بدو يطلع من الغرفة

اتلبكت بانة وعصبت احمروا خدودها وانحبست أنفاسها

تابع مشيوا خطوتين لبراة الغرفة وهي قفلت الباب وراه نزلوا دموعها

أنا لازم اتذكر كل شي لازم اطلع من هون

سمع همسها وقف على طرف الدرج .....التفت وراه كان بدو يرجع بس ماقدر
ـــــــــــــــــــــــــــــــــــــــــــــــــــــــــــــــــــ

تاني يوم بالليل بعد ماالكل نام
قرب من شباك غرفته وشاف ضو غرفتها لسه شغال
طلع عل الدرج حامل كيس صغير بأيده نقر على بابها ...ماسمع أي رد
انطفت اضاءة الغرفة .....بعدها بدقايق .....فهم الرسالة ترك الكيس على طرف الباب ونزل
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
الصبح صحيت

فتحت باب غرفتها وشافت الكيس فتحته .........كانت مخدة زهر على شكل سكرة ملفوفة

هدية من قيس للسيدة نفيخة وقت تحب تاكل حدا تاكلها الها

ابتسمت ودخلت على غرفتها

بالليل دخلت رولا لعند قيس

رولا .:مابدك تتعشا ......شو قصتكن انت وياها

قيس : شو قصدك

رولا : انت وبانة كل واحد حابس حاله بغرفته ومارضي حدا منكم ياكل شي اليوم

قيس : بانة ماطلعت من غرفتها اليوم

رولا :لا ومبارح كمان

قيس اتجلس من تخته وقعد عم يتطلع على غرفتها
وقف شوي .....قومي رولا لبرا بدي غير اتيابي
صار يدفشها

رولا : بس بس ليه عم تطلعني هيك

قيس : بسرعة أختي مستعجل

رولا : والله يااخي انت جنيت عل الاخر

قيس : هيك شي .....ااااااااوووووو

صار يطلع أصوات وهي عم تضحك

لبس الجينز وكنزته وحط طاقية الكات ......ورلا لاتجهزي عشا مالي مطول

رولا : ماشي

قربت أم قيس شبو أخوكي

انه الحب سيدتي

أم قيس : وانتي كمان حاسة ..............هههههه واضح

رجع من برا جايب عشا جاهز قرب من غرفة اهله وفرد الاكل رولا هاتي الصحون

يلا وحنادي لبانة .....لا تناديلها أنا طالع لعندها

رولا مبتسمة ماشي

قيس : بلبكة البنت أمانة برقبتنا ولازم ندير بالنا عليها
أنا طالع لعندها بدي شوف ليش قاعدة لحالها

أم قيس : ايه امي خود الاكل وطلاع لعندها البنت مااكلت من الصبح

حمل بايده الكاسات وبالايد التانية كيس الشاورما

ودقات قلبه عم تزيد ....سعادة ..ويمكن حب ...

وصل لباب غرفتها ونقره بقوة كبيرة خلتها ترتعب

بانة : مين شوفي

نقر بقوة أكبر فتحت الباب من غير ماتعيد السؤال

شعرها العسلي مفرود ووجها الملائكي ببجامة بيضا تخللتها خطوط من الاخضر الحشيشي عكس على لون عيونها يالله شو بحب هل اللون عليها ...

كانت لحظات حكت كتير من الكلام بصمت

بعد ثواني انتبهت للموقف سكرت الباب وهي وراه عم تبتسم
وهو جمدان بمكانه

غيرت تيابها وقربت من الباب بخجل لترجع تفتحه

قيس : وأخيراً فكرتك مارح تفتحي أبدا

بانة : ..................

قيس : وهو عم يفرد الاكل ......عرفت انك مااكلتي شي اليوم
وأنا كمان ماأكلت جبت شاورما نتعشي سوا

بانة : وأهلك

قيس : هنن قلعوني لعندك ...وعم يتعشوا سوا تحت يلا خدي من ايدي خليته يتوصا بالمايونيز

أخدتها منه
قيس : ايه ولوووو بدك تضلي هيك ساكتة

بانة عم تاكل وتبتسم ........أنا أسف مابعرف ليه هيك حاكيتك مع انه مافي مبرر للي صار

بانة : ..........

قيس : خلص صافي يالبن

هزت براسها ......ابتسم وتابعوا أكل

انتبه وراق مصفوفين على طاولتها قرب منها وكانت
رسمات وتصماميم لألبسة محجبات نسائية .....كانت بالالوان وبالتظليل الواضح انها رسمات محترفة بذوق وأناقة جذابة

_بانة هاد رسمك .....
_كنت بدي فرجيك ياهن هداك اليوم بس ماصار مجال ...شو رأيك ......

_معناها من جد كنتي مصممة من قبل

_مابعرف بس حسيت بسعادة كبيرة وأنا عم ارسم ...
عم.يقلب بالرسمات مدهوش .....اذا بتعرفي ترسمي ارسميني

بانة : ههههههه برسمك بشرط تتخلى عن هل الطاقية

ظبطها بأيده بلبكة ....مو من زمان أنا بحطها

بتسمحيلي أقعد على السيد أرثر

بانة : ههه اتفضل

قعد وهو سارح .....تصوري تكوني بنص أحلامك تصحي فجأة على أسوا كوابيسك
دخلت الجامعة بالاختصاص يلي بحبه درست وطلعت بمجموع عالي من الجامعة كان عندي أحلام كتير وأفكار وحماس اني ابتدي صح

كنت ماعم ضيع أي وقت ولا أي فرصة بتجيني اشتغلت بأكتر من مكان ودرست السوق واحتياجته ...وصار عندي خبرة منيحة انعرض علي عقد لسنتين بدولة عربية اقبلت وعملت بالمشروع هنيك ومع انه طلبوا تمديد العقد بس أنا رفضت ماكان حلمي ابقى بعيد

لا كنت بدي اعمل شي هون بقلب بلدي .....ارجعت ومعي مبلغ محترم وامكانية ممتازة لمشروع يكون مشروع العمر يأمن فرصة عمل لكتير شباب وبوظف طاقات كتير مهملة ...حزمت أمري وبلشت اشتغل عل الموضوع لحتى اجتمعت بحسام وعرض علي انكبر المشروع ونعمله أسهم ونبل كبار ....بشركة كبيرة تهز السوق من أول ماتطلع

عجبتني الفكرة واتحمست وبلشت أعرض عل الناس تشغيل أموالهن بالمشروع ولاني بدي ابقى أنا مدير مجلس الاداة اخدت كل شي تحت اسمي

كانت الفكرة يلي ببالي بلش كبيربتقبى كبير عل طول

وأناعم تابع الشغل وبلشت اعمل المعاملات يلي كانت كل شوي تتعسر من مكان وأنا غرقان بالتجهيزات

حسام اختفى ....يوم يوميين تلاتة ....وحسام قافل جواله ومومبينله أثر والمشكلة هو كان البديل الوحيد لالي لسحب الارصدة من البنك وهاد يلي انتبهناله متأخرين

بانة : شو يعني ؟؟

قيس : (رخى راسه عل الارض )اتنصب علينا ...اخد المصاري واختفى

بانة : وبعدين !!!!!!!

قيس : الناس عرفت بالخبر وبلشت اتطالب بمصاريها ...صار اسمي بينهم النصاب ماحدا صدق أو ماحدا فكر اني متلهن ضحية اتسكر المكتب

صارت الناس تلاحقني ,ارتفعت القضايا بالمحاكم ,كنت عم اسمع دعاءهن علي بأدني ,الله لا يسامحك , الله يصطفل فيك ,انهرت وتعبت نفسيتي صار معي حساسية عل الصدر اتحولت لربو وصار البخاخ ضروري لحالتي ولآن المصايب لا تأتي فرادى ....خطيبتي كمان اتخلت عني مابيناسيهن صهر نصاب ......صرت اتدارى من الناس خبي وجهي من تطليعاتهن وخبي عيوني من نظراتهن

لاجى يوم كنت ماشي فيه بالشوارع عم حاول دور على حسام أي أثر يربطني فيه , بيقولوا المجرم دائما بيرجع لمكان جريمته ووقت اتعبت من الدوران وقفت عل الموقف استنى تاكسي اترجعني عل البيت

كان الوقت متأخر وصبية حلوة قاعدة على كرسيه عم تحكي مع أمها وعيونها مدمعة ...........

بانة : أنا هي البنت

قيس : أمممم والباقي بتعرفي شو صار ؟

بانة : والمحكمة هلاء شو حكمت

قيس : عماد قدر يساعدني ووقف معي وقفة مارح انساها بحياتي قدرنا نثبت انه حسام يلي سحب المصاري

رجع لمكتب لاسمي بعد ماكان مسكر

والمحكمة قضت اني قسطت اموال الناس شهريا

مابقي غير اني اتوظف بشي وظيفة اقدر ادفع معها الاقساط ويمكن اذا بيوم حالفني الحظ وصار عندي ولاد بورتهن الدين واسم نصاب!!!!!!!!!

.............................
صبايا اعذروني بس يوم الجمعة كتير صعبة فيه الكتابة
رح حاول انهيها بسرعة وماطول عليك
يتبع

الحب النقي🤍

الجزء التاسع والاخير

بحالات فقدان الذاكرة حتى الأ
طباء بيعجزوا عن تفسير بعض الحالات .....
الدكتور فسر الحالة على انها مرحلة يمكن تقدر تتذكرها ويمكن لا وهاد الشي بيرجع لأكتر من عامل
نفسي ....

وصل للبيت تعبان الروح , أمه رولا ....طمنا قيس كيفها هلاء
قيس :الحمد لله اتذكرت أمها وكل شي صار معها قبل الحادث
رولا : وبعد الحادث ونحنا ......رفع ايديه ومشي (مابعرف )
أم قيس : عماد مع أبوك عم ينتظرك
دخل لعندهم .....عماد : نحنا لازم هلاء نخبر الشرطة ولازم انت تكون موجود بتقديم البلاغ
بعد تقديم البلاغ وتفتيش بيت أهل حسام
أم حسام نكرت كل شي وانه ابنها سافر ومابتعرف لأي بلد ....بس عن طريق وصولات الحوالات المالية حددوا مكان حسام


قيس كان بصراع كبير ,عم يحاول ماينهار كان عدم تذكرها اله اثبات انها ولا بيوم حبته
بالرغم من انه هل الفكرة خطرتله من قبل بس ماسمحلها تسيطر عليه ...بس هواجسه كانت صحيحة .
لحظتها حس بحقد كبير عل الحياة عل بانة ....كيف بتنساه وماسمحتله يناساها
تركتله بصمة بكل مكان بالبيت بالشارع بالحارة بالشغل مع صحاب الشغل مع فنجان القهوة مع الاكلة الطيبة هي قدرت تطلع منه ببساطة وهو كيف رح يقدر يطلع منها
قيس : مجرمة , بانة انتي المجرمة البريئة ..............
بعد تلت أيام
اتطمن الدكتور على حالتها وقرر انها صارت قادرة ترجع لحياتها الطبيعية , كان قيس عم يسمع
بقلبه ..(وأنا كيف رح أقدر ارجع لحياتي ........مع انه كان في أمل يرجعله كل شي خسره من قبل ومشروعه الجديد كان عم يكبر غريب انه مو معتبر حاله ربحان ,كان بيشبه يلي بيطمح بالجائزة الاولى وبيفوز بجائزة الترضية وهاد بالنسبة اله مو فوز )

أهل قيس وصلوا عل المشفى اتطمنوا عليها .....مع انها ماعرفتهن بس استقبلتهن استقبال حلو وأم بانة كل الوقت عم تتشكرهن
بعد مدة
الشرطة قبضت على حسام وقسم كبير من المصاري رجعت لقيس
رغم هيك قيس كان عم ينهار ببطئ وكل يلي حوليه حاسس فيه وماحدا قدران يقدم المساعدة
بانة رجعت لجامعتها ....قيس ضل على تواصل مع أم بانة وكان دائما يشوف طلباتهن
أبو بانة ابتدى بالعلاج الفيزيائي ......وصحته ابتدت تتحسن بعد ماكل شي انهد ابتدت ترجع تتصلح مع الكل
*تخال أحيانا أن الحياة أحالتك حطاما ولكن من الحطام ينبت نبات غض جديد تكتمل به الحياة أقوى ولينع وأجمل ....*

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بانة : غدير ياغدير يلا رح نمشي ونتركك
غدير : لحظة جاية ......
بانة : صرلك ساعة يلا ......
أم بانة : شوفي ؟ وين رايحين
بانة : رايحين انمشي بابا شوي ...الأخصائي قال الحركة منيحة الو
أم بانة : لا تتأخروا
بانة : ان شاء الله .........
كانوا ماسكين ايدين أبوهن عم يمشوه على مهل
بانة : بابا مرتاح ولا تعبت
أبو بانة : ااالحمدددلله مااتعبت
مروا من جنب ولاد عم تلعب ضحكت عيونها وابتسمت نزلت شوي من الارض ومدت ايدها لولد قرب منهن
_مرحبا كيفك ماتذكرتني ؟؟؟
_أمممم ....لحظة اتذكرت انتي هديك البنت يلي عم تبكي ..مين هدول ؟؟؟؟
_هي أختي وهي بابا
_قرب منها ووشوشها بأدنها .....ضحكت وقالت ايه
تركهن وراح يتابع لعب
غدير : مين هاد
بانة : ولد
غدير : جد يعني مين ؟
بانة :رفيقي .............
ـــــــــــــــــــــــــــــــــــــــــــــــــــــــــــــــــــــــــــــــ
بالبيت قيس كان تعبان كتير وأعراض الربو زادت عليه
أم قيس :ياأمي شو صرلك بقيت فترة منيحة بلاه ليش هلاء هيك رجعتلك الحاله
قيس : عم يسعل بقوة مابعرف ...اتصلي يعماد انروح عل المشفى
بالمشفى بغرفة الطوارئ بعد ماارتاح ..........
عماد : قيس الدكتور عم يقول حالتك النفسية ,هي يلي سببت هل الأزمة
قيس :........
عماد : أنا حاسس فيك بس انت طول بالك عليها شوي أكيد رح ترجع تتذكرك
قيس : كيف بدها تتذكرني عم تتجنبني , كل مابروح لعندهن مابشوفها واذا لمحتها بحاول طلع فيها مابشوف حالي فيهن بتهرب مني حتى بنظراتها , أنا بعيونها الشخص يلي نصب على أبوها
حتى عل الشغل لهلاء مانزلت مابعرف اذا بدها اتكمل ولا لاء ....أنا اتعبت , عم احتوق كل يوم
ــــــــــــــــــــــــــــــــــــــــــــــــــــــــــــــــــــــــــــــــــــــ
رجعت من الجامعة ...فتحت باب البيت كانت رولا وأمها مع بعض عم يشربوا قهوة
باتة : اهلا أهلا كيف صار وطلعتي من البيت
ااقصدي في شي جاية تزورينا ......
عم تبتسم رولا : منيح عرفتيني فكرتك نسيتيني كمان
بانة : أه بتذكر شفتك بالمشفى , أخت قيس صح ...

رولا : صح شو رأيك نتمشى شوي أنا سألت خالة وماعارضت
أم بانة : بترجعي مع بانة بتتغدي معنا
رولا : بحاول ان شاء الله
بانة ملبكة ومبين عليها التوتر ...مشيوا مع بعض ووصلوا لحديقة قعدوا على كرسي فيها
عم يتأملوا الولاد يلي عم تلعب
رولا : بانة ليه هيك عملتي
بانة : شو قصدك
رولا :....عيون الانسان بيفضحوا قد ماحاول يخبي
أنا شفت عيونك وقت كنا بالمشفى كنت عم تتطلعي بقيس وكأنك عم تودعيه كنت متأكدة انك ماانسيتيه ..مابعرف ليش عم تعذبي حالك وتعذبيه معك
بانة : ااانا مالي فهمانة عليكي
رولا : بانة لا تنكري انتي بتحبيه بس ماعم افهم ليش هيك عملتي !!!!
بانة :..............................
رولا : بانة جاوبيني بصدق
بانة : بتعرفي شو يعني تسترجعي ذاكرتك وتلاقي حالك فجأة بتحبي أكتر شخص كنتي تكرهيه
بلعت غصة تكورت بحلقها ....مابتتخيلي شو تعذبت أنا واهلي قبل الحادث كنت اكرهوا ادعي عليه وابكي واطلب من الله يكشف حقيقته

كنت معتبرته السبب بكل العذاب يلي نحنا فيه
عم تلملم دموعها بطرف اصبعها ....بابا كان عم يحاول يقوى وماينهار بس أنا كنت شوفه عم يبكي بغرفته بعد ماضاع منه كل شي بيت أهله وذكرياته ياي كان حابب يتركلنا ياها
رولا : ماسألتي حالك ليش هيك صار معك ؟ انتي طلبتي حقيقته تنكشف وربنا حطك بنص الحقيقة كل الناس ظلمت قيس ولتظهر الحقيقة حط أكتر حدا بيكرهوا بطريقه ليكتشف حقيقته الطيبة والحلوة وصدقه وأمانته ولأنه هيك ردله حقه يلي ضاع ...ورغم هيك هو مو مبسوط ولا سعيد ......
بانة : ...................بعرف وصدقيني أنا كمان تعبانة بس شي جواتي أكبر من اني اتجاوزه
رولا : بانة لا تلحقي الأوهام وتتركي الحقيقة , اذا الحقتي الوهم رح تندمي كل عمرك وصدقيني مافي أصعب من الندم ,لاتغلطي غلطي يابانة مابيعرف مرار الندم غير يلي وقع فيه
بانة : رولا انتي كلك ألغاز مع اني بشوفك بنت حلوة وطيوبة وأخلاقها عالية بس انتي بتحكي عن حالك غير هيك ؟؟
رولا : قصتي يابانة عن غلطة رح ادفع كل يوم بعمري تمن الها أنا قبل مااتزوج كان الي رفقات بالجامعة وواحد منهن اسمه زياد في بينا شي خاص من نظرات وتلميحات بقينا فترة هيك كان كل شي حلو وبرئ بأثناءها اتقدملي زوجي وصار النصيب وانقطعت أخبارنا أنا وهو عن بعض
زوجي كان انسان بسيط همه عيلته وشغله بس وبطبيعة شغله كان يجي يوم ايه يوم لاء عل البيت وبعد سنه ونص وتأخر الحمل بلشت حس بالملل والروتين عملت فيس واتواصات من أصدقائي القدمى ومن بينهم شفت صفحة زياد وصوره بالرحلات وبالمطارات وكان مقيم بغير محافظة بعتله طلب صداقة وقبلني حكينا مع بعض كان متزوج جديد وماعنده ولاد وبقينا نحكي فترة كلام عادي وضحك ومزح وعم نتعلق ببعض أكتروبيوم طلب نلتقي بمطعم الفندق يلي نازل فيه بنفس محافظتنا حابب يشوفني بعد كل الايام الماضية اترددت بالاول بس الفضول وكلامه انه مشتاق ليشوفني التقينا ومدح كتير جمالي طلبنا العصير قلي شو رأيك نطلع عل الغرفة أريح من هون أنا مابدي حدا يشوفك وسببلك مشاكل وافقت من غير تفكير وعم اتصرف بلا عقل طيرني للعالي بكلامه كيف ضيعني من ايده وهو ندمان ولو بيقدر ياخدني من الدنيا كلها ويخبيني بقلبه كلامه مااسمعته من قبل ...هل الكلمات متل المخدر بالغرفة ماحسيت غير وأنا عملت كل شي برفضه كل شي حرام !!!!..مشيت بسرعة عل البيت وكل الوقت عم ابكي كيف هيك صار وين كان عقلي حسيت حالي وسخة اتحمممت اتحممت ماكنت عم انضف اتطلعت على غرفة نومي خفت نام عليها صارت المواقف ترجع لعقلي كيف ضحك علي كيف استغباني بس لكون نزوة تجربة ليش وليش ولليوم عم اسأل حالي هل السؤال
...بقيت فترة مبعدة عن زوجي ومااقبل يقرب مني كان أنضف واطيب من اني خليه مع وحدة متلي ارجعت على بيت أهلي وطلبت الطلاق كنت كل ماطلع بعيونه استصغر حالي أكتر
لليوم أنا عم اطلب من ربي يغفرلي ياريت تنمسح هل القصة من حياتي ياريتني ارجع للوقت يلي كانت فيه أول محادثة ...ماكانت اقبلت احكي ولا اضحك ولا امشي ولا قابل حدا غير جوزي ...المشكلة الناس كلها بتشوفني منيحة وأنا بعرف حالي مو هيك ومع انه مو هاممني الناس همي ربي يغفرلي يمحيلي ذنبي لو بدي كمل عمري كله عم استفغر بس ينسيني هل الذكرى ويمحيها من أعمالي
بانة ضمتها ولأول مرة رولا بتبكي بهل القوة هي
بانة :رولا بسم الله الرحمن الرحيم (لَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ ﴿١٣٥﴾
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بانة رجعت عل البيت تعبانة , اتمددت بتختها لفت وجها عل الحيط عم تخبي دموعها
قربت منها أمها
اتصل قيس اليوم
بانة : اااايه شو بده
أم بانة : قال انتي كنتي السبب بنجاح مشروعه لهيك حيكون الك قسم من الأرباح كراتب شهري وبكرا عم ينتظرنا بمكتب رفيقه المحامي عماد
بانة : ليش ؟؟؟
أم بانة : حتى تفسخوا عقد الزواج يلي صار ...وهيك مابيبقى شي يربطك فيه
غصة كبيرة و كأن قلبها تمزق نصفين نصفٌ معه ونصفٌ عليه ولكن حتى النصف الذي عليه قد تواطئ عليها ليصير معه طلعت منها شهقة قوية امتزجت بصوت دموعها
أم بانة : والله كان قلبي حاسس قلب الام بيحس ......
اهدي أمي اهدي ....كل شي بيتصلح ...
بانة : مو بأيدي صدقيني .أأأنا مابدي خونكم انتي وبابا ...هو عذبكن
أم بانة : ليش هيك عم تحكي يابنتي الشب ماله ذنب ولو كان ابن حرام ماكنتي انتي اليوم بينا
خلص هدي حالك وبوعدك كل شي يتصلح
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالورشة
قيس : عماد جهزت كل شي
عماد : كل شي جاهز والمخالعة حتكون الساعة التمانة المسا
قيس : .....
عماد : قيس , قيس .....ليش استعجلت كان ممكن بانة تتذكر انت بتحبها وعقد زواجكن كان صحيح مية بالمية ماكان ناقصه غير تكملة الاسم والعقد مرفق بحالتها بهداك الوقت نحنا هلاء بس بنصحح الاسماء وبصير كل شي تمام
قيس : هيك أحسن وهيك بصدق انه كل شي انتهى وبقدر ارجع لحالي اسرع
كان في صوت برا المكتب .....
قيس: عماد برجع بحكي معك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالورشة بين العاملات متجمعين عم يضحكو ويحكو
قيس : شوفي ليش هيك متجمعين
بعدوا عنها ودارت وجها عم ترسم بسمة صغيرة بخجل وبأيدها مصنف
قيس: بانة
بانة : كيفك قيس كنت بدي فرجيك ...المصنف
قيس : خلينا نفوت عل المكتب .....أبو علي تنين شاي
أبو علي : حاضر معلم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالمكتب .....هنن التنين ملبكين ومتوترين
بانة : هدول رسومات قديمة كانت عندي حبيت فرجيك ياهن بدي عدل شوي عليهن
حمل المصنف وبلع ريقه
_ يعني انتي حابة تكملي معنا بالمشروع
_ اذا ماعندك مانع
_ لا ...بس رح تقتدري تتذكري طبيعة الشغل
_ مو مشكلة أنا مابنسى شي بحبه (وجه )
وقفت وبعدت عنه .أنا اتأخرت عل البيت .قرب لباب المكتب.....
قيس: باانة .....
بانة : ......
قيس : بانة جاوبيني أأأنا , أنا مين من ذكرياتك الوحش ولا الطيب أنا مين شو الوجه يلي بخيالك قلبك ماتذكر شي ولابحياته ماحس فيني
بانة :وقفت بمكانها وكان الجواب صعب يطلع
قرب منها مسكها ولفها لعنده ....أأنا مين ؟
نزلت دمعتين من عيونها ....رفع ايده عم يمسحهن ...انتي متذكرتيني
ابتسمت *الحب.وقت بينطبع بالقلب متل الوشم بيرافقك طول العمر ومستحيل تقدر تنساه *
قيس : ليه كنتي عم تعذبيني
بانة : كنت عم اتعذب أكترصدقني ......
قيس : كيف قدرتي ؟؟؟؟وكيف طاوعك قلبك
بانة : مين قلك انه طاوعني هو يلي جابني لهون
قربها اله وضمها
اندق الباب ودخل أبو علي : الشاي معلم
قيس ملبك وبانة عم تضحك
قيس : توقيتك ممتاز أبو علي
روح خبر البنات بالمشغل انهن يرجعوا لبيوتهم والمسا كلكن معزومين على عرسنا
يانة : قيس شو عم تحكي كيف اليوم
قيس : أنا قلت اليوم يعني اليوم
يانة : شوف ماتبلش ؟؟؟ هلاء بلغي الموضوع كله
قيس : هل المرة مو على كيفك !!!!
أبو علي : ليش استاذ مو انتوا متزوجين
قيس : لك صح .اسمعتي الموضوع طلع من ايدك
أبو علي روح اعميل متل ماقلتلك وبعدين بتفهم ....
وانتي امشي عنا تجهيزات كتير ....يادوب نلحق
بانة : وبركي أهلي رفضوك
قيس : مو مشكلة بنعمل حادث مرة تانيه وبتفقدي الذاكرة وبتبقي عندي وخليهن يلاقوكي ساعتها
بانة : لا مابتعملها
قيس : اتجربي
بانة : هههههه
ــــــــــــــــــــــــــــــــــــــــــــــــــــــــــــــــــــــــــــــــــــ
العرس تم وكان الكل سعيد وفرحان بفرحتهن
يلي عم يدير الدنيا رب عظيم وبحياتها الحقيقة ماضلت مخباية لهيك لازم ننتبه من الظلم الفرق بين الحق والباطل بسيط االفرق بين اسمعت قيل عن قال وبين شفت بعيني واتأكدت
أكتر عبارة بكرهها مافي دخان بلا نار وهو كلام الناس بيعمل النار والدخان مع بعض
نحنا مسلمين والله عزوجل قال (﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ )

آلُنْہآيَہ 🦋

بداية القصة 🤍🌸
@Stories_3

رأيكن بالقصة🧚‍♀👇
@Stories_3_bot
لاتنسو التفاعل 🔥❤️‍🔥
@Stories_3